1. Johan­nesip al­lagaasa pingajui 3, 4-milu ersersin­neqar­tutut suut nuan­naarutigisar­pavut?

TAKORLOORIARUK apustili Johan­nesip sal­lusuis­sum­mik ilin­niar­tis­simasami Jehovamut aalajaal­lutik kif­far­tor­tuar­nerat tusaramiuk qanoq misigisimas­sasoq. Taak­ku unam­miniar­nar­tor­pas­suar­nik nalaataqar­tar­put, Johan­nesil­lu kristumiut aalajaatsut taak­kua, anersaak­kut qitor­namisut isigisani, up­per­nerat nakus­satsik­kumal­lugu ilungersorluni ikior­tarsimavai. Uagut­taaq qitor­navut imaluun­niit sal­lusuis­sum­mik ilin­niar­tis­simasavut Jehovamut tun­niul­luin­naraangata kif­far­tor­tuaraangatalu nuan­naar­taqaagut. – 3 Johannesi 3, 4 atuakkit.

2. Suna siuner­taralugu Johan­nesip al­lak­kani al­lap­pai?

² Ukiumi 98-imi Kr.in.king. Johan­nesi Efesosimi qanit­tuaniluun­niit najugaqan­nguatsiar­poq. Qeqer­tami Patmosimi par­naarus­saaq­qareerluni iperagaagami tamaanga nuus­simagunar­poq. Tamatuma nalaaniun­nguatsiar­toq Jehovap anersaavanit sun­ner­neqarluni al­lak­kat pingasut al­lap­pai. Kristumiut aalajaatsut Jiisusimut up­per­tuar­nis­samut sal­lusuis­sum­milu inuujuar­nis­samut kajumis­sisin­neqar­nis­saat siuner­taralugu al­lak­kat taak­ku al­lan­neqar­put.

3. Apeq­qutit suut akis­sutis­sarsis­savavut?

³ Johan­nesip, apustilini kingul­lersaasup, ajoqersuinerlut­tut ilagiin­nut sun­niuteqapilun­nerat er­numas­sutigaa. * (1 Joh 2:18, 19, 26) Tunus­sisut Guuti ilisarisimaneraraluarlugu peq­qus­sutai malin­ngilaat. Johan­nesip isumas­sarsisitaal­luni siun­nersuutaa  eq­qarsaatigeriar­tigu. Taamaalior­til­luta apeq­qutit pingasut uku akis­sutis­sarsis­savavut: Sal­lusuis­sum­mi inuuneq qanoq paasisariaqar­pa? Suut qulalersitsisin­naap­pat? Sal­lusuis­sum­miit­tuar­nis­samul­lu qanoq ikioqatigiis­sin­naavugut?

4. Johan­nesip al­lagai siul­liit 2:3-6 aam­ma Johan­nesip al­lagaasa aap­paat 4, 6 naaper­torlugit sal­lusuis­sum­mi inuus­sagut­ta qanoq ilior­tariaqar­pugut?

⁴ Sal­lusuis­sum­mi inuus­sagut­ta sal­lusuis­sut Guutip oqaasianiit­toq ilisimal­luar­tariaqar­par­put. Aam­ma Jehovap ‘inas­sutai maleruar­tariaqar­pavut’. (1 Johannesi 2:3-6; 2 Johannesi 4, 6 atuakkit). Jehovamut naalan­nermut tun­ngatil­lugu Jiisusi maligas­saal­luar­ner­paavoq. Jehovamut naalak­kumal­luta Jiisusi sapin­ngisamik ilaar­tariaqar­par­put. – Joh 8:29; 1 Petr 2:21.

5. Suut qularin­ngil­luin­nar­tariaqar­pavut?

⁵ Sal­lusuis­sum­miit­tuarumal­luta qularin­ngil­luin­nar­tariaqar­par­put Jehova Guutiusoq sal­lusuitsoq, oqaasiilu Biibilimiit­tut tamarmik ilumoor­tuusut. Aam­ma qularin­ngit­tariaqar­par­put Jiisusi tas­saasoq Mis­siarsi neriorsuutigisaq. Guutip naalagaaf­fiani Jiisusip kun­ngiusus­satut tanitaasimanera inup­pas­suit ul­lumik­kut qularutigisar­paat. Johan­nesip mianersoq­qus­sutigaa ‘peq­quserlut­tut amerlasuut’ Jehova Jiisusilu pil­lugit sal­lusuis­sum­mik aalajangius­sisiman­ngitsunik tam­mar­titsiumaar­tut. (2 Joh 7-11) Johan­nesi ima al­lap­poq: “Sal­lutuujusoq kinaava, taan­naan­ngik­kuni Jiisusip Kristusiuneranik miserratigin­nit­toq?” (1 Joh 2:22) Uukapaatin­neqas­san­ngik­kut­ta Guutip oqaasia atuaq­qis­saar­tariaqar­par­put. Taamaalior­nitsigut Jiisusi Jehovalu aatsaat ilisimalersin­naavavut. (Joh 17:3) Taava sal­lusuis­sum­miil­luta qulak­kiis­savar­put.

6. Kristumiut inuusut­tut suna mianersuutigisariaqar­paat?

⁶ Inuit isumaliuter­suutaan­nit tam­mar­titaaq­qunatik kristumiut tamarmik mianersor­tariaqar­put. (1 Joh 2:26) Ingam­mik inuusut­tut taman­na mianersuutigisariaqar­paat. Alexia, * qatan­ngut ar­naq 25-nik ukiulik, ima oqar­poq: “Atuar­tuugal­larama pin­ngoriar­tuaar­neq inuil­lu isumaliutersuutaat al­lat pil­lugit ilik­kagaqar­nera pis­sutigalugu sal­lusuis­sut qulariler­para. Ilik­kak­kamami ilaat soqutiginar­tit­tar­pak­ka. Biibilimili al­las­simasut misis­soq­qaar­nagit atuarfim­mi ilin­niak­kat­ta up­periin­nar­nis­saat kuk­kunerusorivara.” Alexiap atuagaq Livet — hvordan er det kommet her?  Ved en udvikling eller en skabelse? atuaq­qis­saar­paa, sapaatil­lu-akun­neri arlaqan­ngitsut qaangium­mata qularun­naar­poq. Ima oqar­poq: “Biibilimi al­las­simasut sal­lusuis­sutaanerat up­per­narsivara paasil­lugulu najoq­qutas­siat tas­san­ngaan­neersut malil­lugit inuuneq nuan­naar­narlunilu qamuuna eq­qis­sinar­tuusoq.”

7. Sunaveersaar­tariaqar­pugut, aam­ma sooq?

⁷ Kristumiut tamarmik, inuusut­tut utoq­qaal­lu, marloqiusamik inooriaaseqar­naveersaar­tariaqar­put. Johan­nesip erseq­qis­sar­paa sal­lusuis­sum­mi inuujutigaluta kinguaas­siuutitigut inuunerlus­sin­naan­ngitsugut. (1 Joh 1:6) Guutimit maan­na siunis­samilu iluarisaas­sagut­ta eq­qaamasariaqar­par­put Jehovap suut tamaasa takusin­naagai. Tas­sa ajor­tuliat suul­luun­niit iser­tor­neqarsin­naan­ngil­lat. – Hebr 4:13.

8. Suna itigar­tit­tariaqar­par­put?

⁸ Silar­suup ajor­tulior­ner­mut isigin­nit­taasia itigar­tit­tariaqar­par­put. Apustili Johan­nesi ima al­lap­poq: “Oqarut­ta ajor­teqar­nata im­mitsin­nut tam­mar­tis­saagut.” (1 Joh 1:8) Johan­nesip nalaani inuit tunus­sisut oqar­tar­put kinaluun­niit piaaraluni ajor­tulior­tarsin­naasoq sulilu Guutimut ikin­ngutaal­luni. Ul­lumik­kut­taaq taamatut isigin­nit­taasil­lit akor­nan­ni inuuvugut. Amerlasuut up­per­tuunerar­put Jehoval­li ajor­tulior­nermut, ingam­mik atoqatigiin­nermut tun­ngatil­lugu, isigin­nit­taasianut isumaqataanatik. Oqar­tar­put inuup atoqatigiin­nermut tun­ngatil­lugu pileris­sutsini eq­qor­tuusorisanilu maliin­narsin­naagai, naak Jehovamit as­suarineqaraluar­tut.

9. Inuusut­tut Biibilimi ilisimasatik eq­qor­tuusut malil­lugit iliuuseqar­ner­tik qanoq iluaqutigisar­paat?

⁹ Ingam­mik kristumiut inuusut­tut atoqatigiin­nermut tun­ngatil­lugu atuaqatimit­tut suleqatimit­tul­lu isigin­nit­taaseqaler­naveersaar­nis­sar­tik saper­nar­tis­sin­naavaat. Taman­na Aleksandarip misigivaa. Ima oqalut­tuar­poq:  “Atuarfim­mi niviarsiaq­qat ilaasa atoqatigiumal­lunga tatigaluar­paan­nga. Oqar­put ar­naateqan­ngin­nama anguteqatin­noor­tuusimas­sasunga.” Il­lit­taaq taama misigisaqar­tar­pit? Taamaap­pat eq­qaamajuk Biibilimi ilisimasatit eq­qor­tuusut malil­lugit iliuuseqar­taruit nalerisimaas­sasutit, peq­qis­suul­lutit inuus­sasutit, misigis­sutsik­kut im­minut il­lersus­sasutit aam­ma Jehovamut ikin­ngutaajuas­sasutit. Ajor­tulior­nis­samil­lu itigar­titsigaangavit ajun­ngitsulior­nis­saq ajor­nan­ngin­neruler­tar­poq. Aam­ma silarsuup atoqatigiin­nermut isigin­nit­taasiata Saatanimeersuunera eq­qaamajuk. Silarsuarmi inuit eq­qarsar­taasiat itigar­tik­kaangak­ku ajor­toq ajugaaf­figisar­pat. – 1 Joh 2:14.

10. Jehovamut kif­far­tor­nitsin­ni ilerasuuteqan­ngin­nis­samut Johan­nesip al­lagai siul­liit 1:9 qanoq iluaqutigaar­put?

¹⁰ Jehovap suup ajor­tuuneranik aalajangiisin­naatitaanera uagut akueraar­put, ajor­tuliun­ngin­nis­sar­pul­lu ilungersuutigisar­par­put. Ajor­tulioraangat­tali Jehovamut qinunik­kut ajor­tuliavut nas­suerutigisariaqar­pavut. (1 Johannesi 1:9 atuaruk). Ingasat­tumik ajor­tuliorsimagut­ta utoq­qaaner­tanut, paarsisus­satsitut Jehovamit toq­qar­neqarsimasunut, ikioq­qusar­pugut. (Jaak 5:14-16) Sior­natigul­li ajor­tuliarisimasavut ilerasuutigiuar­tus­saan­ngilagut. Sooq? Ataatat­ta asan­nit­tup ajor­tuliatsin­nik isumak­keerfigineqarsin­naaq­qul­luta Er­nini uter­titsis­sutitut pil­liutigisimam­magu. Aam­ma oqar­nikuuvoq peq­qis­simisut ajor­tuliamin­nik isumak­keerfigineqas­sasut, oqaatsinilu eq­qor­tit­tuaan­nar­pai. Jehovap ilerasuuteqar­nata kif­far­torsin­naatip­paatigut. – 1 Joh 2:1, 2, 12; 3:19, 20.

11. Tunus­sisut ilin­niar­titsis­sutaan­nut qanoq up­per­ner­put il­lersorsin­naavar­put?

¹¹ Tunus­sisut ilin­niar­titsis­sutaat itigar­tit­tariaqar­pavut. Diaavulu kristumiut up­per­nikil­lisin­niarlugit ilungersor­tuarsimavoq.  Taamaat­tumik ilumoor­toq sal­lumit im­mik­koor­tis­sin­naasariaqar­par­put. * Uumis­sor­tivut inter­neti tas­sanilu at­taveqaqatigiit­tarfiit atorlugit sal­lunik siaruar­terisar­put Jehovamik tatigin­nin­ner­put qatan­ngutitsin­nil­lu asan­nin­ner­put in­narlerumal­lugu. Sal­luliuutit taamaat­tut up­pereqinagit. Saatanimeersuup­put! – 1 Joh 4:1, 6; Saqq 12:9.

12. Sooq sal­lusuis­sutinik up­perin­nin­ner­put ineriar­tor­tit­tariaqar­par­put?

¹² Saatanip saas­sus­sisar­neri akiorsin­naajumal­lugit Jiisusimut taas­sumalu Jehovap siuner­taani inis­sisimaneranut up­per­ner­put ineriar­tor­tit­tariaqar­par­put. Aam­ma inus­siaq aalajaal­lunilu silatooq kisiat aq­qutigalugu Jehovap nunarsuarmi peqatigiis­sor­taminik siulersuinera tatigisariaqar­par­put. (Matt 24:45-47) Taamaaliorsin­naavugut akulikitsumik Biibilimik atuaq­qis­saar­tar­nik­kut. Taava up­per­ner­put or­pit­tut sorlaqarluar­tutut ilis­saaq. Paulusi as­singusumik as­sersuusior­poq ilagiin­nut Kolos­semiunut ima al­lak­kami: “Kristusi-Jiisusi, Naalagaq, ilas­sigas­siuk taava taas­sumani inuuniaritsi, taan­na sorlaqarfigalugu, taas­sumani ineriar­tor­tin­neqarlusi, up­per­nermi aalajaal­lusi.” (Kol 2:6, 7) Up­per­nit­ta ineriar­tor­tin­nis­saa ilungersuutigigutsigu Saatanip tapersersor­taasalu sal­lusuis­sum­mi inuujun­naar­tis­sin­naanavian­ngilaatigut. – 2 Joh 8, 9.

13. Suna tupigusuutigis­san­ngilar­put, aam­ma sooq?

¹³ Silarsuarmit uumis­sor­neqar­ner­put tupigusuutigis­san­ngilar­put. (1 Joh 3:13) Johan­nesip eq­qaasip­paatigut ‘silarsuaq tamaat Ajor­tup pis­saaneqarfigigaa’. (1 Joh 5:19, NW) Silarsuup nungutin­neqar­nis­saa qanil­liar­tuin­nar­til­lugu Saatani kamak­kalut­tuin­nar­poq. (Saqq 12:12) Tunus­sisut sal­lumik siaruar­terinerat aq­qutigalugu kinguaas­siuutitigul­lu inuunerlutsitsiniaanermigut toq­qaan­nan­ngitsumik saas­sus­sisar­poq. Nalun­ngilaa oqaluus­sinitsin­nik unitsitsinis­saminut up­per­nitsin­nil­lu in­narliinis­saminut pif­fis­sakil­luni. Taamaat­tumik tupin­nan­ngilaq suliar­put nunar­pas­suar­ni kil­lilersugaal­lunilu iner­teq­qutaam­mat. Qatan­ngutivul­li nunani taak­kunaniit­tut piner­tusaar­put, up­per­narsarlugu qanorluun­niit Saatanimit saas­sun­neqaraluarut­ta ajugaasin­naasugut!

14. Qatan­ngutit­ta sal­lusuis­sum­miit­tuar­nis­saan­nut ilaatigut qanoq ikiorsin­naavavut?

¹⁴ Qatan­ngutivut sal­lusuis­sum­miit­tuar­nis­saan­nut ikiorsin­naavavut misigeqatiginerisigut. (1 Joh 3:10, 11, 16-18) Asaqatigiit­tuar­tariaqar­pugut, aam­ma ajor­nar­torsioraangat­ta. As­sersuutigalugu asasaminik toquk­kut an­naasaqarsimasumik nalun­ngisaqar­pit? Taan­na tup­pal­lersarsin­naaviuk, al­latigul­luun­niit ikiorsin­naaviuk? Im­maqa aam­ma tusar­par­put qatan­ngutivut pin­ngor­titami ajunaar­nersuarmit eq­qugaal­lutik pigisamin­nik an­naasaqarsimasut, maan­nalu Naalagaaf­filersaarfitsik il­lutil­lu sanaq­qit­tariaqaraat. Taak­ku arlaatigut ikiorsin­naavavut? Qatan­ngutitsin­nik qanoq asan­nitsiginer­put misigeqatigin­nitsiginer­pul­lu takutis­sin­naavar­put oqaatsik­kuin­naan­ngitsoq pingaar­ner­tul­li iliuutsitsigut.

15. Johan­nesip al­lagai siul­liit 4:7, 8 naaper­torlugit susariaqar­pugut?

¹⁵ Asaqatigiin­nitsigut Ataatar­put qilam­miusoq ilaar­tar­par­put. (1 Johannesi 4:7, 8 atuakkit). Asaqatigiin­nermi isumak­keer­figeqatigiinneq pingaaruteqar­poq. As­sersuutigalugu takorlooruk arlaata ajual­latsik­kaatit utoq­qatserlunilu. Kuk­kus­sutaata puior­neratigut isumak­keerfigineratigul­lu asan­nit­tulior­tar­pugut.  (Kol 3:13) Qatan­ngut angut Aldomik atilik taamaalior­poq. Sumiuus­sutsini pil­lugu qatan­ngut angut ataq­qisani ajor­tumik oqaaseqar­toq tusaavaa. Aldo ima oqalut­tuar­poq: “Qatan­ngut taan­na pil­lugu ajor­tumik eq­qarsan­ngin­nis­san­nut ikioq­qul­lunga Jehova kimigiiserfigaara.” Taamaalior­nermi saniatigut Aldop qatan­ngut taan­na oqaluus­seqatiserivaa. Oqaluus­seqatigiin­nermin­ni Aldop qatan­ngut nas­suiaap­paa oqaasii ajual­laatigisimal­lugit. Ima nangip­poq: “Oqaaserisimasai pil­lugit qanoq misiginersunga paasigamiuk utoq­qatserfigaanga. Nipaanit tusaasin­naavara oqaatsini peq­qis­simis­sutigigai. Tamatuma kingor­na ikin­ngutigeeq­qiler­pugut.”

16-17. Suna aalajangiusimavar­put?

¹⁶ Apustilip Johan­nesip qatan­ngutiminik asan­ningaar­nera up­perluar­tuunis­saan­nil­lu kis­saateqar­nera al­lagaanit pingasunit erser­poq. Angutit ar­nal­lu qilam­mi Jiisusimik naalak­kersueqataasus­sat Johan­nesitut asan­nil­lutil­lu soqutigin­ningaar­tuunerat nalunagu qiim­maal­lan­nangaarami! – 1 Joh 2:27.

¹⁷ Kajumis­saarutit eq­qar­tuk­kavut qanor­toq maleruar­tigit. Sal­lusuis­sum­mi inuujumal­luta sutigut tamatigut Jehovap naalan­nis­saa aalajangiusimatigu. Oqaasii atuaq­qis­saar­tar­tigit tutsuigalugil­lu. Jiisusimik up­perin­nin­ner­put nakus­satsik­kisigu inuit isumaliutersuutaat tunus­sisul­lu ilin­niar­titsis­sutaat itigar­til­lugit. Marloqiusamik inooriaaseqan­ngik­kisa ajor­tulior­nis­samul­lu nak­kaan­nar­nata, Jehoval­li najoq­qutas­siai qutsis­sut maleruarlugit inuugisa. Aam­ma qatan­ngutivut aalajaaq­qul­lugit ikior­tar­tigit ajual­latsitsisut isumak­keerfiginerisigut ikior­tarial­lil­lu ikior­nerisigut. Taava qanorluun­niit atugaqaraluarut­ta sal­lusuis­sum­mi inuujuarsin­naas­saagut.