1. Jehova il­lit pil­lutit qanoq iliuuseqar­pa?

QANOQ Jehovamik Nalunaajaasun­ngor­pit? Aal­laq­qaam­mut “tusagas­saq nuan­nersoq” tusar­pat – im­maqa angajoq­qaan­nit, suleqatin­nit, atuaqatin­nit imaluun­niit Nalunaajaasumit il­lumiit il­lumut oqaluus­sisumit. (Mark 13:10, NW) Taava pif­fis­sarujus­suaq nukip­pas­suil­lu atorlugit Biibilimik ilin­niar­tin­neqar­putit. Ilin­niar­tin­neqar­nin­ni Jehova asaler­pat paasil­lugulu il­lit­taaq asagaatit. Jehovap sal­lusuis­sum­mut kajungilersip­paatit, maan­nalu Jiisusimut ajoqersuk­katut naas­saan­ngitsumik inuunis­sat neriuutigisin­naavat. (Joh 6:44) Jehovap kif­fami ilaat aq­qutigalugu sal­lusuis­sum­mik ilin­niar­tis­simam­matit kif­famisul­lu akuerisimam­matit qujamasungaarsimas­saatit.

2. Al­laaserisami matumani suut sam­mineqas­sap­pat?

² Sal­lusuis­sut ilisimaleratsigu al­lat aq­qutik­kut inuus­sutaasuk­kut ingerlaler­nis­saan­nut ikiorsin­naaler­pagut. Imaas­sin­naavorli oqaluus­sinis­saq sungiusimanerugatsigu Biibilimik atuaq­qis­saaqateqar­taler­nis­saq nangaanar­tik­kip­put. Il­lit taamatut misigiguit al­laaserisami matumani siun­nersuutit iluaqutigisin­naas­savatit. Biibilimik ilin­niar­titsinis­samut suut kajumis­sis­sutigisin­naanerlugit eq­qar­tus­savagut. Aam­ma sam­mis­savar­put Biibilimik ilin­niar­titsisaler­nis­samut nangaas­sutigisin­naasagut qanoq anigorsin­naanerigut. Sam­meq­qaariar­tiguli sooq tusagas­saq nuan­nersoq pil­lugu oqaluus­siin­narnata aam­ma ilin­niar­titsisariaqar­tugut.

3. Sooq oqaluus­sisar­pugut?

³ Jiisusip nunarsuarmiitil­luni malin­nitsini marlun­nik sulias­sip­pai. Siul­ler­tut oqarfigai Guutip kun­ngeqarfia pil­lugu tusagas­saq nuan­nersoq oqaluus­sis­sutigis­sagaat, qanorlu taamaaliorsin­naanerat takutip­paa. (Matt 10:7; Luk 8:1) As­sersuutigalugu inuit qisuariar­nerat naaper­torlugu qanoq ilior­tas­saneran­nik oqalut­tuup­pai. (Luk 9:2-5) Aam­ma siulit­tuutigaa “inuian­nut tamanut” oqaluus­sisoqarumaar­toq. (Matt 24:14; ApS 1:8) Inuit tusar­naaruman­ngik­kaluar­pataluun­niit Jiisusip ajoqersuk­kani Guutip kun­ngeqarfia tamatumalu naam­mas­sisas­sai pil­lugit oqaluus­seq­quai.

4. Mat­thæusi 28:18-20 naaper­torlugit oqaluus­sisar­nit­ta saniatigut aam­ma susariaqar­pugut?

⁴ Aap­paat­tut, Jiisusip malin­nitsini oqarfigai soqutigin­nit­tut peq­qus­sutiminik tamanik maleruaanis­saan­nik ilin­niartit­tas­sagaat. Inuit ilaat isumaqar­put Jiisusip oqaluus­sinis­samik ilin­niar­titsinis­samil­lu sulias­siis­sutaa kristumiunut siul­ler­nuin­naq atuut­toq. Taman­nali ilumoor­pa? Naamik, Jiisusimi oqar­poq suliaq taan­na “silarsuup naggatis­saanut al­laat” ingerlan­neqarumaar­toq. (Matthæusi 28:18-20 atuakkit). Imaas­sin­naavoq ajoqersuk­kani 500-nit amerlanerusut saq­qum­merfigigamigit taman­na peq­qus­sutigisimagaa. (1 Kor 15:6) Tamatuma saniatigut ajoqersuk­kami tamarmik Jehova pil­lugu al­lanik ilin­niar­titsisar­nis­saan­nik kis­saateqar­nini Johan­nesimut ersersip­paa. – Saqq 22:17.

5. Oqaluus­siner­put ilin­niar­titsiner­pul­lu apustilip Paulusip sumut as­sersuup­paa? (1 Kor 3:6-9)

⁵ Ajoqersugan­ngor­titsior­tor­neq apustilip Paulusip naasoris­saanermut as­sersuup­paa. Korinthimiunut ima al­lap­poq: “Uanga ik­kus­suivunga, Apol­losi imer­terivoq. ... [Ilis­si] Guutip narsaatigaasi.” (1 Korinthimiut 3:6-9 atuakkit). ‘Guutip narsaataani’ sulisutut naatsiias­sanik ik­kus­suiin­narata aam­ma imer­terisariaqar­pugut; tas­sa oqaluus­siin­narata aam­ma ilin­niar­titsisariaqar­pugut. (Joh 4:35) Guutil­li kisimi inuit kajungilersis­sin­naavai.

6. Ilin­niar­titsinermut suut ilaap­pat?

⁶ ‘Eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut’ ujar­tor­pagut. (ApS 13:48, NW) Ajoqersugan­ngus­sap­patali (1) paasin­nin­nis­saan­nut, (2) akuersinis­saan­nut, aam­ma (3) Biibilimit ilik­kak­kamin­nik maleruaanis­saan­nut ikior­tariaqar­pagut. (Joh 17:3; Kol 2:6, 7; 1 Th 2:13) Ilagiin­niit­tut tamarmik maligas­siuinermik­kut asan­nin­nermil­lu ersersitsinermik­kut ikiuus­sin­naap­put. (Joh 13:35) Il­lit nutaat ataatsimiin­ner­ni najuut­tut tikil­luaq­qusar­pigit? Biibilimik ilin­niar­titsisup ilin­niar­titani up­perisanik ileq­qulersuutinil­lu eq­qun­ngitsunik pigilius­simasaanik iperaatin­niarlugu pif­fis­sarujus­suaq nukip­pas­suil­lu ator­tariaqarsin­naavai. (2 Kor 10:4, 5) Imaas­sin­naavoq ilin­niar­toq al­lan­nguis­saguni imermul­lu morsutsin­neqar­nis­saminut piariis­saguni qaam­mater­pas­suar­ni ikior­neqaq­qaar­tariaqar­toq. Taman­nali im­minut akilersin­naavoq.

7. Oqaluus­sinis­samut ilin­niar­titsinis­samul­lu pingaar­ner­tut suna kajumis­sis­sutigaar­put?

⁷ Oqaluus­sinis­samut ilin­niar­titsinis­samul­lu suut kajumis­sis­sutigaagut? Pingaar­ner­tut Jehovamik asan­nin­nerput. Sapin­ngisamik oqaluus­sil­lutalu ilin­niar­titsigaangat­ta Guutimik asan­nin­ner­put ersersit­tar­par­put.  (1 Joh 5:3) As­sersuuteqariar­ta. Sooq il­lumiit il­lumut oqaluus­sisaler­pit? Jehova asagak­ku. Oqaluus­sisaler­nis­sal­li an­nilaangaginikuun­ngivip­piuk? Ilimanan­ngilaq. Kasut­toq­qaaleravit qular­nan­ngitsumik as­sut an­nilaangasimas­saatit. Taamaalior­putil­li nalun­ngin­nak­ku Jiisusip taman­na sulias­siis­sutigigaa. Pif­fis­sal­lu ingerlanerani il­lumiit il­lumut oqaluus­sineq sungiuk­kiar­torsimas­sagunar­pat. Biibilimil­li atuaq­qis­saaqateqar­nis­sat qanoq igaajuk? Eq­qarsaatigiin­narluguluun­niit an­nilaangaler­tar­pit? Taamaap­pat Jehovamut ikioq­qugit, qin­nuigiul­lu Biibilimik ilin­niar­titsinis­samik neqerooruteqar­nis­san­nut sapiis­susermik tuneq­qul­lutit. Taava ilin­niar­titsinis­samut kajumis­suseqar­nerulersis­savaatit.

8. Inun­nik ilin­niar­titsinis­samut suna al­la kajumis­sis­sutigaar­put? (Mark 6:34)

⁸ Aam­ma inoqatitsinnik asan­nin­nerput kajumis­sis­sutigalugu sal­lusuis­sut ilin­niar­titsis­sutigisar­par­put. Tamatumani Jiisusi maligas­saal­luar­poq. Ilaan­ni ajoqersuk­kanilu oqaluus­sereerlutik qasungaaramik qasuersaarfis­sarsiuler­put. Jiisusil­li inup­pas­suit takugamigit nal­ligingaaler­pai ‘amerlasuunillu ajoqersulerlugit’. (Markusi 6:34 atuaruk). Jiisusip qasugaluaqaluni inuit taak­ku ilin­niar­tiler­pai. Sooq? Misigin­neqatigigamigit. Nalun­ngilaami naal­liungaarlutil­lu neriuutis­sin­neqar­tariaqar­tut, ikiorusup­paalu. Aam­ma nalitsin­ni inuit ikior­neqar­tariaqar­put, naak im­maqa ilaan­nik­kut amigaateqar­pasit­tan­ngik­kaluarlutik. Savatut paarsisoqan­ngitsutut tam­marsimasutul­lu ip­put. Apustili Paulusi al­lap­poq inuit taak­ku Guuteqaratil­lu neriuutis­saqan­ngitsut. (Ef 2:12) Ikior­neqan­ngik­kunik toqusus­saap­put! (Matt 7:13) Tamak­ku tamaasa eq­qarsaatigigutsigit asan­nin­ner­put misigin­neqataaner­pul­lu kajumis­sis­sutigalugit ikiorusus­savagut. Biibilimil­lu ilin­niar­tik­kutsigit pitsaaner­paamik ikius­savagut, taamaat­tumik taman­na neqeroorutigisas­savar­put.

9. Filip­pimiut 2:13 naaper­torlugu Jehovap qanoq ikiorsin­naavaatit?

⁹ Biibilimik ilin­niar­titsinis­saq neqeroorutigis­sal­lugu nangaas­sutigisar­piuk nalun­ngin­nak­ku ilin­niar­titsineq pif­fis­sar­tor­nar­tuusoq? Taamaap­pat Jehovamut ikioq­qugit. Biibilimik ilin­niar­tis­sin­naasan­nik ujarler­nis­samut piumas­susermik tuneq­qugit. (Filippimiut 2:13 atuaruk). Guutip qin­nutit piumasaminut naaper­tuut­tut akisar­pai. (1 Joh 5:14, 15) Taamaat­tumik qularin­ngis­sin­naavat Biibilimik ilin­niar­titsinis­samut Jehovap piumas­suseqalersik­kumaaraatit.

10-11. Biibilimik ilin­niar­titsisaler­nis­sar­put sooq nangaas­sutigisin­naavar­put?

¹⁰ Ilin­niar­titsinis­samik peq­qus­sut pimoorup­par­put, aam­ma ajor­nar­torsiutit pis­sutigalugit kis­saatigisatsitut iliuuseqar­tigisin­naan­ngik­kaangat­ta. Ajor­nar­torsiutaasin­naasut ilaat sam­meriar­tigit qanorlu anigorsin­naal­lugit paasiniarlugu.

¹¹ Atukkagut pis­sutigalugit iliuuseqar­pallaar­sin­naan­ngik­kaangatta. Oqaluus­sisar­tut ilaat utoq­qalisimap­put peq­qiil­liulersimal­lutil­luun­niit. Il­lit taama atugaqar­pit? Taamaap­pat COVID-19-ip atuun­nerani misigisagut ilin­niarfigisin­naavatit. As­sersuutigalugu paasivar­put ator­toris­saarutit elektroniskiusut atorlugit Biibilimik ilin­niar­titsil­luarsin­naal­luta. Tas­sa pisariaqaraangat angerlarsimaf­fitsin­niit eq­qis­sil­luta Biibilimik ilin­niar­titsisarsin­naavugut. Taman­na aam­ma al­lamik iluaqutis­sar­taqar­poq. Inuit ilaasa  Biibili misis­sorusut­tar­paat, im­maqali ul­luk­kut misis­suinis­sar­tik pif­fis­saqarfigineq ajor­paat. Im­maqa ul­laak­kut un­nuk­kul­luun­niit taamaal­laat pif­fis­saqar­tar­put. Taamaalinerani il­lit ilin­niar­titsisarsin­naavit? Jiisusi Nikodemusimut taamaalior­poq. – Joh 3:1, 2.

12. Ilin­niar­titsinermut tun­ngatil­lugu qanoq im­minut tatiginerulersin­naavugut?

¹² Imminut tatigin­ngik­kaangatta. Misigisar­pit Biibilimik ilin­niar­titsisalis­saguit ilisimasaqar­nerusariaqarlutil­lu pik­korin­nerusariaqarlutit? Taamaap­pat uku pingasut eq­qarsaatigik­kit: Siul­ler­tut, Jehovap tatigalutit al­lanik ilin­niar­titsisin­naatip­paatit. (2 Kor 3:5) Aap­paat­tut, Jiisusip ‘qilam­mi nunamilu pis­saanermik tamarmiusumik’ pigisaqar­tup tatigigamitit ilin­niar­titsisaq­quaatit. (Matt 28:18) Pingajuat­tul­lu, kisimiin­ngilatit. Jiisusi oqaluus­sigaangami Ataataminit ilik­karsimasani tun­ngavigisar­pai. (Joh 8:28; 12:49) Il­lit­taaq taamaalior­tarit. Aam­ma oqaluus­sisar­toqatigiis­sin­ni nak­kutil­liisumut imaluun­niit pionerimut oqaluus­sisar­tumul­luun­niit misilit­tagaqarluar­tumut ikioq­qusin­naavutit. As­sersuutigalugu taak­ku arlaata atuaq­qis­saaqateqar­nerat malin­naaf­figisin­naaviuk? Taamaalior­nerit ilin­niar­titsil­laq­qin­neruler­nis­san­nut iluaqutigis­savat.

13. Sooq Biibilimik ilin­niar­titseriaaseq nutaaq sungiun­niar­tariaqar­par­put?

¹³ Periutsit atortoris­saarutillu nutaat sungiuk­kuminaatsik­kaangatsigit. Biibilimik ilin­niar­titseriaaser­put al­lan­ngor­nikuuvoq. Biibililersaarut Naassaanngitsumik pilluarsinnaavutit! ilin­niar­titsinitsin­ni maan­na pingaar­ner­tut ator­tar­par­put, taamaat­tumil­lu piareersariaaser­put ilin­niar­titseriaaser­pul­lu sior­natigumiit al­laanerup­put. Ilin­niar­titsigaangat­ta im­mik­koor­tut ikin­nerit atuar­tarlugil­lu ilin­niar­titar­put oqaloqatiginerusar­par­put. Aam­ma videut al­lal­lu nit­tar­tak­katsin­neersut JW Library^®-meersul­lu ator­nerusaler­pagut. Ator­toris­saarutit taak­ku ator­nis­saat il­lit suli sungius­siman­ngik­kuk­ku arlaan­nut ikioq­qusin­naavutit. Sungiusimasat al­lan­ngor­tik­kuminaas­sin­naasar­put, Jehovali al­lal­lu ikior­tigalugit nutaanik sungius­sisin­naavutit. Taava Biibilimik ilin­niar­titsinerit suli nuan­narinerulis­savat. Pionerit ilaata oqar­neratut ilin­niar­titseriaaseq taan­na “Biibilimik ilin­niar­tumut ilin­niar­titsisumul­lu nuan­ner­neruvoq”.

14. Inuit soqutigin­nin­ngik­kaangata suut eq­qaamasas­savagut, aam­ma Korinthimiunut al­lak­kat siul­liit 3:6, 7-ilu qanoq qiim­maal­laatigisin­naavagut?

¹⁴ Oqaluus­sif­figisartak­katsinni inuit soqutigin­nin­ngik­kaangata. Inuit ilaasa tusarlius­sar­put soqutigin­ngilaat akerlilersor­tarluguluun­niit. Isumal­luar­tuujuar­nis­satsin­nut suna iluaqutigisin­naavar­put? Eq­qaamajuk silarsuarmi matumani ajor­nar­torsiorfiungaar­tumi inuit atugaat al­lan­ngupal­lat­tar­tut aal­laq­qaam­mul­lu soqutigin­nin­ngik­kaluar­tut anersaak­kut pisariaqar­titsinermin­nik eq­qumaf­figin­niler­tar­tut. (Matt 5:3, NW) Inuit ilaat Biibililersaarutitsin­nik piuman­ngisaan­nar­nikuul­lutik kingusin­nerusuk­kut Biibilimik ilin­niar­tin­neqarusulersimap­put. Aam­ma eq­qaamajuk Jehova “katersuinermi naalagaasoq”. (Matt 9:38) Ik­kus­suiuar­nis­sar­put imer­teriuar­nis­sar­pul­lu piumasaraa, nam­minerli naajar­tor­titsisuuvoq. (1 Kor 3:6, 7) Maan­nak­kor­piaq Biibilimik ilin­niar­titaqan­ngik­kuit eq­qaamajuk Jehovap oqaluus­sinermi angusagut pin­nagit ilungersor­ner­pul­li pil­lugu akis­sarsisit­taraatigut! *

15. Biibilimik ilin­niar­toq paasisaminik up­perin­nil­luni maleruaarusun­nerminik ersersitsigaangat Jehova qanoq misigisar­pa?

¹⁵ Biibilimik ilin­niar­tup paasisani up­peralugit al­lanut ingerlateq­qik­kaangagit Jehova nuan­naar­tar­poq. (Uss 23:15, 16) Nalitsin­ni pisut takul­lugit nuan­naar­nerungaarsimas­saaq! As­sersuutigalugu nunarsuaq tamak­kerlugu nual­luus­suaq atuuk­kaluar­toq ukiumi kif­far­torfiusumi 2020-mi Biibilimik ilin­niar­tut 7.705.765-iusimap­put imermul­lu morsutsin­neqar­tut 241.994-iusimal­lutik. Ajoqersugan­ngorlaat taak­ku Biibilimik ilin­niar­titsisalis­sap­put ajoqersugan­ngor­titsior­toqataal­lutil­lu. (Luk 6:40) Ilumum­mi, Biibilimik ilin­niar­titseqataaner­put Jehovap nuan­naarutigingaar­paa.

16. Suna anguniagarisin­naavar­put?

¹⁶ Ajoqersugan­ngor­titsior­tor­neq suliarujus­suuvoq, Jehoval­li ikiuineratigut inuit Ataatatsin­nik qilam­miusumik asan­niler­nis­saan­nut ikiorsin­naavagut. Ataasiin­naarmil­luun­niit Biibilimik ilin­niar­titsisaler­nis­saq anguniagarisin­naavar­put? Naleq­quk­kaangat taman­na naapitatsin­nut sapin­ngisamik neqeroorutigisarutsigu qularis­san­ngilar­put Jehovap ilungersor­ner­put pil­luaq­qujumaaraa.

17. Biibilimik ilin­niar­titsinis­samut periarfis­saqarut­ta qanoq misigis­saagut?

¹⁷ Jehovap oqaluus­sisin­naatillutalu inun­nik ilin­niartitsisin­naatip­paatigut. Taama pingaaruteqar­tigisumik sulias­sin­neqar­ner­put nuan­naarutigeqaar­put! Apustilip Paulusip Thes­salonikamiut amerlasuut Kristusimut ajoqersugan­ngor­nis­saan­nut ikiorsimavai. Taak­ku pil­lugit ima al­lap­poq: “[Ilis­si] tas­saavusi ataq­qinaatigisavut nuan­naarutigisavul­lu.” (1 Th 2:19, 20; ApS 17:1-4) Nalitsin­ni amerlasuut taamatorluin­naq misigisar­put. Stéphaniep uimilu inuit arlal­lit Nalunaajaasun­ngor­nis­saan­nut ikiorsimavaat. Taan­na ima oqar­poq: “Inuit ikiorsimasagut Jehovamut kif­fan­ngoraangata misigisaq sunit tamanit nuan­naar­nar­ner­paavoq!”