1-2. (a) Jiisusip peq­qus­sutaa Mat­thæusi 28:18-20 al­laq­qasutut ilagiit pingaar­ner­tut sulias­saat suua? (b) Al­laaserisami matumani apeq­qutit suut akis­sutis­sarsis­savavut?

MAKITITAANERMI kingor­na Jiisusip ajoqersuk­kani peq­quai qaq­qami Galilæamiit­tumi or­nis­sagaan­ni. Tas­sani katersuuk­kamik apustilit pis­sangasimas­sap­put. (Matt 28:16) Im­maqa pisumi tamatumani Jiisusi ‘qatan­ngutinit 500-t qaangerlugit amerlas­suseqar­tunit ataatsik­kut takuneqar­poq’. (1 Kor 15:6) Sooq Jiisusip ajoqersuk­kani tas­sun­ngaq­qusimavai? Pis­sanganar­tumik ima sulias­sin­niarlugit: “Aal­laritsi inuil­lu inuian­nit tamaneersut ... ajoqersugan­ngor­til­lugit.” (NW) – Matthæusi 28:18-20 atuakkit.

² Ajoqersuk­kat Jiisusip oqaasiinik tusar­tut kingusin­nerusuk­kut kristumiut siul­liit ilagiivinut ilaaler­put. Ilagiit pingaar­ner­tut sulias­saat tas­saavoq suli amerlanerusunik Jiisusimut ajoqersugan­ngor­titsinis­saq. * Nalitsin­ni nunarsuaq tamak­kerlugu kristumiunik ilumoor­tunik ilageer­pas­suaqar­poq, pingaar­ner­tul­lu sulias­saat suli taan­naavoq. Al­laaserisami matumani apeq­qutit sisamat uku akis­sutis­sarsis­savavut: Sooq ajoqersugan­ngor­titsior­tor­neq taama pingaaruteqar­tigaa? Suut iliuuserineqar­tus­saap­pat? Tamat­ta peqataasin­naavugut? Aam­ma sooq piner­tusaar­nis­sar­put pingaaruteqar­pa?

3. Johan­nesi 14:6 aam­ma 17:3 naaper­torlugit sooq ajoqersugan­ngor­titsior­tor­neq taama pingaaruteqar­tigaa?

³ Sooq suliaq taman­na taama pingaaruteqar­tigaa? Jiisusimut ajoqersuk­kat kisimik Guutimut ikin­ngutaasin­naam­mata. Tamatuma saniatigut Kristusimik malin­nit­tut inooriaaser­tik pitsaanerulersit­tar­paat, aam­ma siunis­sami naas­saan­ngitsumik inuunis­samik neriuuteqaler­tar­put. (Johannesi 14:6; 17:3 atuakkit). Jiisusip pingaarutilerujus­suarmik akisus­saaf­fileraatigut ersarip­poq, sulial­li tamatuma suliarinerani kisimiin­ngilagut. Apustili Paulusi im­minut pil­luni qanimul­lu suleqatini pil­lugit ima al­lap­poq: “[Uagut] tas­saavugut Guutip suleqatai.” (1 Kor 3:9) Inuit naam­mal­luin­nan­ngitsut Jehovamit aam­ma Kristusimit sulias­sin­neqarsimanerat pisin­naatitaaf­fiungaarami!

4. Ivanip Matildel­lu misigisaat qanoq ilin­niarfigisin­naavar­put?

⁴ Ajoqersugan­ngor­titsior­tor­neq nuan­naarutaangaarsin­naavoq. Colombiami aap­pariit Ivanip aam­ma Matildep taman­na up­per­narsarsin­naavaat. Angut inuusut­toq Davierimik atilik oqaluus­sif­figigamik­ku taan­na ima oqar­poq: “Al­lan­nguerusuk­kaluar­punga, saper­pungali.” Davier til­luut­tar­tuuvoq ikiaroor­tar­toq aalakoorsuataar­tar­torlu. Aam­ma ar­naatini Erikamik atilik najugaqatigaa. Ivan ima oqalut­tuar­poq: “Nunaqarfim­mut tikeraar­taler­par­put, angalagaangat­talu akun­ner­paaluit atorlugit sik­kiler­tar­pugut aq­qusinik­kut marul­luusuk­kut. Davierip pis­susilersor­nera al­lan­ngor­toq takusin­naagamiuk Erika atuaq­qis­saaqataasaler­poq.” Pif­fis­sap ingerlanerani Davier ikiaroor­tarun­naar­poq, aalakoor­tarun­naar­poq til­luut­tarun­naarlunilu. Aam­ma Erika katip­paa. Matilde ima oqalut­tuar­poq: “Davier Erikalu 2016-imi kuisim­mata Davierip ima oqarsimanera eq­qaamavar­put: ‘Al­lan­nguerusuk­kaluar­punga, saper­pungali.’ Nuan­naangaarat­ta qul­lipip­pugut.” Aap, nuan­naangaar­tar­pugut inuit Jiisusimut ajoqersugan­ngor­nis­saan­nut ikioraangatsigit.

5. Ajoqersugan­ngor­titsior­tor­niarluta iliuuserisas­sar­put siul­leq suua?

⁵ Ajoqersugan­ngor­titsior­tor­niarluta iliuuserisas­sar­put siul­leq tas­saavoq eq­qor­tumik isigin­nit­taasilin­nik ujaasineq. (Matt 10:11) Jehovamik Nalunaajaasuuner­put ersersit­tar­par­put naapitatsin­nut tamanut oqaluus­sinitsigut. Kristumiuul­luta ilumoor­tut up­per­narsar­tar­par­put Kristusip oqaluus­sinis­samik peq­qus­sutaata maleruar­neratigut.

6. Oqaluus­sinermi iluatsis­sagut­ta qanoq iliorsin­naavugut?

⁶ Inuit ilaasa Biibilimi sal­lusuis­sutit ilin­niarusut­tar­paat, naapitat­tali ilaat aal­laq­qaam­mut soqutigisaqar­piar­pasin­neq ajor­put. Taava soqutigin­nilersin­niarlugit iliuuseqar­tariaqar­pugut. Oqaluus­sinermi iluatsis­sagut­ta piareersarluar­tariaqar­pugut. Sam­misat aalajangersimasut naapitavit soqutigisin­naasai toq­qak­kit qanorlu saq­qum­miun­niar­nerlugit pilersaarusiorlutit.

7. Qanoq oqaloqateqalersin­naavit, aam­ma sooq tusar­naarluar­neq ataq­qin­nin­nerlu pingaaruteqar­pat?

⁷ As­sersuutigalugu pulaak­kat ima aperisin­naavat: “Isum­mat paaserusul­lugu apeq­quteqalaarusup­punga. Nunarsuaq tamak­kerlugu ajor­nar­torsior­toqar­tar­poq. Isumaqar­pit naalagaaf­fiup ataatsip silarsuarmi ajor­nar­torsiutaasar­tut aaq­qis­sin­naagai?” Taava Danieli 2:44 atuariarlugu eq­qar­torsin­naavarsi. Imaluun­niit ima aperisin­naavutit: “Meeq­qanik perorsaanermi suut pisariaqar­pat?  Qanoq isumaqar­pit?” Taava Mosesimik al­lak­kat tal­limaat 6:6, 7-ilu atuariarlugit eq­qar­torsigit. Sunaluun­niit sam­miniarlugu aalajangeruk­ku inuit naapitas­satit eq­qarsaatigik­kit. Eq­qarsaatigiuk Biibilimi ilin­niar­titsis­sutigineqar­tut ilin­niarunik­kit qanoq iluaqutigis­saneraat. Oqaloqatigigaangak­kit pingaaruteqar­poq tusar­naarluar­nis­sat isumaal­lu ataq­qinis­saat. Taamaalior­nik­kut paasil­luar­nerus­savatit, taak­kualu tusar­naarumanerusin­naavaatsit.

8. Sooq pulaaq­qiiuar­tariaqar­pugut?

⁸ Inuk Biibilimik atuaq­qis­saar­niarluni aalajanger­tin­nagu pulaaq­qiisar­nis­savit pif­fis­saqarfiginis­saa iliuuseqar­nis­sal­lu pisariaqarsin­naap­put. Sooq? Imaas­sin­naam­mat aggeq­qik­kut­ta periarfis­saqan­ngitsut. Aam­ma pulaagaq im­maqa aatsaat arlaleriarluni pulaar­neqareeruni Biibilimik atuaq­qis­saarusulis­saaq. Eq­qaamajuk naasoq imer­ter­neqaraangami naajar­tor­nis­saa ilimanar­nerusar­toq. Taamatut­taaq soqutigin­nit­toq Guutip oqaasia pil­lugu oqaloqatigisarutsigu Jehovamut aam­ma Jiisusimut asan­nin­nerata al­liar­tor­nera ilimanar­nerus­saaq.

9-10. Sooq oqarsin­naavugut oqaluus­sisar­tut tamarmik eq­qor­tunik isigin­nit­taaseqar­tunik ujaaseqataasut?

⁹ Oqaluus­sisar­tut tamarmik eq­qor­tunik isigin­nit­taaseqar­tunik ujaasinermi peqataap­put. Suliaq taman­na meeq­qamik tam­maaneqar­tumik ujaasinermut as­sersuus­sin­naavar­put. Qanoq? Piviusumik pisimasoq eq­qarsaatigiuk: Nukap­piaraq pingasunik ukiulik tam­maaneqar­poq. Inuit 500-t mis­saat ujaaseqataap­put. Taava meeq­qap periarfeerun­neraniit akun­nerit 20-t mis­saat qaangium­mata ujaaseqataasut ilaata nukap­piaraq narsaam­mi majseqarfim­miit­toq nas­saaraa. Ujaaseqataasup nukap­piaraq nas­saarineranut nersor­neqarusun­ngilaq.  Ima oqar­poq: “Inuit hundredil­lit ujaaseqataap­put.”

¹⁰ Inuit amerlasuut nukap­piaq­qatut periarfeerut­tutut ip­put. Neriuuteqan­ngil­lat, ikior­neqarusup­pul­li. (Ef 2:12) Inuit 8 mil­lionit sin­nerlugit inun­nik eq­qor­tumik isigin­nit­taaseqar­tunik ujaaseqataap­put. Im­maqa il­lit nam­mineq Biibilimik atuaq­qis­saarusut­tumik nas­saan­ngilatit. Imaas­sin­naavorli oqaluus­sif­figisar­tak­kami tas­sani oqaluus­sisar­tut al­lat sal­lusuis­sum­mik Guutip oqaasianeersumik ilin­niarusut­tumik nas­saar­tut. Qatan­ngut Jiisusimut ajoqersugan­ngor­tus­samik naapitsigaangat ujaaseqataasut tamarmik nuan­naaqataasar­put.

11. Biibilimik atuaq­qis­saaqateqan­ngik­kaluarlutit qanoq ajoqersugan­ngor­titsior­tor­nermi ikiueqataasin­naavit?

¹¹ Biibilimik atuaq­qis­saaqateqan­ngik­kaluarlutit ajoqersugan­ngor­titsior­tor­nermi ikiueqataasin­naavutit. As­sersuutigalugu nutaat naalagaaf­filersaarfim­mut tak­kuk­kaangata tikil­luaq­qul­lugil­lu ikiorsin­naavatit. Taamatut asan­nin­nermik ersersitsiguit paasitis­sin­naavatit kristumiuusugut ilumoor­tut. (Joh 13:34, 35) Ataatsimiin­ner­ni naatsumik akis­suteqar­nik­kut nutaat up­per­ner­tik pil­lugu ataq­qin­nit­tumik oqaaseqar­nis­saan­nik ilin­niar­tis­sin­naavatit. Aam­ma oqaluus­sisar­tun­ngorlaaq nalunaajaaqatigisin­naavat ilin­niar­titsinerminilu Biibilimik atuinis­saanik ikiorlugu. Taamaalil­lutit Jiisusimik ilaarsinis­saanik ilin­niar­tit­tar­pat. – Luk 10:25-28.

12. Ajoqersugan­ngor­titsior­tor­nermi im­mik­kut pigin­naasaqar­tariaqar­pugut? Nas­suiaruk.

¹² Arlar­pul­luun­niit eq­qarsas­san­ngilaq Jiisusimut ajoqersugan­ngor­titsiumal­luni ilin­niar­titsinermi im­mik­kuul­laris­sunik pik­koris­suseqar­tariaqarluni. Sooq? Faustina Boliviami najugalik eq­qarsaatigiuk. Jehovap Nalunaajaasui naapeq­qaaramigit atuarsin­naan­ngilaq. Taava atualaar­nis­sani ilik­kar­paa. Maan­nak­kut kuisin­nikuuvoq al­lanil­lu ilin­niar­titsinini nuan­naringaarlugu. Sapaatip-akun­neranut tal­limanik Biibilimik atuaq­qis­saaqateqar­tar­poq. Faustina atuaq­qis­saaqatigisar­tak­kamisul­li atuf­farip­pal­laangik­kaluarluni inuit arfinil­lit kuisis­sin­naaler­nis­saan­nut ikiorsimavai. – Luk 10:21.

13. Akisus­saaf­fiit pingaarutil­lit al­lat ulap­putigigaluarlugit ajoqersugan­ngor­titsior­tor­nermi suut pil­luaq­qus­sutaasin­naap­pat?

¹³ Kristumior­pas­suit akisus­saaf­fitik pingaarutil­lit al­lat ulap­putigisar­paat. Taamaak­kaluar­torli Biibilimik atuaq­qis­saaqateqar­niarlutik pif­fis­saqar­tar­put, taman­nalu nuan­naarutigisaqaat. Melaniep maligas­siaa maluginiaruk. Alaskami najugaqar­poq anaanaal­lunilu kisimiit­toq arfineq-pingasunik ukiulim­mik panilik. Ul­loq naal­lugu sulisar­nermi saniatigut ataatani kræfter­toq isumagisar­paa.  Il­loqarfim­mini avin­ngarusimasumi Melanie kisimi Nalunaajaasuuvoq. Biibilimik atuaq­qis­saarusut­tumik nas­saar­nis­sani kis­saatigingaaramiuk sila nil­leraluar­toq nalunaajaanis­saminut nukis­samik tuneq­qul­luni qinusar­poq. Taava Saramik atilik naapip­paa, taas­sumalu Guuti nam­minerisaminik ateqar­toq paasigamiuk nuan­naarutigingaar­paa. Pif­fis­sap ingerlanerani Sarap Biibilimik atuaq­qis­saar­taler­nis­sani akueraa. Melanie ima oqalut­tuar­poq: “Tal­liman­ngor­nik­kut un­nuk­kut qasusaqaanga, kisian­ni panigalu marluul­luta atuaq­qis­saaqatigisatsin­nut or­nigut­tuar­ner­put iluaqutigeqaar­put. Sarap apeq­qutigisar­tagaanut akis­sutis­sarsior­tar­ner­put nuan­naareqaar­put, aam­ma Jehovamut ikin­ngutaaler­nera as­sut nuan­naarutigaar­put.” Sara akerlilersor­neqaraluarluni sapiil­luni oqaluf­fim­mi ilaasor­taajun­naar­poq kuisil­lunilu.

14. (a) Sooq ajoqersugan­ngor­titsior­tor­neq aalisar­nermut as­sersuun­neqarsin­naava? (b) Timotheusimut al­lak­kat aap­paat 4:1, 2-milu Paulusip oqaasii sunis­san­nut kil­lin­neqaatigaagit?

¹⁴ Oqaluus­sinin­ni ajoqersugan­ngorusut­tumik nas­saarsiman­ngik­kaluarlutit ujaasiuarit. Eq­qaamajuk Jiisusip ajoqersugan­ngor­titsior­tor­neq aalisar­nermut as­sersuum­magu. Aalisar­tut im­maqa akun­ner­pas­suit atoq­qaarlugit aalisak­kanik pisaqar­tar­put. Amerlaner­tigut un­nuak­kut imaluun­niit ul­laaralaak­kut aalisar­tar­put, aam­ma ilaan­nik­kut ungasis­sumut angalasar­put. (Luk 5:5) Taamatut­taaq oqaluus­sisar­tut ilaat ujaasiniarlutik sumiif­fin­ni pif­fis­sanilu as­sigiin­ngitsuni naam­magit­tarlutik akun­ner­pas­suit ator­tar­paat. Sooq? Inuit amerlanerit naapik­kusuk­kamik­kit. Pimoorus­sisut  oqariar­tuutitsin­nik soqutigin­nit­tunik naapitsinermik­kut pil­luaq­quneqar­tar­put. Pif­fis­sami imaluun­niit sumiif­fim­mi inuit naapin­nis­saanik ilimanaateqar­nerusumi oqaluus­sisin­naavit? – 2 Timotheusi 4:1, 2 atuakkit.

15. Sooq Biibilimik atuaq­qis­saaqateqar­nermi nikal­lujuil­luni piner­tusaar­nis­saq pisariaqar­pa?

¹⁵ Sooq Biibilimik atuaq­qis­saaqateqar­nermi nikal­lujuil­luni piner­tusaar­nis­saq pisariaqar­pa? Pis­sutaaqataasut ilagaat atuaq­qis­saar­tar­tup Biibilimi ilin­niar­titsis­sutigineqar­tunik paasitin­nis­saa naam­man­ngim­mat. Biibilimik atuak­kior­tup, Jehovap, ilisarisimaler­nis­saanut asaler­nis­saanul­lu atuaq­qis­saaqater­put ikior­tariaqar­par­put. Aam­ma Jiisusip ajoqersuk­kaminut piumasaqaatigisaasa suunerinik ilin­niar­tin­nerata saniatigut atuaq­qis­saaqatigisar­tagar­put kristumiutut qanoq inooriaaseqaler­nis­saanut ikior­tariaqar­par­put. Biibilip najoq­qutas­siaanik maleruaaniar­neranut piner­tusaarluta ikior­tariaqar­par­put. Ilaasa qaam­matialuit ingerlanerini eq­qarsar­taaser­tik ileq­qutil­lu al­lan­ngor­tis­sin­naavaat. Al­lat al­lan­nguinis­samin­nut pif­fis­saq sivisunerusoq ator­tar­paat.

16. Raúlip misigisaanit suna ilik­kar­piuk?

¹⁶ Perumi ajoqersuiar­tor­titaq piner­tusaarami kinguneqarluar­tumik misigisaqar­poq. Ima oqalut­tuar­poq: “Raúlimik atilim­mik atuaq­qis­saaqateqar­punga, atuak­kal­lu marluk atuaq­qis­saarlugit naam­mas­sisimavavut. Inuunerminili suli ajor­nar­torsiuter­pas­suaqar­poq. Nulianilu aap­pariin­nermin­ni ajor­nar­torsiungaar­tar­put, oqaasipilut­tar­poq, meeraasalu ataq­qinis­saa saper­nar­tip­paat. Ataatsimiigiar­tarmat ilaqutaalu ikiorusuk­kak­kit suli pulaar­tar­para. Ukiut pingasut sin­nerlugit naapereer­neraniit kuisin­nis­saminut piuk­kun­narsivoq.”

17. Al­laaserisap tul­liani suna sam­mis­savar­put?

¹⁷ Jiisusip ‘inun­nik inuian­nit tamaneersunik ajoqersugan­ngor­titsior­toq­quaatigut’. Peq­qus­sutaa maleruarumal­lugu inuit al­laanerusumik eq­qarsar­taasil­lit, soorlu up­perisarsior­nermut sumul­luun­niit ilaan­ngitsut Guutil­lu piuneranik up­perin­nin­ngitsut, oqaloqatigisar­pavut. Inun­nut taak­kunun­nga nutaarsias­saq nuan­nersoq qanoq saq­qum­mius­sin­naanerip­put al­laaserisap tul­liani sam­mis­savar­put.