SILARSUARMI aarlerinar­torsiorfiusumi inuuvugut, taamaam­mat eq­qis­sisimaniar­nis­saq ajor­narsin­naavoq. Toq­qis­sisimagaluarut­taluun­niit eq­qis­siun­naariasaarsin­naavugut. Ilumoor­tumik ataavar­tumil­lu eq­qis­sisin­naaner­put pil­lugu Biibilimi qanoq al­las­simasoqar­pa? Aam­ma al­lat eq­qis­sinis­saan­nik qanoq ikiorsin­naavavut?

Piviusumik eq­qis­siumal­luta toq­qis­sisimasariaqarlutalu il­lersor­neqar­tutut misigisariaqar­pugut. Ilumoorfigin­nit­tunik ikin­nguteqar­tariaqar­pugut, pingaar­ner­paamil­lu, Guutimut qanil­lisariaqar­pugut. Qanoq taamaaliorsin­naavugut?

Jehovap peq­qus­sutai najoq­qutas­siaalu uagutsin­nut iluaqutaajuaan­nar­put. Taak­ku maleruaraangatsigit takutit­tar­par­put Jehova tatigalugulu taas­sumun­nga eq­qis­sisimasumik at­taveqarusul­luta. (Jer 17:7, 8; Jaak 2:22, 23) Taava Jehova uagutsin­nut qanil­lis­saaq isumak­kul­lu eq­qis­sisis­sal­luta. Esaja 32:17-imi ima al­las­simavoq: “Iluar­nerup pilersip­paa eq­qis­sineq, iluar­nerup nas­satarai eq­qis­sisimaneq isuman­naatsuunerlu naas­saan­ngitsumik.” Jehova uum­mam­mit pisumik naalak­kaangatsigu ilumoor­tumik eq­qis­sisin­naavugut. – Es 48:18, 19.

Ataavar­tumik eq­qis­sinis­samik ineriar­tor­titsinis­satsin­ni ikior­niarluta Jehovap aam­ma erlin­nangaar­tumik tunivaatigut. Tunis­sut taan­na tas­saavoq anersaaq il­ler­nar­toq. – ApS 9:31.

Apustili Paulusi al­lap­poq eq­qis­sineq ‘anersaap inerititaanut’ ilaasoq. (Gal 5:22, 23) Guutip anersaava eq­qis­sinermik ineriar­tor­titsisarmat eq­qis­sisimasuujumal­luta anersaamit il­ler­nar­tumit siulersor­tit­tariaqar­pugut. Qanoq taamaaliorsin­naavugut?

Siullertut, Guutip oqaasianik atuar­tar­neq ileq­quliut­tariaqar­par­put. (Tuss 1:2, 3) Atuak­katsin­nik  eq­qarsaatigin­neq­qis­saar­til­luta sam­misat as­sigiin­ngitsut pil­lugit Jehovap isumaata paasinis­saanut anersaaq il­ler­nar­toq iluaqutigisar­par­put. As­sersuutigalugu qanoq eq­qis­sisimajuarsin­naasoq aam­ma sooq eq­qis­sineq taas­sumun­nga pingaaruteqar­tigisoq ilin­niar­tar­par­put. Biibilimi ilin­niak­kavut maleruaraangatsigit inuunitsin­ni eq­qis­sisimanerus­saagut. – Uss 3:1, 2.

Aappaattut, Guutip anersaava il­ler­nar­toq qin­nutigisariaqar­par­put. (Luk 11:13) Jehovap im­minit ikior­neqar­nis­samik qinusut ima neriorsor­pai: “Eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai Kristusi-Jiisusimi.” (Fil 4:6, 7) Jehovamut qanit­tuarlutalu anersaava tatigiuarutsigu qamuuna eq­qis­sineq piviusoq Jehovap tun­nius­saa misigisin­naavar­put. – Rom 15:13.

Inup­pas­suit inuunermin­ni al­lan­nguiniar­nermin­ni Biibili iluaqutigisimavaat. Maan­na Jehovamik eq­qis­seqateqar­ner­tik, isumak­kut eq­qis­siner­tik al­lanil­lu eq­qis­seqateqar­ner­tik nuan­naarutigaat. Qanoq al­lan­nguigamik?

Qatan­ngutit­ta ilaat sal­lusuis­sum­miiler­tin­natik kamat­tar­tuusimal­lutil­lu al­laat nakuuser­tar­tuusimap­put. Al­lan­ngor­niarlutil­li ilungersor­put, maan­nalu inus­siar­ner­nerul­lutil­lu utaq­qisin­naas­suseqaler­put, al­lanil­lu eq­qis­seqateqaruminar­tuul­luutik. * (Uss 29:22) Qatan­ngut Daavimik atilik qatan­ngul­lu Rachelimik atilik pis­susimin­nik qanoq taama al­lan­nguisimanersut sam­meriar­tigu.

Daavi sal­lusuis­sum­miilin­ngik­kal­larami al­lanik isor­nar­torsiueq­qajaasarlunilu ilaqut­taminut sorraatsumik oqalut­tar­poq. Al­lan­ngor­tariaqar­ninili paasivaa. Qanoq eq­qis­sisimaler­pa? Daavi ima oqalut­tuar­poq: “Biibilimi najoq­qutas­siat inuunin­ni maleruar­taler­pak­ka, tamatumalu kingunerisaanik ilaqut­tatsin­ni im­mitsin­nut ataq­qineruler­pugut.”

 Rachel peroriar­torfim­minit sun­ner­tip­poq. Ima nas­suiaavoq: “Man­na tikil­lugu al­laat kaman­nermik akiugaqar­tar­punga, ilaqutariin­nimi kamajasuni peroriar­tor­punga.” Rachelip eq­qis­sisimaler­nis­saminut suna iluaqutigaa? Ima oqar­poq: “Jehovamut tatigin­nil­luni qinusar­neq.”

Inun­ni Biibilip najoq­qutas­siaanik maleruaanermik­kut anersaamil­lu il­ler­nar­tumik tatigin­nin­nik­kut eq­qis­silersimasuni Daavi Rachelilu maligas­sat ilaan­naraat. Silarsuarmi akeq­qersimaarfiusumi inuugaluarluta qamuuna eq­qis­sineq misigisin­naavar­put. Taman­na ilaqut­tatsin­ni ilagiin­nilu qatan­ngutitsin­nut at­taveqarluar­nis­satsin­nut iluaqutigis­savar­put. Jehoval­li peq­quaatigut ‘inuit tamaasa eq­qis­seqatigeq­qul­lugit’. (Rom 12:18) Ilumut taman­na ajor­nan­ngila? Aam­ma sooq al­lanik eq­qis­seqateqar­niar­tariaqar­pugut?

Oqaluus­sinitsin­ni Guutip naalagaaf­fia pil­lugu eq­qis­sinis­samik tusarlius­saq oqaluus­sis­sutigisar­par­put. (Es 9:5, 6; Matt 24:14) Amerlasuut tusarlius­saq taman­na nuan­naralugulu up­perileramik­ku silarsuarmi pisut pil­lugit ikior­neqarsin­naan­ngitsutut kamat­tutul­luun­niit misigiun­naar­put. Siunis­samut maan­na piviusumik neriuuteqaler­put, taman­nalu al­lanut ‘eq­qis­sinerup ujar­nis­saanut’ kajumis­sis­sutigaat. – Tuss 34:15.

Imaan­ngilarli inuit tamarmik tusarlius­sar­put nuan­narigaat, im­maqa aal­laq­qaam­muun­ngitsoq. (Joh 3:19) Inuil­lu qanorluun­niit qisuiariaraluar­pata Guutip anersaava iluaqutigisar­par­put. Oqaluus­sigaangat­ta eq­qis­sisimajuar­nis­satsin­nut ataq­qin­nit­tuunis­satsin­nul­lu iluaqutigisar­par­put. Taamaalior­nik­kut Jiisusip siun­nersuutaa una malit­tar­par­put: “Il­lumut iseraangas­si eq­qis­seq­qusisaritsi. Il­lup inui tamatumun­nga naleq­qup­pata eq­qis­seq­qusis­sutis­si tikis­savai, naleq­qutin­ngip­patali eq­qis­seq­qusis­sutis­si uterfigis­savaasi.” (Matt 10:11-13) Taamatut isigin­nit­taaseqarut­ta al­lat qanorluun­niit oqaaseqarlutil­lu iliuuseqaraluar­pata eq­qis­sisimajuarsin­naavugut. Aam­ma siunis­sami taak­ku inuit ikior­nis­saan­nik im­maqa suli periarfis­saqar­ner­put eq­qaamavar­put.

Naalak­kersuisuni atorfil­lit, suliatsin­nik akerlilersuigaluar­pataluun­niit, oqaloqatiginerini ataq­qin­nit­tuugaangat­ta aam­ma eq­qis­sinermik siuarsaasar­pugut. As­sersuutigalugu nunami Afrikamiit­tumi naalagaaf­filersaarfilior­nis­saq naalak­kersuisunit akuersis­sutigineqar­neq ajor­poq. Ajor­nar­torsiut taman­na eq­qis­sisimasumik aaq­qin­neqas­sasoq qatan­ngutit­ta nalun­ngilaat. Nunami tas­sani ajoqersuiar­tor­titaasimasup qatan­ngutip angutip Londonimi, Tuluit nunaan­ni, ambas­sadøri ataatsimeeqatiginiarlugu naapit­tus­san­ngor­paa. Taas­suma Jehovap Nalunaajaasui eq­qis­sisimal­lutik suliniuteqar­nerat oqalut­tuarisus­saavaa.

Qatan­ngut ima oqalut­tuar­poq: “Saaf­figin­nit­tarfim­mut apuuk­kama saaf­figin­nit­tarfim­miup atisalersoriaasiatigut takusin­naavara oqaatsit ilin­niarsimasama naggueqatigiianeersuusoq. Nam­mineq oqaasii atorlugit ilas­sivara. Tupaal­lal­luni aperaaq ‘Maan­ngar­nin­nut suna pis­sutaava?’ Inus­siar­nerlunga oqarfigaara ambas­sadøri oqaloqatigerusul­lugu. Inut­taa oqarasuaatik­kut sianerfigaa, taan­nalu agger­poq oqaatsitil­lu atorlugit ilas­sil­lunga. Taava Nalunaajaasut eq­qis­sisimal­lutik suliaat pil­lugit nas­suiaan­nerani tusar­naaq­qis­saar­poq.”

Qatan­ngutit­ta nas­suiaanera tusar­naareerlugu ambas­sadørip suliar­put paasil­luar­neruaa taamatul­lu isum­mius­sereer­tigiun­naarluni. Kingusin­nerusuk­kut naalak­kersuisut aalajangik­katik al­lan­ngor­tip­paat Jehoval­lu Nalunaajaasui naalagaaf­filersaarfin­nik sanaar­tor­nis­saat akueralugit. Qatan­ngutit nuan­naaqaat! Erseq­qip­poq al­lat ataq­qin­nit­tumik pigaangatsigit eq­qis­sinermik siuarsaasar­tugut.

Nalitsin­ni Jehovap in­nut­taasa eq­qis­sisimasunik avatangiiseqar­ner­tik pal­lorfigin­nin­nermin­ni anersaak­kut paratiisi nuan­naarutigaat. Tamat­ta im­mik­kut nam­mineq inuunitsin­ni eq­qis­sinermik ineriar­tor­titsinitsigut eq­qis­sinermik tamatumin­nga siuarsaaqataasin­naavugut. Taava Jehovamit iluarisaanis­sar­put ilimagisin­naavar­put. Silarsuas­samilu nutaami eq­qis­sinermik naas­saan­ngitsumik atasus­samik tunis­savaatigut. – 2 Petr 3:13, 14.