Atuartartut apeqqutaat
Angut arnarlu katissimanngitsut pissutissaqaratik unnueqatigiissimappata, tamanna ajortuliorsimanerannut uppernarsaataava, eqqartuussisinnaanermullu ataatsimiititaliamik pilersitsinissamut pissutissaqarpa?
Aap, pissutissaqaratik unnueqatigiissimagunik kinguaassiuutitigut assuarnartuliorsimanerannut uppernarsaataavoq. Taamaattumik, eqqortumik pissutissaqanngippat eqqartuussisinnaanermut ataatsimiititaliaq pilersinneqassaaq. – 1 Kor 6:18.
Eqqartuussisinnaanermut ataatsimiititaliaq pilersinneqassanersoq aalajangerniarlutik utoqqaanertaqatigiit pisimasoq peqqissaartumik nalilertarpaat. Assersuutigalugu: Peerariippat? Imminnut pissusilersoriaasiat pillugu utoqqaanertanit naqqinneqareersimappat? Sooq unnueqatigiippat? Pilersaarutigisimavaat? Allamik periarfissaqaraluarlutik taamaaliorpat? Imaluunniit iliuuseqarfigisinnaanngisaminnik, soorlu ilimaginngisaminnik pinartumilluunniit, unnueqatigiittariaqalernerannik pisoqarsimava? (Jaak 4:13, 14) Sumi sinippat? Pisimasut tamarmik assigiinneq ajormata utoqqaanertat aalajangigaannut sunniuteqartunik allanik paasissutissaqarsinnaavoq.
Qanoq pisoqarsimanersoq paasereerlugu utoqqaanertaqatigiit aalajangiissapput eqqartuussisinnaanermut ataatsimiititaliaq pilersinneqassanersoq.