1, 2. Un­nuaq naal­lugu aalisareerlutik Petrusi qanoq ilik­kagaqar­pa?

JIISUSIP ajoqersugai arfineq-marluk Galilæap Tasersuani un­nuaq naal­lugu aalisaraluaramik susaar­put. Ul­laan­ngormat Jiisusip toqusunit makis­simasup tatsip sinaani qeqarluni taak­ku isigin­naareerlugit ima oqarfigai: “‘Umiatsiap taler­piatungaagut qas­suserus­si pisaqas­saasi.’ Qas­suseramik aalisak­kat amerlangaarmata qas­sutit qaqin­neq ar­tuler­paat.” – Joh 21:1-6.

² Jiisusip ajoqersuk­kani if­fiuk­kamik aalisak­kanil­lu nerisas­sip­pai. Taava Siimuut-Petrusi saal­lugu ima aperaa: “Siimuut, Johan­nesip er­nera, taak­kunan­nga asaneruinga?” (NW) Jiisusip nalun­ngilaa Petrusip aalisar­tuunini nuan­narigaa. Jiisusip taama aperigami paaserusugunar­paa suut nuan­nariner­paanerai – Jiisusi ilin­niar­titsis­sutaalu imaluun­niit aalisar­tuunini. Petrusi ima akivoq: “Aap, Naalagaq, nalun­ngilat asagik­kit.” (Joh 21:15) Ul­lormiit tamatuman­nga Petrusip oqaatsini taak­ku pimoorul­lugit inooriaatsimigut ersersip­pai. Oqaluus­sinermik ulap­puteqar­tuar­nermigut Kristusi asal­lugu ersersip­paa, ilagiin­nilu kristumiuni pingaarutilim­mik akisus­saaf­feqalerluni.

3. Kristumiut suna eq­qumaf­figisariaqar­paat?

³ Jiisusip Petrusimut oqaasii qanoq ilin­niarfigisin­naavavut?  Kristusimik asan­nin­nikil­lin­ngin­nis­sar­put eq­qumaf­figisariaqar­par­put. Jiisusip nalun­ngilaa silarsuarmi matumani inuuniar­neq uip­pakajaar­narsin­naasoq aam­ma isumakuluuteqar­tarlutalu unam­miniagas­saqar­tas­sasugut. Siaruar­terisumik as­sersuusiamini oqar­poq inuit ilaasa “Naalagaaf­fim­mik oqaaseq” ilas­siumaaraat aal­lus­sil­luaq­qaariarlutil­li ‘silarsuarmi matumani isumakuluutit pisuus­sutil­lu nakutitsisar­nerisa oqaaseq ipitim­mas­suk’ aal­lus­sil­luarun­naas­sasut. (Matt 13:19-22; Mark 4:19) Mianersun­ngik­kut­ta ul­luin­nar­ni isumakuluutit Jehovamut kif­far­tor­nitsin­nut ajoqutaatilersin­naavavut. Taamaat­tumik Jiisusip ajoqersuk­kani ima oqarfigai: “Mianersoritsi uum­matisi malus­sarlersitaaq­qunagit aalakoor­nermit imerajun­nermil­lu inuunerul­lu matuma piinik isumakuluutinit.” – Luk 21:34.

4. Qaman­nga pisumik Kristusi asanerlutigu qanoq paasisin­naavar­put? (Al­laaserisap aal­laq­qaataani as­sit takuk­kit).

⁴ Petrusitul­li oqaluus­sinermik sal­liutitsinitsigut Kristusimut asan­nin­ner­put ersersis­sin­naavar­put. Taamaalior­tuar­nis­sar­put qanoq qulak­keersin­naavar­put? Im­minut ima aperisin­naavugut: ‘Inuunermi suna nuan­nariner­paavara? Qaquguk­kut nuan­naar­tar­punga? Anersaak­kut it­tunik sam­misaqaraangama al­lanil­luun­niit sam­misaqaraangama?’ Taman­na akiumal­lugu Kristusimik asan­nin­nikil­lis­sutaasin­naasut pingasut sam­meriar­tigit. Tas­saap­put aningaasarsior­neq, sun­ngif­fim­mi sam­misaqar­neq pigisal­lu.

5. Ilaqutariin­ni it­tuusoq qanoq akisus­saaf­feqar­pa?

⁵ Petrusip aalisar­tuuneq saniatigooriin­nar­nagu ilaqut­taminik pilersuinermini sulif­figaa. Aam­ma ul­lumik­kut Jehovap ilaqutariin­ni it­tuusoq ilaqut­taminik pilersuinis­saanik akisus­saaf­feqar­tip­paa. (1 Tim 5:8) Pilersuiniarlutik ilungersor­tariaqar­put. Ul­lus­sani kingul­ler­ni mak­kunani sulif­feqar­neq isumakuluuter­pas­suar­nut pis­sutaasin­naavoq.

6. Sooq aningaasarsior­neq tamaviaar­narsin­naava?

⁶ Sulif­fis­sarsior­tut sulif­fiusin­naasunit amerlanerusarmata sulif­fiit piler­ngun­neqar­tar­put. Inup­pas­suit misigisar­put ilaan­nik­kut akis­sarsiakin­nerul­lutik sulinerusariaqar­tarlutik. Sulif­fis­suaqarfiit sior­natigor­nin­ngar­nit sulisukin­nerul­lutik nioq­qutis­sanik amerlanerusunik sanaar­tor­niarsarip­put. Sulisut stres­siler­tar­put, qasoq­qaler­tar­put al­laal­lu nap­parsimaler­tarlutik. Inup­pas­suit sulisitsisumik piumasaa malin­ngik­kunik­ku sulif­fim­mik an­naanis­saat an­nilaangagisar­paat.

7, 8. (a) Illit kina ilumoorfiginer­paaviuk? (b) Qatan­ngutip Thailandimiup aningaasarsior­nermut tun­ngatil­lugu pingaarutilik suna paasivaa?

⁷ Kristumiuugat­ta ilumoorfiginer­paasar­put tas­saavoq Jehova inuk, sulisitsisor­pul­luun­niit, pin­nagu. (Luk 10:27) Pisariaqar­titatsin­nik Guutimul­lu kif­far­tor­nitsin­ni im­minut pilersor­niarluta aningaasarsior­tar­pugut. Mianersun­ngik­kut­tali  sulif­fitsin­ni akisus­saaf­fivut pal­lorfigin­nin­nitsin­nut ajoqutaalersin­naap­put. Qatan­ngutip Thailandimiup misigisai ilin­niarfigisin­naavavut. Ima oqar­poq: “Qarasaasianik iluarsaas­sisar­tutut sulinera soqutiginangaar­poq, kisian­ni nalunaaqut­tap-akun­ner­pas­sui sulisar­punga. Taamaat­tumik anersaak­kut it­tunut pif­fis­saqar­piar­neq ajor­punga. Paasiler­para Guutip naalagaaf­fia sal­liutik­kumal­lugu sulinikin­nerus­saguma al­lan­nguisariaqarlunga.” Qanoq ilior­pa?

⁸ Ima oqalut­tuar­poq: “Ukiup ataatsip mis­saa pilersaarusioreerlunga aalajanger­punga aq­qusinermi sikunik tuniniaasar­tun­ngor­niarlunga. Aal­laq­qaam­mut aningaasarsior­nera erloqinarmat nikal­lor­punga. Suleqatigisimasama naapik­kaangamin­nga il­laatigalunga aperisar­paan­nga sooq sikunik tuniniaaneq sulif­fim­mi nil­lalaarsaatilim­mi qarasaasialerinermit pitsaanerusorigiga. Tamak­ku naam­magalugit atorsin­naajumal­lugit anguniagaralu, anersaak­kut it­tut pif­fis­saqarfiginerunis­saat, angusin­naajumal­lugu ikioq­qul­lunga Jehovamut qinuvunga. Sivitsun­ngitsoq atuk­kak­ka pitsan­ngoriar­tuler­put. Pisisar­tuma mamarisaat ilik­kariar­tor­pak­ka sikuliul­laq­qin­nerulerlungalu. Ul­lormut sikuliarisar­tak­kak­ka ul­lormi tamatumani nungut­taler­put. Maan­na qarasaasialerisaral­lar­nin­niit aningaasat tungaatigut ingerlal­luar­neruvunga. Sulif­figisaraluan­niit stres­ser­nan­ngin­nerum­mat isumakulun­nan­ngin­nerum­mal­lu nuan­naar­neruvunga. Pingaar­ner­paamil­lu maan­na Jehovamut qanin­nerusutut misigivunga.” – Matthæusi 5:3, NW, 6 atuakkit. *

9. Aningaasarsior­nermut oqimaaqatigiis­sumik qanoq isigin­nit­taaseqar­tuarsin­naavugut?

⁹ Ilungersorluni sulineq nalerisimaar­narlunilu Jehovamit pingaar­tin­neqar­poq. (Uss 12:14) Qulak­keer­tariaqar­par­pul­li aningaasarsior­ner­put Jehovamut kif­far­tor­nitsin­nit pingaar­tin­nerulis­san­ngik­kip­put. Timik­kut pisariaqar­titat pil­lugit Jiisusi ima oqar­poq: “Naalagaaf­fik naaper­tuil­luas­suserlu taas­suma pia siul­liul­lugit noq­qaas­sutigiuarsigit, taava tamak­ku tamaasa ilan­ngul­lugit ilis­sin­nut tun­niun­neqarumaar­put.” (Matt 6:33, NW) Aningaasarsior­nermut tun­ngatil­lugu oqimaaqatigiis­saarinerluta qanoq paasisin­naavar­put? Im­minut ima aperisin­naavugut: ‘Sulif­figa soqutiginar­til­lugulu pis­sanganar­tip­para Guutimul­li kif­far­tor­nera naam­maan­nar­tutut al­laal­luun­niit pik­kunaatsutut isigalugu?’ Apeq­qut taman­na eq­qarsaatigigutsigu suna nuan­narivin­nerlugu erseq­qis­sumik paasisin­naavar­put.

10. Jiisusip pingaarutilik suna ilin­niar­titsis­sutigaa?

¹⁰ Jiisusip suna inuunermi sal­liutis­sanerip­put ilin­niar­tip­paatigut. Ilaan­ni qatan­ngutigiit Maria Marthalu pulaar­pai. Marthap ingerlaan­naq Jiisusi nerisas­siuutiler­paa, Marialli Jiisusip eq­qaanut ingil­luni ilin­niar­titsinera tusar­naar­paa. Marthap Mariamit ikior­neqan­ngin­nini naam­magit­taal­liuutigim­magu Jiisusip Martha  ima oqarfigaa: “Mariap ajun­ngin­neq qiner­paa, tamatumin­ngalu arsaar­neqas­san­ngilaq.” (Luk 10:38-42) Tamatumani pingaarutilik ilin­niar­titsis­sutigaa. Nam­mineq pisariaqar­titavut al­lamut saasaatiginaveersaar­niarlugit Kristusimil­lu asan­nin­ner­put ersersin­niarlugu ‘ajun­ngin­neq qiner­tariaqar­par­put’. Tas­sa Jehovamut at­taveqar­ner­put inuunitsin­ni pingaar­ner­paajuaan­nar­tariaqar­poq.

11. Qasuersaar­neq eq­qis­sisimaar­nerlu pil­lugit Biibilimi qanoq al­las­simasoqar­pa?

¹¹ Ulap­puter­pas­suaqar­tarat­ta ilaan­nik­kut qasuersaarlutalu eq­qis­sisimaar­tariaqar­tar­pugut. Biibilimi ima al­las­simavoq: “Inuk iluanaar­nerus­sagaluar­poq neril­lunilu imeruni suleruloor­nermini pis­sarsiani inuul­luutigalugit.” (Oqal 2:24) Jiisusip nalun­ngilaa ajoqersuk­kami qasuersaar­tar­nis­saat pingaaruteqar­toq. As­sersuutigalugu ajoqersuk­kanilu oqaluus­sersuaareerlutik Jiisusip ima oqarfigai: “Inoqan­ngitsumut ilagisinga; taak­kuin­naal­lusi tas­sani qasuersaatsiarsin­naavusi.” – Mark 6:31, 32.

12. Sooq sun­ngif­fim­mi sam­misar­tak­kat aliik­kutal­lu mianersuutigisariaqar­pavut? As­sersuuteqarit.

¹² Sun­ngif­fim­mi sam­misar­tak­kat aliik­kutal­lu qasuersaatigisin­naavavut. Im­minul­li iluarusutsik­kusun­neq inuunitsin­ni pingaar­ner­paaleq­qunagu mianersor­tariaqar­pugut. Kristumiut siul­liit nalaan­ni ima isumal­lit amerlasimap­put: “Neril­lutalu er­ngutiin­nar­niar­ta, aqagu toqus­sagat­ta!” (1 Kor 15:32) Ul­lumik­kut aam­ma taama isumaqar­toqar­poq. As­sersuutigalugu angut inuusut­toq Europap Kip­pasis­suamiu kristumiut ataatsimiit­tar­nerinut najuut­taler­poq. Aliik­kutaqar­nerli nuan­naringaaramiuk Jehovap Nalunaajaasui peqatigisarun­naar­pai. Kingusin­nerusuk­kul­li paasivaa aliik­kusersor­pal­laarami ajor­nar­torsiuter­pas­suaqalersimal­luni. Biibilimik atuaq­qis­saar­taleq­qip­poq pif­fis­sal­lu ingerlanerani oqaluus­sisar­tun­ngorluni. Kuisereerluni ima oqar­poq: “Peq­qis­simis­sutigisatuaraara Jehovamut kif­far­tor­nerup silarsuarmi matumani aliik­kusersuutinit pil­luar­nar­nerungaar­nerata paasinis­saanut pif­fis­saq taama sivisutigisoq atulus­sin­narsimagak­ku.”

13. (a) Sun­ngif­fim­mi sam­misanut aliik­kutanul­lu pif­fis­sar­tor­pal­laar­nerup navianar­tuunera as­sersuuteqarlutit ersersiguk. (b) Sun­ngif­fim­mi sam­misanut aliik­kutanul­lu oqimaaqatigiis­saarinis­samut suna iluaqutigisin­naavar­put?

¹³ Sun­ngif­fim­mi sam­misaqar­neq qasuis­sutigisin­naal­lugulu nukis­saqaleq­qis­sutigisin­naavar­put. Taman­na qanoq pif­fis­sar­torfigitigis­savar­put? Taman­na akiumal­lugu as­sersuusiorsin­naavugut. Kaagit mamakujuil­lu mamarisar­pavut. Nalun­ngilar­pul­li taamaat­tutor­tuaan­narut­ta peq­qiil­liulersin­naal­luta. Peq­qis­soorusuk­kut­ta peq­qin­nar­tutor­tariaqar­pugut. Taamatul­li sun­ngif­fim­mi sam­misat aliik­kutal­lu sam­minerugutsigit Jehovamut at­taveqar­nitsin­nut sun­niuteqas­sap­put. Oqimaaqatigiis­saarinerlutali qanoq nalun­ngis­sin­naavar­put? Sapaatip-akun­nerani aalajangersimasumi sun­ngif­fim­mi sam­misanut, soorlu timersor­nermut, fjer­nsyner­nermut qarasaasiamiluun­niit pin­nguaateqar­nermut, nalunaaqut­tap-akun­neri qas­sit ator­nerlugit al­lat­torsin­naavavut. Taava Jehovamut kif­far­tor­nermut tun­ngasunut, soorlu ataatsimiin­ner­nut, oqaluus­sinermut Biibilimil­lu atuaq­qis­saar­nermut, nalunaaqut­tap-akun­neri qas­sit ator­nerlugit al­lat­torsin­naavavut.  Nalunaaqut­tap-akun­neri al­latavut im­min­nut naleq­qiuk­kutsigit suna paasis­savar­put? Al­lan­nguisariaqar­pugut? – Efesosimiut 5:15, 16 atuakkit.

14. Sun­ngif­fim­mi sam­misanik aliik­kutanil­lu silatusaar­tumik toq­qaanis­satsin­nut suut iluaqutigisin­naavavut?

¹⁴ Jehovap sun­ngif­fim­mi sam­misas­sanik nam­mineq aalajangiisin­naatip­paatigut, ilaqutariin­nilu it­tuusoq ilaqut­tami sam­misas­saan­nik aam­ma toq­qaasin­naatip­paa. Jehovap najoq­qutas­siai, taas­suma eq­qarsar­taasianik ersersitsisut, Biibilimi al­las­simap­put. Najoq­qutas­siat tamak­ku iluaqutigalugit silatusaar­tumik aalajangiisin­naavugut. * Iluaqutaasumik sun­ngif­fim­mi sam­misaqar­neq tas­saavoq “Guutip tunis­sutaa”. (Oqal 3:12, 13) Ilumoor­poq as­sigiin­ngitsunik tamat­ta aliik­kutaqarusut­tar­tugut. (Gal 6:4, 5) Qanorluun­niil­li it­tumik aliik­kutaqaraluarut­ta mianersor­tariaqar­pugut. Jiisusi ima oqar­poq: ‘Uum­mativit erlin­nar­tuutitit najor­tuar­tar­pai.’ (Matt 6:21) Kun­nger­put Jiisusi asagatsigu sunit tamanit Naalagaaf­fik pingaar­nerutil­lugu eq­qarsaatitsigut oqaatsitsigut iliuutsitsigul­lu ersersik­kusup­par­put. – Fil 1:9, 10.

15, 16. (a) Piumatus­suseq qanoq san­ngiil­lis­sutigisin­naavar­put? (b) Pigisanut tun­ngatil­lugu Jiisusi qanoq siun­nersuil­luar­pa?

¹⁵ Inup­pas­suit misigip­put atisat, mobiilit, qarasaasiat as­sigisaal­lu nutaajuner­paat pigisariaqarlugit. Taamaat­tumik  kristumiut nam­mineq kis­saatigisatik paasiniakulasariaqar­paat im­minut ima aperinik­kut: ‘Biilit nutaajuner­paat nutaalial­luun­niit al­lat eq­qarsaatiginerat ilagiin­ni ataatsimiin­nis­samut piareersar­nermit pif­fis­saqarfiginerusar­para? Ul­luin­nar­ni sam­misas­sat ulap­putigingaarak­kit qinunis­samut Biibilimil­luun­niit atuar­nis­samut pif­fis­sakin­neruler­punga?’ Mianersun­ngik­kut­ta pigisanik nuan­narin­nin­ner­put Kristusimik asan­nin­nitsin­nit pingaar­nerulersin­naavoq. Jiisusip oqaasii uku eq­qarsaatigisariaqar­pavut: ‘Mianersoritsi piumatus­susermut sumul­luun­niit.’ (Luk 12:15) Sooq taama oqar­pa?

¹⁶ Jiisusi oqar­poq ‘Naalak­kanut marlun­nut kif­far­torsin­naasoqan­ngitsoq’. Imalu nangil­luni: “Guutilu Mam­monilu tamaasa kif­far­torfigisin­naan­ngilasi.” Pigisanik sal­liutitsiitigaluta Jehova pitsaaner­paanik tunisin­naan­ngilar­put. Jiisusip nas­suiar­paa ‘aap­paa uumigigutsigu aap­paa asas­sagip­put, aap­paa tulaavigigutsigu aap­paa asigin­nas­sagip­put’. (Matt 6:24) Naam­mal­luin­nan­ngitsuugat­ta ‘uinit­ta pileris­susii’, ilaatigut piumatus­suseq, akior­tuar­tariaqar­pavut. – Ef 2:3.

17. (a) Sooq inuit ilaasa pigisanut tun­ngatil­lugu oqimaaqatigiis­saarineq saper­nar­tip­paat? (b) Pigisaleritunerup akior­nis­saanut suna iluaqutigis­savar­put?

¹⁷ Inup­pas­suit nam­min­neq kis­saatigisatik iluarusuk­kusun­ner­til­lu pingaar­tingaaramik­kit pigisanut tun­ngasunut oqimaaqatigiis­saarineq saper­nar­tip­paat. (1 Korinthimiut 2:14 atuaruk). Eq­qarsarluarsin­naan­ngin­namik suup eq­qor­tuunera suul­lu eq­qun­ngitsuunera im­mik­koor­til­luarsin­naan­ngilaat. (Hebr 5:11-14) Pigisaqarusun­nerat ingasatsik­kalut­tuin­nar­tar­poq, pigisaqar­nerujar­tor­til­lutil­lu naam­matsif­feerut­tar­put. (Oqal 5:9) Taamatul­li eq­qarsar­taaseqar­naveersaar­niarluta iliuuseqarsin­naavugut. Aalajangersimasumik Guutip oqaasianik atuar­tar­nik­kut pigisaleritunerup akior­nis­saanut nukis­saqalis­saagut. (1 Petr 2:2) Jiisusip Jehovap ilisimas­susersua eq­qarsaatigeq­qis­saar­tar­paa, taman­nalu Diaavulup us­siiniar­neranik akiuinis­saminut iluaqutigaa. (Matt 4:8-10) Aam­ma uagut pigisalerituneq akiorusuk­kutsigu Jehovap najoq­qutas­siai maleruar­tariaqar­pavut. Taamaaliorut­ta Jiisusip paasis­savaa pigisanit asanerugitsin­ni.

18. Sunis­sat aalajangiusimaviuk?

¹⁸ Jiisusip Petrusi ‘taak­kunan­nga asaneruneraani’ aperigamiuk Jehovamut kif­far­tor­neq inuunerani pingaar­ner­paasariaqar­toq ilin­niar­tip­paa. Petrusip aq­qata ‘qaarsumik’ isumaqar­nera soqutiginar­poq. Petrusip pis­susii nuan­nersut qaarsumut as­sersuun­neqarsin­naap­put. (ApS 4:5-20) Aam­ma uagut aalajaal­luta Kristusi asajuarusup­par­put. Taamaat­tumik aningaasarsior­nermut, sun­ngif­fim­mi sam­misanut pigisanul­lu eq­qor­tumik isigin­nit­taaseqar­nerluta qulak­kiis­savar­put. Taava Petrusitut ima oqarsin­naas­saagut: “Naalagaq, nalun­ngilat asagik­kit.”