1, 2. (a) Pingaarutilik suna inun­nut tamanut sun­niuteqar­pa? (b) Sooq taman­na uagutsin­nut pingaaruteqar­pa?

UL­LUMIK­KUT inup­pas­suit aningaasat pingaar­ner­paatip­paat. Aningaasat isumakuluutigalugil­lu pisuun­ngorumal­lutik pigeriik­katil­lu an­naajumanagit tamaviaar­tar­put. Al­lat ilaqut­tatik, peq­qis­suser­tik inuunermiluun­niit angujumasatik pingaar­ner­paatip­paat.

² Tamak­kunan­nga tamanit pingaar­nerusoqar­poq. Tas­saavoq Jehovap kisimi oqar­tus­saanerata eq­qor­tuunerata up­per­narsar­neqar­nis­saa. Tamatuma pingaaruteqangaar­nera puiun­ngisaan­nas­savar­put. Mianersun­ngik­kut­ta ul­luin­nar­ni ulap­puteqar­pal­laarlutalu ajor­nar­torsiutivut eq­qarsaatigival­laarlugit tamatuma pingaaruteqangaar­nera puiorsin­naavar­put. Jehovap kisimi oqar­tus­saanera tapersersorutsigu ajor­nar­torsiutivut iliuuseqarfigil­luar­nerusin­naavavut Jehovamul­lu qanin­nerulerluta.

3. Guutip naalak­kersuinera Saatanip qanoq it­tuunerar­paa?

³ Jehovap naalak­kersuinerata eq­qor­tuunera Saatanip Diaavulup apeq­quser­paa. Saatanip inuit isumaqar­tin­niar­pai  Jehova naalak­kersuinerlut­tuusoq uagutsin­nul­lu pitsaaner­paamik kis­saas­sin­ngitsoq. Saatani oqamisaar­poq inuit pil­luar­nerus­sasut nam­mineerunik. (1 Mos 3:1-5) Aam­ma oqamisaar­poq inuk kinaluun­niit Guutimut ilumoorfigin­nivis­san­ngitsoq, tas­sa erloqival­laaleruni taas­suman­nga naalak­kersor­neqarumajun­naas­sasoq. (Job 2:4, 5) Taamaat­tumik Guuti naalak­kersor­tiginagu inuunerup erloqinar­tuunera kik­kun­nut tamanut up­per­narseq­qul­lugu Jehova pif­fis­saqar­titsivoq.

4. Sooq Saatanip apeq­qusiinera akineqar­tariaqar­pa?

⁴ Soorunami Jehovap nalun­ngilaa Diaavulup un­nerluus­sutai eq­qun­ngitsuusut. Taavami sooq Saatanip up­per­narsaaniar­nis­saanut pif­fis­saqar­titsiva? Akineqar­nis­saanut qilam­miit­tut nunamiit­tul­lu kik­kut tamarmik akuliusimap­put. (Tussiaat 83:19 atuaruk). Adamip Eval­lu Jehovap naalak­kersuinera akuerin­ngilaat, taamanimiil­lilu aam­ma al­lar­pas­suit akuersiuman­ngil­lat. Isumaqar­toqarsin­naavoq Diaavulu eq­qor­tumik oqalut­toq. Apeq­qusiineq taman­na inuit in­ngilil­lu akis­sutis­saqar­tiler­pas­suk aatsaat eq­qis­sinivik ataasius­suserlu atuutilersin­naap­put. Jehoval­li kisimi oqar­tus­saanerata eq­qor­tuunera up­per­narsar­neqar­pat kik­kut tamarmik taas­sumin­nga naas­saan­ngitsumik naalak­kersor­neqas­sap­put. Qilam­mi nunamilu eq­qis­sineqas­saaq. – Ef 1:9, 10.

5. Guutip kisimi oqar­tus­saaneranik apeq­qusiinermut tun­ngatil­lugu qanoq akuliusimavugut?

⁵ Guutip kisimi oqar­tus­saanerata eq­qor­tuunera up­per­narsar­neqas­saaq, aam­ma Saatanip inuil­lu naalak­kersuinerat iluatsin­ngil­luin­nas­saaq peer­neqarlunilu. Guutip Naalagaaf­fini Mis­siarsimit kun­ngiuf­figineqar­toq aq­qutigalugu naalak­kersuinera iluatsis­saaq. Inuit aalajaatsut up­per­narsisis­savaat inuk as­suar­naat­tuarsin­naal­lunilu Guutip naalak­kersuineranik ilumoorfigin­nil­luni tapersersuisin­naasoq. (Es 45:23, 24) Taak­kutut aalajaatsoorusup­pugut? Soorunami! Taamaam­mat pineqar­tup qanoq pingaaruteqar­tiginera paasisariaqar­par­put.

6. Jehovap kisimi oqar­tus­saanerata eq­qor­tuunerata up­per­narsar­neqar­nis­saa qanoq pingaaruteqar­tigaa?

⁶ Jehovap kisimi oqar­tus­saanerata eq­qor­tuunerata up­per­narsar­neqar­nis­saa uagut pil­luar­nis­satsin­nit pingaaruteqar­neruvoq. Imaan­ngilarli an­naan­neqar­nis­sar­put pingaaruteqan­ngitsoq Jehoval­luun­niit soqutigin­ngik­kaatigut. Taman­na qanoq nalun­ngilar­put?

7, 8. Guutip kisimi oqar­tus­saanerata eq­qor­tuunerata up­per­narsar­neqar­nis­saa qanoq iluaqutigis­savar­put?

⁷ Jehovap inuit asangaar­pai. Aap, erligingaaramisigut Er­ni tun­niup­paa naas­saan­ngitsumik inuusin­naaq­qul­luta.  (Joh 3:16; 1 Joh 4:9) Jehovap uagut siunis­sar­put pil­lugu neriorsuutini eq­qor­tin­ngip­pagit Saatani akerlilersuisul­lu al­lat eq­qor­tumik oqarsimas­sap­put. Saatanip Jehova sal­lunerar­paa inuil­lu ajun­ngitsunik erliguun­nerarlugit naaper­tuil­luan­ngitsumil­lu naalak­kersuinerarlugu. Akerlilersuisut Jehovap neriorsuutai il­laruaatigalugit ima oqar­tar­put: “Tikiun­nis­saaninguna neriorsuut qanoq piniar­toq? Siuaasat toqum­matali suut tamarmik pin­ngor­tin­neqaq­qaar­nermis­sut it­tuaan­narsimap­put.” (2 Petr 3:3, 4) Jehoval­li neriorsuutini eq­quutitis­savai. Kisimi oqar­tus­saanermi eq­qor­tuunera up­per­narsar­neqar­pat inuit naalat­tut an­naan­neqar­nis­saat qulak­kiis­savaa. (Esaja 55:10, 11 atuakkit). Jehovap kisimi oqar­tus­saanera asan­nin­neranik tun­ngaveqar­poq. Taamaat­tumik up­peril­luin­narsin­naavar­put kif­fani ilumoorfigin­nit­tut asajuarlugil­lu pingaar­tit­tuas­sagai. – 2 Mos 34:6.

⁸ Jehovap kisimi oqar­tus­saanera taama pingaaruteqar­tigim­mat imaan­ngilaq an­naan­neqar­nis­sar­put taas­sumun­nga pingaaruteqan­ngitsoq. Soqutigingaar­paatigut. Uagul­li suna pingaaruteqar­nerusoq eq­qaamasariaqar­par­put Jehoval­lu naalak­kersuinera tapersersor­tuarlugu.

9. Saatani Jobi pil­lugu qanoq oqar­pa? (Al­laaserisap aal­laq­qaataani as­siliaq takuuk).

⁹ Jehovap kisimi oqar­tus­saaneranut eq­qor­tumik isigin­nit­taaseqar­nis­sar­put pingaaruteqar­poq. Taman­na Jobimik al­lak­kani, Biibilip atuagar­taasa al­lan­neqar­tut siul­liit ilaan­ni, erser­poq. Tas­sani atuarsin­naavar­put Saatani oqar­toq Jobip erloqileruni Guuti ajat­tus­sagaa. Al­laat Saatanip piumasaraa Guutip Jobi naal­liutsis­sagaa. Jehova taamaaliorusun­ngilaq, Saatanil­li Jobimik misiliinis­saa akueralugu ima oqar­poq: “Pigisai tamaasa piumasan­nik iliorfigisinnaavatit.” (Jobi 1:7-12 atuakkit). Tamatuma kingunin­ngua Jobip kif­fani pigisanilu an­naavai. Paasivaalu qitor­nani qulit ajunaarsimasut. Saatani isumaqar­titsiniaavoq Guuti pisunut alianar­tunut tamak­kunun­nga pisuusoq. (Job 1:13-19) Aam­ma Saatanip Jobi an­ner­nar­tumik maajun­nar­tumil­lu nap­paateqalersip­paa. (Job 2:7) Jobip nikal­lor­nerulis­sutigisaanik nulia ikin­ngutaasuusaar­tul­lu pingasut oqaaseqar­put. – Job 2:9; 3:11; 16:2.

10. (a) Jobip Guutimut as­suar­naatsuunini qanoq ersersip­paa? (b) Sooq Jobi naq­qin­neqar­tariaqar­pa?

¹⁰ Saatanip un­nerluus­sutaa eq­qor­tuua? Naamik. Jobi naal­liungaaraluarluni Jehova ajat­tun­ngisaan­nar­paa. (Job 27:5) Jobil­li suna pingaaruteqavin­nersoq puiutal­lap­paa im­minul­lu eq­qarsaatiginerul­luni. Oqar­taqat­taar­poq eq­qun­ngitsuliorsimanani. Aam­ma misigivoq sooq naal­liun­nerluni paasisariaqarlugu. (Job 7:20; 13:24) Jobip misigis­susii paasisin­naagunar­pavut. Jehoval­li nalun­ngilaa Jobi eq­qun­ngitsumik isigin­nit­taaseqar­toq naq­qil­lugulu. Qanoq?

11, 12. Jehovap ikiuineratigut Jobip suna paasivaa, qanorlu qisuariar­pa?

¹¹ Jehovap Jobi qanoq oqarfigineraa Jobimik al­lak­kani kapitali 38-miit 41-mut atuarsin­naavar­put. Jehovap sooq Jobi naal­liun­nersoq nas­suiar­nagu paasitik­kusup­paa im­minut sanil­liul­luni Jobi qanoq suun­ngitsigisoq. Oqalut­tuup­paa  Jobip ajor­nar­torsiutaanit pingaaruteqar­nerungaar­tunik eq­qarsaatigisas­saqar­toq. (Jobi 38:18-20 atuakkit). Jehovap oqaasii iluaqutigalugit Jobip isigin­nit­taatsini al­lan­ngor­tip­paa.

¹² Jobi naal­liuuter­pas­sualik taama oqaluf­figigamiuk Jehova inus­siar­niip­pa? Naamik, aam­mami Jobi taama isumaqan­ngilaq. Jobip Jehovap siun­nersuutai paasil­lugil­lu pingaar­tip­pai. Al­laat ima oqar­poq: “Oqaaserisimasaraluak­ka tamaasa uter­tip­pak­ka peq­qis­simineralu takutil­lugu is­sumi arsanilu is­sial­lunga.” (Job 42:1-6) Siusin­nerusuk­kut angutip inuusut­tup Elihup Jobi eq­qarsar­taatsiminik al­lan­nguisin­naaq­qul­lugu ikior­paa. (Job 32:5-10) Jobip Jehovap asan­nil­luni siun­nersuutai tusar­naarmagit isigin­nit­taatsiminil­lu al­lan­nguil­luni Jehovap al­lat ilisimatip­pai Jobip aalajaan­nera iluarigini. – Job 42:7, 8.

13. Jobip naal­liuk­kun­naareerluni Jehovap siun­nersuutai qanoq iluaqutigisimas­savai?

¹³ Jobip naal­liuk­kun­naareeraluarluni Jehovap siun­nersuutai iluaqutigiuar­pai. Jehovap “Jobi pil­luaq­quaa suli sior­nagor­nit an­nerusumik”. Kingusin­nerusuk­kul­lu “arfineq-marlun­nik er­neqaler­poq pingasunil­lu paneqalerluni”. (Job 42:12-14) Jobip qitor­nani taak­ku asagaluarlugit qitor­nani toqusimasut maqaasisimas­savai. Aam­ma erloqinar­tor­pas­suit ilaqut­tanilu misigisatik puiun­ngisaan­narsimas­savai. Jobip naal­liun­nerminut pis­sutaasoq kingusin­nerusuk­kut paasisimagaluaruniul­luun­niit sooq taama naal­liutsiginini Guutip akuerisimaneraa eq­qarsaatigisarsimas­savaa. Tamak­ku eq­qarsaatigisarsimagunigit Jehovap im­minut oqaasii eq­qaamal­lugit tup­pal­lersaatigalugil­lu eq­qor­tumik isigin­nit­taaseqar­nis­saminut iluaqutigisimas­savai. – Tuss 94:19.

14. Jobip misigisai qanoq ilin­niarfigisin­naavavut?

¹⁴ Jobip misigisai eq­qarsaatigeq­qis­saarutsigit taman­na eq­qarsar­taatsitsin­nik al­lan­nguinis­samut iluaqutigalugulu tup­pal­lersaatigisin­naavar­put.  Jobimik al­lak­kat Jehovap al­latsitaanut ilaap­put “uatsinnut ilin­niutis­saal­lutik, nikal­lujuil­luta Al­lak­kal­lu tunis­sutaat tup­pal­lersaatigalugit neriuuter­put aalajangius­sin­naaq­qul­lugu”. (Rom 15:4) Paasivar­put Jehovap kisimi oqar­tus­saanerata eq­qor­tuunerata up­per­narsar­neqar­nis­saa puioq­qunagu ajor­nar­torsiutivut eq­qarsaatigival­laas­san­ngik­kivut. Erloqigaluarluta Jehovamut aalajaat­tuar­nik­kut ersersis­savar­put Jehovap kisimi oqar­tus­saanera tapersersorlutigu.

15. Ajor­nar­torsior­til­luta aalajaak­kaangat­ta sutigut iluaqutaasar­pa?

¹⁵ Sooq Jobip misigisai tup­pal­lersaatigaavut? Imaan­ngilaq naal­liuutit Jehovap uagutsin­nik kamaas­sineranut ersiutaasut. Misilin­neqaraangat­tali Jehovap kisimi oqar­tus­saanera tapersersorlugu ersersis­sin­naasar­par­put. (Uss 27:11) Aalajaal­luta piner­tusaaraangat­ta Jehovamit iluarineqar­tar­pugut neriuuter­pul­lu nakus­satsin­neqar­tarluni. (Romamiut 5:3-5 atuakkit). Jobip misigisaanit erser­poq Jehova ‘nal­lit­tuingaar­tuusoq saam­maas­singaarlunilu’. (Jaak 5:11) Jehovap kisimi oqar­tus­saanera tapersersorutsigu akilis­savaatigut. Taman­na nalun­ngin­natsigu ‘tamatigut nikal­lujuin­nis­samut kamagit­tar­nis­samul­lu’ iluaqutigaar­put. – Kol 1:11.

16. Sooq im­minut eq­qaasit­tuar­tariaqar­pugut Guutip kisimi oqar­tus­saanerata eq­qor­tuunerata up­per­narsar­neqar­nis­saa pingaaruteqangaar­toq?

¹⁶ Ilumoor­poq ajor­nar­torsiuteqaraangat­ta Jehovap kisimi oqar­tus­saanerata eq­qor­tuunerata up­per­narsar­neqar­nis­saa eq­qarsaatigiuminaat­tar­toq. Ajor­nar­torsiutiminin­nguaq eq­qarsaatigival­laarutsigu ajor­nar­torsiuterujus­suar­tut ilis­saaq. Taamaat­tumik qanorluun­niit ajor­nar­torsioraluarut­ta im­minut eq­qaasit­tuar­tariaqar­pugut Guutip kisimi oqar­tus­saanerata tapersersor­tuar­nis­saa qanoq pingaaruteqar­tigisoq.

17. Jehovamut kif­far­tor­nermi ulap­puteqar­neq pingaaruteqavis­sup eq­qaamanis­saanut qanoq iluaqutigisin­naavar­put?

 ¹⁷ Jehovamut kif­far­tor­neq ulap­putigiuarutsigu pingaaruteqavis­sup eq­qaamanis­saanut iluaqutigis­savar­put. As­sersuutigalugu qatan­ngut ar­naq Renee qaratsamigut aanaar­toorsimasoq an­niar­tuaan­nar­tuuvoq kræfterlunilu. Nap­parsim­mavim­mi unin­ngatil­luni sulisunut, unin­ngaqatiminut pulaar­tunul­lu oqaluus­sisar­poq. Sapaatit-akun­neri marluk af­farlu unin­ngatil­luni nalunaaqut­tap-akun­neri 80-it oqaluus­sivoq. Nalun­ngik­kaluarlugu toqusus­saal­luni suna pingaaruteqavin­nersoq puiun­ngisaan­nar­paa. Jehovap kisimi oqar­tus­saaneranik tapersersuigami toq­qis­sisimasin­naavoq.

18. Jen­niferip misigisaa Jehovap kisimi oqar­tus­saanerata tapersersor­nis­saa pil­lugu qanoq ilin­niarfigaar­put?

¹⁸ Aam­ma Jehovap kisimi oqar­tus­saanera tapersersorsin­naavar­put ul­luin­nar­ni soqutaan­ngin­nerusunik ajor­nar­torsiuteqaraangat­ta. Qatan­ngut Jen­nifer angerlamut tim­misar­tor­niarluni ul­lut pingasut mit­tarfim­miis­simavoq. Tim­misar­tut taamaatit­tut amerliar­tor­til­lugit qasul­lunilu kisimiit­tutut misigivoq. Im­minut nal­ligiliin­nar­nani Jehovamut qinuvoq utaq­qeqatiminut oqaluus­sinis­saminut ikioq­qul­luni. Inup­pas­suit oqaluus­sif­figai Biibililersaaruter­pas­suar­nil­lu tun­nius­saqarluni. Ima oqar­poq: “Misigivunga qasunar­tumik misigisaqaraluar­tunga Jehovap pil­luaq­qul­lungalu aq­qa pil­lugu nalunaajaal­luar­nis­san­nut nukis­saqar­tik­kaanga.”

19. Pal­lorfigin­nit­tut ilumoor­tut suna ilisar­naatigaat?

¹⁹ Jehovap in­nut­taasa kisimik Jehovap kisimi oqar­tus­saanerata pingaaruteqar­nera paasil­luarsimavaat. Taman­na pal­lorfigin­nit­tut ilumoor­tut ilisar­naatigaat. Taamaat­tumik tamat­ta Jehovap kisimi oqar­tus­saaneranik tapersersuinerluta qulak­keer­tariaqar­par­put.

20. Jehovap kisimi oqar­tus­saanerminik tapersersuiniarlutit iliuutsitit qanoq isigai?

²⁰ Jehovap kisimi oqar­tus­saanerminik tapersersuiniarluta iliuutsivut tamaasa malugalugil­lu pingaar­tip­pai. (Tuss 18:26) Al­laaserisami tul­liut­tumi sam­mineqar­poq sooq Jehovap kisimi oqar­tus­saanera tapersersor­neqar­tariaqar­toq qanorlu tapersersor­niarlugu iliuuseqar­nerusin­naasutit.