1, 2. (a) Sooq qatan­ngutit oqaluus­sif­figisar­tak­kami inuit amerlanerit tusar­naarusun­ngik­kaluar­tut oqaluus­siuar­nerat kajumis­sis­sutigaar­put? (Al­laaserisap aal­laq­qaataani as­seq takuuk). (b) “Il­loqarfim­mi peroriar­torfim­mini” oqaluus­sineq pil­lugu Jiisusi qanoq oqar­pa? (Qup­per­nerup ataani ilan­ngus­saq takuuk).

AAP­PARIIT Sergio Olindalu USA-mi pioneriup­put. Marluul­lutik 80-it sin­nerlugit ukioqar­put, pif­fis­samilu kingul­lermi pitsorlut­tun­ngorsimap­put. Ukior­pas­suar­nili iliuuserisarsimasamit­tut ul­laak­kut arfineq-marlunut bus­sit unit­tarfian­nukar­tar­put. Bus­sit unit­tarfiata eq­qaani inup­pas­suar­nut sanioq­qut­tunut Biibililersaarutinik neqeroor­tar­put. Inun­nil­li amerlaner­nit soqutigineqar­neq ajor­put, Sergioli Olindalu tas­saniit­tuar­tar­put inuil­lu qiviaraangata inus­siar­nersumik qungujuf­figisarlugit. Ul­loqeq­qanut angerlarusaar­tar­put. Aqaguani ul­laak­kut arfineq-marlunut bus­sit unit­tarfian­nut uteq­qit­tar­put. Sapaatip-akun­nerisa ul­luini arfinilin­ni ukioq kaajal­lal­lugu oqaluus­siuar­put.

² Sergiotut Olindatullu it­tunik qatan­nguter­pas­suaqar­pugut. Oqaluus­sif­figisar­tak­kamin­ni inuit amerlanerit tusar­naarusun­ngik­kaluar­tut ukior­pas­suar­ni oqaluus­sisimap­put.  Oqaluus­sif­figisar­tak­kan­ni tusar­naarusut­toqar­pian­ngip­pat nersualaarusup­patsigit, ajor­nakusooraluar­tormi nikal­lujuil­lutit oqaluus­siuar­putit. * Il­lit maligas­siuinerit qatan­ngutit angutit ar­nal­lu, aam­ma misilit­tagar­tuut, kajumis­sis­sutigaat. Nak­kutil­liisut angalasar­tut ilaat qanoq oqar­tut maluginiaruk: “Qatan­ngutit aalajaatsut oqaluus­seqatigigaangak­kit maligas­siuinerat nukit­tual­laatigisar­para.” “Aalajaan­nerat nam­mineq oqaluus­sinin­ni qasusuisaar­nis­san­nut sapiin­nis­san­nul­lu kajumis­saatigisar­para.” “Maligas­siuinerat uum­matin­nik kis­salaalersitsisar­poq.”

3. Apeq­qutit pingasut suut sam­mis­savavut, aam­ma sooq?

³ Al­laaserisami matumani apeq­qutit uku pingasut akis­sutis­sarsis­savavut: Sooq ilaan­nik­kut nikal­lungasin­naavugut? Inerititaqar­neq qanoq paasisariaqar­pa? Nikal­lujuil­luta inerititaqar­nis­satsin­nut suut iluaqutigisin­naavavut? Apeq­qutinut akis­sutit ilisimagutsigit Jiisusip peq­qus­sutigisaatut oqaluus­siuar­nis­satsin­nut kajumis­sis­sutigis­savar­put.

4. (a) Juutit amerlanersaasa ajor­tumik qisuariar­nerat Paulusip qanoq misigilis­sutigaa? (b) Sooq Paulusi taama misigiva?

⁴ Il­lit oqaluus­sif­figisar­tak­kan­ni inuit Guutip naalagaaf­fia pil­lugu nutaarsias­samik nuan­nersumik tusarusun­ngin­nerat pis­sutigalugu nikal­lor­nikuuit? Taamaap­pat apustili Paulusi qanoq misiginersoq paasisimas­savat. Ukiut 30-t mis­saat oqaluus­sivoq inuil­lu amerlasuut kristumiun­ngor­nis­saan­nik ikiorlugit. (ApS 14:21; 2 Kor 3:2, 3) Taamaat­torli juutit ikiugai kristumiun­ngor­tut amerlan­ngil­lat. Juutit amerlanersaasa Paulusi tusarusun­ngilaat, al­laat ilaasa malersor­paat. (ApS 14:19; 17:1, 4, 5, 13) Akuersiuman­ngin­nerat Paulusip qanoq misigilis­sutigaa? Ima al­lap­poq: ‘Angisuumik aliasuuteqar­punga uum­matik­kut naal­liuutigiuak­kan­nik.’ (Rom 9:1-3) Sooq taama misigiva? Oqaluus­sineq nuan­naril­luin­naramiuk inuil­lu asagamigit. Paulusip juutit soqutigingaaramigit taak­kua Guutip nal­lit­tuineranik itigar­titsinerat aliasuutigaa.

5. (a) Oqaluus­sinis­satsin­nut suna kajumis­sis­sutigaar­put? (b) Sooq ilaan­nik­kut nikal­lungasar­neq pis­susis­samisoor­pa?

⁵ Paulusi as­sigalugu inuit soqutigigatsigit ikiorusuk­katsigil­lu oqaluus­sif­figisar­pavut. (Matt 22:39; 1 Kor 11:1) Nam­mineq misilit­tak­kavut tun­ngavigalugit nalun­ngilar­put Jehovamut kif­far­tor­neq inooriaasiusoq nuan­ner­ner­paaq. Aam­ma inuit al­lat ikiorlugit paasitik­kusup­pavut taak­kua inuunerat qanoq pitsan­ngor­tigisin­naasoq. Taamaat­tuminguna kajumis­saar­tuarivut Jehova inuian­nul­lu siuner­taa pil­lugit sal­lusuis­sutip ilin­niar­nis­saanik. Oqar­toqarsin­naavoq tunis­sum­mik kusanangaar­tumik taak­kunun­nga aggius­sisugut imalu kimigiiserfigalugit: ‘Qaa, una piniaruk.’ Taamaat­tumik tunis­sut taman­na itigar­tik­kaangas­suk Paulusi as­sigalugu ‘uum­matik­kut naal­liuuteqar­tar­ner­put’ pis­susis­samisoor­poq. Imaan­ngilaq up­per­nikil­ligat­ta, inuil­li qaman­nga pisumik asagatsigit taamatut naal­liuuteqar­tar­pugut. Naak ilaan­nik­kut nikal­lungasin­naasaraluarluta oqaluus­siuar­pugut. Im­maqa Elena ukiut 25-t sin­nerlugit pioneriusoq ima oqar­toq isumaqatigaar­put: “Oqaluus­sineq saper­nar­tip­para. Taamaat­torli  suliamik al­lamik aal­lutaqarusun­ngilanga.”

6. Apeq­qut suna akis­sutis­sarsis­savar­put?

⁶ Sumiluun­niit oqaluus­sigaluarut­ta sooq oqaluus­sinermi iluatsil­luar­nis­sar­put qularin­ngis­sin­naavar­put? Apeq­qut taman­na pingaarutilik akis­sutis­sarsiumal­lugu Jiisusip ‘inerititaqar­tariaqar­nis­saq’ pil­lugu as­sersuusiai marluk sam­meriar­tigit. (Matt 13:23) As­sersuusiaq siul­leq viin­nequm­mut tun­ngavoq.

7. (a) Jiisusip as­sersuusiaani kina ‘viin­nequtilerisuua’, kina ‘viin­nequtaava’ aam­ma kik­kut ‘avalequtaap­pat’? (b) Apeq­qut suna akis­sutis­sarsisariaqar­par­put?

⁷ Johannesi 15:1-5, 8 atuakkit. Jiisusip as­sersuusiamini tamatumani nas­suiar­paa Jehova ‘viin­nequtilerisuusoq’, nam­mineq ‘viin­nequtaal­luni’ ajoqersuk­kanilu ‘avalequtaasut’. * Taava Jiisusip apustilini ima oqarfigai: “Inerititaqarluar­nis­sigut uan­nul­lu ajoqersugan­ngor­nis­sigut Ataataga naalan­narsis­saaq.” Inerititaqar­nerli qanoq paasisariaqar­pa? Jiisusip as­sersuusiamini inerititaq sor­piaanersoq eq­qaan­ngik­kaluarlugu apeq­qutip tamatuma akis­sutis­sarsinis­saanut iluaqutigisas­sar­put pingaarutilik eq­qaavaa.

8. (a) Sooq Jiisusip as­sersuusiaani ‘inerititaqar­neq’ tas­saasin­naan­ngila ajoqersugan­ngor­titsior­tor­neq? (b) Jehovap piumaf­figigaangamisigut sun­ngisaan­nar­pa?

⁸ Jiisusi Ataatani pil­lugu ima oqar­poq: “Avalequtit uan­niit­tut inerititaqanngitsut tamaasa peer­tar­pai.” Al­latut oqaatigalugu aatsaat inerititaqarutta Jehovamut kif­faasin­naavugut. (Matt 13:23; 21:43) Taamaat­tumik as­sersuusiami inerititaqar­neq tas­saasin­naan­ngilaq ajoqersugan­ngor­titsior­tor­neq. (Matt 28:19) Taamaak­kaluar­pat Nalunaajaasut aalajaatsut Jiisusimut ajoqersugan­ngor­nis­samik al­lamik ikiuisiman­ngitsut avalequtit inerititaqan­ngitsut as­sigis­sagaluar­paat. Taman­nali ilumoorsin­naan­ngilaq! Sooq? Inuit ajoqersugan­ngor­nis­saan­nik pin­ngitsaalisin­naan­ngin­natsigit. Jehovap asan­nit­tuusup sapik­katsin­nik piumaf­figinavian­ngilaatigut. Taamaal­laat sapin­ngisatsin­nik iliuuseqaq­quaatigut. – 5 Mos 30:11-14.

9. (a) Qanoq inerititaqar­tar­pugut? (b) As­sersuusiaq suna sam­mis­savar­put?

⁹ Taavami inerititaqar­neq qanoq paasisariaqarami? Tamat­ta iliuuserisin­naasar­put pineqar­tariaqar­poq. Jehovap kif­faminut tamanut suna sulias­siis­sutigaa? Guutip naalagaaf­fia pil­lugu nutaarsias­samik nuan­nersumik oqaluus­sineq. * (Matt 24:14) Jiisusip siaruar­terisoq pil­lugu as­sersuusiaani taman­na erser­poq. As­sersuusiaq taman­na sam­meriar­tigu.

10. (a) Jiisusip as­sersuusiaani naatsiias­sat is­sorlu suup­pat? (b) Karrit sunik inerititaqar­tar­pat?

¹⁰ Lukasi 8:5-8, 11-15 atuakkit. Jiisusip siaruar­terisumik as­sersuusiamini nas­suiar­paa naatsiias­sat tas­saasut “Guutip oqaasia”, imaluun­niit Guutip naalagaaf­fia pil­lugu oqariar­tuut. Is­soq tas­saavoq inuup uum­mataa. Naatsiias­sat is­soris­sumut tut­tut sorlanip­put, naajar­tor­put karrin­ngorlutil­lu. Taava karrit ‘100-riak­kanik inerititaqaler­put’. Sunik  inerititaqas­sap­pat? Karrinik al­lanik? Naamik, naatsiiassanik inerititaqas­sap­put, taak­kulu pif­fis­sap ingerlanerani karrin­ngus­sap­put. As­sersuusiami tas­sani naatsiias­saq ataaseq 100-nik naatsiias­sar­taqaler­poq. Taman­na oqaluus­sinitsin­nut tun­ngatil­lugu sumik ilin­niarfigaar­put?

11. (a) Siaruar­terisumik as­sersuusiaq oqaluus­siner­put pil­lugu qanoq ilin­niarfigaar­put? (b) Qanoq ilil­luta nutaanik naatsiias­sanitsitsisar­pugut?

¹¹ Angajoq­qaat­ta kristumiuusut imaluun­niit Nalunaajaasut al­lat Guutip naalagaaf­fia pil­lugu ilin­niar­teq­qaaramisigut naatsiias­samik is­soris­sumut ik­kus­suip­pul­lusooq. Nuan­naarutigingaar­paat oqariar­tuut akuerigatsigu. Naatsiias­saq ineriar­tor­tar­poq inerititaqar­nis­sami tungaanut. Soorlu karrit eq­qaaneqar­tut nutaanik karrinin­natik nutaanik naatsiias­sanit­tar­tut, taamatut­taaq uagut inerititavut tas­saan­ngil­lat ajoqersuk­kat nutaat tas­saal­lutil­li naatsiias­sat nutaat. * Qanoq taamaalior­tar­pugut? Oqar­toqarsin­naavoq Guutip naalagaaf­fia pil­lugu al­lanut oqaluus­sigaangat­ta uum­matitsin­niititatsin­nik naatsiias­sanik amerlisitsisarlutalu siaruar­terisar­tugut. (Luk 6:45; 8:1) Tas­sa Guutip naalagaaf­fia pil­lugu oqariar­tuut oqaluus­sis­sutigiuar­til­lutigu ‘nikal­lujuil­luta inerititaqar­tuar­pugut’.

12. (a) Viin­nequt aam­ma siaruar­terisoq pil­lugit Jiisusip as­sersuusiai qanoq ilin­niarfigaavut? (b) Taman­na qanoq misigilis­sutigaajuk?

¹² Viin­nequt aam­ma siaruar­terisoq pil­lugit Jiisusip as­sersuusiai qanoq ilin­niarfigaavut? Paasivar­put inuit oqariar­tuum­mut tusar­naar­nerat ‘inerititaqar­nermut’ aalajangiisuun­ngitsoq. Oqaluus­siuar­nersugut apeq­qutaagin­nar­poq. Tamatumun­nga as­singusumik Paulusi ima nas­suiaavoq: “[Tamarmik] im­mik­kut akis­sarsiumaar­put suliartik naaper­torlugu.” (1 Kor 3:8) Jehovap suliner­put pil­lugu, sulinermi angusavut pinnagit, akis­sarsisis­savaatigut. Matilda ukiut 20-t sin­nerlugit pioneriusoq ima oqar­poq: “Jehovap ilungersuutivut pil­lugit akis­sarsisit­taraatigut nalunagu nuan­naarutigaara.”

13, 14. Romamiut 10:1, 2-lu naaper­torlugit suut pis­sutigalugit Paulusi oqaluus­siuar­pa?

¹³ ‘Nikal­lujuil­luta inerititaqar­nis­satsin­nut’ suut iluaqutigisin­naavavut? Soorlu sam­mereerip­put Paulusip juutit Naalagaaf­fik  pil­lugu nutaarsias­samut ajor­tumik qisuariar­nerat nikal­lus­sutigaa. Taamaat­torli Paulusi oqaluus­siuar­poq. Juutinut taak­kunun­nga qanoq misiginini ima al­laatigaa: “Uum­matik­kut iluun­ngarlunga an­naan­neqar­nis­saat kis­saatigaara Guutimul­lu qin­nutigalugu. Taak­kumi pil­lugit nalunaajaasariaqar­punga Guuti ilungersuutigigaat, kisian­ni silaqas­suseqar­natik [eq­qorluar­tumil­li ilisimasaqar­natik, NW].” (Rom 10:1, 2) Sooq Paulusi oqaluus­siuar­pa?

¹⁴ Siul­ler­tut, Paulusip eq­qaavaa juutinut oqaluus­sisarluni ‘uummatikkut iluunngarluni an­naan­neqar­nis­saat kis­saatigigamiuk’. (Rom 11:13, 14) Aap­paat­tut, ‘Guutimut qinnutigalugit’ eq­qaavaa. Paulusip Jehova kimigiiserfigaa juutit ataasiak­kaat ikius­sagai Naalagaaf­fik pil­lugu oqariar­tuut akuerinias­sam­mas­suk. Pingajuat­tut, Paulusip eq­qaavaa taak­kua “Guuti ilungersuutigigaat”. Inuit ajun­ngitsor­taat Jehovamul­lu kif­fan­ngorsin­naanerat Paulusip takusin­naavai. Nam­mineq misilit­tak­kani tun­ngavigalugit nalun­ngilaa juutit taak­ku ilungersuus­sisut Kristusimut ajoqersugan­ngorsin­naasut aal­lus­sil­luar­tut.

15. Paulusi qanoq ilaarsin­naavar­put? As­sersuuteqarit.

¹⁵ Paulusi qanoq ilaarsin­naavar­put? Siul­ler­tut, inuit “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” nas­saarinis­saat kis­saatigingaas­savar­put. Aap­paat­tut, Jehova qin­nuigisar­par­put inuit  eq­qor­tuliorusut­tut oqaluus­sif­figisat­ta uum­mataat am­maq­qul­lugit. (ApS 13:48, NW; 16:14) Silvana ukiut 30-t pal­lil­lugit pioneriusoq taama ilior­tar­poq. Ima oqar­poq: “Oqaluus­sif­figisar­tak­kan­ni il­lumukan­ngin­nin­ni Jehova qin­nuigisar­para isumal­luar­tumik isigin­nit­taaseqar­nis­samut ikioq­qul­lunga.” Aam­ma inuit tusar­naarusut­tut nas­saarinias­sagatsigit qin­nutigisar­par­put in­ngilinit ikior­neqar­nis­sar­put. (Matt 10:11-13; Saqq 14:6) Rober­t ukiut 30-t sin­nerlugit pioneriusoq oqar­poq: “In­ngilinik, inuit qanoq atugaqar­neran­nik ilisiman­nit­tunik, suleqateqar­neq pis­sanganar­tuuvoq”. Pingajuat­tut, inuup ajun­ngitsor­tai Jehovamul­lu kif­fan­ngorsin­naanera isiginiar­nerusar­pavut. Carl utoq­qaaner­taq ukiut 50-it sin­nerlugit matuma sior­na kuisit­toq ima oqar­poq: “Inuup ajun­ngitsumik isigin­nit­taaseqar­neranut takus­sutis­saaran­nguit, im­maqa qungujun­nera, inus­siar­ner­pasin­nera imaluun­niit ilumoorluni aperinera, maluginiar­tar­pak­ka.” Taamaaliorut­ta Paulusitut ‘nikal­lujuil­luta inerititaqarsin­naavugut’.

16, 17. (a) Oqaluus­sisar­tup oqaasii 11:6 qanoq ilin­niarfigisin­naavar­put? (b) Oqaluus­siner­put inun­nut uagutsin­nik isigin­naar­tunut qanoq sun­niuteqarsin­naava?

¹⁶ Tusar­naarusut­toqar­pasin­ngik­kaluar­toq oqaluus­sinit­ta inun­nut qanoq sun­niuteqarsin­naanera puiun­ngisaan­nar­tariaqar­par­put. (Oqaluussisartup oqaasii 11:6 atuaruk). Inuit isigin­naar­tar­paatigut. Atisaris­saar­ner­put, pis­suseris­saar­ner­put aam­ma inus­siar­ner­ner­put maluginiar­tar­paat. Taman­na ajasoorutigisin­naavaat, pif­fis­sal­lu ingerlanerani uagutsin­nik ajor­tumik isigin­nit­taaseqarsimasut ajun­ngin­nerusumik isigin­nit­taaseqarfigilersin­naavaatigut. Sergiop Olindallu tamatuma ilumoor­nera misigaat.

¹⁷ Sergio ima oqar­poq: “Nap­parsimasimaner­put pis­sutigalugu sivisulaar­tumik sumiif­figisar­tak­katsin­niin­ngilagut. Uterat­tali inuit sanioq­qut­tar­tut aperip­put. ‘Susoqarami? Kipil­luta.’” Olinda qungujul­luni ima ilaliivoq: “Bus­ser­titsisar­tut bus­simin­niit aalaterif­figaatigut ilaasalu ima suaarfigaluta: ‘Ajun­ngitsumik suliaqar­pusi!’ Al­laat atuagas­sianik piumap­put.” Sergio Olindalu nuan­naajal­laatigisamin­nik angut or­nigup­poq naasunik qiler­tanik pajul­luni suliaal­lu pil­lugu qujaf­figalugit.

18. Sooq ‘nikal­lujuil­lutit inerititaqar­nis­sat’ aalajangiusimaviuk?

¹⁸ Guutip naalagaaf­fia pil­lugu inuit al­lat oqalut­tuun­neran­ni ‘as­savut sarliaan­nan­ngik­kutsigit’ ‘inuian­nut tamanut’ nalunaajaanermi pingaarutilim­mik iliuuseqas­saagut. (Matt 24:14) Pingaar­nerusumik, Jehova nuan­naar­til­lugu ilisimagatsigu nuan­naangaarsin­naavugut. Taas­suma “nikal­lujuil­lutik inerititaqar­tut” tamaasa asavai!