ANGAJOQ­QAAK­KA 1910-p mis­saani Tbilisimit Georgiamiit­tumit Canadamut nuup­put. Canadap kip­pasis­suani il­lun­nguami il­loqarfiup Pellyp Saskatchewanimiit­tup qanit­tuani najugaqar­put. 1928-mi inun­ngor­punga qatan­ngutigiin­nilu arfiniliusuni nukarlersaal­lunga. Ataataga qaam­matinik arfinilin­nik inun­ngor­nis­sara sioq­qul­lugu toquvoq anaanagalu naalungiarsuusunga toqul­luni. Tamatumalu kingunin­ngua aleqara angajul­leq, Lucy, 17-inik ukioqarluni toquvoq. Taamaat­tumik angama Nickip qatan­ngutik­kalu perorsar­paatigut.

Ilaan­ni meeraaraal­lunga hestip pamiua nutsuk­kiga ilaqut­tama takuaat. Hestip isim­meqinam­manga an­nilaangagigamik­ku suaar­tar­put pamiua iperas­sagiga. Tunun­ngavak­ka suaar­tar­neral­lu tusaanagit. Qujanar­tumik ajutuun­ngilanga. Ul­lormili tas­sani ilaqut­tama paasivaat tusilar­tuusunga.

Ilaqut­tan­nut ikin­ngutaasoq siun­nersuivoq uan­nut pitsaanerus­sasoq meeq­qat tusilar­tut atuarfian­ni atualeruma. Taamaat­tumik angama Nickip il­loqarfim­mi Saskatoonimi Saskatchewamiit­tumi tusilar­tut atuarfian­nut atuariar­tor­tip­paanga. Atuarfik ilaqut­tama najugaan­niit ungaseqaaq, tal­limaan­nar­nil­lu ukioqarama an­nilaangavunga. Ilaqut­tak­ka taamaal­laat atuarfim­mi feeriaraangama aasak­kul­lu tikeraarsin­naasar­pak­ka. Pif­fis­sap ingerlanerani us­sersorluni  oqaatsit ilik­kar­pak­ka meeq­qal­lu al­lat pin­nguaqatigalugit nuan­nisar­tarlunga.

1939-mi aleqama Marionip Bill Danylchuck aap­par­taaraa, taak­kualu aleqaralu Frances isumagisariler­paatigut. Marionik­kut ilaqut­tatsin­ni siul­lersaal­lutik Jehovap Nalunaajaasuinit atuaq­qis­saaqatigineqar­taler­put. Aasak­kut atuan­ngif­feqar­nin­ni ilik­kak­kamin­nik Biibilimeersunik sapin­ngisamin­nik ilin­niar­tin­niar­tar­paan­nga. Us­sersorluni oqaatsit nalugamik­kit oqaloqatigiin­niar­ner­put imaan­naan­ngitsuuvoq. Takusin­naavaal­li Jehova pil­lugu ilik­kak­kak­ka nuan­naril­luin­narik­ka. Paasivara iliuuserisaat Biibilimi al­las­simasunut at­tuumas­suteqar­tut, taamaat­tumik oqaluus­sigaangata ilagisar­pak­ka. Tamatuma kingunin­ngua kuisik­kusuler­punga, 1941-milu septembarip tal­limaan­ni Billip imiisivim­mi saviminiusumi puilasumeersumik im­mik­kami morsutsip­paanga. Imeq nil­ler­torujus­suuvoq!

1946-mi aasak­kut angerlarama USA-mi il­loqarfim­mi Clevelandimi Ohiomiit­tumi ataatsimeersuaqataavugut. Ul­lormi siul­lermi saq­qum­mius­sat malin­naaf­figinias­sagak­kit aleqak­ka al­lat­tuip­put. Ul­lul­li aap­paan­ni nuan­naarutigingaak­kan­nik paasivara ataatsimeersuar­neq us­sersorluni oqaatsinut nutser­neqar­toq. Kiisami saq­qum­mius­sat malin­naaf­figil­luarsin­naaler­pak­ka, Biibilimilu ajoqersuutigineqar­tut kiisami paasil­luarsin­naalerak­kit nuan­naaqaanga!

Taamanik­kut sorsun­nersuaq kingul­leq naaq­qam­mer­poq, inuil­lu nunagisamin­nut ilumoorfigin­nin­ner­tik ersersik­kusut­tar­paat. Ataatsimeersuareerlutali atuarfim­mut uterama Jehovamut aalajaat­tuar­nis­sara aalajangiusimavara. Taamaat­tumik erfalasumik ilas­sin­neqataasarun­naar­punga inuiat­tul­lu erinarsuut erinarsor­neqaraangat erinarsoqataasarun­naarlunga nal­liut­torsuar­nul­lu akuusarun­naarlunga. Aam­ma atuaqatik­ka naalagiaqatigisarun­naar­pak­ka. Taman­na atuarfim­mi sulisut iluarin­ngin­namik­ku isuman­nik al­lan­nguisitsiniarlutik qunusaar­niar­taler­paan­nga sal­luliorfigisalerlungalu. Susoqar­nersoq atuaqatima malugaat, taman­nalu pis­sutigalugu nalunaajaaf­figinis­saan­nut periarfis­sar­pas­suaqaler­punga. Atuaqatima ilaat, ilaatigut Larry Androsoff, Norman Dittrick aam­ma Emil Schneider, sal­lusuis­sum­mik ilas­sin­nip­put sulilu Jehovamut kif­far­torlutik.

Il­loqarfin­ni al­laniik­kaangama tusilar­tunut nalunaajaaniarlunga im­mik­kut iliuuseqar­niar­tuaan­nar­punga. As­sersuutigalugu Montrealimi tusilar­tut katersuuf­figisar­tagaan­nukar­punga. Tas­sani Eddie Tager, angut inuusut­toq inupiluit ilaat, nalunaajaaf­figaara. Sior­na toqunis­sami tungaanut Lavalimi Quebecimiit­tumi ilagiin­ni us­sersorluni oqaasilin­niip­poq. Aam­ma Juan Ardanez inuusut­toq naapip­para. Itsaq Berøamiutut ilik­kak­kani Biibilimik tun­ngaveqar­nersut qulak­keer­niarlugu misis­suisar­poq. (ApS 17:10, 11) Aam­ma taas­suma sal­lusuis­sut ilas­sivaa toqunis­samilu tungaanut Ottawami Ontariomiit­tumi ilagiin­ni utoq­qaaner­taal­luni.

1950-imi Vancouverimut nuup­punga. Tusilar­tunut nalunaajaaneq nuan­narigaluarlugu ar­naq Chris Spicerimik atilik tusilan­ngitsoq, aq­qusinermi nalunaajaaf­figisara puiun­ngisaan­nar­para. Atuagas­sianik pisar­tagaqalerusup­poq uinilu Gary uan­nut  ilisaritik­kusul­lugu. Pulaar­pak­ka sivisuumil­lu al­lat­tuinik­kut oqaloqatigiil­luta. Ukiualuit takoq­qin­ngereerluta tupaal­laatigisan­nik Torontomi Ontariomiit­tumi ataatsimeersuar­nermi ilas­siar­tor­paan­nga. Ul­lormi tamatumani Gary kuisis­simavoq. Misigisaq taman­na nalunaajaajuar­tar­nis­sap pingaaruteqas­susianik ilin­niarfigaara, naluar­pum­mi nalunaajaaf­figisar­put sal­lusuis­sum­mik kingusin­nerusuk­kut ilas­sin­nik­kumaar­nersoq.

Kingusin­nerusuk­kut Saskatoonimut uter­punga. Tas­sani ar­nap naapitama aperaanga panini marlulis­sat, Jean aam­ma Joan Rothenberger, Biibilimik atuaq­qis­saaqatigisin­naanerik­ka. Atuarfigisimasan­ni atuar­tuup­put. Erininarsin­ngitsoq marlulis­sat taak­kua ilik­kak­katik pil­lugit atuaqatitik oqalut­tuut­taler­paat. Pif­fis­sap ingerlanerani atuaqataat tal­limat Jehovamik Nalunaajaasun­ngor­put. Taak­kua ilagaat Eunice Colin. Taan­na naapeq­qaar­para tusilar­tunut atuarfim­mi ukiumi kingul­lermi atuar­til­lunga. Taamani mamakujut­tumik tunivaanga ikin­ngutigerusun­nerin­nilu aperalunga.

Eunice Biibilimik atuaq­qis­saar­talersimasoq ar­naata paasigamiuk atuarfim­mi pisor­taq qin­nuigaa Eunice atuaq­qis­saar­tarun­naar­tin­niarsareq­qul­lugu. Unitsin­niarsarigaluaraani atuaq­qis­saarutiminil­lu arsaaraluaraani Eunicep Jehovamut aalajaat­tuar­nis­sani aalajangiusimavaa. Kuisik­kusul­luni oqalut­tuarmat angajoq­qaavisa ima akivaat: “Jehovamik Nalunaajaasun­ngoruit angerlarsimaf­fitsin­niis­sin­naajun­naas­saatit!” Taamaat­tumik Eunice 17-inik ukioqarluni nuup­poq ilaqutariin­nilu Nalunaajaasuni najugaqalerluni. Atuaq­qis­saar­tar­nini ingerlatiin­nar­paa kingusin­nerusuk­kul­lu kuisil­luni. Ar­naq taan­na uanga inuunin­ni pingaaruteqangaaler­poq. Nuliar­taarivara! 1960-imi katik­kat­ta angajoq­qaavi najuutin­ngil­lat. Ukiul­li ingerlaneran­ni up­perisar­put qitor­natsin­nil­lu perorsaaner­put pis­sutigalugit ataq­qineruler­paatigut.

Tusilar­tuul­luni nukap­piaq­qanik tusilan­ngitsunik arfineq-marlun­nik perorsaaniar­neq unam­miniar­nar­poq. Us­sersorlunili oqaatsinik ilin­niar­tip­pavut oqaloqatigiil­luarsin­naanias­sagat­ta sal­lusuis­sumil­lu ilin­niar­tis­sin­naanias­sagatsigit. Qatan­ngutit ilagiin­niit­tut ikiorluar­paatigut. As­sersuutigalugu er­nit­ta ilaat naalagaaf­filersaarfim­mi oqaasipilut­toq angajoq­qaap al­lagan­nguatigut paasitim­matigut ingerlaan­naq iliuuseqarfigaar­put. Er­nik­ka sisamat – James, Jerry, Nicholas aam­ma Steven – utoq­qaaner­taap­put nuliatil­lu qitor­natil­lu aalajaal­lutik Jehova kif­far­torfigalugu. Nicholas nulianilu Deborah Tuluit Nunaanni im­mik­koor­tor­taqarfim­mi us­sersorluni oqaatsinut nutserinermi ikiuut­tar­put, aam­ma Steven nulialu Shannan USA-mi im­mik­koor­tor­taqarfim­mi us­sersorluni oqaatsinut nutserivim­miip­put.

Alianaraluar­tumik, ukiut 40-n­ngorlugit katif­fis­sior­nis­sar­put qaam­mam­mik ataatsimik sioq­qul­lugu Eunice kræfterluni toquvoq. Nap­parsimanera ar­tor­nar­tik­kaluarip­put makititaanis­samik up­perin­nin­nini nukit­tus­sutigaa. Takoq­qin­nis­saa qilanaaraara.

 2012-imi februaarimi orlunin­ni sif­fiara napivoq. Paasivara ikior­neqar­tariaqarlunga er­nin­nul­lu ukuan­nul­lu nuul­lunga. Maan­na Calgarymi ilagiin­ni us­sersorluni oqaasilin­niip­pugut tas­sanilu aam­ma utoq­qaaner­taal­lunga. Aatsaavis­suarlu us­sersorluni oqaasilin­ni ilagiin­niiler­punga! Ukior­pas­suar­ni tulut­tut oqaasilin­ni ilagiin­niitil­lunga qanoq Jehovamut qanimut at­taveqar­tuarsimavunga? Jehovap ikior­paanga. Meeq­qanik ataataqan­ngitsunik isumagin­nik­kumal­luni neriorsuutini eq­qor­tip­paa. (Tuss 10:14) Kajumil­lutik al­lat­tuisar­tut, us­sersorluni oqaatsinik ilin­niar­tut sapin­ngisamin­nil­lu uan­nik nutseris­sus­sisar­tut qujas­sutis­saqarfigeqaak­ka.

Ilaan­nik­kut oqaatigineqar­tut paasineq ajor­pak­ka tusilar­tul­lu pisariaqar­titaat kimil­luun­niit paasineqar­neq ajor­toq misigisarlunga. Taamaat­toqar­til­lugu ilungersuum­meraangama uniin­narusuleraangamalu Petrusip Jiisusimut oqaasii uku eq­qarsaatigisar­pak­ka: “Naalagaq, kina or­nis­sagatsigu? Il­lit oqaatsinik naas­saan­ngitsumik inuus­sutaasunik pigisaqar­putit.” (Joh 6:66-68) Qatan­ngutit tusilar­tut sivisuumik sal­lusuis­sum­miis­simasut al­lat as­sigalugit naam­magit­tar­neq ilik­kar­para. Jehovamik peqatigiis­sor­taanil­lu tutsuigin­nin­nis­saq ilik­kar­para taman­nalu iluaqutis­sar­pas­suaqar­poq. Maan­na uanga oqaatsin­ni atuagas­siar­pas­suaqar­poq, aam­ma Amerikamiutut us­sersorluni oqaasilin­ni ataatsimiin­nerit ataatsimeersuar­neril­lu najuuf­figisin­naaneri nuan­naarutigingaar­para. Aap, Jehovamut, Guutitsin­nut angingaar­tumut, kif­far­torlunga inuunera pil­luar­narlunilu nalerisimaar­nar­poq.