1. Paulusip suna nas­suerutigaa?

APUSTILIP Paulusip san­ngiit­tar­nini nas­suerutigaa. Timimi ‘aseroriar­tor­nerata’ saniatigut nalun­ngilaa ajun­ngitsuliorumal­luni ilungersor­tariaqar­tarluni aam­ma qin­nutini neriuutigisamisut Jehovap akiuaan­nar­neq ajorai. (2 Kor 4:16; 12:7-9; Rom 7:21-23) Paulusip akerlilersor­timinit san­ngiitsutut isigineqar­tar­nini miserratigin­ngilaa. * Al­lanil­li isiginerlun­neqar­tar­nini nam­minerlu san­ngiis­sutini naleqan­ngitsutut misigilis­sutigin­ngilai. – 2 Kor 10:10-12, 17, 18.

2. Paulusip paasisimasaa pingaarutilik suna Korinthimiunut al­lak­kat aap­paat 12:9, 10-milu al­las­simava?

² Paulusi pingaarutilim­mik paasisaqarsimavoq – tas­sa inuk san­ngiitsutut misigisoq suli nukit­tusin­naasoq. (2 Korinthimiut 12:9, 10 atuakkit). Jehova Paulusimut oqar­poq pis­saanini ‘san­ngiis­sutsimi naam­matsit­tar­toq’, imatut paasil­lugu inuk san­ngiik­kaangat Jehovap pisariaqar­tumik pis­satsit­tarsin­naagaa. Siul­ler­tut sam­meriar­tigu akeq­qatsin­nit narrunarsar­neqaraangat­ta sooq nikal­lor­tariaqan­ngitsugut.

3. Narrunarsar­neqar­ner­put sooq nuan­naarutigisin­naavar­put?

³ Kialuun­niit narrunarsar­neqar­nini nuan­narineq ajor­paa.  Akerlilersor­titsin­niil­li narrunarsar­neqar­ner­put ajual­laatigival­laarutsigu nikal­lorsin­naavugut. (Uss 24:10) Qanormi isigin­nit­taaseqarfigis­savar­put? Paulusitut ‘tul­luusimaarutigisin­naavar­put’. (2 Kor 12:10) Jiisusi oqar­poq ajoqersuk­kani ilumoor­tut narrunarsar­neqarlutil­lu akerlilersor­neqarumaar­tut. (1 Petr 4:14) Aam­ma malersor­neqarumaar­nerat oqaatigaa. (Joh 15:18-20) Taman­na kristumiut siul­liit nalaan­ni eq­quup­poq. Taamani inuit grækerit kulturian­nit sun­ner­tis­simasut eq­qarsar­tarsimap­put kristumiut sianiitsuul­lutil­lu san­ngiitsuusut. Aam­ma juutit amerlasuut isumaqar­tarsimap­put kristumiut, soorlu Petrusi Johan­nesilu, “inuin­naasut im­mik­kut ilin­niagaqarsiman­ngitsut”. (ApS 4:13) Kristumiut inuit isaan­ni san­ngiip­pasip­put. Politik­kimut akuliut­tan­ngin­namik naalak­kersuinermut sun­niuteqar­neq ajor­put sorsut­tunul­lu peqataasan­ngin­namik im­minut il­lersorsin­naar­pasin­natik. Ilaatigut tamak­ku pis­sutigalugit inuiaqatigiin­nit ajat­tugaap­put.

4. Kristumiut siul­liit akerlilersor­timin­nit nikagineqar­ner­tik qanoq qisuariarfigisimavaat?

⁴ Kristumiut siul­liit akerlilersor­timin­nit isiginerlun­neqar­ner­tik kif­far­tor­nermin­ni unis­sutigineq ajor­paat. Apustilit Petrusi Johan­nesilu as­sersuutigisin­naavavut. Jiisusimut ajoqersugaap­put taan­nalu pil­lugu ilin­niar­titsisarlutik. Taman­nali pis­sutigalugu malersugaaner­tik ataq­qinaatitut isigaat. (ApS 4:18-21; 5:27-29, 40-42) Kristumiut siul­liit kan­ngusuutis­saqan­ngil­lat. Naak nikagineqar­taraluarlutik inoqatitik ikior­niarlugit akerlilersor­timin­nit iliuuseqar­nerungaar­put. As­sersuutigalugu ilaasa al­lataat Biibilimi ilan­ngun­neqarsimap­put inun­nut mil­lionilin­nut iluaqutaal­lutil­lu neriuutis­siil­lutik. Aam­ma Naalagaaf­fik oqaluus­sis­sutigisimasaat maan­na qilam­mi naalak­kersuilereersimavoq ungasin­ngitsuk­kul­lu nunarsuarmi naalak­kersuilis­sal­luni. (Matt 24:14) Una eq­qarsaatigiuk: Taamani naalagaaf­fiit pis­saanil­lit kristumiunik siul­ler­nik malersuisut qangarsuarli piujun­naareersimap­put. Kristumiul­li aalajaatsut maan­na Guutip naalagaaf­fiani kun­ngiup­put. Akerlilersuisut toqunikuup­put, makititaas­sagunil­lu uumis­sorsimasamin­nit naalak­kersor­neqas­sap­put. – Saqq 5:10.

5. Johan­nesi 15:19 naaper­torlugu Jehovap in­nut­tai sooq inup­pas­suar­nit nikagineqar­tar­pat?

⁵ Nalitsin­ni Jehovamut in­nut­taagat­ta am­mut isigineqar­tar­pugut, aam­ma sianiitsutut san­ngiitsutul­lu il­laruaatigineqar­tar­pugut. Sooq taamaap­pa? Silarsuarmi inuit isumaqatigin­ngin­natsigit. Sapin­ngisamik maniguun­niar­tar­pugut naalat­tarlutalu. Makitasuul­li pikitsitsiumatuul­lu silarsuarmi nuan­naar­torineqar­tar­put. Aam­ma uagut politik­kimut akuliun­naveersaar­tar­pugut sak­kutuun­ngorumanatalu. Silarsuarmut naleq­qus­sar­tan­ngin­nat­ta inup­pas­suar­nit nikagineqar­tar­pugut. – Johannesi 15:19 atuaruk; Rom 12:2.

6. Jehova in­nut­tani atorlugit qanoq tupin­nar­tunik naam­mas­sisaqar­tar­pa?

⁶ Silarsuarmi san­ngiitsutut isigineqar­taraluar­tugut Jehovap tupin­nangaar­tumik naam­mas­sisaqar­niarluni ator­paatigut. Aatsaavis­suaq nunarsuarmi taama oqaluus­sisoqar­tigaaq. Nalitsin­ni kif­fai atuagas­sianik nutser­neqar­ner­paanik siam­marsimaner­paanil­lu saq­qum­mersitsisar­put, Biibililu atorlugu inup­pas­suit pitsaanerusumik inooriaaseqaler­nis­saan­nut ikior­tar­paat. Ataq­qinaat tamaat Jehovap pigaa, inuim­mi san­ngiip­pasit­tut atorlugit tupin­nar­tunik naam­mas­sisaqar­tar­poq. Uagum­mi inut­tut ataasiak­kaatut Jehovap pis­satsis­sin­naavaatigut?  Jehovamit ikior­neqarumal­luta susariaqar­pugut? Apustilip Paulusip maligas­siaa sutigut pingasutigut ilin­niarfigisin­naanerlutigu maan­na sam­meriar­tigu.

7. Paulusi qanoq ilin­niarfigisin­naavar­put?

⁷ Paulusip maligas­siaanit ilin­niar­par­put Jehovamut kif­far­tor­nitsin­ni nam­mineq nukivut pigin­naasavul­luun­niit tatigis­san­ngik­kivut. Inis­sisimaf­fini pigin­naasanilu pis­sutigalugit Paulusi inun­nit ataq­qineqangaarami makitalerlunilu im­minuin­naq tatigisimasin­naagaluar­poq. Tarsusimi, Romamiut nunaataasa ilaan­ni il­loqarfim­mi pingaar­nermi, peroriar­tor­poq. Tarsusimi ilin­niarfis­suaqar­poq tusaamaneqarluar­tumik, Paulusilu juutit siut­tuusut akor­nan­ni ataq­qineqar­ner­paamit Gamalielimik atilim­mit ilin­niar­tin­neqar­poq. (ApS 5:34; 22:3) Nam­minerlumi juuteqatiminit ataq­qisaangaarsimavoq. Ima oqar­poq: “Juutius­sutsimik ingasaas­sinik­kut inuiaqatin­ni ilutigisak­ka amerlanerit akimor­pak­ka.” (Gal 1:13, 14; ApS 26:4) Paulusil­li pigin­naasani tatigin­ngilai.

8. Filip­pimiut 3:8 naaper­torlugu Paulusip silarsuarmi pis­saaneqalis­sutigisin­naasani qanoq isumaqarfigai, aam­ma sooq ‘san­ngiit­tar­nini tul­luusimaarutigaa’?

⁸ Paulusip silarsuarmi pis­saaneqalis­sutigisin­naasani kajumil­luni iperarsimavai. Paasisimavaa taak­ku tas­saasut ‘perlukut igitas­saan­naasut’. (Filippimiut 3:8 atuaruk). Paulusi kristumiun­ngorami unam­miniagas­sar­pas­suaqaler­poq. Inuiaqatiminit uumis­sor­neqar­poq. (ApS 23:12-14) In­nut­taaqatiminit persut­tar­neqarlunilu par­naarus­saavoq. (ApS 16:19-24, 37) Aam­ma naam­mal­luin­nan­ngis­sutsini paasil­lualer­paa erloqis­sutigisalerlugulu. (Rom 7:21-25) Tamak­kuali Kristusimut ajoqersugaanis­saminut aporfigin­ngilai. Paarlat­tuanik oqar­poq ‘san­ngiit­taraangami tul­luusimaar­tarluni’. Sooq? San­ngiik­kaangami malugisaramiuk Jehovamit pis­satsin­neqarluni. – 2 Kor 4:7; 12:10.

9. San­ngiis­sutivut qanoq isigin­nit­taaseqarfigisariaqar­pavut?

⁹ Jehovamit pis­satsin­neqas­sagut­ta eq­qarsar­naveersaar­tariaqar­pugut  nukivut, ilin­niak­kavut, kulturer­put pisuus­sutivul­lu pis­sutigalugit Jehovamit ator­neqarsin­naasugut. Guutip in­nut­tai amerlasuut inuit isaan­ni ‘ilisimasuun­ngil­lat, pis­saaneqar­tuun­ngil­lat akimasuujunatil­lu’. Jehoval­li ‘silarsuarmi san­ngiitsut’ toq­qarsimavai. (1 Kor 1:26, 27) Taamaat­tumik san­ngiis­sutitit Jehovamut kif­far­tor­nis­san­nut aporfigeqinagit, Jehovamil­li pis­satsin­neqar­ner­pit maluginis­saanut periarfis­satut isigik­kit. As­sersuutigalugu up­per­nerit pil­lugu qulalersin­niar­neqaraangavit up­perisavit il­lersor­nis­saanut sapiis­suseqarumal­lutit Jehovamut qinunik­kut ikioq­qusin­naavutit. (Ef 6:19, 20) Ilungersunar­tumik timik­kut tar­nik­kul­luun­niit nap­paateqaruit Jehovamut kif­far­tor­nermi ulap­puteqar­tuarumal­lutit nukis­san­nil­lu tuneq­qul­lutit qinusin­naavutit. Jehovap ikiuinera takugaangak­ku up­per­neruler­tas­saatit pis­satsin­neqar­tarlutil­lu.

10. Sooq itsaq maligas­siuil­luar­tut, soorlu Hebræerit 11:32-34 al­laatigineqar­tut, eq­qarsaatigeq­qis­saar­tas­savavut?

¹⁰ Paulusi Al­lak­kanik misis­suil­luar­tar­poq. Paasisar­pas­suami saniatigut maligas­siuil­luar­tut Guutip oqaasiani al­laatigineqar­tut qanoq ilin­niarfigisin­naanerlugit eq­qarsaatigisar­paa. Hebræerinut al­lak­kamini Jehovamut kif­fat aalajaatsut maligas­siaan­nik eq­qarsaatigin­nin­nis­samik Paulusi kajumis­saarivoq. (Hebræerit 11:32-34 atuakkit). Taak­kua ilaat, kun­ngi Daavi, as­sersuutigeriar­tigu. Taan­na akeq­qaminiin­naan­ngitsoq aam­mali ikin­ngutigisimasaminit akerlilersor­neqar­poq. Taas­suma maligas­siaata eq­qarsaatiginerani paasis­savar­put sooq Daavip inuuneranik eq­qarsaatigin­neq­qis­saar­neq Paulusip iluaqutigisimagaa uagul­lu Paulusitut qanoq taamaaliorsin­naasugut.

11. Sooq Daavi san­ngiip­pasip­pa? (Saq­qaani as­siliaq takuuk).

¹¹ Daavi Goliatimit san­ngiitsutut isigineqar­poq. Goliatip Daavi takugamiuk “nikagium­meqaa”. Nam­minermi Daavimit angineruvoq, sak­kugis­saar­neruvoq sorsun­nermilu misilit­tagaqar­nerul­luni. Daavi nukap­piaraan­naagami san­ngiip­pasip­poq, Jehovamil­li pis­satsin­neqar­nis­sani tatigigamiuk Goliati ajugaaf­figaa. – 1 Sam 17:41-45, 50.

12. Daavi sumik al­lamik unam­miniar­nar­titaqar­pa?

¹² Daavi aam­ma al­lamik san­ngiis­sutigilersin­naasaminik unam­miniar­nar­titaqar­poq. Jehovap Israelimi kun­ngitut qinersimasaa, Sauli, ilumoorfigin­nil­luni kif­far­torfigaa. Aal­laq­qaam­mut kun­ngimit Saulimit ataq­qineqarsimavoq. Kingusin­nerusuk­kul­li kun­ngip taas­suma makitaler­nini pis­sutigalugu Daavi sin­ngagiler­paa. Daavi ajor­tumik pisaler­paa, al­laal­lu toqun­niar­talerlugu. – 1 Sam 18:6-9, 29; 19:9-11.

13. Kun­ngimit Saulimit ajor­tumik pineqaraangami Daavi susar­pa?

¹³ Kun­ngimit Saulimit ajor­tumik pineqar­taraluarluni Daavi Jehovap kun­ngiutitaanut ataq­qin­nin­nermik ersersitsiuar­poq. (1 Sam 24:7) Saulip ajor­tuliaanut Jehova pisuutin­ngilaa. Paarlat­tuanik Jehova tatigivaa qularinagu piner­tusaar­nis­saminut pisariaqar­tumik pis­satsin­neqarumaarluni. – Tuss 18:1, 2.

14. Paulusip atugai Daavip atugaanut qanoq as­singup­pat?

¹⁴ Paulusip atugai Daavip atugaanut as­singup­put. Akerai pis­saaneqar­nerungaar­put. Nalimini siut­tunit nuimasunit uumis­sor­neqarlunilu akut­tun­ngitsumik persut­tar­neqar­tar­poq par­naarus­saatin­neqar­tarlunilu.  Aam­ma ikin­ngutaasus­saagaluar­tunit, ilaatigut ilagiin­neersunit, ajor­tumik pineqarluni akerlilersor­neqar­tar­poq, soorlu Daavip taman­na misigisimagaa. (2 Kor 12:11; Fil 3:18) Paulusili akerlilersor­timinit ajugaaf­figineqan­ngilaq. Qanoq? Oqaluus­sinini ingerlatiin­nar­paa, qatan­ngutimi pakatsisit­taraluaraan­ni taak­ku ilumoorfigiuar­pai, pingaar­ner­tul­lu inuunini tamaat Guutimut aalajaap­poq. (2 Tim 4:8) Taamaaliorsin­naavoq nam­mineq pigin­naasani tatiginagit Jehova tatigigamiuk.

15. Suna anguniagaraar­put, qanorlu angusin­naavar­put?

¹⁵ Il­lit atuaqatin­nit, suleqatin­nit ilaqut­tan­nil­lu Nalunaajaasuun­ngitsunit il­laruaatigineqarlutil­luun­nit malersugaavit? Ilagiin­neersunit ajor­tumik pineqar­nikuuit? Taamaap­pat Daavip Paulusil­lu maligas­siaat eq­qaamak­kit. Ajor­toq ajugaaf­figiuarsin­naavat “ajun­ngitsoq atorlugu”. (Rom 12:21) Akerlilersor­neqaraangat­ta Daavip Goliatimik akiuineratut uagut akiuun­neq ajor­pugut, inuil­li Jehova Biibililu pil­lugit ilin­niar­tit­tar­pavut. Taman­na angusin­naavat inuit apeq­quteqaraangata Biibili najoq­qutaralugu akisar­nerisigut, ajor­tumik pin­nit­tunut ataq­qin­nit­tuunik­kut inus­siar­nersuunik­kul­lu, kiisalu kik­kun­nut tamanut ajun­ngitsulior­tar­nik­kut. – Matt 5:44; 1 Petr 3:15-17.

16-17. Paulusip suna puiun­ngisaan­nar­paa?

¹⁶ Apustili Paulusi Kristusimut ajoqersugan­ngun­ngik­kal­larami peq­qar­niitsuuvoq Jiisusip ajoqersugaanik malersuisoq. (ApS 7:58; 1 Tim 1:13) Paulusip, taamani Saulusitut ilisimaneqar­tup, ilagiin­nik malersuinera Jiisusip unitsip­paa. Paulusi qilam­mit oqaluup­paa tap­pingersil­lugulu. Tap­pis­seq­qis­saguni malersorsimasaminut ikior­tis­sarsior­tariaqar­poq. Ajoqersuk­kamit Ananiamik atilim­mit ikior­neqar­nis­sani maniguul­luni akuerigamiuk isigisaqaq­qiler­poq. – ApS 9:3-9, 17, 18.

¹⁷ Kingor­na Paulusi ilagiin­ni ilisimaneqarlualer­poq. Damaskusiliar­til­lunili Jiisusip im­minut iliuuserisimasaa puiun­ngisaan­nar­paa. Paulusi maniguut­tuar­poq anersaak­kul­lu qatan­ngutiminit  ikior­neqar­nis­sani akuerisarlugu. Nalun­ngilaa taak­kua ikiuinerat ‘nakus­satsis­sutigisarlugu’. – Kol 4:10, 11, NW.

18. Sooq ikior­neqar­nis­sar­put akueriuminaatsis­sin­naavar­put?

¹⁸ Paulusi qanoq ilin­niarfigisin­naavar­put? Sal­lusuis­sut ilin­nialeq­qaaratsigu nalun­ngilar­put suli amerlasuunik ilik­kagas­saqarluta, taamaat­tumil­lu al­lanit ikior­neqar­nis­sar­put akueriuminar­tis­simas­sagunar­par­put. (1 Kor 3:1, 2) Maan­nak­kum­mi? Ukior­pas­suar­ni Jehovamut kif­far­torsimagut­ta misilit­tagar­pas­suaqarsimas­saagut, taman­nalu pis­sutigalugu al­lanit, ingam­mik uagutsitul­li misilit­tagaqar­tigin­ngitsunit, ikior­neqar­nis­sar­put akueriuminaatsis­sin­naavar­put. Eq­qaamasariaqar­par­pul­li Jehovap qatan­ngutivut aq­qutigalugit nakus­satsit­taraatigut. (Rom 1:11, 12) Jehovamit pis­satsin­neqas­sagut­ta al­lanit ikior­neqar­tar­nis­sar­put akuerisariaqar­par­put.

19. Sooq Paulusi imaan­naan­ngitsunik naam­mas­sisaqarsin­naasimava?

¹⁹ Paulusi kristumiun­ngoreerluni imaan­naan­ngitsunik naam­mas­sisaqarsin­naasimavoq. Sooq? Paasisimagamiuk taamaalior­nis­samut nukiit, ilin­niak­kat pisuus­sutil­luun­niit aalajangiisuun­ngitsut. Nalun­ngilaa maniguun­neq Jehovamil­lu tatigin­nin­neq aalajangiisuusut. Qanor­toq tamat­ta Paulusi ilaarlugu Jehova tatigiuar­tigu, itsaq maligas­siuil­luar­tut ilin­niarfigitigit, kiisalu up­peqatitsin­nit ikior­neqar­tar­nis­sar­put akuerisar­tigu. Taamaaliorut­ta misigis­savar­put qanorluun­niit san­ngiitsigigaluaraangat­ta Jehovamit pis­satsin­neqar­tarumaarluta!