1, 2. Jehovamut isigineq qanoq paasisariaqar­pa?

UL­LUNI ‘atugarliungaarfiusuni’ inuuvugut. (2 Tim 3:1) Jehoval­lu silarsuarmik ajor­tumik matuman­nga suujun­naarsitsinis­saa nunarsuarmil­lu piviusumik eq­qis­sisitsinis­saa sioq­qul­lugu pis­sutsit suli ajor­nerulis­sap­put. Taamaat­tumik im­minut ima aperisariaqar­pugut: ‘Ikior­tis­sarsiorlungalu siulersor­tis­sarsioraangama kina isigisar­para?’ Ingerlaan­naq ima akisariaqar­pugut: ‘Jehova,’ taman­nalu akis­sutaavoq pitsaaner­paaq.

² Jehovamut isigineq qanoq paasisariaqar­pa? Ajor­nar­torsioraangat­talu Jehovamut isigiuar­nersugut qanoq qulak­keersin­naavar­put? Itsaq Biibilimik al­lat­tut ilaat nas­suiaavoq ikior­neqar­tariaqaraangat­ta Jehovamut isigaluta taas­sumun­nga ikior­tis­sarsior­tar­nis­sar­put qanoq pisariaqar­titsiginerip­put. (Tussiaat 123:1-4 atuakkit). Al­lap­poq Jehovamut isigigaangat­ta kif­fap naalak­kaminik isigin­nin­neratut it­tar­tugut. Qanoq? Kif­fap naalak­kami nerisaqar­til­lunilu il­lersus­sagaani tatigisar­paa. Aam­mali naalak­kami  qanoq ilior­tik­kumagaani paasiumal­lugu taan­na nak­kutigiuar­tar­paa piumasaatul­lu iliorluni. Taamatul­li uagut Guutip oqaasia ul­lut tamaasa atuaq­qis­saar­tariaqar­par­put Jehovap qanoq ilior­tik­kusuk­kaatigut paasiumal­lugu piumasaatul­lu iliorluta. Aatsaat taamaaliorut­ta Jehovap ikior­neqar­tariaqarfitsin­ni ikius­sagaatigut qulak­keersin­naavar­put. – Ef 5:17.

3. Jehovamut isiginitsin­ni suna al­lamut saasaatigisin­naavar­put?

³ Jehovamut isigiuar­nis­sar­put nalun­ngik­kaluarlugu ilaan­nik­kut al­lamut saasar­tis­sin­naavugut. Jiisusip qanimut ikin­ngutaanut Mar­thamut taama pisoqar­poq. Mar­thap ‘ulap­puter­pas­suani’ al­lamut saasaatigai. (Luk 10:40-42) Mar­tha aalajaatsoq Jiisusi pulaar­toritil­lugu al­lamut saasar­neqarsin­naap­pat aam­ma uagut taamaalisin­naaner­put tupaal­laatigis­san­ngilar­put. Taavami Jehovamut isiginitsin­ni suut al­lamut saasaatigisin­naavavut? Al­laaserisami matumani inuit al­lat iliuusii qanoq al­lamut saasaatigisin­naagivut sam­mis­savar­put. Qanorlu Jehovamut isigiuarsin­naanersugut paasis­savar­put.

4. Mosesip nunamut neriorsuutigisamut iser­nis­samut im­mik­kut pisin­naatitaaf­fini an­naam­magu sooq tupaal­lan­narsin­naava?

⁴ Mosesi Jehovamut siulersor­tis­sarsior­tar­toq qularutis­saan­ngilaq. Biibilimi al­las­simavoq ‘takus­saan­ngitsumik isigisaqarlunilusooq piner­tusaar­toq’. (Hebræerit 11:24-27 atuakkit). Aam­ma al­las­simavoq ‘tamatuma kingor­na Israelik­kun­ni pruf­fiiteqan­ngisaan­nar­toq Mosesitut it­tumik Naalak­kap nam­mineq kiinarsil­lugu saq­qum­merfigisarsimasaanik’. (5 Mos 34:10) Mosesil­li Jehova qanimut ikin­ngutigigaluarlugu nunamut neriorsuutigisamut iser­nis­samut im­mik­kut pisin­naatitaaf­fini an­naavaa. (4 Mos 20:12) Suna kuk­kus­sutigigamiuk?

5-7. Israelik­kut Egyptenimit aal­lar­nerata kingunitsian­ngua susoqar­pa, Mosesilu qanoq ilior­pa?

⁵ Israelik­kut Egyptenimit aal­lar­nermin­niit qaam­matit marluk qaangiutin­ngitsul­luun­niit qaq­qamut Sinajimut suli apuutin­ngitsut ilungersunar­tumik pisoqar­poq. Inuit imis­saqan­ngin­ner­tik naam­magit­taal­liuutigiler­paat. Mosesip naam­magit­taal­liorfigalunilu kamaatingaalerman­ni Jehova “torlorfigaa oqarluni: ‘Inuit uku qanoq iliorfigis­savak­ka? Ujaq­qanik mil­luun­ngersaaler­paan­nga!’” (2 Mos 17:4) Jehovap Mosesi erseq­qis­sumik ilitsersor­paa. Oqarfigaa Horebimi qaarsoq ajaap­pis­saminik anaas­sagaa. Biibilimi ima al­las­simavoq: “Mosesi taamaalior­poq Israelik­kut utoq­qaaner­taat isigitil­lugit.” Taava ajor­nar­torsiut aaq­qil­lugu imeq kuuler­poq Israelik­kut naam­mat­tumik imis­saqar­tilerlugit. – 2 Mos 17:5, 6.

⁶ Biibilimi al­las­simavoq Mosesip sumiif­fik taman­na Mas­samik, ‘misiliinermik’ isumaqar­tumik, aam­ma Meribamik, ‘naam­magit­taal­lior­nermik’ isumaqar­tumik, taaguuseraa. Sooq? “Israelik­kut naam­magit­taal­liorsimam­mata Naalagarlu misilin­niarsimam­mas­suk oqarlutik: ‘Naalagaq akor­natsin­niin­ner­pa akor­natsin­niin­ngin­ner­paluun­niit?’” – 2 Mos 17:7.

⁷ Meribami pisoq Jehovap qanoq isumaqarfigaa? Israelik­kut Mosesip oqar­tus­saas­susianuin­naan­ngitsoq,  aam­mali nam­minerminut pikitsitsiner­tut isigaa. (Tussiaat 95:8, 9 atuakkit). Israelik­kut iliuusiat kuk­kunerujus­suuvoq. Mosesili eq­qor­tulior­poq. Jehovamut isigivoq peq­qusineratorluin­narlu iliorluni.

8. Israelik­kut ukiuni 40-ni inoqajuitsuk­kut ingerlaareersut susoqar­pa?

⁸ Ukiul­li 40-t qaangium­mata as­singusumik pisoqar­nerani susoqar­pa? Israelik­kut inoqajuitsuk­kut ingerlaareerlutik Kadeship eq­qaanut, nuna neriorsuutigisap kil­leqarfiata eq­qaaniit­tumut, apuup­put. Sumiif­fik taman­na aam­ma Meribamik taaneqar­tar­poq. * Sooq? Tas­sani imeqan­ngim­mat Israelik­kut naam­magit­taal­lioq­qiler­put. (4 Mos 20:1-5) Tamatumanili Mosesi ingasat­tumik kuk­kuvoq.

9. Jehovap Mosesi qanoq ilitsersor­paa, Mosesili sua? (Al­laaserisap aal­laq­qaataani as­siliaq takuuk).

⁹ Inuit pikitsitsim­mata Mosesi sua? Sior­natigutul­li Jehovamut siulersoq­quvoq. Maan­nali Jehovap Mosesi qaarsoq anaaqqullugu oqarfigin­ngilaa. Ajaap­piaa tigoq­quaa, inuit qaarsup eq­qaanukar­teriarlugit qaarsoq oqaluuteqquaa. (4 Mos 20:6-8) Mosesi taamaalior­pa? Naamik. Kamangaarluni inuit ima nil­liaf­figai: “Naalas­seriitsusi ilis­si, tusaarias­sasusi! Qaarsumit uuman­nga imeq puilalersis­sin­naanerlutigu imis­saqar­tilerlusi?” Taava qaarsoq ataasiaan­nar­nagu, marloriarluguli, anaavaa. – 4 Mos 20:10, 11.

10. Mosesip iliuusii pil­lugit Jehova qanoq qisuariar­pa?

¹⁰ Jehovap Mosesi kamaatingaaler­paa. (5 Mos 1:37; 3:26) Sooq Jehova taama qisuariar­pa? Pis­sutaasin­naasut ilagaat Jehovap ilitsersuus­sutaa nutaaq Mosesip maleruan­ngim­magu.

11. Qaarsup anaaneratigut sooq Mosesip Israelik­kut isumaqalersis­simasin­naavai Jehova tupin­nar­tuliun­ngitsoq?

¹¹ Jehovap sooq taama kamatsigineranut al­lamik pis­suteqarsimasin­naavoq. Meribami siul­lermi qaarsut man­ngersuup­put. Qanorluun­niit sak­kor­tutigisumik qaarsut anaaneqaraluarunik imermik pikialasoqar­nis­saa kial­luun­niit naatsorsuutigin­ngilaa. Meribal­li aap­paani qaarsut al­laanerujus­suup­put. Qaarsut an­ner­tunerit tas­saniit­tut kalkitaqar­put. Ujaq­qat kalkital­lit aqin­nerum­mata imeq qaarsumut sitsiut­tar­poq naq­qanul­lu katersuut­tarluni. Taamatut inuit qaarsup anaaneratigut imis­sarsisin­naasar­put. Taamaam­mat Mosesip qaarsoq oqaluun­nagu anaam­magu, Israelik­kut isumaqarsimasin­naap­pat Jehova tupin­nar­tuliorani imeq nam­mineerluni pikialalersoq? * Taman­na ilisiman­ngilar­put.

12. Jehovap Mosesimut Aronimul­lu kaman­neranut suna pis­sutaaqataasin­naava?

¹² Jehovap Mosesimut Aronimul­lu taama kamatsigineranut aam­ma al­lamik pis­suteqarsimasin­naavoq. Mosesip inuit ima oqarfigai: “Qaarsumit uuman­nga imeq puilalersissinnaanerlutigu imis­saqar­tilerlusi?” Mosesi taama oqarami im­minut Aronimul­lu in­nersuus­sigunar­poq. Mosesip taama oqar­nera ataq­qin­nin­ngitsulior­neruvoq, tupin­nar­tuliamum­mi tun­ngatil­lugu Jehova tamanut ataq­qinaatis­sin­ngilaa. Tus­siaat 106:32, 33-mi al­las­simavoq: “Naalagaq kamas­saar­paat Meribap puilasuini, taak­kulu pisuul­lutik perlutsitaavoq Mosesi, naalas­seriif­figigamik­ku mianersuaalliorluni oqalulersillugu.” * (4 Mos 27:14) Mosesip Jehova ataq­qinaatis­saraluanik ataq­qinaatis­sin­ngilaa. Jehovap Mosesi Aronilu ima oqarfigai: ‘Peq­qusinera naalan­ngilarsi.’ (4 Mos 20:24) Taman­na ingasat­tumik ajor­tulior­neruvoq!

13. Sooq Jehovap Mosesimut pil­laanera naaper­tuil­luar­nerua?

¹³ Mosesip Aronil­lu in­nut­taminik siulersuinerat pil­lugu Jehovap taak­ku an­nerusumik piumasaqarfigai. (Luk 12:48) Siusin­nerusuk­kut Israelik­kut im­minut pikitsitsim­mata kinguaariit tamarmiusut nunamut neriorsuutigisamut iser­nis­saat Jehovap akuerin­ngilaa. (4 Mos 14:26-30, 34) Taamaam­mat Jehovap Mosesimut as­singusumik pil­laanera naaper­tuil­luar­neruvoq. Pikitsitsisutul­lu al­latul­li Mosesi nunamut neriorsuutigisamut iseq­qusaan­ngilaq.

14, 15. Mosesip suna Jehovamut pikitsitsilis­sutigivaa?

¹⁴ Mosesip Jehovamut pikitsitsineranut pis­sutaasoq suua? Tus­siaat 106:32, 33-mi qanoq al­las­simasoqar­toq maluginiaq­qeriaruk: “Naalagaq kamas­saar­paat Meribap puilasuini, taak­kulu pisuul­lutik perlutsitaavoq Mosesi, naalas­seriif­figigamik­ku mianersuaalliorluni oqalulersil­lugu.” Tas­sa Israelik­kut Jehovamut pikitsitsigaluar­tut Mosesi mianersuaal­lior­poq, tas­sa kamaler­poq. Kingunis­sai eq­qarsaatigeq­qaar­nagit oqalulerami im­minut naalak­kersin­naanermik ersersitsin­ngilaq.

¹⁵ Inuit al­lat iliuusii al­lamut saasaatigigamigit Mosesi Jehovamut isigiun­naar­poq. Inuit imeq pil­lugu naam­magit­taal­lioq­qaarmata Mosesi eq­qor­tulior­poq. (2 Mos 7:6) Im­maqali Israelik­kut ukior­pas­suar­ni pikitsitsisimam­mata qasulersimal­lunilu nukil­lalaaq­qavoq. Imaas­sin­naavoq Mosesip maan­na misigis­sutsini eq­qarsaatigingaaramigit Jehovamik ataq­qinaasiinis­sani eq­qarsaatigin­ngik­kaa.

16. Sooq Mosesip iliuusii eq­qarsaatigisariaqar­pavut?

¹⁶ Mosesi pruf­fiiti aalajaatsoq al­lamut saasar­til­lunilu ajor­tuliorsin­naap­pat aam­ma uagut taamaaleriaan­naavugut.  Mosesi nunamut neriorsuutigisamut isingajaleraluar­poq, uagul­lu silarsuar­taas­samut isingajaler­pugut. (2 Petr 3:13) Pisin­naatitaaf­fik im­mik­kut it­toq taman­na an­naarusun­ngeqaar­put. Silarsuar­taas­samul­li iserumal­luta Jehovamut isigiuar­tariaqarlutalu naalat­tuar­tariaqar­pugut. (1 Joh 2:17) Mosesip kuk­kus­sutaanit suut ilin­niarfigisin­naavavut?

17. Nukil­lalaaq­qatil­luta qanoq im­minut aqus­sin­naavugut?

¹⁷ Nukillalaaqqagaangavit imminut aqussinnaasarit. Ilaan­nik­kut as­sigiin­nik ajor­nar­torsiuteqaqat­taar­tar­pugut. Biibilimili ima al­las­simavoq: “Ajun­ngitsulior­neq qatsuteqinatigu, pif­fis­sarmi nal­liup­pat katersuiumaar­pugut qasun­ngik­kut­ta.” (Gal 6:9; 2 Th 3:13) Arlaat nukil­lalaas­sutigigaangatsigu oqalun­ngin­nitsin­ni eq­qarsaq­qaar­tar­pugut? Kaman­naveersar­tar­pugut? (Uss 10:19; 17:27; Matt 5:22) Al­lanit kamas­saar­neqaraangat­ta ‘Guutip kamaas­sinerata periarfis­sin­nis­saa’ ilin­niar­tariaqar­par­put. (Romamiut 12:17-21 atuakkit). Taman­na qanoq isumaqar­pa? Kamaler­nata Jehova, pisariaqarsorip­pagu, ajor­nar­torsiutitsin­nut akuliun­nis­saa erinitsajuil­luta utaq­qisariaqar­par­put.  Jehovamut isiginata akiniaaniarut­ta taan­na ataq­qin­nin­ngitsuliorfigis­savar­put.

18. Ilitsersuus­sutinik maleruaanermi suna eq­qaamas­savar­put?

¹⁸ Ilitsersuussutit kingulliit maleruaqqissaartakkit. Ilitsersuus­sutit kingul­liit Jehovap tun­nius­sai maleruaq­qis­saar­tar­pavut? Pisar­nitsitul­li pisas­san­ngilagut. Jehoval­li peqatigiis­sor­tani aq­qutigalugit ilitsersuus­sutai nutaat tamaasa maleruar­niapal­lat­tas­savavut. (Hebr 13:17) Aam­ma ‘Al­lak­kat malit­tas­savavut’, tas­sa al­las­siman­ngitsunik ilaar­tor­naveersaar­nis­saat mianersuutigis­savar­put. (1 Kor 4:6) Jehovap ilitsersuus­sutai maleruaq­qis­saaraangatsigit taas­sumun­nga isigiuar­tar­pugut.

19. Al­lat kuk­kus­sutaat Jehovamut at­taveqar­nitsin­nut qanoq ajoqusiitin­naveersaarsin­naavavut?

¹⁹ Allat kukkussutaat Jehovamut attaveqarunnaassutigeqinagit. Jehovamut isigiuarut­ta al­lat iliuusii kamalis­sutiginagil­lu taas­sumun­nga at­taveqarun­naas­sutigis­san­ngilavut. Taman­na ingam­mik pingaar­poq Mosesitul­li Guutip peqatigiis­sor­taani arlaan­nik akisus­saaf­feqarut­ta. Soorunami an­naan­neqar­niarluta tamat­ta ilungersor­tariaqarlutalu Jehova naalat­tariaqar­par­put. (Fil 2:12) Akisus­saaf­feqar­nerujar­tor­til­lutali Jehovap uagutsin­nut piumasaqaatai an­neruler­tar­put. (Luk 12:48) Jehova ilumoorluta asagutsigu taas­suma asan­nin­neranit sunaluun­niit naak­kius­sutiginagulu avis­saas­sutigis­san­ngilar­put. – Tuss 119:165; Rom 8:37-39.

20. Suna aalajangiusimajuar­tariaqar­par­put?

²⁰ Ul­luni unam­miniar­nar­torsiorfiusuni inuuvugut. Taamaam­mat Jehovap uagutsin­nit piumasaa paasiniarlugu taas­sumun­nga, ‘qilam­mi ineqar­tumut’, isigiuar­nis­sar­put pingaaruteqar­poq. Al­lat iliuusii pis­sutigalugit Jehovamut at­taveqar­nit­ta ajoquser­neqar­nis­saa akuerin­ngisaan­nar­tariaqar­par­put. Mosesimut pisoq pingaarutilim­mik ilin­niarfigaar­put. Al­lat kuk­kugaangata ingasat­tumik qisuariar­nata aalajangiusimajuar­tigu ‘isit­ta Jehovamut, Guutitsin­nut, sam­mitin­nis­saat saam­maatserluta’. – Tuss 123:1, 2.