1. Jehovamut qinusin­naatitaaner­put qanoq isumaqarfigaar­put?

 QILAM­MIK nunarsuarmillu Pin­ngor­titsisup qinunik­kut saaf­figisar­nis­saanik assis­saqan­ngitsumik immik­kut pisin­naatitaaf­filer­neqarsimavugut. Eqqarsaatigeriaruk: Qanoq ilisuk­kul­luun­niit, pif­fis­samik innimin­neeq­qaar­nata, sumiutul­luun­niillu uum­mam­miugut Jehovamut aniatis­sin­naavagut. Ataatatta asan­nit­tup tusas­sagaatigut qularutiginagu nap­parsim­mavimmi sinif­fim­miit par­naarus­sivim­milu ineeq­qamiit qinusin­naavugut. Qinusin­naatitaaner­pullu qujamasuutigeqaar­put.

2. Kun­ngip Daavip qinusin­naatitaanini qujamasuutigalugu qanoq ersersip­paa?

² Kun­ngip Daavip qinusin­naatitaanini qujamasuutigaa. Jehova ima erinarsorfigaa: “Qin­nutiga ilin­nut anngulli tipigis­saatil­liiner­tut.” (Tuss 141:1, 2) Daavip nalaani tipigis­saatil­liis­sut iller­nar­toq palasit ator­tagaat mianersuuteq­qis­saarlugu piareersar­neqar­tar­poq. (Mos 2. 30:34, 35) Daavip tipigis­saatil­liis­sut eqqaagamiuk Ataataminut qilam­miusumut oqaasis­sani eqqarsaatigeq­qis­saaq­qaarusul­lugit ersersip­paa. Uagut­taaq qin­nutitta Jehovamit iluarineqar­nis­saat kis­saatigigatsigu taamaaliorusup­pugut.

3. Jehovamut qinunermi qanoq isigin­nit­taaseqar­tas­saagut, aamma sooq?

³ Jehovamut qinugaangatta ulluin­narsior­palup­pal­laar­nata ataq­qin­nit­tuusariaqar­pugut. Iisaajap, Ezekielip, Daanialip Johan­nesillu takorluuisitaaneri tupin­nar­tut eqqarsaatigik­kit.  Assigiin­ngitsut pil­lugit takorluuisitaagaluarlutik ataatsimik assigiis­suteqar­put. Jehova Kun­ngisut ataq­qinar­torsuar­tut eqqar­tor­paat. Iisaajap Jehova “issiavis­saarsuarmini por­tusoorujus­suarmi issiasoq” takuaa. (Es 6:1-3) Ezekielip Jehova neriusaatut ittumik avatanger­neqarluni qilammi qamutimini sorsuutini issiasoq takuaa. (Ez 1:26-28) Daavip “ittuin­nar­toq” qaqor­tunik atisalik issiavis­saarsuarmi innermik ikualasumi issiasoq takuaa. (Dan 7:9, 10) Johan­nesillu Jehova neriusaamik smaragditut qorsut­tut kusanar­tumik avatangersimaneqarluni issiavis­saarsuarmi issiasoq takuaa. (Saqq 4:2-4) Jehovap asseqan­ngitsumik alutor­nas­suseqar­nera eqqarsaatigigaangatsigu qinunik­kut attavigisin­naanerata immik­kut pisin­naatitaaf­fiunera mianerin­nit­tuusariaqar­ner­pullu eqqaasar­par­put. Qanorlu qin­nuigisas­savar­put?

4. Qin­nummi najoq­qutas­saasumi eqqaaneqar­tut siul­liit qanoq ilin­niarfigisin­naavagut? (Matiusi 6:9, 10)

⁴ Matiusi 6:9, 10 atuakkit. Jiisusip qaq­qami oqalugiar­nermini ilin­niar­titani Guutip iluarisaatut qanoq qinusar­nis­saan­nik ilin­niar­tip­pai. ‘Ima qinusar­nis­saan­nik’ oqareerluni Jehovap siuner­taanut tun­ngasut pingaarutil­lit siul­liul­lugit eqqaavai: Atianik iller­narsisitsineq, Kun­ngeqarfiup – Guutimik akerlilersuisunik tamanik nungutitsisus­sap – tikiun­nis­saa aamma Guutip nunarsuarmut inun­nullu ajun­ngitsulior­nis­saa. Tamakku qin­nutigisarutsigit Guutip piumasaa pingaar­til­lugu takutis­savar­put.

5. Atuk­kagut pil­lugit qinusar­nis­sar­put naleq­quppa?

⁵ Qin­nutip immik­koor­tuata tul­liani atuk­kagut pil­lugit qinusar­nis­satta naleq­qut­tuunera Jiisusip ersersip­paa. Ullumi nerisas­sagut pisariaqar­titagut, ajor­tuliatta isumak­keer­neqar­nis­saat, usser­nar­tumut nak­kaan­naq­qunata ikior­neqar­nis­sar­put Diaavulumillu annaan­neqar­nis­sar­put pil­lugit Jehovamut qinusin­naavugut. (Mat 6:11-13) Tamakku qin­nutigigaangatsigit takutit­tar­par­put Jehova isumal­luutigalugu taas­suman­ngalu iluarisaarusun­ner­put.

6. Qin­nummi najoq­qutas­samiit­tut kisiisa qin­nutigisas­savagut? Nas­suiaruk.

⁶ Jiisusip naatsorsuutigin­ngilaa ilin­niar­titami qin­nummi najoq­qutas­sami oqaatsit  maleq­qis­saar­niar­tas­sagaat. Jiisusip qin­nutimini allani pingaar­titani assigiin­ngitsut eqqaasar­pai. (Mat 26:39, 42; Joh 17:1-26) Uagut­taaq pingaar­titagut suul­luun­niit pil­lugit qinusin­naavugut. Aalajangigas­saqar­nermi ilisimas­sutsimik paasisimasaqas­sutsimillu tunineqar­nis­sar­put qin­nutigisin­naavar­put. (Tuss 119:33, 34) Saper­nar­titatsin­nik sulias­sin­neqar­nermi ilisimas­sutsimik naliliisin­naas­sutsimillu tunineqar­nis­sar­put qin­nutigisin­naavar­put. (Uss 2:6) Angajoq­qaat meeq­qatik qin­nus­sin­naavaat, meeq­qat angajoq­qaatik qin­nus­sin­naavaat, aamma tamatta Biibilimik misis­sueqatigisar­tak­kagut oqaluus­sif­figisar­tak­kagullu qin­nus­sin­naal­lugillu qin­nut­tariaqar­pagut. Soorunalimi ikior­neqar­nis­sar­put kisiat qin­nutigis­san­ngilar­put.

7. Sooq Jehova qinunik­kut unnersiutigisas­savar­put?

⁷ Jehovap qin­nutitsinni unnersiutiginissaa eqqaamasariaqar­par­put. Guuti allanit tamanit unnersiutigineqar­tariaqar­ner­paavoq. ‘Ajun­ngitsuul­lunilu isumak­keerfigin­nik­kumasar­poq.’ Guutiuvoq “naak­kin­nit­tuul­lunilu saam­maasoq, kamajaatsoq, ilumoorsusermik sal­lusuis­sum­millu peqangaar­toq”. (Tuss 86:5, 15) Jehovap kinaanera iliuusiilu pil­lugit unnersiutiginis­saanut pis­sutis­saqarluar­pugut.

8. Suut pil­lugit Jehova qutsavigisin­naavar­put? (Tus­siaat 104:12-15, 24)

⁸ Jehovap qinunik­kut unnersiutiginerata saniatigut tun­niut­tagai pitsaal­luin­nar­tut pil­lugit qutsavigerusut­tarparput. Assersuutigalugu naasut qalipaatigis­sut, nerisas­sat assigiin­ngitsor­pas­suit mamarunar­tut ikin­ngutillu qiim­maal­lan­nar­tut pil­lugit qutsavigisin­naavar­put. Ataatatta asan­nit­tup nuan­naar­tik­kumal­luta tamak­kunin­nga allar­pas­suar­nillu tunisar­paatigut. (Tussiaat 104:12-15, 24 atuakkit). Pingaar­ner­tulli, anersaak­kut inuus­sutis­sar­pas­suit neriuuter­pullu nuan­ningaar­toq pil­lugit Jehova qutsavigisar­par­put.

9. Jehovap qutsaviginis­saata eqqaamanis­saanut suna iluaqutigisin­naavar­put? (Tes­saluunikamiunut 1. 5:17, 18)

⁹ Jehovap iliuuserisar­pas­sui pil­lugit qutsaviginis­saa puior­toorsin­naasar­par­put. Tamatuma eqqaamanis­saanut suna iluaqutigisin­naaviuk? Qin­nutigisatit allat­torsin­naavatit Jehovamillu qanoq akineqarsimanersut takujumal­lugu  allat­tuk­katit misis­sul­lat­taasarlugit. Taamaalil­lutit ikiuinera pil­lugu qutsavigisin­naavat. (Tessaluunikamiunut 1. 5:17, 18 atuakkit). Una eqqarsaatigiuk: Allanit qujamasuf­figineqaraangatta nuan­naarlutalu asaneqar­tutut misigisar­pugut. Taamatut­taaq Jehovap qin­nutitsin­nik akisisimanini pil­lugu qutsavigigaangatsinni qamuuna kis­saam­mer­tar­poq. (Kol 3:15) Guutit­tali qutsaviginis­saanut pis­sutaasoq alla suua?

10. Sooq Jehova Jiisusimik nunarsuarmut aal­lar­titsinera pil­lugu qutsavigis­savar­put? (Petrusimit 1. 2:21)

¹⁰ Petrusimit 1. 2:21 atuaruk. Jehova ilin­niar­tin­niarluta ernituaminik asasaminik uagutsin­nut aal­lar­titsim­mat qutsavigisariaqar­par­put. Jiisusip inuunerata misis­sor­neratigut Jehova pil­lugu qanorlu nuan­naar­tis­sin­naanerlugu ilik­kagaqangaar­tar­pugut. Kristusip pil­liutaa upperigutsigu Jehova Guuti qanimut attaveqatigisin­naavar­put eqqis­seqatigalugulu. – Rom 5:1.

11. Sooq Jiisusip aqqani qinusar­pugut?

¹¹ Jehova ernera aqqutigalugu qin­nuigisin­naagatsigu qutsavigisar­par­put. Jehovap Jiisusi aqqutigalugu qin­nutigut akisar­pai. Jiisusip aqqani qin­nutit Jehovap tusar­tarlugillu akisar­pai. Jiisusi nas­suiaavoq: “Ataataq Ernermut tun­ngatil­lugu qutsis­sisin­neqar­nias­sam­mat uanga atinni qin­nutigisasi suul­luun­niit iliuuseris­savakka.” – Joh 14:13, 14.

12. Jehovap Jiisusi pil­lugu qutsaviginis­saanut pis­sutaasoq alla suua?

¹² Jiisusip uter­titsis­sutitut akiliutaa tun­ngavigalugu Jehovap ajor­tuliagut pil­lugit isumak­keerfigisar­paatigut. Biibilimi Jiisusi ‘palasiunitsitut qilammi Ataq­qinar­torsuup issiavis­saarsuata taler­piatungaani issiasutut’ allaatigineqar­poq. (Hebr 8:1) Jiisusi ‘Ataatami ikior­tis­saraar­put’. (Joh 1. 2:1) Jehova misigin­neqatigin­nit­tumik, san­ngiis­sutitsin­nik paasin­nit­tumik uagutsin­nillu qin­nus­sisar­tumik palasiunermik iver­titsim­mat qujamasungaar­pugut! (Rom 8:34; Hebr 4:15) Naam­mal­luin­nan­ngitsuugatta Jiisusi imminut pil­liutigisiman­ngitsuup­pat Jehovamut qinunik­kut saaf­figin­nis­sin­naas­san­ngik­kaluar­pugut. Jehovap nalis­saqan­ngitsumik tunim­matigut – ernituani uagut pil­luta tun­nium­magu – qutsaviginis­saanut pis­sutis­saqarluaqaagut!

13. Jiisusip unnuak­kut toqussi aqagut­toq ilin­niar­titaminik asan­nin­nini qanoq takutip­paa?

¹³ Jiisusip unnuak­kut toqussi aqagut­toq ilin­niar­titani sivisuumik Ataataminut qin­nup­pai ‘Diaavulu pis­sutigalugu ser­nigeq­qul­lugit’. (Joh 17:15) Jiisusi asan­ningaarami! Sak­kor­tuumik misilin­neqangajaleraluarluni apustilini isumakuluutigai.

14. Uppeqatigut asal­lugit qanoq takutis­sin­naavar­put?

¹⁴ Jiisusi ilaarusuk­katsigu pisariaqar­titagut kisiisa eqqarsaatigineq ajor­pagut. Qatan­ngutigulli qin­nut­tar­pagut. Taamaalil­luta Jiisusip asaqatigiin­nis­samik inas­sutaa naalat­tarlugulu Jehovamut takutit­tar­par­put uppeqatigut qanoq asatigalutigit. (Joh 13:34) Qatan­ngutitsin­nik qin­nus­sineq pif­fis­saajaataan­ngilaq. Guutip oqaasia naaper­torlugu “naaper­tuil­luar­tup qaman­nga pisumik qin­nutaa sun­niuteqangaar­tar­poq”. – Jaak 5:16.

15. Sooq uppeqatitta uagutsin­nit qin­nun­neqar­nis­sar­tik pisariaqar­tip­paat?

¹⁵ Uppeqatitta assigiin­ngitsutigut misilin­neqar­tar­tut uagutsin­nit qin­nun­neqar­nis­sar­tik pisariaqar­tip­paat. Jehova qin­nuigisin­naavar­put nap­parsimaneranni, pin­ngor­titami ajunaar­nersuaqar­nerani, sorsut­toqar­nerani,  malersor­neqar­neranni allatigullu erloqinar­torsior­neranni piner­tusaar­nis­samut ikioq­qul­lugit. Aamma qatan­ngutigut imminut pil­liutigeriaan­naal­lutik pisariaqar­titsisunik ikiuisut qin­nut­tarsin­naavagut. Imaas­sin­naavoq taama atugaqar­tunik nalun­ngisaqar­tutit. Qin­nutinni atiisigut taasarsin­naavigit? Piner­tusaaq­qul­lugit Jehovamut qin­nun­nerisigut takutit­tar­par­put qatan­ngutigut ilumoorluta asal­lugit.

16. Sooq ilagiinni siulersor­taasut qin­nut­tas­savagut?

¹⁶ Ilagiinni siulersor­taasut qin­nun­neqar­tar­ner­tik qujamasuutigingaarlugulu iluaqutigingaar­tar­paat. Apustilip Paulusip nalun­ngin­namiuk qin­nun­neqar­tariaqarluni ima allap­poq: “Oqalun­nialeraangama eqqor­tumik oqaaseqar­nis­samut ikior­neqar­nias­sagama sapiil­lungalu Guutip iser­tugaataa pil­lugu nutaarsias­sat nuan­nersut oqaluus­sis­sutiginias­sagak­kit aamma uanga qin­nut­tas­savas­singa.” (Ef 6:19) Aamma nalitsinni qatan­nguter­pas­suagut angutit siulersor­taasut tamaviaarlutik sulisar­put. Sulinerminni tapersersor­neqar­nis­saat Jehovamut qin­nutigigaangatsigu asan­nit­tuliorfigisar­pagut.

17-18. Qaquguk­kut allat sin­nerlugit qinoq­quneqarsin­naavugut, suulli eqqaamas­savagut?

¹⁷ Ilaan­nik­kut allat sin­nerlugit qinoq­quneqar­tar­pugut. Assersuutigalugu qatan­ngutip arnap Biibilimik misis­suinermi aqutsisup qatan­ngunni arnaq ilagisani qinoq­qusin­naavaa. Qinoq­quneqar­tup misis­sueqatigineqar­toq ilisarisimal­luan­ngik­kuniuk imaas­sin­naavoq misis­sueqatigiin­neq qinunermik naggaserusun­nerus­sagaa. Taamaalil­luni misis­sueqatigineqar­tup pisariaqar­titaanut naleq­qus­saanerusin­naas­saaq.

¹⁸ Qatan­ngut angut oqaluus­sinis­samut katersuun­nermi imaluun­niit ilagiit ataatsimiin­neranni qinoq­quneqarsin­naavoq. Qatan­ngutit angutit taama akisus­saaf­filer­neqar­tut eqqaamas­savaat ataatsimiin­nerup suna siuner­tarineraa. Ilagiinni qinunermi naq­qiisoqas­sananilu nalunaaruteqar­toqas­san­ngilaq. Ilagiit ataatsimiin­nerini minutsit tal­limat erinarsor­nermut qinunermullu ator­neqar­tar­tus­saam­mata qatan­ngut angut qinusoq, ingam­mik ataatsimiin­nerup aal­lar­tin­nerani, “sivisuumik” qinus­san­ngilaq. – Mat 6:7.

19. Ullup Guutip eqqar­tuus­sif­fis­saata nal­liun­nis­saanut qanoq piareersarsin­naavugut?

¹⁹ Ulloq Jehovap eqqar­tuus­sif­fis­saa nal­liutingajalermat qinusar­neq pingaar­tin­nerusariaqar­par­put. Tamatumun­nga tun­ngatil­lugu Jiisusi oqar­poq: “Pisus­sanit tamak­kunan­nga aniguisin­naaq­qul­lusi … qaman­nga pisumik qinujuar­nik­kut eqqumajuaritsi.” (Luk 21:36) Aap, qinujuarutta anersaak­kut eqqumal­lutalu ulloq Guutip eqqar­tuus­sif­fis­saa nal­liup­pat piareersimas­saagut.

20. Qin­nutigut qanoq tipigis­saatil­liis­sutitut issin­naap­pat?

²⁰ Suut sam­mereer­pagut? Qinusin­naatitaaner­put pingaar­tingaar­par­put. Qin­nutigisin­naasagut pingaar­nerit Jehovap siuner­taanut attuumas­suteqar­put. Guutip ernera kun­ngeqarfiatalu aqutsinera pil­lugit Jehova qutsavigisar­par­put uppeqatigullu qin­nut­tarlugit. Jehovap aamma kis­saatigaa ullormut pisariaqar­titagut pil­lugit upper­ner­pullu nakus­satseq­qul­lugu qin­nuigisas­sagitsinni. Qinunermi oqaasis­satta eqqarsaatigeq­qis­saar­nerisigut assis­saqan­ngitsumik immik­kut pisin­naatitaaf­filer­neqarsimaner­put pingaar­til­lugu takutit­tar­par­put. Taava oqaaserisagut Jehovamit iluarineqarlutik tipigis­saatil­liis­sutitut issap­put. – Uss 15:8.