1. Sooq oqarsin­naavugut Jehovap suut tamaasa pigigai? (Al­laaserisap aal­laq­qaataani as­siliaq takuuk).

JEHOVAP suut tamaasa pigai. “Qilak qilaal­lu qilaat nunalu tas­sanilu it­tut tamaasa ... pigai.” (5 Mos 10:14; Saqq 4:11) Inun­nik pin­ngor­titsisuugami Jehovap tamat­ta pigaatigut. (Tuss 100:3) Inuil­li inuusimasut ilaan­naat Guutip im­mik­kut it­tumik pigisas­samisut toq­qar­pai.

2. Biibili naaper­torlugu kik­kut Jehovap im­mik­kut it­tumik pigai?

² As­sersuutigalugu Tus­siaat 135-mi itsaq Israelimi Jehovamik aalajaal­lutik pal­lorfigin­nit­tut ‘im­mik­kut it­tumik pigisarineqar­tutut’ taaneqar­put. (Tuss 135:4, NW) Aam­ma Hoseap Israelik­kuun­ngitsut Jehovamut in­nut­tan­ngor­nis­saat siulit­tuutigaa. (Hos 2:25) Jehovap Israelik­kuun­ngitsut Kristusi ilagalugu qilam­mi naalak­kersuisus­sat toq­qar­talermagit siulit­tuut taan­na eq­quup­poq. (ApS 10:45; Rom 9:23-26) Anersaamik il­ler­nar­tumik tanitat taak­ku ‘inuiaqatigiin­nik il­ler­nar­tunik’ taaneqar­put. Taak­ku Jehovap ‘im­mik­kut  it­tumik pigai’. (1 Petr 2:9, 10, NW) Nalitsin­nimi kristumiut aalajaatsut nunarsuarmi naas­saan­ngitsumik inuunis­samik neriugisal­lit? Jehovap aam­ma taak­ku ‘in­nut­tamisut qinik­kamisul­lu’ taavai. – Es 65:22.

3. (a) Nalitsin­ni kik­kut Jehovamut im­mik­kut it­tumik at­taveqar­pat? (b) Al­laaserisami matumani suna eq­qar­tus­savar­put?

³ Nalitsin­ni ‘savar­pan­nguit’, qilam­mi naas­saan­ngitsumik inuunis­samik neriugisal­lit, aam­ma ‘savat al­lat’, nunarsuarmi naas­saan­ngitsumik inuunis­samik neriugisal­lit, Jehova ‘savaatitut katersatut ataatsitut’ pal­lorfigaat. (Luk 12:32; Joh 10:16) Im­mik­kut it­tumik at­taveqarsin­naanit­ta qujamasuutigingaar­nera Jehovamut ersersik­kusup­par­put. Al­laaserisami matumani Jehovap taamatut im­mik­kut it­tumik ataq­qinaasiinera qujamasuutigalugu qanoq ersersis­sin­naagip­put eq­qar­tus­savar­put.

4. Jehovap at­taveqarfigisin­naanera qujamasuutigalugu qanoq ersersis­sin­naavar­put, Jiisusilu tamatumun­nga as­singusumik qanoq ilior­pa?

⁴ Tun­niul­luin­nar­nik­kut kuisin­nik­kul­lu Jehovamut qujamasun­ner­put ersersit­tar­par­put. Taamaalil­luni kik­kut tamarmik takusin­naalis­savaat Jehovap pigigaatigut taan­nalu naalak­kusuk­kip­put. (Hebr 12:9) Jiisusi kuisik­kami tamatumun­nga as­singusumik ilior­poq. Inuiaqatigiin­nut Jehovamut tun­niul­luin­nareersimasunut ilaagaluarluni Jehovamut im­minut pil­liutigivoq. Guutimut ima oqar­porlusooq: “Guuti, piumasat malil­lugu ilior­nis­saq tas­sa kajungerisara.” – Tuss 40:8, 9.

5, 6. (a) Jiisusi kuisim­mat Jehova qanoq oqar­pa? (b) Tun­niul­luin­nar­ner­put Jehovap qanoq misigis­suseqarfigigaa as­sersuusiorlutit oqalut­tuariuk.

⁵ Jiisusi kuisim­mat Jehova qanoq misigiva? Biibilimi al­las­simavoq: “[Jiisusi] kuisereerluni er­niin­naq imermit qaqim­mat qilaat qulaagut am­mar­put, takuaalu Guutip anersaavata tuisut il­luni aq­qarfigigaani quliminut pil­luni, nipilu qilan­nit tutsiup­poq: ‘Tas­sa er­nera asasara, nuan­narisara.’” (Matt 3:16, 17) Jiisusi Guutimit pigineqareer­poq. Jehoval­li nuan­naarutigaa takul­lugu Jiisusip kisimi kif­far­torfigerusuk­kaani. Jehovap aam­ma tun­niul­luin­nar­ner­put nuan­naarutigisar­paa, pil­luaq­qus­savaatigul­lu. – Tuss 149:4.

⁶ Jehoval­li suut tamaasa pigereer­pai. Sumik tunisin­naagatsigu? Angut naatsiivim­mini kusanar­tunik naasuutilik takorlooruk. Ul­lut ilaan­ni paniata naasumik naatsiiviutaaneersumik tunivaa. Naasut pigereeraluarlugit ataataasup asan­nit­tup tunis­sutisiani nuan­naarutigaa. Taman­na panim­minit asaneqar­nerminut takus­sutis­saavoq. Naasoq taan­na panim­mi tun­nius­saa naatsiivim­mini naasunit al­lanit erligineruaa. Taamatut­taaq kajumil­luta tun­niul­luin­naraangat­ta Jehova nuan­naar­tar­poq. – 2 Mos 34:14.

7. Jehovap kif­far­torfigin­nitsini kajumit­tut pil­lugit misigis­susiinik paasin­nin­nis­satsin­nut Malakip qanoq ikior­paatigut?

⁷ Malaki 3:16 atuaruk. Jehovamut tun­niul­luin­nar­nis­sar­put kuisin­nis­sar­pul­lu sooq taama pingaaruteqar­tigaat? Inun­nguin­narlutit Pin­ngor­titsisin­nit, Jehovamit, pigineqalereer­tar­nerit ilumoor­poq. Jehovali Naalak­kersuisutut  akuerigun­ni tun­niul­luin­narfigigun­nilu qanoq nuan­naar­tigis­sasoq takorlooruk! (Uss 23:15) Jehovap kajumil­lutik im­minut kif­far­tor­tut nalun­ngilai, aam­ma atii ‘map­persak­kaminut’ al­lat­tar­pai.

8, 9. Jehovap inuit aq­qi ‘map­persak­kamini’ al­las­simasut qanoq piumasaqarfigai?

⁸ Atit­ta Jehovap ‘map­persagaani’ al­las­simaan­nar­nis­saa kis­saatigigutsigu iliuuseqar­tariaqar­pugut. Malaki al­lap­poq Jehova mianerisariaqarlugulu taas­suma aq­qa eq­qarsaatigeq­qis­saar­tariaqarip­put. Al­lamik pal­lorfigin­nik­kut­ta ater­put Jehovap map­persagaanit peer­neqas­saaq! – 2 Mos 32:33; Tuss 69:29.

⁹ Taamaat­tumik Jehovap piumasaatut ilior­niarluta neriorsuiner­put kuisin­ner­pul­lu naam­man­ngil­lat. Taak­kua ataasiaan­narluta iliuuserisar­pavut, Jehovamil­li pal­lorfigin­nin­neq inooriaasiuvoq. Ul­lut tamaasa, inuuner­put naal­lugu, iliuutsitsigut ersersit­tariaqar­par­put Jehova naalal­lutigu. – 1 Petr 4:1, 2.

10. Jehovamut kif­far­tor­tut kif­far­tun­ngitsul­lu qanoq erseq­qis­sumik as­sigiin­ngis­suteqar­tariaqar­pat?

¹⁰ Al­laaserisap siuliani paasivar­put Kaini, Salomo Israelik­kul­lu Jehovamik pal­lorfigin­nin­neraraluarlutik ilumoorfigin­nin­ngitsut. Oqalut­tuanit taak­kunanit paasivar­put Jehovamik pal­lorfigin­nin­nerar­neq naam­man­ngitsoq. Ajor­tut uumigisariaqar­pavut ajun­ngitsul­lu nuan­naralugit. (Rom 12:9) Jehova oqar­poq “iluar­toq iluan­ngitsumit, tas­sa Guutimik kif­far­tuus­sisoq kif­far­tuus­sisuun­ngitsumit”, im­mik­koor­tis­sin­naas­sagip­put. – Mal 3:18.

11. Sooq Jehova kisiat pal­lorfigigip­put kik­kut tamarmik takusin­naasariaqar­paat?

¹¹ Jehovap in­nut­tamisut toq­qarmatigut qujamasup­pugut! Jehovamut naalan­ner­put kik­kun­nit tamanit takuneqarsin­naasariaqar­poq. (Matt 5:16; 1 Tim 4:15) Im­minut ima aperigit: ‘Jehova ilumoorfigil­luin­nariga al­lanut ersarip­pa? Tul­luusimaarlunga oqar­tar­punga Jehovamik Nalunaajaasuul­lunga?’ Jehovamit pigineqar­nit­ta al­lanut oqalut­tuarinis­saa kan­ngusuutigigutsigu Jehova qanoq aliasutsigis­sasoq takorlooruk. – Tuss 119:46; Markusi 8:38 atuaruk.

12, 13. Ilaasa Jehovamik Nalunaajaasuuner­tik al­lanut qanoq takujuminaal­lisis­simavaat?

¹² Ajoraluar­tumik al­laat Nalunaajaasut ilaat ‘silarsuup anersaavanik’ ilaarsip­put. Taamaat­tumik Jehovamik pal­lorfigin­nin­ngitsunit al­laanerual­laan­ngil­lat. (1 Kor 2:12) ‘Silarsuup anersaavata’ inuit nam­minis­sarsiorlutik pileris­sutsimin­nik pingaar­titsilersit­tar­pai. (Ef 2:3) As­sersuutigalugu siun­nersor­neqaqat­taaraluar­tugut ilaat isor­nar­tumik atisalersor­tar­put. Al­laat kristumiut katerisimaar­neran­ni at­tuumaval­laanik nuisatitsival­laar­tunil­lu atisaqar­tar­put. Im­maqa aam­ma nujaris­sariaasiat takus­sunar­tuuvoq. (1 Tim 2:9, 10) Taman­na pis­sutigalugu al­lat Jehovamik Nalunaajaasuunersugut  Nalunaajaasuun­ngin­nersugul­luun­niit takujuminaatsis­sin­naavaat. – Jaak 4:4.

¹³ Aam­ma al­latigut Nalunaajaasut ilaat silarsuarmit al­laanerual­laan­ngil­lat. As­sersuutigalugu fester­ner­ni ilaat kristumiunit akuerineqarsin­naan­ngitsutut qitit­tarlutil­lu pis­susilersor­tar­put. Al­lat uin­ngup pilerigisaanik ersersitsisumik nit­tar­tak­katigut as­sinik ik­kus­sisarlutil­lu oqaaser­taliisar­put. Kristumiut ilagiivini ingasat­tumik ajor­tulior­tutut im­maqa perorsaatis­sin­neqarsiman­ngil­lat, kisian­ni qatan­ngutimin­nut tamaviaarlutik silarsuarmit al­laaneruniar­tunut ajor­tumik sun­niuteqarsin­naap­put. – 1 Petrusi 2:11, 12 atuakkit.

14. Im­mik­kut it­tumik Jehovamik ikin­nguteqar­ner­put il­lersor­niarlugu susariaqar­pugut?

¹⁴ Silarsuarmiit­tut tamarmik ‘uin­ngup pilerigisaanik, isit pilerigisaan­nik nunal­lu piinik usorsisimaaruteqar­nermik’ anguniagaqaler­nis­samik siuner­taqar­put. (1 Joh 2:16) Jehovamil­li pigineqarat­ta al­laaneruvugut. ‘Naaggaar­pugut iluaatsuus­susermut silarsuarmiul­lu kajungerisaan­nut, silatusaarluta peq­qusersuil­lutalu Guutimil­lu mianerin­nit­tuul­luta silarsuarmi matumani inuusin­naaq­qul­luta.’ (Tit 2:12) Inooriaatsitsigut, oqaloriaatsitsigut, nerisas­sanik imigas­sanil­lu atueriaatsitsigut, atisalersoriaatsitsigut suleriaatsitsigul­lu ersarit­tariaqar­poq Jehovap pigigaatigut. – 1 Korinthimiut 10:31, 32 atuakkit.

15. Sooq kristumioqatitsin­nut inus­siar­nersuul­lutalu asan­nit­tuusariaqar­pugut?

¹⁵ Jehovap ikin­ngutiginerata qujamasuutiginera qatan­ngutitsin­nut pis­susilersoriaatsitsin­nit erser­tar­poq. Taak­ku  aam­ma Jehovap pigai. Taman­na eq­qaamagutsigu inus­siar­nersumik asan­nit­tumil­lu pisas­savavut. (1 Th 5:15) Jiisusim­mi ajoqersuk­kani ima oqarfigai: “Asaqatigiik­kus­si tamatumuuna tamarmik paasis­savaat ajoqersugarigis­si.” – Joh 13:35.

16. Mosesip inatsisaani Jehovap in­nut­taminik asan­nin­nera pil­lugu suna paasivar­put?

¹⁶ Ilagiin­niit­tut qanoq pis­suseqarfigis­sanerlugit paasiniarlugu Mosesip inatsisaanit as­sersuuteqariar­ta. Jehovap naalaf­fiani ator­toqar­poq pal­lorfigin­nin­nermi kisimi ator­neqar­tus­sanik. Levik­kut ator­tunik taak­kunin­nga qanoq atuisar­nis­saat inatsim­mi erseq­qis­sumik al­laq­qavoq, ilitsersuutinil­lu maleruaan­ngitsoq kinaluun­niit toqun­neqar­tus­saavoq. (4 Mos 1:50, 51) Pal­lorfigin­nin­nermi ator­tut paaril­luar­neqar­nis­saat Jehovap taama soqutigitigip­pagu, taava pal­lorfigin­nitsini ilumoorfigin­nil­lutik tun­niusimasut qanoq pineqar­tar­neri soqutiginerutigis­savaa! Qanoq erligitigaluta paasitin­niarluta ima oqar­poq: “Ilis­sin­nik at­tuisut isima tap­piutaat at­tor­paat.” – Zak 2:12.

17. Jehova suut eq­qumaf­figalugil­lu ‘naalaaq­qis­saar­tar­pai’?

¹⁷ Malaki al­lap­poq Jehovap in­nut­tami im­min­nut qanoq oqaluut­tarlutil­lu pisar­nerat eq­qumaf­figalugulu ‘naalaaq­qis­saar­taraa’. (Mal 3:16) Jehovap “pigisani ilisimavai”. (2 Tim 2:19) Iliuutsivut oqaatsivul­lu tamaasa nalun­ngil­luin­nar­pai. (Hebr 4:13) Qatan­ngutitsin­nut inus­siar­niik­kaangat­ta Jehovap maluginiar­tar­paa. Ilimagil­luin­narsin­naavar­pul­li inoroorsaar­ner­put, tuk­kor­ner­put, isumak­keerfigin­nin­ner­put inus­siar­ner­ner­pul­lu aam­ma maluginiar­tarai. – Hebr 13:16; 1 Petr 4:8, 9.

18. In­nut­tatut toq­qar­neqar­ner­put qujamasuutigalugu Jehovamut qanoq ersersis­sin­naavar­put?

¹⁸ Jehovamit in­nut­tatut pigineqar­ner­put qujamasuutigalugu taas­sumun­nga ersersik­kusup­par­put. Inuuner­put taas­sumun­nga tun­niul­luin­naratsigu silatusaar­ner­paamik aalajangiil­luta nalun­ngilar­put. “Eq­qarleriit kuk­kulut­tor­tut tam­marsimasul­lu akor­nan­ni” inuugaluarluta ‘in­narluitsuul­lutalu silarsuarmi qaam­maq­qutaasin­naavugut’. (Fil 2:15) Taamaam­mat Jehovap uumigisaanik sumil­luun­niit iliuuseqan­ngin­nis­sar­put aalajangiusimavar­put. (Jaak 4:7) Aam­ma qatan­ngutivut Jehovamit pigineqarmata asal­lugil­lu ataq­qivavut. – Rom 12:10.

19. Jehovap pigisani qanoq akis­sarsisit­tar­pai?

¹⁹ Biibilimi ima neriorsuuteqar­poq: “[Ajat­tus­san­ngilai] Naalak­kap in­nut­tani.” (Tuss 94:14) Taman­na qular­naveeq­qutaavoq. Susoqaraluar­pal­luun­niit Jehovap qiman­navian­ngilaatigut. Al­laat toqugaluarut­ta puior­navian­ngilaatigut. (Rom 8:38, 39) “Inuugut­ta Naalak­kamut inuuvugut, toqugut­talu Naalak­kamut toquvugut. Tas­sa inuugut­ta toqugut­taluun­niit Naalak­kap pigaatigut.” (Rom 14:8) Jehovap ikin­ngutiminik tamanik ilumoorfigin­nit­tunik toqusimasunik makititsinis­saa qilanaaraar­put. (Matt 22:32) Aam­ma maan­nangaaq Ataatatsin­nit tunis­suter­pas­suit nuan­naarutigaavut. Biibilimi al­las­simaneratut “pil­luar­put inuiaat Naalak­kamik Guuteqar­tut, inuiaat pigisas­samisut qinigai”. – Tuss 33:12.