1-3. (a) Tus­siaat 5:5-7 naaper­torlugit Jehovap ajus­suseq qanoq isumaqarfigaa? (b) Sooq meeq­qanik ator­nerluineq ‘Kristusip inatsisaanut’ naaper­tuutin­ngil­luin­nar­pa?

JEHOVAP GUUTIP ajus­suseq qanorluun­niit it­toq uumigaa. (Tussiaat 5:5-7 atuakkit). Meeq­qanik kinguaas­siuutitigut ator­nerluineq, ajor­tulior­nerujus­suaq amiilaar­nar­toq, uumigil­luin­narsimas­savaa! Jehovamik Nalunaajaasuugat­ta taan­na ilaarlugu meeq­qanik ator­nerluineq uumigalugulu ilagiin­ni akuersaan­ngil­luin­nar­par­put. – Rom 12:9; Hebr 12:15, 16.

² Meeq­qanik ator­nerluineq ‘Kristusip inatsisaanut’ naaper­tuutin­ngil­luin­nar­poq! (Gal 6:2) Sooq taama oqarsin­naavugut? Soorlu al­laaserisap siuliani sam­migip­put Kristusip inatsisaa, tas­sa Jiisusip oqaatsimigut iliuutsimigul­lu ilin­niar­titsis­sutigisai, asan­nin­nermik tun­ngaveqar­poq naaper­tuil­luar­nermil­lu kajumis­saaril­luni. Kristumiut ilumoor­tut inatsit taan­na maleruaramik­ku meeq­qat toq­qis­sisimasutut asaneqar­tutul­lu misigilersit­tar­paat. Meeq­qamil­li ator­nerluineq nam­minis­sarsiorluni naaper­tuil­luan­ngitsulior­neruvoq meeq­qamik toq­qis­sisimajun­naarsitsil­lunilu asaneqan­ngitsutut misigilersitsisoq.

³ Ajoraluar­tumik meeq­qat silarsuaq tamak­kerlugu kinguaas­siuutitigut ator­nerlun­neqar­tar­put, kristumiul­lu ilumoor­tut ilaat aam­ma eq­qugaasimap­put. Sooq taamaap­pa? ‘Inuit ajor­tut peq­quserlut­tul­lu’ amerlam­mata taak­kualu ilaat ilagiin­nut ilan­ngun­niarsarisarmata. (2 Tim 3:13) Tamatuma saniatigut anersaak­kut qatan­ngutaanerar­tut pileris­susipilum­mut nak­kaan­narsimap­put meeq­qanil­lu ator­nerluil­lutik. Meeq­qanik ator­nerluineq sooq ajor­tulior­nerusoq taama ingasatsigisoq sam­meriar­tigu. Taava ingasat­tumik ajor­tulior­toqar­til­lugu, soorlu meeq­qamik  ator­nerluisoqarsimatil­lugu, utoq­qaaner­tat qanoq iliuuseqar­tar­nersut aam­ma angajoq­qaat meeq­qamin­nik qanoq il­lersuisin­naanersut sam­mis­savar­put. *

4-5. Sooq meeq­qamik ator­nerluineq ator­nerlugaasumut ajor­tulior­nerua?

⁴ Meeq­qamik ator­nerluineq sivisuumik atuut­tumik kingunipiloqar­titsisar­poq. Pinerlineqar­toq aam­ma taas­sumin­nga asan­nit­tut, soorlu ilaqutai up­peqataalu, eq­qugaasar­put. Meeq­qamik ator­nerluineq ingasat­tumik ajor­tulior­neruvoq.

⁵ Ator­ner­lugaasumut ajor­tulior­neruvoq. Al­lanik ajoqusiineq naal­liutsitsinerlu ajor­tulior­neruvoq. Soorlu al­laaserisami tul­liut­tumi sam­mineqar­tus­saasoq meeq­qamik ator­nerluisoq taamaalior­poq – meeq­qamik ajor­torujus­suarmik ajoqusiivoq. Meeq­qamit tatigineqar­nini piaaraluni ator­nerlup­paa taas­sumalu toq­qis­sisimasutut misigineranik arsaarlugu. Meeq­qat taamatut ajor­tuliorfigineqan­ngin­nias­sagamik il­lersor­neqar­tus­saap­put, ator­nerlugaasimasul­lu tup­pal­lersar­neqar­nis­sar­tik ikior­neqar­nis­sar­til­lu pisariaqar­tip­paat. – 1 Th 5:14.

6-7. Sooq meeq­qanik ator­nerluineq ilagiin­nut nunamilu oqar­tus­saasunut ajor­tulior­nerua?

⁶ Ilagiin­nut ajor­tulior­neruvoq. Ilagiin­niit­tup meeq­qamik ator­nerluisup ilagiit tusaamanerlugaalersip­pai. (Matt 5:16; 1 Petr 2:12) Taman­na kristumiunut mil­lionilin­nut ‘up­per­nermin­nut sorsuuteqar­tunut’ naaper­tuil­luan­ngitsulior­neruvoq. (Jud 3) Inuup ajor­tuliorsimasup peq­qis­simin­ngitsup ilagiin­nil­lu tusaamanerlugaalersitsisup ilagiin­niigin­nar­nis­saa akuersaan­ngil­luin­nar­par­put.

⁷ Nunami oqar­tus­saasunut ajor­tulior­neruvoq. Kristumiut “oqar­tus­saasunut qul­liunerusunut” naalat­tus­saap­put. (Rom 13:1, NW) Nunami inuuf­figisatsin­ni inatsisinik ataq­qin­nin­nik­kut maleruaanik­kul­lu naalan­ner­put ersersit­tar­par­put. Ilagiin­niit­tut ilaat inatsisinik unioq­qutitsiguni, soorlu meeq­qamik ator­nerluil­luni, oqar­tus­saasunut ajor­tulius­saaq. (Apustilit Suliaat 25:8 naleq­qiuguk). Utoq­qaaner­tat nunami inuuf­figisamin­ni inatsisinik unioq­qutitsisoqar­nermi oqar­tus­saasut sin­nerlugit pineqaatis­siinis­samin­nut pisin­naatitaan­ngik­kaluar­tut meeq­qamik ator­nerluisup oqar­tus­saasunit pineqaatis­sin­neqar­nis­saanit il­lersor­neq ajor­paat. (Rom 13:4) Ajor­tulior­tup siaruar­tik­kani katersuin­nar­pai. – Gal 6:7.

8. Inun­nut ajor­tulior­nerit Jehovap qanoq isumaqarfigai?

⁸ Ajor­ner­paamil­li, Guutimut ajor­tulior­neruvoq. (2 Sam 12:13) Inuk inoqam­mut ajor­tulioraangami aam­ma Jehovamut ajor­tulior­tar­poq. Inatsisini Guutip Israelik­kun­nut tun­nius­saani as­sersuut eq­qarsaatigeriaruk. Inatsisini al­las­simavoq angutip tul­lerminik sal­loqit­taasup ‘Jehova ajor­tuliorfigigaa’. (3 Mos 5:21-23) Taava ilagiin­niit­tup meeraq ator­nerluk­kuniuk Guutimut ajor­tulius­saaq, meerarmi sal­loqit­tar­paa. Meeq­qamit tatigineqar­poq, tatigin­nin­nerali ator­nerluk­kamiuk meeraq toq­qis­sisimasutut misigineranik arsaar­paa. Ator­nerluisoq Jehovap aq­qanik an­ner­tuumik tusaamanerlugaalersitsivoq. Taman­na pis­sutaal­luni ator­nerluineq as­suarineqar­tus­saavoq, Guutimum­mi ajor­tulior­neruvoq maajun­nar­toq.

9. Ukiut ingerlanerini Siulersuisoqatigiit paasis­sutis­sat Biibilimit tun­ngavil­lit suut pilersis­simavaat, aam­ma sooq?

⁹ Ukiut ingerlanerini Siulersuisoqatigiit  meeq­qanik ator­nerluinermut tun­ngatil­lugu qanoq iliuuseqar­toqarsin­naaneranik paasis­sutis­sat amerlasuut Biibilimit tun­ngavil­lit pilersis­simavaat. As­sersuutigalugu ator­nerlugaasimasut misigis­sutsik­kut ikiler­neqar­nermin­nut tun­ngatil­lugu qanoq iliuuseqarsin­naasut, al­lat qanoq ikiuil­lutil­lu qiim­mas­saasin­naasut aam­ma angajoq­qaat meeq­qatik qanoq il­lersorsin­naaneraat Napasuliaq Alaper­naar­suif­fik-mi aam­ma Iteritsi!-mi sam­mineqarsimap­put. Meeq­qanik ator­nerluil­luni ajor­tulior­toqar­pat utoq­qaaner­tat taman­na qanoq iliuuseqarfigisin­naal­lugu Biibili tun­ngavigalugu sukumiisumik ilin­niar­tin­neqarsimap­put. Meeq­qanik ator­nerluisoqarsimatil­lugu utoq­qaaner­tat qanoq iliuuseqarsin­naaneran­nik ilitsersuutinik Siulersuisoqatigiit nalilersuisar­put ilaan­nik­kul­lu iluarsaasarlutik. Taamaalior­nermik­kut qulak­keer­tar­paat utoq­qaaner­tat ator­nerluinermut tun­ngatil­lugu iliuuseqar­nermin­ni Kristusip inatsisaanik maleruaasut.

10-12. (a) Ingasat­tumik ajor­tulior­toqarsimagaangat utoq­qaaner­tat suna eq­qaamasar­paat, pingaar­ner­tul­lu suut anguniar­tar­paat? (b) Jaaku 5:14, 15 naaper­torlugit utoq­qaaner­tat suniar­tar­pat?

¹⁰ Ingasat­tumik ajor­tulior­toqarsimagaangat utoq­qaaner­tat eq­qaamasar­paat Kristusip inatsisaa malil­lugu ilagiin­niit­tut asan­nit­tumik pisar­tus­saal­lugit Guutil­lu isaani eq­qor­tumik naaper­tuil­luar­tumil­lu ilior­tus­saal­lutik. Taamaat­tumik ingasat­tumik ajor­tulior­toqarsimasoq paasigunik­ku eq­qarsaatigisas­sar­pas­suaqar­put. Utoq­qaaner­tat Jehovap aq­qata kan­ngunarsar­neqan­ngin­nis­saa pingaar­ner­tut anguniar­tar­paat. (3 Mos 22:31, 32; Matt 6:9) Aam­ma ilagiit anersaak­kut ingerlal­luar­nis­saat ajor­tuliorfigineqarsimasul­lu ikior­nis­saat anguniagaraat.

¹¹ Tamatuma saniatigut utoq­qaaner­tat ingasat­tumik ajor­tuliorsimasoq peq­qis­siminersoq paasiniar­tar­paat peq­qis­simip­pal­lu Jehovamut at­taveqarluaq­qiler­nis­saanut ikior­tarlugu. (Jaaku 5:14, 15 atuakkit). Kristumiu pileris­susipalaaminut nak­kaan­narluni ingasat­tumik ajor­tulior­toq anersaak­kut nap­parsimavoq. Tas­sa Jehovamut at­taveqarluarun­naarsimavoq. * Utoq­qaaner­tat nakorsatut ip­put. “Nap­parsimasoq”, tas­sa ajor­tulior­toq, anersaak­kut ajorun­naar­nias­sam­mat ikior­niar­tar­paat. Biibilimi siun­nersuutit atorlugit Guutimut at­taveqarluaq­qiler­nis­saanut ikiorsin­naavaat, aatsaal­li taman­na ajor­nas­san­ngilaq ilumoorluni peq­qis­simip­pat. – ApS 3:19; 2 Kor 2:5-10.

¹² Utoq­qaaner­tat pingaaruteqar­tumik akisus­saaf­feqar­nerat ersarip­poq. Savaatit Guutip im­min­nut paarisas­san­ngor­titai asangaar­paat. (1 Petr 5:1-3) Ilagiit toq­qis­sisimanis­saat kis­saatigaat. Taman­na pis­sutigalugu ingasat­tumik ajor­tulior­toqarsimaneranik, soorlu meeq­qamik ator­nerluisoqarsimaneranik, paasitin­neqar­nermin­ni ingerlaan­naq iliuuseqar­tar­put. Qanoq?  Im­mik­koor­tuni 13,  15 aam­ma  17-imi aal­lar­niutigalugu apeq­qutigineqar­tut eq­qarsaatigik­kit.

13-14. Utoq­qaaner­tat inatsisit malil­lugit meeq­qanik ator­nerluisoqarsimaneranik pasil­liutinik nalunaarutigin­nit­tar­pat? Nas­suiaruk.

 ¹³ Utoq­qaaner­tat inat­sisit malil­lugit meeq­qanik ator­ner­luisoqar­simaneranik pasil­liutinik oqar­tus­saasunut nalunaarutigin­nit­tar­pat? Aap. Nunat ilaan­ni meeq­qamik ator­nerluisimanermik pasil­liuteqar­toqar­pat un­nerluus­sinis­samik inatsiseqar­poq. Utoq­qaaner­tat inatsisit taak­ku maleruar­tar­paat. (Rom 13:1) Inatsisit taamaat­tut Guutip inatsisaanut akerliun­ngil­lat. (ApS 5:28, 29) Taamaat­tumik utoq­qaaner­tat oqarfigineqaraangamik meeraq im­maqa ator­nerlun­neqarsimasoq ingerlaan­naq im­mik­koor­tor­taqarfim­mut  at­taveqar­tar­put paasiniarumal­lugu nalunaarutigin­nin­neq pil­lugu inatsisinik qanoq maleruaasin­naanerlutik.

¹⁴ Utoq­qaaner­tat ator­nerlun­neqarsimasoq, angajoq­qaavi pisumil­lu ilisiman­nit­tut al­lat eq­qaasit­tar­paat oqar­tus­saasunut un­nerluus­sinis­samin­nut pisus­saaf­feqar­tut. Taavami un­nerluus­sut ilagiin­niit­tut ilaan­nut tun­ngap­pat taman­nalu inuiaqatigiin­ni ilisimaneqaler­pat? Un­nerluus­sisoq misigis­sava Guutip aq­qa kan­ngunarsarlugu? Naamik. Ator­nerluisumuna Guutip aq­qa kan­ngunarsaraa.

15-16. (a) Timotheusimut al­lak­kat siul­liit 5:19 malil­lugu utoq­qaaner­tat eq­qar­tuus­sisin­naanermut ataatsimiititaliamik pilersitsin­ngin­nermin­ni sooq ilisiman­nit­tut ikin­ner­paamik marluusariaqar­pat? (b) Meeq­qamik ator­nerluisoqarsimanermik ilagiin­ni un­nerluus­sisoqaraangat utoq­qaaner­tat susar­pat?

 ¹⁵ Utoq­qaaner­tat eq­qar­tuus­sisin­naaner­mut ataat­simiititaliamik piler­sit­sin­ngin­ner­min­ni sooq ilisiman­nit­tut ikin­ner­paamik mar­luusariaqar­pat? Taman­na Biibilimi najoq­qutas­sianut qutsis­sunut piumasaqaataam­mat. Ingasat­tumik ajor­tuliorsimanermik pasil­liisoqar­pat pasineqar­torlu pisuun­ngin­nerar­pat utoq­qaaner­tat eq­qar­tuus­sisin­naanermut ataatsimiititaliamik pilersitsis­sap­pata ilisiman­nit­tut marluusariaqar­put. (5 Mos 19:15; Matt 18:16; 1 Timotheusi 5:19 atuaruk). Taman­nali isumaqar­pa ator­nerluisimanermik pasil­liut oqar­tus­saasunut nalunaarutigisin­naajumal­lugu marlun­nik ilisiman­nit­toqar­tariaqar­toq? Naamik. Piner­lut­tulior­ner­mik pasil­liisoqar­nermi taman­na piumasaqaataan­ngilaq.

¹⁶ Ilagiin­niit­toq meeq­qamik ator­nerluisimasutut pasineqar­pat utoq­qaaner­tat inatsisit maleruarumal­lugit taman­na oqar­tus­saasunut nalunaarutigisar­paat. Tamatuma kingor­na Biibili tun­ngavigalugu eq­qar­tuus­sisin­naanermut ataatsimiititaliamik pilersitsis­sanerlutik naliliisar­put. Un­nerluutigineqar­toq pisuun­ngin­nerar­pat utoq­qaaner­tat qanoq pisoqarsimaneranik ilisiman­nis­sin­naasut al­lat oqaloqatigisar­paat. Ikin­ner­paamik marluk – un­nerluus­sisoq al­lalu – up­per­narsaasin­naap­pata meeq­qamik ator­nerluisoqarsimasoq utoq­qaaner­tat eq­qar­tuus­sisin­naanermut ataatsimiititaliamik pilersitsisin­naalis­sap­put. * Un­nerluus­sisup saniatigut al­lamik ilisiman­nit­toqan­ngip­pat isumaqan­ngilaq un­nerluus­sisoq tatiginan­ngitsuusoq. Meeq­qamik ator­nerluisoqar­neranik marlun­nik ilisiman­nit­toqan­ngik­kaluar­toq utoq­qaaner­tat nalun­ngilaat ingasat­tumik al­lanul­lu an­niaataangaar­tumik ajor­tulior­toqarsimasin­naasoq. Utoq­qaaner­tat eq­qugaasunik tup­pal­lersaal­lutil­lu tapersersuisar­put. Aam­ma ilagiit il­lersor­niarlugit ator­nerluisuusorineqar­toq eq­qumaf­figeq­qis­saar­tar­paat. – ApS 20:28.

17-18. Eq­qar­tuus­sisin­naanermut ataatsimiititaliap sulias­sai suup­pat?

 ¹⁷ Eq­qar­tuus­sisin­naaner­mut ataat­simiititaliap sulias­sai suup­pat? Ingasat­tumik ajor­tulior­toq ilaajun­naarsitaas­sanersoq ataatsimiititaliamit nalilersor­neqar­tar­poq. Ator­nerluisul­li inatsisinik unioq­qutitsinini pil­lugu oqar­tus­saasunit pineqaatis­sin­neqas­sanersoq utoq­qaaner­tat aalajangiineq ajor­put. Pinerlut­tulior­tut qanoq pineqaatis­sin­neqas­sanersut oqar­tus­saasunut isumagitit­tar­paat. – Rom 13:2-4; Tit 3:1.

¹⁸ Utoq­qaaner­tat eq­qar­tuus­sisin­naanermut ataatsimiititaliamut ilaasut anersaak­kut tun­ngasut kisiisa suliarisar­paat. Biibili tun­ngavigalugu nalilersuisar­put ator­nerluisoq peq­qis­siminersoq peq­qis­simin­ngin­nersorluun­niit. Peq­qis­simin­ngik­kuni ilaajun­naarsitaas­saaq ilagiin­nul­lu taman­na nalunaarutigineqarluni. (1 Kor 5:11-13) Peq­qis­simip­pat imaas­sin­naavoq ilaajun­naarsitaan­ngitsoq. Taamaat­torli  utoq­qaaner­tat ilisimatis­savaat ukior­pas­suar­ni inuunermiluun­niit sin­nera ilagiin­ni akisus­saaf­feqarsin­naan­ngitsoq. Meeq­qat ajor­tumik pineqan­ngin­nias­sam­mata utoq­qaaner­tat inuk taan­na meeq­qanut qanoq pis­susilersor­nersoq eq­qumaf­figeq­qul­lugu angajoq­qaat kisimiitsil­lugit saaf­figis­savaat. Taamaalior­nermin­ni ator­nerlun­neqarsimasut kik­kuunersut eq­qaan­ngin­nis­saat mianersuutigisar­paat.

19-22. Angajoq­qaat meeq­qatik il­lersor­niarlugit qanoq iliorsin­naap­pat? (Saq­qaani as­seq takuuk).

¹⁹ Meeq­qat ajor­tumik pineqan­ngin­nis­saan­nut kik­kut pingaar­ner­tut il­lersuisus­saap­pat? Angajoq­qaat. * Meeq­qatit Jehovamit ‘tunis­sutaap­put’ erlin­nangaar­tut. (Tuss 127:3) Jehovap meeq­qatit il­lersor­nis­saan­nik akisus­saaf­filer­paatit. Ator­nerluinermit il­lersor­niarlugit qanoq iliorsin­naavit?

²⁰ Siul­ler­tut, ator­ner­luineq pil­lugu paasiniaagit. Meeq­qanik ator­nerluisar­tut inut­tut qanoq it­tuunerinik aam­ma meeq­qanik sal­loqit­taaniarlutik qanoq periaaseqar­tar­neran­nik paasiniaagit. Navianarsin­naasut suul­luun­niit mianersuutigik­kit. (Uss 22:3; 24:3) Eq­qaamajuk amerlaner­tigut ator­nerluisar­toq tas­saasarmat meeq­qap nalun­ngisaa tatigisaalu.

²¹ Aap­paat­tut, meeq­qatit am­masumik oqaloqatigisak­kit. (5 Mos 6:6, 7) Tamatumun­nga ilaavoq tusar­naarluar­tar­neq. (Jaak 1:19) Eq­qaamajuk meeq­qat ator­nerlun­neqarsimanermin­nik oqalut­tuar­nis­samut tunuarsimaar­tarmata. Im­maqa up­perineqan­ngin­nis­sar­tik er­numagaat imaluun­niit ator­nerluisumit sioorasaar­neqarsimap­put oqarunik ajor­tumik pineqas­sasut. Misigiguit ajor­toqar­toq inus­siar­nersumik apersuk­kit akis­sutaan­nul­lu tusar­naaq­qis­saarlutit.

²² Pingajuat­tut, meeq­qatit ilin­niartik­kit. Atoqatigiin­nermut tun­ngasunik ukiuinut naleq­qut­tumik oqalut­tuutik­kit. Naleq­qutin­ngitsumik at­tor­niar­neqarunik qanoq oqar­tar­nis­saan­nik iliuuseqar­tar­nis­saan­nil­lu ilin­niar­tik­kit. Meeq­qatit il­lersorumal­lugit Siulersuisoqatigiin­nit paasis­sutis­sat iluaqutigik­kit. – Ungalusaq “ Paasiniaagit meeq­qatil­lu ilin­niar­til­lugit” takuuk.

23. Meeq­qanik kinguaas­siuutitigut ator­nerluineq qanoq isumaqarfigaar­put, al­laaserisal­lu tul­liani suna sam­mis­savar­put?

²³ Jehovamik Nalunaajaasuugat­ta meeq­qanik kinguaas­siuutitigut ator­nerluineq ingasat­tumik ajor­tulior­ner­tut maajun­nar­tumil­lu pinerlut­tulior­ner­tut isigaar­put. Kristusip inatsisaa maleruaratsigu ator­nerluisut ajor­tulior­nermik kingunipiluinit il­lersor­neq ajor­pavut. Qatan­ngutivul­li meeraal­lutik ator­nerlun­neqarsimasut qanoq ikiorsin­naavavut? Al­laaserisap tul­liani apeq­qut taman­na akineqas­saaq.