1. Guutimik mianerin­nin­neq suua, taman­nalu sooq Jehovamik asan­nit­tunut pisariaqar­pa?

KRISTUMIUT Guuti asavaat mianeralugulu. Guutimik mianerin­nin­nerup pingaaruteqas­susia al­laaserisami sam­mis­savar­put. Guutimil­li mianerin­nin­neq qanoq paasisariaqar­pa? Guutimik mianerin­nit­tut Guuti ilumoorlutik ataq­qivaat. Ataatamik qilam­miusup iluarin­ngisaanik iliorusun­ngil­lat taas­sumun­nga ikin­ngutaaner­tik pingaar­tik­kamik­ku. – Tuss 111:10; Uss 8:13.

2. Kun­ngip Daavip oqaasii Tus­siaat 86:11-mi al­las­simasut tun­ngavigalugit suut marluk eq­qar­tus­savavut?

² Tussiaat 86:11 atuaruk. Al­las­simaf­fim­mi tamatumani erser­poq Guutimik mianerin­nin­nerup pingaaruteqas­susia kun­ngip Daavip paasisimagaa. Oqaatsit taak­ku malil­lugit qanoq inuusin­naanersugut maan­na sam­meriar­tigu. Siul­ler­tut Guutip aq­qanik mianerin­nin­nis­samut pis­sutaasut misis­sus­savavut. Kingor­na eq­qar­tus­savar­put Guutip aq­qanik ataq­qin­ningaar­ner­put inuunitsin­ni qanoq ersersis­sin­naanerip­put.

3. Mosesip misigisani suna Guutip aq­qanik mianerin­nit­tuar­nis­saminut iluaqutigisimas­savaa?

³ Mosesi takorruuisin­neqarluni Jehovap naalan­nas­susia takugamiuk qanoq misigisimas­sanersoq takorlooruk. Taman­na Jiisusip nunarsuarmiin­nera sioq­qul­lugu inuit misigisimasaan­nit tamanit tupin­nar­ner­paajusimagunar­poq! Oqaatsit uku im­maqa in­ngilimit oqaatigineqar­tut Mosesip tusaavai: “[Jehova, Jehova] tas­sa Guuti nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq.  Ilumoor­nermik atatitsisoq kinguaariis­soqatigiin­ni tuusintini ataatsini, pisuus­suser­nik unioq­qutitsiner­nil­lu ajor­tulianil­lu isumak­kiisoq.” (2 Mos 33:17-23; 34:5-7) Guutip aq­qa, Jehova, atoraangamiuk misigisani taan­na Mosesip eq­qaasarsimas­savaa. Tupin­nan­ngitsumik kingor­na Israelik­kut peq­quai ‘Guutip aq­qa naalan­nar­toq mianer­nangaar­torlu’ mianeris­sagaat. – 5 Mos 28:58, Testamentitoqaq.

4. Jehova qanoq ataq­qinerulersin­naavar­put?

⁴ Guutip aq­qa eq­qarsaatigigaangatsigu Jehovap kinaas­susilit­tut qanoq it­tuunera aam­ma eq­qarsaatigisas­savar­put. Pis­susii eq­qarsaatigisas­savavut, soorlu pis­saanera, ilisimas­susia, naaper­tuil­luar­nera asan­nin­neralu. Taamaaliorut­ta Jehova ataq­qinerulis­savar­put. – Tuss 77:12-16.

5-6. (a) Guutip aq­qa qanoq isumaqar­pa? (b) Mosesimik al­lak­kat aap­paat 3:13, 14-ilu aam­ma Esaja 64:7 naaper­torlugit Jehova qanoq iliorluni pisoqar­titsisar­pa?

⁵ Guutip aq­qata isumaa pil­lugu suna nalun­ngilar­put? Ilisimatuut amerlasuut isumaqar­put atip Jehovap isumaa tas­saar­pasit­toq ‘sun­ngorsin­naasorluun­niit’ aam­ma ‘sun­ngor­titsisin­naasorluun­niit’. Taman­na Jehovap piumasaminik qanorluun­niit naam­mas­sin­nik­kumaar­neranik aam­ma qanorluun­niit pisoqar­titsisin­naaneranik uagutsin­nut eq­qaasitsis­sutaavoq. Qanoq?

⁶ Jehova piumasaminik naam­mas­sin­nin­niarluni pisariaqar­toq naaper­torlugu sun­ngorsin­naanermigut pisoqar­titsisar­poq. (2 Mosesi 3:13, 14 atuakkit). Oqaaseq hebræerisooq “Tas­saavunga uangaasoq”-mik nutser­neqar­toq aam­ma ima nutser­neqarsin­naavoq: “Sun­ngorusun­nera naaper­torlugu taamaalis­saanga.” Guutip pis­susaata tupin­naqisup tamatuma eq­qarsaatiginis­saanut Biibililersaarutitsin­ni eq­qaasin­neqar­tar­pugut. Aam­ma piumasani naam­mas­siumal­lugu kif­fanilu naam­mal­luin­nan­ngitsut kif­far­toq­qul­lugit taak­ku pisariaqar­tumik pigin­naan­ngorsarsin­naavai. (Esaja 64:7 atuaruk). Taamaalior­nermigut Jehovap siuner­tani naam­mas­sisar­paa. Unitsin­neqarsin­naan­ngivip­poq. – Es 46:10, 11.

7. Ataatatsin­nut qilam­miusumut qanoq qujamasun­nerulersin­naavugut?

 ⁷ Ataatatsin­nut qilam­miusumut qujamasun­neruler­tar­pugut taas­suma suliai aam­ma naam­mas­sisaqaq­qul­luta uagutsin­nik qanoq pigin­naan­ngorsaasarsimanera eq­qarsaatigeq­qis­saaraangatsigit. As­sersuutigalugu pin­ngor­titai eq­qarsaatigigaangatsigit Jehovap suliai tamaasa tupigusuutigiler­tar­pavut. (Tuss 8:4, 5) Piumasaminul­lu naaper­tuut­tumik iliuuseqar­nitsin­ni naam­mas­sin­nis­sin­naaq­qul­luta ikiuisimanera eq­qarsaatigeq­qis­saaraangatsigu Jehova ataq­qinerungaaler­tar­par­put. Aap, Jehovap aq­qa mianer­nangaar­poq! Ataatat­tami qanoq it­tuuneranut, suliaanut naam­mas­siumaagaanul­lu tamanut at­tuumas­suteqar­poq. – Tuss 89:9.

8. Mosesimik al­lak­kat tal­limaat 32:2, 3-lu naaper­torlugit Jehovap atini pil­lugu suna kis­saatigaa?

⁸ Israelik­kut nunamut neriorsuutigisamut isin­ngitsiar­tut Jehovap Mosesi erinarsugas­siamik ilin­niar­tip­paa. (5 Mos 31:19) Jehoval­lu peq­qusineratigut Mosesip erinarsugas­siaq taan­na Israelik­kun­nut ilin­niar­titsis­sutigaa. (5 Mosesi 32:2, 3 atuakkit). Versit 2 aam­ma 3 eq­qarsaatigeq­qis­saarutsigit paasis­savar­put Jehovap atini iser­tuuk­kusun­ngik­kaa. Kis­saatigin­ngilaa inuit eq­qarsas­sasut atimi ator­neqar­nis­saa il­ler­nar­pal­laar­toq. Kik­kun­nil­li tamanit ilisimaneqar­nis­saa kis­saatigaa! Jehova taas­sumalu aq­qa naalan­nangaar­toq pil­lugit Mosesip ilin­niar­titsinera Israelik­kun­nut nuan­naarutaangaarsimas­saaq. Mosesip ilin­niar­titsis­sutaa ‘narsani qorsuusuni sialut­tut’ up­per­nik­kut nakus­satsis­sutigalugulu qiim­maal­laatigaat. Uagut ilin­niar­titsinit­ta taamatut sun­niuteqar­nis­saa qanoq qulak­keersin­naavar­put?

9. Jehovap aq­qanik qanoq il­ler­narsisitseqataasar­pugut?

⁹ Oqaluus­sinitsin­ni Guutip aq­qa, Jehova, Biibilimi takutis­sin­naavar­put. Biibililersaarutivut Jehovamik ataq­qinarsisitsisut, ilaatigut filmiutivut torral­lataasut nit­tar­tak­katsin­nilu al­laaserisat nuan­nersut, takutis­sin­naavavut. Sulif­fim­mi, atuarfim­mi imaluun­niit angalatil­luta Guutit­ta asasat­ta eq­qar­tor­nis­saanut periarfis­sarsiorsin­naavugut. Jehovap inun­nut nunarsuarmul­lu siuner­taa pil­lugu oqaloqatigisin­naavavut. Taamaalil­lutik im­maqa aatsaavis­suaq paasilis­savaat Jehovap qanoq asatigigaatigut. Ataatar­put asan­nit­toq pil­lugu ilumoor­tunik siaruar­terigaangat­ta Jehovap aq­qanik il­ler­narsisitseqataasar­pugut. Inuit paasilis­savaat taan­na pil­lugu sal­luliuuter­pas­suar­nik ilin­niar­titaasimal­lutik. Ilin­niar­titsis­sutit Biibilimeersut nuan­nersut inun­nut neqeroorutigaavut. – Es 65:13, 14.

10. Guutip inatsisaanik atuaq­qis­saaqatigisar­tak­katsin­nut ilin­niar­titsineq sooq naam­man­ngila?

¹⁰ Biibilimik atuaq­qis­saaqatigisar­tak­kavut Jehovap aq­qanik ilisiman­niler­nis­saan­nut atuisaler­nis­saan­nul­lu ikiorusup­pavut. Aam­ma Jehovap qanoq pis­suseqar­neranik ilin­niar­tik­kusup­pavut. Guutip ilitsersuutaanik, najoq­qutas­siaanik maleruagas­siaanil­lu paasititsinerin­nak­kut taman­na angus­savar­put? Imaas­sin­naasoq soqutigin­nit­tup Guutip inatsisai ilik­karlugil­lu nuan­narilerai. Asan­nin­ninili kajumis­sis­sutigalugu Jehova naalas­savaa? Eq­qaamas­savar­put Evap Adamil­lu Guutip inatsisai ilisimagaluarlugit Jehova qaman­nga pisumik asan­ngik­kaat. (1 Mos 3:1-6) Tas­sa Guutip piumasaqaataanik najoq­qutas­siaanil­lu naaper­tuil­luar­tunik ilin­niar­titsineq naam­man­ngilaq.

11. Guutip inatsisaanik ilin­niar­titsigaangat­ta ilin­niar­titavut Guutimik asan­niler­nis­saan­nut qanoq ikiorsin­naavavut?

¹¹ Jehovap piumasaqaatai najoq­qutas­siaalu iluaqutaajuaan­nar­put. (Tuss 119:97, 111, 112) Taman­nali Biibilimik atuaq­qis­saar­tar­tup up­periuminaatsis­sin­naavaa paasin­ngik­kuniuk Jehova asan­nin­nini pis­sutigalugu inatsisiliorsimasoq.  Taamaat­tumik ima aperisarsin­naavugut: “Il­lit isum­mat naaper­torlugu sooq Guutip kif­fani taama peq­quai imaluun­niit peq­qun­ngilai? Jehovap pis­susii sorliit tamatumani erser­pat?” Jehovamik eq­qarsaatigin­nin­nis­saan­nut taas­sumalu aq­qanik il­ler­nar­tumik asan­niler­nis­saan­nut ikiorutsigit atuaq­qis­saaqatigisar­tak­kat­ta kil­lin­nis­saat ilimanar­nerus­saaq. Guutip inatsisai nuan­nariliin­nar­nagit aam­ma Guuti asalis­savaat. (Tuss 119:68) Up­per­nermik­kut ineriar­tus­sap­put, taman­nalu in­ner­tut it­tunik misilin­neqalerunik piner­tusaar­nis­samin­nut iluaqutigis­savaat. – 1 Kor 3:12-15.

12. Qanoq kun­ngip Daavip Jehova uum­mam­migut iluun­ngarluni mianerin­ngitsoor­paa, kinguneralu suua?

¹² Tus­siaat 86:11-mi pingaarutilim­mik ima kajumis­saar­neqar­pugut: “Uum­matima il­lit aq­qit kisiat mianeriliuk.” Kun­ngip Daavip oqaatsit taak­ku isumas­sarsisitaal­luni al­lap­pai. Inuunermini Daavip paasisimavaa Jehovap iluarin­ngisaanik ilior­nis­saq qanoq ajor­nan­ngitsigisoq. Taamaal­luni il­lumi qalianiitsil­luni angutip al­lap nulia uf­far­toq takuler­paa. Tas­sani Daavip uum­matik­kut iluun­ngarluni Jehova mianerivaa? Jehovap najoq­qutas­siaa una ilisimal­luaraluar­paa: ‘Pileritsaatis­san­ngilat tul­livit nulia.’ (2 Mos 20:17) Taamaat­torli alar­nagu isigiin­nalersimagunaramiuk marloqiusamik uum­mateqaler­poq. Jehovamit iluarineqarusup­poq aap­paatigul­lu Batseba pilerigalugu. Naak Jehova ukior­pas­suar­ni asal­lugulu mianerisimagaluarlugu nam­minis­sarsiorluni Daavi ajor­tulior­poq. Jehovap aq­qa kan­ngunarsar­paa inuil­lu pisuus­suteqan­ngitsut, soorlu ilaqut­tani, ingasat­tumik ajoquserlugit. – 2 Sam 11:1-5, 14-17; 12:7-12.

13. Qanoq nalun­ngilar­put Daavi marloqiusamik uum­mateqarun­naarsimasoq?

¹³ Jehovap Daavi perorsaatis­sip­paa, Daavilu Jehovamut at­taveqarluaq­qiler­poq. (2 Sam 12:13; Tuss 51:4-6, 19) Marloqiusamik uum­mateqaler­nermi kingunerisaanik naal­liuutigisimasani an­niaatigisimasanilu Daavip eq­qaamavai. Tus­siaat 86:11 ima aam­ma nutser­neqarsin­naavoq: “Uum­matiga ataasiulersiguk.” (NW) Jehovap Daavi ikiorlugu uum­mataa ataasiulersip­paa? Aap, kingor­nami Oqaatsimini al­latsitsivoq Daavi ‘uum­mam­migut iluun­ngarluni Jehovamut Guutimut ilumoor­toq.’ – 1 Kng 11:4; 15:3.

14. Im­minut qanoq aperisariaqar­pugut, aam­ma sooq?

¹⁴ Daavip misigisaa qiim­maal­lan­narlunilu eq­qarsaal­lan­nar­poq. Ingasat­tumik ajor­tulior­nera nalitsin­ni Guutip kif­faanut mianersoq­qus­sutaavoq. Qanorluun­niit sivisutigisumik Jehovamut kif­far­torsimagaluarut­ta tamat­ta  im­minut ima aperisariaqar­pugut: ‘Saatanip marloqiusamik uum­mateqalersin­niarlunga ilungersor­nera akior­para?’

15. As­sinik kinguaas­siuutitigut pileris­susipiloqalersitsisunik takusaqarut­ta Guutimik mianerin­nin­neq qanoq il­lersuutigis­savar­put?

¹⁵ As­sersuutigalugu fjer­nsynik­kut inter­netik­kul­luun­niit as­sinik kinguaas­siuutitigut pileris­susipiloqalersitsisin­naasunik takusaqaruit qanoq qisuarias­savit? Tamatuma por­nografiiun­ngin­neranik im­minut isumaqalersin­nis­saq ajor­nan­ngitsuararsuusin­naavoq. Taman­nali sak­koralugu Saatanip uum­matit marloqiusan­ngor­tin­niarsaraa? (2 Kor 2:11) As­seq taan­na pileris­susipiloqalersitsisoq ulimaam­mut as­sersuun­neqarsin­naavoq. Angutip or­piup kanaar­taa qupiumal­lugu ulimaat kap­put­tar­paa. Kap­pun­neruleriar­tuaar­nerani or­piup kanaar­taata qup­paa al­liar­tor­tar­poq naggataatigul­lu qupil­luni. As­sit taamaat­tut ulimaatip kiinaanut as­singusin­naap­pat? As­sinik taamaat­tunik isigin­naar­neq aal­laq­qaam­mut navianar­pasin­ngik­kaluar­toq Jehovamut ajor­tulior­nermik kinguneqar­titsisin­naavoq. Taamaat­tumik uum­mativit ajor­tunik im­mersor­neqar­nis­saa itigar­tiguk! Jehovap aq­qa kisiat uum­matik­kut mianeriuk!

16. Ajor­tumik ilior­nis­samut us­ser­nar­torsiorut­ta qanoq im­minut aperis­saagut?

¹⁶ As­sit kinguaas­siuutitigut pileris­susipiloqalersitsisut saniatigut Saatanip al­lar­pas­suar­tigut aam­ma us­ser­nar­torsior­tit­tar­paatigut. Qanoq qisuariar­tar­pugut? Tamak­ku taama ajor­tigin­ngin­neran­nik isum­mer­nis­saq ajor­nan­ngitsuararsuuvoq. As­sersuutigalugu eq­qarsarsin­naavugut: ‘Taamaalioruma ilaajun­naarsitaanavian­ngin­nama ajor­navian­ngilaq.’ Taamatut eq­qarsar­neq ajorluin­nar­tuuvoq. Im­minut ima aperigut­ta pitsaanerus­saaq: ‘Saatanip us­ser­nar­tut sak­koralugit uum­matiga marloqiusan­ngor­tin­niarsaraa? Pileris­susipalaat nak­kaan­narfigiguk­kit Jehovap aq­qa  kan­ngunarsas­savara? Guutimut qanin­nerulis­sutigis­savara imaluun­niit ungasin­nerulis­sutigis­savara?’ Apeq­qutit taamaat­tut eq­qarsaatigeq­qis­saar­tak­kit. Un­neq­qaril­lutit akisin­naanias­sagak­kit ilisimas­suseq qin­nutigiuk. (Jaak 1:5) Taamaalior­neq il­lersuutaangaarsin­naavoq. Us­ser­nar­tunik itigar­titsil­luin­nar­nis­san­nut iluaqutigisin­naavat, soorlu Jiisusi taamaaliorsimasoq oqarluni: “Nigorit, Saatani!” – Matt 4:10.

17. Sooq marloqiusamik uum­mateqar­neq ajor­tuua? As­sersuuteqarit.

¹⁷ Marloqiusamik uum­mateqar­neq ajor­tuuvoq. Eq­qarsaatigiuk timersor­tar­toqatigiit ikioqatigiin­ngitsut. Ilaasa ataq­qinaat kisimik pigerusup­paat ilaasalu malit­tarisas­sat malik­kusun­nagit, al­lal­lu sungiusaasoq ataq­qin­ngilaat. Timersor­tar­toqatigiit taamaat­tut ajugaanis­saat ilimanan­ngilaq. Akerlianik timersor­tar­toqatigiit ataasioqatigiit­tut iluatsitsinis­saat ilimanar­neruvoq. Eq­qarsaatitit, kis­saatitit misigis­sutsitil­lu tamak­kerlugit Jehovamut kif­far­toruit uum­matit timersor­tar­toqatigiin­nut iluatsitsil­luar­tunut as­sersuun­neqarsin­naas­saaq. Eq­qaamajuk Saatanip marloqiusamik uum­mateqalersik­kusungaaraatit. Kis­saatigaa Jehovap kis­saataanut akerliusunik eq­qarsaateqas­sasutit, kis­saateqas­sasutit misigis­suseqas­sasutil­lu. Uum­matik­kul­li iluun­ngarlutit Jehovamut kif­far­tor­nis­sat pisariaqar­poq. (Matt 22:36-38) Uum­matit Saatanimit marloqiusan­ngor­tin­neqar­tin­ngisaan­naruk!

18. Mika 4:5 naaper­torlugu sunis­sat aalajangiusimal­luin­nar­piuk?

¹⁸ Daavitut Jehovamut ima qinugit: “Uum­matima il­lit aq­qit kisiat mianeriliuk.” Qin­nutit inuunin­ni malin­niarlugu ilungersorit. Qanorluun­niit aalajangigas­saqaraangavit Jehovap aq­qata il­ler­nar­tup ataq­qinarsisin­neqar­nis­saa ul­lut tamaasa aalajangiusimal­luin­narlugu takutit­taruk. Taamaalioruit Jehovamik Nalunaajaasut ilaat­tut ateq taan­na tusaamaneqarlualersis­savat. (Uss 27:11) Tamat­talu pruf­fiiti Mika isumaqatigalugu ima oqarsin­naas­saagut: ‘Uagut Jehovap Guutit­ta aq­qani naas­saan­ngil­luin­nar­tumik inuujumavugut.’ – Mika 4:5, NW.