JOSVAP Israelik­kut nunamut neriorsuutigisamut siulersor­tus­saavai. Taman­na ilungersunar­tus­saavoq. Jehovamil­li nakus­satsin­neqar­poq imalu kajumis­saar­neqarluni: “Tup­pal­lerit pis­satsil­lutil­lu.” Jehovap Josva oqarfigaa Inatsisit atuar­tarunigit maleruarlugil­lu silatusaar­tumik aalajangiis­sal­lunilu iluatsitsil­luas­sasoq. – Jos 1:7, 8.

‘Ul­luni atugarliungaarfiusuni’ inuugat­ta uagut­taaq nalaatavut ilungersunarsin­naap­put. (2 Tim 3:1) Josvatut iluatsitsil­luas­sagut­ta Jehovap taas­sumun­nga siun­nersuutaa maleruar­tariaqar­par­put. Ul­lut tamaasa Biibilimik atuar­tariaqar­pugut ilik­kak­kavul­lu maleruaq­qis­saarlugit.

Arlat­tali qanoq atuaq­qis­saar­nis­sar­tik nalusar­paat, imaluun­niit nuan­narineq ajor­paat. Nam­minerli Biibilimik atuaq­qis­saar­tar­nis­saq pingaaruteqaqaaq. Atuaq­qis­saar­tar­ner­pit pis­sarsiaqarfiginis­saanut nuan­ner­nerulersin­nis­saanul­lu iluaqutigisas­san­nik siun­nersor­neqarumal­lutit ungalusaq “ Siun­nersuutit uku misilik­kit” misis­soruk.

Tus­siaasior­toq ima erinarsor­poq: “Aq­qutik­kut atuaq­qusak­kut ingerlatin­nga, nuannarigakku taan­na.” (Tuss 119:35) Il­lit­taaq Guutip oqaasianik atuaq­qis­saar­neq nuan­narisin­naavat. Biibilimik atuaq­qis­saar­nerit ingerlatiin­naruk­ku nuan­nersor­pas­suar­nik paasisaqas­saatit.

Il­lit Josvatut inuiaat siulersor­tus­saan­ngik­kaluarlugit unam­miniagaqar­putit. Taamaat­tumik Josva ilaarlugu Guutip oqaasianik atuaq­qis­saar­tarit maleruaal­lutil­lu. Taamaalioruit silatusaar­tumik aalajangiis­saatit iluatsitsil­luas­sal­lutil­lu.