1. Sooq Saatani piniar­tumut as­sersuun­neqarsin­naava?

PINIAR­TUP pisaqar­nis­sani aal­lut­tar­paa. As­sigiin­ngitsunik piniuteqarsin­naavoq, al­laat Jobimik tup­pal­lersaasuusaar­tut ilaata taman­na oqaatigaa. (Job 18:8-10) Piniar­tup piniutini qanoq ator­tar­pai? Piniagas­sani pil­lugu paasiniaaq­qis­saar­tar­poq. Sumiit­tar­pa? Suut mamarai? Qanoq terlinganeer­neqarsin­naava? Saatani piniar­tutut ip­poq. Maluginiaq­qis­saar­tar­paatigut. Sumukar­tar­nersugut sunil­lu soqutigisaqar­nersugut malugisar­paa. Taava piniutis­saminik toq­qaasar­poq neriul­luni terlinganeersin­naas­sal­luta. Biibilimili al­las­simavoq pisaritis­sagaluarut­ta aniguisin­naasugut. Aam­mat­taaq qanoq pisaritin­naveersaarsin­naasugut ilin­niar­tin­neqar­pugut.

2. Saatanip piniariaasiisa ilaat marluk suup­pat?

² Saatanip piniar­nermini makitaneq aam­ma piumatuneq iluatsitsil­luarfiginer­paasaasa ilagaat. * Ukiuni tuusintilik­kuutaani pis­susipalaat taak­ku Saatanip ator­nerlus­simavai. Tim­miar­niatut il­luni piniak­kani nigaliamut napitin­niar­tar­paa. (Tuss 91:3) Uagul­li Saatanimit pisaritit­tariaqan­ngilagut. Sooq? Saatanip piniariaasiinik Jehovap paasitis­simam­matigut. – 2 Kor 2:11.

3. Sooq Jehovap kif­fami kuk­kus­sutaat Biibilimi al­latsip­pai?

³ Jehovap kif­fani kuk­kusimasut pil­lugit oqalut­tuar­nermigut  ilin­niar­tip­paatigut makitaneq piumatunerlu qanoq navianar­tigisut. Kif­fat taak­kua ilaat al­laat ukior­pas­suar­ni kif­far­toreerlutik Saatanimit pisaritis­simasut maluginiaruk. Imaap­pa qanorluun­niit ilioraluarut­ta makitasuun­ngus­sasugut piumatuun­ngus­sasugul­luun­niit? Naamik. Taak­kua kuk­kus­sutaat Jehovap Biibilimi al­latsip­pai uagutsin­nut ‘mianersoq­qus­sutitut’. (1 Kor 10:11) Nalun­ngilaa mianersoq­qus­sutit taak­ku ilin­niutigalugit Saatanip nigaliaanit aniguisin­naasugut.

4. Makitaneq qanoq kinguneqar­tar­pa?

⁴ Saatanip makitasuun­ngor­tin­niarsaraatigut. Nalun­ngilaa makitasuun­ngorut­ta im­misut ilis­sasugut naas­saan­ngitsumil­lu inuunis­samik neriuut an­naas­sagip­put. (Uss 16:18) Taamaat­tumik apustili Paulusi mianersoq­qusil­luni al­lap­poq inuk ‘im­minut angisuutilis­san­ngitsoq Diaavulup pil­laatigititaanik pil­lar­neqaq­qunani’. (1 Tim 3:6, 7) Arlar­put kinaluun­niit Jehovamut kif­far­tor­tun­ngorlaajugaluaruni ukior­pas­suar­niluun­niit kif­far­torsimagaluaruni makitasuun­ngorsin­naavoq.

5. Oqaluus­sisar­tup oqaasii 7:16, 20-lu naaper­torlugit qanoq makitasuun­ngor­toqarsin­naava?

⁵ Inuit makitasuut nam­minis­sarsior­tuup­put. Saatanip nam­mineq piumasatsin­nik Jehovap piumasaanit pingaar­titsinerulersin­niarsaraatigut, ingam­mik ajor­nar­torsioraangat­ta. As­sersuutigalugu sal­luliuutigineqar­nikuuit? Naaper­tuil­luan­ngitsuliorfigineqar­nikuuil­luun­niit? Jehova up­peqatitil­luun­niit pisuutik­kuk­kit Saatani nuan­naar­tis­savat. Diaavulup eq­qarsar­tin­niarsaraatit ajor­nar­torsiutitit aatsaat aaq­qin­neqarsin­naasut Jehovap oqaatsimini siulersuineratut ilior­nak il­lit iluarinerusat­tut ilioruit. – Oqaluussisartup oqaasii 7:16, 20 atuakkit.

6. Qatan­ngutip ar­nap Hol­landimi najugal­lip misigisaa qanoq ilin­niarfigaajuk?

⁶ Qatan­ngutip ar­nap Hol­landimi najugal­lip al­lat kuk­kus­sutaan­nik paamitsaas­sisarsimasup misigisaa sam­meriar­tigu. Naam­magit­taq­qis­sin­naajun­naarsorivoq. Ima oqar­poq:  “Kiserlioqaanga misigis­sutsik­kalu al­lan­ngor­tis­sin­naanagit. Uiga oqarfigaara ilagiin­nut al­lanut nuut­tariaqar­tugut.” Qanoq ilior­pa? JW Broadcasting^® marsi 2016-imoor­toq isigin­naar­paa. Tas­sani siun­nersuuteqar­poq al­lat kuk­kus­sutaan­nut qanoq isigin­nit­taaseqar­tariaqar­tugut. Qatan­ngut taan­na ima oqalut­tuar­poq: “Paasivara un­neq­qaril­lunga maniguul­lungalu nam­mineq kuk­kus­sutik­ka eq­qumaf­figisariaqarlugit up­peqatima kuk­kus­sutaat al­lan­ngor­tin­niarsarinagit. Aal­lakaatitas­siaq iluaqutigalugu Jehova taas­sumalu oqar­tus­saas­susia pingaar­tin­neruler­pak­ka.” Taman­na qanoq ilin­niarfigaajuk? Ajor­nar­torsiuteqaleraangavit Jehovamik pingaar­titsisarit. Jehova qin­nuigiuk taas­suma al­lanut isigin­nit­taasiatut isigin­nit­taaseqaq­qul­lutit. Ataatavit qilam­miusup taak­kua kuk­kus­sutaat takusar­pai isumak­keerfigerusut­tarlugil­lu. Kis­saatigaa aam­ma il­lit taamaalius­sasutit. – 1 Joh 4:20.

7. Kun­ngimut Uzzijamut qanoq pisoqar­pa?

⁷ Judami kun­ngi Uzzija makitasuun­ngorami al­lanit siun­nersor­neqarumananilu iliuuserisas­sarin­ngisaminik iliuuseqar­poq. Uzzijali ajun­ngitsuliar­pas­suaqaraluar­poq. Sorsun­nermi, sanaar­tor­nermi nunaateqar­nermilu iluatsil­luar­poq. “Guutip iluanaar­tit­tar­paa.” (2 Nal 26:3-7, 10) “Pis­sarsuan­ngor­ninili makitasuun­nguutigaa aseruutigisaminik.” Jehovap peq­qus­sutigisimavaa palasit kisimik naalaf­fim­mut tipigis­saatil­liiar­torsin­naasut. Kun­ngili Uzzija an­neruniarluni naalaf­fim­mukar­poq tipigis­saatil­liiniarluni. Jehovap taan­na iluarinagu pupis­sun­ngor­tip­paa inuunermi sin­nerani nap­paatigisas­saanik. – 2 Nal 26:16-21.

8. Korinthimiunut al­lak­kat siul­liit 4:6, 7-imilu al­las­simasut makitasuun­ngor­naveersaar­nis­samut qanoq iluaqutigisin­naavagut?

⁸ Uagut Uzzijatut ajor­tuliorlutalu makitasuun­ngorsin­naavugut? José qanoq misigisoq eq­qarsaatigiuk. Niuer­nik­kut angusaris­saar­tuuvoq, ilagiin­nilu utoq­qaaner­taavoq ataq­qineqar­toq. Ataatsimeersuar­ner­ni oqalugiar­tar­poq, nak­kutil­liisul­lu angalasar­tut taan­na isumasior­tar­paat. Imali nas­suer­poq: “Pigin­naasak­ka misilit­tak­kak­kalu pis­sutigalugit im­minut tatigival­laar­punga. Jehova tatigiun­naar­para. Nukit­tuujusorigama Jehovap mianersoq­qus­sutai siun­nersuutaalu tusaajumajun­naar­pak­ka.” Ingasat­tumik ajor­tuliorami  ilagiin­nut ilaajun­naarsitaavoq. Ukior­paaluil­li matuma sior­na ilagiin­nut uter­poq. Ima oqar­poq: “Jehovap ilin­niar­tip­paanga taaguut pingaar­ner­paajun­ngitsoq, iliuusereq­qusaatul­li ilior­neq pingaar­ner­paajusoq.” Eq­qaamatigu qanorluun­niit pigin­naaneqaraluarut­ta qanorluun­niil­lu im­mik­kut pisin­naatitaaf­feqaraluarut­ta tamak­ku tamarmik Jehovamin­ngaan­neersuusut. (1 Korinthimiut 4:6, 7 atuakkit). Makitasuujugut­ta Jehovap atorusus­san­ngilaatigut.

9. Piumatuneq Saatanimut Evamul­lu qanoq kingunerlutsitsiva?

⁹ Piumatuneq eq­qarsaatigigaangatsigu Saatani Diaavulu eq­qaasar­par­put. Saatani Jehovap in­ngiligim­magu im­mik­kut nuan­nersunik pisin­naatitaaf­fip­pas­suaqarsimas­saaq. Tamak­kuli naam­maginagit pal­lorfigineqarusup­poq, uf­fa Jehova kisiat pal­lorfigisas­sarigip­put. Saatanip kis­saatigigamiuk uagut im­misut ilis­sasugut pigisatsin­nik naam­magin­nik­kun­naarsin­niarsaraatigut. Siul­ler­paamik taamaalior­poq Eva oqaluuk­kamiuk. Jehovap asan­nil­luni Eva uialu naam­mat­torsuar­nik nerisas­saqar­tip­pai. “Naatsiiviup or­pii tamaasa” – ataaseq minil­lugu – nerif­figisin­naavaat. (1 Mos 2:16) Saatanil­li Eva nakutil­lugu eq­qarsalersip­paa or­pik nerif­figeq­qusaan­ngitsoq nerif­figisariaqaraa. Evap Jehovamit pisani qujamasuutigin­ngin­namigit naam­magiun­naar­pai. Qanorlu kinguneqar­toq nalun­ngilar­put. Evap ajor­tulior­nini toq­qutigaa. – 1 Mos 3:6, 19.

10. Piumatuneq kun­ngimut Daavimut qanoq napiaaniutin­ngor­pa?

¹⁰ Kun­ngi Daavi Jehovamit pil­luaq­quneqangaar­poq, ilaatigut pisuun­ngor­tin­neqar­poq, nuimasuun­ngor­tin­neqar­poq akerar­pas­suaminul­lu ajugaatin­neqar­tarluni. Guutip tunis­sutai qujamasuutigalugit ima al­lap­poq: ‘Amerlaval­laaramik taagor­neqarsin­naan­ngil­lat.’ (Tuss 40:6) Daavili piumatuun­ngorami Jehovap tunis­sutai naam­magiun­naar­pai. Arlalin­nik nuliaqaraluarluni al­lap nulia uum­matimigut pileritsaap­paa. Ar­naq taan­na tas­saavoq Batseba Uriap Hit­tik­kuusup nulia. Daavip nam­minis­sarsiorluni Batseba atoqatigaa. Ajor­tulior­nini ajoreer­tigisoq naar­tulersitsisimanini iser­tor­niarlugu aam­ma Uria toqutaatip­paa! (2 Sam 11:2-15) Daavi qanoruna eq­qarsarsimasoq? Isumaqarsimava Jehovap takusin­naan­ngik­kaani? Daavi ukior­pas­suar­ni  aalajaal­luni kif­far­torsimagaluarluni piumatuun­ngorami naal­liuuter­pas­suaqaler­poq. Qujanar­tumil­li kuk­kus­sutini nas­suerutigalugil­lu peq­qis­simis­sutigai. Jehovamil­lu iluarisaaq­qilerami qujamasus­simas­saqaaq! – 2 Sam 12:7-13.

11. Efesosimiut 5:3, 4-lu naaper­torlugit piumatuneq qanoq akiorsin­naavar­put?

¹¹ Daavip piumatunera qanoq ilin­niutigisin­naavar­put? Jehovap tun­nius­sai qujamasuutigiuarutsigit piumatuun­ngor­naveersaarsin­naavugut. (Efesosimiut 5:3, 4 atuakkit). Pigisagut naam­magisariaqar­pagut. Biibilimik atuaq­qis­saaqatigineqar­talersut kajumis­saar­neqar­tar­put pil­luaq­qus­sut aalajangersimasoq eq­qarsaatigisaq­qul­lugu taman­nalu pil­lugu Jehovamut qujasaq­qul­lugit. Sapaatip-akun­nerani ul­lut tamaasa taamaalioraan­ni qujamasuutigisat as­sigiin­ngitsut arfineq-marluus­sap­put. (1 Th 5:18) Il­lit aam­ma taamaalior­tar­pit? Il­lit pil­lutit Jehovap iliuuserisai tamaasa eq­qarsaatigeq­qis­saar­taruk­kit qujamasun­nis­san­nut iluaqutigis­savat. Qujamasut­tuuguil­lu naam­magin­ninerulis­saatit. Naam­magin­nit­tuuguil­lu piumatuujunaveersaarsin­naavutit.

12. Judasi Iskarioti piumatuun­ngorami sua?

¹² Judasi Iskarioti piumatuujugami kil­luus­sisun­ngor­poq. Apustilisul­li Jiisusimit toq­qar­neqarami piumatuujun­ngik­kaluar­poq. (Luk 6:13, 16) Sul­leris­suul­lunilu tatiginar­tuusimas­saaq, Jiisusim­mi apustilil­lu oqaluus­sinermin­ni aningaasat atugas­saat Judasimut paarititaap­put. Aningaasat taak­ku ul­lumik­kut silarsuaq tamak­kerlugu tunis­sutitut ip­put. Kingusin­nerusuk­kul­li Judasi til­lit­taler­poq Jiisusimit mianersoq­quneqar­taraluarluni. (Mark 7:22, 23; Luk 11:39; 12:15) Judasip mianersoq­qus­sutit taak­ku sumigin­nar­pai.

13. Judasip piumatuujunera qanga malun­narsiva?

¹³ Judasip piumatuun­ngorsimanera malun­narsivoq Jiisusip toqunis­saa qanil­lisoq. Jiisusi ajoqersugaalu, ilaatigut Maria taas­sumalu qatan­ngutaa Mar­tha, Siimuumut pupis­sumut pulaar­put. Neritil­lutik Mariap Jiisusip niaqua uuliamik tipigis­saatitalim­mik akisuumik tanip­paa. Taman­na Judasip ajoqersuk­kal­lu al­lat kamaatigaat. Ajoqersuk­kat taak­ku isumaqarsimasin­naap­put aningaasat oqaluus­sinermi ator­neqar­tariaqaraluar­tut. Judasil­li pis­sutiginiagaa al­laavoq. ‘Til­lituujugami’ aningaasat til­lik­kusup­pai. Kingusin­nerusuk­kul­lu inus­siap akiatut nalilim­mik aningaasarsiniaan­narluni Jiisusi kil­luutigaa. – Joh 12:2-6; Matt 26:6-16; Luk 22:3-6.

14. Aap­pariit Lukasi 16:13-imi siun­nersuut qanoq maleruar­paat?

¹⁴ Jiisusip malin­nitsini ilumoor­tumik tun­ngaviusumik uuman­nga eq­qaasip­pai: “Guuti Mam­monilu [Pisuus­sutil­lu, NW] tamaasa kif­far­torfigisin­naan­ngilasi.” (Lukasi 16:13 atuaruk). Taman­na suli ilumoor­poq. Aap­pariit Romaniami najugal­lit Jiisusip oqaasii taak­ku inuunermin­ni sun­niuteqar­tip­paat. Nunami atugaris­saarfiunerusumi pif­fis­sami kil­lilim­mi sulif­fis­samin­nik neqeroorfigitip­put. Ima oqalut­tuar­put: “Aningaaserivim­mi aningaasar­pas­suar­nik taarsigas­sarsinikuuvugut, taamaat­tumik isumaqaq­qaaraluar­pugut sulif­fis­saq taman­na Jehovamit pil­luaq­qus­sutisiaasoq.” Sulif­fil­li taman­na Jehovamut kif­far­tor­neran­nut akor­nutaas­saaq. Napasuliaq Alapernaarsuiffik-mi septembarip aal­laq­qaataat 2008-moor­tumi al­laaserisaq “Ilumoorfigin­nit­tuarit – ataasiusumik uum­mateqarit” atuareerlugu aalajangius­saqar­put. Ima oqar­put: “Pisuun­ngor­nis­saq siuner­taralugu nunami al­lami sulis­sagut­ta Jehovamut at­taveqar­ner­put pingaar­ner­paajun­naas­saaq. Isumaqavip­pugut anersaak­kut ajoqutigis­sal­lutigu.” Taamaat­tumik neqeroorum­mut qujaan­nar­put.  Kingusin­nerusuk­kut uia nunamin­ni sulif­fit­taar­poq pisariaqar­titamin­nik matus­susiisumik. Nulia ima oqar­poq: “Jehovap kif­fani ikior­tuaan­nar­pai.” Aap­pariit taak­kua nuan­naarutigaat Jehova aningaasanin­ngar­nit pingaar­tin­nerugamik­ku.

15. Sooq Saatanip nigaliaanit aniguisin­naal­luta qularutigin­ngilar­put?

¹⁵ Taavami malugigutsigu makitasuun­ngorsimal­luta piumatuun­ngorsimal­lutaluun­niit? Aniguisin­naavugut! Paulusi al­lap­poq ‘Diaavulup nigaliaanit napitis­simasut’ aniguisin­naasut. (2 Tim 2:26) As­sersuutigalugu Daavi aniguivoq. Natani tusaavaa, piumatunini peq­qis­simis­sutigaa Jehovamul­lu at­taveqarlualeq­qil­luni. Eq­qaamajuaruk Jehova Saatanimit nukit­tunerusoq. Jehovamit ikior­neqar­tik­kut­ta Diaavulup nigaliaanit aniguisin­naavugut.

16. Saatanip nigaliaanit qanoq pisaritin­naveersaarsin­naavugut?

¹⁶ Soorunami Saatanip nigaliaanit pisaritin­ngik­kut­ta pitsaanerus­saaq. Aatsaal­li Jehovamit ikior­neqarut­ta pisaritin­ngitsoorsin­naavugut. Im­minul­li tatigival­laalis­san­ngilagut! Al­laam­mi ukior­pas­suar­ni Jehovamut kif­far­torsimasut makitasuun­ngorsimal­lutil­luun­niit piumatuun­ngorsimap­put. Taamaat­tumik eq­qarsaativit misis­sor­nis­saan­nut ul­lut tamaasa Jehovamut ikioq­qusarit. (Tuss 139:23, 24) Sapin­ngisan­nik makitasuun­ngor­naveersaarlutil­lu piumatuun­ngor­naveersaarit!

17. Qanit­tuk­kut akerar­put Diaavulu qanoq pineqas­sava?

¹⁷ Ukiuni tuusintilik­kuutaani Saatani piniar­tuuvoq. Qanit­tuk­kul­li qilersor­neqas­saaq naggataatigul­lu suujun­naarsin­neqas­sal­luni. (Saqq 20:1-3, 10) Suujun­naarsitaanis­saa erinigaar­put. Ul­lorli taan­na nal­liutserlugu Saatanip periaasii eq­qumaf­figik­kit. Makitanermit piumatunermil­lu aqun­neqar­teq­qunak ilungersorit. Aalajangiusimajuk Diaavulup akior­nis­saa, ‘taava ilin­nit qimaas­saaq’. – Jaak 4:7.