1. Jehova kif­fani ataaseq uteraangat qanoq misigisar­pa?

AL­LAASERISAMI matuma siuliani sam­misatsitut Jehova savanik paarsisuul­luar­tumut savaatiminik isumagin­neq­qis­saar­tumut im­minut as­sersuup­poq. Qimagus­simasunil­lu ikiuinis­saminut piareersimajuar­poq. Jehovap Israelik­kut im­minit qimagus­simasut ima oqarfigai: “Uan­nut uter­niaritsi, taava uanga ilis­sin­nut utis­saanga.” (NW) Nalun­ngilar­pul­lu suli taama misigisar­toq, imami oqar­poq: “Al­lan­ngorsiman­ngilanga.” (Mal 3:6, 7) Kif­fani qimagus­simasoq ataasiin­narluun­niit uteraangat Jehova nuan­naangaar­tar­toq in­ngilil­lu nuan­naaqataasar­tut Jiisusip eq­qaavaa. – Luk 15:10, 32.

2. Al­laaserisami matumani suut sam­mis­savavut?

² Jehovamit qimagus­simasut ikior­niarlugit Jiisusip as­sersuusiai pingasut qanoq ilin­niarfigisin­naagivut sam­meriar­tigu. Jehovamit qimagus­simasut ikiorsin­naajumal­lugit pis­suserisariaqak­kavut sam­mis­savavut. Aam­ma paasis­savar­put unit­tooq­qasunik ikiuineq qanoq nuan­naarutaatigisoq.

3-4. Ar­naq Lukasi 15:8-10 eq­qaaneqar­toq sooq drakme tam­maasani naniumal­lugu ilungersor­pa?

³ Jehovamut uterusut­tut nas­saaris­sagutsigit iliuuseqangaar­tariaqar­pugut. Lukasip iivangkiiliuani as­sersuusiaqar­poq. Tamatumani Jiisusip as­sersuusiorluni ar­naq aningaasamik drakmemik naleqangaar­tumik tam­maasaminik ujaasisoq oqalut­tuaraa. As­sersuusiap tamatuma pingaar­ner­taraa ar­nap  aningaasaq naniumal­lugu qanoq ilungersor­tiginera. – Lukasi 15:8-10 atuakkit.

⁴ Ar­nap drakme tam­maasani nas­saarigamiuk misigis­susii Jiisusip oqalut­tuarai. Jiisusip nalaani anaanaasut juutiusut ilaasa panitsik katik­kaangat drakmenik qulinik tunisar­paat. Im­maqa ar­nap aningaasaq taan­na ar­naminik tunis­sutisiaata ilagaat. Ar­nap ilimagigamiuk natermut nak­karsimas­sasoq qul­lilerluni ujaraluar­paa. Aningaasarli mikisoq sølviusoq nas­saarin­ngilaa im­maqa qul­leq qaamanikim­mat. Taava il­lu tamaat saneq­qis­saaler­paa. Aarim­mi sanik­kami akor­nan­ni drakme akisooq qil­laalasoq takuler­paa. Nuan­naajal­langaarami ikin­ngutini sanilinilu nuan­naaqatigiumal­lugit qaaq­quai.

5. Sooq ilagiin­nit qimagus­simasut naniuminaas­sin­naap­pat?

⁵ Soorlu Jiisusip as­sersuusiamini ersersik­kaa tam­maasaq naniumal­lugu ilungersor­toqar­tariaqar­poq. Taamatul­li ilagiin­nit qimagus­simasut nanis­sagutsigit ilungersor­tariaqar­pugut. Unit­toor­neran­niit ukior­pas­suit qaangius­simasin­naap­put. Im­maqalu aam­ma al­lamut nuus­simap­put qatan­ngutinil­lu nuuf­figisaaniit­tunit ilisarisimaneqar­natik. Ilimanarluin­nar­poq maan­nak­kor­piaq unit­tooq­qasut ilaat Jehovamut uterusut­tut. Pal­lorfigin­nin­nermi ilumoor­tumi anersaak­kut qatan­ngutitik peqatigalugit Jehovamut kif­far­toq­qilerusup­put, uagutsin­nil­li ikior­neqar­tariaqar­put.

6. Unit­tooq­qasunik ujarler­nermi ilagiin­niit­tut tamarmik qanoq ikiuus­sin­naap­pat?

⁶ Unit­tooq­qasunik kik­kut ujaaseqataasin­naap­pat? Tamat­ta – utoq­qaaner­tat, pionerit, ilaqutaasut ilagiin­nilu oqaluus­sisar­tut al­lat. Unit­tooq­qasumik ikin­nguteqar­pit ilaqutaqar­pil­luun­niit? Il­lumiit il­lumut al­latul­luun­niit oqaluus­sinin­ni unit­tooq­qasumik naapitsisimavit? Unit­tooq­qasumut naapitan­nut nas­suiaagit pulaar­neqarusup­pat taas­suma adres­sia telefoniatalu normua pil­lugit utoq­qaaner­tat ilisimatis­sin­naagitit.

7. Utoq­qaaner­tap Thomasimik atil­lip oqaasii qanoq ilin­niarfigaagit?

⁷ Jehovamut uterusut­tunik ujaasinermi utoq­qaaner­tat, pingaar­ner­tut akisus­saasut, qanoq iliorsin­naap­pat? Utoq­qaaner­taasoq Thomasimik * atilik Spaniami najugalik qanoq oqalut­tuar­toq malugiuk. Taan­na Nalunaajaasut 40-nit amerlanerusut ilagiin­nut utersin­naaq­qul­lugit ikiorsimavai. Ima oqar­poq: “Siul­ler­tut, unit­tooq­qasut sumi najugaqar­neran­nik paasisaqarumal­lunga qatan­ngutit apersor­tar­pak­ka tamatumin­nga ilisiman­nin­nersut. Oqaluus­sisar­tul­luun­niit aperisar­pak­ka ataatsimiigiar­tarun­naarsimasunik eq­qaamasaqar­nersut. Ilagiin­niit­tut amerlanerit ujaaseqataasutut misigisaramik ikiuerusut­tar­put. Taava qatan­ngutit unit­tooq­qasut pulaaraangak­kit qitor­naat ilaqutaal­lu al­lat apersuutigisar­pak­ka. Unit­tooq­qasut ilaat meeq­qatik ataatsimiigiaqatigisarsimavaat, meeq­qal­lu taak­ku im­maqa aam­ma oqaluus­sisar­tuusimagaluar­put. Aam­ma taak­ku Jehovamut uter­nis­saan­nut ikior­neqarsin­naap­put.”

8. Er­nermik tam­maraluar­tumik as­sersuusiami Lukasi 15:17-24 al­las­simasumi ataataasup er­nini peq­qis­simisoq qanoq pivaa?

⁸ Jehovamut uterusut­tunik ikiuisin­naas­sagut­ta suut pis­suserisariaqar­pavut? Jiisusip er­nermik tam­maraluar­tumik as­sersuusiaa qanoq ilin­niarfigisin­naanerip­put malugiuk. (Lukasi 15:17-24 atuakkit). Jiisusip nas­suiar­paa er­neq silat­tuaqigami angerlar­niarluni  aalajanger­toq. Angutaata er­nini ar­pal­luni naapigiar­paa, eqitaariarlugulu asagini paasitip­paa. Er­neq ilerasungaarluni er­nermik taaneqar­nis­saminut ajuk­kup­poq. Angun­ni misigin­neqataasoq misigis­sutsiminik aniatitsivigaa. Taava ataataasoq er­nini sulisutut pin­nagu ilaqutaasutul­li asaneqar­tutut tikil­luaq­qusaasoq ersersin­niarlugu iliuuseqar­poq, tas­sa nal­liut­torsior­titsivoq er­ninilu peq­qis­simisoq kusanar­tunik atisas­sil­lugu.

9. Unit­tooq­qasut Jehovamut utersin­naaq­qul­lugit ikius­sagutsigit qanoq pis­suseqar­tariaqar­pugut? (Takuuk ungalusaq “ Uterusut­tut qanoq ikior­neqarsin­naasut”).

⁹ Jehova as­sersuusiami ataataasutut ip­poq. Qatan­ngutit unit­tooq­qasut asavai uter­nis­saal­lu kis­saatigalugu. Jehova ilaarutsigu uter­nis­saan­nut ikiorsin­naavavut. Taamaalius­sagut­ta nikal­lujuitsuul­lutalu misigin­neqataal­lutalu asan­nit­tuusariaqar­pugut. Sooq taamatut pis­suseqar­tariaqar­pugut, qanorlu taamaaliorsin­naavugut?

10. Sooq Jehovamut uterusut­tunik ikiuis­sagut­ta nikal­lujuitsuusariaqar­pugut?

¹⁰ Nikal­lujuitsuusariaqar­pugut inuup anersaak­kut peq­qis­siar­tor­nera sivisusin­naam­mat. Unit­tooq­qasimasor­pas­suit nas­suerutigaat utoq­qaaner­tanit ilagiin­niit­tunil­lu al­lanit pulaar­neqaqat­taareerlutik aatsaat Jehovamut kif­far­toq­qilerlutik. Qatan­ngut Nancymik atilik Asiami najugalik ima al­lap­poq: “Qanimut ikin­ngutigisama ilagiin­niit­tup ikiorluaqaanga. Nuk­kamisut asavaanga. Sior­natigut nuan­nisaqatigiit­tar­nitsin­nik eq­qaasit­tar­paanga. Misigis­sutsik­ka eq­qar­toraangak­kit tusar­naaq­qis­saar­tar­paanga siun­nersor­tarlungalu. Qanoq ilisuk­kul­luun­niit ikiueriaan­naanermigut ikin­ngutaal­luar­poq.”

11. Sooq misigis­sutsik­kut an­niaateqar­tut misigin­neqatigisariaqar­pavut?

 ¹¹ Misigin­neqataaneq misigis­sutsik­kut an­niaateqar­tumut katsorsaatitut ip­poq. Unit­tooq­qasut ilaat ukior­pas­suar­ni im­maqa ilagiin­niit­tut ilaan­nut narrutsas­simaq­qap­put. Taama misiginerat Jehovamut uterusus­sin­naaneran­nut akor­nutaasin­naavoq. Im­maqa misigip­put naaper­tuil­luan­ngitsumik pineqarsimal­lutik. Tusar­naar­neqar­nis­sar­tik misigis­sutsimin­nil­lu paasin­nit­tumik pisariaqar­titsip­put. (Jaak 1:19) María unit­tooq­qasimasoq ima oqar­poq: “Tusar­naar­neqar­nis­sara, tup­pal­lersar­neqar­nis­sara, siun­nersor­neqar­nis­sara ikior­neqar­nis­saralu pisariaqar­tip­pak­ka.”

12. Jehovap asan­nin­nera al­lunaasamut qanoq as­sersuun­neqarsin­naava?

¹² Biibilimi Jehovap in­nut­taminik asan­nin­nera al­lunaasamut as­sersuun­neqar­poq. Taman­na qanoq paasisariaqar­pa? As­sersuuteqariar­ta. Takorlooruk imaani mal­lersumi ajunaalersutit put­taqum­mik nalus­sivigineqar­tutit. Soorunami qujamasup­putit put­taan­nar­nis­san­nut iluaqutigigak­ku. An­nas­saguil­li taman­na naam­man­ngilaq. Imaq nil­ler­poq, umiatsiamul­lu ikiguit aatsaat an­nas­saatit. Taamaat­tumik al­lunaasamik nalus­sivigineqarlutit amoor­neqarlutit umiatsiamut ikitin­neqar­tariaqar­putit. Israelik­kut qimagus­simasut pil­lugit Jehova ima oqar­poq: ‘Asan­nin­neq pituutaralugulusooq qajas­suar­tumik uan­nut qanil­lisip­pak­ka.’ (Hos 11:4, Testamentitoqaq) Jehovap ul­lumik­kut im­minut kif­far­torun­naarsimasut ajor­nar­torsiutinik isumakuluutinil­lu ar­torsaateqar­tut taamatut misigis­suseqarfigai. Taak­ku asagini im­minul­lu qanil­lisik­kusuk­kini paasitik­kusup­pai. Jehoval­lu asan­nin­nini uagut aq­qutigaluta ersersis­sin­naavaa.

13. Qatan­ngutigiit­tut asaqatigiin­nerup kimeqas­susianik misigisaqar­toq oqalut­tuariuk.

 ¹³ Unit­tooq­qasut Jehovamit uagutsin­nil­lu asaneqar­neran­nik up­per­narsaaviginis­saat pingaaruteqar­poq. Pablo al­laaserisap matuma siuliani eq­qaaneqar­toq ukiut 30-t sin­nerlugit unit­tooq­qasimavoq. Ima oqalut­tuar­poq: “Ul­laat ilaan­ni uagutsin­niit anisunga qatan­ngutip ar­nap utoq­qaap inus­siar­nersup naapip­paanga asan­nit­tumil­lu oqaluul­lunga. Qis­sasiin­narlunga oqarfigaara misigalunga Jehovap uan­nukar­tis­simagaa. Pif­fim­milu tamatumani Jehovamut uter­niarlunga aalajanger­punga.”

14. Lukasi 15:4, 5-imilu as­sersuusiaq naaper­torlugu savanik paarsisup sava nas­saarigamiuk sua?

¹⁴ Unit­tooq­qasut uagutsin­nit ikior­neqar­tuar­tariaqar­put. Jiisusip as­sersuusiaani er­ner­tut tam­maraluar­tutut misigis­sutsik­kut an­niaateqas­sagunar­put. Ilimanar­porlu Saatanip silarsuaani misigisatik pis­sutigalugit anersaak­kut san­ngiis­sagunar­tut. Jehovamut up­perluar­neruleq­qul­lugit ikior­tariaqar­pavut. Savamik tam­mar­tumik as­sersuusiami Jiisusip oqalut­tuaraa savanik paarsisup sava ersuk­kiul­lugu savaqataanut uter­tik­kaa. Paarsisup pif­fis­sarujus­suaq nukip­pas­suil­lu atorlugit sava tam­mar­toq ujarsimavaa. Nalun­ngilaali nam­mineerluni uter­nis­saminut nukis­saqan­ngim­mat ersut­tariaqarlugu. – Lukasi 15:4, 5 atuakkit.

15. Unit­tooq­qasut Jehovamut uterusut­tut qanoq ikiorsin­naavavut? (Takuuk ungalusaq “ Qup­persagaq iluaqutaal­luar­toq”).

¹⁵ Unit­tooq­qasut san­ngiin­nermin­nik qaangiinis­saan­nik ikius­sagutsigit pif­fis­saqarfigisariaqarlugil­lu nukis­saqarfigisariaqar­pavut. Jehoval­li anersaava, oqaasia ilagiil­lu aq­qutigalugit  Biibililersaarutit atorlugit anersaak­kut nukit­torsin­naaq­qul­lugit ikiorsin­naavavut. (Rom 15:1) Qanoq? Utoq­qaaner­taq misilit­tagaqarluar­toq ima oqar­poq: “Unit­tooq­qasut amerlanerit Jehovamut uter­niarlutik aalajangereeraangata Biibilimik atuaq­qis­saaqatigineqar­tariaqar­tar­put.” * l­l­lit aperineqaruit unit­tooq­qasumik atuaq­qis­saaqateqarsin­naanersutit kajumis­saar­patsigit akuerseq­qul­lutit. Utoq­qaaner­taq aam­ma ima oqar­poq: “Oqaluus­sisar­toq atuaq­qis­saaqatigin­nit­toq ikin­ngutaal­luar­tariaqar­poq, tas­sa unit­tooq­qasup am­maf­figisin­naasariaqar­paa.”

16. In­ngilinit ikior­neqar­tarluta qanoq nalun­ngilar­put?

¹⁶ Misigisar­pas­suar­nit erser­poq unit­tooq­qasunik Jehovamut uterusut­tunik ujaasinitsin­ni in­ngilinit ikior­neqar­tar­tugut. (Saqq 14:6) As­sersuutigalugu Silvio, Ecuadorimeersoq, ilagiin­nut uter­nis­saminut ikior­neqaq­qul­luni qaman­nga pisumik qinuvoq. Suli qinutil­lugu utoq­qaaner­tat marluk matuk­kut sianer­put. Ul­lormi tamatumani pulaar­nermin­ni ikior­taler­paat.

17. Unit­tooq­qasunik ikiuigut­ta qanoq misigis­saagut?

¹⁷ Anersaak­kut san­ngiitsut Jehovamut utersin­naaq­qul­lugit ikiorutsigit nuan­naarutigingaas­savar­put. Salvadorip, pioneriusup unit­tooq­qasunik ikiuiniarluni im­mik­kut iliuuseqar­tar­tup, oqaasii malugik­kit: “Ilaan­nik­kut nuan­naar­nerup pianik qul­lilisar­punga. Jehovap kif­fanik asasanik Saatanip silarsuaanit an­naas­sinerani taas­sumun­nga suleqataasin­naanera nuan­naarutigeqaara.” – ApS 20:35.

18. Unit­tooq­qasuuguit suna qularutigis­san­ngiliuk?

¹⁸ Unit­tooq­qasuuguit qularutigis­san­ngilat Jehovap suli asagaatit. Im­minut uter­nis­sat kis­saatigaa. Taas­sumun­nga utis­saguit iliuuseqar­tariaqar­putit. Jiisusip as­sersuusiaani ataataasutut er­nermi uter­nis­saanut alaatsinaat­tutut Jehovap il­lit uter­nis­sat qilanaaraa, tikil­luaq­qungaas­savaatil­lu.