1-2. Sooq ukiut tamaasa eqqaaniaaqataasar­pugut?

 UKIUT 2.000-ngajaat matuma siorna naas­saan­ngitsumik inuunis­satsin­nik periarfis­sil­luta Jiisusip inuunini uagut pil­luta tun­niup­paa. Toqussi aqagut­toq Jiisusip malin­nitsini peq­quai asan­nit­tuliorluni pil­liutini iffiaq-qaqor­toq viin­nilu atorlugit persuarsiun­ngitsumik nal­liut­torsior­tar­nik­kut eqqaaniar­tas­sagaat. – Kor 1. 11:23-26.

² Jiisusi qaman­nga pisumik asagatsigu peq­qus­sutaa naalat­tar­par­put. (Joh 14:15) Ukiut tamaasa eqqaaniaanerup nalaani qujamasun­ner­put assigiin­ngitsutigut ersersit­tar­par­put. Jiisusip toqunerata qanoq isumaqar­nera eqqarsaatigisarlugulu pil­liutaa qinunik­kut qujamasuutigisar­par­put. Aamma oqaluus­sinerunis­sar­put nuan­naarutigisar­par­put inuit sapin­ngisamik amerlaner­paat pisumi immik­kut ittumi najuun­nis­saan­nut qaaq­qul­lugit. Aamma soorunami qanorluun­niit nalaataqaraluarutta eqqaaniaaqataanis­sar­put aalajangiusimavar­put.

3. Allaaserisami matumani suut sam­mis­savagut?

³ Jehovap kif­faasa Jiisusip toquneranik eqqaaniaajumal­lutik pingasutigut qanoq sapin­ngisamin­nik iliuuseqarsimasut allaaserisami matumani sam­mis­savagut: (1) Jiisusip qanoq eqqaaniaanis­samik peq­qus­sutaata maleruar­neratigut, (2) eqqaaniaanermut qaaq­qusinik­kut aamma (3) imaan­naan­ngitsunik  nalaataqaraluarluni eqqaaniaaqataanik­kut.

4. Ukiut tamaasa eqqaaniaanermi ilumoor­tut suut sam­mineqar­tar­pat, taak­kulu sooq pingaar­tit­tariaqar­pagut? (Luk­karsi 22:19, 20)

⁴ Ukiut tamaasa eqqaaniaanermi Biibilimik tun­ngavilim­mik oqalugiar­toqar­tar­poq, oqalugiaam­milu apeq­qutit arlal­lit ersaris­sumik akineqar­tar­put. Paasitin­neqar­tar­pugut inuit sooq uter­titsis­sutitut akiliut pisariaqar­tin­neraat aamma inuup ataatsip toqunera qanoq inup­pas­suit ajor­tuliaan­nik isumak­kiisin­naasoq. Iffiaq-qaqor­toq viin­nilu sunut assersuutaanersut kik­kullu assersuutinik ilangiis­sanersut paasineqar­tar­poq. (Lukkarsi 22:19, 20 atuakkit). Aamma nunarsuarmi naas­saan­ngitsumik inuunis­samik neriugisal­lit siunis­saat nuan­nersoq eqqarsaatigeq­qis­saar­tar­par­put. (Es 35:5, 6; 65:17, 21-23) Ilumoor­tut taakku pingaar­tit­tariaqar­pagut. Inuit mil­liardil­lit Jiisusip pil­liutaata naleqangaar­nera paasinagulu qujamasuutigin­ngilaat. Aamma Jiisusip ilin­niar­titsis­sutigineratut toquneranik eqqaaniaaneq ajor­put. Sooq taamaappa?

5. Apustilit amerlanersaasa toqoreer­nerisa kingorna inuit Jiisusip toqunera qanoq eqqaaniar­taler­paat?

⁵ Jiisusip apustiliisa amerlanersaasa toqoreer­nerisa kingunin­ngua kristumiuunerar­tut ilagiin­nut ilan­ngup­put. (Mat 13:24-27, 37-39) Taakku ‘ilin­niar­titat malin­naatik­kumal­lugit ilumoor­tumik kil­lormut saatitsip­put’. (ApS 20:29, 30) Ilin­niar­titsis­sutigisaasa eqqun­ngitsut ilagaat Jiisusi “inup­pas­suit ajor­tuliaat nam­mak­kumal­lugit ataasiaam­mik” imminut pil­liutigin­ngitsoq, Biibilimilu allas­simasunik naaper­tuutin­ngitsumik ilin­niar­titsip­put pil­liutaa pil­liutigineqaqat­taar­tariaqar­toq. (Hebr 9:27, 28) Nalitsinni inup­pas­suit ilin­niar­titsis­sut eqqun­ngitsoq taanna upperaat. Naalagiar­tar­put – ilaan­nik­kut ullut tamaasa – nerliiviliar­niarlutik. Katuul­lit upperaat nal­liut­torsior­nermi iffiaq-qaqor­toq viin­nilu allan­ngor­tar­tut tas­saalerlutik Kristusip timaa aavalu. Isumaqar­put ilangiigaangamik Jiisusip timaa aavalu pil­liutigineqaq­qit­tar­tut. Kristumiuunerar­tut allat akut­tunerusumik Jiisusip toqunera eqqaaniar­tar­paat, Jiisusilli pil­liutaa qanoq isumaqar­nersoq paaser­piar­nagu. Ilaat eqqarsar­tar­put: ‘Jiisusip toqunera pis­sutigalugu ajor­tuliakka ilumut isumak­keerfigineqarsin­naap­pat?’ Sooq taama eqqarsar­tar­pat? Jiisusip toqunerata ajor­tulianik isumak­keerfigin­nis­sin­naan­ngin­neraasunit sun­ner­neqarsimagamik. Kristumiut ilumoor­tut Jiisusip pil­liutaata qanoq isumaqar­nerata Jiisusillu toquneranik eqqor­tumik eqqaaniaasar­nis­sap paasinis­saanut inuit qanoq ikiorsimavaat?

6. 1872-imi Biibilimik Atuaq­qis­saar­tar­tut suna paasivaat?

⁶ 1870-imi Biibilimik Atuaq­qis­saar­tar­tut ikit­tun­nguit Charles Taze Rus­sel­l siulersor­tigalugu peq­qis­saarlutik Biibilimik atuaq­qis­saar­taler­put. Jiisusip pil­liutaata isumaqar­nera toqualu qanoq eqqaaniar­neqar­tas­sanersoq pil­lugit ilumoor­tut paaserusup­paat. 1872-imi paasisimavaat Jiisusi inuit tamarmik uter­tin­neqaatis­saat­tut pil­liuteqar­toq. Paasisatillu iser­tor­nagit atuak­kat, aviisit atuagas­siallu aqqutigalugit ingerlateq­qip­paat. Tamatuma kingunin­ngua kristumiut siul­liit ilaarlugit ukiumut ataasiaan­narlutik eqqaaniaasaler­put.

7. Biibilimik atuaq­qis­saar­tar­tut misis­suisimanerat qanoq iluaqutigaar­put?

⁷ Ukior­pas­suit matuma siorna kristumiut taak­kua misis­sorsimasaat iluaqutigaagut. Jiisusimmi pil­liutaa qanoq isumaqar­nersoq  Jehovap ikiuineratigut paasisimavar­put. (Joh 1. 2:1, 2) Aamma paasivar­put inuit Guutip iluarisai marlun­nik Biibilimi neriuuteqar­tut – ilaasa toqujuil­lutik qilam­miin­nis­sar­tik allallu mil­lionil­lit nunarsuarmi naas­saan­ngitsumik inuunis­sar­tik neriuutigaat. Jehovap uagutsin­nik asan­ningaar­nera Jiisusillu pil­liutaa inut­tut ataasiak­kaatut qanoq iluaqutigingaarip­put eqqarsaatigigaangatsigit Jehovamut attaveqarluar­neruler­tar­pugut. (Pet 1. 3:18; Joh 1. 4:9) Taamaat­tumik qatan­ngutigut aalajaatsut ilaarlugit inuit allat Jiisusip ilin­niar­titsis­sutigisaatut eqqaaniaaqataanis­samut qaaq­qusar­pagut.

8. Jehovap kif­fai eqqaaniaanermut qaaq­qusiniarlutik qanoq iliorsimap­pat? (Asseq takuuk).

⁸ Jehovap kif­fai eqqaaniaanermut ukior­pas­suarni qaaq­qusisarsimap­put. 1881-imi USA-mi qatan­ngutit angerlarsimaf­fimmi Alleghenymi Pen­nsylvaniamiit­tumi eqqaaniaaqataanis­samut qaaq­quneqar­put. Kingusin­nerusuk­kut ilagiit tamarmik immik­kut eqqaaniaasar­put. Marsimi 1940-imi oqaluus­sisar­tut paasitin­neqar­put oqaluus­sif­figisar­tak­kaminni inuit soqutigin­nit­tut tamaasa qaaq­qusin­naagaat. 1960 aal­lar­nerfigalugu ilagiit naqitanik qaaq­qusis­suteqar­nis­saat Betelip isumagaa. Taamanimiilli qaaq­qusis­sutit mil­liardil­lit agguaan­neqarsimap­put. Sooq aal­lus­sil­luarluta qaaq­qusiniar­tar­pugut?

9-10. Eqqaaniaanermut qaaq­qusisar­ner­put kik­kut iluaqutigisar­paat? (Johan­nesi 3:16)

⁹ Eqqaaniaanermut qaaq­qusisar­nitsin­nut pis­sutaasut ilagaat najuuteq­qaar­tut Jehovap Jiisusillu inuit tamaasa pil­lugit iliuusaan­nik paasin­nil­luar­nis­saat kis­saatigigatsigu. (Johannesi  3:16 atuaruk). Neriup­pugut eqqaaniaanermi takusatik tusak­katillu kil­lin­neqaatigalugit ilin­niarusun­nerulerlutillu Jehovamut kif­far­tor­tun­ngorumas­sasut. Allalli aamma qaaq­qusiner­put iluaqutigisar­paat.

¹⁰ Aamma Jehovamut kif­far­torun­naarsimasut qaaq­qusar­pagut. Taamaalil­luta paasitit­tar­pagut Guutip suli asagai. Qaaq­quneqar­tut ilar­pas­sui najuuk­kaangata nuan­naarutigingaar­tar­par­put. Eqqaaniaaqataagaangamik Jehovamut kif­far­toral­laramik qanoq nuan­ner­tigisimanersoq eqqaasin­neqar­tar­put. Monica eqqarsaatigeriaruk. b Nap­paas­suup COVID-19-ip atuun­nerani oqaluus­sinermi peqataasaleq­qip­poq. 2021-mi eqqaaniaaqataareerluni ima oqar­poq: “Eqqaaniaaneq manna uan­nut immik­kut ittuuvoq. Ukiuni 20-ni siul­lermeerlunga oqaluus­sil­lungalu inun­nik eqqaaniaanermut qaaq­quseqataavunga. Jehovap Jiisusillu uan­nut iliuuserisimasaat qujamasuutigingaarak­kit sapin­ngisara tamaat qaaq­quseqataavunga.” (Tuss 103:1-4) Inuit qaaq­qusis­sutitsin­nut naameeraluar­pataluun­niit aal­lus­sil­luarluta eqqaaniaanermut qaaq­qusisar­pugut nalun­ngin­natsigu Jehovap ilungersor­nigut pingaar­tik­kai.

11. Aal­lus­sil­luarluta eqqaaniaanermut qaaq­qusiner­put Jehovap qanoq pil­luaq­qusimavaa? (Haggaji 2:7)

¹¹ Aal­lus­sil­luarluta eqqaaniaanermut qaaq­qusiner­put Jehovap pil­luaq­qusimavaa. 2021-mi COVID-19 pis­sutigalugu kil­lilersuineqaraluar­toq eqqaaniaanermi najuut­tut 21.367.603-ul­lutik aatsaat taama amerlatigaat. Tassa nunarsuaq tamak­kerlugu Jehovap Nalunaajaasuisa marloriaataat sin­nerlugu! Jehovalli najuut­tut qas­siunersut soqutigiin­nar­nagu inuit ataasiak­kaat soqutigineruai. (Luk 15:7; Tim 1. 2:3, 4) Qularutigin­ngil­luin­nar­par­put qaaq­qusinitsigut inuit eqqor­tuliorusut­tut naninis­saan­nut Jehovap ikior­taraatigut. – Haggaji 2:7 atuaruk.

12. Suut pis­sutigalugit eqqaaniaaqataanis­saq ajor­nakusoor­tis­sin­naavar­put? (Asseq takuuk).

¹² Jiisusi siulit­tuivoq ulluni kingul­lerni assigiin­ngitsor­pas­suar­tigut imaan­naan­ngitsunik nalaataqas­sasugut. Taak­kua ilagaat ilaqut­tanit akerlilersor­neqar­neq, malersugaaneq, sorsun­nerit nap­paatillu tunil­laas­sor­tut. (Mat 10:36; Mak 13:9; Luk 21:10, 11) Ilaan­nik­kut tamakku pis­sutigalugit Jiisusip toquneranik eqqaaniaaqataanis­saq ajor­nakusoor­tis­sin­naavar­put. Qatan­ngutigut imaan­naan­ngitsunik nalaataqaraluarlutik qanoq eqqaaniaaqataasimap­pat, Jehovamillu qanoq ikior­neqar­pat?

13. Artemip sapiil­luni eqqaaniaaniarluni aalajanger­nera Jehovap qanoq pil­luaq­quaa?

¹³ Parnaarus­saaneq. Qatan­ngutigut upper­ner­tik pis­sutigalugu par­naarus­saaq­qasut sapin­ngisamin­nik Jiisusip toquneranik eqqaaniaasar­put. Artem eqqarsaatigeriaruk. 2020-mi eqqaaniaanerup nalaani inimi angutinik tal­limanik inigineqarsin­naasumi 17 kvadratmeteriusumi par­naarus­saaq­qavoq. Taamaak­kaluar­toq eqqaaniaanermut ator­tus­saminik pis­sarsisin­naasimavoq nam­minerlu eqqaaniaanermi oqalugiar­nis­sani pilersaarusiorlugu. Par­naarus­saaqataali pujor­tar­tarlutillu assut oqaasipilut­tar­put. Qanoq iliorpa? Par­naarus­saaqatini aperai akun­neq ataasiin­narluun­niit oqaasipilun­natillu pujor­tar­naveersaarsin­naanersut. Artemip tup­paal­laatigeqisaanik eqqaaniaanermi taamaalior­niar­natik akuersip­put. Artemip eqqaaniaaneq pil­lugu  oqalut­tuuk­kusuk­kaluarai tusaruman­ngil­lat. Artemilli eqqaaniaanerata kingorna takusatik tusak­katillu pil­lugit apersor­paat.

14. COVID-19-imik nap­paalanersuaqaraluar­toq eqqaaniaajumal­luni qanoq iliuuseqar­toqarpa?

¹⁴ COVID-19-imik nappaalanersuaq. Nap­paalanersuaqalermat Jehovap kif­fai eqqaaniaanermi pisar­nermis­sut katersuus­sin­naan­ngil­lat. Taamaak­kaluar­torli eqqaaniaap­put. c Ilagiit periarfis­sal­lit inter­netik­kut eqqaaniaap­put. Inuimmi mil­lionil­lit inter­netimut attaveqan­ngitsut? Nunat ilaanni oqalugiaat fjer­nsynik­kut radiuk­kul­luun­niit aal­lakaatin­neqar­poq. Tamatumalu saniatigut ungasis­sumi najugal­lit eqqaaniaaqataanias­sam­mata oqalugiaatip oqaatsinut 500-it sin­nerlugit amerlatigisunut immiun­neqar­nis­saa immik­koor­tor­taqarfiit isumagaat. Qatan­ngutillu immius­sat taakku pisariaqar­titsisunut tun­niuk­kiar­tor­paat.

15. Sue qanoq ilin­niarfigaajuk?

¹⁵ Ilaqut­tanit akerlilersor­neqarneq. Ilaasa eqqaaniaanermut peqataanis­samut unam­miniar­nar­tin­ner­paasaat  tas­saavoq ilaqut­tanit akerlilersor­neqar­neq. Biibilimik ilin­niar­titaq Suemik atilik eqqarsaatigeriaruk. 2021-mi eqqaaniaaneq aqagut­toq Sue Biibilimik ilin­niar­titsisuminut oqar­poq angerlarsimaf­fim­mini akerlilersor­neqar­nini pis­sutigalugu najuus­sin­naanani. Taava taas­suma Luk­karsi 22:44 atuar­paa nas­suiarlugulu artor­nar­torsioraangatta Jiisusi ilaarlugu Jehova qaman­nga pisumik qin­nuigalugulu tatigisas­sagip­put. Aqaguani Suep iffiaq-qaqor­toq viin­nilu piareersar­pai ullaak­kullu Biibilimik eqqar­tuineq immik­kut ittoq jw.org-ik­kut isigin­naarlugu. Unnuk­kut inimini kisimiitil­luni oqarasuaatik­kut eqqaaniaaqataavoq. Tamatuma kingorna Sue Biibilimik ilin­niar­titsisuminut allap­poq: “Ippas­saq sapiis­suseqalersip­parma. Sapin­ngisara tamaat eqqaaniaaqataajumal­lunga iliuuseqar­punga, Jehovallu ikior­paanga. Nuan­naangaarlungalu qujamasungaarama qanoq oqas­sanerlunga naluara!” Illit assingusumik nalaataqaruit isumaqar­pit Jehovap ikiorsin­naagaatit?

16. Sooq qularin­ngilar­put eqqaaniaaqataajumal­luta ilungersor­nigut Jehovap pil­luaq­qus­sagai? (Romamiut 8:31, 32)

¹⁶ Jiisusip toquneranik eqqaaniaajumal­luta ilungersor­nigut Jehovap pingaar­tingaar­pai. Uagut pil­luta iliuusiinut qujamasun­ner­put ersersik­kaangatsigu pil­luaq­qujumaaraatigut qularis­san­ngilar­put. (Romamiut 8:31, 32 atuakkit). Taamaat­tumik ukioq manna eqqaaniaaqataanis­sar­put eqqaaniaanerullu nalaani Jehova pil­lugu iliuuseqar­nerunis­sar­put aalajangiusimatigu.