Jiisusi ukiumi 29-mi kuisik­kami palasiunin­ngor­poq. Taman­na qanoq nalun­ngilar­put? Jiisusi kuisik­kami Guutip “piumasaa malil­lugu” ilior­niarluni, tas­sa inuunini uter­titsis­sutitut pil­liutiginiarlugu, sas­sar­poq. (Gal 1:4; Hebr 10:5-10) Jehovap piumasaa pil­liivim­mut as­sersuun­neqarsin­naavoq. Jiisusip inuunini pil­liutigim­magu oqar­toqarsin­naavoq pil­liivim­mut tamatumun­nga pil­liutigigaa. “Pil­liivik” taan­na Jiisusip kuisin­neraniil­li pilersimavoq. Jehovamik pal­lorfigin­nin­neq minguitsoq Jiisusip uter­titsis­sutitut pil­liutaanik tun­ngaviler­neqar­toq naalaf­fim­mut as­sersuun­neqarsin­naavoq. “Naalaf­fik” taan­na Jiisusip kuisin­neraniil­li aam­ma piulersimas­saaq. Soorlu pil­liivik naalaf­fim­mi pingaaruteqangaar­toq, taamatut­taaq Jehovap piumasaa pal­lorfigin­nin­nermi minguitsumi pingaaruteqangaar­poq. – Matt 3:16, 17; Hebr 5:4-6.

Naalaf­fim­mi anersaak­kut it­tumi palasiuneqar­tariaqar­poq. Taamaat­tumik Jehovap Jiisusi ‘anersaamik il­ler­nar­tumik pis­saanermil­lu tanil­lugu’ palasiunin­ngor­tip­paa. (ApS 10:37, 38; Mark 1:9-11) Qanorli nalun­ngis­sin­naavar­put Jiisusi toqus­si makititaaninilu sioq­qul­lugu palasiunin­ngorsimasoq? Aronip kinguaavisalu palasiuner­tut kif­far­tor­nerat misis­sorutsigu taman­na paasis­savar­put.

Mosesip inatsisai naaper­torlugit palasiuneq kisimi Il­ler­nar­ner­paamut isersin­naatitaavoq. Ini taan­na Il­ler­nar­tuul­lu saagorsuar­nik im­mik­koor­tin­neqar­put. Ul­lormi saam­maan­nar­titsivim­mi taamaal­laat palasiuneq saagorsuit taak­kua iluatungaanut iser­tar­poq. (Hebr 9:1-3, 6, 7) Soorlu Aroni kinguaavilu Toq­qup Naapeqatigiit­tarfiup saagorsuisa iluatungaan­nut isin­ngin­nermin­ni palasiuner­tut iver­tin­neqar­tar­tut, taamatut­taaq Jiisusi toqun­ngin­nermini ‘saagorsuil­lu’, timaanut nunamiit­tumut as­sersuutaasut, iluatungaan­nut isin­ngin­nermini, tas­sa qilalian­ngin­nermini, Jehovap naalaf­fiani anersaak­kut it­tumi palasiuner­tut iver­tin­neqarsimas­saaq. (Hebr 10:20) Taman­na pil­lugu Paulusip al­laatigaa Jiisusi ‘palasiunerusus­satut tupik­kut an­nerusuk­kut tamatigul­lu naam­mal­luin­nar­nerusuk­kut, as­san­nik sanaajun­ngitsuk­kut, ingerlasimasoq’ ‘qilam­mul­lu nam­minermut iserluni’. – Hebr 9:11, 24.

Jiisusi inuunermi naam­mal­luin­nar­tup uagut pil­luta pil­liutigisimasami nalinga sas­saan­niarlugu qilaliarami angerusisaap ator­tus­san­ngor­tin­neqar­nis­saanut, tas­sa tun­ngaviler­neqar­nis­saanut, iliuuserineqar­tus­sat pingasut siul­lersaat iliuuserivaa. Angerusisaap tun­ngaviler­neqar­nis­saanut iliuuserisas­sat suugamik?

Siul­ler­tut, Jiisusi Jehovamut sas­sar­poq. Aap­paat­tut, Jiisusip pil­liutimi nalinga Jehovamut sas­saap­paa. Kiisalu, Jiisusip pil­liutaa Jehovap akuerivaa. Aatsaat tamak­ku iliuuserineqar­pata angerusisaaq atuutilersin­neqarsin­naavoq.

Jiisusip pil­liutaanik Jehovap qangar­piaq akuerin­nis­simanera Biibilimi al­laatigineqan­ngilaq. Taamaat­tumik qangar­piaq angerusisaaq ator­tus­san­ngor­tin­neqarsimanersoq oqaatigisin­naan­ngilar­put. Nalun­ngilar­pul­li piinsi ul­lunik qulinik sioq­qul­lugu Jiisusi qilaliar­toq. (ApS 1:3) Ul­lut qulit taak­kua iluan­ni pil­liutimi nalinga Jehovamut sas­saap­paa akuerineqarlunilu. (Hebr 9:12) Angerusisaap atuutiler­simanera takus­saasumik piinsimi uppernar­sarneqar­poq. – ApS 2:1-4, 32, 33

Naatsumik oqaatigalugu Jiisusip pil­liutaa Jehovap akuerim­magu tanitallu angerusisaamut ilan­ngutsim­magit angerusisaaq atuutiler­poq, Jiisusilu palasiuner­tut angerusisaamut akun­nermiliut­tuuvoq. – Hebr 7:25; 8:1-3, 6; 9:13-15.