JEHOVAP in­nut­taminik ‘ul­luni kingul­ler­ni’ siulersuinera anersaak­kul­lu pilersuinera tamat­ta up­peraar­put. (2 Tim 3:1) Tamat­tali naalan­nis­samik im­mik­kut akisus­saaf­feqar­pugut. Uagut pis­sutsit atuk­kavut Israelik­kut inoqajuitsumi atugaan­nut sanil­liun­neqarsin­naap­put. Taak­kua qarlor­tar­palun­neq tusaraangamik­ku qisuariar­tar­tus­saap­put.

Jehovap Mosesi “sølvimik kaat­tak­kamik” sanaajusunik marlun­nik qarlor­taatilior­tip­paa ‘ilagiin­nik katersuuteq­qusinermut aam­malu tam­maarsimaf­fim­mik qimatseq­qusinermut’ atugas­sanik. (4 Mos 10:2) Palasit as­sigiin­ngitsunik im­mik­kut isumaqar­tunik qarlor­taraangata Israelik­kut qanoq ilior­nis­sar­tik paasisar­paat. (4 Mos 10:3-8) Nalitsin­nit­taaq Guutip in­nut­tai as­sigiin­ngitsutigut siulersor­neqar­tar­put. Taak­kunani pingasut itsaq qarlor­tar­ner­nut as­sersuun­neqarsin­naasut eq­qarsaatigik­kit. Tas­saap­put ataatsimoor­titsiner­nut qaaq­qusineq, nak­kutil­liisunik ilin­niar­titsineq aam­ma ilagiin­nut ilitsersuutinik al­lan­nguineq nutar­terinerluun­niit.

Jehovap ‘ilagiit tamaasa’ Toq­qup Naapeqatigiit­tarfiup isaariaanut kangil­lermut katersuuteq­qugaangagit palasit qarlor­taatit marluk atorlugit qarlor­tar­tar­put. (4 Mos 10:3) Naggueqatigiit tamarmik Toq­qup Naapeqatigiit­tarfiup avataani sisamanut im­mik­koor­tin­neqarlutik tam­maarsimaar­tut tamarmik qarlor­tar­tut tusaasar­paat. Ilaat isaariap ungasin­ngisaaniit­tut minutsialuit ingerlaneran­ni aggersin­naasar­put. Al­lat ungasin­nerulaaramik pif­fis­saq sivisunerusoq nukiil­lu an­ner­tunerusut atorlugit agger­tar­put. Qanorluun­niit ik­kaluar­pat Jehovap kikkut tamaasa ataatsimooq­qusar­pai ilitsersor­neqaq­qul­lugit.

Nalitsin­ni Tupermut Naapeqatigiit­tarfim­mut katersuut­tar­tus­saan­ngilagut, Guutil­li in­nut­taasa ataatsimoor­nerinut qaaq­qusaasar­pugut. Tamak­kunun­nga ilaap­put ataatsimeersuar­nerit pisul­lu al­lat im­mik­kut it­tut pingaarutilin­nik paasis­sutis­siif­fiul­lutil­lu ilitsersuif­fiusut. Jehovap in­nut­tai nunarsuaq tamak­kerlugu as­sigiim­mik ilin­niar­tin­neqar­tar­put. Taamaat­tumik qaaq­qusaasut tamarmik amerlaqisut nuan­naarlutik ataasioqatigiip­put. Ilaat al­lanut naleq­qiul­lugu ungasin­nerusumik angalasariaqar­tar­put. Najuut­tul­li tamarmik oqar­tar­put taman­na im­minut akilersin­naasoq.

Inuil­li avin­ngarusimasumi najugaqar­tut ataatsimoor­nerit iluaqutigisin­naavaat? Aap. Teknologiik­kut ator­toris­saarutit iluaqutigalugit inup­pas­suit avin­ngarusimasumiit­tut ataatsimoor­ner­nut al­lami ingerlan­neqar­tunut malin­naasin­naap­put. As­sersuutigalugu qul­lersaqarfim­mit aal­lar­titaq Beninimi im­mik­koor­tor­taqarfik tikeraarlugu oqalugiarmat inuit il­loqarfim­mi, Arlitimi, inoqajuitsumi Saharami kuus­suup Nigerip eq­qaaniit­tumi najugaqar­tut  inter­netik­kut malin­naatin­neqar­put. Qatan­ngutit tal­limat soqutigin­nit­tul­lu 16-it najuup­put. Naak avin­ngarusimasumi najugaqaraluarlutik inun­nut 44.131-nut najuuteqataasutut misigip­put. Qatan­ngut ataaseq ima al­lap­poq: “Im­mik­kut ataatsimiin­nerup inter­netik­kut malin­naaf­figinis­saa ajor­narun­naarsik­kas­siuk qaman­nga pisumik qujarusup­pugut. Uagutsin­nut asan­ningaar­nersi erserseq­qip­parsi.”

Qarlor­taat ataasiin­naq atorlugu palasi qarlor­taraangat “naalak­kat Israelip naggueqatigiis­sor­taani qul­lersaasut” kisimik Tupermi Naapeqatigiit­tarfim­mi katersuut­tas­sap­put. (4 Mos 10:4) Tas­sani Mosesimit paasis­sutis­sin­neqarlutil­lu ilitsersor­neqar­tar­put. Taman­na naggueqatigiin­ni akisus­saaf­fim­min­nik naam­mas­sin­nil­luar­nis­samin­nut iluaqutigisar­paat. Il­lit naggueqatigiin­ni qul­lersaasuugaluaruit ilungersorlutit najuuk­kusus­sagaluar­pit?

Nalitsin­ni utoq­qaaner­tat Guutip savaataanut ‘naalagaan­ngil­lat’, ilungersorlutil­li paarsisuup­put. (1 Petr 5:1-3) Taamaat­tumik ilin­niar­tin­neqar­nis­samut, as­sersuutigalugu Naalagaaf­fim­mut Kif­far­tor­nermik Ilin­niarfim­mut, qaaq­quneqaraangamik ingerlaan­naq qisuariar­tar­put. Ilin­niarfin­ni taak­kunani utoq­qaaner­tat ilagiin­nut tun­ngatil­lugu akisus­saaf­fim­min­nik qanoq naam­mas­sin­nil­luarsin­naaner­tik ilin­niar­tar­paat. Utoq­qaaner­tat ilin­niar­tin­neqar­nerat pis­sutigalugu ilagiin­niit­tut tamarmik anersaak­kut ineriar­tor­nerusin­naap­put. Il­lit ilin­niarfiit taak­ku najuuf­figisiman­ngik­kaluarlugit najuus­simasut ilik­kak­katik ilagiin­nut iluaqutaasumik ator­tarmatigit iluaqutigisar­patit.

Israelik­kun­ni palasit ilaan­nik­kut ‘navianar­toqar­nera kalerrisaarutigalugu’, imaluun­niit al­lan­ngorar­til­lugu, qarlor­tar­tar­put. Taman­na Jehovap tam­maarsimasunut tamanut nooq­qusineranik paasisitsineruvoq. (4 Mos 10:5, 6) Israelik­kut nuut­tar­nerat aaq­qis­suus­saal­luar­tar­poq, taamaalior­nerli kik­kun­nut tamanut imaan­naan­ngilaq. Ilaasa nuun­nis­sar­tik nangaanar­tis­sin­naavaat. Sooq?

Ilaat misigisimasin­naap­put nooq­qusinerit akulikip­pal­laarlutil­lu tas­san­ngaan­nar­pal­laar­tar­tut. Ilaan­nik­kut ‘nuiaq un­num­miit ul­laamut unin­ngasar­poq’, ilaan­nik­kul­lu “ul­lut marlus­suit qaam­mal­luun­niit ataaseq sivisunerusumil­luun­niit” unin­ngasarluni. (4 Mos 9:21, 22) Israelik­kut qas­seriarlutik nuup­pat? Mosesimik al­lak­kat sisamaan­ni kapitali 33-mi sumiif­fin­nut 40-t mis­saan­niit­tunut nooqat­taar­nerat al­laatigineqar­poq.

Israelik­kut ilaat alan­ngumi tam­maarsimasar­put. ‘Inoqajuitsorsuarmi tujorminar­tumi’ taman­na iluarusun­nar­tarsimas­saaq. (5 Mos 1:19) Taamaat­tumik nuun­nialeraangamik eq­qarsar­tarsimasin­naap­put ajor­nerusumut nuun­nialerlutik.

Naggueqatigiit tamarmik nuun­nialeraangamik ilaasa utaq­qeq­qaar­tariaqar­tar­ner­tik saper­nar­tis­simasin­naavaat. Palasit al­lan­ngorar­tumik qarlor­tar­palun­nerat tamarmik tusaasin­naagaluarlugu ataatsik­koorlutik aal­larsin­naan­ngil­lat. Qarlor­tar­nermi siul­lermi naggueqatigiit kangiatungaaniit­tut, tas­sa Judak­kut, Is­sakarik­kut Zebulonik­kul­lu, aal­lar­tar­put. (4 Mos 2:3-7; 10:5, 6) Aal­lareer­pata palasit aap­pas­saan­nik qarlor­tar­tar­put naggueqatigiit pingasut kujataatungaaniit­tut kalerrin­niarlugit. Taamaalior­nik­kut naggueqatigiit tamak­ker­nis­samik tungaan­nut tul­leriiaarlutik aal­lakaasar­put.

Il­lit­taaq peqatigiis­sor­tatsin­ni al­lan­nguutit ilaan­nik im­maqa akueriuminaatsitaqarsimavutit. Im­maqa al­lan­nguutit amerlaval­laarsoraatit, imaluun­niit aaq­qis­suus­sinerit ilaat nuan­naraatit al­lan­ngorsiman­ngin­nis­saal­lu kis­saatigigaluarlugu. Qanorik­kaluar­pal­luun­niit al­lan­nguuteqar­toqar­neranut naam­magit­tar­nis­sat im­maqa ajor­nakusoor­tis­simavat sivisuumil­lu sungius­siniarsimal­lutit. Sapin­ngisatsin­nil­li ajun­ngitsumik qisuariar­tarut­ta paasis­savar­put taman­na pil­lugu Jehovamit iluarisaal­luta al­lan­nguutil­lu iluaqutigalutigit.

Mosesip nalaani inuit mil­lionil­lit Jehovap inoqajuitsuk­kut siulersor­pai. Isumas­suinera siulersuineralu iluaqutigalugit angutit, ar­nat meeq­qal­lu taak­ku aniguip­put. Nalitsin­ni Jehovap anersaak­kut siulersor­paatigut up­per­nik­kut nukit­tujuarsin­naaq­qul­luta. Taamaat­tumik qanor­toq tamat­ta Israelik­kut aalajaatsut qarlor­tar­ner­nut qisuariar­tar­nerisa ilaar­nis­saat aalajangiusimatigu!