1. Inuusut­tut siunis­samin­nut tun­ngatil­lugu sumik aalajangiisariaqar­pat, sunali ingasat­tumik isumakulun­ngin­nis­samut iluaqutigisin­naavaat? (Al­laaserisap aal­laq­qaataani as­sit takuk­kit).

ILISSI inuusut­tuususi isumaqataas­sagunar­pusi oqarut­ta aal­lar­tin­nani sumukar­nis­saq pil­lugu pilersaarusior­nis­saq silatusaar­nerus­sasoq. Inuuneq angalaner­tut ip­poq, sumukar­nis­sarlu inuusutsil­luni pilersaarusiugas­saavoq. Soorunami tamak­kunun­nga tun­ngatil­lugu pilersaarusior­nis­saq imaan­naan­ngilaq. Niviarsiaraq Heatherimik atilik ima oqar­poq: “Isumakulun­nar­poq. Inuuner­pit sin­nerani suniar­nerlutit aalajanger­tariaqar­putit.” Taamatut misigiguit Jehovap oqaasii uku eq­qaamak­kit: “Siooraqinak ilagigak­kit, erseqinak, uangaagama il­lit Guutit. Nakus­satsip­pak­kit ikiorlutil­lu.” – Es 41:10.

2. Qanoq nalun­ngiliuk Jehovap nuan­nersumik siunis­saqaq­qul­lutit pilersaarusior­nis­sat kis­saatigigaa?

² Jehovap kajumis­saar­paatit siunis­sat silatusaar­tumik pilersaarusioq­qul­lugu. (Oqal 12:1; Matt 6:20) Kis­saatigaa nuan­naas­sasutit. Taman­na erseq­qis­sisar­poq taas­suma pin­ngor­titai isigin­naaraangatsigit, tusar­naaraangatsigit us­seraangatsigil­lu. Jehovap al­latigut­taaq isumas­sor­tar­paatigut. Siun­nersor­tar­paatigut qanorlu pitsaaner­paamik inuusin­naaner­put pil­lugu ilin­niar­tit­tarluta. Taamaat­tumik  siun­nersuutimi sumigin­nar­neqar­tar­nerat iluarineq ajor­paa. Siun­nersuutiminik malin­nin­ngitsut ima oqarfigai: ‘Piumasarin­ngisak­ka qiner­pasi. Kif­fak­ka nuan­naar­tin­neqas­sap­put, ilis­sili kan­ngusutsin­neqas­saasi, kif­fak­ka uum­mam­mik iluun­ngaan­nit qiim­mat­tas­sap­put.’ (Es 65:12-14) Inuunitsin­ni silatusaar­tumik aalajangiigaangat­ta Jehova naalan­narsisit­tar­par­put. – Uss 27:11.

3. Jehovap sunis­samut kajumis­saar­paatit?

³ Jehovap sunik pilersaarusioq­qul­lutit kajumis­saar­paatit? Nuan­naarsin­naaq­qul­lutit Jehova ilisarisimasariaqarlugulu kif­far­torfigisariaqar­pat. Jehovap taamatut inuit pin­ngor­tip­pai. (Tuss 1:1-3; 128:1) Uumasut al­lamik suliaqan­ngil­lat nerinermik, imer­nermik piaq­qior­nermil­lu. Jehoval­li kis­saatigaa il­lit inuunerit pilersaarusius­sagit nuan­naarutigisin­naan­ngorlugu isumaqarluar­tuusin­naaq­qul­lugulu. Pin­ngor­titsisit ‘Guutiuvoq asan­nit­toq’, ‘Guuti pil­luar­toq’ “im­minik as­silil­luni” inun­nik pin­ngor­titsisoq. (2 Kor 13:11; 1 Tim 1:11; 1 Mos 1:27) Nuan­naas­saatit Guuter­put asan­nit­toq ilaaruk­ku. Biibilimi ima al­las­simavoq: “Tunisineq pil­luar­nar­neruvoq tigusinermit.” (ApS 20:35) Taman­na misigereer­pat, ilaa? Taman­na inuuneq pil­lugu sal­lusuis­sutaavoq tun­ngaviusoq. Taamaam­mat Jehovap kis­saatigaa siunis­samut pilersaarutitit inoqatin­nut Guutimul­lu asan­nit­tulior­nis­samik tun­ngaveqas­sasut. – Matthæusi 22:36-39 atuakkit.

4, 5. Jiisusip suut nuan­naalis­sutigisar­pai?

⁴ Jiisusi Kristusi inuusut­tunut maligas­saavoq naam­mal­luin­nar­toq. Taan­na meeraal­luni pin­nguarlunilu nuan­nisaar­tarsimas­saaq. Soorlu Guutip oqaasiani al­las­simasoq, ‘il­larfis­saqarlunilu qit­taserfis­saqar­poq’. (Oqal 3:4) Jiisusi aam­ma Al­lak­kanik atuaq­qis­saar­nermigut Jehovamut qanil­liar­tor­poq. Aq­qaneq-marlun­nik ukioqar­toq naalaf­fim­mi ilin­niar­titsisut taas­suma “ilisimas­susia akis­sutaalu” tupigaat. – Luk 2:42, 46, 47.

⁵ Jiisusi inersimasun­ngorami Guutip im­minut iliuusereq­qusaatut ilior­nini nuan­naarutigisar­paa. As­sersuutigalugu Guutimit ‘nalunaarum­mik nuan­nersumik piitsunut tusarlius­seq­quneqar­poq tap­piitsunil­lu tap­pis­sisitseq­quneqarluni’. (Luk 4:18) Tus­siaat 40:9-mi Jiisusi ima misigisutut al­laatigineqar­poq: “Guuti, piumasat malil­lugu ilior­nis­saq tas­sa kajungerisara.” Jiisusip inun­nik Ataatani pil­lugu ilin­niar­titsisar­nini nuan­naraa. (Lukasi 10:21 atuaruk). Ilaan­ni Jiisusip pal­lorfigin­nin­neq ilumoor­toq ar­namut eq­qar­toreerlugu ajoqersuk­kani ima oqarfigai: “Uanga nerisas­sara tas­saavoq aal­lar­titsisima piumasaa malil­lugu ilior­nis­saq sulias­sarititaatalu naam­mas­sinis­saa.” (Joh 4:31-34) Jiisusi nuan­naar­poq Guutimut al­lanul­lu asan­nin­nerminik ersersitsisarami. Il­lit­taaq taamaalioruit nuan­naarumaar­putit.

6. Sooq il­lit siunis­samut pilersaarutitit pil­lugit al­lanik oqaloqateqar­nis­sat pitsaas­sava?

⁶ Kristumiut ilar­pas­sui inuusut­tuul­lutik pionerin­ngorsimap­put, taman­nalu nuan­naarutigaat. Taak­kua ilaat pilersaarutitit pil­lugit oqaloqatigisin­naavigit? “Isumalioqatigiit­toqan­ngik­kaangat pilersaarutit asuliin­nar­tar­put, amerlasuunil­li siun­nersuisoqarsimagaangat iluatsit­tar­put.” (Uss 15:22) Ilimanar­poq qatan­ngutit taak­kua oqalut­tuutis­sagaatsit pioneriuneq ilin­niarfigis­sagit inuuner­pit sin­nerani  iluaqutigisas­san­nik. Jiisusi qilam­miitil­luni Ataataminit ilik­kagar­pas­suaqar­poq. Aam­ma nunami kif­far­tor­til­luni ilin­niar­tuar­poq. Nutaarsias­samik nuan­nersumik oqaluus­sis­sutigin­nin­nermini nuan­naar­poq ar­tor­nar­torsioraluarlunilu as­suar­naat­tuarluni. (Esaja 50:4 atuaruk; Hebr 5:8; 12:2) Pif­fis­saq tamaat kif­far­tor­neq sooq nuan­naalis­sutigisin­naanerit misis­soriar­tigu.

7. Sooq inuusut­tor­pas­suit ajoqersugan­ngor­titsior­tor­neq nuan­naraat?

⁷ Jiisusip ‘ajoqersugan­ngor­titsior­toq­qul­lutalu’ ilin­niar­titseq­quaatigut. (Matt 28:19, 20) Taman­na inuunin­ni pingaar­ner­paatut suliariniarlugu pilersaarusioruit nalerisimaar­nar­tumik Guutimul­lu ataq­qinaataasumik inuus­saatit. Sulif­fin­nut al­lanut­taaq tun­ngatil­lugu soorlu taamaat­toq, pif­fis­saq ingerlatil­lugu pik­koris­siar­tor­toqar­tar­poq. Qatan­ngut angut Timothymik atilik inuusut­tuaraal­luni pioneritut kif­far­tulersoq ima oqar­poq: “Jehovamut pif­fis­saq tamaat kif­far­tor­nera nuan­naraara taas­sumun­nga asan­nin­nin­nik ersersitseriaaserigak­ku. Aal­laq­qaam­mut Biibilimik atuaq­qis­saaqateqar­taler­nis­sara ajor­nar­tip­para, sumiif­fim­mul­li al­lamut nuup­punga, qaam­matil­lu ataatsip ingerlanerani arlalialun­nik atuaq­qis­saaqateqar­taler­punga. Atuaq­qis­saaqatigisar­tak­kama ilaat naalagaaf­filersaarfim­mut ataatsimiigiar­taler­poq. Qaam­matini marlun­ni Qatan­ngutinut Angutinut Aap­paqan­ngitsunut Biibilimik Ilin­niarfim­meereerlunga nutaamik sulias­sin­neqar­punga sisamanik atuaq­qis­saaqateqar­talerfigisan­nik. Al­lanik ilin­niar­titsineq nuan­nareqaara takusin­naasarak­ku anersaaq il­ler­nar­toq qanoq al­lan­nguisitsisar­toq.” * – 1 Th 2:19.

8. Inuusut­tut ilaat oqaluus­sinerusin­naajumal­lutik susimap­pat?

⁸ Inuusut­tut ilaat oqaatsinik al­lanik ilin­niarsimap­put. As­sersuutigalugu Jacob Amerikamit avan­narlermeersoq ima al­lap­poq: “Arfineq-marlun­nik ukioqar­tunga atuaqatima ilar­pas­sui Vietnamimiuup­put. Jehova pil­lugu oqalut­tuuk­kusup­pak­ka, tamatumalu kinguningaatsiaa taak­kua oqaasiinik ilin­niar­nis­sara pilersaarusiuler­para. Pingaar­ner­paamik ilin­niar­punga atuagas­siat Napasuliaq Alapernaarsuiffik tulut­tuut Vietnamimiutuul­lu sanil­liut­tar­nerisigut. Aam­ma Vietnamimiusut oqalut­tut ilagiiviniit­tunik ungasin­ngitsumiit­tunik ikin­ngutitaar­tor­punga. 18-inik ukioqarlunga pionerin­ngor­punga. Kingusin­nerusuk­kut Qatan­ngutinut Angutinut Aap­paqan­ngitsunut Biibilimik Ilin­niarfim­miip­punga. Taman­na maan­na pioneritut uan­nut sulias­siis­sutigineqar­tumik suliarin­nin­nis­samut iluaqutigaara, oqaluus­sisar­toqatigiin­ni Vietnamimiusut oqalut­tuni utoq­qaaner­tatuaagama. Vietnamimior­pas­suit taak­kua oqaasiinik ilin­niarsimanera tupigusuutigisar­paat. Iseq­qusar­paan­nga, Biibilimil­lu atuaq­qis­saaqatigisar­tagaqalikulavunga. Ilaat kuisin­nikuup­put.” – Apustilit Suliaat 2:7, 8 naleq­qiutik­kit.

9. Ajoqersugan­ngor­titsior­tor­til­luni suut ilin­niar­neqar­tar­pat?

⁹ Ajoqersugan­ngor­titsior­tor­nermi pitsaasunik ileq­qulius­sinis­saq, al­lanut at­taveqarluar­nis­saq, nakimaatsuunis­saq  periaaserin­nis­sarlu ilin­niar­neqar­tar­put. (Uss 21:5; 2 Tim 2:24) Suliarli taman­na im­mik­kut it­tumik nuan­naarutaasar­poq up­perisanik Biibili atorlugu tun­ngavilersuinis­saq ilin­niar­neqar­tarami. Aam­ma Jehovamik qanimut suleqateqar­nis­saq ilin­niar­neqar­tar­poq. – 1 Kor 3:9.

10. Angalaarfigisar­tak­kami imaan­naan­ngitsumiik­kaluarluni ajoqersugan­ngor­titsior­tor­nermik qanoq nuan­naarutigin­nit­toqarsin­naava?

¹⁰ Ajoqersugan­ngor­titsior­tor­neq nuan­narilersin­naavat, aam­ma il­lit angalaarfigisar­tak­kan­ni Biibilimik atuaq­qis­saarusut­tut ikit­tuin­naagaluar­pataluun­niit. Ajoqersugan­ngor­titsior­tor­nermi ilagiin­niit­tut tamarmik suleqatigiit­tar­put. Qatan­ngut ajoqersugan­ngorumasumik nanisisoq ataasiin­naagaluar­pal­luun­niit tamat­ta nuan­naar­tar­pugut tamat­ta ujaaseqataagat­ta. As­sersuutigalugu Brandon sumiif­fim­mi inuit ikit­tuin­naat Biibilimik atuaq­qis­saarusuf­fian­ni ukiuni qulingiluani pioneriusoq ima oqar­poq: “Nutaarsias­samik nuan­nersumik oqaluus­sis­sutigin­nin­nis­sara nuan­naraara Jehovap oqaluus­seq­qum­matigut. Atuarun­naariigin­narlunga pionerin­ngor­punga. Qatan­ngutinik angutinik inuusut­tunik ilagiitsin­niit­tunik kajumis­saarisar­nera taak­kualu anersaak­kut siumukar­neran­nik malin­naavigin­nin­nera nuan­naraara. Qatan­ngutinut Angutinut Aap­paqan­ngitsunut Biibilimik Ilin­niarfim­meereerlunga pioneritut al­lamik sulias­sin­neqar­punga. Ilumoor­poq uagut angalaarfigisar­tak­katsin­ni naapitaqar­nikuun­ngitsunga naggataatigut kuisit­tumik, al­lal­li naapitaqar­tar­put. Ajoqersugan­ngor­titsior­tor­nermi tamak­kiisumik peqataanis­san­nik pilersaaruteqarsimanera nuan­naarutigeqaara.” – Oqal 11:6.

11. Jehovamut kif­far­toriaatsit suut inuusut­tor­pas­suit nuan­naarutigisimavaat?

¹¹ Jehovamut kif­far­tor­nis­samut periarfis­sar­pas­suaqar­poq. As­sersuutigalugu inuusut­tor­pas­suit sanaar­tor­ner­ni ikiuutaasar­put. Naalagaaf­filersaarfiit hundredel­lit pisariaqar­tin­neqar­put. Il­lut tamak­ku Jehovamut ataq­qinaataap­put, taamaat­tumik tamak­kunin­nga sanaar­toqataaneq nuan­naarutigisin­naavat. Aam­ma qatan­ngutinik suleqateqar­nerit nuan­naarutigisin­naavat. Aam­ma ilik­kagar­pas­suaqarsin­naavutit, soorlu isuman­naatsumik qanoq sulil­luarsin­naasutit aam­ma nak­kutil­liisunik qanoq suleqateqarsin­naasutit.

12. Pioneritut kif­far­tor­neq sunik al­lanik periarfis­saqalis­sutaasin­naava?

¹² Qatan­ngut angut Kevinimik atilik ima oqar­poq: “Nukap­piaraal­lungali Jehovamut pif­fis­saq tamaat taamaal­lunga kif­far­tuler­nis­sara kis­saatiginikuuara. 19-inik ukioqarlunga kiisami pionerin­ngor­punga. Qatan­ngum­mik sanasuusumik ul­lup af­faani sul­lis­sisar­nik­kut im­minut pilersor­punga. Qalialersuineq, igalaalersuineq matulersuinerlu ilik­kar­pak­ka. Kingusin­nerusuk­kut ukiuni marlun­ni ikiuiniaqatigiin­nut ilaavunga, naalagaaf­filersaarfin­nik qatan­ngutil­lu najugaan­nik sanaq­qeeqataasarlunga. Afrikami Kujal­lermi sanaar­toqataasus­sanik pisariaqar­titsisoqar­nera tusarak­ku peqataanis­san­nut qin­nuteqar­punga, qaaq­qusaavungalu. Maani Afrikami sapaatit-akun­nialuk­kaarlugit naalagaaf­filersaarfilior­tunut nutaanut nuut­taqat­taar­tar­punga. Sanaar­toqatik­ka ilaqut­tat­tut  isigaak­ka. Inooqatigiip­pugut, Biibilimik atuaq­qis­saaqatigiit­tar­pugut suleqatigiit­tarlutalu. Sapaatil­lu-akun­neri tamaasa qatan­ngutinik maani najugalin­nik oqaluus­seqateqar­tar­nera nuan­narisar­para. Nukap­piaraal­lunga pilersaarusiak­ka ilimagisan­nit nuan­naarutigineroqaak­ka.”

13. Sooq inuusut­tor­pas­suit Betelini Jehovamut kif­far­tor­ner­tik nuan­naraat?

¹³ Pioneriusimasut ilaat maan­na Betelimi kif­far­tor­put. Betelimi kif­far­tor­neq inooriaasiuvoq nuan­nersoq tas­sani iliuuserisat tamarmik Jehova pil­lugu iliuuserineqar­taramik. Betelimi kif­far­tor­tut Biibilinik atuagas­sanil­lu inuit sal­lusuis­sum­mik paasin­nin­nis­saan­nut iluaqutaasus­sanik naqitereqataasar­put. Betelimi kif­far­tor­toq Dustinimik atilik ima oqar­poq: “Qulingiluanik ukioqarlunga pif­fis­saq tamaat kif­far­tor­tun­ngor­nis­sara anguniagariler­para, atuarun­naaramalu pionerin­ngor­punga. Ukioq ataaseq af­farlu qaangium­mata Betelimut qaaq­qusaavunga, naqiterutilerinermik kingusin­nerusuk­kul­lu qarasaasianik program­meeriinermik ilin­niarlunga. Betelimi silarsuaq tamak­kerlugu ajoqersugan­ngor­titsior­tor­nermi pisunik tusagaqaq­qaar­tunut ilaasar­punga. Maani kif­far­tor­nera nuan­nareqaara iliuuserisavut inuit Jehovamut qanil­linis­saan­nut iluaqutaasarmata.”

14. Pif­fis­saq tamaat kif­far­tor­nis­samut piareersar­niarlutit susin­naavit?

¹⁴ Pif­fis­saq tamaat kif­far­tor­nis­samut im­minut qanoq piareersarsin­naavit? Il­lit Jehovamut sapin­ngisan­nik pitsaaner­paamik kif­far­torsin­naajumal­lutit kristumiutut pis­suserineqar­tus­sanik ineriar­tor­titsisariaqar­putit. Guutip oqaasia ul­lut tamaasa atuar­taruk, atuak­katit eq­qarsaatigeq­qis­saar­tak­kit ilagiil­lu ataatsimiin­nerini up­per­nin­nik ersersitsiniar­tarit. Meeq­qat atuarfian­ni atuar­nin­ni nutaarsias­saq nuan­nersoq pil­lugu al­lanik oqaloqateqar­neq pik­korif­figilerumal­lugu iliuuseqar­tarit. Inuit inut­tut soqutiginis­saat ilin­niaruk qanoq isumaqarfigin­nin­nersut periaaseril­lutit aperisar­nerisigut akis­sutaasalu tusar­naar­tar­nerisigut. Aam­ma ilagiin­ni ikiuutaajumasarsin­naavutit, soorlu naalagaaf­filersaarfim­mik eq­qiaaqataajumal­lutit iluarsaaqataajumal­lutil­luun­niit. Jehovap inun­nik maniguut­tunik suliumasunil­lu atuinis­sani nuan­narisar­paa. (Tussiaat 110:3 atuaruk; ApS 6:1-3) Apustilip Paulusip Timotheusi ajoqersuiar­tor­titatut kif­far­toqatiseraa ‘qatan­ngutigiin­ni tusaamasaal­luarmat’. – ApS 16:1-5, tastamantitâĸ.

15. Pionerin­ngor­nis­san­nut iluaqutis­san­nik sulif­fit­taarsin­naajumal­lutit susin­naavit?

¹⁵ Pif­fis­saq tamaat kif­far­tor­tut amerlanersaat sulif­feqar­tariaqar­tar­put. (ApS 18:2, 3) Im­maqa sivisun­ngitsumik ilin­niagaqarsin­naavutit najuk­kan­ni ul­lup af­faani sulif­feqaler­nis­san­nut iluaqutigiumaak­kan­nik. Ilagiin­nik nak­kutil­liisorsi pioneril­lu al­lat pilersaarutitit pil­lugit oqaloqatigisak­kit taak­kunun­ngalu siun­nersoq­qusarit. Soorlu Biibilimi al­las­simasoq, “suliarisas­satit Naalak­kap as­saanut tun­niutik­kit, taava pilersaarutitit piviusun­ngorumaar­put”. – Uss 16:3; 20:18.

16. Pif­fis­saq tamaat kif­far­tor­neq siunis­sami akisus­saaf­figiligas­sanut qanoq piareersaatigisin­naaviuk?

¹⁶ Qular­nan­ngil­luin­nar­poq Jehovap kis­saatigigaa il­lit nuan­nersumik siunis­saqar­nis­sat. (1 Timotheusi 6:18, 19 atuakkit). Pif­fis­saq tamaat kif­far­tor­tunik al­lanik suleqateqar­til­lutit pif­fis­saq tamaat kif­far­tor­neq kristumiutut inersimal­luar­tun­ngor­nis­samut iluaqutigis­savat. Aam­ma pif­fis­saq tamaat kif­far­tor­tut ilar­pas­suisa paasisimavaat inuusun­nermin­ni pif­fis­saq tamaat kif­far­tor­ner­tik kingusin­nerusuk­kut aap­paqaleramik aap­pariin­nermin­ni iluaqutigisimal­lugu. Amerlaner­tigut aap­paqalin­ngin­nermin­ni pioneriusut aap­par­taaraangamik pioneriuin­nar­tar­put. – Rom 16:3, 4.

17, 18. Pilersaarusior­neq uum­matin­nut qanoq at­tuumas­suteqar­pa?

¹⁷ Tus­siaat 20:5-imi Jehova pil­lugu ima al­las­simasoqar­poq: “Uum­map­pit kis­saatigisaanik tunilisit pilersaarutitil­lu iluatsisil­lugit.” Siunis­san­nik pilersaarusior­til­lutit eq­qarsaatigiuk inuunin­ni sorusun­nerlutit. Eq­qarsaatigiuk Jehovap nalitsin­ni suut iliuuserinerai il­lil­lu taas­sumun­nga kif­far­tor­nermi sunik iliuuseqaqataasin­naanersutit. Taava taas­suma iluarisaanik pilersaarusiorit.

¹⁸ Inuunerit Jehovamut tamak­kiisumik kif­far­tor­nermut taas­sumin­ngalu ataq­qinar­titsinermut atoruk­ku pil­luas­saatit. Aap, Jehova ‘qiim­mat­taatigis­savat, taas­suma tunisarumaarmatit uum­mativit kis­saatigisaanik’. – Tuss 37:4.