“KRISTUMIUT qatan­ngutit inus­siar­ner­nerat uan­nut sun­niuteqar­ner­paavoq,” taama Lisa * oqar­poq. Tamatumani ilin­niar­titsis­sum­mik ilumoor­tumik soqutigin­nileq­qaar­nerminut pis­sutaasoq pivaa. Annemut tun­ngatil­lugu aamma taamaap­poq, ima nas­suer­poq: “Ajoqersuus­sutigineqar­toq pin­nagu inus­siar­ner­nerli pil­lugu ilumoor­toq soqutigiler­para.” Qatan­ngutit arnat taak­kua Biibilimik atuar­neq eqqarsaatigin­neq­qis­saar­nerlu nuan­naraat, inus­siar­ner­nerli kil­lin­neqaatigingaar­paat.

Allat kil­lin­neqaatigisaan­nik qanoq inus­siar­nersuusin­naavugut? Oqaatsitigut iliuutsitigullu qanoq taamaaliorsin­naasugut eqqar­toriar­tigu. Aamma kik­kun­nut inus­siar­nersuus­sanerluta sam­mis­savar­put.

Us­satit kapitali 31-mi nuliaal­luar­tutut allaatigineqar­toq ‘oqaaseqar­tar­poq inus­siar­nersunik’. (Uss 31:26) Tassa oqaasis­sani qanorlu oqaloriaaseqar­nis­sani eqqarsaatigeq­qaar­tar­pai. Ataataasut aamma taamaalior­tarunik silatusaas­sap­put. Angajoq­qaat amerlanerit nalun­ngil­luin­nar­paat sukan­nersumik oqaaseqar­neq meeq­qanut ajor­tumik sun­niuteqarsin­naasoq. Angajoq­qaat kajumis­sinar­tumik sun­niuteqarluar­tumillu oqaluk­kumal­lutik inus­siar­nersumik oqalun­niar­tarunik silatusaas­sap­put.

Meeraqaruit meeraqan­ngik­kaluaruil­luun­niit qanoq inus­siar­nersumik oqalus­sin­naavit? Ussatit 31:26-p aal­laq­qaataani tamanna akineqar­poq: “Oqalulersar­poq ilisimas­suseqarluni.” Tassa qanoq oqar­niar­nerluta oqaloriaaseqar­niar­nerlutalu silatusaarluta aalajanger­tariaqar­par­put. Imminut ima aperineq iluaqutaasar­poq: ‘Oqaasis­sakka kamatitsis­sap­pat imaluun­niit eqqis­sisitsis­sap­pat?’ (Uss 15:1) Aap, oqaaseqan­ngin­nitsinni eqqarsaq­qaar­tariaqar­pugut.

Ussatini aamma allas­simavoq: “Eqqarsariaq­qaar­nani oqaaserisat panatut kapisisar­put.” (Uss 12:18) Oqaatsigut oqaloriaaser­pullu allanut qanoq sun­niuteqarsin­naasut eqqarsaatigisarutsigu oqaasis­satsin­nik annis­sueriaatsitsin­nik aqutsisin­naanis­sar­put ilimanar­nerus­saaq. Aap, inus­siar­nersumik oqalut­tar­ner­put soq­qusaatsumik peq­qar­niitsumillu oqaloriaaseqan­ngin­nis­samut iluaqutigis­savar­put. (Ef 4:31, 32) Eqqarsaatit oqaatsillu nuan­niitsut oqaatsinik inus­siar­ner­palut­tunik saamasumillu oqaloriaatsimik taarsis­savagut. Jehovap kif­fani Elia ersisoq eqqis­sisaramiuk tamatumun­nga tun­ngatil­lugu maligas­siuil­luar­poq. Inngili Jehovamut sin­niisoq ‘sal­laatsumik nipeqarluni’ (NW) oqalup­poq. (Kng 1. 19:12) Inus­siar­ner­nerli inus­siar­nersumik oqalun­nerin­naan­ngilaq. Inus­siar­nerluta iliuuseqartariaqarpugut. Qanoq?

Inus­siar­nersumik oqalul­lutalu iliuuseqaraangatta Jehova ilaar­tar­par­put. (Ef 4:32; 5:1, 2) Lisap, eqqaaneqareersup, Nalunaajaasut inus­siar­nersuunerat ima  oqalut­tuaraa: “Nuut­tus­san­ngoriataaratta ilagiinni aap­pariit marluk sulin­ngif­feqarlutik poor­tueqatigaatigut. Uffa taamani Biibilimik misis­suineq ajor­tunga!” Taamatut inus­siar­nerluni iliuuseqar­neq Lisap ilumoor­tumik misis­suinerunis­saminut kajumis­sis­sutigaa.

Annep, aal­laq­qaataani eqqaaneqareersup, Nalunaajaasunit inus­siar­nisaarfigineqar­nini aamma assut qujamasuutigaa. Ima oqar­poq: “Nunarsuarmi pis­sutsit pis­sutigalugit pasil­lerumatuun­ngor­punga. Tatigisaarup­punga.” Ima nangip­poq: “Nalunaajaasut naapeq­qaarak­kit tatigin­ngilakka. Eqqarsar­punga: ‘Sooruna soqutigigaan­nga?’ Biibilimilli ilin­niar­titsisora ilumoorluni inus­siar­nermat tatigiler­para.” Tamanna qanoq kinguneqar­pa? “Kingusin­nerusuk­kut ilin­niak­kakka aal­lun­neruler­pakka.”

Maluginiaruk Lisap Annellu ilagiin­niit­tut inus­siar­nisaar­nerat kil­litsis­sutigingaarlugulu ilumoor­toq pil­lugu ilin­niarusulis­sutigim­mas­suk. Ilagiin­niit­tut inus­siar­nersuum­mata Jehovamik innut­taanillu tatigin­niler­put.

Ilaat immaqa kulturer­tik pis­sutigalugu inus­siar­nersumik oqaaseqar­tarlutillu qungujulasar­put. Ileq­qut inut­tul­luun­niit pis­suseq pis­sutigalugu inus­siar­nersuuneq ajun­ngitsuuvoq. Tamak­kuli pis­sutigiin­narlugit inus­siar­nersuunerup Guutitut inus­siar­nersuuneq assigin­ngilaa. – Apustilit Suliaat 28:2 naleq­qiuguk.

Ilumoorluni Guutitut inus­siar­nersuuneq Guutip anersaavata iller­nar­tup inerititaanut ilaavoq. (Gal 5:22, 23) Tassa inus­siar­ner­neq ineriar­tor­tis­sagutsigu anersaamit sun­ner­neqar­tariaqar­pugut. Taamaaliorutta Jehova Jiisusilu ilaas­savagut. Aamma kristumiuugatta allat ilumoorluta soqutigaagut. Tassa Jehovamik Guutimik inoqatitsin­nillu asan­nin­ner­put kajumis­sis­sutigisar­par­put. Inus­siar­ner­ner­put taamaalil­luni pis­susius­saaq sun­niuteqarluar­toq qaman­nga aal­laavilik Guutimillu iluarineqar­toq.

Uagutsin­nut inus­siar­nersut nalun­ngisat­talu inus­siar­nerfiginis­saat ajor­nan­ngitsuararsuusar­poq. (Sam 2. 2:6) Qutsaviginerisigut ilaatigut taamaaliorsin­naavugut. (Kol 3:15) Taavami misigigutta inuit ilaat inus­siar­nerfigineqar­tariaqan­ngitsut?

Una eqqarsaatigiuk: Ajun­ngisaar­nermut tun­ngatil­lugu Jehova maligas­siuil­luar­ner­paavoq, pis­suserlu tamanna pil­lugu oqaasiani pingaarutilim­mik ilin­niar­tin­neqar­pugut. Oqaaseq “ajun­ngisaangaar­neq” Grækerisut Allak­kani Iller­nar­tuni arlalip­pas­suariarluni ator­neqar­poq. Guutip qanoq ajun­ngisaarfigisar­paatigut?

Inuit mil­lionilip­pas­suit inuuin­nar­nis­samut pisariaqar­titaan­nik tunisar­nerisigut Jehovap ajun­ngisaarfigisar­tagai eqqarsaatigik­kit. (Mat 5:45) Allaat imminik suli ilisarisiman­nin­ngitsut ajun­ngisaarfigisar­pai. (Ef 2:4, 5, 8) Assersuutigalugu pigisani pitsaaner­paaq, ernituani, inuit tamaasa pil­lugit tun­niup­paa. Apustili Paulusi allap­poq Jehovap “tuk­korluni ajun­ngisaangaar­nerminut naaper­tuut­tumik” uter­titsis­sut akileraa. (Ef 1:7) Aamma Jehovap ajor­tulior­taraluar­tugut pakatsisit­taraluaritsin­nilu siulersor­tuarlutalu ilin­niar­tit­tuar­paatigut. Ilitsersuus­sutai oqaasiilu “sialuit kuseriar­nerisut” ipput. (Mos 5. 32:2) Ajun­ngisaar­ner­pas­sui pil­lugit tamak­kiisumik akil­lugu tunisin­naan­ngilar­put. Aamma nalun­ngilar­put Jehovap ajun­ngisaar­nerin­naatigut siunis­saqarsin­naal­luta. – Petrusimit 1. 1:13 naleq­qiuguk.

Aap, Jehovap inus­siar­nersuunera iluarinarlunilu kajumis­sinar­poq. Taamaat­tumik inuit ikit­tuin­naat inus­siar­nisaarfigisar­nagit Jehova ilaarlugu tamanut inus­siar­nersuuniar­tas­saagut. (Tes 1. 5:15) Inus­siar­ner­tuarutta issit­tumi ikumatitatut issaagut. Ilaqut­tatsin­nut, uppeqatitsin­nut, suleqatitsin­nut, atuaqatitsin­nut eqqaamiutsin­nullu tup­pal­lersaataas­saagut.

Ilaqut­tatit ilagiin­niit­tul­luun­niit inus­siar­nerlutit oqaaseqar­nin­nik iliuuseqar­nin­nillu iluaqutigin­nis­sin­naasut eqqarsaatigik­kit. Immaqa ilagiin­niit­tut ilaat angerlarsimaf­fimmi ulluin­nar­niluun­niit sulias­sanik, soorlu pisiniar­nermik, ikior­neqar­nis­saminik immik­kut pisariaqar­titsivoq. Tamatuma saniatigut oqaluus­sinermi ikior­neqar­nis­samik pisariaqar­titsisoq naapitat arlaatigut ikiorumasin­naaviuk?

Qanor­toq Jehovamik ilaarsinitsinni oqaatsitigut iliuutsitigullu inus­siar­nersuujuarisa!