1. Nuan­naar­nis­samut im­mik­kut it­tunik sunik pis­sutis­saqar­pugut?

NUAN­NAARUTIGINGAAR­TAR­PAR­PUT tusar­tarlugu Guutip kif­faasa qaamaner­tik qaamatik­kaat! Sior­na Jehovap in­nut­tai 10 mil­lioninit amerlanerusunik Biibilimik atuaq­qis­saaqateqar­put. Soqutigin­nilerlaal­lu mil­lionil­lit eq­qaaniaaqataap­put uter­titsis­sul­lu Jehovap asan­ningaarluni tunis­sutigisaa pil­lugu paasisaqarlutik. – 1 Joh 4:9.

2, 3. (a) ‘Silarsuarmi qaam­maq­qutaanis­samut’ suut akor­nutigin­ngilavut? (b) Al­laaserisami matumani suut sam­mis­savavut?

² Nunarsuaq tamak­kerlugu Jehovap Nalunaajaasui as­sigiin­ngitsor­pas­suar­nik oqaaseqar­put. Taman­nali ataasius­suseqarluta Jehovamik un­nersiutigin­nin­nis­samut akor­nutigin­ngilar­put. (Saqq 7:9) Oqaatsit atuk­kavut suugaluar­pataluun­niit sumiluun­niil­lu najugaqaraluarut­ta ‘silarsuarmi qaam­maq­qutaasin­naavugut’. – Fil 2:15.

³ Oqaluus­siner­put, kristumiutut ataasius­suser­put pif­fis­sal­lu nukingin­nas­susianik eq­qumaf­figin­nin­ner­put Jehovamut naalan­naataap­put. Taak­kunun­nga pingasunut tun­ngatil­lugu  qaamaner­put qanoq qaamatis­sin­naavar­put? – Matthæusi 5:14-16 atuakkit.

4, 5. (a) Oqaluus­sinerup saniatigut qaamasor­put qanoq qaamatis­sin­naavar­put? (b) Inus­siar­nisaar­neq qanoq kinguneqarluar­tar­pa? (Al­laaserisap aal­laq­qaataani as­seq takuuk).

⁴ Oqaluus­sineq ajoqersugan­ngor­titsior­tor­nerlu qaamanermik qaamatitseriaasiup­put pingaarutil­lit. (Matt 28:19, 20) 1925-mi al­laaserisami “Taarsuarmi qaamaneq”-mik qulequtalim­mi al­las­simavoq “inuk qaamanermik qaamatitsinis­samut periarfis­sanik ul­luni kingul­ler­ni atorluaan­ngitsoq Naalak­kamut aalajaas­sin­naan­ngitsoq”. Aam­ma ima al­las­simasoqar­poq: “Taan­na taamaalior­tariaqar­poq nutaarsias­sap nuan­nersup nunarsuarmiunut oqalut­tuarineratigut aam­ma qaamanermut naaper­tuut­tumik inooriaaseqar­nermigut.” (The Watch Tower, juunip aal­laq­qaataat 1925-moor­toq) Oqaluus­sinit­ta saniatigut pis­susilersor­ner­put Jehovamut naalan­naataas­saaq. Oqaluus­sigaangat­ta inup­pas­suar­nit maluginiar­neqar­tar­pugut. Qungujul­luta ilas­sigaangatsigit uagut pil­luta Guutilu pal­lorfigisar­put pil­lugu ajun­ngitsumik eq­qarsaler­tar­put.

⁵ Jiisusip ajoqersuk­kani ima peq­quai: “Il­lumut iseraangas­si eq­qis­seq­qusisaritsi.” (Matt 10:12) Sumiif­fim­mi Jiisusip oqaluus­sif­figisaani ileq­quuvoq inun­nik ilisarisiman­ngisanik angerlarsimaf­fim­mut iseq­qusisar­neq. Ul­lumik­kut sumiif­fiit ilar­pas­suini taman­na nalingin­naajun­naar­nikuuvoq. Inuit nalusamin­nik silatimin­niit­toqaraangat eq­qis­sisimajun­naar­tar­put paamisut­tarlutil­luun­niit. Inus­siar­nisaarut­tali qasuk­karsimaar­nerulersin­naap­put. Angal­lat­tak­kamik atuagaasivilisarlutit oqaluus­sinin­ni maluginiar­nikuuiuk inuit qungujul­lutit ilas­sigaangak­kit atuagas­samin­nik tigusinis­samin­nut it­tuun­ngin­nerusar­tut? Im­maqa al­laat oqaloqatigerusulersin­naavaatsit!

6. Aap­pariit utoq­qasaat kif­far­tor­nermi iliuuseqar­tuar­nis­samin­nut suna iluaqutigaat?

⁶ Tuluit Nunaan­ni aap­pariit utoq­qasaat peq­qiil­lioramik sior­natigutut akulikitsigisumik il­lumiit il­lumut oqaluus­sisin­naajun­naar­put. Taamaat­tumik il­lumik silataani nerriviler­put atuagas­sanik ilioraavigisamin­nik. Atuarfiup eq­qaani najugaqar­put, atuagas­sanil­lu angajoq­qaanut meeq­qamin­nik aal­ler­tunut tul­luar­tunik saq­qumisitsip­put. Angajoq­qaat ilaat atuagas­sanik taak­kunin­nga tigusip­put, ilaatigut Unge spørger – Svar der duer, atuak­kat 1 aam­ma 2. Qatan­ngutip ar­nap pionerip aap­pariit taak­ku or­nit­tar­pai. Taas­suma inus­siar­nersuunera aap­pariil­lu ilumoorlutik ikiuerusun­nerat angajoq­qaanit maluginiar­neqar­poq. Al­laat angajoq­qaajusoq ataaseq Biibilimik atuaq­qis­saar­talersimavoq.

7. Qimaasunik il­lit nunagisan­niit­tunik qanoq ikiuisin­naavit?

⁷ Inup­pas­suit nunamin­nit qanit­tuk­kut qimaasariaqarsimap­put maan­nalu nunani al­lani qimaasutut inuul­lutik. Qimaasut il­lit nunagisan­niit­tut Jehova pil­lugu ilin­niar­nis­saan­nut ikiorumal­lugit susin­naavit? Siul­lermik taak­kua oqaasii atorlugit ilas­sinis­saat ilin­niarsin­naavat. Tamatuma saniatigut  ap­p-eq JW Language atorlugu oqariar­taatsinik unil­lutik ilin­nik oqaloqateqarusulis­sutigisin­naasaan­nik ilin­niarsin­naavutit. Taava filmit atuagas­sal­lu jw.org-imiit­tut taak­kua oqaasii atorlugit isigin­naar­neqarlutil­lu atuar­neqarsin­naasut takutis­sin­naavatit. – 5 Mos 10:19.

8, 9. (a) Ul­luin­nar­ni ataatsimiin­nivut qanoq iluaqutigisar­pavut? (b) Angajoq­qaat meeq­qatik ataatsimiin­ner­ni akis­sutigisar­tak­kamin­nik pitsan­ngorsaanis­saan­nut qanoq ikiorsin­naavaat?

⁸ Jehovap sun­niuteqarluar­tumik oqaluus­sinis­samut pisariaqar­titar­piatsin­nik tunisar­paatigut. As­sersuutigalugu Inuuneq kif­far­tor­nerlu pil­lugit ataatsimiin­ner­ni ilin­niak­kavut pulaaq­qiinis­sap Biibilimil­lu atuaq­qis­saaqateqar­taler­nis­sap merserin­ngin­nerunis­saan­nut iluaqutigisar­pavut.

⁹ Soqutigin­nit­tut ataatsimiin­nitsin­nut najuuk­kaangamik meeq­qat akis­sutaat ajasoorutigigajut­tar­paat. Il­lit meeq­qatit nam­min­neq isumar­tik atorlugu akisar­nis­saan­nut ilin­niar­tis­sin­naavatit. Inuit ilaasa meeq­qat naatsumik ilumoorlutik up­per­nermin­nik ersersitsinerat sal­lusuis­sum­mut kajungilis­sutigisar­paat. – 1 Kor 14:25.

10. Ilaqutariit atuaq­qis­saaqatigiit­tar­ner­tik ataasius­suseqar­neruler­nis­samin­nut qanoq iluaqutigisin­naavaat?

¹⁰ Ilaqut­tavut ataasius­suseqarlutik eq­qis­sil­lutil­lu suleqatigiin­nis­saan­nut ilungersorluta ikiorutsigit taman­na Jehovamut naalan­naataas­saaq. As­sersuutigalugu il­lit angajoq­qaajuguit, aaq­qis­suus­sigit  sapaatip-akun­neri tamaasa ilaqutariit­tut atuaq­qis­saaqatigiit­tarsin­naaq­qul­lusi. Ilaqutariit ilar­pas­sui JW Broadcastingimik isigin­naaqatigiit­tar­put kingor­nalu eq­qar­tueqatigiit­tarlutik paasisamin­nik qanoq atuisin­naanerlutik. Eq­qaamajuk siun­nersuutit meeq­qap nukanganerusup pisariaqar­titai inuusut­tuaq­qap pisariaqar­titaanit al­laanerusarmata. Sapin­ngisat tamaat iliuuseqarit ilaqut­tatit atuaq­qis­saaqatigiin­nis­sin­nik iluaqutigin­nil­luaq­qul­lugit. – Tuss 148:12, 13.

11-13. Ilagiit najuk­katsin­niit­tut ataasius­suseqar­neruleq­qul­lugit qanoq ikiuutaasin­naavugut?

¹¹ Inuusuk­kaluarlutit ilagiin­ni ataasius­suseqar­nerulersitseqataasin­naavutit taamaalil­lutil­lu al­lat qaamanermin­nik qaamatitsinis­saan­nut kajumis­saarlugit. Ilaatigut taamaaliorsin­naavutit qatan­ngutit utoq­qaanerit ikin­ngutigiler­niar­nerisigut. Apersuk­kit ukior­pas­suar­ni Jehovamut kif­far­tor­tuar­nis­samut suna iluaqutigisimaneraat. Ilin­niarfigisin­naasan­nik naleqangaar­tunik oqalut­tuus­sin­naavaatsit. Taman­na taak­kunun­nga ilin­nul­lu qiim­mas­saataas­saaq! Aam­ma tamat­ta, inuusuk­kaluarut­ta utoq­qaagaluarut­taluun­niit, naalagaaf­filersaarfitsin­nut alak­kaasut tikil­luaq­qusaasutut misigitis­sin­naavavut. Qungujulaarlutit ilas­sisin­naavatit, is­siavis­sarsiuus­sin­naavatit al­lanul­lu ilas­sitil­lugit. Tamak­ku tikil­luaq­qusaasutut misigilis­sutigis­savaat.

¹² Katersuutsitsisar­nis­samik sulias­sin­neqarsimaguit utoq­qaanerusut qaamanermin­nik qaamatitsiuar­nis­saan­nut ikior­tarsin­naavatit. Angalaarfigisas­saasa taak­kunun­nga tul­luar­tuunis­saat qulak­keeruk. Inuusun­nerusunik oqaluus­seqateqar­nis­saat pilersaarusioruk. Qatan­ngutit angutit ar­nal­lu peq­qiil­liuuteqar­tut sior­natigutul­li oqaluus­sikulatigiun­naar­ner­tik amerlasuutigut nikal­lungas­sutigisar­paat. Nuan­naajal­laatigis­savaal­li paasil­lugu isumas­sorisi atugaan­nil­lu paasin­nit­tusi. Qanorluun­niit utoq­qaatigigaluar­pata qanorlu sivisutigisumik sal­lusuis­sum­miis­simanerat apeq­qutaatin­nagu inus­siar­nisaar­nerit aal­lus­sil­luarlutik oqaluus­siuar­nis­samin­nut kajumis­sis­sutigis­savaat. – 3 Mos 19:32.

¹³ Israelik­kut Jehovamik pal­lorfigin­neqatigiin­ner­tik nuan­naarutigisar­paat. Tus­siaasior­toq ima al­lap­poq: “Iluarlunilu nuan­nil­laaraaq qatan­ngutigiit [ataasioqatigiil­lutik, NW] is­siaqatigiik­kaangata!” (Tussiaat 133:1, 2 atuakkit). Taas­suma Israelik­kut ataasius­suseqar­nerat uuliamut tar­ngum­mut amimut iluaal­lan­nar­tumut tipigis­sumul­lu as­sersuup­paa. Tamatumun­nga as­singusumik uagut qatan­ngutitsin­nut iluaal­laataasin­naavugul­lusooq ilak­kuminarlutalu inus­siar­nersuunitsigut. Taman­na ilagiin­nik ataasius­suseqar­nerulersitsis­saaq. Il­lit qatan­ngutit ilagiin­ni or­nit­tak­kan­niit­tut ilisarisimal­luar­neruler­niarlugit iliuuseqarsin­naavit? – 2 Kor 6:11-13.

14. Il­lit najugaqarfin­ni qaamanerit qanoq qaamatis­sin­naaviuk?

¹⁴ Il­lit qaamanerit sumiik­kaluaraangavil­luun­niit qaamasin­naavoq. Inus­siar­ner­nerit sanilivit Jehova pil­lugu paasisaqar­nerunis­samut kajumis­sis­sutigisin­naavaat. Im­minut ima aperigit: ‘Sanilima qanoq isumaqarfigaanga? Angerlarsimaf­figa torerlunilu  ipiip­pa? Najugaqarfin­nik eq­qaaniit­tunil­lu or­niginar­nerulersitsiva? Sanilin­nut ikiuuk­kumatuvunga?’ Nalunaajaasut al­lat aperik­kit inus­siar­ner­nerat maligas­siuil­luar­neral­lu ilaqutaan­nut, saniliinut, suleqataan­nut atuaqataan­nul­luun­niit qanoq sun­niuteqarsimanersoq. – Ef 5:9.

15. Sooq eq­qumajuar­tariaqar­pugut?

¹⁵ Qaamaner­put qaam­maaritsit­tuarumagutsigu pif­fis­saq inuuf­figisar­put eq­qum­maarif­figisariaqar­par­put. Jiisusip ajoqersuk­kani ataasiar­nani ima peq­qusar­pai: “Eq­qumagitsi.” (Matt 24:42; 25:13; 26:41) Misigigut­ta ‘naal­liun­nar­toqangaar­nis­saq’ suli qanil­lin­ngik­kip­put al­lanik Jehova pil­lugu ilin­niar­titsinis­samut periarfis­sat tamaasa eq­qumaf­figinavian­ngilavut. (Matt 24:21) Qaam­maarik­kun­naarluta qaamaner­put sak­kukil­liar­torsin­naavoq im­maqalu al­laat qamis­sin­naal­luni.

16, 17. Pif­fis­sap nukingin­nas­susia eq­qumaf­figiumal­lugu suut iliuuserisin­naavigit?

¹⁶ Eq­qumajuar­nis­sar­put maan­na aatsaat taama pisariaqar­tigaaq. Silarsuarmi pis­sutsit ajor­tik­kalut­tuin­nar­put. Nalun­ngilar­pul­li naggatis­saq pif­fis­sami Jehovap aalajangigaani nal­liuk­kumaar­toq. (Matt 24:42-44) Taman­na utaq­qitil­lugu  naam­magit­tar­tariaqar­pugut siunis­sar­pul­lu eq­qarsaatigiuar­tariaqarlugu. Ul­lut tamaasa Biibili atuar­taruk Jehovamul­lu qinujuar­tarit. (1 Petr 4:7) Qatan­ngutit ukior­pas­suar­ni Jehovamut kif­far­torsimasut ilin­niarfigik­kit. As­sersuutigalugu misigisalik­kersaarutinik atuar­tarsin­naavutit, ilaatigut atuarsin­naavat al­laaserisaq “Jehova tatigigatsigu pil­luaq­quneqaatigaar­put”, Napasuliaq Alapernaarsuiffik oktobarip 15-iat 2013-imoor­tumi, qupp. 17-20.

¹⁷ Jehovamut kif­far­tor­neq ulap­putigiuk. Iliuuseqarlutit inus­siar­nisaar­tarit qatan­ngutitil­lu peqatigisak­kit. Taamaap­pat nuan­naas­saatit, pif­fis­sarlu ingerlaler­tor­nerusutut is­saaq. (Ef 5:16) Jehovap kif­fai ukiuni hundredini qaangiut­tuni naam­mas­sisar­pas­suaqar­put. Aam­ma ul­lumik­kut aatsaat taama ulapitsigivugut. Jehovap suliai takorloorsiman­ngisaan­nak­katsitut ineriar­torsimap­put. Qaamaner­put qaam­mareqaaq!

18, 19. Utoq­qaaner­tat aal­lus­sil­luarluni Jehovamut kif­far­tor­nis­samut qanoq ikiuisin­naap­pat? As­sersuuteqarit.

¹⁸ Amerlasuunik kuk­kus­suteqar­taraluar­tugut Jehovap kif­far­tor­timisut akueraatigut. Ikiorumal­luta ilagiit utoq­qaaner­tanik “tunis­suteqarfigai”. (Efesosimiut 4:8, 11, 12 atuakkit). Taamaat­tumik utoq­qaaner­tanit pulaar­neqaruit taak­kunin­nga peqateqar­nerit atorluarlugu ilisimas­susiat siun­nersuutaal­lu ilin­niarfigik­kit.

¹⁹ As­sersuutigalugu aap­pariit Tuluit Nunaan­niit­tut aap­pariin­nerlior­put, utoq­qaaner­tanul­lu marlun­nut ikioq­qup­put. Nuliaasoq misigivoq uini Jehovamut kif­far­tor­nermi siut­tuuniarluni iliuuseqan­ngitsoq. Uiusoq misigivoq ilin­niar­titsil­laq­qis­suunani, nas­suer­porlu ilaqutariit­tut atuaq­qis­saaqatigiit­tar­nis­samut pilersaarusior­tar­nani. Utoq­qaaner­tat aap­pariit taak­ku Jiisusip maligas­siaanik eq­qarsaatigin­nin­nis­saan­nut ikior­paat. Uiusoq kajumis­saar­paat Jiisusip ajoqersuk­kaminik isumas­sueriaasianik ilaarseq­qul­lugu. Nuliaasoq kajumis­saar­paat uiminut naam­magit­tar­tooq­qul­lugu. Aam­ma aap­pariit siun­nersor­paat meeq­qatik marluk peqatigalugit ilaqutariit­tut qanoq atuaq­qis­saaqatigiit­tarsin­naanersut. (Ef 5:21-29) Uiusup ilaqutariin­ni it­tuusutut pitsaaneruler­nis­sani ilungersorluni sulis­sutigaa. Utoq­qaaner­tat taan­na kajumis­saar­paat qasusuisaaq­qul­lugu Jehoval­lu anersaavanik tutsuigin­nit­tuaq­qul­lugu. Utoq­qaaner­tat asan­nin­nerat inus­siar­ner­neral­lu ilaqutariin­nit taak­kunan­nga iluaqutigineqangaar­poq!

20. Qaamanin­nik qaamatitsinerit qanoq kinguneqas­sava?

²⁰ “Pil­luar­poq Naalak­kamik mianerin­nit­toq ingerlasorlu aq­qutigeq­qusaasigut.” (Tuss 128:1) Qaamanin­nik qaamatitsisar­nerit nuan­naalis­sutigisarumaar­pat. Taamaat­tumik al­lat Guuti pil­lugu ilin­niar­tik­kit, ilaqut­tatit qatan­ngutitil­lu ilagiin­niit­tut ataasius­suseqar­tuar­nis­saan­nut ikiorumal­lugit sapin­ngisat tamaat iliuuseqarit, eq­qumajuaril­lu. Maligas­siuil­luar­nerit al­lat malugis­savaat Ataatatsin­nul­lu, Jehovamut, naalan­naataasumik iliuuseqar­nis­samut kajumis­sis­sutigis­sal­lugu. – Matt 5:16.