1-2. Jehovap kiffai aalajaatsut sunik nalaataqarsin­naappat?

 AJORLUIN­NARTUMIK inuunitsinnik allannguil­luinnartumik nalaataqarsin­naavugut. Qatanngutip angutip Luisimik a atillip perulun­nartumik kræfterluni paasivaa. Qaammatialuinnarni inuussalluni nakorsamit paasitin­neqarpoq. Monika uinilu Jehovamut kiffartornermi ulapputeqartarput. Taavali Monikap paaseriataarpaa uini utoqqaanertaasoq ukiuni arlalinni marloqiusamik inooriaaseqarsimasoq. Qatanngut arnaq aappaqan­ngitsoq Oliviamik atilik ulussaarsuaq pissutigalugu angerlarsimaf­fimminit qimaasariaqarsimavoq. Uterami takuaa illuni ulussaarsuarmit aseruaatiter­neqarluin­narsimasoq. Luisip, Monikap Oliviallu inuuneri imaalial­laannaq allanngoriasaarput. Taakkua nalaataat ilisarnarpa? Inuuninnik allannguisumik ajorluin­nartumik nalaataqar­nikuuit?

² Jehovamut kiffaasugut aalajaatsut inuttulli allatut ajornar­torsior­tarlutalu napparsimaler­tarpugut. Aamma Guutip innuttaanik uumissuisunit akerlilersor­neqarsin­naavugut malersor­neqarsin­naallutalu. Jehova neriorsuinngilaq ajornar­torsiutit taamaattut pinngitsoor­tinniarlugit, ikiussallutali neriorsorpaatigut. (Es 41:10) Taassumannga ikiorneqarluta pilluar­tuarsin­naavugut, aalajangiil­luarsin­naavugut qanorluunniillu pisoqas­sagaluarpat ilumoorfigin­nittuarsin­naalluta. Annikil­lioraangatta Jehovap sisamatigut qanoq ikiortaraatigut allaaserisami matumani sammissavarput. Aamma ikiuinera  iluaqutigis­sagutsigu susariaqar­nerluta paasissavarput.

JEHOVAP PAARISSAVAATIT

3. Alianartumik nalaataqaraangatta suna ajornakusoor­tissinnaavarput?

³ Suna imaannaanngila? Alianartumik nalaataqaraangatta eqqarsarluar­nissarput aalajangiinis­sarpullu ajornakusoor­tissinnaavagut. Sooq taamaappa? Qamuuna anniaateqangaarlutalu aliasungaarlutalu ernumas­suteqangaarsin­naagatta. Soorlulusooq pujorsiorluta sumut saarias­sanerluta nalullugu. Qatanngutit arnat marluk eqqaariikkagut misilin­neqarnerminni qanoq misigisimasut maluginiaruk. Olivia oqarpoq: “Ulussaarsuup angerlarsimaffiga aseruatitereermagu qanoq iliussanerlunga nalulluin­narpara sapilersutullu misigalunga.” Monika uimi ilumoorfigin­ninngitsuliornera pillugu ima oqarpoq: “Pakatsiin­narnanga qamuuna ilukkut anniangaarama sequmeq­qavunga. Naluara qanoq ingerlariaq­qissanerlunga. Nalaanneqarsorisin­naanngisaq nalaappara.” Sapilersutut misigigaangatta Jehovap ikiorniarluta qanoq neriorsorpaatigut?

4. Filippimiut 4:6, 7-ilu naapertorlugit Jehovap qanoq neriorsorpaatigut?

⁴ Jehova qanoq ikiuisartoq. Biibilimi allassimavoq neriorsoraatigut ‘Guutip eqqissinera’ piumaaripput. (Filippimiut 4:6, 7 atuakkit). Tassani pineqarpoq Jehovamik ikinnguteqarnitta kingunerisaanik toqqissisimanerput. Eqqissineq tamanna ‘inuit paasisin­naasaannit annerungaarpoq’, tassa takorloorsin­naasatsinnit nuanner­nerungaarpoq. Jehovamut qamannga pisumik qinoreerlutit tupaallaatigisannik eqqissillutit misiginikuuit? ‘Guutip eqqissineranik’ tunineqaravit taamatut misigivutit.

5. Uummaterput isumarpullu Guutip eqqissinerata qanoq paarisarpai?

⁵ Allassimaffimmi tamatumani aamma eqqaaneqarpoq Guutip eqqissinerata ‘uummatersi isumarsilu paarissagai’. Oqaaseq ‘paarissavaa’-mik nutserneqartoq sakkutuunut illoqarfik saassun­neqanngin­niassammat paarsisunut tunngatillugu atorneqar­tarsimavoq. Isaaffimmi paarsisoqarnera nalunngin­namikku inuit illoqarfim­miittut eqqissillutik sinissin­naapput. Taamatuttaaq uummaterput isumarpullu Guutip eqqissineranit paarineqarmata toqqissisimasutut misigisarpugut. (Tuss 4:9) Hannap nalaataatut nalaatagut allanngoriasaan­ngikkaluartut eqqissisimasutut misigisin­naavugut. (Sam 1. 1:16-18) Taamatullu misigigaangatta eqqarsarluar­nerusin­naallutalu aalajangiil­luarnerusin­naavugut.

6. Guutip eqqissinera iluaqutigiumallugu susariaqarpugut? (Aamma asseq takuuk).

 ⁶ Qanoq iliortariaqartugut. Eqqissiun­naarutigisannik misigisaqaraangavit Jehovamut ikioqqusarit Guutillu eqqissinerata misiginissaata tungaanut qinusarlutit. (Luk 11:9; Tes 1. 5:17) Luisip, eqqaariikkatta, qaammatialuinnarni inuusus­saanini nulianilu Anna paasigamikku qanoq pinertusaarsin­naasimanertik ima oqaluttuaraa: “Taamatut nalaataqarluni katsorsaariaatsinut allanullu tunngatillugu aalajangiiniarneq sapernar­tupilussuuvoq. Qinusarattali piffissami ajornakusoortumi tamatumani eqqissisimasin­naavugut.” Luisip nuliatalu eqqissineq aalajangiil­luartar­nissarlu ilungersorlutik qinnutigisaqat­taartarpaat. Jehovallu ikiuinera misigaat. Annikil­liuutigisannik misigisaqaruit kimigiiserlutit qinujuarit, taava Jehovap eqqissinerata uummatit isummallu paarigai misigissavat. – Rom 12:12.

JEHOVAP PATAJAAL­LISISSAVAATIT

7. Anigoruminaatsumik misilin­neqaraangatta qanoq misigisin­naavugut?

⁷ Suna imaannaanngila? Anigoruminaatsumik misilin­neqaraangatta misigis­sutsigut, eqqarsaatigut qisuariaatsigullu pissusis­samisoorun­naarsin­naapput. Umiarsuartut anorersuarsiortutut mallit qaararnerannit eqqoqat­taarneqartutut misigis­sutsigut sakkortuumik allanngorarsin­naapput. Annap, eqqaariikkatta, misigissutsit assigiin­ngitsorpassuit Luisip toqunerata kingorna aqqusaarsimavai. Ima oqarpoq: “Ilaannikkut isumatsaq­qangaarlungalu imminut nalligisarpunga. Aamma uima toqusimanera pillugu kamaler­tarpunga.” Anna aamma kiserliortutut misigisarlunilu Luisip isumagil­luarsimasaanut tunngatillugu aalajangiisar­nissani ilungersunar­tittarpaa. Ilaannikkut umiarsuarmi anorersuarsior­tutullusooq misigisarpoq. Misigis­sutsinit taamaattunit nanertisimaliin­navikkaangatta Jehovap qanoq ikiortarpaatigut?

8. Petrusimit allakkat siulliit 5:10-mi allassimasutut qanoq neriorsor­neqarpugut?

⁸ Jehova qanoq ikiuisartoq. Neriorsor­neqarpugut Jehovap patajaal­lisissagaatigut, tassa misigis­sutsikkut eqqissisimanissamut ikiussagaatigut. (Petrusimit 1. 5:10 atuaruk). Umiarsuaq anorersuarsioraangami navianar­torsiorluni orraalersinnaavoq. Umiarsuit amerlasuut patajaal­lisaatinik orraaval­laarnaveeq­quteqartarput. Tamannalu pissutigalugu ilaasut malissiorpal­laarnatik toqqissisimanerusin­naapput. Umiarsuarli aatsaat siumut ingerlagaangat patajaal­lisaatit iluaqutaal­luarnerusarput. Taamatuttaaq misilin­neqarnermi aalajaalluta Jehova kiffartorfigiuarutsigu patajaal­lisissavaatigut.

9. Misissueq­qissaarutit qanoq iluaqutigisin­naavagut? (Aamma asseq takuuk).

 ⁹ Qanoq iliortariaqartugut. Misigis­sutsikkut anorersuarsior­tutullusooq ikkaangavit sapinngisannik anersaakkut ittunik sammisaqartarit. Soorunami iliuuserisimasattut maanna iliuuseqar­tigisin­naanngilatit, eqqaamajulli Jehovap artukkatsinnik piumaffiginavian­ngikkaatigut. (Aamma takuuk Lukkarsi 21:1-4). Misissueq­qissaar­nissannut eqqarsaatigin­neqqissaar­nissannullu piffissaqartarit. Sooq tamanna pingaaruteqarpa? Jehovap peqatigiis­sortani aqqutigalugit videut allaaserisallu misigis­sutsikkut patajaal­linissatsinnut iluaqutigisin­naasagut pilersis­simammagit. Iluaqutigisassannik ujaasiniaraangavit misissueq­qissaarutit, soorlu app-eq JW Library^® aamma Jehovap Nalunaajaasuisa ujarliutaat, atorsin­naavatit. Monika, eqqaariigarput, oqaluttuarpoq misigis­sutsikkut anorersuarsior­tutullusooq ikkaangami siunnersuutinik ujarlerumalluni misissueq­qissaarutit atortarlugit. Assersuutigalugu oqaatsit soorlu “kamanneq”, “ilumoorfigin­ninnginneq” aamma “ilumoorfiginninneq” ujartarpai. Taava pitsaaneruler­nissami tungaanut atuartarpoq. Ima oqarpoq: “Misigis­sutsikkut aalassaq­qaninni misissuileraangama Jehovamit eqitaar­neqartutullusooq misigisarpunga. Atuartillunga paasisarpara Jehovap misigis­sutsikka tamaasa paasisarai ikiortaraangalu.” Jehovamit taamatut ikiorneqarnerit immamut qattunganerusumullusooq pinissavit tungaanut patajaal­linissannut iluaqutigissavat. – Tuss 119:143, 144.

JEHOVAP IKIUSSAVAATIT

10. Alianartumik nalaataqarnerup kingorna qanoq misigisin­naavugut?

¹⁰ Suna imaannaanngila? Alianartumik nalaataqarsimagutta timikkut misigis­sutsikkullu sanngiitsutut misigaluta ulloqarsin­naavugut. Immaqa arpattartutut ajoqusersimalluni tusialersimasutut misigisin­naavugut. Immaqa siornatigut imaalial­laannaq suliarisin­naasagut maanna sapernar­tittarpagut imaluunniit nuannarisimasatta maanna samminis­saannut piumassuseqarpal­laarnata. Eliatut nallanngavimminit makikkusun­ngitsutut misigisin­naavugut siniinnarusullutalu. (Kng 1. 19:5-7) Sanngiitsutut misiginitsinni Jehovap qanoq ikiortarpaatigut?

11. Jehovap allatigut qanoq ikiortarpaatigut? (Tussiaat 94:18)

¹¹ Jehova qanoq ikiuisartoq. Neriorsorpaatigut najumminiarluta. (Tussiaat 94:18 atuaruk).  Soorlu arpattartoq ajoqusersimasoq pisunnis­saminut ikiorser­neqartariaqartoq uaguttaaq Jehovamut kiffartor­tuarumalluta ikiorneqar­tariaqarsin­naavugut. Jehovap ima neriorsorpaatigut: “Uangami tassaagama Naalagaq Guutit talerpikkut tigussavakkit oqarfigalutillu: Siooraqinak, ikiortigaarma.” (Es 41:13) Kunngi Daavi taamatut ikiorneqarpoq. Misilin­neqarluni malersor­neqarami Jehovamut ima oqarpoq: “Talerpippit najummivaanga.” (Tuss 18:36) Qanorli Jehovap ikiortarpaatigut?

12. Sanngiitsutut misigigaangatta Jehovap kikkut aqqutigalugit ikiorsin­naavaatigut?

¹² Jehovap ikiorsin­naavaatigut inuit allat uagutsinnik ikiuinis­saannut killinnerisigut. Assersuutigalugu Daavi sapilersutut misigigami ikinngutiminit Jonatanimit orninneqarluni nakussatsin­neqarpoq qiimmas­sarneqarlunilu. (Sam 1. 23:16, 17) Aamma Eliisa aqqutigalugu Jehovap Elia ikiorpaa. (Kng 1. 19:16, 21; Kng 2. 2:2) Jehovap ilaquttagut, ikinngutigut utoqqaaner­talluunniit aqqutigalugit ikiorsin­naavaatigut. Misigis­sutsikkulli anniaateqaraangatta immaqa inuit allat ilagerusun­nagillu kisimiigin­narusut­tarpugut. Taamatut misigineq pissusis­samisuuinnarpoq. Jehovap ikiuinera iluaqutigis­sagutsigu sussaagut?

13. Jehovap ikiuinera iluaqutigis­sagutsigu qanoq iliussaagut? (Aamma asseq takuuk).

¹³ Qanoq iliortariaqartugut. Immikkoor­niarnaveersaarit. Immikkoor­nialeraangatta imminuinnaq namminerlu ajornar­torsiutigut kisiisa eqqarsaatigiler­tarpagut. Tamannalu pissutigalugu aalajangiinerlus­sinnaavugut. (Uss 18:1) Tamatta soorunami kisimiin­nissarput pisariaqar­tittarparput, ingammik alianartumik pisoqarsimatillugu. Piffissarli sivisungaatsiartoq immikkoorutta Jehovap ikiuinis­saminut atortagai ajattulersin­naavagut. Taamaattumik sapernaraluartoq ilaquttavit, ikinngutivit utoqqaanertallu ikiuiniarnerat akueriuk. Taakku Jehovap ikiorsiis­sutaatut isigikkit. – Uss 17:17; Es 32:1, 2.

JEHOVAP TUPPALLERSAS­SAVAATIT

14. Suut annilaan­ngatigisin­naavagut?

¹⁴ Suna imaannaanngila? Ilaannikkut misigisin­naavugut annilaangasarluta. Guutip kiffai aalajaatsut Biibilimi eqqaaneqartut akeqqatik allallu pissutigalugit annilaangasarnertik oqaluttuarivaat. (Tuss 18:5; 55:2, 6) Uaguttaaq atuaqatitsinnit, suleqatitsinnit, ilaquttatsinnit oqartus­saasunil­luunniit akerlilersor­neqarsin­naavugut.  Allaallu napparsimaneq pissutigalugu toqunissarput annilaan­ngatigisin­naavarput. Taamatut nalaataqar­tilluta meeqqatut ikioriarfis­saqanngitsutut misigisin­naavugut. Jehovap qanoq ikiortarpaatigut?

15. Tussiaat 94:19-imi qanoq neriorsor­neqarpugut?

¹⁵ Jehova qanoq ikiuisartoq. Tuppallersar­tarpaatigut eqqissisarlutalu. (Tussiaat 94:19 atuaruk). Takorlooruk niviarsiaraq anorersuarnera pissutigalugu annilaangalluni sininneq ajulertoq. Taava ataataata tuppallersariartorpaa siniler­nissaatalu tungaanut pakkusimaarlugu. Suli anorersuaraluartoq ataataminit pakkusimaar­neqarami toqqissisimasutut misigivoq. Uagut annilaan­ngatigisatsinnik misilin­neqaraangatta eqqissinissatta tungaanut Ataatatsinnit qilammiusumit pakkusimaar­neqartariaqarsin­naavugullusooq. Qanoq Jehovamit taamatut tuppallersar­neqarsin­naavugut?

16. Jehovap tuppallersaanera qanoq misigisin­naavarput? (Aamma asseq takuuk).

¹⁶ Qanoq iliortariaqartugut. Qinunikkut Biibilimillu atuartarnikkut Jehova piffissaqarfigisaruk. (Tuss 77:2, 13-15) Taava annikil­liuleraangavit iliuuserisassat siulleq tassaassaaq Ataatannut qilammiusumut saaffiginninneq. Annilaangas­sutitit ernumas­sutitillu Jehovamut oqaluttuarisakkit. Taava oqaasianik atuarnikkut tusarnaarsinnaavat misigis­sallugulu taassumannga tuppallersar­neqarlutit. (Tuss 119:28) Immaqa annilaanganinni Biibilimi allassimasut aalajangersimasut tuppallersaatigisin­naavatit. Soorlu Jobimik allakkat, Tussiaatit, Ussatit aamma Jiisusip oqaasii Matiusi kapitali 6-imi atuarneqarsinnaasut qiimmas­saatigisin­naavatit. Tassa qinunikkut Biibilimillu atuartarnikkut Jehovap tuppallersaanera misigissavat.

17. Suna upperil­luinnarsin­naavarput?

¹⁷ Upperil­luinnarsin­naavarput alianartumik nalaataqaraluarut­taluunniit Jehovap isumagiuas­sagaatigut. Kisimiin­ngisaan­nassaagut. (Tuss 23:4; 94:14) Jehovap neriorsorpaatigut paarissalluta, patajaal­lisissalluta, ikiussalluta tuppallersas­sallutalu. Jehova pillugu Biibilimi ima allassimavoq: “Ilinnik tatigin­nilluinnartut illersorumaarpatit, eqqissinermik ataavartumik tunissavatit tatigimmatsit.” (Es 26:3, NW) Jehova tatigiuk, ikiuineralu iluaqutigiumallugu sapinngisannik iliuuseqartarit. Taamaalioruimmi imaannaan­ngitsorsioraluarlutit nakussatsin­neqassaatit.