“Aallaritsi inuillu inuiannit tamaneersut ... ajoqersuganngortillugit”
“Aallaritsi inuillu inuiannit tamaneersut . . . imermut morsutsillugit kuinerisigut ajoqersuganngortillugit, ajoqersorlugillu ilissinnut peqqussutikka tamaasa maleruaqqullugit.” – MATT 28:19, 20, NW.
1, 2. Matthæusip iivangkiiliua 24:14-imi Jiisusip oqaasii sunik apeqquteqalersitsippat?
ULLUSSANI kingullerni Guutip naalagaaffianik nutaarsiassap nuannersup inunnut tamanut oqaluussissutigineqarnissaa Jiisusip siulittuutigaa. (Matt 24:14) Jehovap Nalunaajaasuisut oqaluussinerput nunarsuaq tamakkerlugu ilisimaneqaatigaarput. Inuit ilaasa tusarliussarput nuannaraat, allalli nuannarinagu. Tusarliussatsinnilli nuannarinninngikkaluartut ilaasa oqaluussinerput pillugu ataqqivaatigut. Oqaluussineq Jiisusip siulittuutigisimasaa uagut oqaluussissutiginerarparput. Taamatut oqarsinnaatitaavugut? Oqaluussineq Jiisusip siulittuutigisaa uagut eqquutitikkipput qanoq nalunngissinnaavarput?
2 Upperisarsioqatigiippassuit Jiisusip tusarliussaanik oqaluussissutiginninnerarput. Oqaluussineralli oqaluffinni, fjernsynimi internetimiluunniit oqaluusaannut killeqarpoq, immaqaluunniit Jiisusi pillugu qanoq ilinniarsimanertik oqaluttuariinnartarpaat. Allat inunnik pisariaqartitsisunik ikiuinertik imaluunniit nakorsatut, peqqissaasutut
ilinniartitsisutulluunniit sulinertik oqaluussinerminni naammagaat. Jiisusilli oqaluussineq eqqaagamiuk suliat tamakku pivai?3. Matthæusip iivangkiiliua 28:19, 20 naapertorlugit sisamat suut Jiisusip ajoqersugaasa iliuuserisariaqarpaat?
3 Jiisusip inuit namminneq ajoqersukkanut ornigunnissaat pivaa? Naamik! Makititaanermi kingorna Jiisusip ajoqersukkani hundredilikkuutaat ima oqarfigai: “Aallaritsi inuillu inuiannit tamaneersut . . . imermut morsutsillugit kuinerisigut ajoqersuganngortillugit, ajoqersorlugillu ilissinnut peqqussutikka tamaasa maleruaqqullugit.” (Matt 28:19, 20, NW) Taamaammat Jiisusimut ajoqersugaagatta sisamat iliuuserisariaqarpavut: Ajoqersuganngortitsissaagut, kuisitsilluta ajoqersuissallutalu. Siullertulli inunnut orniguttariaqarpugut. Biibilimik ilisimatooq ima nassuiaavoq: “ ‘Aallarnissaq’ uppertup kialluunniit suliassaraa, aqqusineq imarsuarluunniit ikaartariaqaraluaruniuk.” – Matt 10:7; Luk 10:3.
4. ‘Inunnik aalisarneq’ qanoq paasisariaqarpa?
4 Jiisusip ajoqersukkani sumik peqquai? Immikkoorlutik oqaluusseqquai, imaluunniit aaqqissuussatut oqaluusseqatigiikkuutaarnissaat piumasaraa? ‘Inuiannut tamanut’ oqaluussinissaq inummut ataatsimut ajornarmat ajoqersugai oqaluusseqatigiikkuutaatut aaqqissorneqartariaqarput. Jiisusip ajoqersukkani ‘inunnik aalisartunngoqqullugit’ qaaqqugamigit tamanna pivaa. (Matthæusi 4:18-22 atuakkit). Inuup ataatsip nammineq neqitalimmik aalisaaserluni aalisakkamik kiisisoqarnissaanut utaqqerujoornissaa Jiisusip pinngilaa. Qassuserluni aalisarneq pivaa. Taamatut aalisarneq ilungersornarpoq, aaqqissugaasumillu inuit arlallit suleqatigiinnissaat pisariaqarpoq. – Luk 5:1-11.
5. Apeqqutit sisamat suut akineqartariaqarpat, aamma sooq?
5 Ullumikkut kikkut nutaarsiassamik nuannersumik oqaluussissutiginnittuusut paasiniarlugu apeqqutit uku sisamat akissutissarsisariaqarpavut:
-
Tusarliussaq suna Jiisusip ajoqersugaasa oqaluussissutigisariaqarpaat?
-
Oqaluussinissaminnut suna kajumississutigissavaat?
-
Sunik periaaseqartariaqarpat?
-
Oqaluussinerat qanoq siammarsimatigalunilu sivisutigissava?
Apeqqutit taakkua akissutaat iluaqutigalugit kikkut inuunermik annaassiniarnermik suliaqartut kinaassusersisinnaallugillu oqaluussiuarnissatsinnut kajumississuseqarnerulersinnaavugut. – 1 Tim 4:16.
SUNA TUSARLIUTIGINEQASSAVA?
6. Sooq Jehovap Nalunaajaasuisa tusarliussaq eqqortoq oqaluussissutigigaat qularutiginngiliuk?
6 Lukasip iivangkiiliua 4:43 atuaruk. Jiisusip “Guutip naalagaaffianik iivangkiiliu” oqaluussissutigaa ajoqersukkanilu aamma taamaaliornissaat piumasaralugu. Kikkut tusarliussaq tamanna tamanut oqaluussissutigaat? Jehovap Nalunaajaasui kisimik! Allaat uagutsinnik nuannarinninngitsut tamanna nassuerutigaat. Assersuutigalugu palasi ajoqersuiartortitaq nunani assigiinngitsorpassuarni najugaqarsimasoq Jehovap Nalunaajaasuisa ilaannut oqaluttuarpoq nunani tikitamini Nalunaajaasut aperisarsimallugit tusarliussaq suna oqaluussissutigisarneraat. Ima oqarpoq: “Tamarmik sianiingaaramik assigiimmik akisarput: ‘Guutip Naalagaaffia pillugu nutaarsiassaq nuannersoq.’ ” Palasilli oqaasii sianiinnginnitsinnut kristumiutulli ilumoortutut ataasioqatigiinnitsinnut uppernarsaataapput. (1 Kor 1:10) Aamma atuagassiaq Napasuliaq Alapernaarsuiffik Jehovap naalagaaffianik tusarliussisoq Guutip naalagaaffiata pingaaruteqassusianik erseqqissaarivoq. Atuagassiaq oqaatsini 254-ini agguaqatigiissillugu qaammatit tamaasa 59 millioninngorlugu naqiterneqartarpoq, nunarsuaq tamakkerlugu atuagassianit allanit tamanit naqiterneqarnerpaatut inissisimalluni!
7. Kristumiuunerartut siuttuisa tusarliussaq eqqortoq oqaluussissutiginngikkaat qanoq nalunngilarput?
7 Kristumiuunerartut palasiisa Guutip naalagaaffia oqaluussissutiginngilaat. Guutip naalagaaffia pillugu eqqartuigaangamik amerlasuut inuup uummataaniinnerartarpaat. (Luk 17:21) Guutilli naalagaaffiata Jiisusimit kunngiuffigineqarlunilu qilammi naalakkersuiffiviunera ilinniartitsissutigineq ajorpaat, aatsaalli juullip poorskillu nalaanni Jiisusi eqqartornerusarlugu. Guutip naalagaaffiata inuit ajornartorsiutaannut tamanut aaqqiissutissatuaanera nunarsuarmilu ajussutsimik tamanik piuneerutsitsisussaanera nassuiarneq ajorpaat. (Saqq 19:11-21) Erserpoq Jiisusip Guutip naalagaaffiani kunngisut iliuusissai kristumiuunerartut siuttuisa ilisimanngikkaat. Jiisusillu tusarliussaa paasinnginnamikku sooq oqaluussissanerlutik paasinngilaat.
OQALUUSSINISSAMUT SUNA KAJUMISSISSUTIGISARIAQARPARPUT?
8. Suna oqaluusserusunnermut kajumississutaassanngila?
8 Jiisusip ajoqersugai aningaasarsiornissartik kusanartunilluunniit illorsualiornissartik kajumississutigalugit oqaluussissutiginnittussaanngillat. Jiisusi ima oqarpoq: “Akeqanngitsumik tunineqarpusi, akeqanngitsumik tunisigitsi!” (Matt 10:8) Taamaammat oqaluussineq niuerniutaanngilaq. (2 Kor 2:17) Jiisusip ajoqersugaasa oqaluussinertik aningaasarsiutiginiartussaanngilaat. (Apustilit Suliaat 20:33-35 atuakkit). Jiisusip peqqussutaa paasiuminaraluartoq upperisarsioqatigiit amerlanerit oqaluffinnut, palasinut sulisunullu allanut akiliisinnaajumallutik aningaasanik katersineq ulapputigisarpaat. Tamannalu kristumiuunerartut siuttut ilarpassuisa pisuunngorsimanerannik kinguneqarpoq. – Saqq 17:4, 5.
9. Jehovap Nalunaajaasuisa oqaluusseqataanissaminnut eqqortumik kajumissuseqarnertik qanoq ersersissimavaat?
9 Jehovap Nalunaajaasui naalagaaffilersaarfimminni ataatsimeersuarnerminniluunniit aningaasanik katersuiniaasarpat? Naamik! Suliaat nammineq kajumissutsimit tunisinernit aningaasalersorneqartarpoq. (2 Kor 9:7) Siorna Jehovap Nalunaajaasuisa nalunaaquttap-akunneri 2 milliardingajaat nutaarsiassamik nuannersumik oqaluussissutiginninnermut atorsimavaat, qaammatillu tamaasa inuit 9 millionit sinnerlugit Biibilimik atuaqqissaaqatigisimallugit. Oqaluussinerminnut akissarsineq ajorput, namminnerli aningaasaatitik suliamut tamatumunnga kajumillutik atortarpaat. Upperisanik misissueqqissaartartoq Jehovap Nalunaajaasuisa suliaat pillugu ima oqarpoq: “Oqaluussineq ilinniartitsinerlu pingaarnerpaatippaat.” Aamma oqarpoq Jehovap Nalunaajaasui akissarsialinnik palaseqanngitsut. Aningaasannanniarluta oqaluussinnginnatta taava suna oqaluussinissamut kajumississutigaarput? Jehova inuillu asagatsigit kajumilluta oqaluussivugut. Taamatut isiginnittaaseqarneq siulittuummik Tussiaat 110:3-mi allassimasumik eqquutititsivoq. (Atuaruk).
SUUT PERIAASERINEQARTARIAQARPAT?
10. Jiisusi ajoqersukkanilu oqaluussinermi sunik periaaseqarpat?
10 Jiisusi ajoqersukkanilu oqaluussinermi sunik periaaseqarpat? Inuit sumiikkaluarpataluunniit ornittarpaat. Assersuutigalugu aqqusinerni niuertarfinnilu oqaluussisarput. Aamma inuit angerlarsimaffiinut orniguttarput. (Matt 10:11; Luk 8:1; ApS 5:42; 20:20) Illumiit illumut oqaluussinikkut inuit kikkulluunniit aaqqissuussaasumik oqaluussiffigineqarsinnaapput.
11, 12. Oqaluussinermut tunngatillugu kristumiuunerartut iliuuseriniagaat Jehovallu innuttaasa iliuuserisimasaat qanoq assigiinngissuteqarpat?
11 Kristumiuunerartut Jiisusip oqaluusseriaasiatut nutaarsiassaq nuannersoq oqaluussissutigaat? Palasit akissarsiaqaatigalugu ilaasortaminnut amerlanertigut naalagiartitsisarput. Siuttut taakkua nutaanik ajoqersuganngortitsiortornatik oqaluffimmi ilaasortamik naalagiartarunnaannginnissaat suliarisarpaat. Ilaannikkut ilaasortatik oqaluusseqqullugit kajumissaartarsimagaluarpaat. Assersuutigalugu ukiumi 2001-imi paavip Johannes Paul II-ta oqaluffimmut allakkamini ilaasortat iivangkiiliumik oqaluussinissaannik kajumissaarpai, apustilillu Paulusip ima allanneratut aallussilluaqqullugit: ‘Eqqanaq uanga iivangkiiliu nalunaajaatiginngikkukku.’
Paavi oqarpoq oqaluussineq tamanna sungiusarsimasunit ikittunnguanit suliarineqarnani oqaluffiup ilaasortaanit tamanit suliarineqartariaqartoq. Ikittuinnaalli kajumissaarut tamanna malippaat.12 Jehovammi Nalunaajaasui? Taakku kisiartaallutik Jiisusip kunngisut 1914-imiilli naalakkersuineranik oqaluussissutiginnittuupput. Jiisusi naalallugulu oqaluussineq inuunerminni pingaarnerpaatippaat. (Mark 13:10) Atuakkami Pillars of Faith – American Congregations and Their Partners-imi (Uppernerup sukarutai – Amerikami ilagiit suleqataallu) allassimavoq Jehovap Nalunaajaasuisa oqaluussineq pingaartilluinnaraat. Aamma allassimavoq inunnik kaattunik, kiserliortunik napparsimasunillu naapitsigaangamik ikiuiniartartut, silarsuulli naggatissaa aamma annaassinissaq pillugit oqaluussinissamik anguniagartik pingaarnerusoq puiunngisaannaraat. Jehovap Nalunaajaasuisa tusarliussaq tamanna oqaluussissutigalugu Jiisusip ajoqersugaasalu periaasii ilaarniartuarpaat.
OQALUUSSINEQ QANOQ SIAMMARSIMATIGALUNILU SIVISUTIGISSAVA?
13. Oqaluussineq qanoq siammarsimatigissava?
13 Jiisusi oqarpoq ajoqersukkami “silarsuarmi tamarmi” nutaarsiassaq nuannersoq oqaluussissutigalugulu ilinniartitsissutigissagaat. Aamma ‘inunnik inuiannit tamaneersunik’ ajoqersuganngortitsiortornissaannik piumaffigineqarput. (Matt 24:14; 28:19, 20, NW) Tamanna nutaarsiassap nuannersup nunarsuaq tamakkerlugu oqaluussissutigineqarnissaanik isumaqarpoq.
14, 15. Jehovap Nalunaajaasuisa oqaluussinerup siammarsimaneranut tunngatillugu Jiisusip siulittuutaanik eqquutititsinerat qanoq uppernarsarneqarpa? (Allaaserisap aallaqqaataani assit takukkit).
14 Jiisusip nutaarsiassap nuannersup nunarsuaq tamakkerlugu oqaluussissutigineqarnissaanik siulittuutaa Jehovap Nalunaajaasuisa kisimik eqquutitippaat. Sooq taama oqarsinnaavugut? USA-mi kristumiuunerartut 600.000-t missaannik palaseqarput, nunamilu tassani Jehovap Nalunaajaasui 1.200.000-nit amerlanerusut oqaluussisartuupput. Nunarsuaq tamakkerlugu katuullit 400.000-nik palaseqarput, Jehovalli Nalunaajaasui 8 millioninit amerlanerusut nunani 240-ni oqaluussisartuupput. Erserpoq Jehovap Nalunaajaasuisa nunarsuaq tamakkerlugu oqaluussinerat Jehovamut ataqqinaataallunilu unnersiutaasoq. – Tuss 34:2; 51:17.
15 Naggatissap nalliutinnginnerani sapinngisamik inunnut amerlanerpaanut oqaluussinissaq Jehovap Nalunaajaasuisut anguniagaraarput. Tamanna anguniarlugu oqaatsinut 700-nit amerlanerusunut atuakkanik, atuagassianik, naqitaaqqanik, ataatsimeersuarnernut eqqaaniaanernullu qaaqqusissutinik nutserillutalu naqiterisimavugut. Tamakku akeqanngitsumik neqeroorutigisarpavut. Ukioq kingulliinnaq Biibililersaarutit 4,5 milliardit missaat naqiterpavut. Aamma New World Translation of the Holy Scriptures oqaatsini 130-nit amerlanerusuni 200 millionit sinnerlugit naqitersimavarput. Nittartagarpullu oqaatsini 750-init amerlanerusuni paasissutissaqarpoq. Jehovap Nalunaajaasui kisiartaallutik taama tupinnartigisumik naammassisaqarput.
16. Jehovap Nalunaajaasuisa Guutip anersaavanit ikiorneqarnerat qanoq nalunngilarput?
16 Qanoq sivisutigisumik oqaluussisoqassava? ApS 1:8; 1 Petr 4:14) Upperisarsiortut ilaat anersaamik illernartumik tunineqarsimanerarput. Ullussanili kingullerni makkunani Jehovap Nalunaajaasuisulli oqaluussiuarsinnaappat? Ilaat oqaluussiniartarsimagaluarput, iluatsinngitsumilli. Allat oqaluusserusupput, piffissamili killilimmi. Aamma allat illumiit illumut oqaluussisarput, Guutilli naalagaaffia pillugu tusarliussaq oqaluussissutiginagu. Taamaammat oqaluussineq Jiisusip aallartitaa suliarinngilaat.
Jiisusi oqarpoq naggatissap tungaanut nutaarsiassaq nuannersoq oqaluussissutigineqassasoq. Ullussani kingullerni Jehovap Nalunaajaasuisut oqaluussinermi aalajaassinnaasimavugut aatsaat Jehovap anersaavanik tunineqaratta. (KIKKUT NUTAARSIASSAQ NUANNERSOQ OQALUUSSISSUTIGAAT?
17, 18. (a) Sooq Jehovap Nalunaajaasuisa ullumikkut nutaarsiassamik nuannersumik oqaluussissutiginnittuunerat nalunngilluinnarsinnaavarput? (b) Qanoq ililluta oqaluussiuarsinnaavugut?
17 Kikkuuppammi ullumikkut nutaarsiassamik nuannersumik oqaluussissutiginnittut? Jehovap Nalunaajaasui kisimik! Qanoq nalunngilarput? Tusarliussaq eqqortoq, Guutip naalagaaffianik nutaarsiassaq nuannersoq, oqaluussissutigigatsigu. Oqaluussigaangatta inunnut orniguttarnitsigut periaatsit eqqortut atortarpavut. Oqaluussinissamut pissuterput eqqortuuvoq, tassa Jehovamik inunnillu asanninnerput pissutigalugu oqaluussisaratta. Inunnut inuiannit tamalaaneersunut assigiinngitsunillu oqaasilinnut oqaluussisaratta oqaluussinerput siammarsimanerpaajuvoq. Aamma naggatissap tungaa tikillugu nutaarsiassaq nuannersoq oqaluussissutigiuarumaarparput!
18 Ullussani kingullerni makkunani Jehovap innuttaasa suliaat nuanningaartoq takullugu tupinnaqaaq. Qanormiuna ililluta nunarsuaq tamakkerlugu oqaluussisinnaasugut? Apustili Paulusi ima nassuiaavoq: “[Guuti] tassaavoq ilissinni sunniisoq piumassuseqartittarlusi naammassisaqartittarlusilu piumasani ajunngitsoq naapertorlugu.” (Fil 2:13) Qanortoq nutaarsiassamik nuannersumik sapinngisatsinnik oqaluussissutiginnittuarsinnaaqqulluta Jehovap nukissatsinnik naammattumik tunigilisigut! – 2 Tim 4:5.