Siulit­tuutit nalunaarsuk­kami matumani eq­qaaneqar­tut ilaat ataatsik­kut eq­quup­put. Tamak­ku tamarmik up­per­narsaataap­put “naggatis­sap” nalaani inuunitsin­nut. – Dan 12:4.

• Allassimaffiit: Saqq 11:7; 12:13, 17, 18; 13:1-8, 12

  Siulittuut: “Nersut” ukior­pas­suar­ni nunami naalak­kersuivoq. Naggatis­sap nalaani taas­suma niaquata arfineq-aap­paat ikiler­neqar­poq. Ikiali mamip­poq, ‘nunarsuul­lu tamarmi’ taan­na malip­paat. Saatanip nersut atorlugu ar­nap “qitor­nai al­lat ... sorsuf­figiler­pai”.

  Eqquunnera: Ulersuup kingor­na naalak­kersuisoqar­taler­poq Jehovamut akerlilersuisunik. Ukior­pas­suit kingor­na sorsun­nersuarmi siul­lermi tuluit naalagaaf­fis­suat pis­saanikil­livoq. Pis­saaneqar­neruleq­qip­porli USA iligileramiuk. Ingam­mik naggatis­sap nalaani nunami naalak­kersuisut tamaasa atorlugit Saatani Guutip in­nut­taanik malersuivoq.

• Allassimaffiit: Dan 11:25-45

  Siulittuut: Avan­narliup kun­ngia aam­ma Kujal­liup kun­ngia naggatis­sap nalaani pis­saaneqar­niut­tar­put.

  Eqquunnera: Tysklandi aam­ma Tuluit Nunaat USA-lu akersuup­put. 1945-mi Sovjetunioni iligisaalu tas­saaler­put Avan­narliup kun­ngia. 1991-imi Sovjetunioni ajalusoor­poq kingusin­nerusuk­kul­lu Ruslandi iligisaalu tas­saaler­put Avan­narliup kun­ngia.

• Allassimaffiit: Es 61:1; Mal 3:1; Luk 4:18

  Siulittuut: Jehovap Naalagaaf­fik Mis­siarsimik kun­ngilik pilersitsin­nagu ‘aq­qutis­saq iluarsaateq­qul­lugu’ nalunaariar­tor­titaq aal­lar­tip­paa. Taas­suma “nalunaarut nuan­nersoq piitsunut” oqaatigaa.

  Eqquunnera: 1870-imiit C. T. Russell peqataalu Biibilip qanor­piaq ajoqersuuteqar­nera pil­lugu nas­suiaal­lutik ilungersor­put. 1880-ik­kun­ni paasivaat Guutip kif­fai oqaluus­sisariaqar­tut. Al­laaserisat uku saq­qum­mersip­paat: “Oqaluus­sisar­tut 1.000-t kis­saatigineqar­put” aam­ma “Oqaluus­sinis­samut tanin­neqar­neq”.

• Allassimaffiit: Matt 13:24-30, 36-43

  Siulittuut: Akeq­qap narsaat qajuusias­sar­talik naasupilun­nik siaruar­terif­figaa, katersuif­fis­sal­lu tungaanut naaqatigiitin­neqaramik qajuusias­sat malun­narun­naar­put. Taava qajuusias­sat naasupilun­nit im­mik­koor­tin­neqar­put.

  Eqquunnera: 1870-imiil­li kristumiut ilumoor­tut kristumiuunerar­tunit im­mik­koor­tin­neqarsin­naaler­put. Naggatis­sap nalaani kristumiut ilumoor­tut kristumiuunerar­tunit avis­saar­til­lugit ilagiin­nut katersor­neqar­put.

• Allassimaffiit: Dan 2:31-33, 41-43

  Siulittuut: Inuusaliap saviminer­nik as­sigiin­ngitsunik sanaap isigai saviminermik marrarmil­lu sanaat.

  Eqquunnera: Inuit Tuluit Nunaan­ni USA-milu naalak­kersuisunut naam­magit­taal­lior­tut marrarmut as­sersuun­neqar­put. Inuil­lu taamaat­tut naalak­kersuisunik san­ngiil­lisitsisar­put.

• Allassimaffiit: Matt 13:30; 24:14, 45; 28:19, 20

  Siulittuut: ‘Qajuusias­sat quin­nut katersor­neqar­put’, inus­siarlu aalajaal­lunilu silatooq kif­fanut paarsisun­ngor­titaavoq. ‘Naalagaaf­fim­mik iivangkiiliu silarsuarmi tamarmi oqaluus­sis­sutigineqar­poq.’

  Eqquunnera: 1919-imi inus­siaq aalajaatsoq Guutip in­nut­taanut paarsisun­ngor­titaavoq. Taamanimiil­li Biibilimik atuaq­qis­saar­tar­tut oqaluus­sinerusaler­put. Ul­lumik­kut Jehovap Nalunaajaasui nunani 200-nit amerlanerusuni oqaluus­sisar­put oqaatsinilu 1.000-nit amerlanerusuni Biibililersaarusior­tarlutik.

• Allassimaffiit: Dan 12:11; Saqq 13:11, 14, 15

  Siulittuut: Nersutip marlun­nik nas­sul­lip inuit oqarfigai “nersut [arfineq-marlun­nik niaqulik] ... as­silius­sagaat”, nam­minerlu ‘nersutip as­singa anersaar­tor­tiler­paa’.

  Eqquunnera: Tuluit Nunaata USA-llu naalagaaf­fis­suata siut­tuul­luni Folkeforbundi pilersip­paa. Nunat al­lat peqatigiin­nut taak­kunun­nga ilan­ngup­put. Ukiuni 1926-1933 Avan­narliup kun­ngia aam­ma ilan­ngup­poq. Folkeforbundi Guutip naalagaaf­fiata nersor­neqar­nis­saraluatut nersor­neqar­poq soorlu ul­lumik­kut kingoraar­taa Naalagaaf­fiit Peqatigiit (FN) nersor­neqar­toq.

• Allassimaffiit: Dan 8:23, 24

  Siulittuut: Kun­ngi ‘as­seqan­ngitsumik piuneerutitsivoq’.

  Eqquunnera: Tuluit Nunaata USA-llu naalagaaf­fis­suat inup­pas­suar­nik toqutsil­lutil­lu aseruerujus­suar­put. As­sersuutigalugu sorsun­nersuup aap­paani taak­kunun­nga akeraasup atombombinik marlun­nik nak­kar­titsivigineratigut USA nal­ler­neqan­ngitsumik aseruerujus­suar­poq.

• Allassimaffiit: Dan 11:31; Saqq 17:3, 7-11

  Siulittuut: ‘Nersut an­noraas­satut aap­pal­laris­sutut aap­palutsigisoq’ qulinik nas­sulik itinersuarmit qaqisoq tas­saavoq kun­ngit arfineq-pingajuat. Danielimi kun­ngi taan­na tas­saanerar­neqar­poq ‘maajun­nar­toq aseruisoq’.

  Eqquunnera: Folkeforbundi sorsun­nersuup aap­paani sun­niutaarup­poq. Sorsun­nersuup kingor­na FN pilersin­neqar­poq. Folkeforbunditut FN Guutip naalagaaf­fiata nersor­neqar­nis­saraluatut nersor­neqar­poq. FN-ip up­perisarsior­nerit saas­sutis­savai.

• Allassimaffiit: 1 Th 5:3; Saqq 17:16

  Siulittuut: Inuiaat nalunaar­put ‘sumil­luun­niit aarlerinar­toqan­ngitsoq’, “nas­suil­lu qulit ... nersutil­lu ar­naq ator­tit­tar­toq” saas­sup­paat suujun­naarsil­lugulu. Taava inuiaat piujun­naarsin­neqar­put.

  Eqquunnera: Inuiaat eq­qis­sisitsinerarlutil­lu isuman­naas­suseqalersitsineras­sap­put. Taava inuiaat FN-imik tapersersuisut up­perisarsior­nerit eq­qun­ngitsut piujun­naarsis­savaat. Taman­na an­nikil­lior­nar­tus­sarsuup aal­laq­qaatigis­savaa. An­nikil­lior­nar­tus­sarsuaq naas­saaq Harmagedonimi nunarsuarmi aaq­qis­suus­sinerit tamarmik piujun­naarsin­neqar­pata.

• Allassimaffiit: Ez 38:11, 14-17; Matt 24:31

  Siulittuut: Gogi Guutip in­nut­taasa nunaan­nik saas­sus­sis­saaq. Taava in­ngilit ‘qinik­kat’ katersus­savaat.

  Eqquunnera: Avan­narliup kun­ngiata nunarsuarmi naalak­kersuisut sin­neri peqatigalugit Guutip in­nut­tai saas­sutis­savai. Saas­sus­sinerup tamatuma aal­lar­tin­nerata kingor­na tanitat kingul­liit qilaliar­tin­neqas­sap­put.

• Allassimaffiit: Ez 38:18-23; Dan 2:34, 35, 44, 45; Saqq 6:2; 16:14, 16; 17:14; 19:20

  Siulittuut: ‘Hestimik qaqor­tumik hestersoq’ Gogimik sak­kutuinil­lu piuneerus­sinik­kut ajugaal­luin­nar­poq. “Nersut” igitaavoq “tatsimut in­nerusumut ikual­las­saam­mik ikualasumut”, inuusaliarlu sequmisin­neqar­poq.

  Eqquunnera: Jiisusip, Guutip naalagaaf­fiani kun­ngiusup, Guutip in­nut­tai an­naatis­savai. Naalak­kersuisoqatini 144.000-t sak­kutuunilu in­ngiliusut peqatigalugit naalagaaf­fiit iligiit piuneerutis­savai, taamaalil­luni Saatanip politik­kik­kut aaq­qis­suus­sinera tamaat suujun­naarsin­neqas­saaq.