“Il­lor­taaralu kamaatilerat­ta qungasiatigut tiguara toq­qusas­sil­lugulu. Toquk­kusuk­kaluar­paraluun­niit.” – Paul.

“Angerlarsimaf­fitsin­ni suun­ngitsut kamas­sutigisar­nikooqaak­ka. Kamal­lunga pequtit, pin­ngus­sat, suul­luun­niit tigoriaan­naasak­ka sequtser­tar­nikuuak­ka.” – Marco.

Imaas­sin­naasoq uagut taama ingasatsigin­ngitsugut. Tamat­tali im­minut naalak­ker­nis­saq saper­nar­tit­tarsin­naavar­put. Sooq taamaap­pa? Ajor­tip Adamimit kingor­nus­simanera pingaar­ner­tut pis­sutaavoq. (Rom 5:12) Inuit ilaat kamajasuujup­put, soorlu Paul Marcolu. Al­lat eq­qarsaatimin­nik aqutsinis­sar­tik ajor­nar­tip­paat. Im­maqa an­nilaangas­sutitik nikal­lor­nar­tul­luun­niit al­lat eq­qarsaatigeq­qajaasar­paat. Al­lal­lu kinguaas­siuutitigut inuunerlun­ngin­nis­saq aam­ma imigas­sanik ikiaroor­nar­tunil­lu ator­nerluin­ngin­nis­saq saper­nar­tis­sin­naavaat.

Eq­qarsaatimin­nik, pileris­sutsimin­nik iliuutsimin­nil­lu aqutsin­ngitsoor­tut inuuner­tik sequmis­sin­naasar­paat. Im­minul­li naalak­kersin­naanermik ineriar­tor­titsinik­kut taman­na pin­ngitsoor­tin­neqarsin­naavoq. Taamaaliorsin­naajumal­luta apeq­qutit pingasut iluaqutigisin­naasavut maan­na sam­meriar­tigit: (1) Im­minut naalak­kersin­naaneq qanoq paasisariaqar­pa? (2) Sooq taama pingaaruteqar­tigaa? (3) ‘Anersaap inerititaata’ ilaa taan­na qanoq ineriar­tor­tis­sin­naavar­put? (Gal 5:22, 23, NW) Kingor­na sam­mis­savar­put im­minut naalak­kersin­naan­ngitsoorsimatil­luta qanoq iliorsin­naasugut.

Inuk im­minut naalak­kersin­naasoq eq­qarsaq­qaarani iliuuseqar­neq ajor­poq, aam­ma Guutip iluarin­ngisaanik oqalut­tan­ngilaq iliuuseqar­tar­nanilu.

Jiisusi im­minut naalak­kersin­naanermigut maligas­siuivoq. Biibilimi ima al­las­simavoq: “Oqaasipiluun­neqarami oqaasipiluum­mik akis­suteqan­ngilaq, an­niar­titaanermini sioorasaarin­ngilaq; pineqar­ninili naaper­tuil­luar­tumik eq­qar­tuus­sisumut isumagisas­san­ngor­tip­paa.” (1 Petr 2:23) Jiisusi nap­pak­kami an­niar­titaaf­fim­miitil­luni akerlilersor­timinit il­laruaatigineqarami im­minut naalak­kersin­naanermik ersersitsivoq. (Matt 27:39-44) Taman­nalu sioq­qul­lugu up­perisarsior­nik­kut siut­tunit kuk­kusumik oqalutsin­niar­neqarami im­minut naalak­kersin­naavoq. (Matt 22:15-22) Juutinil­lu kamat­tunit ujaq­qanik mil­loor­niar­neqarami maligas­siuil­luar­poq! Akiniaanani “nigor­ter­poq naalaf­fiup silarlia qimal­lugu”. – Joh 8:57-59.

Jiisusi ilaarsin­naavar­put? Apustili Petrusi ima al­lap­poq: ‘Kristusi an­niar­titaavoq ilis­si pil­lusi, tas­suuna maligas­saqar­til­lusi tumini peq­qis­saar­tumik atuaq­qul­lugit.’ (1 Petr 2:21, NW) Naam­mal­luin­nan­ngitsuugaluarluta im­minut naalak­kersin­naanermut tun­ngatil­lugu Jiisusi peqqissaartumik  ilaarsin­naavar­put. Sooq taamaalior­nis­saq pingaaruteqar­pa?

Jehovamit iluarisaas­sagut­ta im­minut naalak­kersin­naasariaqar­pugut. Aalajaal­luta ukior­pas­suar­ni kif­far­torsimagaluarut­taluun­niit oqaatsivut iliuutsivul­lu aqun­ngik­kutsigit Jehovamut ikin­ngutaajun­naarsin­naavugut.

Mosesi, nalimini “inun­nit nunarsuarmiit­tunit tamanit an­neruniajuin­ner­paasoq”, eq­qarsaatigiuk. (4 Mos 12:3) Ukior­pas­suar­ni israelik­kut naam­magit­taal­lior­tut kamagit­tarfigereerlugit ilaan­ni imermik amigaateqar­ner­tik pil­lugu naam­magit­taal­lioq­qilermata im­minut aqun­nani kamaler­poq. Sak­kor­tuumik oqaluf­figalugit ima oqar­poq: “Naalas­seriitsusi ilis­si, tusaarias­sasusi! Qaarsumit uuman­nga imeq puilalersis­sin­naanerlutigu imis­saqar­tilerlusi?” – 4 Mos 20:2-11.

Mosesi im­minut naalak­kersin­naanermik ersersitsin­ngitsoor­poq. Jehova tupin­nar­tuliorluni imermik tunisineranut qutsavigin­ngilaa. (Tuss 106:32, 33) Tamatuma kinguneranik Jehovap Mosesi nunamut neriorsuutigisamut iseq­qun­ngilaa. (4 Mos 20:12) Ilimanar­poq Mosesip im­minut naalak­kin­ngitsoorsimanini toqus­si tikil­lugu peq­qis­simis­sutigisarsimas­sagaa. – 5 Mos 3:23-27.

Taman­na qanoq ilin­niutigaar­put? Qanorluun­niit sivisutigisumik kif­far­torsimagaluarut­ta uagutsin­nik uumitsatsitsisut naq­qit­tariaqak­kavul­luun­niit ataq­qin­nin­ngitsumik oqaluf­figinaveersaar­tariaqar­pavut. (Ef 4:32; Kol 3:12) Imaas­sin­naasoq utoq­qaliar­torluta peq­qiil­lior­talerut­ta erinitsajuin­nis­saq saper­nar­neruler­toq. Mosesili eq­qaamasariaqar­par­put. Im­minut naalak­kin­ngitsoorluta Jehovamit iluarisaaner­put in­narlerusun­ngilar­put. Taamaat­tumik im­minut naalak­kersin­naanerup ineriar­tor­tin­nis­saa pingaaruteqar­poq. Qanoq taamaaliorsin­naavugut?

Aner­saaq iller­nar­toq qin­nutigisaruk. Sooq? Im­minut naalak­kersin­naaneq Guutip anersaavata inerititaanut ilaam­mat. Jehovap im­minut qinusut anersaaminik tunisar­pai. (Luk 11:13) Im­minut naalak­kersin­naaq­qul­luta anersaani atorlugu pisariaqar­tumik nakus­satsit­tar­paatigut. (Fil 4:13) Aam­ma anersaap inerititaanut ilaasunik al­lanik, soorlu asan­nin­nermik, ineriar­tor­titsinis­samut ikius­savaatigut im­minut naalak­kersin­naanis­sar­put ajor­nan­ngin­nerulersil­lugu. – 1 Kor 13:5.

Imminut naalak­ker­sin­naanis­samut saper­nar­neruler­sitsisut ingalas­simak­kit. As­sersuutigalugu  nit­tar­tak­kat aliik­kutas­sal­luun­niit ileq­qorlun­ner­tal­lit ingalas­simasak­kit. (Ef 5:3, 4) Suul­luun­niim­mi ajor­tulior­nis­samut us­ser­nar­torsior­titsisut ingalas­simasariaqar­pavut. (Uss 22:3; 1 Kor 6:12) As­sersuutigalugu inuk kinguaas­siuutitigut mingun­nar­tulioq­qajaasar­toq aalajangersin­naavoq atuak­kat filmil­lu asan­nin­nilik­kersaarutit ingalas­simaniarlugit.

Siun­nersuutip tamatuma maleruar­nis­saa saper­nar­tis­sin­naavar­put. Ilungersorut­tali Jehovap ikiorluta nukis­saqalersis­savaatigut. (2 Petr 1:5-8) Ikiuineratigut eq­qarsaativut, oqaatsivut iliuutsivul­lu aqus­sin­naas­savavut, soorlu Paul aam­ma Marco, siusin­nerusuk­kut eq­qaaneqar­tut, nakuuseq­qajaasar­nermin­nik aqutsisin­naalersimasut. Qatan­ngut angut al­la biiler­til­luni kamat­tar­poq al­laal­lu oq­qateqateqar­tarluni. Taman­na qaangerumal­lugu susimava? Ima oqar­poq: “Ul­lut tamaasa qaman­nga pisumik qinusar­punga. Im­minut naalak­kersin­naaneq pil­lugu al­laaserisanik atuaq­qis­saar­tar­punga Biibilimilu al­las­simaf­fiit iluaqutaasut alan­ngaar­tarlugit. Naak ukior­pas­suar­ni im­minut naalak­kersin­naanis­sara sulis­sutiginikuugaluarlugu ul­laat tamaasa aalajanger­tar­punga susoqaraluar­pal­luun­niit eq­qis­sisimaan­nas­sal­lunga. Pisas­saqaraangamalu aniaar­niar­tar­punga tuavior­pal­laarumananga.”

Ilaan­nik­kut im­minut naalak­kin­ngitsoor­tarumaar­pugut. Taamaat­toqar­til­lugu Jehovamut qinunis­samut ajuk­kus­sin­naavugut, ikioq­qunis­sar­pul­li aatsaat taama pingaaruteqar­tigaaq. Jehova ingerlaan­naq qin­nuigiuk. Isumak­keerfigeq­qugit, ikioq­qugit taamaalioq­qin­ngin­nis­sal­lu aalajangiusimal­lugu. (Tuss 51:11-13) Nal­lit­toq­qul­lutit qin­nutitit Jehovap ‘tusarumaar­pai’. (Tuss 10:17) Apustili Johan­nesi al­lap­poq Guutip er­nerata ‘aavata tamanik ajor­taajas­sagaatigut’. (1 Joh 1:7; 2:1; Tuss 86:5) Eq­qaamajuk Jehovap kif­fani isumak­keerfigin­nit­tuar­taq­qugai. Taamaat­tumik qularin­ngis­sin­naavar­put nam­mineq taamaalior­tas­sasoq. – Matt 18:21, 22; Kol 3:13.

Mosesip inoqajuitsumi im­minut naalak­kin­ngin­nera Jehovap iluarin­ngilaa. Taamaak­kaluar­torli isumak­keerfigaa. Biibilimi Mosesi angutitut up­perluar­tutut uagutsin­nut maligas­siuisutut eq­qaaneqar­poq. (5 Mos 34:10; Hebr 11:24-28) Mosesip nunamut neriorsuutigisamut iser­nis­saa Jehovap akuerin­ngilaa, siunis­samili nunarsuarmi paratiisimi naas­saan­ngitsumik inuunis­saanut neriuuteqar­tip­paa. Uagut­taaq naas­saan­ngitsumik inuuneq neriuutigisin­naavar­put im­minut naalak­kersin­naaneq ineriar­tor­tik­kutsigu. – 1 Kor 9:25.