Eqqarsaatitit pillugit akiuunnermi ajugaasinnaavutit
SAASSUNNEQARPUTIT! Saatani akeraavoq, sakkugisaalu imaannaanngeqaaq. Sakkugisaa illit eqqarsaatinnik saassussinissamut naatsorsuussaavoq. Suugami? Sakkugaa sunniiniarneq!
Apustilip Paulusip nalunngilaa Saatanip sunniiniarnera navianartorujussuusoq. Kristumiulli ilaasa tamatuma qanoq navianartiginera naluaat. Assersuutigalugu Korinthimiut ilaat isumaqarsimarpasipput sallusuissummi ima nukittutigalutik Saatanimit orlutitaasinnaanatik. (1 Kor 10:12) Taamaattumik Paulusi ima mianersoqqusivoq: “[Annilaanngatigaara] eqqarsaatisi Evap pulateriaarsummit peqqusersusaartumit nakutitaaneratut tammartitaassasut Kristusimut peqqusersuikkunnaarnissassinnik minguitsuujunnaarnissassinnillu kinguneqartussamik.” – 2 Kor 11:3.
Paulusip oqaasiinit erserpoq imminut tatigivallaalinnginnissaq qanoq pingaaruteqartigisoq. Saatanip sunniiniarneranut akiuunnermi ajugaajumalluta tamatuma qanoq navianartiginerata miserratiginnginnissaa imminullu illersornissarput pingaaruteqarpoq.
SUNNIINIUTIT QANOQ NAVIANARTIGIPPAT?
Matumani sunniiniarneq eqqaaneqaraangat pineqartarpoq inunnik nakutitsiniarluni inuilluunniit eqqarsartaasiinik iliuusiinilluunniit aqutsiniarluni eqqunngitsumik eqqunngitsortalinnilluunniit paasissutissiineq. Sunniiniarneq ‘ajoqutaallunilu kusananngitsumik iliornerullunilu ileqqorissaarnermut akerliuvoq’. Inunnit nassuiarneqarpoq ilaatigut “salluliornertut, ilumoortunik killormut saatitsinertut, peqquserlunnertut, uukapaatitsinertut eqqarsaatinillu aqutsiniarnertut”. – Propaganda and Persuasion.
Sunniiniutit navianartorujussuupput maluginngisatsinnik eqqarsartaatsitsinnut sunniuteqariartuaarsinnaammata. Silaannaap akuanut inuunermik navianartorsiortitsisinnaasumut takusinnaanngisatsinnut naamasinnaanngisatsinnullu assersuunneqarsinnaapput. Vance Packard, inuit
pissusiinik immikkut ilisimasalik, oqarpoq sunniiniutit “ilimagisatsinnit annerungaartumik” iliuutsitsinnut sunniuteqartartut. Immikkut ilisimasalik alla oqarpoq sunniiniutit inuit navianarluinnartumik silaqassutsimullu akerliulluinnartumik pissusilersornerannut pissutaasimasut inuiannillu toqoraanermik, sorsunnermik naggueqatigiinnilluunniit upperisarsioqatigiinnillu malersuinermik kinguneqartitsisimasut. – Easily Led – A History of Propaganda.Sunniiniutit atorlugit inunnit nakutitaasinnaagutta, taava Saatanimit nakutitaasinnaanerungaassaagut. Taanna inuit pinngortitaammatali taakkua pissusiinik qimerluuisimavoq. Aamma maanna ‘silarsuarmik tamarmik’ aqutsivoq salluliuutiminik siammarterinermini silarsuaq tamaat atorsinnaaniassagamiuk. (1 Joh 5:19; Joh 8:44) Saatanip inuit eqqarsartaasiisigut sunniiniutiminik tappiillisitai ima amerlatigipput maanna ‘silarsuarmik tamarmik tammartitsiniarluni’. (2 Kor 4:4; Saqq 12:9) Taassuma sunniiniutaanik qanoq akiuisinnaavit?
UPPERNERIT NAKUSSATSIGUK
Jiisusip sunniiniutinik akiueriaatsimik ajornanngitsumik matuminnga ilinniartippaatigut: ‘Sallusuissut ilisimalissavarsi, sallusuissutillu inussiaajunnaarsissavaasi.’ (Joh 8:31, 32) Sakkutuup sorsunnermi sumi paasissutissanik tutsuiginartunik pisinnaanerluni ilisimasariaqarpaa akeqqani nakutitsiniaalluni salluliortussaammat. Taava illit paasissutissanik tutsuiginartunik sumi pissarsisinnaavit? Jehovap oqaatsini, Biibili, uagutsinnut tunniunnikuuaa. Tassaniipput Saatanip sunniiniutaanik akiuinissamut pisariaqartitatit tamarmik. – 2 Tim 3:16, 17.
Soorunami Saatanip tamanna nalunnginnamiuk silarsuaq aquttarpaa allamut saasarniarluta Biibilimillu atuarnissamut atuaqqissaarnissamullu piumassuseerutsinniarluta. ‘Diaavulup qoqassiniutipiluinit’ nakutitaaniaqinak! (Ef 6:11) Sallusuissummut tunngaviusunik paasinnissimaneq naammanngilaq. Sallusuissummik itinerusumik ilisimasaqalernissarput ilungersuutigisariaqarparput. (Ef 3:18) Atuakkiortoq Noam Chomsky ima allappoq: “Sallusuissut illit qaratsannut kuiorarneqarnavianngilaq. Sallusuissut paasiniarlugu nammineq iliuuseqartariaqarputit.” Taamaattumik nammineq iliuuseqarlutit paasiniaagit ‘ullut tamaasa Allakkat misissuiffigisarnerisigut’. – ApS 17:11.
Saatanip eqqarsarluarsinnaanissat sallusuissummillu tusakkannik paasinninnissat kissaatiginngilaa. Sooq? Inuit “apeqquseerusussuseqanngikkaangata” sunniiniarnerup “sunniuteqarnerunissaa Uss 14:15) Guutip ‘isumatusaarsinnaassusilerlutillu’ siuneqassusilerpaatit, taamaattumik taakku upperninnik nakussatsitsiniarninni atukkit. – Uss 2:10-15; Rom 12:1, 2.
ilimanarnerusarmat”. (Media and Society in the Twentieth Century) Tusakkatit tamaasa eqqarsaatigilluaqqaartinnagit upperiinnartaqinagit. (ATAASIUSSUSEQARTUARITSI
Sakkutuut sunniiniutinit sunnertittut qunulertarlutillu akiuukkumassuseeruttarput. Sunnerniarneqarnertik pissutigalugu iligisatik akiulersinnaavaat sakkutooqatiminnilluunniit immikkoornialersinnaallutik. Sakkutuut naalagaata tyskip tyskit sunniiniutinit sunnertinnertik pissutigalugu sorsunnersuarmi siullermi ajorsarnerarpai. Inuit ima sunnertissimatigipput soorlu hypnotiserertissimasut. Saatani ullumikkut kristumiunik ataasiussuseerutsitsiniarluni tamatumunnga assingusumik periaaseqarpoq. Assersuutigalugu qatanngutigiit iluanni isumaqatigiinngisitsiniarsarisarpoq. Imaluunniit Jehovap peqatigiissortaanit immikkoornialersitsiniaasarpoq eqqarsalersitsilluni peqatigiissortani naapertuilluanngitsuliortoqarsimasoq.
Nakutitaaqinak! Qatanngutitillu ataasiussuseqartuaqqullusi Guutip oqaasiani siunnersuutit malittakkit. Assersuutigalugu Biibilimi kajumissaarneqarpugut ‘isumakkeerfigeqatigiittaqqulluta’ isumaqatigiinngissutinillu aaqqiipallattaqqulluta. (Kol 3:13, 14; Matt 5:23, 24) Aamma ilagiinnit immikkoornialinnginnissamut mianersoqquneqarpugut. (Uss 18:1) Qulakkeeruk Saatanip sunniiniutaanik akiuinissamut piareersimanerlutit. Imminut ima aperigit: ‘Kingullermik qatanngutinnit ajuallatsinneqarama Guutip iluarisaatut imaluunniit Saatanip iluarisaatut qisuariarpunga?’ – Gal 5:16-26; Ef 2:2, 3.
TATIGINNITTUARIT
Sakkutooq siulersortiminut ilumoorfiginninngitsoq akiuulluarnavianngilaq. Taamaattumik akeqqat sakkutuunik sunniiniartarput siulersortiminnik tatiginnikkunnaarsitsiniaallutik. Siulersuisut kukkussuteqarpata akeraasut tamanna atornerlunniassavaat ima oqarlutik: “Taakku tatigisinnaanngilatit!” aamma “Taakkunannga ajunaartitaaqinak!” Saatani taamaaliortarpoq. Taassuma Jehovap innuttaminik siulersuisitaanik tatiginnikkunnaarsinniarsarisarpaatit.
Imminut qanoq illersorsinnaavit? Jehovap peqatigiissortaaniittuarnissat aalajangiusimajuk. Angutit Guutip innuttaanik siulersuisut naammalluinnanngitsuugaluartulluunniit ilumoorfigiuarlugillu 1 Th 5:12, 13) Tunussisut nakutitsiniaasullu allat peqatigiissortatsinnik saassussisinnaapput. (Tit 1:10) Taakkua oqaasii ilumoorpasikkaluarpataluunniit ‘tassanngaannaq paatsiveerutitaaqinak’. (2 Th 2:2) Paulusip Timotheusimut siunnersuutai malikkit. ‘Ilinniarsimasatit aalajangiutikkit’, eqqaamajullu “kikkunnit tamakku ilinniarsimallugit”. (2 Tim 3:14, 15) Inussiamik aalajaatsumik, Jehovap maanna ukiuni hundredingajanni sallusuissummik ilinniartinniarluta atorsimasaanik, tatiginnissinnaaninnut uppernarsaatit eqqarsaatigikkit. – Matt 24:45-47; Hebr 13:7, 17.
tapersersortuakkit. (SIOORALEQINAK
Saatanip aamma toqqaannarnerusumik sunnerniarsarisarpaatit. Ilaannikkut siooralersinniartarpaatit. Annilaangalersitsiniaaneq “sunniiniutitut atorneqartartut pisoqaanerpaartaannut ilaavoq”. (Easily Led – A History of Propaganda) Philip M. Taylor, professori tuluk, allappoq Assyriamiut sunniiniarnerminni ilaatigut annilaangalersitsiniaasartut akeqqaminnik naalagarsiortitsiniarsaralutik. Saatanip Jehovamut kiffartorunnaarsinniarlutit inunnut qununeq, malersugaanissamik annilaanngateqarneq toqunissamullu siooraneq atussavai. – Es 8:12; Jer 42:11; Hebr 2:15.
Saatanimit sanngiillisitaaqinak! Jiisusi ima oqarpoq: “Ersigeqinasigit timimik toqutsisut kingornalu allamik iliorsinnaasarnatik.” (Luk 12:4) Qularutiginngilluinnaruk Jehovap ilinnik isumassuiumaarnerminik neriorsuutini eqqortikkumaaraa, ‘pissaanermik asseqanngitsumik’ tuniumaaraatit Saatanillu saassussinerinik akiuinissamut ikiorumaaraatit. – 2 Kor 4:7-9; 1 Petr 3:14.
Soorunami imaassinnaavoq sanngiitsutut misigilersutit siooralersutilluunniit. Eqqaamakkilli Jehovap Josvamut oqaasii qiimmaallannartut uku: “Erseqinak nikallornalluunniit; uangami Naalagaq, tassaasunga Guuti, najorpakkit qanoq iliorninni tamani.” (Jos 1:9) Annilaangaleruit isumakuluutitit pillugit Jehova ingerlaannaq saaffigiuk. Qularnanngilluinnarpoq ‘eqqissinerup Guutimit pisup siuneqassusernit tamanit annerungaartup uummatit eqqarsaatitillu sernigissagai’. Taava Saatanip sunniiniutaanik tamanik akiuinissamut nukissaqalissaatit. – Fil 4:6, 7, 13.
Eqqaamaviuk Assyriamiut kunngiata nalunaariartortitaa, Rabsjake, Guutip innuttaanik qanoq qunulersitsiniaanersoq? Isumaqalersitsiniaavoq Assyriamit ajortumik pineqatsaalineqarsinnaanngitsut, allaat Jehovap illersorsinnaanavianngikkai. Taava Assyriamiut Jerusalemimik piuneerusseqqullugit Jehovamit peqquneqarsimanerarpai. Jehovali qanoq oqarpa? “Oqaatsit tusakkatit, Assyriap kunngiata kiffaasa asissorlunga oqaasii, pillugit siooralissanngilatit.” (2 Kng 18:22-25; 19:6) Taava Jehova inngilimik aallartitsivoq unnuap ataatsip ingerlanerani Assyriamiunik 185.000-nik suujunnaarsitsisumik! – 2 Kng 19:35.
SILATUSAARIT – JEHOVA TUSARNAARTUARUK
Inuk nakutitaalernerminik arajutsilersoq pillugu filmimik isiginnaarnikuuit? Oqarfigerusutsappiuk: ‘Upperinagit! Salluliortunuku!’ Taava takorlooriaruk inngilit oqarfigigaatsit: “Saatanip salluliuutaanit nakutitaaqinak!”
Taamaattumik Saatanip sunniiniutai tusarnaaqinagit. (Uss 26:24, 25) Jehova tusarnaaruk qanorluunniillu ilioraluaraangavit tatigiuaruk. (Uss 3:5-7) Taassuma asavaatit imalu kajumissaarlutit: “Ernera, ilisimasuuniarit taamalu uummatiga nuannaartillugu.” (Uss 27:11) Taamaalioruit illit eqqarsaatitit pillugit akiuuttoqarnerani ajugaajumaarputit!