Kiisami nangaajun­naarama pionerin­ngorlungalu ilimagisak­ka akimungaarlugit inuunera al­lan­ngor­poq. (Ef 3:20) Qanoq pisoqarami? Aal­laq­qaataaniit oqalut­tuarilara.

1939-mi, sorsun­nersuup kingul­liup aal­lar­tin­nerata qaam­matialun­nguit kingor­na, Berlinimi Tysklandimiit­tumi inun­ngor­punga. 1945-mi sorsun­nersuup naangajaler­nerani Berlin tim­misar­tunik akulikitsumik qaar­tar­tumeer­neqar­taler­poq. Aq­qusineq najugaqarfigisar­put eq­qor­neqarmat inimut eq­qor­neqatsaaliorluni qimaaf­fis­samut ilaqut­tak­kalu qimaavugut. Kingor­na anaanama inun­ngorfianut, Erfur­timut, qimaavugut.

Anaanama sal­lusuis­sut pimoorul­lugu ujaarisimavaa. Isumaliutersor­tar­tut atuak­kiaat atuarlugil­lu up­perisarsior­nerit as­sigiin­ngitsut misis­sor­pai, sal­lusuis­sul­li nas­saarinagu. 1948-p nalaani Jehovap Nalunaajaasuisa ilaat marluk uatsin­nut kasut­tor­put. Anaanama iseq­qusin­narlugit apersoqat­taaler­pai. Akun­nerluun­niit ataaseq qaangiutin­ngitsoq najagalu oqarfigaatigut sal­lusuis­sut nas­saarisimal­lugu! Tamatuma kingunin­ngua anaanaga, najaga uangalu Erfur­timi ataatsimiigiar­taler­pugut.

1950-imi Berlinimut uter­pugut ilagiil­lu Berlin-Kreuzberg najuuf­figisalerlugit. Berlinimi al­lamut nuuk­kat­ta ilagiit Berlin-Tempelhof najuuf­figisaler­pavut. Kingor­na anaanaga kuisip­poq, uangali nangaavunga. Sooq?

As­sut it­toor­tuugama anersaak­kut siumukar­pal­laan­ngilanga. Naak oqaluus­seqataasaraluarlunga ukiut marluk oqaluus­sinermi nam­mineq oqalun­ngilanga. Qatan­ngutil­li sapiis­susermik Jehovamul­lu tun­niul­luin­narsimanermin­nik ersersitsisimasut peqatigisalerak­kit pis­sutsit al­lan­ngor­put. Ilaat nazistinit tigusanut inis­siarsuaam­mukaan­neqarsimap­put ilaal­lu Tysklandimi Kangil­lermi par­naarus­saasimal­lutik. Al­lat navianar­torsioraluarlutik Tysklandimut Kangil­lermut Biibililersaarutinik iser­torlutik eq­qus­suisarsimap­put. Maligas­siaat ajasoorutigaara. Eq­qarsaatigiler­para  Jehova qatan­ngutil­lu pil­lugit im­minut navianar­torsior­teriaan­naap­pata taava uanga it­tuutunera sulis­sutigisin­naal­lugu.

1955-imi oqaluus­sinermi im­mik­kut suliniuteqar­nermi peqataanera iluaqutigeqaara. Al­lak­kani Budbringer-imi * saq­qum­mersin­neqar­tuni qatan­ngut Nathan Knorr nalunaar­poq im­mik­kut suliniuteqar­neq taman­na Jehovap Nalunaajaasuisa oqalut­tuarisaaneran­ni an­ner­paar­taat ilagigaat. Al­lap­poq oqaluus­sisar­tut tamarmik peqataagunik “nunarsuarmi oqaluus­sinermi qaam­mat nuan­ner­ner­paaq misigiumaaraat”. Taman­na ilumuungaarami! Tamatuma kingunin­ngua Jehovamut tun­niul­luin­nar­punga 1956-imilu ataatagalu najagalu ataatsik­kut kuisil­luta. Kingor­nali pingaarutilim­mik al­lamik aalajanger­tariaqaler­punga.

Pionerin­ngor­nis­saq eq­qor­tulior­nerusoq ukiut arlal­lit ilisimagaluarlugu kinguar­teqat­taar­para. Aal­laq­qaam­mut Berlinimi avataaniit avam­mul­lu niuer­nermut ilin­niagaqar­niarlunga aalajanger­punga. Tamatuma kingor­na ilin­niagara pik­korif­figilerumal­lugu atorfinik­kusuler­punga. Taamaat­tumik 1961-imi Hamburgimi, Tysklandimi il­loqarfin­ni umiarsualivit­talin­ni anginer­paami, neqeroorfigineqarama sulif­fit­taar­punga. Sulif­figa nuan­naringaarak­ku pionerin­ngor­nis­sara kinguar­teqat­taar­para. Suniar­tungaana?

Qatan­ngutit asan­nit­tut aq­qutigalugit Jehovap anersaak­kut it­tunik pingaar­ner­paatitsileq­qul­lunga uan­nik ikiuinera qujamasuutigeqaara. Ikin­ngutik­ka arlal­lit pionerin­ngorsimasut maligas­siuip­put. Aam­ma qatan­ngutip Erich Mundtip, tigusanut inis­siarsuarmiis­simasup, Jehovamik tatigin­neq­qul­lunga kajumis­saar­paanga. Oqar­poq tigusanut inis­siarsuarmi qatan­ngutit im­minuin­naq tatigisut kingor­na san­ngiil­lisimasut, Jehovamil­li tatigin­nil­luin­nar­tut aalajaat­tuar­put ilagiin­nul­lu nukit­torsaataal­lutik.

Aam­ma qatan­ngut Mar­tin Pötzinger, kingusin­nerusuk­kut Siulersuisoqatigiin­nut ilaasor­tan­ngor­toq, qatan­ngutinik kajumis­saariuar­poq, oqarluni: “Sapiis­suseq pigisan­ni naleqar­ner­paavoq!” Oqaatsit taak­ku eq­qarsaatigil­luareerak­kit kiisami sulif­fin­nit soraar­punga juunimilu 1963-imi pionerin­ngorlunga. Aalajangersin­naasan­ni taman­na pitsaaner­paavoq! Qaam­matit marluk qaangium­mata, suliluun­niit al­lamik sulif­fis­sarsiulin­ngitsunga, specialpioneritut kif­far­torsin­naanersunga aperineqar­punga. Ukiualuit qaangium­mata ilimagisak­ka Jehovap akimor­pai – Ilin­niarfim­mi Gileadimi klas­sit 44-s­saan­nut qaaq­qusaavunga!

Ilin­niak­kama pingaar­ner­paasa una ilagaat: “Sulias­sin­neqar­nis­sin­ni tun­niutiaaqinasi.” Ingam­mik qatan­ngutit Nathan Knorrip aam­ma Lyman Swinglep taman­na sam­mivaat. Sulias­sin­neqar­nitsin­ni piner­tusaar­nis­samut kaam­mat­tor­paatigut. Qatan­ngut Knorr ima oqar­poq: “Suut maluginiar­nerus­savisigit? Pujoralak? Uumasuaq­qat? Piitsuus­suseq? Imaluun­niit or­piit malugis­savisigit, naasut inuil­lu nuan­naar­tut? Inun­nik asan­nin­nis­saq ilin­niarsiuk!” Taamaal­luni qatan­ngutip Swinglep nas­suiarmagu sooq ilaat tun­niutiaar­pal­laarsimasut isai im­map­put. Oqalugiar­nini unitsik­kal­lar­paa misigis­sutsini aqus­sin­naalerumal­lugit. Taman­na qamuuna kil­litsis­sutigigak­ku Kristusip qatan­ngutaasalu aalajaatsut pakatsisin­ngin­nis­saat aalajangiusimal­luin­nar­para. – Mat­t 25:40.

Sumi kif­far­tus­sanerluta paasigatsigu Betelimi kif­far­tor­tut ilaasa apersuler­paatigut sumun­ngar­titaaler­nerluta. Tul­leriiaarluta akinitsin­ni nuan­nersunik oqaaseqar­tar­put. Oqaramali Congomukas­sal­lunga (Kinshasamut) tupap­put oqarlutil­lu: “Naah, Congo? Jehovap najorilisit!” Taamani Congomi (Kinshasami) sorsun­nerit toqutsineril­lu nutaarsias­sani tusarsaaqaat. Ilin­niarsimasak­kali eq­qaamavak­ka. Septembarimi 1967-imi naggataar­nersior­nit­ta kingor­na Heinrich Dehnbostel, Claude Lindsay uangalu Congomi il­loqarfiit pingaar­nersaanut, Kinshasamut, aal­lar­pugut.

Kinshasamut apuuk­kat­ta qaam­matit pingasut franskisut ilin­niar­pugut. Taava Congop kujataatungaaniit­tumut  Lubumbashimut, siusin­nerusuk­kut Elisabethvil­lemik taaneqar­tumut, Zambiap kil­leqarfiata ungasin­ngisaaniit­tumut aal­lar­pugut. Ajoqersuiar­tor­titat angerlarsimaf­fian­nut il­loqarfiup qeq­qaniit­tumut nuup­pugut.

Lubumbaship ilarujus­sua oqaluus­sif­figineqar­nikuun­ngilaq, taamaat­tumik tas­sani najugaqar­tunut siul­liul­luta oqaluus­siner­put nuan­naarutigeqaar­put. Sivitsun­ngitsoq Biibilimik atuaq­qis­saarusut­tut tamaasa pif­fis­saqarfigis­sal­lugit ajor­nar­tiler­par­put. Aam­ma naalak­kersuisuni atorfil­lit politiil­lu nalunaajaaf­figisar­pavut. Amerlasuut Guutip oqaasia oqaluus­siner­pul­lu ataq­qivaat. Inuit amerlanersaasa oqaatsit swahili oqaaseraat, taamaat­tumik Claudelu oqaatsinik taak­kunin­nga ilin­nialer­pugut. Tamatuma kingunin­ngua ilagiin­nut swahilimik oqaaseqar­tunut aal­lar­titaavugut.

Naak nuan­nersor­pas­suar­nik misigisaqaraluarluta unam­miniar­nar­tunik nalaataqar­tar­pugut. Sak­kutuut aalakoorlutik sak­kulisar­tut politiil­lu kamajasut ataasiaan­naratik uatsin­nik eq­qun­ngitsumik un­nerluus­sisimap­put. Taamaal­luta ajoqersuiar­tor­titat angerlarsimaf­fian­ni ilagiit­tut ataatsimiitil­luta politiit sak­kulisarlutik isaap­put politeeqarfim­mukaal­lutalu. Taakani un­nuk­kut qulit tungaan­nut natermi is­siatereermatigut iperagaavugut.

1969-imi nak­kutil­liisutut angalasar­tutut kif­far­tor­tus­san­ngor­tin­neqar­punga. Ilaan­nik­kut ungasis­sumut angalanin­ni aq­qutik­kut marul­luin­naasuk­kut ivigarsuil­lu por­tusuut akor­nan­ni pisut­tar­punga. Nunaqarfiit ilaan­ni kuk­kukooq ar­naviaq piaq­qanilu sinif­fim­ma ataani un­nuip­put. Puiun­ngisaan­nar­para ul­laas­sak­kut nipituumik qarlulul­luni  iter­tik­kaanga. Aam­ma un­nuk­kut qatan­ngutik­kalu ikumatitap eq­qaani sal­lusuis­sum­mik eq­qar­tueqatigiin­ner­put nuan­nersumik eq­qaamasar­pak­ka.

Qatan­ngutaasuusaar­tut Kitawalamut ilaasor­taasut unam­miniar­nar­ner­paat ilagaat. * Taak­kua ilaasa ilagiin­nut akulius­simap­put al­laat utoq­qaaner­tan­ngorlutik. Qatan­ngutit­tali aalajaatsut ilar­pas­sui taak­kunan­nga uukapaatin­neqan­ngil­lat. (Jud 12) Pif­fis­san­ngormat Jehovap ilagiit minguiar­pai, kingunerisaanil­lu Jehovamut kif­far­tor­tut amerlingaatsiar­put.

1971-imi im­mik­koor­tor­taqarfim­mut Kinshasamiit­tumut nuutsin­neqar­punga. Tas­sani sulias­sat as­sigiin­ngitsut – soorlu al­laf­figeqatigiit­tar­neq, Biibililersaarutinik in­nimin­niineq kif­far­tor­nermul­lu tun­ngasut al­lat – isumagisar­pak­ka. Betelimiin­nin­ni nunarujus­suarmi aq­qusinilut­tumi, in­naal­lagiaqar­pian­ngitsumi angal­laf­filut­tumilu sulianik aaq­qis­suus­sineq ilik­kar­para. Ilaan­nik­kut al­lak­kat tim­misar­tuk­koor­titat qaam­matialun­ni ilagiin­nut apuun­niar­tar­put. Taak­ku tim­misar­tumit umiatsianut usingiar­neqar­tar­put, umiatsial­lu sapaatip-akun­nerini arlalin­ni kuus­suarmi naasoqar­pal­laar­nera pis­sutigalugu unit­toor­tarlutik. Taamaat­torli taamaat­tunik al­lanil­lu unam­miniar­nar­toqaraluar­toq suliaq naam­mas­sivoq.

Qatan­ngutit aningaasaateqar­pal­laan­ngik­kaluarlutik ataatsimeersuar­titsisin­naanerat tupigusuutigaara. Termit­tit inaat angisuut ilusilersorlugit oqalut­tarfilior­tar­put. Ivigarsuit por­tusuut iik­katut ator­tar­paat akisis­siatul­lu is­siavigineqarsin­naasutut imusarlugit. Il­lut bambusinik nap­paruser­tar­paat ivik­kanil­lu al­lequtsianik qal­lerlugit nerrivilersorlugil­lu. Or­piup ameraanik kikian­nik sanasar­put. Qatan­ngutit taak­ku isumas­sarsiul­laq­qin­nerat ajor­nar­torsiutinul­lu aaq­qiis­sutis­sanik nas­saarsiul­laq­qin­nerat pil­lugu as­sut nuan­nareqaak­ka. Nutaamik sulias­sin­neqarama asanar­tut taak­ku maqaaseqaak­ka!

1974-imi Nairobimi Kenyamiit­tumi im­mik­koor­tor­taqarfim­mut nuutsitaavunga. Sulias­saqaqaaq, nunanimi al­lani qulini, ilaat suliatsin­nik iner­teq­quteqarfiusuni, oqaluus­sineq im­mik­koor­tor­taqarfiup nak­kutigaa. Nunanut taak­kunun­nga, pingaar­tumik Etiopiamut, aal­lar­tin­neqar­tar­punga. Qatan­ngutivut tas­saniit­tut malersugaal­lutil­lu sak­kor­tuumik misilin­neqar­put. Amerlasuut peq­qar­niitsumik pineqar­tar­put par­naarus­saal­lutil­luun­niit, al­laal­lu ilaat toqun­neqarlutik. Jehovamul­li at­taveqarluarlutil­lu im­min­nut ajun­ngitsumik at­taveqatigiik­kamik piner­tusaarlutik aalajaas­sin­naasimap­put.

1980-imi inuunin­ni nuan­nersumik pisoqar­poq. Gail Matheson, Gileadimi atuaqatigisimasara Canadameersoq, katip­para. Al­laqatigiit­tarsimavugut. Taamani Gail Boliviami ajoqersuiar­tor­titatut kif­far­tor­poq, ukiul­lu 12-it qaangium­mata New Yorkimi naapeq­qip­pugut. Kingor­natigut Kenyami katip­pugut. Gailip anersaak­kut it­tunik pingaar­titsisuunera naam­magit­tar­tuunermigul­lu maligas­siuinera qujamasuutigeqaara. Suli maan­namut tapersersor­tigaara nalis­saqan­ngitsoq asangaagara.

1986-imi uanga Im­mik­koor­tor­taqarfiup Ataatsimiititaliaani kif­far­tor­til­lunga Gaililu angalasar­tutut kif­far­tor­tus­san­ngor­tin­neqar­pugut. Angalasar­tutut kif­far­tor­nitsin­ni nunat arlal­lit Kenyap im­mik­koor­tor­taqarfiata nak­kutigisai tikit­tar­pavut.

1992-imi Asmarami (Eritreamiit­tumi) suliar­put iner­teq­qutaalin­ngik­kal­larmat ataatsimeersuar­nis­samut piareersar­ner­put eq­qaamaq­qis­saar­para. Ajoraluar­tumik ataatsimeersuarfit­tut nas­saarisin­naasimasatuar­put tas­saavoq quersuaq silataatungaaniit kusanaatsoq, iserluguli suli ajor­nerusoq. Ataatsimeersuar­nerli aal­lar­tim­mat qatan­ngutit­ta Jehovamik pal­lorfigin­nin­nermut tul­luar­tun­ngor­til­lugu kusas­saasimanerat tupigusuutigaara. Ilaqutariip­pas­suit an­noraaminer­nik kusas­saatinik  nas­sarsimap­put isigiuminaas­sin­naasul­lu peq­qis­saarlutik taak­kunin­nga qal­lerlugit. 1.279-iul­luta ataatsimeersuar­ner­put nuan­ningaar­toq najuuf­figaar­put.

Angalasar­tutut kif­far­tulerat­ta un­nuisarfit­ta al­lan­ngorar­tar­nerat sungius­sas­saraar­put. Ataasiarluta il­lumi angisuumi kusanaqisumi sis­sap eq­qaani inisimasuuvugut. Pif­fis­sami al­lami il­luusami saviminermit sanaami najugaqar­tin­neqar­pugut, perusuersar­tarfiil­lu meterit 100-t sin­nerlugit ungasitsigip­put. Sumiluun­niil­li pionerit oqaluus­sisar­tul­lu aal­lus­sil­luar­tut oqaluus­seqatigisar­neri nuan­naarutigalugit eq­qaamasar­pavut. Al­lamik sulias­sin­neqarat­ta ikin­ngutit asanar­tor­pas­suit maqaasisas­savut qimat­tariaqar­pavut.

1987-imiit 1992-imut nunani arlalin­ni Kenyami im­mik­koor­tor­taqarfim­mit nak­kutigineqar­tuni suliar­put inatsisitigut akuerisaaler­poq. Tamatuma kingunerisaanik im­mik­koor­tor­taqarfiit al­laf­feqarfiil­lu nunamik nak­kutil­liisoqarfiusut pilersin­neqar­put. 1993-imi il­loqarfim­mi Addis Ababami Etiopiamiit­tumi al­laf­feqarfim­mi kif­far­tor­tus­san­ngor­tin­neqar­pugut. Tas­sani suliar­put ukior­pas­suit iser­tor­tumik ingerlan­neqarsimasoq iner­teq­qutaajun­naarsimavoq.

Etiopiami suliar­put Jehovap pil­luaq­quaa. Qatan­nguter­pas­suit pionerin­ngorsimap­put. 2012-imiil­li ukiumut oqaluus­sisar­tut 20 procentiinit amerlanerusut pionerisut kif­far­tor­put. Aam­ma qatan­ngutivut Nalunaajaasunut ilin­niarfin­ni pisariaqar­tumik ilin­niar­tin­neqarsimap­put naalagaaf­filersaarfiil­lu 120-t sin­nerlugit sananeqarsimal­lutik. 2004-mi Betelimi kif­far­tor­tut il­lumut nutaamut nuup­put. Aam­ma ungasin­ngisaani ataatsimeersuar­tarfeqar­nera pil­luaq­qus­sutaavoq.

Ukiut ingerlanerini Etiopiami qatan­ngutit qanimut ikin­ngutigilersimaneri Gaililu nuan­naarutigaar­put. Asan­nin­nerat kis­salaar­neral­lu nuan­neqaaq. Maan­na peq­qiil­liulersimagat­ta im­mik­koor­tor­taqarfim­mut Europap qeq­qaniit­tumut nuut­tariaqarsimavugut. Tas­sani asan­nit­tumik isumagineqar­pugut, Etiopiamili ikin­ngutivut asasavut maqaaseqaavut.

Jehovap suliaminik naajar­tor­titsinera misigisimavar­put. (1 Kor 3:6, 9) As­sersuutigalugu Congomi kan­ngus­saasiorfim­mi sulisar­tut Rwandameersut oqaluus­sif­figeq­qaarak­kit Rwandami oqaluus­sisar­toqan­ngilaq. Maan­na qatan­ngutit 30.000-t sin­ner­paat. 1967-imi Congomi (Kinshasami) oqaluus­sisar­tut 6.000-t mis­saan­niip­put. Maan­na 230.000-t mis­saan­niip­put, 2018-imilu eq­qaaniaanermi inuit mil­lionit sin­nerlugit najuup­put. Kenyami im­mik­koor­tor­taqarfim­mi nunani nak­kutigineqarsimasuni tamani oqaluus­sisar­tut 100.000-nit amerlanerulersimap­put.

Ukiut 50-it sin­nerlugit matuma sior­na Jehovap qatan­ngutit angutit arlal­lit aq­qutigalugit pif­fis­saq tamaat kif­far­tuler­nis­samut ikior­paanga. Naak suli it­toor­taraluar­tunga Jehovamik tatigin­nil­luin­nar­neq ilik­karsimavara. Afrikami misiginikuusak­ka iluaqutigalugit nikal­lujuis­suseq naam­magit­tar­nerlu ineriar­tor­tip­pak­ka. Qatan­ngutit­ta inoroorsaar­nerat, ajor­nar­torsior­nermi piner­tusaar­tar­nerat Jehovamil­lu tatigin­nin­nerat pil­lugit Gaililu nuan­naar­toreqaavut. Jehovap pisas­sarin­ngisaraluamik ajun­ngisaar­nera qujamasuutigeqaara. Aap, ilimagisak­ka akimungaarlugit Jehova pil­luaq­qusivoq. – Tuss 37:4.