1. Adamip Eval­lu ajor­tulior­nerisa kingor­na Jehova akerar­put pil­lugu qanoq paasis­sutis­siiva?

ADAMIP nalun­ngilaa pulateriaarsuit oqalus­sin­naan­ngitsut. Taamaat­tumik pulateriaarsuup Evamik oqaloqateqarsimanera tusaramiuk im­maqa Adamip paasivaa anersaaq oqalut­toq. (1 Mos 3:1-6) Adamip Eval­lu naluaat anersaaq taan­na kinaasoq. Adamili nalusani iligiler­niarlugu Ataataminul­lu qilam­miusumut asan­nit­tumut pikitsitsiniarluni aalajanger­poq. (1 Tim 2:14) Jehova ingerlaan­naq akeraq ajor­toq taan­na pil­lugu paasis­sutis­siivoq neriorsuil­lunilu naggataatigut suujun­naarsin­neqas­sasoq. Taman­nali nal­liutserlugu anersaap pulateriaarsuk atorlugu oqalut­tup Guutimik asan­nit­tunik tamanik akerlilersuiumaar­nera Jehovap mianersoq­qus­sutigaa. – 1 Mos 3:15.

2, 3. Mis­siarsip tikiun­nera sioq­qul­lugu Saatani pil­lugu Jehovap taama an­nikitsigisumik paasis­sutis­siineranut suna pis­sutaasimasin­naava?

² In­ngilip im­minut pikitsitsisup atia Jehovap uagutsin­nut oqaatigin­ngisaan­nar­paa. * Edenimi pikitsitsinerup kingor­na  aatsaat ukiut 2.500-t qaangium­mata pikitsitsisup kinaanera Jehovap oqaatigaa. (Job 1:6) Taan­na ‘Saatanimik’, ‘akerlilersuisumik’ isumaqar­tumik, taaguuteqar­poq. Al­lak­kani Hebræerisuuni taamaal­laat atuak­kani pingasuni – Nalunaarsuutini siul­ler­ni, Jobimik al­lak­kani Zakarial­lu al­lagaani – Saatani eq­qaaneqar­poq. Sooq Mis­siarsip tikiun­nera sioq­qul­lugu akeraq taan­na pil­lugu paasis­sutis­siis­sutigineqar­tut taama an­nikitsigaat?

³ Jehovap Saatani pil­lugu an­nikitsualup­pas­suit iliuusiilu Al­lak­kanut Hebræerisuunut ilan­ngutitin­ngilai. Al­lak­kanimi Hebræerisuuni Mis­siarsip inun­nit ilisarineqarsin­naanis­saa malin­neqar­nis­saalu siuner­taavoq. (Luk 24:44; Gal 3:24) Mis­siarsi tikium­mat Jehovap taan­na taas­sumalu ajoqersugai Saatani in­ngilil­lu taas­sumun­nga ililiut­tut pil­lugit paasis­sutis­siinis­samut ator­pai. * Jehovap Jiisusi tanital­lu Saatanimik taas­sumin­ngalu malin­nit­tunik suujun­naarsitsinis­samut atus­sam­magit taman­na naleq­qup­poq. – Rom 16:20; Saqq 17:14; 20:10.

4. Sooq Diaavulu ersigisariaqan­ngilar­put?

⁴ Apustilip Petrusip Saatani Diaavulu “løvitut uian­nisaar­tutut” al­laatigaa, Johan­nesil­lu ‘pulateriaarsut­tut’ ‘uumasorujus­suar­tul­lu’ taavaa. (1 Petr 5:8; Saqq 12:9) Diaavululi kil­lilim­mik pis­saaneqarmat ersigisariaqan­ngilar­put. (Jaaku 4:7 atuaruk). Jehovamit, Jiisusimit in­ngilinil­lu aalajaatsunit il­lersor­neqar­pugut. Ikiuinerisigut akerar­put akiorsin­naavar­put. Apeq­qutil­li pingasut pingaarutil­lit akis­sutaat ilisimasariaqar­pavut: Saatani qanoq sun­niisin­naas­suseqar­tigaa? Al­lat qanoq sun­ner­niar­tar­pai? Aam­ma suut iliuuserisin­naan­ngilai? Apeq­qutit akis­sutis­sarsitigit qanorlu ilin­niarfigisin­naanerlugit sam­mil­lugu.

5, 6. Sooq inuit naalak­kersuisut inuiaat pisariaqar­tin­ner­paasaan­nik al­lan­ngor­titsisin­naan­ngil­lat?

⁵ In­ngiler­pas­suit Saatani Guutimut pikitsitseqatigiler­paat. Ulersuaq sioq­qul­lugu Saatanip in­ngilit taak­kua ilaat us­ser­pai ar­nanik atoqateqar­til­lugit. Biibilimi uumasorujus­suup qilaap ul­loriaasa pingajorar­terutaat qilam­mit nak­kaqatigigai al­laatiginerisigut taman­na as­sersuutaasumik al­laatigineqar­poq. (1 Mos 6:1-4; Jud 6; Saqq 12:3, 4) In­ngilit taak­ku Guutip ilaqutai qimak­kamik­kit Saatanimit aqun­neqaler­put. In­ngilil­li pikitsitsisut taak­ku tas­saan­ngil­lat eqimat­tat aaq­qis­suus­saan­ngitsut. Anersaat silarsuaan­ni takus­saan­ngitsumi Saatani Guutip naalagaaf­fia ilaarlugu nam­mineq naalak­kersuisoqar­poq. Im­minut kun­ngin­ngor­tip­poq, anersaapiluit aaq­qis­suus­saatip­pai, pis­saanermik tunivai silarsuarmilu naalak­kersuisun­ngor­til­lugit. – Ef 6:12.

⁶ Saatanip peqatigiis­sor­tani atorlugit inuit naalak­kersuisut aqup­pai. “Nunarsuarmi naalagaaf­fiit tamaasa” Jiisusimut qimerloor­til­lugit ima oqarmat taman­na qularin­ngis­sin­naavar­put: “Pis­saaneq taman­na tamaat alutor­nas­suserlu ilin­nut tun­niuk­kumavak­ka, uan­num­mi pigititaam­mata kimul­luun­niit piumasara malil­lugu tun­nius­sin­naavak­ka.” (Luk 4:5, 6) Naalak­kersuisul­li amerlasuut in­nut­tatik pil­lugit ajun­ngitsor­pas­suar­nik iliuuseqar­tar­put, naalak­kersuisul­lu ilaat ilumoorlutik  inun­nik ikiuerusup­put. Inul­li naalak­kersuisoq kinaluun­niit pisariaqar­tin­ner­paasatsin­nik al­lan­ngor­titsisin­naan­ngilaq. – Tuss 146:3, 4; Saqq 12:12.

7. Saatanip naalak­kersuisunik atuinermi saniatigut up­perisarsior­neq eq­qun­ngitsoq niuer­nerul­lu silarsuaa qanoq ator­tar­pai? (Al­laaserisap aal­laq­qaataani as­siliaq takuuk).

⁷ Saatanip anersaapiluil­lu aam­ma up­perisarsior­neq eq­qun­ngitsoq niuer­nerul­lu silarsuaa atorlugit ‘silarsuaq tamaat’, tas­sa inuiaat tamaasa, ‘tam­mar­tin­niar­tar­paat’. (Saqq 12:9) Saatanip Jehova pil­lugu sal­luliuutit siam­mar­ter­nis­saan­nut up­perisarsior­neq eq­qun­ngitsoq ator­tar­paa, aam­ma al­laat Guutip atia puior­tin­niarsarisar­paa. (Jer 23:26, 27) Tamatuma kingunerisaanik inuit eq­qor­tuliorusut­tut Guutimik pal­lorfigin­nis­sorisut anersaapilun­nik pal­lorfigin­nit­tar­put. (1 Kor 10:20; 2 Kor 11:13-15) Saatanip aam­ma niuer­nerup silarsuaa atorlugu sal­luliuutit, soorlu aningaasat inun­nik pil­lualersitsisar­nerat pil­lugu sal­luliuut, siam­mar­ter­tar­pai. (Uss 18:11) Inuit sal­luliuum­mik tamatumin­nga up­perin­nit­tut inuuner­tik Guutimut kif­far­tor­nermut ator­nagu ‘Mam­moni’, tas­sa pisuus­sutit, kif­far­torfigisar­paat. (Matt 6:24) Al­laat Guutimik asan­nis­simagaluarlutik pigisanik pingaar­titsingaaramik Guuti asajun­naarsimavaat. – Matt 13:22; 1 Joh 2:15, 16.

8, 9. (a) Adamip, Evap in­ngilil­lu pikitsitsisut iliuusii marlutsigut pingaarutilim­mik qanoq ilin­niutigisin­naavavut? (b) Saatanip silarsuarmik aqutsinerata ilisimanera uagutsin­nut sooq iluaqutaava?

⁸ Adamip, Evap in­ngilil­lu pikitsitsisut iliuusii marlutsigut pingaarutilim­mik ilin­niutigisin­naavavut. Siul­ler­tut, paasivar­put iligineqarsin­naasut marluin­naasut ilaat toq­qar­tariaqarlugu. Jehova imaluun­niit Saatani toq­qarsin­naavar­put. (Matt 7:13) Aap­paat­tut, paasivar­put Saatanimut ililiun­neq taamaal­laat kil­lilim­mik iluaqutis­sar­taqar­toq. Adami Evalu suup eq­qor­tuunerata suul­lu eq­qun­ngitsuunerata aalajanger­nis­saanut periarfis­saqaler­put. Anersaapiluil­lu inuit naalak­kersuisut kil­lilim­mik pis­saaneqarfigiler­paat. (1 Mos 3:22) Saatanimul­li ililiun­neq tamatigut ajor­tumik kinguneqar­tar­poq. Iluamik iluaqutis­sar­taqan­ngilaq! – Job 21:7-17; Gal 6:7, 8.

⁹ Saatanip silarsuarmik aqutsinerata ilisimanera uagutsin­nut sooq iluaqutaava? Naalak­kersuisut eq­qor­tumik isigin­nit­taaseqarfiginis­saan­nut iluaqutigalugulu nutaarsias­sap nuan­nersup oqaluus­sis­sutiginis­saanut kajumis­sis­sutigigatsigu. Nalun­ngilar­put Jehovap kis­saatigigaa naalak­kersuisut ataq­qis­sagivut. (1 Petr 2:17) Taak­kua inatsisaan­nik, najoq­qutas­siaminut akerliun­ngitsunik, maleruaanis­sar­put peq­qus­sutigaa. (Rom 13:1-4) Aam­mali nalun­ngilar­put politik­kik­kut par­tiimik inum­mil­luun­niit naalak­kersuisumik tapersersuin­ngisaan­nas­sal­luta. (Joh 17:15, 16, NW; 18:36, NW) Nalun­ngin­natsigu Saatani Jehovap aq­qanik iser­tuiniar­toq Jehovamil­lu tusaamanerlutsitsiniar­toq sapin­ngisatsin­nik Guuter­put pil­lugu sal­lusuis­sut inun­nut ilin­niar­titsis­sutiginiar­tar­par­put.  Aq­qanik taaguuteqar­ner­put atuiner­pul­lu tul­luusimaarutigaar­put. Guutimik asan­nin­neq aningaasanik pigisanil­luun­niit pingaar­titsinermit erlin­nar­nerungaar­poq. – Es 43:10, 21; 1 Tim 6:6-10.

10-12. (a) Saatanip in­ngilit ilaat us­ser­niarlugit neqitaq qanoq atorsimasin­naavaa? (b) In­ngilit iliuusaat qanoq ilin­niutigaavut?

¹⁰ Saatanip al­lat sun­ner­niar­neran­ni periutsit marluk iluatsit­tumik ator­tar­pai. Piumasamisut ilior­tin­niarlugit ilaan­nik­kut us­ser­niarlugit neqitaq ator­tar­paa ilaan­nik­kul­lu qunulersitsiniar­tarluni.

¹¹ Saatanip in­ngiler­pas­suit us­ser­niarlugit neqitaq ator­paa. Ilimanar­poq qanoq us­sersin­naanerlugit paasiumal­lugu sivisuumik nak­kutigigai. In­ngilit ilaat pisaritip­put ar­nanil­lu atoqateqarlutik. Qitor­naat inorujus­suan­ngor­put nakuuser­tar­tut inoqatimin­nut peq­qar­niitsut. (1 Mos 6:1-4) Kinguaas­siuutitigut inuunerlun­neq atorlugu us­siinerup saniatigut Saatanip im­maqa aam­ma neriorsor­pai inuit tamaasa pis­saaneqarfigilis­sagaat. Saatanip taamaalil­luni im­maqa ‘ar­nap kinguaas­saa’ pil­lugu Jehovap siulit­tuutaata eq­quun­nis­saa akor­nuser­niar­paa. (1 Mos 3:15) Taas­sumali iluatsin­nis­saa Jehovap akuerin­ngilaa. Ulersuar­titsivoq Saatanip anersaapiluil­lu pilersaarutaat maangaan­nar­til­lugit.

¹² Taman­na qanoq ilin­niutigaar­put? Kinguaas­siuutitigut inuunerlun­neq makitanerlu neqitaap­put sun­niuteqarluar­tar­tut. In­ngilit Saatanimut ililiut­tut ukior­pas­suit Guuti qilam­mi najor­paat! Taamaak­kaluar­toq amerlasuut pileris­susipilun­nik ineriar­tor­titsip­put naggataatigut sak­kor­toorujus­suan­ngor­tunik. Eq­qaamajuar­tariaqar­par­put Jehovamut qanorluun­niit sivisutigisumik kif­far­torsimagaluarut­ta pileris­susipiluit uum­matitsin­ni sorlanik­kiar­torsin­naam­mata. (1 Kor 10:12) Taamaat­tumik uum­mater­put misis­sor­tuar­tariaqar­par­put eq­qarsaatil­lu kinguaas­siuutitigut inuunerlun­nermut nam­minis­sarsiorlunilu makitanermut tun­ngasut piiarlugit! – Gal 5:26; Kolossemiut 3:5 atuaruk.

13. Saatanip neqitaq al­la suna ator­tar­paa, qanorlu ingalas­simasin­naavar­put?

 ¹³ Saatanip neqitaq al­la ator­tagaa tas­saavoq anersaarsior­ner­nik alaper­naas­suseq. Ul­lumik­kut up­perisarsior­neq eq­qun­ngitsoq aliik­kutas­sal­lu atorlugit inuit anersaapilun­nik soqutigin­nilersin­niar­tar­pai. Isigin­naagas­siat, spil­lit aliik­kutas­sal­lu al­lat anersaarsior­nermik pis­sanganarsaarisar­put. Neqitaq taman­na qanoq ingalas­simasin­naavar­put? Aliik­kutas­sat suut ajun­ngitsuuneran­nik ajor­tuuneran­nil­lu al­lat­torsimaf­fim­mik Guutip peqatigiis­sor­taan­nit tunineqar­nis­sar­put naatsorsuutigis­san­ngilar­put. Jehovap najoq­qutas­siai tun­ngavigalugit pitsaasumik aalajangiisin­naajumal­luta nalun­ngeqatigin­nis­suter­put sungiusar­tariaqar­par­put. (Hebr 5:14) Guutimil­lu asan­nin­ner­put ‘pisuusaar­nerun­ngip­pat’ silatusaar­tumik aalajangiisas­saagut. (Rom 12:9) Inuk ilumoor­tuusaar­toq oqaatsini malil­lugit ilior­neq ajor­poq. Taamaat­tumik aliik­kutas­sanik toq­qaaleraangat­ta im­minut aperisarsin­naavugut: ‘Najoq­qutas­siat al­lanut ilin­niar­titsis­sutigisak­ka malip­pak­ka? Biibilimik atuaq­qis­saaqatigisar­tagara oqaluus­sif­figisar­tak­kak­kaluun­niit al­lat aliik­kutak­ka takugunik­kit qanoq eq­qarsas­sap­pat?’ Najoq­qutas­siat al­lanut ilin­niar­titsis­sutigisar­tak­kavut maleruarutsigit Saatanip neqitaata nigorsimanis­saa ajor­nan­ngin­nerutilis­savar­put. – 1 Joh 3:18.

14. Saatanip qanoq qunusaarsin­naavaatigut, qanorlu aalajaat­tuarsin­naavugut?

¹⁴ Saatanip aam­ma Jehova ilumoorfigiun­naar­nias­sagatsigu qunulersin­niar­tar­paatigut an­nilaangalersin­niar­tarlutalu. As­sersuutigalugu oqaluus­siner­put iner­teq­qutaaleq­qul­lugu naalak­kersuisut sun­nersin­naavai. Suleqativut atuaqativul­luun­niit Biibilimi najoq­qutas­sianik maleruaaner­put pil­lugu il­laruaatigin­neq­qul­lugit sun­nersin­naavai. (1 Petr 4:4) Saatanip al­laat ilaqut­tavut al­lamik up­perisal­lit, ajun­ngitsumik isumaqaraluarlutik im­maqa ataatsimiigiaq­qusisan­ngitsut, sun­nersin­naavai. (Matt 10:36) Saatanimit qunusaar­neqaraluarluta qanoq aalajaat­tuarsin­naavugut? Saatani sorsun­nermi akioratsigu saas­sun­neqar­ner­put tupaal­laatigis­san­ngilar­put. (Saqq 2:10; 12:17) Aam­ma  pingaar­nerusoq eq­qaamas­savar­put: Saatani oqar­poq aatsaat ajor­nan­ngik­kaangat Jehovamut kif­far­tor­tar­tugut ar­torsalerut­talu Guuti ajat­tus­sagip­put. (Job 1:9-11; 2:4, 5) Kingul­ler­tut, Jehova nakus­satseq­qul­luta qin­nuigiuar­tariaqar­par­put. Eq­qaamajuk Jehovap im­miniin­ngisaan­nas­sagaatigut. – Hebr 13:5.

15. Saatanip kis­saatigin­ngisatsitut pin­ngitsaalil­luta iliuuseqar­tis­sin­naavaatigut? Nas­suiaruk.

¹⁵ Saatanip inuit kis­saatigin­ngisaat­tut pin­ngitsaalil­lugit iliuuseqar­tis­sin­naan­ngilai. (Jaak 1:14) Silarsuarmi inup­pas­suit naluaal­luun­niit Saatanimut ililius­simal­lutik. Inul­li sal­lusuis­sum­mik paasin­nit­toq Jehova imaluun­niit Saatani iliginiarlugu aalajanger­tariaqar­poq. (ApS 3:17; 17:30) Guutimut naalan­nis­sar­put aalajangiusimagutsigu Saatanip ilumoorfigin­nin­ner­put kipitis­sin­naas­san­ngilaa. – Job 2:3; 27:5.

16, 17. (a) Saatani anersaapiluil­lu aam­ma qanoq iliorsin­naan­ngil­lat? (b) Nipituumik Jehovamut qinunis­sar­put sooq an­nilaan­ngatigisariaqan­ngilar­put?

¹⁶ Saatanip anersaapiluil­lu aam­ma al­lat iliuuserisin­naan­ngilaat. As­sersuutigalugu Biibilimi al­las­siman­ngilaq qanoq eq­qarsar­tugut sunil­lu uum­mam­mioqar­tugut ilisimasin­naagaat. Jehova Jiisusilu kisimik taamaaliorsin­naap­put. (1 Sam 16:7; Mark 2:8) Nipituumik oqaluk­kut­ta qinugut­talu Diaavulup anersaapiluil­lu paasis­sutis­sat tusak­katik ator­nerlus­sagaat an­nilaan­ngatigis­savar­put? Naamik! Sooq? Naleq­qius­sineq una eq­qarsaatigiuk: Diaavulumit takuneqaqinagatta Jehovamut kif­far­tor­nermi ajun­ngitsulior­nis­sar­put an­nilaan­ngatigineq ajor­par­put. Taamatut­taaq Diaavulumit tusaaneqaqinagatta nipituumik qinunis­sar­put an­nilaan­ngatigisariaqan­ngilar­put. Aam­ma Biibilimi arlaleriarluni Guutip kif­fai nipituumik qinusut al­laatigineqar­put, aam­ma Diaavulumit tusaaneqar­nis­samin­nik an­nilaan­ngatigin­nit­tut al­laatigineqan­ngisaan­nar­poq. (1 Kng 8:22, 23; Joh 11:41, 42; ApS 4:23, 24) Sapin­ngisatsin­nik Guutip piumasaatut oqalun­niar­tarlutalu iliuuseqar­niar­tarut­ta qularin­ngis­sin­naavar­put Jehovap Diaavulumit ataavar­tumik ajoquser­neqar­nis­sar­put akueris­san­ngik­kaa. – Tussiaat 34:8 atuaruk.

¹⁷ Akerar­put ilisimasariaqar­par­put, ersigisariaqan­ngilar­pul­li. Naam­mal­luin­nan­ngitsuugaluarluta Jehovap ikiuineratigut Saatani ajugaaffigisinnaavarput! (1 Joh 2:14) Akiorutsigu taava uatsin­nit qimaas­saaq. (Jaak 4:7; 1 Petr 5:9) Nalitsin­ni inuusut­tut Saatanimit saas­sun­neqar­neror­pasip­put. Taak­ku Diaavulup saas­sus­sineri qanoq akiorsin­naavaat? Taman­na al­laaserisap tul­liani eq­qar­tus­savar­put.