1. Uumasunit al­laanerus­sutigisat­ta ilaat suua?

JEHOVAP im­mik­kut it­tumik uumasunit al­laanerus­sutigisat­ta ilaan­nik tunivaatigut. Tas­saavoq nalun­ngeqatigin­nis­sut. Qanoq nalun­ngilar­put Adami Evalu nalun­ngeqatigin­nis­suteqar­tut? Ajor­tulioreerlutik Guuti iser­torfigaat. Nalun­ngeqatigin­nis­sutimin­nit eq­qar­tuun­neqar­put.

2. Nalun­ngeqatigin­nis­sut pujorsium­mut qanoq as­singua? (Al­laaserisap aal­laq­qaataani as­siliaq takuuk).

² Nalun­ngeqatigin­nis­suter­put tas­saavoq suup eq­qor­tuuneranik suul­lu eq­qun­ngitsuuneranik qamuuna naliliisin­naas­suseq inuunitsin­ni siulersuisin­naasoq. Inuup sungiusagaan­ngitsumik nalun­ngeqatigin­nis­sutil­lip as­sigaa umiarsuaq aseror­nikumik pujorsiutilik. Anorip sarfal­lu umiarsuaq sangusoor­tit­tar­paat. Pujorsiul­li ajoquteqan­ngitsoq iluaqutigalugu umiarsuup aqut­tuata umiarsuaq apuuf­fis­saanut sam­mitis­sin­naavaa. Tamatumun­nga as­singusumik nalun­ngeqatigin­nis­suter­put eq­qorluar­tumik ilin­niar­tik­kutsigu tamatumin­nga siulersor­neqarluarsin­naavugut.

3. Nalun­ngeqatigin­nis­suter­put eq­qor­tumik ilin­niar­tin­neqan­ngip­pat qanoq kinguneqarsin­naava?

 ³ Nalun­ngeqatigin­nis­suter­put eq­qor­tumik ilin­niar­tin­neqan­ngik­kuni ajor­tulior­nis­samut mianersoq­qusisin­naan­ngilaq. (1 Tim 4:1, 2) Al­laat ‘ajor­tumik ajun­ngin­neraasin­naavoq’. (Es 5:20) Jiisusip ajoqersuk­kani ima oqarfigai: “Ul­lut nal­liuk­kumaar­put ilis­sin­nik toqutsisut isumaqalerfis­saat taamaalior­nermik­kut Guuti kif­far­tuul­lugu.” (Joh 16:2) Stefanusimik toqutsisut taama isumaqar­put. (ApS 6:8, 12; 7:54-60) Up­perisarsior­tor­pas­suit Guuti kif­far­torfiginerarlugu ajungaar­tumik pinerlut­tulior­tarsimap­put, as­sersuutigalugu toqutsisar­put. Taamaalior­nermik­kul­li Guutip inatsisaanik unioq­qutitsip­put. (2 Mos 20:13) Ersarip­poq nalun­ngeqatigin­nis­sutimin­nit kuk­kusumik siulersor­neqarsimasut!

4. Qanoq qulak­keersin­naavar­put nalun­ngeqatigin­nis­sutitsin­nit eq­qor­tumik siulersor­neqarluta?

⁴ Qanoq qulak­keersin­naavar­put nalun­ngeqatigin­nis­sutitsin­nit eq­qor­tumik siulersor­neqarluta? Inatsisit najoq­qutas­sial­lu Biibilimiit­tut “iluaqutaap­put ajoqersuinermut, up­per­narsaanermut, ilitsersuinermut iluar­nermul­lu perorsaanermut”. (2 Tim 3:16) Biibilimik atuaq­qis­saar­tariaqar­pugut, atuak­katsin­nik eq­qarsaatigin­neq­qis­saar­tariaqar­pugut ilik­kak­kavul­lu inuunitsin­ni maleruarlugit. Taamaalil­luta Jehovap eq­qarsar­taasiatut eq­qarsar­taaseqar­nerulis­saagut. Taamaalior­nik­kut nalun­ngeqatigin­nis­sutitsin­nit eq­qor­tumik siulersor­neqar­nis­sar­put qulak­keersin­naavar­put. Nalun­ngeqatigin­nis­suter­put Jehovap inatsisaanit najoq­qutas­siaanil­lu qanoq ilin­niar­tin­neqarsin­naasoq sam­meriar­tigu.

5, 6. Guutip inatsisai qanoq iluaqutigaavut?

⁵ Guutip inatsisai iluaqutigis­sagutsigit tamatumin­nga atuar­neq ilisiman­nin­nerlu naam­maan­ngilaq. Aam­ma taak­ku nuan­naralugil­lu maleruar­tariaqar­pavut. Biibilimi ima al­las­simavoq: “Ajor­toq uumigisiuk ajun­ngitsorlu nuan­naralugu.” (Am 5:15) Qanoq taamaaliorsin­naavugut? Jehovap isigin­nit­taasiatut isigin­nit­taaseqar­tariaqar­pugut. Takorlooruk sin­narlut­tar­tutit. Nakorsap siun­nersor­paatit peq­qin­nar­nerusunik nerisaqar­tas­sasutit, timigis­sar­tas­sasutit inuunin­nilu al­latigut al­lan­nguis­sasutit. Siun­nersuutai malik­kak­kit iluaqutigaatit! Nakorsap siun­nersuutai qanoq igaagit?

⁶ Tamatumun­nga as­singusumik Pin­ngor­titsisit­ta inatsisinik ajor­tip kingunipiluinut il­lersuutaasunik inuunerin­nerulis­sutigisas­satsin­nil­lu tunivaatigut. Eq­qarsaatigiuk sal­lunermik, peq­quserlut­tulior­nermik, til­lin­nermik, kinguaas­siuutitigut inuunerlun­nermik, nakuuser­nermik anersaarsior­nermil­lu inatsisit Biibilimiit­tut maleruar­nis­saat qanoq iluaqutaatigisoq. (Ussatit 6:16-19 atuakkit; Saqq 21:8) Jehovamut naalan­nit­ta kinguneri ajun­ngitsut misigigaangatsigit Jehova asaneruler­tar­par­put inatsisaalu nuan­narineruler­tarlugit.

7. Biibilimik oqalut­tuat qanoq iluaqutigaavut?

⁷ Suut eq­qor­tuunersut suul­lu eq­qun­ngitsuunersut paasiumal­lugit Guutip inatsisaanik unioq­qutitsinerup kingunipilui misigeq­qaar­tariaqan­ngilavut. Itsaq inuit kuk­kus­sutaat Biibilimi al­laatigineqar­tut ilin­niutigisin­naavavut. Us­satit 1:5-imi ima al­las­simavoq: ‘Ilisimasoq naalaas­saaq suli an­nerusumik ilisimasaqalis­sal­luni.’ Guutiuna ilisimasaqalersitsisuusoq, siun­nersuutaalu pitsaaner­paap­put! As­sersuutigalugu eq­qarsaatigiuk Daavi Batsebamik al­lasiorfigin­nil­luni  Jehovamut naalan­ngik­kami qanoq naal­liuuteqar­tigilersoq. (2 Sam 12:7-14) Oqalut­tuaq taman­na atuar­til­lugu im­minut ima aperigit: ‘Daavip naal­liuutit taak­ku qanoq pinaveersaarsin­naagaluar­pai? Pisumi taamaat­tumi uanga qanoq ilius­sagaluar­punga? Kinguaas­siuutitigut as­suar­nar­tulior­nis­samut us­ser­neqaraluaruma Daavitut imaluun­niit Josefitut ilius­sagaluar­punga?’ (1 Mos 39:11-15) Ajor­tulior­nerup kingunipilui eq­qarsaatigeq­qis­saarutsigit ‘ajor­toq uumigineruleralut­tuin­nas­savar­put’.

8, 9. (a) Nalun­ngeqatigin­nis­suter­put sumut iluaqutigaar­put? (b) Jehovap najoq­qutas­siai nalun­ngeqatigin­nis­sutitsin­nut qanoq sun­niuteqar­pat?

⁸ Guutip uumigisai iliuuserin­ngisaan­nas­savavut. Taavami qanoq ilius­saagut arlaan­nut aalajangersimasoq pil­lugu Biibilimi inatsiseqan­ngip­pat? Qanoq paasisin­naavar­put Guutip suna piumasarigaa? Nalun­ngeqatigin­nis­suter­put Biibilimit ilin­niar­tin­neqar­pat silatusaar­tumik aalajangiisin­naas­saagut.

⁹ Jehovap asagamisigut najoq­qutas­sianik nalun­ngeqatigin­nis­sutitsin­nik siulersuisin­naasunik tunivaatigut. Ima nas­suiaavoq: “Uanga tas­sa Naalagaq, Guutit, iluaqutaasunik ilin­nik ajoqersuisoq, il­lit ingerlavigisas­sak­kut ingerlatitsisoq.” (Es 48:17, 18) Najoq­qutas­siat Biibilimiit­tut eq­qarsaatigeq­qis­saaraangatsigit uum­mam­miuliuk­kaangatsigil­lu nalun­ngeqatigin­nis­suter­put aaq­qit­tar­par­put. Taman­nalu silatusaar­tumik aalajangiinis­satsin­nut iluaqutigisin­naavar­put.

10. Najoq­qutas­siaq suua, Jiisusil­lu ilin­niar­titsinermini najoq­qutas­siat qanoq ator­pai?

¹⁰ Najoq­qutas­siaq tas­saavoq ilumoor­toq tun­ngaviusoq eq­qarsar­taatsitsin­nik siulersuisin­naasoq, silatusaar­tumik aalajangiinis­satsin­nut iluaqutaasoq. Jehovap najoq­qutas­siai iluaqutigalugit taas­suma eq­qarsar­taasia uagutsin­nul­lu inatsisilior­neranut pis­sutaasut paasisin­naavavut. Najoq­qutas­siat atorlugit Jiisusip ajoqersuk­kani ilin­niar­tip­pai isigin­nit­taatsit iliuutsil­lu aalajangersimasut qanoq kinguneqar­tar­tut. As­sersuutigalugu ilin­niar­titsivoq kaman­neq nakuuser­nermik kinguneqarsin­naasoq aam­ma pileris­susipiloqarluni eq­qarsar­neq al­lasior­nermik kinguneqarsin­naasoq. (Matt 5:21, 22, 27, 28) Jehovap najoq­qutas­siaanit siulersor­tik­kut­ta nalun­ngeqatigin­nis­suter­put ilin­niar­tin­neqarluas­sal­lunilu Guutimut ataq­qinaataasumik aalajangiisin­naas­saagut. – 1 Kor 10:31.

11. Nalun­ngeqatigin­nis­sutit qanoq as­sigiin­ngitsuusin­naap­pat?

¹¹ Al­laat kristumiut Biibilimit ilin­niar­tin­neqar­tumik nalun­ngeqatigin­nis­suteqaraluarlutik aalajangersimasutigut as­sigiin­ngitsunik aalajangiisin­naasar­put. Imigas­sar­tor­niar­nerluni aalajangiineq as­sersuutigeriar­tigu. Biibilimi imigas­sar­tor­neq as­suarineqan­ngilaq, imigas­sar­tor­pal­laar­nerli aalakoor­nerlu as­suarineqar­put. (Uss 20:1; 1 Tim 3:8) Imaap­pa kristumiu imigas­sar­tor­niarluni aalajangeruni imigas­sar­tor­pal­laan­ngin­nis­sani kisiat eq­qumaf­figis­sagaa? Naamik. Nam­mineq nalun­ngeqatigin­nis­sutini naaper­torlugu imigas­sar­torsin­naagaluarluni al­lat nalun­ngeqatigin­nis­sutaat eq­qumaf­figisariaqar­paa.

12. Al­lat nalun­ngeqatigin­nis­sutaan­nik ataq­qin­nin­nis­satsin­nut Romamiut 14:21 qanoq iluaqutigisin­naavar­put?

¹² Al­lat nalun­ngeqatigin­nis­sutaat ataq­qisariaqarip­put Paulusip ima nas­suiar­paa: “Eq­qor­tulius­saatil­li neqitun­ngik­kuit viin­nisun­ngik­kuil­luun­niit al­lamil­luun­niit qatan­ngutin­nut naak­kius­sutaasin­naasumik iliuuseqan­ngik­kuit.” (Rom 14:21) Taamaat­tumik nalun­ngik­kutsigu kristumioqatit­ta nalun­ngeqatigin­nis­sutini tun­ngavigalugu imigas­sar­torusun­ngitsoq imigas­sar­torsin­naatitaagaluarluta imigas­sar­tun­ngin­nis­satsin­nut kajumis­suseqar­tariaqar­pugut. Imaas­sin­naavoq qatan­ngut sal­lusuis­sum­mik ilik­kan­ngin­nermini imigas­samik pin­ngitsuuisin­naan­ngin­nikuusoq taamaat­tumil­lu aalajangersimasoq imigas­sar­toq­qin­ngisaan­nar­niarluni. Taas­suma imigas­samik ajor­nar­torsiuteqaq­qiler­neranik kinguneqar­tumik sunil­luun­niit iliuuseqarusun­ngilagut. (1 Kor 6:9, 10) Taamaat­tumik qatan­ngut taan­na pulaar­torigutsigu naaggaaraluar­toq imigas­sar­tor­nis­saanut kimigiiserfiginavian­ngilar­put.

13. Timotheusi al­lat oqaluus­sif­figisin­naajumal­lugit qanoq nalun­ngeqatigin­nis­sutaan­nik ataq­qin­nip­pa?

¹³ Timotheusip inuusut­tup kipineqar­nis­sani an­ner­naraluar­toq akueraa. Nalun­ngilaa juutit oqaluus­sif­figisas­sani kipineqar­nermik pingaar­titsisuusut. Timotheusi Paulusitul­li al­lanik mamiatsatsitserusun­ngilaq. (ApS 16:3; 1 Kor 9:19-23) Al­lat ikiorusul­lugit  il­lit piumasatit kingul­liuk­kusup­pigit?

14, 15. (a) Qanoq anersaak­kut inersimal­luar­tun­ngorsin­naavugut? (b) Asan­nin­nermik ersersitsineq qanoq kristumiutut inersimal­luar­nermut at­tuumas­suteqar­pa?

¹⁴ Tamat­ta “Kristusi pil­lugu ilin­niaq­qaagas­sat im­miniigin­narlugit” anersaak­kut inersimal­luar­tun­ngor­nis­samut siumukarusus­suseqar­tariaqar­pugut. (Hebr 6:1) Isumaqas­san­ngilagut ukior­pas­suar­ni sal­lusuis­sum­miin­neq piin­narlugu anersaak­kut inersimal­luar­tun­ngor­toqar­tar­toq. Inersimal­luar­tun­ngorumal­luta ilungersor­tariaqar­pugut. Paasisaqar­nerujar­torlutalu ilisimasaqar­nerujar­tor­tariaqar­pugut. Ul­lut tamaasa Biibili atuar­tariaqar­par­put. (Tuss 1:1-3) Taamaalior­tar­neq Jehovap inatsisaanik najoq­qutas­siaanil­lu paasin­nin­neruler­nis­san­nut iluaqutigis­savat.

¹⁵ Inatsisit kristumiut maleruagas­saasa pingaar­nersaat suua? Tas­saavoq asan­nin­nermik inatsit. Jiisusip ajoqersuk­kani ima oqarfigai: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:35) Asan­nin­neq ‘inatsim­mik akimasumik’ ‘inatsisil­lu naam­mas­sis­sutaan­nik’ taaneqar­poq. (Jaak 2:8; Rom 13:10) Asan­nin­nerup pingaaruteqangaar­nera tupaal­laatigin­ngilar­put Biibilimi al­las­simam­mat ‘Guuti tas­saasoq asan­nin­neq’. (1 Joh 4:8) Asan­nin­neq Guutimut misigis­susiin­naan­ngilaq. Guutip asan­nin­nini iliuutsimigut ersersit­tar­paa. Johan­nesi ima al­lap­poq: “Matumuuna Guutip asan­nin­nera akor­natsin­ni saq­qum­mersin­neqarsimavoq: Guutip er­nituani silarsuarmut aal­lar­tim­magu taas­sumuuna inooq­qul­luta.” (1 Joh 4:9) Jehovamik, Jiisusimik, up­peqatitsin­nik al­lanil­lu asan­nin­ner­put ersersik­kaangatsigu kristumiutut inersimal­luar­tuuner­put ersersit­tar­par­put. – Matt 22:37-39.

16. Sooq kristumiutut inersimal­luar­tun­ngoriar­tor­til­luta najoq­qutas­siat pingaar­tin­nerujar­tus­savavut?

 ¹⁶ Kristumiutut inersimal­luar­tun­ngoriar­tor­til­luta najoq­qutas­siat pingaar­tin­nerujar­tus­savavut. Inatsisit amerlaner­tigut pisuni aalajangersimasuni atuut­tar­put, najoq­qutas­sial­li pisuni amerlasuuni atuutsin­neqarsin­naasar­put. As­sersuutigalugu meeq­qap ikin­ngutipalaaqar­nerup navianar­nera paasisin­naan­ngilaa, taamaat­tumik angajoq­qaat meerar­tik il­lersor­niarlugu maleruagas­sior­tariaqar­put. (1 Kor 15:33) Meerarli inersimaneruleriar­tor­til­luni najoq­qutas­sianik Biibilimiit­tunik paasin­nin­nerulis­saaq. Najoq­qutas­siat taak­ku iluaqutaasunik ikin­ngutis­sarsior­nis­saminut iluaqutigis­savai. (1 Korinthimiut 13:11; 14:20 atuakkit). Najoq­qutas­siat Biibilimiit­tut paasinerujar­tor­til­lugit nalun­ngeqatigin­nis­suter­put tutsuiginar­nerulis­saaq pisunilu as­sigiin­ngitsuni Guutip uagutsin­nut piumasaa paasinerulis­sal­lutigu.

17. Sooq oqarsin­naavugut Jehovap iluarisaanik aalajangiinis­satsin­nut pisariaqar­tut suut tamaasa pigalutigit?

¹⁷ Jehovap iluarisaanik aalajangiinis­satsin­nut pisariaqar­tut suut tamaasa pigaavut. Inatsisit najoq­qutas­sial­lu ‘ineril­luin­nar­nis­samut ajun­ngitsulior­ner­nul­lu tamanut pigin­naan­ngorsar­nis­samut’ iluaqutigisin­naasavut Biibilimiip­put. (2 Tim 3:16, 17) Najoq­qutas­siat Biibilimiit­tut Jehovap eq­qarsar­taasianik paasin­nin­nis­satsin­nut iluaqutigis­savavut. Najoq­qutas­siat taak­ku ujar­niarlugit ilungersor­tariaqar­pugut. (Ef 5:17) Ujaasinermi uku iluaqutigisin­naavavut: Jehovap Nalunaajaasuisa ujarliutaat, Watchtower Library, INTERNETIKKUT ATUAGAATEQARFIK Watchtower aam­ma ap­p-eq JW Library. Taak­ku ator­tarutsigit nam­mineq atuaq­qis­saar­tar­ner­put ilaqutariit­tul­lu atuaq­qis­saaqatigiit­tar­ner­put pis­sarsiaqarfiginerus­savavut.

18. Jehovap inatsisaanik najoq­qutas­siaanil­lu maleruaagut­ta qanoq kinguneqas­sava?

¹⁸ Jehovap inatsisaanik najoq­qutas­siaanil­lu maleruaaneq pil­luaq­quneqaatigaar­put. Tus­siaat 119-imi ima al­las­simavoq: “Ilami inatsisitit nuan­nareqaak­ka, eq­qarsaatin­niip­put ul­loq tamaat. Naalak­kiutivit akeq­qan­nit ilisimasaqar­nerulersip­paan­nga uan­ni it­tuin­naramik. Ilin­niar­titsisin­nit tamanit paasisimasaqar­neruvunga eq­qarsaatigiuar­tarak­kit oqaaq­qis­saarutitit. Silas­sorin­neruvunga utoq­qar­nit peq­qus­sutitit maleruarak­kit.” (Tuss 119:97-100) Guutip inatsisaanik najoq­qutas­siaanil­lu eq­qarsaatigin­neq­qis­saar­tarut­ta ilisimas­susermik paasin­nil­luar­nermil­lu ersersitsisunik iliuuseqar­nerusas­saagut. Inatsisaanit najoq­qutas­siaanil­lu ilin­niar­tin­neqar­tarut­ta ‘al­liar­torsimasun­ngus­saagut Kristusip peqangaas­susianut ineqarfius­sal­luta naam­maat­tun­ngorluta’. – Ef 4:13.