1. Pif­fis­sar­put Jehovamut qanoq ator­tarsin­naavar­put?

 ASASAGUT ilagis­sal­lugit nuan­narisar­par­put. As­sersuutigalugu aap­pariil­luar­tut marluin­naanis­sar­tik pingaar­tit­tar­paat. Inuusut­tut ikin­ngutigil­luak­kamin­nik peqateqarusut­tar­put. Tamat­talu up­peqatigut pif­fis­saqarfigis­sal­lugit nuan­narisar­par­put. Pingaar­nerusumil­li pif­fis­sar­put Jehovamut atorusut­tar­par­put. Taamaaliorsin­naavugut qinusar­nik­kut, Biibilimik atuar­tar­nik­kut Guutil­lu siuner­taanik pis­susiinil­lu nuan­nersunik eq­qarsaatigin­neq­qis­saar­tar­nik­kut. Aap, pif­fis­saq Jehovamut ator­tagar­put uagutsin­nut naleqangaar­poq! – Tuss 139:17.

2. Sooq Jehovap pif­fis­saqarfiginis­saa ajor­naatsuin­naaneq ajor­pa?

² Jehovamut pif­fis­samik atuiner­put nuan­naarutigigaluarlugu ajor­naatsuin­naaneq ajor­poq. Ulapit­taqaagum­mi taamaat­tumil­lu anersaak­kut sam­misaqar­nis­samut pif­fis­saarut­toorsin­naasarluta. Sulif­fip­put, ilaqutariin­ni akisus­saaf­figut al­lal­lu pisariaqar­tut pif­fis­sar­tor­nangaarmata qinunis­samut, atuaq­qis­saar­nis­samut eq­qarsaatigin­neq­qis­saar­nis­samul­lu pif­fis­saqan­ngitsutut misigilersoorsin­naasar­pugut.

3. Pif­fis­satsin­nik atorluaanis­samut suut akor­nutaasin­naap­pat?

³ Pif­fis­satsin­nik atorluaanis­samut aam­ma al­lat akor­nutaasin­naap­put. Mianersun­ngik­kut­ta pif­fis­saq Jehovamut qanil­liar­tor­nis­samut atorsin­naagaluarlugu as­sigiin­ngitsut im­mini ajor­tuun­ngik­kaluar­tut akor­nutigilersin­naavagut. As­sersuutigalugu eq­qis­sisimaar­nis­samut pif­fis­saqar­tariaqar­tar­pugut. Sukisaarsaarutil­li ineriar­tor­nar­tuugaluil­luun­niit pif­fis­sar­torfigival­laarutsigit anersaak­kut tun­ngasunut pif­fis­saarutipal­las­sin­naavugut. Eq­qaamasariaqar­par­put sukisaarsaarutit  pingaar­ner­paan­ngim­mata. – Uss 25:27; 1 Tim 4:8.

4. Al­laaserisami matumani suut sam­mis­savagut?

⁴ Al­laaserisami matumani sam­mis­savar­put qanoq pingaar­nersiuil­luarsin­naasugut. Aam­ma pif­fis­sar­put Jehovamut qanoq atorluarsin­naanerip­put taamaalior­ner­pul­lu qanoq iluaqutigisin­naanerip­put sam­mis­savagut.

5. Inuusut­tut pitsaaner­paamik aalajangiiniar­nermin­ni Efesosimiut 5:15-17 al­las­simasut qanoq iluaqutigisin­naavaat?

⁵ Inuuninni pitsaanerpaaq qineruk. Inuusut­tut inuuner­tik qanoq pitsaaner­paamik atorsin­naanerlugu eq­qarsaatigisar­paat. Ilin­niar­titsisunit ilaqut­tamin­nil­lu Nalunaajaasuun­ngitsunit qaf­fasis­sumik ilin­niagaqar­nis­samut kajumis­saar­neqar­tar­put. Taamatut ilin­niagaqar­nermi pif­fis­sarujus­suaq ator­neqar­tar­poq. Akerlianil­li angajoq­qaamin­nit ilagiin­nilu ikin­ngutimin­nit kajumis­saar­neqar­tar­put inuuner­tik Jehovamut kif­far­tor­nis­samut atoq­qul­lugu. Inuusut­toq Jehovamik asan­nin­nini tun­ngavigalugu pitsaaner­paamik qanoq aalajangiisin­naava? Efesosimiut 5:15-17 al­las­simasut atuarlugil­lu eq­qarsaatigeq­qis­saarunigit iluaqutigis­savaa. (Atuaruk). Versit taak­ku atuareerlugit im­minut ima aperisin­naavoq: ‘Jehovap suna piumasaraa? Qanoq aalajangiiguma nuan­naar­tis­savara? Pif­fis­sara qanoq pitsaaner­paamik atorsin­naavara?’ Eq­qaamasariaqar­par­put “ul­lut ajor­tuum­mata” Saatanilu nunarsuarmik aqutsiun­naangajalermat. Jehovap iluarisaatut inuuniarluta aalajangerut­ta silatusaas­saagut.

6. Mariap suna toq­qar­paa, taman­nalu sooq silatusaar­nerua?

⁶ Pingaarnersiuigit. Ilaan­nik­kut pif­fis­satsin­nik atorluaajumal­luta sam­misas­sanit marlun­nit im­mini ajor­tuun­ngik­kaluanit toq­qaasariaqar­tar­pugut. As­sersuutigalugu taamani Maria Mar­thalu Jiisusimit pulaar­neqarmata pisut eq­qarsaatigik­kit. Mar­tha Jiisusimik pulaar­toqar­nini nuan­naarutigigamiuk nerisas­siuul­lugu ulap­puser­poq. Qatan­ngutaali Maria Jiisusip ilin­niar­titsinera pis­sarsif­figil­luarumal­lugu eq­qaanut ingip­poq. Mar­thap iliuusii ajor­tuun­ngil­lat, Jiisusili oqar­poq ‘Mariap ajun­ngin­neq qineraa’. (Luk 10:38-42) Mariap tas­sani sutorsimanini puiorsimas­savaa, Jiisusil­li ilin­niar­titsil­luni oqaasii puiun­ngisaan­narai qular­nan­ngilaq. Jiisusimik najor­teqarsin­naanini Mariap pingaar­tingaar­paa. Taamatut­taaq uagut pif­fis­sat­ta Jehovamut atorsin­naanera pingaar­tip­par­put. Pif­fis­saq taan­na qanoq pitsaaner­paamik ator­tarsin­naavar­put?

7. Sooq qinusar­neq, atuaq­qis­saar­tar­neq eq­qarsaatigin­neq­qis­saar­tar­nerlu pingaaruteqar­pat?

⁷ Eqqaamajuk qinuneq, atuaq­qis­saarneq eqqarsaatigin­neqqis­saarnerlu guutisiornitsinnut ilaam­mata. Qinugaangat­ta Ataatar­put qilam­miusoq uagutsin­nil­lu asan­ningaar­toq at­taveqarfigisar­par­put. (Tuss 5:8) Biibilimik atuaq­qis­saaraangat­ta Guutimit, tamanit ilisimas­suseqar­ner­paasumit, ilin­niar­tin­neqar­tar­pugut. (Uss 2:1-5) Eq­qarsaatigin­neq­qis­saaraangat­ta Jehovap pis­susii nuan­nersut taas­sumalu uagutsin­nut pin­ngor­titaminul­lu tamanut siuner­taa eq­qarsaatitsin­niitit­tar­pagut. Pif­fis­saq pitsaanerusumik ator­neqarsin­naan­ngilaq, ilaa? Pif­fis­sarli Jehovamut atugar­put qanoq pis­sarsif­figil­luar­ner­paasin­naavar­put?

8. Jiisusip inoqajuitsumi pif­fis­saminik atorluaanera qanoq ilin­niarfigisin­naavar­put?

 ⁸ Ajornan­ngippat nipaatsumiigit. Jiisusi maligas­saal­luar­poq. Nunarsuarmi kif­far­tor­nini aal­lar­tin­ngitsiarlugu ul­luni 40-ni inoqajuitsumiip­poq. (Luk 4:1, 2) Nipaatsumiin­nini atorluarlugu Jiisusi akor­nusersor­neqarani Jehovamut qinuvoq taas­sumalu piumasaanik eq­qarsaatigin­neq­qis­saarluni. Qular­nan­ngitsumil­lu taman­na misilin­neqangajaler­nerminut piareersaatigil­luarsimas­savaa. Jiisusi qanoq ilaarsin­naaviuk? Arlaqarlusi najugaqatigiik­kus­si angerlarsimaf­fis­sin­ni nipaatsumiif­fis­saqar­nis­saq ajor­nakusoorsin­naavoq. Taamaap­pat silamiin­neq iluaqutigis­savat. Julie pif­fis­saqarluarluni Jehovamut qinuniaraangami taamaalior­tar­poq. Uinilu Frankrigimi inis­siami mikisumi najugaqar­put, taamaat­tumil­lu akor­nuteqarani kisimiif­feqar­nis­saq ajor­nakusoor­poq. Julie ima nas­suiaavoq: “Kisimiil­lunga akor­nusersor­neqar­nanga Jehovamut qinorusut­tar­punga. Taamaat­tumik ul­lut tamaasa nipaatsumut pisut­tuar­tar­punga.”

9. Jiisusip Jehovamut at­taveqar­nini pingaar­til­lugu ulapik­kaluarluni qanoq ersersit­tar­paa?

⁹ Jiisusi inuunermini ulapit­taqaaq. Sumun­naraluaraangamiluun­niit inup­pas­suar­nit malin­neqar­tar­poq. Ul­lut ilaan­ni ‘il­loqarfiup inui tamarmik’ Jiisusi takujumal­lugu “matup silataani katersuup­put”. Jiisusili ulapit­taraluaqaluni Jehovamut qinunis­saminut pif­fis­saqar­niar­tar­poq. As­sersuutigalugu ul­laaralaak­kut seqineq suli nuin­ngitsoq Jiisusi eq­qis­sil­luni Ataataminut qinujumal­luni ‘inoqan­ngitsumukar­poq’. – Mark 1:32-35.

10-11. Mat­thæusi 26:40, 41-lu naaper­torlugit Jiisusip ilin­niar­titani qanoq kajumis­saar­pai, susoqar­pali?

¹⁰ Jiisusi nunarsuarmi kif­far­tor­nermini naam­mas­singajalerluni toqus­silu aqagut­toq qinujumal­luni eq­qarsaatigin­neq­qis­saarumal­lunilu nipaatsumiif­fis­sarsioq­qip­poq. Taamaat­tumik naatsiivim­mut Getsemanemukar­poq. (Matt 26:36) Tas­sani Jiisusip apustilit qinuneq pil­lugu pingaarutilim­mik ilin­niar­tip­pai.

¹¹ Pisut eq­qarsaatigik­kit. Kingusis­suk­kut, im­maqa un­nuaqeq­qata kingor­na, Jiisusi ilin­niar­titanilu naatsiivim­mut Getsemanemut apuup­put. Taava avin­ngarul­luni qinujar­tun­ngin­nermini eq­qumaan­naq­quai. (Matt 26:37-39) Jiisusili qinutil­lugu siniler­put, Jiisusil­lu taman­na takul­lugu kajumis­saaq­qip­pai eq­qumaq­qul­lugit qinujuaq­qul­lugil­lu. (Matthæusi 26:40, 41 atuakkit). Nalun­ngilaa misigis­sutsik­kut naner­tisimal­lutil­lu qasusut, misigin­neqataangaarlunilu oqar­poq ‘uinik qajan­nar­tuusoq’. Sulilu marloriarluni Jiisusi qinujar­tor­poq, uter­nerminilu takusar­paa ilin­niar­titani qinunatik sinit­tut. – Matt 26:42-45.

12. Naner­tuutigisagut qasuner­pul­luun­niit pis­sutigalugu qinunis­samut nukis­saqar­nata misigigut­ta qanoq iliorsin­naavugut?

 ¹² Piffis­saq­qis­sukkut qinusarit. Inup­pas­suit naner­tuuteqar­pal­laarlutik qasual­laarlutil­luun­niit misigisar­put qinunis­sar­tik nukis­saqarfiginagu. Il­lit taamatut misigisaruit qanoq iliorsin­naavit? Ul­loq naggaserlugu Jehovamut qinusar­tut ilaasa paasisimavaat siusin­nerulaar­tuk­kut qasual­laan­ngin­nermin­ni qinusar­neq pitsaanerusoq. Al­lat aalajangersimasumik inis­sisimal­lutik, soorlu is­siatil­lutik seeq­qum­merlutil­luun­niit, qinunis­sar­tik iluarinerusar­paat. Taavami isumakuluuteqar­pal­laarlutit nikal­lungaval­laarlutil­lu qinunis­sat nukis­saqarfiginagu misigiguit? Taamaap­pat misigis­sutsitit Jehovamut saq­qum­miutik­kit. Qularutigis­san­ngilat Ataatat­ta nal­lit­tuingaar­tup paasisin­naas­sagaatit. – Tuss 139:4.

13. Pif­fis­samut Jehovamut im­mik­koor­tin­nikuusatsin­nut ator­toris­saarutit elektroniskiusut qanoq akor­nutaasin­naap­pat?

¹³ Atuaq­qis­saarninni allamut saasartin­naveersaar­tarit. Qinunerup saniatigut Guutip oqaasianik atuaq­qis­saar­neq ataatsimiigiar­nerlu Jehovamut qanin­nerulis­sutigisar­pagut. Atuaq­qis­saar­nermut ataatsimiin­nermul­lu pif­fis­saq im­mik­koor­tin­nikuusat qanoq pis­sarsif­figil­luar­ner­paasin­naaviuk? Im­minut ima aperigit: ‘Atuaq­qis­saar­niaraangama ataatsimiik­kaangat­taluun­niit suna al­lamut saasaatigisar­para? Sianerfigitin­nera, al­lagarsineraluun­niit?’ Ul­lutsin­ni inuit mil­liardil­lit mobileqar­put al­lamil­luun­niit elektroniskiusumik ator­toris­saaruteqarlutik. Ilisimatuut ilaat oqar­tar­put suliaqar­tut mobilimik eq­qamin­niit­toqar­til­lugu al­lamut saasar­teriaan­naasar­tut. Taak­kua ilaat ataaseq ima oqar­poq: “Eq­qarsaatigut al­lamut saat­tarmata suliar­put aal­lup­pal­laarun­naar­tar­par­put.” Ataatsimeersuar­nerup aal­lar­tin­ngitsiar­nerani ilisimatin­neqar­tar­pugut ator­toris­saarutit elektroniskiusut allanut akor­nutaan­ngin­nias­sam­mata nipaarutsit­taq­qul­lugit. Uaguttaaq kisimiil­luta pif­fis­sar­put Jehovamut atuleraangatsigu akor­nusersor­neqaq­qunata nipaarutsit­tarsin­naavagut?

14. Eq­qarsaatit­ta al­lamut saasar­tin­ngin­nis­saan­nut Jehovap qanoq ikiorsin­naavaatigut? (Filip­pimiut 4:6, 7)

¹⁴ Eqqarsaatitit allamut saasarteq­qunagit  Jehovamut ikioq­qugit. Atuaq­qis­saar­nin­ni ataatsimiin­nermiluun­niit eq­qarsaatitit al­lamut saaq­qajaap­pata Jehovamut ikioq­qugit. Er­numas­sutit isumakuluutil­lu anersaak­kut it­tunik sam­misaqar­nitsin­ni eq­qarsaatigin­ngik­kal­lar­nis­saat pingaaruteqangaar­poq, taamaalior­nis­sarli saper­narsin­naavoq. Taamatut misigigaangavit eq­qis­sineq il­lit ‘uum­matin­nik eq­qarsaatin­nil­lu ser­nis­suisar­toq’ qin­nutigisaruk. – Filippimiut 4:6, 7 atuakkit.

15. Pif­fis­samik Jehovamut atuinerup iluaqutis­sar­taasa ilaat ataaseq suua?

¹⁵ Qinuneq, Biibilimik atuaq­qis­saar­neq Jehovalu pil­lugu eq­qarsaatigin­neq­qis­saar­neq pif­fis­saqarfigisaruk­kit iluaqutigingaas­savatit. Qanoq? Siul­ler­tut, aalajangiil­luarnerusalis­saatit. Biibilimi al­las­simavoq kinaluun­niit ‘ilisimasunik peqateqar­toq ilisimas­suseqalersar­toq’. (Uss 13:20) Ilisimas­suseqar­ner­paarlu, Jehova, pif­fis­saqarfigisaruk­ku ilisimas­suseqar­nerulis­saatit. Aam­ma taas­suma iluarisaanik aalajangiinis­saq iluarin­ngisaanil­lu iliuuseqar­naveersaar­nis­saq ilik­kas­savatit.

16. Sooq pif­fis­samik Jehovamut atuineq ilin­niar­titsil­laq­qin­nerulis­sutigisar­par­put?

¹⁶ Aap­paat­tut, ilin­niartitsil­laq­qin­nerulis­saatit. Biibilimik ilin­niar­titsinitsin­ni ilin­niar­titat­ta Jehovamut qanil­linis­saa pingaar­ner­tut siuner­tarisar­par­put. Akulikin­nerusumik Jehovamut at­taveqaraangat­ta taan­nalu pil­lugu ilin­niarluta Jehova asaneruler­tar­par­put. Jehovalu asanerulerutsigu ilin­niar­titar­put Jehovamik asan­nin­nis­saanut ilin­niar­til­luar­nerusin­naas­savar­put. Jiisusip maligas­siaa eq­qarsaatigiuk. Ataatani asan­nip­palul­luni eq­qar­tor­tarmagu ilin­niar­titaasa Jehova asajuminar­tin­neruaat. – Joh 17:25, 26.

17. Sooq qinuneq atuaq­qis­saar­nerlu up­persuseqar­nerulis­sutigisar­pagut?

¹⁷ Pingajuat­tut, uppersuseqar­nerulis­saatit. Jehovamut siulersoq­qul­lutit, tup­pal­lersaq­qul­lutit an­ner­toq­qusersoq­qul­lutil­lu saaf­figin­nik­kaangavit susoqar­tar­nersoq eq­qarsaatigiuk. Jehovap qin­nutitit akigaangagit up­persuseqar­neruler­tar­putit. (1 Joh 5:15) Up­persuseqar­nerulerumal­lutit qanoq al­latut iliorsin­naavit? Nam­mineq atuaq­qis­saar­tarit, ‘up­per­nermi tusak­kanit pilersin­neqar­tar­poq.’ (Rom 10:17) Ilisimasaqarluar­nerli up­persuseqarlualer­nis­samut naam­man­ngilaq. Taavami susariaqar­pugut?

18. Eq­qarsaatigin­neq­qis­saar­nerup pingaaruteqas­susia nas­suiaruk.

¹⁸ Ilik­kak­kagut eq­qarsaatigeq­qis­saar­tariaqar­pagut. Tus­siaat 77-imik al­lat­tup misigisaa eq­qarsaatigiuk. Taan­na aliasup­poq misigigami  Israelik­koqatinilu Jehovamit iluarisaajun­naarsimal­lutik, un­nuak­kul­lu eq­qarsaatimi an­nikil­lior­tit­tarmani sinin­naveer­tar­poq. (Versit 3-9) Taava qanoq ilior­pa? Jehovamut ima oqar­poq: “Isumaliutigaara piliarsuit tamaat, eq­qarsaatigaak­kalu suliatit tamaasa.” (Versi 13) Jehovap in­nut­tani pil­lugit iliuuserisimasai ilisimagaluarlugit suli ima eq­qarsar­poq: “Guutip saam­maasuunini puior­neramiuk? Kamas­simanermit nal­lit­tuinini soraarun­ner­paa?” (Versi 10) Jehoval­li iliuuserisimasai sior­natigul­lu misigin­neqataal­luni nal­lit­tuisarsimanera eq­qarsaatigeq­qis­saaler­pai. (Versi 12) Tamatuma suna kinguneraa? Tus­siaasior­tup up­peril­luin­naler­paa Jehovap in­nut­tani im­miniigin­nar­navian­ngik­kai. (Versi 16) Taamatut­taaq il­lit pil­lutit in­nut­tanilu pil­lugit Jehovap iliuuserisimasai eq­qarsaatigeq­qis­saar­taruk­kit up­persuseqar­nerulis­saatit.

19. Jehovamut pif­fis­samik atuiner­put qanoq al­latut iluaqutigis­savar­put?

¹⁹ Sisamaat­tut pingaar­ner­tul­lu, Jehova asanerulissavat. Jehovap naalan­nis­saanut, nuan­naar­tik­kumal­lugu pil­liuteqar­nis­samut misilin­neqar­ner­nilu tamani piner­tusaar­nis­samut asan­nin­neq kajumis­sis­sutaaner­paavoq. (Matt 22:37-39; 1 Kor 13:4, 7; 1 Joh 5:3) Jehovamut qanimut at­taveqar­neq nal­ler­nis­saqan­ngilaq. – Tuss 63:2-9.

20. Qinunerup, atuaq­qis­saar­nerup eq­qarsaatigin­neq­qis­saar­nerul­lu pif­fis­saqarfiginis­saat qanoq qulak­keersin­naaviuk?

²⁰ Eq­qaamajuk qinuneq, atuaq­qis­saar­neq eq­qarsaatigin­neq­qis­saar­nerlu Jehovamut pal­lorfigin­nin­nitsin­nut ilaam­mata. Taamaat­tumik pif­fis­saqarluarlutit Jehovamut qinujumal­lutit Jiisusitut nipaatsumiif­fis­sarsior­tarit. Al­lamut saasaataasin­naasunit akor­nusersor­teqinak. Anersaak­kul­lu it­tunik sam­misaqar­til­lutit eq­qarsaativit al­lamut saaq­qajaan­ngin­nis­saan­nut Jehovamut ikioq­qusarit. Pif­fis­sat maan­na atorluar­taruk­ku nunarsuar­taas­sami Jehovap naas­saan­ngitsumik inuuneqalersis­savaatit. – Mark 4:24.