Jehovap katit­tut nuan­naar­tuar­nis­saat aap­pariil­luar­tuar­nis­saal­lu kis­saatigaa. (Matt 19:4-6) Il­lit katik­kusuk­kuit qanoq aap­paal­luar­tus­samik nas­saarsin­naavit? Jehovap Pin­ngor­titsisuugami qanoq aap­pariil­luar­toqarsin­naasoq nalun­ngilaa. Taamaat­tumik najoq­qutas­siai maleruaruk­kit aap­pas­sarsior­nin­ni iluatsitsil­luas­saatit. Najoq­qutas­siaasa ilaat eq­qarsaatigeriak­kit.

Siul­ler­tut una paasisariaqar­par­put: “Tamanit an­nerusumik uum­mat tatigisas­saan­ngitsuuvoq. Katsorsagas­saan­ngilaq.” (Jer 17:9) Ar­naq angul­lu aap­pas­sarsior­tut naapik­kaangamik peerariileraangamil­lu sak­kor­tuunik misigis­suseqaler­tar­put, silatusaar­tumil­lu aalajangiinis­sar­tik ajor­nar­tin­neruler­tar­paat. Inuit misigis­sutsitik kisiisa tun­ngavigalugit katit­tut amerlaner­tigut aap­pariin­nerliuler­tar­put. (Uss 28:26, NW) Taamaat­tumik peerariit suli im­min­nut ilisarisimal­lualin­ngitsut misigis­sutsinik sak­kor­tuunik ersersitsivigeqatigiit­tar­nis­saat neriorsueqatigiit­tar­nis­saal­lu silatusaar­nerus­san­ngilaq.

Us­satit 22:3-mi ima al­las­simasoqar­poq: “Silatuup perlus­saq takusin­naasar­paa qimar­nguf­fis­sarsior­tarlunilu, misilit­tagakitsorli ingerlaq­qit­tar­poq taman­nalu ajunaarutigisarlugu.” Sooq inter­netik­kut aap­pas­sarsior­tarfiit atorlugit aap­pas­sarsior­neq navianarsin­naava? Ajoraluar­tumik inuit ilaat aap­pas­sarsior­nermin­ni inter­netik­kut at­taveqatigilik­kamin­nit uukapaatin­neqarsimap­put. Aam­ma sal­lutuunik inoqar­poq inter­netik­kut al­laasuusaarlutik up­per­tik­kuminar­tut aningaasaataan­nik til­lin­niar­tar­tunik. Taak­ku ilaat sal­lul­lutik Nalunaajaasuunerar­tar­put.

Navianarsin­naasoq al­la eq­qarsaatigiuk. Inter­netik­kut aap­pas­sarsior­tarfiit ilaasa program­mit naatsorsuisar­tut atorlugit inuit tul­luus­sin­naasorisamik at­taveqatigiit­taler­nis­saat siun­nersuutigisar­paat. Tamak­kuli ajun­ngitsumik kinguneqar­titsisar­nerat up­per­narsar­neqarsin­naan­ngilaq. Aap­paal­luarsin­naasumik toq­qaanis­saq pingaaruteqangaar­poq. Taamaap­pat program­mit taamaat­tut najoq­qutaralugit aap­pas­sarsior­nis­saq silatusaar­nerus­sava? Tamak­ku Guutip najoq­qutas­siaanit pitsaanerup­pat? – Uss 1:7; 3:5-7.

Us­satit 14:15-imi ima najoq­qutas­siaqar­poq: “Misilit­tagaqan­ngitsup tatigisar­pai  oqaaserineqar­tut suut tamaasa, silatuup al­loriar­nini sianigeq­qis­saar­tar­pai.” Soqutigilik­kat aap­paal­luarsin­naanersoq paasis­saguk­ku ilisarisimal­lualeq­qaar­tariaqar­pat. Taman­na inter­netik­kut at­taveqatigisar­neratiguin­naq anguneqarsin­naan­ngilaq. Imaas­sin­naavoq taan­na pil­lugu paasis­sutis­sat as­sigiin­ngitsut atuarsin­naagitit sivisuumil­lu al­laqatigiit­tar­tusi. Oqar­toqarsin­naavali ilisarisimal­luarit? Ilaat “asan­nin­nivim­mik” nas­saarsorisut asan­nilersoorfigisar­tik kiisami naapik­kaangamik­ku pakatsingaar­tar­put.

Tus­siaatini ima al­las­simasoqar­poq: “Sal­lutuut peqatigisarin­ngilak­ka, peq­quserlut­tut ilagineq ajor­pak­ka.” (Tuss 26:4) Inter­netik­kut aap­pas­sarsior­tar­tut amerlasuut pilerigeq­qusaarlutik sal­lul­lutik im­min­nut ilisaritit­tar­put. San­ngiif­fitik iser­tuut­tar­paat, aam­ma san­ngiif­fiit taak­ku al­lanik al­laqateqar­neran­ni ersarin­neq ajor­put. Imaas­sin­naavoq aap­pas­sarsior­tut ilaat Jehovap Nalunaajaasuisa ilaat­tut ilisaritit­toq. Ukuli eq­qarsaatigik­kit: Ilumut imermut morsutsin­neqareersimava? Anersaak­kut it­tunik pingaar­titsisuua? Jehovamut at­taveqarluar­pa? Ilagiin­ni ataq­qisaava? Imaluun­niit maligas­siuinerlut­tuua, al­laal­lumi ‘ikin­ngutipalaajul­luni’? (1 Kor 15:33; 2 Tim 2:20, 21) Najoq­qutas­siat Biibilimeersut tun­ngavigalugit katis­sin­naatitaava? Tamak­ku tamaasa ilisimasariaqar­patit, Nalunaajaasunil­li taas­sumin­nga ilisarisiman­nil­luar­tunik oqaloqateqar­tin­nak tamak­ku paasinis­saat ajor­nar­tis­sin­naavat. (Uss 15:22) Soorunalimi aam­ma Jehovamut kif­faasup aalajaatsup up­peqatigin­ngisami katin­nis­saa eq­qarsaatiginavian­ngilaaluun­niit. – 2 Kor 6:14; 1 Kor 7:39.

Inter­netik­kut aap­pas­sarsior­tarfiit atorlugit aap­pas­sarsior­nerup navianar­tuusin­naanera qularisas­saan­ngilaq. Taavami qanoq pitsaanerusumik iliorlutit aap­pas­sarsius­savit? Ajor­nan­ngik­kaangat Jehovap Nalunaajaasuisa ataatsimiin­nerini, ataatsimeersuar­nerini al­latul­luun­niit katerisimaar­nerini Nalunaajaasoqatitit ilisarisimaler­niarsin­naavatit.

Taavami katersuut­tan­ngin­nis­saq inas­sutigineqar­pat, soorlu nap­paas­suup COVID-19-ip atuun­nerani? Ator­toris­saarutit elektroniskiusut atorlugit ataatsimiin­ner­ni Nalunaajaasoqatitit kisimiit­tut ilisarisimaler­niarsin­naavatit. As­sersuutigalugu soqutigilik­kat ataatsimiin­ner­ni oqalugiaraangat akis­suteqaraangal­luun­niit up­per­nerminik qanoq ersersitsisar­nera maluginiarsin­naavat. (1 Tim 6:11, 12) Im­maqa aam­ma inter­netik­kut ataatsimiin­nerup kingor­na “breakout room”-ini, tas­sa im­mik­kut oqaloqatigiit­tarfin­ni, Nalunaajaasut al­lat ilagalugit oqaloqatigiit­tarsin­naavusi. Aam­ma Nalunaajaasut inter­netik­kut al­latigut katerisimaaraangata al­lanut qanoq pis­suseqar­tar­toq maluginiar­tarsin­naavat. Taamaalil­lutit inut­tut qanor­piaq it­tuunera paasiar­tulis­savat. (1 Petr 3:4) Ilisarisimal­luar­nerujar­tor­til­lugu paasis­savat anguniak­kasi pingaar­titasilu as­sigiin­nersut aam­ma aap­pariil­luarsin­naanersusi.

Inuit aap­pas­sarsior­nermin­ni najoq­qutas­sianik Biibilimeersunik malin­nit­tut aap­par­taaraangamik aap­pariit­tut pil­luar­nerusar­put. Biibilimimi al­las­simavoq nuliaal­luar­tumik uiul­luar­tumil­luun­niit nas­saar­toq pil­luaatis­sarsis­sasoq Jehovamil­lu nuan­narisaal­luni. – Uss 18:22, NW.