1-2. Imermut morsutsitaanerup kingorna suna iliuuseriuar­tariaqar­par­put? Nas­suiaruk.

 ANGERLARSIMAF­FIIT qanoq akulikitsigisumik eqqiar­tar­piuk? Immaqa iser­tin­ngin­ninni eqqiarluaq­qaar­pat. Kingor­natigulli eqqiaasarun­naaruit qanoq kinguneqas­sava? Pujoral­lipal­lal­lunilu iper­tuun­ngupal­las­saaq. Angerlarsimaf­fiit torersuutis­sagukku akulikitsumik eqqiar­tariaqar­pat.

² Aamma isumatsin­nut pis­susitsin­nullu taamaap­poq. Soorunami imermut morsutsitaan­ngin­nitsinni ‘timitsin­nik isumatsin­nillu mingutsitsisar­tut suul­luun­niit piiarlugit minguiar­niarluta’ inuunitsin­nik allan­nguiniarluta sulis­suteqangaatsiarsimavugut. (Kor 2. 7:1) Maan­nali apustilip Paulusip siun­nersuutaa una maleruar­tariaqar­par­put: ‘Eqqarsar­taasersi nutaanngorsartuarsiuk.’ (Ef 4:23) Allan­nguiniar­tuar­nis­sar­put sooq pisariaqarpa? Saatanip silarsuaani mingun­nar­tunit sunil­luun­niit sun­ner­teriaan­naagatta. Tamanna pin­ngin­nias­sam­mat Jehovamullu iluarisaajuas­sagutta eqqarsar­taaser­put, pis­suser­put kis­saatigisagullu misis­sor­tuar­tariaqar­pagut.

3. ‘Isum­map allan­ngor­tin­nis­saa’ qanoq paasisariaqarpa? (Romamiut 12:2)

³ Isumar­put, tassa eqqarsar­taaser­put, allan­ngor­tis­sagutsigu qanoq ilior­tariaqar­pugut? (Romamiut 12:2 atuaruk). Grækerisut oqaatsit “isumarsi allan­ngor­tis­siuk”-mik nutser­neqar­tut aamma ima nutser­neqarsin­naap­put: “Isumarsi  nutar­tersiuk”. Taamaat­tumik ajun­ngitsulianik amerlan­ngitsunik inuunitta kusas­sar­nis­saa pineqan­ngilaq. Qamuunali qanoq ittuuner­put misis­sor­tariaqar­par­put Jehovallu najoq­qutas­siai sapin­ngisatsin­nik maleruar­nias­sagatsigit pisariaqar­tumik allan­nguil­luta. Ataasiaan­narluta taamaalius­san­ngilagut, taamaalior­tuar­tariaqar­pugulli.

4. Nalitsinni pis­sutsinut naleq­qus­sar­nis­sar­put qanoq ingalas­simasin­naavar­put?

⁴ Naam­mal­luin­nar­tun­ngorutta Jehovap iluarisaatut tamatigut iliuuseqar­tuaan­nas­saagut. Taman­nali angutin­nagu Jehovamit iluarisaajumal­luta tamaviaar­tariaqar­pugut. Maluginiaruk Romamiut 12:2-mi Paulusi allam­mat Guutip qanoq piumaf­figigaatigut ilisimanias­sagatsigu isumar­put allan­ngor­tit­tariaqarip­put. Guutimut kif­far­tun­ngitsut inooriaasian­nut ilatsiin­narata anguniagas­sagut aalajangigas­sagullu Guutip eqqarsaataanit qanoq sun­ner­neqar­tiginersut paasiniarlugu imminut misis­soq­qaar­tariaqar­pugut.

5. Jehovap ulluata nal­liuf­fis­saata qanil­lineranut tun­ngatil­lugu eqqarsaatigut qanoq misis­sorsin­naavagut? (Asseq takuuk).

⁵ Assersuuteqariarta. Jehovap kis­saatigaa ‘ullormi nal­liuf­fis­saa eqqarsaatigiuas­sagip­put’. (Pet 2. 3:12) Apeq­qutit uku eqqarsaatigik­kit: ‘Inooriaasin­nit erserpa naggatis­saq qanoq qanil­litigisoq paasisimagiga? Ilin­niar­nis­samut sulif­fit­taar­nis­samullu tun­ngatil­lugu aalajangigas­san­nit erserpa Jehovamut kif­far­tor­nera inuuninni pingaar­ner­paatil­lugu? Jehovap ilaqut­tak­kalu isumagiumaaraatigut upperaara, imaluun­niit pigisatigut isumakuluuteqar­tuar­punga?’ Inuunitsinni sutigut tamatigut sapin­ngisatsin­nik piumasamisut iliuuseqar­niarsariner­put Jehovap nuan­naarutigingaar­paa. – Mat 6:25-27, 33; Flp 4:12, 13.

6. Qanoq ilior­tuar­tariaqar­pugut?

 ⁶ Eqqarsar­taaser­put misis­sukulasariaqar­par­put pisariaqar­tumillu allan­nguisarluta. Paulusip Korintimiut ima allaf­figai: “Upper­nermiin­nersusi paasiumal­lugu imminut misilit­tuaritsi. Inut­tut qanoq ittuunerlusi misis­sor­tuarsiuk.” (Kor 2. 13:5) ‘Upper­nermiik­kumal­luta’ ataatsimiigiar­tar­nitta oqaluus­sisar­nit­talu saniatigut iliuuseqar­nerusariaqar­pugut. Eqqarsaatigisar­tak­kagummi, kis­saatigisagut pis­sutiginiak­kagullu pineqar­put. Taamaat­tumik Biibilip atuar­tar­neratigut Jehovatullu eqqarsar­taaseqar­nis­satta ilin­niar­neratigut isumar­put allan­ngor­tit­tariaqar­par­put Jehovallu iluarisaatut iliuuseqarluta. – Kor 1. 2:14-16.

7. Efesos­simiut 4:31, 32-lu naaper­torlugit qanoq ilior­tariaqar­pugut, taman­nalu sooq unam­miniar­narsin­naava?

⁷ Efesossimiut 4:31, 32 atuakkit. Eqqarsar­taatsitta allan­ngor­tin­nerata saniatigut ‘kinaas­suseq nutaaq atisariaqar­par­put’. (Ef 4:24) Taamaalius­sagutta sulis­suteqangaatsiar­tariaqar­pugut. Sulis­sutigisas­satta ilagaat pis­suserineqar­tus­saangitsut, soorlu narrutsas­simanerit, kaman­nerit kamarujus­suar­nerillu, peer­nis­saat. Tamanna sooq unam­miniar­narsin­naava? Pis­susilersor­nerimmi ajor­tut taakku allan­ngor­tin­nis­saat ajor­nakusoorsin­naam­mat. Biibilimi allaatigineqar­poq inuit ilaat ‘kamajasuul­lutillu puffajasuusut’. (Uss 29:22) Ilimanar­poq inuup taamaat­tup allaat imermut morsutsitaanermi kingorna allan­nguiniar­nis­sani sulis­sutigiuar­tariaqaraa. Tamanna misigisami tul­liut­tumi erser­poq.

8-9. Stephenip misigisaanit qanoq erserpa kinaas­susitoq­qap peer­nis­saa sulis­sutigiuar­tariaqarip­put?

⁸ Qatan­ngutip angutip Stephenimik atil­lip kamat­tar­nini aquk­kuminaatsip­paa. Ima oqalut­tuar­poq: “Imermut morsutsitaareeraluarlunga kamajanera sulis­sutigisariaqar­para. Assersuutigalugu taamaal­luta illumit illumut oqaluus­sitil­luta biilinni radiumik til­lit­toq malersor­para. Angulerakku radio igip­paa qimaaq­qil­lunilu. Qanoq radio tigoq­qis­simagiga ilagisan­nut oqalut­tuarigakku oqaluus­sisar­toqatigiinni utoq­qaaner­tap aperaanga: ‘Stephen, angusimasuugukku qanoq iliorsimas­sagaluar­pit?’ Apeq­qut tamanna eqqarsalis­sutigalugulu eqqis­sisimasuunis­san­nik sulis­sutigin­nin­nis­san­nut kajumis­sis­sutigaara.” b

⁹ Stephenip misigisaanit erser­poq eqqarsaraluarluta pis­susipiluit qaangersimal­lugit pis­susipiloqaleriataarsin­naasugut. Illit tamanna misigigukku nikal­lus­san­ngilatit eqqarsar­nallu kristumiutut taaneqarsin­naanak. Allaat apustili Paulusi ima nas­suer­poq: “Eqqor­tuliorusuk­kaluarlunga ajor­tulioq­qajaasar­punga.” (Rom 7:21-23) Soorlu angerlarsimaf­fip­put pujoral­lipal­lal­lunilu iper­tuun­ngor­pal­lat­tar­toq, kristumiut naam­mal­luin­nan­ngitsut tamarmik misigisar­paat pis­susipiluit tak­kut­tuaan­nar­tut. Taamaat­tumik minguitsuujuarumal­luta sulis­suteqar­tuar­tariaqar­pugut. Qanoq taamaaliorsin­naavugut?

10. Pis­susererusun­ngisagut qanoq akiorsin­naavagut? (Johan­nesimit 1. 5:14, 15)

¹⁰ Pis­susererusun­ngisavit akior­nis­saan­nut ikioq­qul­lutit Jehovamut qinusarit tatigalugulu tusas­sagaatit ikiorlutillu. (Johannesimit 1. 5:14, 15 atuakkit). Pis­susererusun­ngisat Jehovap tupin­nar­tulior­nik­kut peer­navian­ngilaa, pis­suserin­ngin­nis­saanulli nakus­satsis­sin­naavaatit. (Pet 1. 5:10) Kinaas­susitoq­qap pis­susereq­qiler­nis­saanik iliuuseqar­nak  qin­nutitit naaper­torlugit iliuuseqar­tarit. Assersuutigalugu kinaas­susitoq­qamik akiuiniar­ninni pis­susipilun­nik nuan­naar­torin­nilersitsiniaasut – isigin­naagas­siat, fjer­nsynik­kut aal­lakaatitas­siat isigin­naar­nis­saat atuak­kallu atuar­nis­saat – mianersuutigik­kit. Aamma kis­saatipiluit eqqarsaatigiuar­naveersaak­kit. – Flp 4:8; Kol 3:2.

11. Kinaas­suseq nutaaq atisimajuarumal­lugu qanoq iliorsin­naavugut?

¹¹ Kinaas­susitoqaq pis­suseriun­naarsimagaluarlugu kinaas­sutsip nutaap ineriar­tor­tin­nis­saa pingaaruteqar­poq. Qanoq taamaaliorsin­naavit? Jehovap pis­susiisa ilin­niar­neranni ilaar­nis­saa anguniagariuk. (Ef 5:1, 2) Assersuutigalugu Biibilimi Jehovap isumak­keerfigin­nin­nera pil­lugu atuaraangavit imminut aperisarit: ‘Isumak­keerfigin­nit­tar­punga?’ Jehovap piitsunik nal­lit­tuisuunera pil­lugu atuaraangavit imminut aperisarit: ‘Jehova ilaarlugu qatan­ngutin­nik pisariaqar­titsisunik soqutigin­nin­nera iliuuseqar­nik­kut takutit­tar­para?’ Kinaas­sutsip nutaap atineratigut isum­mat allan­ngor­tiguk, taamaalior­nin­nilu imminut kamagit­tarfigigit.

12. Stephen Biibilip sun­niineratigut qanoq allan­nguisin­naasimava?

¹² Stephenip eqqaaneqareersup pif­fis­sap ingerlanerani kinaas­suseq nutaaq atiar­tuaarsimavaa. Ima oqar­poq: “Imermut morsutsitaanerma kingorna pisut arlal­lit nakuusilis­sutigisin­naasakka nalaap­pakka. Inuit uan­nik kamas­saarisut qiman­nis­saat allatigul­luun­niit eqqis­sisimasuuniar­nis­sara ilik­kar­nikuuara. Inup­pas­suit, aamma nuliama, pisuni taamaat­tuni eqqis­sisimasar­nera pil­lugu nersualaar­tar­paan­nga. Allaat imminut tupigusutsit­tar­punga. Imaan­ngilaq uanga nam­mineq pis­susin­nik allan­nguisunga, kisianni Biibilip sun­niineratigut allan­nguivunga.”

13. Eqqor­tulior­nis­samut suna iluaqutigis­savar­put? (Galaatiamiut 5:16)

¹³ Galaatiamiut 5:16 atuaruk. Eqqor­tuliorumal­luta akiuun­nitsinni Jehovap tuk­korluni anersaaminik iller­nar­tumik tunil­luta ikior­tar­paatigut. Biibili atuaraangatsigu anersaamit iller­nar­tumit kil­lin­neqar­tar­pugut. Aamma ataatsimiik­kaangatta anersaaq iller­nar­toq pisar­par­put. Katersuuk­kaangatta kristumioqatigut uagutsitulli eqqor­tulior­nis­samik ilungersuuteqar­tut ilagisar­pagut, taman­nalu qiim­mas­saatigisar­par­put. (Hebr 10:24, 25; 13:7) San­ngiis­sutitsin­nillu ikioq­qul­luta Jehova ilumoorluta qinunik­kut saaf­figigaangatsigu anersaaminik iller­nar­tumik akiuut­tuar­nias­sagatta tunis­savaatigut. Taamatut iliuuseqaraluarluta ilimanar­poq pileris­susipiluit tak­kut­tuas­sasut, iliuuseqar­tuar­ner­pulli pileris­susipilun­nut nak­kaan­nan­ngin­nis­samut iluaqutigis­savar­put. Soorlu Galaatiamiut 5:16-imi allas­simasoq, ‘anersaamit siulersor­tit­tut pileris­susipiluit piviusun­ngortin­ngil­luin­nas­savaat’.

14. Sooq eqqor­tulior­nis­samut piumas­susermik ineriartor­titsiuar­nissaq pingaaruteqarpa?

¹⁴ Iliuusis­sat Jehovamut attaveqarluar­niar­nitsin­nut iluaqutaasut iliuuserilersimagatsigit iliuuseriuar­nis­saat eqqor­tulior­nis­samullu piumas­susermik ineriar­tor­titsiuar­nis­saq pingaaruteqar­poq. Akeq­qat­tami ilaata akior­tuar­paatigut. Akeraq taanna tas­saavoq eqqun­ngitsulior­nis­samut usser­nar­toq. Allaat imermut morsutsitaanerup kingorna iliuutsinut ingalas­simasariaqak­katsin­nut, soorlu aningaasanoor­nis­samut, imigas­sar­tor­pal­laar­nis­samut imaluun­niit por­nografiinik sam­misaqar­nis­samut, usser­nar­torsiorsin­naavugut. (Ef 5:3, 4) Qatan­ngut angut inuusut­toq ima nas­suer­poq:  “Anguteqatin­nut kajunger­neq akiuk­kama ilungersunar­ner­paar­taasa ilagaat. Isumaqarlunga misigis­sutsikka taamaat­tut qaangiutis­sasut sulili qaangin­ngilakka.” Sak­kor­tuumik pileris­susipiloqaruit suna iluaqutigisin­naaviuk?

15. “Inuit tamarmik” pileris­susipiloqar­tar­nerat sooq uagutsin­nut tup­pal­lersaataava? (Asseq takuuk).

¹⁵ Sak­kor­tuumik pileris­susipilum­mik akiugaqaruit eqqaamajuk kisimiin­ngin­navit. Biibilimi allas­simavoq: “Inuit tamarmik usser­neqar­tar­nerat­tut usser­neqar­tar­pusi.” (Kor 1. 10:13a) Tamanna kristumiunut angutinut arnanullu Korintimi inuusunut allataavoq. Taak­kua ilaat sior­natigut allasior­tar­tuusimap­put, arnaqatimin­nik anguteqatimin­nil­luun­niit atoqateqar­tarsimap­put imerajut­tuul­lutillu. (Kor 1. 6:9-11) Isumaqar­pit imermut morsutsitaareer­nermik kingorna pileris­susipilun­nik akiugas­saarut­tut? Ilimanan­ngilaq. Tamarmik kristumiuup­put tanitat, tamarmilli aamma inuin­naap­put naam­mal­luin­nan­ngitsut. Pileris­susipilun­nik akiugaqar­tarsimas­sap­put. Sooq tamanna tup­pal­lersaatigisin­naavar­put? Ersersip­paami qanorluun­niit pileris­susipilum­mik akiugaqaraluaruit inoqar­toq allamik tas­sunga nak­kaan­narsiman­ngitsumik. Aap, ‘nalun­ngin­nakku nunani tamalaani qatan­ngutitit tamarmik ilit­tulli naal­liuuteqar­tar­tut aalajaal­lutit upperluarsin­naavutit’. – Pet 1. 5:9.

16. Qanoq eqqarsar­naveersaar­tariaqar­pugut, aamma sooq?

¹⁶ Eqqarsaruit allat ajor­nar­torsiutigisan­nik paasin­nis­sin­naan­ngitsut tamanna navianar­torujus­suusin­naavoq. Isum­mer­toorsin­naavutimmi illit atuk­katit allan­ngor­tin­neqarsin­naan­ngitsut pileris­susipilun­nil­luun­niit akiuisin­naanak. Biibilimili ilumoor­toq una maluginiaruk: “[Guuti] aalajaap­poq, artuk­kas­sin­nillu usser­neqar­nis­sarsi akuerinavian­ngilaa, usser­neqar­nis­sin­nili piner­tusaarsin­naaq­qul­lusi  ikius­savaasi.” (Kor 1. 10:13b) Taamaat­tumik pileris­susipiluk sak­kor­tusin­naagaluar­toq akiorsin­naavat. Jehovap ikiuineratigut eqqun­ngitsulior­naveersaar­nis­sat sapin­ngilat.

17. Pileris­susipiloqariataar­nis­saq pin­ngitsoor­tis­sin­naan­ngik­kaluarlugu suna aqus­sin­naavar­put?

¹⁷ Una eqqaamajuaruk: Naam­mal­luin­naan­ngitsuugatta pileris­susipiloqariataar­nis­saq pin­ngitsoor­tis­sin­naan­ngilar­put. Pileris­susipiloqalerut­tali ingerlaan­naq itigar­titsisin­naavugut, soorlu Juuserfi Potifarip nulianit qimaapal­lat­toq. (Mos 1. 39:12) Pileris­susipalaat timitaler­tariaqan­ngilatit!

18-19. Eqqarsar­taatsitsin­nik allan­nguiniar­nitsinni apeq­qutit suut eqqarsaatigisin­naavagut?

¹⁸ ‘Isumatta allan­ngor­tin­nis­saa’ isumaqar­poq Jehovap piumasaanut naaper­tuut­tunik eqqarsaateqarumal­luta iliuuseqarumal­lutalu ilungersor­tuar­tariaqar­tugut. Taamaat­tumik imminut misis­sukulasariaqar­pugut ima aperaluta: ‘Iliuutsin­nit erserpa pif­fis­sap inuuf­figisatta nukingin­nar­nera paasil­luarsimagiga? Kinaas­sutsip nutaap atiniar­nerani siumukar­punga? Pileris­susipiluit akiorluarsin­naaq­qul­lugit Jehovap anersaavanit siulersor­tip­punga?’

¹⁹ Imminut misis­sor­til­lutit kuk­kujuitsuunis­sat naatsorsuutiginagu siumukar­nitit nuan­naarutigik­kit. Sulili sulis­sutigisas­saqaruit nikal­loqinak. Filip­pimiut 3:16-imi siun­nersuut una maleruaruk: “[Qanoq] siumukar­tigisimaner­put apeq­qutaatin­nagu toraak­katsin­nut tas­sunga torersumik ingerlajuarta.” Siun­nersuut maleruarukku qularutigis­san­ngilat Jehovap eqqarsar­taatsin­nik allan­nguiniar­tuar­ninni ikius­sagaatit.