Paulusi ima al­lap­poq: “Inatsisitigut inatsisinut toquvunga Guutimut inuus­sal­lunga.” – Gal 2:19.

Oqaatsit taak­ku Paulusip Galatiami, Romamiut naalagaaf­fis­suan­niit­tumi, ilagiin­nut al­lagaani ilin­niar­titsis­sutigineqar­tumut pingaarutilim­mut at­tuumas­suteqar­put. Kristumiut tas­saniit­tut ilaat ajoqersuinerlut­tunit sun­ner­tis­simap­put. Ajoqersuinerlut­tut isumaqar­put Mosesip inatsisaanik, ingam­mik kipineqar­nermik inatsim­mik, maleruaanik­kut aatsaat an­nat­toqarsin­naasoq. Paulusil­li nalun­ngilaa Guutip kipineqar­neq piumasariun­naarsimagaa. Tun­ngavilersuil­luarluni ajoqersuinerluutit eq­qun­ngitsuunerat up­per­narsar­paa qatan­ngutil­lu Jiisusip Kristusip uter­titsis­sutitut pil­liutaanik up­perin­nin­nerulersil­lugit. – Gal 2:4; 5:2.

Biibilimi erseq­qis­sumik ilin­niar­titsis­sutigineqar­poq inuk toqugaangami sianigisaarut­tar­toq sun­ner­neqarsin­naajun­naar­tar­torlu. (Oqal 9:5) Paulusi al­lak­kami ‘inatsisinut toqul­luni’ pivaa Mosesip inatsisai im­minut sun­niuteqarun­naar­tut, tas­sa im­minut atuuk­kun­naar­tut. Paulusip uter­titsis­sutitut pil­liut iluaqutigalugu ‘Guutimut inuulersimal­luni’ qularin­ngil­luin­nar­paa.

Taamatut al­lan­ngor­neq “inatsisitigut” pivoq. Qanorli paasisariaqar­pa? Paulusip nas­suiareer­paa inuk “kinaluun­niit inatsisit suliareq­qusaasigut iluar­tuutitaasin­naan­ngitsoq kisian­nili aatsaat Jiisusi-Kristusimut up­per­nik­kut”. (Gal 2:16) Inatsisil­li pingaarutilim­mik siuner­taqar­put. Paulusip Galatiamiut ima al­lal­luni nas­suiaap­pai: “Tapilius­satut ilan­ngus­saap­put unioq­qutitsinerit pil­lugit, kinguaas­sal­li neriorsuif­figineqar­tup tikiun­nis­saata tungaan­naanut atuut­tus­saal­lutik.” (Gal 3:19) Aap, Mosesip inatsisai iluaqutigalugit paasinarsisimavoq inuit naam­mal­luin­nan­ngitsut Inatsisit taak­ku tamak­kiisumik maleruarsin­naan­ngik­kaat pil­liul­lu naam­mal­luin­nar­toq pisariaqar­tik­kaat. Taamaat­tumik Inatsisit iluaqutigalugit inuit paasisin­naavaat ‘kinguaas­saq’ tas­saasoq Jiisusi Kristusi. Taan­na up­perigunik­ku Guutimit ‘iluar­tuutin­neqarsin­naap­put’, tas­sa naaper­tuil­luar­tuutin­neqarsin­naap­put. (Gal 3:24) Paulusi naaper­tuil­luar­tuutin­neqar­poq Inatsisit iluaqutigalugit Jiisusi up­perigamiuk. Taamaalil­luni Paulusi ‘inatsisinut toquvoq’ ‘Guutimul­lu inuulerluni’. Paulusimut sun­niuteqar­toq tas­saaler­poq Guuti, Inatsisit pin­natik.

Tamatumun­nga as­singusumik Paulusi Romamiunut ima al­lap­poq: “Qatan­ngutik­ka, inatsisinit toquvusi Kristusip timaagut ... Inatsisinit peersitaavugut toqul­lutalu sior­natigut napititaaf­fitsin­nit.” (Rom 7:4, 6) Al­las­simaf­fim­mi tamatumani aam­ma Galatiamiut 2:19-imi Paulusip pin­ngilaa Mosesip inatsisai tun­ngavigalugit ajor­tulior­tutut toqumut pil­lagas­saatitaaneq. Aniguisitaanerli pivaa. Inatsisit taak­ku Paulusimut up­peqataanul­lu atuuk­kun­naar­put. Kristusip uter­titsis­sutitut pil­liutaa up­perigamik­ku aniguisitaap­put.