1. Guutip oqaasia qanoq iluaqutigaar­put?

JEHOVA tas­saavoq Ajoqersuisorsuar­put, qanorluun­niil­lu ajor­nar­torsioraluarut­ta ikiorsin­naavaatigut. (Es 30:20, 21) ‘Pigin­naaneqarluar­nis­samut ajun­ngitsulior­ner­nul­lu tamanut piareersarluar­nis­samut’ pisariaqar­titavut tamarmik Guutip oqaasianiip­put. (2 Tim 3:17, NW) Ilitsersuus­sutit Biibilimiit­tut najoq­qutaralugit inuugut­ta ‘silarsuup matuma ilisimas­susianik’ pingaar­titsisunit ilisimas­suseqar­nerulis­saagut. – 1 Kor 3:19; Tuss 119:97-100.

2. Al­laaserisami suut sam­mis­savavut?

² Silarsuup ilisimas­susia nam­minis­sarsior­nis­samik siuarsaavoq. Taamaat­tumik inuit silarsuarmiit­tut eq­qarsar­tariaasiat ileq­quilu ilaan­ngin­nis­saat ajor­nar­tis­sin­naavar­put. Pis­sutis­saqarluar­tumik Biibilimi ima mianersoq­quneqar­pugut: “Mianersoritsi napitin­neqaq­qunasi ilisimaq­qis­saar­niutinik sal­loqit­taatinil­lu piun­ngitsunik.” (Kol 2:8) Sal­luliuutit Saatanip ilin­niar­titsis­sutigisai marluk inuit qanoq up­perileriar­tuaarsimagaat al­laaserisami sam­mineqas­saaq. Ataasiak­kaarlugit sam­mis­savar­put sooq silarsuup ilisimas­susia sianiis­susiin­naasoq qanorlu ilisimas­suseq Guutip oqaasianiit­toq silarsuup neqeroorutigisin­naasaanit tamanit an­nerungaar­toq.

3-4. 1900-miit 1930-mut inuit kinguaas­siuutitigut ileq­qus­sanut isigin­nit­taasiat qanoq al­lan­ngorsimava?

³ 1900-miit 1930-mut inuit kinguaas­siuutitigut ileq­qus­sanut isigin­nit­taasiat al­lan­ngorujus­suar­poq. Sior­natigut amerlasuut isumaqar­put katis­simasut taamaal­laat atoqatigiit­tas­sasut atoqateqar­nermul­lu tun­ngasut tamanut am­masumik eq­qar­tor­neqar­tus­saan­ngitsut. Ileq­qus­sal­li taamaat­tut  soqutigineeruk­kalut­tuin­nar­put najoq­qutas­siaqan­ngin­nerlu akuersaar­neqaleralut­tuin­narluni.

⁴ Inuit ileq­qui atoqatigiin­nermul­lu isigin­nit­taasiat 1920-kkun­ni al­lan­ngungaatsiar­poq. Ilisimatooq ataaseq ima oqar­poq: “Filmit, isigin­naar­titsinerit, erinarsuutit, atuak­kat pilerisaarutil­lu atoqatigiin­nermut tun­nganeruler­put.” Ukiuni taak­kunani isor­nar­tumik qitit­tariaatsit atisalersoriaatsil­lu saq­qumileralut­tuin­nar­put. Ul­lus­sat kingul­liit pil­lugit Biibilimi siulit­tuutigineqar­neratut inuit tas­saalersimap­put “nuan­naar­niutinik pingaar­titsisut”. – 2 Tim 3:4, NW.

5. 1960-ip kingor­na silarsuarmi kinguaas­siuutitigut ileq­qus­sanut isigin­nit­taaseq qanoq al­lan­ngorsimava?

⁵ 1960-ik­kun­ni katis­simanani inooqatigiin­neq, anguteqam­mik ar­naqam­mil­lu atoqateqar­tar­neq kiisalu avin­neq nalingin­naaleralut­tuin­nar­put. Aliik­kusersuutini amerlasuuni atoqateqar­tar­neq saq­qumineruler­poq. Taman­na qanoq kinguneqarsimava? Atuak­kior­toq ataaseq al­lap­poq inuiaqatigiin­ni kinguaas­siuutitigut ileq­qus­sat ajorsiar­tuin­nar­nerat pis­sutigalugu ilaqutariit avis­saar­tuutilersut, angajoq­qaat kisimiil­lutik perorsaasalersut, inuit misigis­sutsik­kut an­niaateqarlutil­lu por­nografiimik pin­ngitsuuisin­naajun­naar­tut aam­ma al­lanik ajor­nar­torsiungaar­talersut. Kingunipiluit al­lat tas­saap­put nap­paatit kinguaas­siuutitigut tunil­laat­tar­tut, soorlu AIDS. Tamak­ku tamarmik ersersitsip­put silarsuup ilisimas­susia sianiis­susiin­naasoq. – 2 Petr 2:19.

6. Silarsuarmi inuit atoqatigiin­nermut isigin­nit­taasiat Saatanip piumasaanut qanoq naaper­tuup­pa?

⁶ Silarsuarmi inuit atoqatigiin­nermut isigin­nit­taasiat Saatanip piumasaanut naaper­tuup­poq. Inuit eq­qun­ngitsumik, tas­sa Guutip siuner­tarin­ngisaatut, atoqatigiit­tar­nerat katis­simanermil­lu ataq­qin­nin­ngin­nerat Saatanip qular­nan­ngitsumik nuan­naringaar­paa. (Ef 2:2) Jehovap kinguaas­siorsin­naatip­paatigut, inuil­li kinguaas­siuutitigut inuunerlun­nermik­kut tunis­sut taman­na ator­nerlup­paat, peq­qis­simin­ngik­kunil­lu inuuneq naas­saan­ngitsoq kingor­nus­sarsiaris­san­ngilaat. – 1 Kor 6:9, 10.

7-8. Atoqatigiin­nermut isigin­nit­taaseq Biibilimi al­laatigineqar­toq sooq silarsuup isigin­nit­taasianit pitsaanerua?

⁷ Inuit silarsuup ilisimas­susianik maleruut­tut Biibilimi najoq­qutas­siat il­laruaatigisar­paat oqarlutik piviusorsior­tuun­ngitsut. Im­maqa ima aperis­sap­put: ‘Sooq Guutip kinguaas­siuutitigut pileris­suseqar­til­luta pin­ngor­teriarluta oqas­sava taak­ku malil­lugit ilior­tas­san­ngitsugut?’ Taama aperisar­put kuk­kusumik eq­qarsaramik  inuit pileris­sutsitik naaper­torlugit ilior­tuaan­nas­sasut. Biibilimili al­latut ilin­niar­tin­neqar­pugut: Pileris­susipalaat maliin­narlugit ilior­tariaqan­ngilagut. (Kol 3:5) Tamatuma saniatigut Jehovap katit­tar­neq pilersip­paa. Taamatut aap­pariin­nerup iluani kinguaas­siuutitigut pileris­sutsit eq­qor­tumik matus­suser­neqarsin­naap­put. (1 Kor 7:8, 9) Uiusup nuliaasul­lu misigis­sutsit kinguaas­siuutitigut inuunerlun­nerup kingunerisar­tagai pin­ngitsoor­til­lugit, tas­sa peq­qis­simis­suteqar­natik er­numas­suteqaratil­lu, atoqatigiis­sin­naap­put.

⁸ Silarsuup ilisimas­susianit al­laanerusumik atoqatigiin­nermut isigin­nit­taaseq eq­qor­toq Biibilimi ilin­niar­titsis­sutigineqar­poq. Al­las­simavoq atoqatigiin­neq nuan­naarutaasin­naasoq. (Uss 5:18, 19) Taamaat­torli ima al­las­simasoqar­poq: “Tamas­si im­mik­kut [nalus­san­ngilarsi] timersi qanoq aqus­sin­naanerlugu il­ler­nas­sutsik­kut ataq­qinas­sutsik­kul­lu, kinguaas­siuutitigut pilerituumik il­ligus­suseqar­nasi inut­tut inuiaqatigiin­neersutut Guutimik ilisarsin­ngitsutut.” – 1 Th 4:4, 5, NW.

9. (a) 1900-p 1930-l­lu nalaan­ni Jehovap kif­fai ilisimas­susermik qutsin­nerungaar­tumik Guutip oqaasianiit­tumik maleruaanis­samin­nut suna iluaqutigaat? (b) Siun­nersuut suna Johan­nesip al­lagai siul­liit 2:15, 16-imiip­pa? (c) Romamiut 1:24-27 naaper­torlugit iliuutsit suut ileq­quliuutis­san­ngilavut?

⁹ 1900-p 1930-l­lu nalaan­ni ‘mingun­nar­tunik sunik tamanik iliuuseqar­tar­tut’ isigin­nit­taasian­nit Jehovap kif­fai sal­loqit­tar­tin­ngil­lat. (Ef 4:19) Sapin­ngisar­tik naaper­torlugu Jehovap ileq­qoreq­qusaanik maleruaap­put. Vagttaarnet juulip aal­laq­qaataan­ni 1926-mi saq­qum­mersin­neqar­tumi al­las­simavoq angutit ar­nal­lu, ingam­mik aap­parin­ngisamut, eq­qarsaatimik­kut iliuutsimik­kul­lu minguitsuusariaqar­tut. Silarsuarmi pis­sutsit qanoq in­nerat apeq­qutaatin­nagu Jehovap kif­fai ilisimas­suseq qutsin­nerungaar­toq Guutip oqaasianiit­toq maleruar­paat. (1 Johannesi 2:15, 16 atuakkit). Guutip oqaasia qujamasuutigingaar­par­put! Aam­ma silarsuup matuma atoqatigiin­nermut isigin­nit­taasianit sun­ner­tin­ngin­nias­sagat­ta Jehovap pif­fis­saq eq­qorlugu anersaak­kut inuus­sutis­saqar­titsinera qujamasun­naqaaq. * – Romamiut 1:24-27 atuakkit.

10-11. Ul­lus­sanut kingul­ler­nut tun­ngatil­lugu Biibilimi suna siulit­tuutigineqar­pa?

¹⁰ Biibilimi siulit­tuutigineqar­poq ul­lus­sani kingul­ler­ni inuit tas­saalerumaar­tut “nam­minis­sarsior­tut”. (2 Tim 3:1, 2) Taamaat­tumik silarsuup im­minuin­naq pingaar­titsinis­samik kajumis­saarisar­nera tupin­nan­ngilaq. Qinerlerfis­siat ilaan­ni al­las­simavoq 1970-ik­kun­ni ‘atuak­kat im­minut ikior­nis­samut ikiuutit amerlasuut saq­qum­mer­tut’. Ilaat “atuar­tar­tumin­nik kajumis­saarip­put im­minik ilisimal­lutil­lu akuerisariaqar­tut kinaas­sutsimin­nil­lu nal­liut­torsiutigin­nil­lutik.” Atuak­kat ilaan­ni al­las­simasunik as­sersuuteqariar­ta: “Inuk pin­ner­ner­paaq, soqutiginar­ner­paaq naleqar­ner­paarlu asan­nilerfigiuk – tas­sa il­lit!” Atuak­kami tamatumani ‘uangaas­sutsimik pal­lorfigin­nin­neq, tas­sa inuup nalun­ngeqatigin­nis­sutsini kulturik­kul­lu ileq­qut nam­mineq iluarisani naaper­torlugit qanoq pis­susilersus­sanerluni nam­mineq aalajangiinera,’ kajumis­saarutigineqar­poq.

¹¹ Kajumis­saarut taman­na tusar­nikuuiuk? Saatanip Eva as­singusumik kajumis­saar­paa oqarfigalugu ‘Guutisut ilersin­naasoq ajun­ngitsoq ajor­torlu nalujun­naas­sal­lugit’. (1 Mos 3:5) Nalitsin­ni inup­pas­suit ima im­minut pingaar­titsigip­put isumaqarlutik kialuun­niit, al­laat Guutip, oqarfigis­san­ngik­kaatik suna eq­qor­tuunersoq sunalu eq­qun­ngitsuunersoq. Taman­na ingam­mik inuit katis­simanermut isigin­nit­taasian­ni erser­poq.

12. Katis­simanermut isigin­nit­taaseq suna silarsuarmi nalingin­naava?

 ¹² Biibili malil­lugu uiusoq nuliaasorlu im­min­nut ataq­qil­lutil­lu katin­nermi neriorsoqatigiin­ner­tik pingaar­tit­tus­saavaat aap­pariit­tuar­nis­sar­til­lu aalajangiusimasus­saal­lugu. Ima al­las­simasoqar­poq: “Taman­na pil­lugu angutip ataatani anaananilu qimal­lugit nuliani at­tavigis­savaa, uiniulis­sap­pul­lu ataaseq.” (1 Mos 2:24) Inuit silarsuup ilisimas­susianit sun­ner­tis­simasut al­laanerusumik isigin­nit­taaseqar­put, isumaqaramik aap­pami piumasaa pin­nagu nam­minerli piumasar­tik sal­liut­tus­saal­lugu. Avin­neq pil­lugu atuak­kami ima al­las­simasoqar­poq: “Katititsinerit ilaan­ni pisar­neq malil­lugu aap­pariit­tuar­nis­samik neriorsuut, ‘suli inuutil­luta’, neriorsuum­mik kil­leqar­nerusumik ima taarser­neqarsimavoq: ‘Suli asatil­luta.’” Taamatut pingaar­titsin­ngin­nermik isigin­nit­taaseqar­nerup kingunerisai tas­saap­put ilaqutariip­pas­suit avis­saar­nerat misigis­sutsik­kul­lu an­niaateqangaaler­nerat. Qularutis­saan­ngilaq silarsuup katis­simanermut isigin­nit­taasia ataq­qin­nin­ngitsoq sianiis­susiin­naasoq.

13. Jehovap makitasuunik maajugin­nin­neranut pis­sutaasut ilaan­nik eq­qaasaqarit.

¹³ Biibilimi ima al­las­simavoq: “Makitasuut tamaasa Naalak­kap maajugai.” (Uss 16:5) Sooq Jehovap inuit makitasuut maajugai? Pis­sutaasut ilagaat im­minik pingaar­tit­tut al­lanil­lu as­singusumik isigin­nit­taaseqaq­qusisut Saatanitut pingaakujuler­tar­nerat. Eq­qarsaatigiuk: Saatani isumaqar­poq Jiisusip, sunik tamanik pin­ngor­titsinermi Guutimit ator­neqar­tup, pal­lorfigis­sagaani! (Matt 4:8, 9; Kol 1:15, 16) Inuit ingasaas­sil­lutik im­minik pingaar­tit­tut ersersip­paat silarsuup ilisimas­susia Guutimi sianiis­susiin­naasoq.

14. Im­minut oqimaaqatigiis­saarisumik isigin­nit­taaseqar­nis­samut Romamiut 12:3 qanoq iluaqutigaar­put?

¹⁴ Im­minut oqimaaqatigiis­saarisumik isigin­nit­taaseqar­nis­samut Biibili iluaqutigisar­par­put. Al­las­simavoq im­minut ingasaas­sin­ngitsumik asas­sasugut. Jiisusimi ima oqar­poq: “Tul­lit ilit­tut asas­savat.” (Matt 19:19) Tas­sa pisariaqar­titavut  naleq­qut­tumik soqutigisariaqar­pavut. Al­lanil­li pingaar­nerusutut misiginis­sar­put Biibilimi ilin­niar­titsis­sutigineqan­ngilaq. Ima al­las­simasoqar­poq: “Nam­minis­sarsior­neq im­minul­luun­niit angisuutin­neq tun­ngavigalugit iliuuseqar­taqinasi, makitajuitsuunis­sigul­li al­lat ilis­sin­nit an­nerutis­sigit.” – Fil 2:3; Romamiut 12:3 atuaruk.

15. Maluginiarsimasatit tun­ngavigalugit sooq siun­nersuutit Biibilimiit­tut maleruar­nis­saat ajun­ngin­nerusoraajuk?

¹⁵ Nalitsin­ni silatuusorineqar­tut ilar­pas­suisa Biibilimi im­minut isigin­nit­taaseqar­neq pil­lugu siun­nersuutit il­laruaatigisar­paat. Isumaqar­put inun­nik al­lanik pingaar­nerutitsisut ator­nerlun­neqar­tar­tut. Piviusul­li eq­qarsaatigik­kit: Saatanip silarsuaani isigin­nit­taatsip nalingin­naasup kinguneri suup­pat? Il­lit suut maluginiar­pigit? Inuit nam­minis­sarsior­tut pil­luar­pat? Ilaqut­tatil­lu pil­luarlutik inuup­pat? Ilumoor­tunik ikin­nguteqar­pat? Guuti qanimut ikin­ngutigaat? Maluginiarsimasatit tun­ngavigalugit sorleq ajun­ngin­ner­paamik kinguneqar­titsiva: Silarsuup ilisimas­susiata maleruar­nera imaluun­niit ilisimas­sutsip Biibilimiit­tup maleruar­nera?

16-17. Suut qujamasuutigaavut, aam­ma sooq?

¹⁶ Silarsuarmit silatuusorineqar­tut siun­nersuutaan­nik malin­nit­tut takor­nariamut takor­nariaqatiminut tam­mar­tajaar­tumut aq­qutis­sarsiorluni aperisumut as­sersuun­neqarsin­naap­put. Jiisusi inuit “silatuut” nalimini inuusut pil­lugit ima oqar­poq: “Tap­piitsuul­lutik tap­piitsunik ingerlas­sisuup­put, tap­piitsul­lu tap­piitsoqan­ni ingerlak­kuniuk marluul­lutik kus­sinermut nak­kas­sap­put.” (Matt 15:14) Aap, silarsuup ilisimas­susia Guutimi sianiis­susiin­naavoq.

¹⁷ Siun­nersuutit Biibilimeersut ‘ajoqersuinermut, oqaaq­qis­saarinermut, naq­qiinermut, naaper­tuil­luar­nermul­lu perorsaanermut’ iluaqutaajuaan­narsimap­put. (2 Tim 3:16, NW) Jehovap peqatigiis­sor­tamigut silarsuup ilisimas­susianit il­lersormatigut qujamasungaar­pugut! (Ef 4:14) Anersaak­kut inuus­sutis­sat pilersitani aq­qutigalugit najoq­qutas­siat Biibilimiit­tut aalajangiusimal­luin­nar­nis­saan­nut nakus­satsit­tar­paatigut. Ilisimas­suseq Biibilimiit­toq tutsuiginar­poq. Tamatuma maleruar­nera im­mik­kut pisin­naatitaaf­fiungaarami, ilaa?