1. Biibilimi ilaatigut qanoq inatsiseqar­pa, tamak­kualu naalan­nerat qanoq iluaqutigaar­put?

BIIBILIMI Jehovap inatsisinik tunivaatigut, taak­kulu paatsuugas­saan­ngitsumik ersersitsip­put taas­suma qanoq ilioq­quneraatigut. As­sersuutigalugu guutipilus­sius­san­ngitsugut, til­lis­san­ngitsugut, aalakuus­san­ngitsugut kinguaas­siuutitigul­lu as­suar­nar­tulius­san­ngitsugut oqalut­tuup­paatigut. (1 Kor 6:​9, 10) Aam­ma Jehovap er­nerata Jiisusip ajoqersuk­kani erseq­qis­sumik ima peq­quai: ‘Taamaat­tumik aal­larlusi inuiaqatigiit tamaasa uan­nut ajoqersugan­ngor­tis­sigit kuil­lugit Ataatap Er­nerul­lu anersaal­lu il­ler­nar­tup aq­qani ajoqersorlugil­lu ilis­sin­nut peq­qus­sutik­ka tamaasa maleruaq­qul­lugit. Takual­lu, ul­lut tamaasa najor­pas­si silarsuup naggatis­saanut al­laat.’ (Mat­t 28:​19, 20) Jehovap Jiisusil­lu uagutsin­nut iliuusereq­qusaat tamarmik uagutsin­nut iluaqutaap­put. Jehovap inatsisaanit ilik­kar­par­put im­minut qanoq paarisin­naasugut ilaqut­tavul­lu qanoq paarisin­naagivut, inatsisaalu peq­qis­suunerunis­satsin­nut pil­luar­nerunis­satsin­nul­lu iluaqutigaavut. Pingaar­nerusumil­li Jehovap peq­qus­sutai, ilaatigut oqaluus­seq­qusinera,  naalak­kaangatsigit taas­suma iluarisar­paatigut pil­luaq­qusarlutalu.

2, 3. (a) Sooq Biibilimi inuunermi sunut tamanut inatsiseqan­ngila? (b) Al­laaserisami matumani apeq­qutit suut sam­mineqas­sap­pat? (Al­laaserisap aal­laq­qaataani as­siliaq takuuk).

² Inatsiseqaraluar­toq imaan­ngilaq inuunermi sunut tamanut tun­ngasunut Biibilimi inatsiseqar­toq. As­sersuutigalugu atisat qanoq it­tut atus­sanerivut pil­lugu Biibilimi al­las­simasoqan­ngilaq. Taman­na Jehovap ilisimas­susersuanik ersersitsivoq. Silarsuarmi inuit as­sigiin­ngitsunik atisaqar­taraluar­tut mutil­lu al­lan­ngor­tuaan­naraluar­tut Biibili qanganisaaval­laan­ngisaan­nar­poq. Aam­ma sulif­fin­nik aliik­kutanil­lu sorler­nik toq­qaanis­sar­put pil­lugu peq­qis­suujuarumal­lutalu qanor­piaq ilius­sanersugut peq­qus­suter­pas­suaqan­ngilaq. Jehovap inuit tamaasa im­mik­kut ilaqutariin­nilu niaquusoq tamak­kunun­nga tun­ngatil­lugu aalajangiisin­naatip­pai.

³ Taamaat­tumik inuunitsin­nut sun­niuteqar­tus­samik pingaarutilim­mik aalajangigas­saqar­til­luta tamatumun­ngalu tun­ngatil­lugu Biibilimi inatsiseqan­ngik­kaangat ima eq­qarsarsin­naavugut: ‘Aalajangigara Jehovap soqutigaa? Biibilimi inatsim­mik unioq­qutitsinanga qanorluun­niit aalajangiiguma iluaris­savaa? Qanoq qulak­keersin­naavara aalajangik­kak­ka Jehovamut nuan­naarutaas­sasut?’

4, 5. Aalajangik­kavut uagutsin­nut al­lanul­lu qanoq sun­niuteqarsin­naap­pat?

⁴ Inuit ilaat isumaqar­put piumasamit­tut qanorluun­niit iliorsin­naal­lutik. Uagul­li Jehovap nuan­naarutigisaatut iliorusup­pugut. Taamaat­tumik aalajangiitin­nata Biibilimi al­las­simasut eq­qarsaatigisariaqar­pavut naalal­lugil­lu. As­sersuutigalugu aam­mik atuineq pil­lugu Guuti qanoq isumaqar­nersoq Biibilimi al­las­simavoq, al­las­simasul­lu maleruar­tar­pavut. (1 Mos 9:4; ApS 15:​28, 29) Jehovap iluarisaanik aalajangiinis­samut ikioq­qul­luta taas­sumun­nga qinusin­naavugut.

⁵ Aalajangik­kavut uagutsin­nut sun­niuteqar­tar­put. Silatusaar­tumik aalajangiigut­ta Jehovamut qanin­nerulis­sutigis­savar­put. Kuk­kusumik aalajangiigut­ta taas­sumunga ikin­ngutaanitsin­nut ajoqutaasin­naavoq. Aalajangik­kavut aam­ma inun­nut al­lanut sun­niuteqarsin­naap­put. Qatan­ngutit­ta narrujuum­mis­sutigisaan­nik up­per­nik­kul­luun­niit san­ngiil­lis­sutigisaan­nik sumil­luun­niit iliuuseqarusun­ngilagut. Aam­ma ilagiin­ni qatan­ngutit­ta akun­nermin­ni ajor­nar­torsiutigiligaan­nik iliuuseqarusun­ngilagut. Taamaat­tumik silatusaar­tumik aalajangiisar­nis­saq uagutsin­nut pingaaruteqar­poq. – Romamiut 14:19; Galatiamiut 6:7 atuak­kit.

6. Aalajangigas­satsin­nut tun­ngatil­lugu suna najoq­qutarisariaqar­par­put?

⁶ Qanor­piaq ilius­sanersugut Biibilimi al­las­simasoqan­ngik­kaangat silatusaar­tumik qanoq aalajangiisin­naavugut? Nam­mineq piumanerusatsitut iliuuseqaan­nar­nata pis­sutsit atuk­kavut eq­qarsaatigeq­qis­saar­tariaqar­pavut Jehoval­lu iluarisaatut aalajangiil­luta. Taava qularis­san­ngilar­put angusaqarluaq­qul­luta Jehovap ikius­sagaatigut. – Tus­siaat 37:5 atuaruk.

7. Biibilimi inatsiseqan­ngik­kaangat atuk­katsin­ni aalajangersimasumi Jehovap qanoq ilior­nis­sar­put kis­saatigineraa qanoq paasisin­naavar­put?

⁷ Jehoval­li suna iluarigaa qanoq nalun­ngis­sin­naavar­put? Efesosimiunut al­lak­kat  5:​17-imi ima al­las­simavoq: ‘Paasiniarsiuk suna Jehovap piumasarigaa.’ Biibilimi im­mik­kut inatsiseqan­ngik­kaangat pis­sutsini atuk­katsin­ni Jehovap sunis­sar­put kis­saatigineraa paasisariaqar­par­put. Qanoq taamaaliorsin­naagat­ta? Taas­sumun­nga qinusariaqar­pugut anersaavanil­lu il­ler­nar­tumit siulersor­tit­tariaqarluta.

8. Jehovap qanoq ilior­nis­sani kis­saatigineraa Jiisusip qanoq nalun­ngilaa? As­sersuuteqarit.

⁸ Jiisusip nalun­ngit­tuaan­nar­paa Jehovap qanoq ilior­nis­sani kis­saatigineraa. As­sersuutigalugu Jiisusi marloriarluni inup­pas­suar­nik kaat­tunik qinoriarluni tupin­nar­tulior­nik­kut nerisas­saqar­titsivoq. (Mat­t 14:​17-20; 15:​34-37) Inoqajuitsumili nam­mineq kaalerami Diaavulul­lu ujaq­qat timiusan­ngor­teq­qum­magit taamaalioruman­ngilaq. (Matthæusi 4:​2-4 atuakkit). Ataatani ilisarisimal­luaramiuk nalun­ngilaa nam­mineq pisariaqar­titaminut anersaaq il­ler­nar­toq atus­san­ngik­kini Jehovap kis­saatigigaa. Up­peraa Ataatami siulersorumaaraani pisariaqar­tileruniul­lu nerisas­saqar­tik­kumaaraani.

9, 10. Silatusaar­tumik aalajangiinis­samut suna iluaqutigis­savar­put? As­sersuuteqarit.

⁹ Jehovap siulersorumaaraatigut tatigigutsigu Jiisusitut silatusaar­tumik aalajangiisin­naavugut. Biibilimi ima al­las­simavoq: “Naalagaq tatigiuk uum­matik­kut iluun­ngarlutit, nam­minerlu paasisimasaqas­sutsit tatigeqinagu! Eq­qarsaatigiuar­taruk sumiik­kaluaraangavil­luun­niit, taava ingerlavis­satit nalim­matsis­savai. Ilisimasutut im­minut isigeqinak! Naalagaq mianeruuk ajor­torlu nigorsimal­lugu.” (Us­s 3:​5-7) Biibilimik atuaq­qis­saar­nik­kut Jehovap eq­qarsar­taasia pil­lugu paasisaqarut­ta pis­sutsini aalajangersimasuni qanoq ilioq­qugaatigut paasis­savar­put. Jehoval­lu eq­qarsar­taasia paasinerujar­tor­til­lugu taas­suma iluarisaanik aalajangiisar­neq oqin­nerujar­tus­saaq. Taamaalil­luni uum­mater­put Guutip siulersuineranut malus­sarin­nerulis­saaq. – Ez 11:⁠19.

¹⁰ Takorlooruk ar­nap uil­lip pisiniarfileril­luni skuut torragisani takugai. Akisoorujus­suup­pul­li. Uini pisiniaqatigin­ngik­kaluarlugu nalun­ngilaa taama akisutigisunik pisiguni taman­na uimi qanoq isumaqarfigis­saneraa. Qanoq nalun­ngin­namiuk? Sivisuumik aap­pareereeramik aningaasaatimin­nik qanoq atuinis­samin­nut tun­ngatil­lugu isumaa nalun­ngilaa. Taamatul­li Jehovap isumaa sior­natigul­lu qanoq ilior­tarsimanera pil­lugit paasisaqarut­ta pis­sutsini aalajangersimasuni qanoq ilior­nis­sar­put kis­saatigineraa nalus­san­ngilar­put.

11. Biibilimik atuaq­qis­saar­til­luta im­minut qanoq aperisin­naavugut? (Ungalusaq “ Biibili atuaq­qis­saaraangak­ku im­minut ima aperisarit” takuuk).

¹¹ Jehovap isumaa qanoq paasisin­naavar­put? Pingaar­ner­paatut iliuuserisin­naasavut tas­saap­put ul­lut tamaasa Biibilimik atuar­tar­neq atuaq­qis­saar­tar­nerlu. Taamaalior­til­luta im­minut ima  aperisin­naavugut: ‘Jehova pil­lugu qanoq ilik­kagaqar­punga? Sooq taama ilior­pa?’ Aam­ma Daavip ilior­neratut Jehova ilisarisimanerujumal­lugu taas­sumun­nga ikioq­qusariaqar­pugut, taan­na ima al­lap­poq: “Ingerlavigeq­qusan­nik ilin­niar­tin­nga, Naalagaq, aq­qutigeq­qusan­nik ajoqersun­nga! Sal­lusuis­sutsik­kut ilitsersun­nga ajoqersun­ngalu, il­lit tas­saagavit Guuti an­natsitsisiga, neriuf­figiuaan­nar­pak­kit.” (Tus­s 25:​4, 5) Jehova pil­lugu paasisaqaraangat­ta paasisar­put pis­sutsini qanoq it­tuni atorsin­naanerlugu eq­qarsaatigisin­naavar­put. Ilaqutariin­ni, sulif­fim­mi, atuarfim­mi oqaluus­sinermiluun­niit atorsin­naavar­put? Paasisavut pis­sutsini qanoq it­tuni atorsin­naanerivut eq­qarsaatigigaangatsigu tamatumin­nga qanoq atuinis­sar­put Jehovap kis­saatigigaa takorlooruminar­tin­nerus­savar­put.

12. Jehovap isumaata ilisimaneruler­nis­saanut atuagas­siaativut ataatsimiit­tar­nivul­lu qanoq iluaqutigisin­naavavut?

¹² Jehovap eq­qarsar­taasia pil­lugu paasisaqarfigisin­naasar­put al­la tas­saavoq taas­suma peqatigiis­sor­taasa Biibilimeersunik ilin­niar­titsineran­nik maluginiaaq­qis­saar­neq. As­sersuutigalugu aalajangigas­saqaraangat­ta ujarliutit, soorlu Jehovap Nalunaajaasuisa ujarliutaat, Jehovap isumaa  pil­lugu paasisaqar­nis­samut iluaqutaasin­naap­put. Aam­ma kristumiut ataatsimiin­nerini tusar­naaq­qis­saar­tarut­ta oqaaseqar­tarut­talu aam­ma ilin­niar­titsis­sutigineqar­tut eq­qarsaatigeq­qis­saar­tarutsigit tamak­ku iluaqutigisin­naavavut. Taman­na Jehovap eq­qarsar­taasiatut eq­qarsar­nis­sap ilik­kar­nis­saanut iluaqutigis­savar­put. Tamatuma kingunerisaanik Jehovap iluarisaanik pil­luaq­qusin­naasaanil­lu aalajangiisin­naalis­saagut.

13. Silatusaar­tumik aalajangiinis­samut Jehovap isumaanik eq­qarsaatigin­nin­nerup iluaqutaaneranik as­sersuuteqarit.

¹³ Jehova qanoq isumaqar­nersoq eq­qarsaatigigaangatsigu silatusaar­tumik qanoq aalajangiisin­naanersugut sam­meriar­tigu. Im­maqa pionerin­ngorusup­putit. Inuunin­ni al­lan­nguisimavutit oqaluus­sinermi pif­fis­saqar­nerusin­naaq­qul­lutit. Sulili nalor­nivutit aningaasaatikin­neruleruit pigisakin­neruleruil­lu nalerisimaarsin­naanersutit. Soorunami Biibilimi al­las­siman­ngilaq Jehova kif­far­torfigiumal­lugu pioneriusariaqar­tugut. Aalajaal­luta oqaluus­sisar­tutut kif­far­torfigiuarsin­naavar­put. Paarlat­tuanil­li Jiisusi oqar­poq Guutip naalagaaf­fia pil­lugu pil­liuteqar­tut Jehovap pil­luaq­qusarai. (Lukasi 18:​29, 30 atuakkit). Aam­ma al­las­simavoq sapin­ngisar­put tamaat Jehova un­nersiutigigutsigu taas­suma iluaris­sagaatigut, nuan­naarlutalu kif­far­torfigis­sagitsin­ni kis­saatigaa. (Tus­s 119:108; 2 Kor 9:⁠7) Tamak­ku pil­lugit qinul­lutalu eq­qarsaatigin­neq­qis­saarut­ta nam­mineq atuk­katsin­nut naleq­qut­tumik Jehovap pil­luaq­qusin­naasaanik aalajangiisin­naavugut.

14. Atisalersoriaaseq aalajangersimasoq Jehovap iluarineraa qanoq nalilersin­naaviuk?

¹⁴ Al­lamik as­sersuuteqariar­ta: Atisalersoriaaseq aalajangersimasoq torragaat, nalun­ngilal­li taamatut atisaqaruit ilagiin­niit­tut ilaasa narrujuum­mis­sutigisin­naagaat. Atisalersoriaaseq taman­na pil­lugu Biibilimi al­las­simasoqan­ngilaq. Taava Jehova qanoq isumaqar­nersoq qanoq nalun­ngis­sin­naaviuk? Biibilimi al­las­simavoq “ar­nat isor­naatsunik perroor­niutaan­ngitsunil­lu atisaqas­sasut, nutsat eq­qumiikajaamik kusas­sagaasut, kuultit sapan­ngal­lu atisal­luun­niit akisuut pin­nagit, ajun­ngitsulior­neril­li ar­nanut Guutimik mianerin­nin­nermin­nik nas­suerutigin­nit­tunut naleq­qut­tut pin­nersaatigalugit”. (1 Tim 2:​9, 10) Soorunami tamatuma ilin­niutis­sar­taa Jehovap kif­faanut tamanut, aam­ma angutinut, atuup­poq. Im­minuin­naq eq­qarsaatigin­ngik­kut­ta atisalersoriaatsitsin­nut tun­ngatil­lugu inuit al­lat qanoq misigisimasin­naanersut eq­qarsaatigisas­savar­put. Qatan­ngutivum­mi asagatsigit ajual­latsin­naveersaar­tar­pavut. (1 Kor 10:​23, 24; Fil 3:17) Biibilimi al­las­simasut Jehovalu qanoq isumaqar­nersoq eq­qarsaatigisarutsigit taas­suma iluarisaanik aalajangiisin­naavugut.

15, 16. (a) Kinguaas­siuutitigut inuunerlun­nermut tun­ngasunik eq­qarsaatigin­nit­tuarut­ta Jehova qanoq misigis­sava? (b) Aliik­kutanik toq­qaaner­put Jehovap iluarineraa qanoq nalun­ngis­sin­naavar­put? (c) Aalajangigas­sat pingaarutil­lit qanoq aalajanger­neqas­sap­pat?

¹⁵ Biibilimit paasivar­put inuit ajor­tulioraangata ajor­tumil­lu eq­qarsaraangata Jehova aliasungaar­tar­toq. (1 Mosesi 6:​5, 6 atuakkit). Erseq­qip­poq Jehovap piumasarin­ngik­kaa kinguaas­siuutitigut inuunerlun­nermut tun­ngasunik takorluugaqar­tas­sasugut. Eq­qarsaatigiuak­katsitum­mi  iliuuseqariaan­naavugut. Aap, Jehovap minguitsunik ajun­ngitsunil­lu eq­qarsaateqar­taq­quaatigut. Ajoqersugaq Jaaku al­lap­poq Jehovap ilisimas­susia ‘pingaar­ner­paamik minguitsuusoq, tamatumalu saniatigut eq­qis­sinermik nuan­narisaqar­tuusoq, saamasuul­luni, ilak­kuminar­tuul­lunilu, nal­lit­tuingaar­tuul­luni, ajun­ngitsunik inerititaqarluni, kinaas­susersior­tuunani un­neq­qaris­suul­lunilu’. (Jaak 3:17) Taamaat­tumik Biibilimit ilin­niar­tin­neqar­pugut aliik­kusersuutit mingut­tuunik ajor­tunil­lu takorluuilersitsisin­naasut pileritsatsitsisin­naasul­lu aliik­kutarinaveersaar­tariaqarivut. Jehoval­lu suut nuan­nerinerai suul­lu uumiginerai paasil­luarutsigu atuak­kat, filmit spilil­lu sorliit toq­qas­sanerlugit nalor­nisigis­san­ngilar­put. Sus­sanerlutalu al­lat aperisariaqas­san­ngilavut.

¹⁶ Aalajangigas­saqaraangat­ta amerlaner­tigut Jehovap iluarisaanik arlalin­nik qinigas­saqar­tar­pugut. Pingaarutilim­mil­li aalajangigas­saqaraangat­ta pitsaas­saaq utoq­qaaner­tamut qatan­ngum­mul­luun­niit misilit­tagalim­mut al­lamut siun­nersoq­qusarut­ta. (Tit 2:​3-5; Jaak 5:​13-15) Soorunami aperisatsin­nut aalajangiis­suteq­qunata Biibilimi al­las­simasunik eq­qarsaatigin­neq­qis­saar­tariaqar­pugut nam­minerlu aalajangiil­luta. (Hebr 5:14) Apustili Paulusi uagut nam­mineq akisus­saaf­fip­put pil­lugu ima al­lap­poq: ‘Kialuun­niit nam­magas­sani nam­mineq nam­mas­savaa.’ – Gal 6:⁠5.

17. Jehovap iluarisaanik aalajangiisar­ner­put qanoq iluaqutigisar­par­put?

¹⁷ Jehovap iluarisaanik aalajangiigaangat­ta taas­sumun­nga qanin­neruler­tar­pugut taas­suman­ngalu iluarisaal­lutalu pil­luaq­quneqar­tar­pugut. (Jaak 4:⁠8) Taman­nalu Jehovamik tatigin­nin­nerulis­sutigisar­par­put. Taamaat­tumik Jehova qanoq isumaqar­nersoq paasisin­naajumal­lugu Biibilimi atuak­kavut eq­qarsaatigeq­qis­saar­tar­tigit. Soorunami Jehova pil­lugu nutaanik ilik­kagaqar­tuarsin­naavugut. (Job 26:14) Maan­nali ilisarisimanerujumal­lugu ilungersorut­ta ilisimas­suseqalis­saagut silatusaar­tumil­lu aalajangiisin­naalerluta. (Us­s 2:​1-5) Inuit isumaat pilersaarutaal­lu al­lan­ngor­tar­put, Jehovali al­lan­ngun­ngisaan­nar­poq. Tus­siaasior­toq ima al­lap­poq: “Naalak­kap siuner­tarisai taamaat­tuas­sap­put naas­saan­ngitsumik, pilersaarutai atuut­tuas­sap­put kinguaariik­kuutaani.” (Tus­s 33:11) Erseq­qip­poq Jehovap eq­qarsar­taasiatut eq­qarsar­neq ilik­karutsigu pitsaaner­paamik aalajangiisin­naal­lutalu iluarisaatut iliorsin­naasugut.