1. Sooq ilaat atuaq­qis­saarusup­pal­laar­neq ajor­pat?

NALITSIN­NI aningaasarsior­neq inup­pas­suar­nut ilungersunar­poq. Qatan­ngutit­ta ilar­pas­sui ilaqut­tatik inuunermi pisariaqar­titaan­nik pilersorumal­lugit nalunaaqut­tap-akun­ner­pas­suini sulisar­put. Al­lar­pas­suit ul­lut tamaasa ungasis­sumi sulif­feqaramik sivisuumik angalasar­put. Amerlasuut inuus­sutis­sarsiorumal­lutik nukersor­nar­tumik sulisar­put. Un­nuk­kut qatan­ngutit taak­ku qasul­luin­nar­taramik atuaq­qis­saarusup­pal­laar­neq ajor­put.

2. Il­lit atuaq­qis­saar­neq qaquguk­kut pif­fis­saqarfigisar­piuk?

² Taamaak­kaluar­torli atuaq­qis­saar­nis­sap pif­fis­saqarfiginis­saa pingaaruteqarluin­nar­poq. Jehovamut at­taveqarluarusuk­kut­ta naas­saan­ngitsumil­lu inoorusuk­kut­ta Guutip oqaasianik Biibililersaarutinil­lu itisiliil­luta atuaq­qis­saar­tariaqar­pugut. (1 Tim 4:15) Ilaat ul­lut tamaasa atuaq­qis­saar­niarlutik makiaar­tar­put angerlarsimaf­fim­min­ni nipaan­nera qasueq­qaner­til­lu atorluarlugit. Al­lat un­nuk­kut minutsialuit atorlugit anersaak­kut inuus­sutis­sanik atuaq­qis­saarlutil­lu eq­qarsaatigin­neq­qis­saar­tar­put.

3-4. Biibililersaarutinut pilersin­neqar­tar­tunut tun­ngatil­lugu sunik al­lan­nguisoqarsimava, aam­ma sooq?

³ Atuaq­qis­saar­tar­nis­sap pif­fis­saqarfiginis­saata pingaaruteqar­nera isumaqataaf­figigunar­pat. Suulli atuaq­qis­saar­tas­savavut? Im­maqa eq­qarsar­putit: ‘Atuaq­qis­saagas­sar­pas­suit amerlangaarmata malin­naasin­naangilanga!’ Qatan­ngutit­ta ilaasa Biibililersaarutit pisavut tamaasa malin­naaf­figisar­paat, amerlasuul­li taamaalior­nis­samik pif­fis­saqarfiginis­saa ajor­nar­tit­tar­paat. Siulersuisoqatigiit taman­na nalun­ngilaat. Taamaat­tumik qanit­tuk­kut aalajanger­put naqiter­neqar­tut inter­netik­kul­lu pisar­tak­kavut an­nikil­lisin­niarlugit.

⁴ As­sersuutigalugu jw.org^®-imi JW Broadcasting^®-imilu  qaam­mam­mut aal­lakaatitas­siani qiim­maal­lan­nar­tunik misigisalik­kersaaruteqar­tarmat Jehovas Vidners Årbog saq­qum­mersin­neqar­tarun­naar­poq. Atuagas­siat tamanoor­tut Napasuliaq Alapernaarsuiffik aam­ma Iteritsi! ukiumut pingasoriaan­narlutik saq­qum­mersin­neqar­taler­put. Jehovamik pal­lorfigin­nin­nitsin­nut tun­ngan­ngitsunut pif­fis­saqar­nerunias­sagat­ta taamatut al­lan­nguisoqarsimava? Naamik, ‘suut pingaar­nerusut qulak­keersin­naanis­saan­nut’ periarfis­sin­niarluta taamatut al­lan­nguisoqarsimavoq. (Fil 1:10, NW) Qanoq pingaar­nersiuisin­naanersutit Biibilimil­lu atuaq­qis­saar­tar­nerit qanoq pis­sarsif­figil­luarsin­naanerit sam­meriar­tigit.

5-6. Suut atuaq­qis­saar­nis­saat pisariaqarluin­nar­pa?

⁵ Suut pingaar­ner­tut atuaq­qis­saar­tas­savavut? Soorunami ul­lut tamaasa Guutip oqaasianik atuaq­qis­saar­tas­saagut. Atuak­katsin­nik eq­qarsaatigin­neq­qis­saar­nis­samut itinerusumil­lu misis­sueq­qis­saar­nis­samut periarfis­saqar­nerunias­sagat­ta Biibilimik atuagas­sat ul­luin­nar­ni ataatsimiin­nermi sam­mineqar­tus­sat an­nikil­lisin­neqarsimap­put. Anguniagas­sar­put tas­saan­ngilaq atuagas­sat­ta atuaan­nar­nis­saat, tas­saavorli atuak­kavut kil­litsis­sutigalugit Jehovamut qanimut at­taveqar­neruler­nis­sar­put. – Tuss 19:15.

⁶ Suut al­lat atuaq­qis­saar­tas­savavut? Soorunami Napasuliaq Alapernaarsuiffik-mik atuaq­qis­saaqatigiin­nermut, ilagiit Biibilimik atuaq­qis­saaqatigiin­neran­nut ul­luin­nar­nilu ataatsimiin­nermi sam­mineqar­tus­sat sin­nerinut piareersarusup­pugut. Aam­ma atuagas­siat Napasuliaq Alapernaarsuiffik Iteritsi!-lu saq­qum­meraangata atuar­tas­savavut.

7. Nit­tar­tak­katsin­ni aam­ma JW Broadcasting-imi saq­qum­mersin­neqar­tut tamaasa malin­naaf­figisin­naan­ngik­kutsigit nikal­lus­saagut?

⁷ Im­maqali eq­qarsar­putit: ‘Taavami nit­tar­tak­katsin­ni, jw.org-imi, al­laaserisat aam­ma filmit JW Broadcasting-imilu aal­lakaatitas­siat? Amerlaval­laaqaat!’ As­sersuusioriar­ta: Neriniar­tarfim­mi nerisas­sanik mamarunar­tunik sas­saal­liutigineqar­tunik neriar­tor­tut qanorluun­niit nerisin­naatitaap­put. Neqeroorutigineqar­tut amerlam­mata tamaviisa us­sersin­naanavian­ngilaat. Taamaat­tumik nerisas­sat sas­saal­liutit ilaan­naat toq­qas­savaat. Taamatut­taaq Biibililersaarutit inter­netik­kut pilersin­neqar­tut tamaasa malin­naaf­figisin­naan­ngik­kuk­kit nikal­loqinak. Angumerisin­naasatit tamaasa atuak­kit isigin­naarlugil­lu. Atuaq­qis­saar­neq qanoq paasisariaqar­nersoq aam­ma qanoq iliorluta atuaq­qis­saar­ner­put pis­sarsif­figil­luarsin­naanerip­put maan­na sam­meriar­tigit.

8. Napasuliaq Alapernaarsuiffik qanoq atuaq­qis­saar­neqarsin­naava, taamaalior­nerlu qanoq iluaqutigis­saviuk?

⁸ Atuaq­qis­saar­neq pingaarutilim­mik ilin­niarumal­luni aal­lus­sil­luni atuar­neruvoq. Tas­saagin­nan­ngilaq suk­kasuumik atuapal­lan­neq akis­sutinil­lu titarsineq. As­sersuutigalugu Napasuliaq Alapernaarsuiffik-mik atuaq­qis­saaqatigiin­nermut qanoq piareersarsin­naavit? Qilanaar­tuut al­laaserisap aal­laq­qaataaniit­toq atuaq­qaaruk. Taava al­laaserisap qulequtaa, qulequtaaq­qat uteq­qiinermul­lu apeq­qutit eq­qarsaatigeq­qis­saak­kit. Tamatuma kingor­na al­laaserisaq atuapal­laan­nar­nagu peq­qis­saar­tumik atuaruk. Oqaaseqatigiit im­mik­koor­tup imarisaanik tik­kuus­sisut, amerlaner­tigut im­mik­koor­tumi oqaaseqatigiit siul­liit, maluginiar­tak­kit. Taamaalil­lutit im­mik­koor­tumi sam­mineqar­tut eq­qumaf­figinerusin­naavatit. Al­laaserisap atuar­nerani eq­qarsaatigisaruk im­mik­koor­tut qulequtaaq­qamut aam­ma al­laaserisami sam­misamut pingaar­nermut qanoq ataqatigiin­nersut. Oqaatsit paasin­ngisatit ilin­niagas­sal­lu itinerusumik misis­sorusutatit al­lat­tuk­kit.

9. (a) Napasuliaq Alapernaarsuiffik-mik atuaq­qis­saar­nermi sooq ingam­mik al­las­simaf­fiit maluginiar­tas­savavut, aam­ma qanoq taamaaliorsin­naavugut? (b) Josva 1:8-mi eq­qaaneqar­tutut al­las­simaf­fiit atuaan­nar­nagit aam­ma susas­saagut?

 ⁹ Napasuliaq Alapernaarsuiffik-mik atuaq­qis­saaqatigiik­kaangat­ta Biibilimik atuaq­qis­saar­tar­pugut. Taamaat­tumik al­las­simaf­fiit, ingam­mik ilagiit al­laaserisamik eq­qar­tueqatigiin­neran­ni atuagas­sat, eq­qarsaatigeq­qis­saar­tak­kit. Versini oqaatsit oqaaseqatigiil­luun­niit im­mik­koor­tumi sam­mineqar­tumik qanoq erseq­qis­saanersut maluginiar­taruk. Aam­ma al­las­simaf­fiit atuak­kavit inuunin­nilu qanoq atorsin­naanerisa eq­qarsaatigeq­qis­saar­nis­saat pif­fis­saqarfigisaruk. – Josva 1:8 atuaruk.

10. Angajoq­qaat ilaqutariit­tut atuaq­qis­saaqatigiin­nermin­ni sooq meeq­qatik atuaq­qis­saar­nis­samik misis­suinis­samil­lu ilin­niar­tit­tariaqaraat Hebræerit 5:14 tun­ngavigalugu nas­suiaruk.

¹⁰ Soorunami angajoq­qaat kis­saatigaat meeq­qamik sapaatit-akun­neri tamaasa ilaqutariit­tut atuaq­qis­saaqatigiin­ner­tik nuan­narisas­sagaat. Angajoq­qaat ilaqutariit­tut atuaq­qis­saaqatigiin­nermin­ni sam­misas­samin­nik pilersaarusior­tus­saap­put, imaan­ngilarli sapaatit-akun­neri tamaasa im­mik­kut it­tunik pis­sanganar­tunil­lu suliaqar­tariaqar­tut. Atuaq­qis­saaqatigiin­nermin­ni ilaqutariit JW Broadcasting-imi qaam­mam­mut aal­lakaatitas­siat isigin­naarsin­naavaat ilaatigul­luun­niit im­mik­kut it­tumik suliaqarsin­naal­lutik, soorlu Noap umiarsuaanik ilusilersuil­lutik sanal­lutik. Pingaaruteqar­porli meeq­qat atuaq­qis­saar­nermik ilin­niar­tin­neqar­nis­saat. As­sersuutigalugu ilagiit ataatsimiin­nerinut piareersar­neq atuarfim­milu pisumut tun­ngatil­lugu qanoq misis­suisin­naanerlutik ilin­niar­tariaqar­paat. (Hebræerit 5:14 atuaruk). Angerlarsimaf­fim­min­ni Biibilimi sam­misanik aalajangersimasunik atuaq­qis­saar­nis­sar­tik pif­fis­saqarfigisarunik­ku ataatsimiin­ner­ni ataatsimeersuar­ner­nilu, filmeqan­ngik­kaluar­pal­luun­niit, malin­naal­luar­nerusin­naas­sap­put. Soorunami angajoq­qaat ilaqutariit­tut qanoq sivisutigisumik atuaq­qis­saaqatigiis­sanerlutik meeq­qamik ukiui inut­tul­lu qanoq it­tuunera tun­ngavigalugit naliliisar­put.

11. Sooq Biibilimik atuaq­qis­saaqatigisar­tak­kavut nam­min­neq pis­sarsiaqarluar­nar­tumik atuaq­qis­saar­nis­samik ilin­niar­tin­nis­saat pingaaruteqar­pa?

¹¹ Aam­ma Biibilimik atuaq­qis­saaqatigisar­tak­kat­ta atuaq­qis­saar­nis­sar­tik ilin­niar­tariaqar­paat. Atuaq­qis­saaqatigileratsigit Biibilimik atuaq­qis­saar­nis­samut ataatsimiin­ner­nul­lu piareersarlutik akis­sutinik titar­tuigaangata nuan­naarutigisar­par­put. Nam­min­nerli qanoq misis­suil­lutil­lu itisuumik atuaq­qis­saarsin­naaneran­nik ilin­niar­tit­tariaqar­pavut. Taman­na ilik­karunik­ku ajor­nar­torsiuler­nermin­ni ilagiin­niit­tunut ikioq­qupal­lan­natik nam­min­neq Biibililersaarutitsin­nik  misis­suil­lutik qanoq ilior­nis­samin­nik siun­nersuutis­sarsiorsin­naas­sap­put.

12. Atuaq­qis­saar­nitsin­ni sunik anguniagaqarsin­naavugut?

¹² Atuarumatuujun­ngik­kuit eq­qarsas­sagunar­putit atuaq­qis­saar­neq qaqugumul­luun­niit nuan­narilersin­naanagu. Sapin­ngilal­li. Sivikitsumik atuaq­qis­saar­tar­neq aal­lar­niutigiuk pif­fis­sal­lu ingerlanerani atuaq­qis­saar­tar­nerit sivitsorlugu. Suna angorusun­nerlugu eq­qarsaatigiuk. Soorunami anguniagar­put pingaar­neq tas­saavoq Jehovamut qanimut at­taveqar­neruleriar­tor­tuar­neq. Ingerlaan­naq angusin­naasar­put tas­saavoq apeq­qutigineqar­tumut akisin­naanis­saq ajor­nar­torsiutigisatsin­nul­luun­niit tun­ngatil­lugu misis­suinis­saq.

13. (a) Nas­suiaruk inuusut­toq atuarfim­mi up­perisaminik il­lersuisin­naajumal­luni qanoq iliorsin­naasoq. (b) Kolos­semiut 4:6-imi siun­nersuut qanoq malis­sin­naaviuk?

¹³ Inuusut­tuuit atuar­toq? Im­maqa atuaqativit ilaasa pin­ngoriar­tuaar­neq up­peraat. Pin­ngor­titsisoqar­neranik up­perin­nin­nerit il­lersorusuk­kaluarlugu im­maqa sapiup­putit. Taamaap­pat maan­na misis­sugas­saqaler­putit. Misis­sueq­qis­saar­nis­samut pis­sutis­satit marluusin­naap­put: (1) Guutip sunik tamanik Pin­ngor­titsisuuneranik up­perin­nin­ner­pit nakus­satsin­nis­saa aam­ma (2) sal­lusuis­sum­mik il­lersuinis­savit pik­korif­figineruler­nis­saa. (Rom 1:20; 1 Petr 3:15) Siul­ler­tut eq­qarsaatigisin­naavat: ‘Atuaqatima sooq pin­ngoriar­tuaar­neq up­perinerar­paat?’ Taava Biibililersaarutivut atorlugit sam­misamik misis­sueq­qis­saarit. Im­maqa up­perisan­nik il­lersuinis­saq ilimagisan­nit ajor­nan­ngin­neruvoq. Inup­pas­suit pin­ngoriar­tuaar­neq up­perivaat inun­nit ataq­qisamin­nit ilumoor­nerar­neqar­nera pis­sutigiin­narlugu. Paasis­sutis­sanik ingerlateq­qis­sin­naasan­nik marluin­naagaluar­tunil­luun­niit nas­saarsin­naaguit pimoorus­sil­lutik akis­sutis­sarsior­tut ikiorsin­naalis­savatit. – Kolossemiut 4:6 atuaruk.

14-16. (a) Biibilip atugar­taasa ilaat ilisimasaqarfiger­pian­ngisat pil­lugu qanoq paasisaqar­nerulersin­naavit? (b) Al­las­simaf­fiit in­nersuus­sutigineqar­tut atorlugit nas­suiaruk Amosip al­lagai qanoq paasil­luar­nerusin­naagitit. (Aam­ma ungalusaq “ Biibilimiit­tut ilisarisimal­luar­nerulik­kit!” takuuk).

¹⁴ Takorlooruk ilagiit­tut ataatsimiin­nis­satsin­nut pilersaarutigineqar­toq al­lak­kat Hoseamiit Malakimut aq­qaneq-marluusut ilaan­nik, im­maqa ilisimasaqarfiger­pian­ngisan­nik, misis­suis­sasugut. Al­loriar­nerit siul­leq tas­saasin­naavoq pruf­fiitip al­latai qanoq imaqar­neran­nik ilin­niarusus­suseqar­neruler­nis­sat. Taman­na qanoq angusin­naaviuk?

¹⁵ Siul­ler­tut im­minut aperigit: ‘Al­lat­toq pil­lugu sunik ilisimasaqar­punga? Kinaava, sumi najugaqar­pa, sumik suliaqar­tar­pa?’ Al­lat­tup tunuliaqutaa ilisimasaqarfiginerulerutsigu taava im­maqa oqaatsit as­sersuutil­lu atugai paasil­luar­nerusin­naas­savavut. Biibilimik atuar­til­lutit al­lat­tup oqaaser­talior­neri inut­tut qanoq it­tuuneranik ersersitsisut maluginiar­tak­kit.

¹⁶ Aam­ma Biibilip atuagar­taa qanga al­lan­neqarsimanersoq paasis­sal­lugu iluaqutigisin­naavat. Ny Verden-Oversættelsen af Bibelen qup­peruk­ku naggataatungaani “Oversigt over Bibelens bøger” atorlugu taman­na paasisin­naavat. Aam­ma Guutip oqaasianik misissueqqissaarut-mi qup­per­neq 14-17 pruf­fiitit kun­ngil­lu nalunaarsor­neri iluaqutigisin­naavatit. Misis­suk­kat siulit­tuutinik imaqar­pat al­lan­neqar­nerani pis­sutsit qanoq in­nersut paasiniarsin­naavat. Isigin­nit­taatsit eq­qun­ngitsut eq­qun­ngitsulior­neril­lu suut aaq­qin­niarlugit pruf­fiiti aal­lar­titaava? Pruf­fiitip nalaani kik­kut inuup­pat? Imaas­sin­naavoq tamaat misis­sor­niarlugu Biibilip atuagar­tai al­lat paasisas­sarsiorfigisariaqaritit. As­sersuutigalugu Amosip nalaani pis­sutsinik misis­sueq­qis­saar­nin­ni Kun­nginik al­lak­kat aap­paan­ni versit, Amosi 1:1-imut qup­per­nerup ataani in­nersuus­sutigineqar­tut,  atuar­neri iluaqutigisin­naavatit. Tamatuma saniatigut Nalunaarsuutit aap­paat aam­ma Hoseap, im­maqa Amosip nalaani inuusup, al­lagai iluaqutigisin­naavatit. Tamak­ku tamaasa misis­soruk­kit Amosip nalaa pil­lugu paasisaqar­nerulersin­naavutit. – 2 Kng 14:25-28; 2 Nal 26:1-15; Hos 1:1-2:2; Am 1:1.

17-18. Im­mik­koor­tuni as­sersuutit atorlugit nam­minerluun­niit as­sersuusiorlutit nas­suiaruk paasis­sutis­sat pingaaruteqar­pal­laan­ngip­pasis­sin­naasut misis­sorlugit atuaq­qis­saar­nerit qanoq nuan­ner­nerulersin­naasoq.

¹⁷ Pitsaas­saaq Biibilimik atuar­nitsin­ni ilin­niarusus­suseqarut­ta. As­sersuutigalugu takorlooruk Zakariap al­lagaani kapitali 12, Mis­siarsip toquneranik siulit­tuutaasoq, atuarlugu. (Zak 12:10) Versi 12-imut kil­lik­kuit atuas­savat ‘eq­qarleriit Natanip kinguaavisa’ Mis­siarsip toqunera aliaasuutigingaas­sagaat. Taman­na qaangipal­laan­nar­nagu unik­kal­lariarlutit im­minut aperigit: ‘Eq­qarleriit Natanip kinguaavi Mis­siarsilu qanoq im­min­nut at­tuumas­suteqaramik? Al­lanik paasis­sutis­sanik pis­sarsisin­naavunga?’ Maan­na misis­sugas­saqaler­putit. Ny Verden-Oversættelsen af Bibelen atorlugu Zakaria 12:12 qup­peruk. Al­las­simaf­fiit in­nersuus­sutigineqar­tut ilaat tas­saavoq Samuelimik al­lak­kat 5:13, 14. Versini taak­kunani paasitin­neqar­putit Natani kun­ngip Daavip er­nerisa ilagigaat. In­nersuus­sutigineqar­tumi al­lami, Lukasi 3:23, 31-milu, ersersin­neqar­poq Jiisusi Natanimut, Mariap siuaasaanut, kinguaajusoq. (Napasuliaq Alapernaarsuiffik aggusti 2017-imoor­toq, qup­per­neq 32, im­mik­koor­toq 4 takuuk). Misis­suinerit pis­sanganarseriataar­poq! Nalun­ngilat Jiisusi Daavip kinguaas­saatut siulit­tuutigineqar­toq. (Matt 22:42) Daavili 20-t sin­nerlugit er­neqar­poq. Natanip kinguaavisa Jiisusip toquneranik aliasun­nis­samin­nut pis­sutis­saqarluar­nis­saan­nik Zakariap al­laatigin­nin­nera soqutiginangaarami, ilaa?

 ¹⁸ Al­lamik as­sersuuteqariar­ta. Lukasip iivangkiiliuani kapitalit siul­lersaan­ni al­las­simavoq Gabrielip Maria pulaaraa er­ner­taas­saalu pil­lugu tupin­nar­tumik ima oqalut­tuuk­kaa: “Pingaar­torsuan­ngus­saaq Qutsin­nerus­saar­tul­lu er­neranik taaneqas­sal­luni, Guutil­lu Naalak­kap tunis­savaa ataataata Daavip is­siavis­saarsuanik; Jaakuk­kun­nut kunngiussaaq naas­saan­ngitsumik.” (Luk 1:32, 33) Im­maqa maluginiar­nerusar­par­put Gabrielip siul­ler­tut eq­qaasaa, tas­sa Jiisusi ‘Qutsin­nerus­saar­tup er­neranik taaneqas­sasoq’. Gabrielil­li aam­ma siulit­tuutigaa Jiisusi ‘kun­ngius­sasoq’. Tamatumin­nga oqalut­tuum­mani Maria qanoq eq­qarsarsimasin­naanersoq takorloorsin­naavar­put. Maria isumaqar­pa Gabrielip pigaa Jiisusip kun­ngi Herodesi kingoraar­tis­saasaluun­niit ilaat taarserlugu Israelimi naalagaas­sasoq? Jiisusi nunami kun­ngin­ngoraluar­pat Maria kun­ngip anaanaatut ataq­qineqas­saaq ilaqut­tanilu kun­ngik­kormiut il­lus­saarsuan­ni najugaqarlutik. Biibilimili eq­qaaneqan­ngilaq taamatul­luun­niit periarfis­saqar­nini Mariap Gabrielimut eq­qaagaa. Aam­ma sumiluun­niit al­las­siman­ngilaq Maria Naalagaaf­fim­mi im­mik­kut iluarisaanis­saminik qin­nuteqarsimasoq, Jiisusip ajoqersugaasa ilaat marluk pisimanerat­tut. (Matt 20:20-23) Paasis­sutis­saq taman­na iluaqutigalugu Maria ar­naasoq as­sut maniguut­toq paasil­luar­neruar­put.

19-20. Jaaku 1:22-25 aam­ma 4:8-mi al­laatigineqar­tutut atuaq­qis­saar­nitsin­nut anguniak­kavut suup­pat?

¹⁹ Eq­qaamajuar­tigu Biibilimik Biibililersaarutinil­lu atuaq­qis­saar­nitsin­nut siuner­taam­mat Jehovamut qanimut at­taveqar­neruler­nis­sar­put. Aam­ma inut­tut qanoq it­tuuner­put Guutimil­lu iluarisaajumal­luta sutigut al­lan­nguisariaqar­ner­put paasil­luar­nerorusup­par­put. (Jaaku 1:22-25; 4:8 atuakkit). Taamaat­tumik atuaq­qis­saaleraangat­ta Jehova qin­nuigisas­savar­put anersaaminik il­ler­nar­tumik tuneq­qul­luta. Atuaq­qis­saak­kat­ta iluaqutigil­luar­nis­saan­nik ikioq­qul­luta uagutsin­nul­lu tun­ngatil­lugu taas­sumatut isigin­nit­taaseqaq­qul­luta kimigiiserfigisas­savar­put.

²⁰ Qanor­toq tamat­ta Guutimut kif­faasoq aalajaatsoq tus­siaasior­tup ima al­laatigisaa as­sigitigu: ‘Jehovap inatsisaanik nuannarisaqarpoq inatsisaalu eq­qarsaatigalugit ul­luk­kul­lu un­nuak­kul­lu. Qanoq ilior­nermini tamani iluatsitsisaraaq.’ – Tuss 1:2, 3.