ATUAQQISSAAGASSAQ 25
“Minninnguit” ajuallatseqinagit
“Minninnguit ukua ilaat nikageqinasiuk!” – MATT 18:10.
ERINARSUUT 90 Qiimmassaqatigiitta
QILANAARTUUT *
1. Uagut tamatta immikkut pilluta Jehova qanoq iliuuseqarsimava?
JEHOVAP tamatta immikkut imminut kajungilersissimavaatigut. (Joh 6:44) Tamanna qanoq isumaqartoq eqqarsaatigiuk. Silarsuarmi matumani inuit milliardillit misissortillugit ilinni erlinnartumik takusaqarsimavoq, tassa uummat ajunngitsoq imminik asannilersinnaasoq. (1 Nal 28:9) Jehovap illit nalunatillu paasillutillu asavaatit. Qiimmaallannassusia!
2. Jehovap savaatini immikkut tamaasa soqutigigai Jiisusip assersuusiaani qanoq erserpa?
2 Jehovap ilinnik asanningaarnermisut aamma uppeqatitit asavai. Jiisusip tamanna erseqqissarpaa Jehova savanik paarsisumut assersuukkamiuk. 100-nik savaateqaruni ataaserlu tammarpat savanik paarsisoq qanoq iliussava? ‘99-it qaqqanut qimallugit tammartoq ujariartussavaa.’ Savalu tammartoq nassaariguniuk kamaannagu nuannaassaaq. Tassa Jehovap savat immikkut tamaasa pingaartippai. Jiisusi ima oqarpoq: “Ataatassi qilanniittup piumasarinngilaa minninnguit ukua ilaannik ataatsimilluunniit tammartoqassasoq.” – Matt 18:12-14.
3. Allaaserisami matumani suut sammissavagut?
3 Uppeqatitsinnik kimilluunniit nikallortitserusunngilagut. Qanorli mamiatsatsitsinaveersaarsinnaavugut? Aamma ajuallatsinneqarsimagutta susinnaavugut? Apeqqutit taakku allaaserisami Matthæusip iivangkiiliuani kapitali 18-imi allaatigineqartut kikkuunersut paaseqqaariartigu.
matumani sammissavagut. Siullertulli “minninnguit”“MINNINNGUIT” KIKKUUPPAT?
4. “Minninnguit” kikkuuppat?
4 “Minninnguit” taakku tassaapput Jiisusip ajoqersugai qanorluunniit ukiullit. Tamarmik Jiisusimit ilinniartinneqarusukkamik “meerannguatut” ipput. (Matt 18:3) Tunuliaquttamikkut, kulturimikkut, isiginnittaatsimikkut inuttullu assigiinngitsuugaluarlutik tamarmik Kristusimut upperput. Kristusillu taakku asangaarpai. – Matt 18:6; Joh 1:12.
5. Jehova innuttami ilaat mamiatsatsinneqaraangat qanoq misigisarpa?
5 “Minninnguit” taakku tamarmik Jehovamit erligineqarput. Tamanna paasiumallugu meeqqat qanoq misigissuseqarfigisarigut eqqarsaatigiuk. Asavagut. Inersimasutut nukittutiginatillu misilittagaqarnatillu ilisimassuseqanngimmata illersorusuttarpagut. Inuk ajortumik pineqaraangat nuanniilliortarpugut, ajortumillu pineqartoq meeraagaangat nuanniilliornerusarpugut, immaqalu allaat kamangaarluta. Tamatumunnga assingusumik Jehovap illersorusuttarpaatigut, aamma innuttami ilaat mamiatsatsinneqaraangat ajortumilluunniit pineqaraangat kamattarpoq. – Es 63:9; Mark 9:42.
6. Korinthimiunut allakkat siulliit 1:26-29 naapertorlugit Jiisusip ajoqersugai silarsuarmit qanoq isigineqarpat?
6 Jiisusip ajoqersugai qanoq aamma ‘minninnguatut’ ippat? Eqqarsaatigiuk Saatanip silarsuaani kikkut pingaartinneqartartut. Tassa pisuut, tusaamasat pissaanillillu. Jiisusilli ajoqersugai amerlanerit taamaattuunnginnamik ‘minninnguatut’ isigineqartarput. (1 Korinthimiut 1:26-29 atuakkit). Jehovalli taamatut isiginngilai.
7. Jehovap uppeqatitsinnut qanoq misigissuseqaqquaatigut?
7 Jehovap kiffani, qanorluunniit sivisutigisumik kiffartorsimagaluarpata, tamaasa asavai. Uppeqatigut tamarmik Jehovamit pingaartinneqarmata uaguttaaq pingaartittariaqarpagut. Qatanngutit tamaasa, imaanngitsoq ilaannaat, asallugit ersersitsivigerusuppagut. (1 Petr 2:17) Illersorniarlugit isumassorniarlugillu sapinngisatsinnik iliuuseqarusuppugut. Paasigutsigu taakkua ilaannik ajuallatsitsisimalluta mamiatsatsitsisimallutaluunniit tamanna sianiginngitsuusaarlugu isummissanngilagut inuk taanna malussarippallaartoq qaangertariaqaraalu. Sooq mamiatsassimasinnaava? Qatanngutit ilaasa tunuliaquttatik pissutigalugit imminut nikagipput. Allat uppilerlaajugamik uppeqatimik kukkussutaannik isumakkeerfiginninnissaq suli ilikkarsimanngilaat. Pissutsit qanorluunniit ikkaluarpata sapinngisatsinnik eqqisseqatigiinniartariaqarpugut. Aammami inuup ajuallajasup paasisariaqarpaa ajuallajaneq pissusiusoq nuanniitsoq allannguisariaqarlunilu. Taamaalioruni nammineq qamuuna eqqissisinnaavoq qatanngutiminullu attaveqarluarsinnaalissalluni.
ALLAT ILINNIT ‘ANNERUSUTUT’ ISIGIKKIT
8. Jiisusip ajoqersugai isiginnittaatsimit nalinginnaasumit sumit sunnertissimappat?
8 Sooq Jiisusip “minninnguit” eqqartorpai? Taamaaliorpoq ajoqersukkaminit ima aperineqarami: “Kina Qilaap Naalagaaffiani annerpaava?” (Matt 18:1) Jiisusip nalaani juuterpassuit allanit pingaartinneqarusupput. Taakku pillugit Biibilimik ilisimatooq ima allappoq: “Allanit ataqqineqarneq tusaamasaanerlu inuunerminni pingaarnerpaatippaat.”
9. Jiisusip ajoqersugai susariaqarpat?
9 Jiisusip nalunngilaa juutit akornanni Luk 22:26) ‘Nukarlersatut’ pissuseqartarpugut ‘allat uagutsinnit annerutikkaangatsigit’. (Fil 2:3) Allat annerusutut isiginerujartortillugit mamiatsatsitsiannginnerujartussaagut.
unammillerneq nalinginnaasoq ajoqersukkanilu allannguiniarlutik ilungersortariaqartut. Ima oqarfigai: ‘Akornassinni annersarsi nukarlersassitut issaaq siulersuisorlu kiffartortutut.’ (10. Paulusip siunnersuutaa suna uummammiuliuttariaqarparput?
10 Uppeqatigut tamarmik arlaatigut uagutsinnit piginnaaneqarnerupput. Tamanna maluginiarnassaaq taakkua pissusii nuannersut eqqumaffigigutsigit. Apustilip Paulusip Korinthimiunut siunnersuutaa una uummammiuliuttariaqarparput: “Kiammi allanit pingaarnerutippaatit? Sunalu pigaajuk tunissutisiarinngisat? Tunissutisigavillu sooq ajugaasimaarpit tunissutisisimanngitsutut?” (1 Kor 4:7) Allanit pingaarnerusutut misiginaveersaarlutalu malugeqqusaarnaveersaartariaqarpugut. Qatanngut angut oqalugiallaqqikkuni qatanngutilluunniit arnap Biibilimik atuaqqissaaqateqartalerneq pikkoriffigiguniuk tamanna ingerlaannaq Jehovamut ataqqinaataatittariaqarpaa.
‘UUMMATIKKUT ISUMAKKEERFIGINNIGIT’
11. Jiisusip kunngi kiffarlu pillugit assersuusiaata suna ilinniutissartaraa?
11 Jiisusip ajoqersukkani allanik mamiatsatsitsineq pillugu mianersoqqoreerlugit kunngi kiffaalu assersuusiarai. Kunngip kiffami akiitsorpassui isumakkeerpai. Kingusinnerusukkut kiffap taassuma kiffaqatimi akiitsui ikinnerungaartut isumakkeerusunngilai. Tamatuma kingunerisaanik kunngip kiffaq isumakkeerfiginnikkusunngitsoq parnaarussaatippaa. Ilinniutissartaa pillugu Jiisusi ima oqarpoq: “Taamatuttaaq Ataatama qilammiittup ilarsi kinaluunniit pissavaa qatanngutini uummatimigut isumakkeerfiginngippagu.” – Matt 18:21-35.
12. Isumakkeerfiginnikkusunngikkutta allanut qanoq sunniuteqarsinnaava?
12 Kiffap iliuutsini nammineq ajoqutigiinnarnagit aamma allat ajoquserpai. Siullertut, kiffaqatini naakkittaalluni ‘parnaarussaatippaa akiitsui akilereerserlugit’. Aappassaattut, iliuusii kiffaqataanut sunniuteqarput. ‘Kiffaqataasa qanoq pisoqartoq takugamikku aliasungaalerput.’ Taamatuttaaq uagut iliuutsigut allanut sunniuteqartarput. Ajortumik pineqarutta isumakkeerfiginnikkusunngikkuttalu qanoq kinguneqassava? Siullertut, isumakkeerfiginnikkumannginnitsigut asannittuliorfiginagulu sumiginnarutsigu aliasussaaq. Aappaattut, eqqisseqatigiinngitsugut ilagiinniittut allat malugigunikku nuanniilliuutigilissavaat.
Puttarsisarpit, uummammilluunniit pisumik isumakkeerfiginnittarpit? (Immikkoortut 13-14 takukkit) *
13. Pionerip misigisaa qanoq ilinniarfigaajuk?
13 Uppeqatigut isumakkeerfigigaangatsigit nammineq iluaqutigiinnarnagu aamma allat iluaqutigisarpaat. Tamanna pionerip Kristinamik taasinnaasatta misigaa. Ilagiinniittumit qatanngummit arnamit ajuallatsinneqarpoq. Kristina ima oqaluttuarpoq: “Ilaannikkut oqaasii nuanniittangaarmata soorlulusooq savimmik kapiinnartaraanga. Allaat oqaluusseqatigerusukkunnaarpara. Oqaluussinermi aallussiunnaarlungalu nuannaarunnaarpunga.” Kristina kamannissaminut pissutissaqarluarsorivoq. Taamaakkaluartoq kamassimajuaannarnanilu imminut nalligiuaannanngilaq. Sooq? Allaaserisaq “Uummatissigut isumakkeerfiginnittaritsi”, Napasuliaq Alapernaarsuiffik novembarip aallaqqaataa 1999-imoortoq, atuareerlugu tassani siunnersuut Biibilimeersoq maniguulluni malikkamiuk. Kristinap qatanngunni isumakkeerfigaa. Ima oqarpoq: “Maanna paasivara tamatta pissuseq nutaaq atiniarsarigipput Jehovallu ullut tamaasa kajumilluni isumakkeerfigisaraatigut. Oqiliallangaarama nuannaaqqilerpunga.”
14. Matthæusi 18:21, 22-lu naapertorlugit apustilip Petrusip suna ajornartorsiutigaa, Jiisusillu akissutaa qanoq ilinniarfigaarput?
14 Nalunngilarput isumakkeerfiginninneq eqqortuliornerusoq. Immaqali taamaaliornissarput ajornakusoortissinnaavarput. Apustili Petrusi ilaannikkut taama misigisarunarpoq. (Matthæusi 18:21, 22 atuakkit). Suut iluaqutigisinnaavagut? Siullertut, Jehova ilinnik qanoq isumakkeerfiginnittartigisoq eqqarsaatigeqqissaaruk. (Matt 18:32, 33) Taassuminnga isumakkeerfigineqarnissarput pisassarinngikkaluaripput kajumilluni isumakkeerfigisarpaatigut. (Tuss 103:8-10) Aammami uagut peqquneqarpugut ‘asaqatigiittariaqarluta’. Isumakkeerfiginnissanerluta isumakkeerfiginninngissanerlutaluunniit nammineq aalajangigassarinngilarput. Qatanngutitta isumakkeerfiginissaat pisussaaffigaarput. (1 Joh 4:11) Aappaattut, isumakkeerfiginnikkaangatta qanoq kinguneqartartoq eqqarsaatigeqqissaaruk. Uagutsinnik eqqunngitsuliorfiginnittoq nuannaartittarparput, ilagiit ataasiussuseqartittarpagut, Jehovamut ikinngutaanerput illersortarparput imminullu oqiliallatsilluta. (2 Kor 2:7; Kol 3:14) Kiisalu isumakkeerfiginneqqusisoq, Jehova, qinnuigiuk. Ilagiinni eqqisseqatigiinnerput Saatanimit akornuserneqarteqinagu. (Ef 4:26, 27) Ilagiinni eqqisseqateqartuarumalluta Jehovamit ikiorneqartariaqarpugut.
MAMIATSAJANAVEERSAARIT
15. Kolossemiut 3:13 naapertorlugu uppeqatitsinnit ajuallatsinneqarsimagutta susariaqarpugut?
15 Taavami uppeqatit illit ajuallaatigisannik iliuuseqarpat? Sussavit? Eqqisseqatiginiarlugu Luk 6:28) Uppeqativit kukkussutaa puiorsinnaanngikkukku qanoq saaffigisinnaanerlugu eqqarsaatigiuk. Pitsaanerpaajuaannarpoq isumaqassalluni uppeqatip ajuallatsitsinissani siunertarinngisaannaraa. (Matt 5:23, 24; 1 Kor 13:7) Oqaloqatigilerukku ilimagiuk ajunngitsumik siunertaqaraluarluni kukkusoorsimassasoq. Eqqisseqatigerusunngippatimmi? Qatanngutit nikalluunnagu kamagittarfigiuaruk. (Kolossemiut 3:13 atuaruk). Pingaarnerpaamillu kamaattuanngisaannaruk, kamaattuarukkumi Jehovamut ikinngutaaninnut ajoqutaassaaq. Susoqaraluarpalluunniit naakkiutinngisaannarit. Taamaalioruit ersersissavat Jehova sunit tamanit asanerullugu. – Tuss 119:165.
sapinngisannik iliuuseqarit. Qamannga pisumik Jehovamut qinugit. Qinnuigiuk ilinnik ajuallatsitsisoq ikioqqullugu aamma taassuma pissusiinik nuannersunik – tassa Jehovap nuannarisaanik – takunnissinnaaleqqullutit. (16. Tamatta immikkut suna pisussaaffigaarput?
16 “Paarsisoq ataaseq” siulersortigalugu ataasioqatigiilluta Jehovamut kiffartornerput immikkut pisinnaatitaaffipput pingaartipparput. (Joh 10:16) Atuakkami Organiseret til at gøre Jehovas vilje-mi qupperneq 165-imi ima allassimavoq: “Ataasioqatigiinnerput tamanna nammineq iluaqutigigakku ataasioqatigiinnerup illersornissaa pisussaaffigaat.” Taamaattumik “Jehovap uppeqatitsinnut isiginnittaasiatut isiginnittaaseqarniarluta ilungersortariaqarpugut”. Jehovap isaani tamatta ‘minninnguuvugut’ erlinnangaartut. Aamma illit Jehova ilaarlugu uppeqatitit pingaartippigit? Taakku ikiorniarlugit isumassorniarlugillu iliuutsitit tamaasa Jehovap maluginiarlugillu pingaartippai. – Matt 10:42.
17. Suut aalajangiusimavagut?
17 Uppeqatigut asavagut. Taamaattumik ‘qatannguterput naakkiutitinnaguluunniit orlutikkusunngilarput’. (Rom 14:13) Uppeqatigut uagutsinnit pingaarnerusutut isigaagut uummammillu pisumik isumakkeerfigerusullugit. Uagullu mamiatsajanaveersaarusuppugut. “Taamaattumik eqqissinartut ineriartorteqatigiinnerlu noqqaassutiginiartigit.” – Rom 14:19.
ERINARSUUT 105 ‘Guuti tassaavoq asanninneq’
^ par. 5 Naammalluinnanngitsuugatta iliuutsikkut oqaatsikkullu immitsinnut ajuallatsittoorsinnaavugut. Qanoq qisuariartarpugut? Eqqisseqatigiinniarluta sapinngisamik iliuuseqartarpugut? Utoqqatsipallattarpugut? Imaluunniit isumaqartarpugut ajuallannerat uagut ajornartorsiutiginagu namminneq ajornartorsiutigigaat? Uagulluunniit allat oqaasii iliuusiiluunniit ajuallassutigisarpagut? Ajuallannerput illersorniarlugu oqartarpugut uagut inuttut taamaattuulluta allanngorusunnatalu? Imaluunniit qisuariarnerput sanngiissutitut isigalugulu allannguinissarput sulissutigisarparput?
^ par. 53 ASSIMI MALUGISASSAT: Qatanngut arnaq uppeqatiminit ajuallatsinneqarsimasoq. Marluinnaatillutik oqaloqatigeereerlutik nuannaarlutik oqaluusseqatigiittut.