ATUAQQISSAAGASSAQ 20
“Avannarliup kunngia” nalitsinni kinaava?
‘Naggatissaa nalliutissaaq, ikiortissaqassanngilarlu.’ – DAN 11:45.
ERINARSUUT 77 Silarsuarmi taartumi qaamaneq
QILANAARTUUT *
1-2. Allaaserisami matumani suut sammissavavut?
NAGGATISSAP ulluini kingullerpaani inuunitsinnut aatsaat taama uppernarsaatissaqartigaagut. Qanittukkut Jehovap aamma Jiisusip Kristusip naalakkersuisut Guutip naalagaaffianik akerlilersuisut tamaasa piuneerutitissavaat. Taamali pisoqarnissaata tungaanut Avannarliup kunngia Kujalliullu kunngia akerleriittuarlutillu Guutip innuttaanut akerliujuassapput.
2 Allaaserisami matumani sammissavarput siulittuut Danieli 11:40–12:1 allassimasoq. Kina maannakkut Avannarliup kunngigineraa paasissavarput. Aamma sammissavarput siunissami qanorluunniit pisoqaraluarpat sooq eqqissisimaannarlutalu Jehovap annaakkumaaraatigut upperisinnaagipput.
ALLA TASSAALERPOQ AVANNARLIUP KUNNGIA
3-4. Kina Avannarliup kunngiatut saqqummerpa? Nassuiaruk.
3 1991-imi Sovjetunionip ajalusoornerata kingorna Guutip innuttai nunami tamatumani najugallit ‘annikitsuinnaagaluartumik ikiorneqarput’ – tassa killilersugaajunnaarput. (Dan 11:34) Killilersorneqarnatik oqaluussisinnaalerput sivitsunngitsorlu nunani Sovjetunionimut ilaasimasuni oqaluussisartut 200.000-nit amerlanerulerput. Ukiualuit qaangiuttut Ruslandi iligisaalu tassaalerput Avannarliup kunngia. Allaaserisap matuma siuliani allaatigineqartutut naalakkersuisut tassaalissagunik Avannarliup kunngia imaluunniit Kujalliup kunngia uku pingasut iliuuserisariaqarpaat: (1) Guutip innuttaanik malersuineq, (2) Jehovamut innuttaanullu akeraalluni iliuutsikkut ersersitsineq, aamma (3) kunngip aappaanut akerliuneq.
4 Malugiuk sooq oqarsinnaasugut nalitsinni Ruslandi iligisaalu tassaasut Avannarliup kunngia. (1) Guutip innuttai toqqaannartumik sunniuteqarfigaat, tassa oqaluussineq inerteqqutigaat qatanngutillu angutit arnallu tuusintilikkuutaat nunani naalagaaffigisaminni najugallit malersorlugit. (2) Taamaaliornermikkut ersersippaat Jehova innuttaalu uumigalugit. (3) Kujalliup kunngia, tassa Tuluit Nunaata USA-llu naalagaaffissuat, unammillerpaat. Sammeriartigu Ruslandi iligisaalu susimanersut aamma sooq iliuusii uppernarsaataasut tassaanerannut Avannarliup kunngia.
AVANNARLIUP KUNNGIA AAMMA KUJALLIUP KUNNGIA AKERLERIIPPUT
5. Piffissaq suna Danieli 11:40-43 pineqarpa, tamatumanilu susoqassava?
5 Danieli 11:40-43 atuakkit. Siulittuummi tamatumani pineqarpoq naggatissap nalaa. Versini allaatigineqarpoq Avannarliup kunngiata Kujalliullu kunngiata akerleriinnerat. Danielip siulittuutigisaatut naggatissap nalaani Kujalliup kunngia aamma Avannarliup kunngia “aporaakkumaarput”. – Dan 11:40.
6. Kunngit taakkua marluk aporaannerannut sunik uppernarsaatissaqarpa?
6 Avannarliup kunngia Kujalliullu kunngia nunarsuarmi pissaaneqarniuttuarput. Assersuutigalugu sorsunnersuup aappaata kingorna Sovjetunionip iligisaasalu Europap ilarujussua pissaaneqarfigilerpaat. Avannarliup kunngiata iliuusii pissutigalugit Kujalliup kunngiata nunat allat sakkutooqarnikkut isumaqatigiissuteqarfigai. Tamannalu NATO-mik taaneqarpoq. Avannarliup kunngia aamma Kujalliup kunngia aningaasarpassuit atorlugit sakkutooqarnikkut pissaaneqarniuttuarput. Aamma Afrikami, Asiami Latinamerikamilu akeqqamik iligisaannik saassussisarlutik akersuupput. Ukiuni kingulliunerusuni Ruslandi iligisaalu nunani amerlasuuni sunniuteqangaalerput. Aamma Kujalliup kunngia internetikkut saassuppaat. Kunngit taakku akerartik imminik, qarasaasiakkut programmit atorlugit, aningaasaqarnikkut politikkikkullu ajoqusiiniarnerarlugu pisuutitseqattaattarput. Danielimi siulittuutigineqartutut Avannarliup kunngiata Guutip innuttai saassuttuarpai. – Dan 11:41.
AVANNARLIUP KUNNGIA “NUNAT ALIANAANNERSAANNUT” ISERPOQ
7. ‘Nunat alianaannersaat’ suua?
7 Danieli 11:41-mi allassimavoq Avannarliup kunngia “nunat alianaannersaannut” isissasoq. Nuna taanna suua? Itsaq Israeli ‘nunat alianaannersaattut’ taaneqarpoq. (Ez 20:6) Nunallu tamatuma ilumoortumik pallorfiginnittarfiunini immikkuullarissutigaa. Ukiumi 33-mi piinsip ulluaniit ‘nuna’ taanna tassaajunnaarpoq sumiiffik aalajangersimasoq – Jehovammi innuttai nunarsuarmi sumi tamani najugaqarput. Ullumikkut ‘nunat alianaannersaat’ tassaavoq Jehovap innuttaasa suliaat, ilaatigut ataatsimiinnikkut oqaluussinikkullu Jehovamik pallorfiginninnerat.
8. Avannarliup kunngia “nunat alianaannersaannut” qanoq iserpa?
8 Ullut kingulliit ingerlaneranni Avannarliup kunngia arlaleriarluni “nunat alianaannersaannut” iserpoq. Assersuutigalugu sorsunnersuup aappaani Avannarliup kunngia,
tassa Tysklandi nazistinit naalakkersorneqartoq, Guutip innuttaanik malersuinikkut toqutsisarnikkullu “nunat alianaannersaannut” iserpoq. Sorsunnersuup aappaata kingorna Avannarliup kunngia, tassaalersoq Sovjetunioni, Guutip innuttaanik malersuinikkut pinngitsaaliillunilu aallartitsisarnikkut “nunat alianaannersaannut” iserpoq.9. Ukiuni kingulliunerusuni Ruslandi iligisaalu “nunat alianaannersaannut” qanoq iserpat?
9 Ukiuni kingulliunerusuni Ruslandi iligisaalu aamma “nunat alianaannersaannut” iserput. Qanoq? 2017-imi Ruslandip Jehovap innuttaasa suliaat inerteqqutaatilerpaat qatanngutittalu ilaat parnaarussaatillugit. Biibililersaarutaativut aamma Biibilimik nutsigaq New World Translation inerteqqutaatilerpaat. Aamma Ruslandimi immikkoortortaqarfipput, naalagaaffilersaarfiit ataatsimeersuartarfiillu arsaarinnissutigineqarput. Taamatut pisoqarnerata kingorna 2018-imi Ruslandi iligisaalu Siulersuisoqatigiinnit tassaanerarneqarput Avannarliup kunngia. Jehovalli innuttai malersorneqarujussuaraluarlutik naalakkersuisunik uppititsiniartunut allanngortitsiniartunulluunniit peqataanngisaannarput. Biibilimili siunnersuut maleruarlugu “qullersaallutillu pisortaasut tamaasa” qinnuttarpaat, ingammik pallorfiginninnissamut kiffaanngissuseqarnitsinnut sunniuteqartussanik aalajangiissagaangata. – 1 Tim 2:1, 2.
AVANNARLIUP KUNNGIATA KUJALLIUP KUNNGIA PIUNEERUTISSAVAA?
10. Avannarliup kunngiata Kujalliup kunngia piuneerutissavaa? Nassuiaruk.
10 Danieli 11:40-45 siulittuummi Avannarliup kunngia allaatigineqarneruvoq. Tamanna isumaqarpa taassuma Kujalliup kunngia piuneerutissagaa? Naamik. Kujalliup kunngia ‘uumatillugu’ Jehovap Jiisusillu naalakkersuisut tamaasa Harmagedonimi piuneerutissavai. (Saqq 19:20) Sooq taama oqarsinnaavugut? Siulittuutit Danielimi Saqqummersitanilu allassimasut sammeriartigit.
11. Danieli 2:43-45 allassimasut qanoq isumaqarpat? (Saqqaani assiliaq takuuk).
11 Danieli 2:43-45 atuakkit. Pruffiitip Danielip naalakkersuisut kingoraattaattut Guutip innuttaanut sunniuteqartut allaatigai. Inuusaliarujussuartut saviminernik assigiinngitsunik sanaajusutut allaatigineqarput. Naalakkersuisut taakkua kingullersaat isikkanut saviminermik marrarmillu sanaajusunut assersuunneqarput. Isikkat tassaapput Tuluit Nunaata USA-llu naalagaaffissuat. Siulittuummi tamatumani ersersinneqarpoq Guutip naalagaaffiata naalakkersuisut piujunnaarsippagit Tuluit Nunaata USA-llu naalagaaffissuat suli piussasoq.
12. Nersutip niaquisa arfineq-aappaat sumut assersuutaava, aamma sooq tamanna maluginiarnarpa?
12 Aamma apustilip Johannesip nunarsuarmi pissaanillit arlallit Jehovap innuttaanut sunniuteqartut allaatigai. Johannesip naalakkersuisut taakku nersutitut arfineq-marlunnik niaqulittut allaatigai. Nersutip niaquisa arfineq-aappaat Tuluit Nunaata USA-llu naalagaaffissuannut assersuutaavoq. Tamanna maluginiarnarpoq niaqqut arfineq-aappassaat kingullersaammat. Nersutip niaquisa arfineq-aappaat suli pissaaneqartillugu Kristusip sakkutuuisalu qilammiut nersut tamaat piuneerutitissavaat. * – Saqq 13:1, 2; 17:13, 14.
AVANNARLIUP KUNNGIA QANITTUKKUT SUSSAVA?
13-14. ‘Gogi nunami Magogimi nunaqartoq’ kinaava, sunalu pissutigigunarlugu Guutip innuttaanik saassussissava?
13 Ezekielip siulittuutaani paasitinneqarpugut Avannarliup kunngiata Kujalliullu kunngiata piuneerunneqannginneranni qanoq pisoqassagunartoq. Imaassinnaavoq Ezekieli 38:10-23; Danieli 2:43-45; 11:44–12:1 aamma Saqqummersitat 16:13-16, 21-milu allassimasut tamarmik tassaasut piffissami killilimmi pisussat ataqatigiittut. Taamaappat siunissami pisussat tulliuttut imaassagunarput.
14 Annikilliornartussarsuup aallartinnerata kingorna ‘silarsuarmi tamarmi kunngit’ iligiilissapput. (Saqq 16:13, 14; 19:19) Iligiit taakku Biibilimi ‘Gogitut nunami Magogimi nunaqartutut’ taaneqarput. (Ez 38:2) Naalagaaffiit iligiit taakku Guutip innuttaanik nungusaaniarlutik naggataamik saassussissapput. Suna pissutigalugu saassussissappat? Piffissaq tamanna pillugu siulittuummi apustili Johannesi oqarpoq Guutip akerai nataqqornarsuarnik nakkaaffigineqarumaartut. Nataqqornat taakku Jehovap innuttaasa eqqartuussummik tusarliussaannut assersuutaasinnaapput. Immaqa tusarliussaq tamanna kamassutigalugu Gogi Magogimeersoq Guutip innuttaanik nungusaaniarluni saassussissaaq. – Saqq 16:21.
15-16. (a) Pisussaagunartoq suna Danieli 11:44, 45-milu allaatigineqarpa? (b) Avannarliup kunngia aamma Gogip Magogimeersup sinnera qanoq pineqassappat?
15 Tusarliussaq sakkortooq tamanna Guutillu innuttaanik naggataamik saassussineq aamma Danieli 11:44, 45-milu allaatigineqarunarput. (Atuakkit). Danielip versini taakkunani allaaserisaatut Avannarliup kunngiata “kangianit avannaanillu tusakkani annilaarutigilissavai”, kamangaalerlunilu aallarpoq. Avannarliup kunngiata ‘inuppassuit toqorarniarpai’. “Inuppassuit” taakku tassaagunarput Jehovap innuttai. * Danielip pisimagunarpaa Guutip innuttaanik naggataamik saassussineq.
Saqq 16:14, 16) Taamanikkussamut Avannarliup kunngia inuiaallu allat Gogimut Magogimeersumut ilaasut piuneerunneqassapput ‘ikiortissaqassanngillallu’. – Dan 11:45.
16 Avannarliup kunngiata nunarsuarmi naalakkersuisut tamaasa peqatigalugit saassussinera tamanna Ajugaqanngitsup kamaatigalugu sorsunneq Harmagedoni aallartitissavaa. (17. Mikaeli Danieli 12:1-imi ‘naalagaanersuarmik’ taaneqartoq kinaava, maannakkullu sua aamma sussava?
17 Avannarliup kunngiata iligisaasalu piuneerunneqarnissaat uagullu aniguisitaanissarput pillugit Danielip siulittuutaani versimi tulliuttumi paasissutissaqarneruvoq. (Danieli 12:1 atuaruk). Versi taanna qanoq isumaqarpa? Kunngitta Jiisusip Kristusip atiisa ilagaat Mikaeli. Taanna tassaavoq 1914-imiilli Guutip naalagaaffia qilammi pilersinneqarmalli Guutip innuttaanik “illersuisoq”. Qanittukkut “saqqummerumaarpoq”, tassa akeqqani piuneerukkumaarpai, sorsunnermi Harmagedonimi. Sorsunneq tamanna piffissami Danielip ‘ullunik annikilliornartunik’ taasaani pisussat kingullersarissavaat. Johannesip siulittuutaani Saqqummersitani allassimasumi piffissaq sorsunnermik kinguneqartussaq tamanna ‘annikilliortitaangaarnissamik’ taaneqarpoq. – Saqq 6:2; 7:14.
ILLIT ATIT ‘MAPPERSAKKAMI ALLASSIMASSAVA’?
18. Sooq siunissaq isumalluarfigisinnaavarput?
18 Siunissaq isumalluarfigisinnaavarput Danielip Johannesillu marluullutik allaatigimmassuk Jehovamut Jiisusimullu kiffartortut annikilliornartussarsuarmi aniguiumaartut. Danieli allappoq aniguisut atii ‘mappersakkami allassimassasut’. (Dan 12:1) Uagut aterput mappersakkami tamatumani qanoq allanneqartissinnaavarput? Jiisusimut, Guutip savaaraanut, uppertuunerput erseqqissartariaqarparput. (Joh 1:29) Guutimut tunniulluinnarsimanerput ersersillugu kuisittariaqarpugut. (1 Petr 3:21) Aamma Jehova pillugu allanik ilinniartitsinikkut Guutip naalagaaffia tapersersorlutigu ersersittariaqarparput.
19. Maanna susariaqarpugut, aamma sooq?
19 Jehovamik peqatigiissortaanillu tatiginninneq maannakkut ineriartortittariaqarparput. Guutip naalagaaffianik tapersersuinissamut piffissanngorpoq. Taamaaliorutta Avannarliup kunngia Kujalliullu kunngia piuneerussaappata annaanneqassaagut.
ERINARSUUT 149 Ajugaanermi erinarsuut
^ imm. 5 Nalitsinni “Avannarliup kunngia” kinaava, qanorlu piuneerunneqassava? Apeqqutit taakkua akissutaat ilisimagutsigit uppernikkut nakussatsissutigisinnaavavut qanittukkullu annikilliornartussarsuarmi pisussanut piareersaatigalugit.
^ imm. 12 Danieli 2:36-45 aamma Saqqummersitat 13:1, 2 pillugit paasisaqarnerorusukkuit takukkit Napasuliaq Alapernaarsuiffik juunip aallaqqaataat 2012-imoortumi qupp. 9-20 aamma Vagttårnet juunip 15-iat 2012-imoortumi qupp. 19.
^ imm. 15 Paasisaqarnerorusukkuit takuuk Napasuliaq Alapernaarsuiffik maajip 15-iat 2015-imoortumi qupp. 27-28.