1. Sooq Jehova anaanaasumut milutsitsisumut im­minut as­sersuup­pa?

“AR­NAP puigor­tar­ner­paa qitor­nani milutsitani?” Jehova pruf­fiitip Esajap nalaani taama aperivoq. In­nut­tani ima oqarfigai: “Taak­kuami [milutsitsisut] puigus­sagaluar­pataluun­niit uanga il­lit puigus­san­ngilak­kit.” (Es 49:15) Jehova anaanaasumut as­sersuut­tan­ngik­kaluarluni matumani taamaalior­poq. Anaanaasup meeraatalu at­tavigeqatigiin­nerat as­sersuutigalugu Jehovap kif­faminut asan­ningaar­nini ersersip­paa. Anaanaasut amerlanerit qatan­ngutip Jasminimik atil­lip oqaasii ilisarisin­naavaat: “Milutsitsineq inuuneq naal­lugu atasus­samik meeq­qamut im­mik­kut it­tumik at­taveqalersitsisar­poq.”

2. Jehova kif­fami ilaat qimaguk­kaangat qanoq misigisar­pa?

² Jehovap kif­fami ilaat ataasiin­naal­luun­niit oqaluus­sisarun­naarlunilu ilagiit peqatigisarun­naar­pagit malugisar­paa. Takorlooruk ukiut tamaasa kif­fani tuusintil­lit unit­tooraangata * qanoq an­niaatigingaar­tigisaraa.

3. Jehovap suna kis­saatigaa?

³ Qatan­nguter­pas­suavut asasavut unit­tooq­qasut ilagiin­nut utersimap­put, taman­nalu nuan­naarutigingaar­par­put! Uter­nis­saat Jehovap kis­saatigaa, uagul­lu aam­ma taman­na kis­saatigaar­put. (1 Petr 2:25) Uter­nis­saan­nut qanoq ikiorsin­naavavut? Apeq­qut taman­na akitin­nagu pitsaas­saaq paasigutsigu  sooq ilaat ataatsimiigiar­tarun­naarlutil­lu oqaluus­sisarun­naarsimanersut.

4. Sulif­fik pis­sutigalugu susoqarsin­naava?

⁴ Ilaasa sulif­fitsik aal­lup­pal­laaler­tar­paat. Qatan­ngut angut Hung * Asiami najugalik ima oqar­poq: “Sulival­laarujus­suar­tar­punga. Sianiil­liorlunga isumaqaraluar­punga pigis­saar­neruguma Jehovamut kif­far­torluar­nerusin­naal­lunga. Taamaat­tumik sulinerusaler­punga. Ataatsimiigian­ngitsoor­taler­punga, naggataatigul­lu ilagiit peqatigisarun­naarlugit. Guutimit qimaguk­kiar­tuaar­toqaq­qul­lugu Saatanip silarsuaq ator­paa.”

5. Qatan­ngum­mut ar­namut ajor­nar­torsiuter­pas­suit qanoq sun­niuteqar­pat?

⁵ Qatan­ngutit ilaat ajor­nar­torsiuteqangaar­ner­tik nikal­lus­sutigisar­paat. An­ne Tuluit Nunaan­ni najugalik tal­limanik qitor­naqar­poq. Ima oqalut­tuar­poq: “Er­nera nukarleq ilungersunar­tumik in­narluuteqarluni inun­ngor­poq. Panim­ma ilaat ilagiin­nut ilaajun­naarsitaavoq, er­neralu angajul­leq isumak­kut misigis­sutsik­kul­lu nap­parsimaler­poq. Nikal­lorujus­suangaarama ataatsimiigias­saarlungalu oqaluus­sisarun­naar­punga. Naggataatigul­lu unit­toor­punga.” An­ne ilaqutaalu taak­kunatul­lu ajor­nar­torsior­tut misigin­neqatigaavut.

6. Sooq Kolos­semiut 3:13 maleruan­ngik­kaan­ni Jehovap in­nut­taanit qimaguk­kiar­tuaar­toqalersin­naava?

⁶ Kolossemiut 3:13 atuaruk. Jehovap kif­faasa ilaat up­peqatimin­nit aliasutsin­neqarsimap­put. Apustili Paulusi al­lap­poq ilaan­nik­kut qatan­ngutivut pis­sutis­saqarluta ‘as­suarliutis­saqarfigisarivut’. Al­laat naaper­tuil­luan­ngitsumik pineqarsin­naavugut mianersun­ngik­kut­talu narrutsas­simaalersin­naal­luta. Taama misigisoq Jehovap in­nut­taanit qimaguk­kiar­tulersin­naavoq. Pablop, qatan­ngutip Amerikami Kujal­lermi najugal­lip misigisaa eq­qarsaatigiuk. Eq­qun­ngitsumik un­nerluutigisaavoq, tamatumalu kingunerisaanik ilagiin­ni im­mik­kut pisin­naatitaaf­fini an­naavaa. Qanoq qisuariar­pa? Ima oqar­poq: “Kamap­punga ilagiin­niil­lu qimaguk­kiar­tuaalerlunga.”

7. Ilerasun­neq inum­mut qanoq sun­niuteqarsin­naava?

⁷ Inuk sior­natigut Guutip inatsisaanik unioq­qutitsisimasoq sivisuumik ilerasus­sin­naavoq Guutimil­lu asaneqarsin­naan­ngitsutut misigaluni. Pineqar­toq peq­qis­simil­lunilu nal­lit­tor­neqareeraluarluni Jehovap Nalunaajaasuisa ilaat­tut isigineqar­nis­samut ajuk­kus­sin­naavoq. Qatan­ngut Franciscomik atilik taama misigisoq ima oqar­poq: “Kinguaas­siuutitigut inuunerluk­kama oqaaq­qis­saar­neqar­punga. Tamatuma kingor­na ataatsimiigiar­taraluarlunga nikal­lorujus­suar­punga Jehovamul­lu kif­faanis­samut naleq­qutin­ngitsutut misigalunga. Ilerasun­nerma erloqisip­paanga, isumaqavip­pungalu Jehovap isumak­keerfigin­ngik­kaanga. Naggataatigut ataatsimiigias­saarlungalu oqaluus­sisarun­naar­punga.” Il­lit inuit al­laaserisami matumani eq­qaaneqar­tutut nalaataqar­tut qanoq misigis­suseqarfigaagit? Misigin­neqatigaagit? Pingaar­nerusumil­lu Jehovap taak­ku qanoq misigis­suseqarfigai?

8. Jehovap im­minut kif­far­torsimasut puior­tar­pai? Nas­suiaruk.

⁸ Jehovap im­minut kif­far­torsimasut unit­tooq­qagal­lar­tul­li in­nut­taminik peqateqar­tan­ngitsut puiun­ngilai. Aam­ma kif­far­torsimanerat puiun­ngilaa. (Hebr 6:10) Jehovap  in­nut­taminik isumas­suisar­nera pruf­fiitip Esajap nuan­nersumik ima as­sersuusiaraa: “Savaatini paarsisutut paarai, talerminik katersor­pai; savaaq­qat pak­kup­pai.” (Es 40:11) Savanik Paarsisorsuaq savaatimi ilaat qimaguk­kaangat qanoq misigisar­pa? Jehovap misigis­susii Jiisusip ersersip­pai ajoqersuk­kani ima oqarfigigamigit: “Qanoq isumaqar­pisi? Inuup 100-nik savaateqar­tup taak­kua ilaat ataaseq tam­mar­pat ilai 99-it qaq­qanut qimal­lugit tam­mar­toq ujariar­tus­san­ngin­ner­paa? Naniguniul­lu, ilumut oqarfigaas­si, taan­na 99-init tam­man­ngitsunit nuan­naarutiginerus­savaa.” – Matt 18:12, 13.

9. Biibilip nalaani savanik paarsisuul­luar­tup savaatini qanoq pisar­pai? (Saq­qaani as­siliaq takuuk).

⁹ Sooq Jehovap savanik paarsisumut as­sersuun­neqar­nera naleq­qup­pa? Biibilip nalaani savanik paarsisuul­luar­tup savaatini isumagil­luarusut­tarmagit. As­sersuutigalugu Daavip savaatini il­lersor­niarlugit løveq nanorlu toqup­pai. (1 Sam 17:34, 35) Savanik paarsisuul­luar­tup sava ataasiin­narluun­niit tam­mas­sagaluar­pat malugin­ngitsoor­navian­ngilaa. (Joh 10:3, 14) Savanik paarsisuul­luar­tup savaatini al­lat 99-it ungaluliamut inis­seriarlugit savanil­luun­niit paarsisoqatiminut isumageq­qoriarlugit sava tam­mar­toq ataaseq ujas­savaa. Jiisusi taama as­sersuusior­poq ilumoor­toq pingaarutilik una ilin­niar­titsis­sutiginiarlugu: “Ataatas­si qilan­niit­tup piumasarin­ngilaa min­nin­nguit ukua ilaan­nik ataatsimil­luun­niit tam­mar­toqas­sasoq.” – Matt 18:14.

10. Ezekieli 34:11-16 naaper­torlugit Jehova savaatini tam­mar­tut pil­lugit qanoq neriorsuia?

¹⁰ Jehovap tamat­ta im­mik­kut asavaatigut, aam­ma “min­nin­nguit” ilaat savaatiminit qimagus­simasut asavai. Pruf­fiiti Ezekieli aq­qutigalugu Guuti neriorsuivoq savaatini tam­marsimasut ujar­niarlugit anersaak­kul­lu nakus­satseq­qin­niarlugit. Taak­ku an­naan­niarlugit iliuuseriniak­kani, Israelimi savanik paarsisut savamik tam­mar­toqaraangat  iliuuserisar­tagaanut as­singusut, oqaatigai. (Ezekieli 34:11-16 atuakkit). Siul­ler­tut, savanik paarsisup sava ujas­savaa, naak ujar­nera ilungersunarlunilu sivisusin­naagaluar­toq. Aap­paat­tut, naniguniuk angerlaatis­savaa. Pingajuat­tut, sava ajoqusersimap­pat kaap­pal­luun­niit paarsisup san­ngiil­lisimasoq asan­nil­luni ikius­savaa, ikii mat­tusis­savai, pak­kutis­savaa nerisil­lugulu. Utoq­qaaner­tat, “Guutip savaataanik” paarsisuusut, ilagiin­nit qimagus­simasoq ikior­niarlugu aam­ma taamaalior­tariaqar­put. (1 Petr 5:2, 3) Utoq­qaaner­tat unit­tooq­qasunik ujaasisar­put, nanisatil­lu ilagiin­nut utersin­naaq­qul­lugit ikioriarlugit anersaak­kut pisariaqar­titaan­nik isumas­sor­nerisigut asan­nit­tuliorfigisar­paat. *

11. Savanik paarsisuul­luar­tup suna nalun­ngilaa?

¹¹ Savanik paarsisuul­luar­tup nalun­ngilaa savanik tam­mar­toqarsin­naasoq. Taamaat­tumik sava savaatinit qimagup­pat paarsisup taan­na pil­lar­navian­ngilaa. Guutip kif­fami ilaan­nik tam­maraluar­tunik ikiuinermigut maligas­saal­luar­nera eq­qarsaatigiuk.

12. Jehovap Jona qanoq pivaa?

¹² Pruf­fiitip Jonap im­minut sulias­siis­sutigineqar­toq suliariumanagu qimaavoq. Taamaak­kaluar­toq Jehovap Jona ajat­tun­ngilaa. Savanik paarsisuul­luar­tutut Jehovap Jona an­naal­lugulu sulias­siis­sutiminik naam­mas­sin­nis­sin­naaq­qul­lugu ikior­paa. (Jon 2:8; 3:1, 2) Kingusin­nerusuk­kut Guutip “olivenequt” atorlugu inuit tamarmik im­mik­kut naleqar­neran­nik Jona paasitip­paa. (Jon 4:10, 11) Qanoq ilin­niarfigaar­put? Utoq­qaaner­tat unit­toorsimasoq ajat­tus­san­ngik­kaat. Qimagun­neranul­li pis­sutaasoq paasinias­savaat. Jehovamul­lu uter­pat asan­nit­tuliorfigiuas­savaat.

13. Tus­siaat 73-imik tus­siaasior­tup oqaasiinut Jehovap qisuariar­nera qanoq ilin­niarfigisin­naavar­put?

¹³ Tus­siaat 73-imik tus­siaasior­toq nikal­lor­poq inuit ajor­tut ingerlal­luar­pasit­tut  malugigamiuk. Guutip piumasaatut ilior­tar­neq iluaqutaanersoq qulariler­paa. (Tuss 73:12, 13, 16) Jehova qanoq qisuariar­pa? As­suarinagu taas­suma oqaasii Biibilimi al­latsip­pai. Naggataatigut tus­siaasior­tup paasiler­paa Jehovamut ikin­ngutaaneq sunit tamanit nuan­ner­ner­paajusoq. (Tuss 73:23, 24, 26, 28) Qanoq ilin­niarfigaar­put? Jehovamut kif­far­tor­nerup iluaqutaaneranik qularin­nit­tut utoq­qaaner­tat ajoriniapal­lat­tas­san­ngik­kaat. As­suarinagit taak­ku oqaasiinut pis­susilersor­neran­nul­lu pis­sutaasut paasiniar­tas­savaat. Aatsaat taamaaliorunik Biibili atorlugu qiim­mas­saasin­naap­put.

14. Sooq Elia ikior­neqar­tariaqar­pa, Jehovamil­lu qanoq ikior­neqar­pa?

¹⁴ Pruf­fiiti Elia dron­ningimit Jezabelimit qimaavoq. (1 Kng 19:1-3) Isumaqar­poq Jehovamut pruf­fiitituaalerluni, misigivorlu suliani iluaqutaan­ngitsoq. Nikal­lungaarami toqorusuin­naler­poq. (1 Kng 19:4, 10) Jehovap Elia as­suarinagu kisimiin­ngitsoq, Jehovap pis­saaneranik an­ner­toq­quteqarsin­naasoq sulilu sulias­sar­pas­suaqar­toq up­per­narsaavigaa. Jehovap asan­nil­luni Eliap isumakuluutai tusar­naar­pai al­lamil­lu sulias­sil­lugu. (1 Kng 19:11-16, 18) Qanoq ilin­niarfigaar­put? Tamat­ta Jehovap kif­fai asan­nit­tumik pisas­savavut, ingam­mik utoq­qaaner­tat taamaalior­tas­sap­put. Narrutsaq­qagaluar­pat Jehovamil­luun­niit nal­lit­tor­neqar­nis­samut naleq­qutin­ngitsutut misigigaluar­pat pineqar­tup uum­mam­miuni aniatip­pagit utoq­qaaner­tat taan­na tusar­naarusus­savaat.  Taava Jehovamit asaneqar­neranik qularun­naarsin­nias­savaat.

15. Johan­nesi 6:39 naaper­torlugu Jiisusip Ataatami savaatai qanoq misigis­suseqarfigai?

¹⁵ Jehovap kif­fani qimagus­simasoq pil­lugu qanoq misigis­sasugut kis­saatigaa? Jiisusip maligas­sip­paatigut. Taas­suma nalun­ngilaa Jehovap kif­fani tamaasa asagai, taamaat­tumil­lu ‘Israelik­kun­ni savat tam­marsimasut’ Jehovamut utersin­naaq­qul­lugit sapin­ngisaminik ikior­niar­pai. (Matt 15:24; Luk 19:9, 10) Jiisusi, paarsisutut ajun­ngitsutut, Jehovap kif­faanik aam­ma an­naasaqar­naveersaar­poq. – Johannesi 6:39 atuaruk.

16-17. Sooq utoq­qaaner­tat Jehovamit qimagus­simasunik ikiuerusut­tariaqar­pat? (Takuuk ungalusaq “ Unit­tooq­qasut qanoq misigisin­naasut”).

¹⁶ Apustilip Paulusip Efesosimi ilagiin­ni utoq­qaaner­taasut Jiisusi ilaaq­qul­lugu ima oqarfigai: ‘San­ngiitsut isumagisariaqar­pasi Naalak­kal­lu Jiisusip nam­mineq oqaasii imaat­tut eq­qaamal­lugit: “Tunisineq pil­luar­nar­neruvoq tigusinermit.”’ (ApS 20:17, 35) Erseq­qip­poq tamatumun­nga tun­ngatil­lugu ul­lumik­kut utoq­qaaner­tat im­mik­kut akisus­saaf­feqar­tut. Spaniami utoq­qaaner­taasoq Salvadorimik atilik ima nas­suiaavoq: “Jehovap kif­fani qimagus­simasut qanoq isumas­sorusutsigigai eq­qarsaatigigaangak­ku taak­ku ikior­niarlugit sapin­ngisara tamaat iliuuseqar­niar­tar­punga. Anersaak­kut paarsisutut qularutigin­ngilara Jehovap taak­ku uan­nit isumagitik­kusuk­kai.”

¹⁷ Unit­tooq­qasimagaluar­tut al­laaserisami matumani eq­qaaneqar­tut tamarmik Jehovamut uter­nis­samin­nut ikior­neqar­put. Maan­nak­kor­piarlu aam­ma uterusut­tor­pas­suaqar­poq. Al­laaserisami tul­liut­tumi sukumiinerusumik sam­mineqar­poq taak­ku Jehovamut utersin­naaq­qul­lugit uagut qanoq ikiuisin­naasugut.