1, 2. (a) Jiisusip Mat­thæusi 24:12-imi oqaasii kik­kun­nut eq­quuteq­qaar­pat? (b) Apustilit Suliaan­ni qanoq erser­pa kristumiut siul­liit amerlanersaat uum­matik­kut iluun­ngarlutik asan­nit­tuusut? (Al­laaserisap aal­laq­qaataani as­siliaq takuuk).

JIISUSIP nunamiik­kal­larami ‘silarsuup naggatis­saa’ sunik ilisar­naateqas­sasoq nas­suiar­paa. Ilaatigut ima oqar­poq: “Asan­nin­neq amerlaner­ni nil­ler­tun­ngorumaar­poq.” (Matt 24:3, 12) Jiisusip nalaani juutit Guutimut in­nut­taanerar­tut Guutimik asan­nin­ner­tik nil­ler­tun­ngor­tip­paat.

² Taamaak­kaluar­toq taamani kristumiut amerlanersaat al­latut isigin­nit­taaseqar­put. Aal­lus­sil­luarlutik Jiisusi pil­lugu nutaarsias­saq nuan­nersoq ‘nalunaajaatigaat’ aam­ma Guutimik up­peqatimin­nil­lu al­laal­lu sal­lusuis­sum­mik ilisimasaqan­ngitsunik asan­nin­ner­tik ersersil­lugu. Kristumiut taak­kua uum­matik­kut iluun­ngarlutik Guuti asajuar­paat. (ApS 2:44-47; 5:42) Ajoraluar­tumil­li kristumiut siul­liit taak­kua ilaasa asan­nin­ner­tik nil­ler­tun­ngor­tip­paat. Taman­na qanoq nalun­ngilar­put?

3. Sooq kristumiut ilaasa asan­nin­nerat nil­ler­tun­ngorsimasin­naava?

 ³ Jiisusip kristumiut siul­liit Efesosimi najugal­lit ima oqarfigai: ‘Asan­nis­sutsit siul­leq soraarup­pat.’ (Saqq 2:4) Imaas­sin­naavoq kristumiut Efesosimiit­tut inun­nit nunaq­qatigisamin­nit im­minuin­naq eq­qarsaatigisunit sun­ner­neqarsimasut. (Ef 2:2, 3) Efesosi il­loqarfiuvoq pigis­saarfiusoq, tas­sanimiul­lu piisaarlutik ilorrisimaarlutil­lu inoorusup­put. Efesosimior­pas­suit kinguaas­siuutitigut inuunerlut­tuup­put Guutil­lu inatsisaanik ataq­qin­nin­ngitsuul­lutik. Im­minut iluarusutsik­kumanerup­put Guutimik tul­lermil­lu nam­minis­sarsiun­ngitsumik asan­nin­nermin­ngar­nit.

4. (a) Nalitsin­ni asan­nin­neq qanoq nil­ler­tun­ngorsimava? (b) Asan­nin­ner­put nil­ler­tun­ngoq­qunagu suut pingasut eq­qumaf­figis­savavut?

⁴ Jiisusip asan­nin­nerup nil­ler­tun­ngor­nera pil­lugu siulit­tuutaa aam­ma nalitsin­ni eq­quup­poq. Ul­lumik­kut inuit Guutimik asan­nin­nikin­nerujar­tuin­nar­put. Inuit milionil­lit silarsuarmi ajor­nar­torsiutit aaq­qin­niarlugit Guutimut ikior­tis­sarsior­natik aaq­qis­suus­siner­nut inuit pilersitaan­nut ikior­tis­sarsior­tar­put. Asan­nin­nerat nil­ler­tik­kiar­tuin­nar­poq. Al­laat Jehovap kif­faasa asan­nin­nerat nil­ler­tun­ngorsin­naavoq, soorlu itsaq Efesosimi ilagiin­ni taamaas­simasoq. Asan­nin­ner­put nil­ler­tun­ngoq­qunagu eq­qumaf­figisas­savut uku pingasut sam­mis­savavut: (1) Jehovamik asan­nin­ner­put, (2) sal­lusuis­sum­mik Biibilimiit­tumik nuan­narin­nin­ner­put, aam­ma (3) qatan­ngutitsin­nik asan­nin­ner­put.

5. Sooq Guuti asas­savar­put?

⁵ Kina asaner­paas­savar­put? Jiisusi ima oqar­poq: “‘Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.’ Tas­sa inas­sutit an­nersaat siul­lersaal­lu.” (Matt 22:37, 38) Jehova asagutsigu inas­sutai naalas­sin­naal­lutigil­lu piner­tusaarsin­naal­lutalu ajor­toq uumigisin­naavar­put. (Tussiaat 97:10 atuaruk). Saatanil­li silarsuaatalu Guutimik asan­nik­kun­naarsin­niar­paatigut.

6. Inuit Guutimik asan­nik­kun­naaraangata qanoq pisoqar­tar­pa?

⁶ Silarsuaq asan­nin­nermut kuk­kusumik isigin­nit­taaseqar­poq. Inup­pas­suit Guuti asanagu im­min­nik asagamik ‘nam­minis­sarsior­put’. (2 Tim 3:2) “Uin­ngup pilerigisai, isit pilerigisaat nunal­lu piinik usorsisimaaruteqar­neq” pingaar­tit­tar­paat. (1 Joh 2:16) Im­minut siul­liuk­kut­ta qanoq pisoqas­sasoq apustilip Paulusip ima al­laatigaa: “Uin­ngup kajunger­nera toqus­sutaavoq.” Sooq? Uin­ngup pilerigisaanik pingaar­titsisut Guutimut akeraaler­tarmata. (Rom 8:6, 7) Inuit aningaasarsior­nermik pingaar­titsisut kinguaas­siuutitigul­lu pileris­suser­tik naaper­torlugu iliuuseqar­tut pakatsingaar­tar­put. – 1 Kor 6:18; 1 Tim 6:9, 10.

7. Ul­lumik­kut isum­mat suut kristumiunut navianarsin­naap­pat?

⁷ Inup­pas­suit guuteqan­ngin­neraasut pin­ngoriar­tuaar­neraasul­lu Guutimik asan­nit­tuusariaqan­ngin­neq al­laal­lumi piuneranik up­perin­nit­tuusariaqan­ngin­neq up­per­narsar­niar­tar­paat. Isumaqar­titsiniar­put inuit sianiitsut ilin­niagaqarsiman­ngitsul­lu kisimik pin­ngor­titsisoqar­neranik up­perin­nit­tuusut. Aam­mami inup­pas­suit ilisimatuut Pin­ngor­titsisumit ataq­qinerusar­paat. (Rom 1:25) Kristumiut isum­manit tamak­kunan­nga aam­ma sun­ner­tis­sin­naap­put. Jehovamut at­taveqar­ner­put ajoquser­neqarsin­naavoq asan­nin­ner­pul­lu nil­ler­tun­ngorsin­naal­luni. – Hebr 3:12.

8. (a) Jehovap in­nut­taasa suut nikal­lus­sutigisin­naavaat? (b) Tus­siaat 136 qanoq tup­pal­lersaatigisin­naavar­put?

 ⁸ Saatanip silarsuaani ajor­tumi inuugat­ta ilaan­nik­kut nikal­lus­sutigisin­naasavut amerlap­put. (1 Joh 5:19) Nikal­lungaterusaar­tuarut­ta up­per­nikil­lisin­naavugut Guutimil­lu asan­nin­ner­put nil­ler­tun­ngorsin­naal­luni. As­sersuutigalugu utoq­qaliner­put, peq­qiil­lior­ner­put aningaasakil­lior­ner­pul­luun­niit pis­sutigalugu ajor­nar­torsiorsin­naavugut. Kis­saatigisatsitul­luun­niit iliuuseqarsin­naan­ngik­kut­ta nikal­lorsin­naavugut. Imaluun­niit neriuutigisatsitut pisoqan­ngip­pat pakatsisin­naavugut. Qanorluun­niit unam­miniagaqaraluarut­ta misigin­ngisaan­nas­saagut Jehovap qimak­kaatigut. Tus­siaat 136:23-mi oqaatsit tup­pal­ler­nar­tut uku eq­qarsaatigik­kit: “Taas­suma nikanarsagaanitsin­ni isumak­kiin­ngilaatigut, un­neq­qaris­susia atavoq naas­saan­ngitsumik.” ‘Kimigiiserluta’ qinusar­ner­put Jehovap tusarlugulu akiumaaraa up­peril­luin­narsin­naavar­put. – Tuss 116:1; 136:24-26.

9. Paulusip Guutimik asan­nit­tuar­nis­saminut suna nukit­tus­sutigaa?

⁹ Apustilip Paulusip Jehovamit ikior­neqar­tar­nini eq­qarsaatigeq­qis­saar­tar­paa, taman­nalu up­per­nik­kut nukit­tus­sutigaa. Ima al­lap­poq: “Naalagaq ikior­tigaara, siooras­san­ngilanga, inuup qanoq iliorfigisin­naagaminga?” (Hebr 13:6) Paulusip Jehovamik tatigin­nin­nini unam­miniak­kami naam­magalugit ator­nis­saan­nut iluaqutigaa. Atugarliuleraluaramiluun­niit Jehova tatigiuaan­nar­paa. Al­laat par­naarus­saaq­qagaluarluni kristumioqatini qiim­mas­sarlugit ilagiin­nut al­lap­poq. (Ef 4:1; Fil 1:7; Fiil 1) Qanorluun­niit ajor­nar­torsioraluaraangami Paulusip uum­matik­kut iluun­ngarluni Jehova asajuar­paa. ‘Guuti tup­pal­lersaajuar­toq an­nikil­liuuteqar­nitsin­ni tamani uatsin­nik tup­pal­lersaasar­toq’ tatigaa. (2 Kor 1:3, 4) Paulusi qanoq ilaarsin­naavar­put?

10. Uum­matik­kut iluun­ngarluta Jehova qanoq asajuarsin­naavar­put?

¹⁰ Guuti uum­matik­kut iluun­ngarluta qanoq ilaatigut asajuarsin­naagip­put Paulusi  nas­suiaal­luni ima al­lap­poq: “Qinut­tuin­naritsi.” Aam­ma kingusin­nerusuk­kut ima al­lap­poq: ‘Qinunis­sin­ni qasusuigitsi.’ (1 Th 5:17; Rom 12:12) Sooq qinuneq Guutimut qanil­lis­sutigisar­par­put? Qinugaangat­ta Jehova oqaluut­tar­par­put. Taamaalior­tar­nik­kut taan­na at­taveqarfigil­lualersin­naavar­put. (Tuss 86:3) Eq­qarsaativut misigis­sutsivul­lu ilorler­paat Ataatatsin­nut qilam­miusumut oqalut­tuarigaangatsigit taas­sumun­nga qanil­lisar­pugut. (Tuss 65:3) Aam­ma Jehovap qin­nutivut akigai misigigaangat­ta asaneruler­tar­par­put. Jehovap ‘torlorfigisiminut tamanut qanin­nera’ up­peril­luin­nar­par­put. (Tuss 145:18) Jehovap asan­nin­neranik ikiuisar­neranil­lu up­perin­nin­ner­put iluaqutigalugu maan­nak­kut ajor­nar­torsiutivut siunis­samilu ajor­nar­torsiutigiumaak­kavut tamaasa anigorsin­naavavut.

11, 12. Sal­lusuis­sut qanoq nuan­narinerulersin­naavar­put?

¹¹ Kristumiuugat­ta sal­lusuis­sut nuan­naraar­put. Sal­lusuis­sut Guutip oqaasianiip­poq. Jiisusip Ataatani ima oqarfigaa: “Oqaatsitit sal­lusuis­sutaap­put.” (Joh 17:17) Sal­lusuis­sut Biibilimeersoq nuan­nariumal­lugu Biibilimi al­las­simasut nalun­ngit­tariaqar­pavut. (Kol 1:10) Taman­naan­naan­ngilarli. Susariaqar­nersugut paasitin­niarluta Tus­siaat 119-imik tus­siaasior­toq qanoq al­lan­nersoq malugiuk. (Tussiaat 119:97-100 atuakkit). Biibilimi atuak­kavut ul­lup ingerlanerani eq­qarsaatigeq­qis­saar­tariaqar­pavut. Sal­lusuis­sutip Biibilimeersup inuunitsin­ni maleruar­nera qanoq iluaqutigisin­naagip­put eq­qarsaatigeq­qis­saaraangatsigu sal­lusuis­sut nuan­narinerujar­tor­tar­par­put.

¹² Tus­siaasior­toq aam­ma ima al­lap­poq: “Oqaatsitit qilaan­nut ip­put tungusun­nitsutut, tungusun­nitsuum­mit tungusun­nin­nerul­lutik qanin­ni.” (Tuss 119:103) Biibililersaarutit Guutip peqatigiis­sor­taanit piareersar­neqar­tut nerisas­satut il­lin­nar­tutut ip­put. Mamarsaraangat­ta nerisavut iipal­laan­nar­nagit tamual­luar­tar­pavut. Taamatul­li atuaq­qis­saaraangat­ta pif­fis­saqarluarusut­tar­pugut. Taamaalioraangat­ta sal­lusuis­sut nuan­naringaaler­tar­par­put atuak­kavul­lu eq­qaamajuminar­tin­nerul­lugil­lu al­lanik ikiuinermi atorsin­naaler­tarlugit. – Oqal 12:10.

13. Jeremiap Guutip oqaasii qanoq nuan­nariler­pai, taman­nalu qanoq sun­ner­neqaatigaa?

¹³ Pruf­fiitip Jeremiap Guutip oqaasii nuan­narai. Ima oqar­poq: “Oqaatsitit nanivak­ka iil­lugil­lu; uangali oqaatsitit nuan­naarutigaak­ka uum­matik­kul­lu tipaatsuutigalugit il­lit atin­nik ateqar­titaagama, Naalagaq, Katersaarsuit Guutiat.” (Jer 15:16) Jeremiap Guutip oqaasii naleqangaar­tut eq­qarsaatigeq­qis­saar­tar­pai nuan­naralugil­lu. Jehovamut sin­niisuunini tusarlius­sisuusin­naaninilu pingaar­tingaar­pai. Biibili nuan­naril­luarutsigu paasis­savar­put Jehovamik nalunaajaasuuneq ul­lunilu kingul­ler­ni mak­kunani Naalagaaf­fik pil­lugu oqaluus­sineq im­mik­kut pisin­naatitaaf­fiusut.

14. Sal­lusuis­sut al­latigut qanoq nuan­narinerulersin­naavar­put?

¹⁴ Sal­lusuis­sut Biibilimeersoq uum­matik­kut iluun­ngarluta nuan­narilerumal­lugu aam­ma suna iluaqutigisin­naavar­put? Ilagiit ataatsimiin­neri aalajangersimasumik najuuf­figisariaqar­pavut, taak­kunanimi Jehovap ilin­niar­tit­tar­paatigut. Napasuliaq Alapernaarsuiffik atorlugu sapaatit-akun­neri tamaasa Biibilimik atuaq­qis­saaqatigiit­tar­neq ilin­niar­titaanit­ta pingaar­nersaasa  ilagaat. Taman­na iluaqutigil­luas­sagutsigu ataatsimiin­nis­samut piareersar­tariaqar­pugut. As­sersuutigalugu al­las­simaf­fin­nik in­nersuus­sinerit qup­persin­naavavut. Ul­lumik­kut Napasuliaq Alapernaarsuiffik oqaatsini arlalip­pas­suar­ni nit­tar­tak­kami jw.org-imi aam­ma ap­p-imi JW Library-mi elektroniskiusumik atuar­neqariaan­naal­lunilu aaneqariaan­naavoq. Formatit ilaan­ni al­las­simaf­fiit is­suar­neqan­ngitsut nuisin­neqariaan­naap­put. Al­laaserisat tamaasa atuaq­qis­saar­tarutsigit aam­ma al­las­simaf­fiit atuarlugil­lu eq­qarsaatigeq­qis­saar­tarutsigit sal­lusuis­sut Biibilimeersoq nuan­narinerujar­tus­savar­put. – Tussiaat 1:2 atuaruk.

15, 16. (a) Johan­nesi 13:34, 35 naaper­torlugit Jiisusip qanoq peq­quaatigut? (b) Guutimik asan­nin­ner­put Biibilimil­lu nuan­narin­nin­ner­put qatan­ngutitsin­nik asan­nin­nermut qanoq at­tuumas­suteqar­pat?

¹⁵ Jiisusi aqagumut toqusus­saal­luni ajoqersuk­kaminut ima oqar­poq: “Inas­sum­mik nutaamik tunivas­si: Asaqatigiis­saasi. Soorlu uanga asagis­si, taamat­taaq ilis­si asaqatigiis­saasi. Asaqatigiik­kus­si tamatumuuna tamarmik paasis­savaat ajoqersugarigis­si.” – Joh 13:34, 35.

¹⁶ Qatan­ngutitsin­nik asan­nin­ner­put Jehovamik asan­nin­nitsin­nut at­tuumas­suteqar­poq. Guuti asan­ngik­kutsigu qatan­ngutivut asasin­naan­ngilavut. Qatan­ngutivul­lu asan­ngik­kutsigit Guuti asasin­naan­ngilar­put. Apustili Johan­nesi ima al­lap­poq: “Qatan­ngun­nimi takusimasani asan­ngik­kuniuk Guuti takusiman­ngisani asasin­naan­ngilaa.” (1 Joh 4:20) Aam­ma Jehovamik qatan­ngutitsin­nil­lu asan­nin­ner­put Biibilimik nuan­narisaqar­nitsin­nut at­tuumas­suteqar­poq. Qanoq? Ilik­kak­kavut Biibilimeersut nuan­narigutsigit Guutimik qatan­ngutitsin­nil­lu asan­nin­nis­samik peq­qus­sutit naalak­kusus­sagatsigit. – 1 Petr 1:22; 1 Joh 4:21.

17. Asan­nin­neq qanoq ersersis­sin­naavar­put?

¹⁷ 1 Thessalonikamiut 4:9, 10 atuakkit. Ilagiitsin­niit­tunik asan­nin­ner­put qanoq ersersis­sin­naavar­put? Im­maqa qatan­ngut utoq­qaq ilagiit ataatsimiin­nerinut  najuuk­kusul­luni aaneqarusup­poq. Imaluun­niit uil­lar­neq angerlarsimaf­fim­mini iluarsagas­salik ikior­neqar­tariaqar­poq. (Jaak 1:27) Qatan­ngutit nikal­lungasut, isumatsaq­qasut al­latul­luun­niit ajor­nar­torsiuteqar­tut uagutsin­nit soqutigineqar­nis­saq, qiim­mas­sar­neqar­nis­saq tup­pal­lersar­neqar­nis­sarlu pisariaqar­tip­paat. (Uss 12:25; Kol 4:11) “Up­peqatitsin­nut” asan­nin­ner­put oqaatsik­kut iliuuseqar­nik­kul­lu ersersit­tar­par­put. – Gal 6:10.

18. Qatan­ngutivul­lu isumaqatigiin­ngis­sutivut qanoq aaq­qis­sin­naavavut?

¹⁸ Biibilimi al­las­simavoq aaq­qis­suus­sinerup ajor­tup matuma ‘ul­lus­saani kingul­ler­ni’ inup­pas­suit nam­minis­sarsior­tun­ngorlutil­lu piumatuujulis­sasut. (2 Tim 3:1, 2) Kristumiuugat­ta Jehovamik asan­nin­ner­put, Biibilimik nuan­narisaqar­ner­put up­peqatigiit­tul­lu asaqatigiin­ner­put ineriar­tor­tik­kumal­lugit ilungersor­tariaqar­pugut. Naam­mal­luin­nan­ngitsuugat­ta ilaan­nik­kut qatan­ngutivul­lu isumaqatigiin­ngilaar­tarsin­naavugut. Asaqatigiik­kat­tali isumaqatigiin­ngis­sutit inus­siar­nersumik sapin­ngisamil­lu piaar­ner­paamik aaq­qin­nias­savavut. (Ef 4:32; Kol 3:14) Asan­nin­ner­put nil­ler­tun­ngor­tin­naveersaarlugu uum­matik­kut iluun­ngarluta Jehova asajuar­tigu, oqaasia nuan­nariuar­tigu qatan­ngutivul­lu asajuar­tigit.