1. Qilam­mi erlin­nar­tuutit pil­lugit Jiisusi qanoq oqar­pa?

TUNIS­SUTIT ilaat takus­saan­ngitsuup­put. Taak­kunun­nga ilaap­put erlin­nar­tuutit naleqar­ner­paat. Jiisusip qaq­qami oqaluutsimini qilam­mi erlin­nar­tuutit aningaasanit pigisanil­lu naleqar­nerungaar­tut eq­qar­tor­pai. Taava ilumoor­toq una oqaatigaa: “[Uum­mativit] erlin­nar­tuutitit najor­tuar­tar­pai.” (Matt 6:19-21) Naleqar­titavut suul­luun­niit pis­sarsiariniarsarisar­pavut. ‘Qilam­mi erlin­nar­tuutinik katersisin­naavugut’ Guutimit iluarisaaler­nik­kut. Erlin­nar­tuutit Jiisusip eq­qar­tugai aseror­neqarsin­naan­ngil­lat til­lin­neqarsin­naanatil­lu.

2. (a) Korinthimiunut al­lak­kat aap­paat 4:17, 18-imilu Paulusip qanoq kajumis­saar­paatigut? (b) Al­laaserisami suut sam­mis­savavut?

² Apustilip Paulusip ‘takus­saan­ngitsut isigeq­qul­lugit’ kajumis­saar­paatigut. (2 Korinthimiut 4:17, 18 atuakkit). Takus­saan­ngitsunut ilaap­put nunarsuarmi nutaami Guutip pilersitas­saani pil­luaq­qus­sutisias­savut. Al­laaserisami matumani sam­mis­savavut tunis­sutit takus­saan­ngitsut sisamat maan­nangaaq iluaqutigisin­naasavut – Guutimut ikin­ngutaaneq, qinusin­naaneq, Guutip anersaani il­ler­nar­toq atorlugu ikiuisar­nera kiisalu oqaluus­sinitsin­ni qilam­miit tapersersor­neqar­tar­ner­put. Aam­ma tunis­sutinik taak­kunin­nga qujamasuutigin­nin­ner­put qanoq ersersis­sin­naanerlugu paasis­savar­put.

3. Tunis­sut erlin­nar­ner­paaq suua, taman­nalu sooq ajor­nan­ngila?

³ Jehovamut ikin­ngutaasin­naaner­put tunis­sutaavoq erlin­nar­ner­paaq. (Jaak 2:23) Guuti qanoq ilil­luni inun­nik naam­mal­luin­nan­ngitsunik  ikin­nguteqarsin­naava? Taman­na ajor­nan­ngilaq Jiisusip uter­titsis­sutitut pil­liutaata inuit ajor­taat ‘piiarmagit’. (Joh 1:29, qup­per­nerup ataani ilan­ngus­saq) Jehovap aal­laq­qaam­mul­li qularin­ngilaa Jiisusi toqus­si tikil­lugu aalajaak­kumaar­toq inun­nil­lu an­naas­siumaar­toq. Taamaat­tumik Kristusip toqunera sioq­qul­lugu inuusut Guutip ikin­ngutigilersin­naavai. – Rom 3:25.

4. Jiisusi sioq­qul­lugu inuusunik Guutimut ikin­ngutaalersimasunik eq­qaasaqarit.

⁴ Jiisusi sioq­qul­lugu inuusut Guutimut ikin­ngutaalersimasut eq­qarsaatigik­kit. Aaperaat angutaavoq up­perluar­toq. Toquneraniit ukiut 1.000-nit amerlanerusut qaangiutereersut Jehovap ‘ikin­ngutimisut’ taavaa. (Es 41:8) Tas­sa Jehovamut ikin­ngutaasoq toqugaluaruniluun­niit suli ikin­ngutaas­saaq. Jehovap Aaperaat inuusutut eq­qaamavaa. (Luk 20:37, 38) Aam­ma Jobi Jehovamut ikin­ngutaavoq. In­ngilit qilam­mi katersuum­mata Jehovap Jobi tatigalugu ajun­ngitsumik eq­qar­tor­paa ima oqarluni: ‘As­suar­naatsuul­lunilu peq­qusersuitsuuvoq Guutimil­lu mianerin­nit­tuul­luni ajor­tumik iliuuseqar­naveersaar­tuugami.’ (Job 1:6-8) Danielimi? Taan­na ukiut 80-it mis­saan­ni Jehovamik pal­lorfigin­nin­ngitsut akor­nan­ni inuugaluarluni Guutimut aalajaap­poq. Taman­na pil­lugu utoq­qalereerluni in­ngilinit pingasoriarluni oqarfigineqar­poq Guutimit ‘nuan­narineqangaar­tuusoq’. (Dan 9:23; 10:11, 19) Qularin­ngis­sin­naavar­put Jehovap ikin­ngutimi asasami toqusimasut makitin­nis­saat qilanaarigaa. – Dan 12:13.

5. Jehovamut ikin­ngutaalis­sagaan­ni suut pisariaqar­pat?

⁵ Inuit naam­mal­luin­nan­ngitsut Jehovamut ikin­ngutaasut nalitsin­ni qanoq amerlatigip­pat? Amerlaqaat! Nunarsuaq tamak­kerlugu angutit, ar­nat meeq­qal­lu mil­lionil­lit ilumut Guutimut ikin­ngutaaner­tik iliuutsimik­kut ersersip­paat. Jehovap as­suar­naatsut ikin­ngutigisar­pai. (Tuss 15:1, 2) Inuit taamaat­tut Jiisusip uter­titsis­sutitut pil­liutaanik up­perin­nik­kamik Jehovamut ikin­ngutaasin­naap­put. Aam­ma taman­na tun­ngavigalugu tun­niul­luin­narlutil­lu kuisis­sin­naap­put. Uagut taamaaliorut­ta kristumiut mil­lionil­lit as­sigalugit tamanit Qutsin­nerus­saar­tumut ikin­ngutaalis­saagut.

6. Guutimut ikin­ngutaanitsin­nik qujamasuutigin­nin­ner­put qanoq ersersis­sin­naavar­put?

⁶ Guutimut ikin­ngutaaner­put pingaar­til­lugu qanoq ersersis­sin­naavar­put? Aaperaat Jobilu ukiuni 100-nit amerlanerusuni Guutimut aalajaap­put. Uagut­taaq qanorluun­niit sivisutigisumik Jehova silarsuatoq­qami maani kif­far­torfigisimagaluarutsigu aalajaat­tariaqar­pugut. Danielitut Guutimut ikin­ngutaaner­put inuunitsin­nit pingaar­nerutit­tariaqar­par­put. (Dan 6:8, 11, 17, 23) Jehovap ikiuineratigut taas­sumun­nga ikin­ngutaajuarumal­luta qanorluun­niit misilin­neqaraluaraangat­ta piner­tusaarsin­naas­saagut. – Fil 4:13.

7. (a) Us­satit 15:8 naaper­torlugu Jehova qin­nutivut pil­lugit qanoq misigiva? (b) Qin­nutivut Jehovap qanoq akisar­pai?

⁷ Erlin­nar­tuutit takus­saan­ngitsut ilaat al­la tas­saavoq qinusin­naanermik tunis­sut. Ikin­ngutigiit eq­qarsaatimin­nik misigis­sutsimin­nil­lu avitseqatigiit­tar­put. Jehova taamatut ikin­ngutigineqarsin­naava? Ilaana! Jehovap Biibili atorlugu oqaluut­tar­paatigut eq­qarsaatini misigis­sutsinilu paasitil­lugit. Uagut qinugaangat­ta oqaluut­tar­par­put aam­ma eq­qarsaatitsin­nik misigis­sutsitsin­nil­lu tamanik an­nis­suif­figisin­naasarlugu. Jehovap qin­nutitsin­nik tusar­naar­nis­sani nuan­naraa. (Ussatit 15:8 atuaruk). Ikin­ngutaagami asan­nit­toq qin­nutivut tusar­naagin­nar­nagit  akisar­pai – ilaan­nik­kut ingerlaan­naq, ilaan­nik­kul­li aatsaat qin­nuigisaqat­taareeraangatsin­ni. Qularutigin­ngis­sin­naavar­pul­li Jehovap pif­fis­saq eq­qorlugu pitsaaner­paamil­lu akiumaarai. Soorunalimi akis­sutaa ilimagisatsin­nit al­laanerusin­naavoq. As­sersuutigalugu ajor­nar­torsiut peer­nagu piner­tusaaq­qul­luta ilisimas­susermik nukis­satsin­nil­lu tunisin­naavaatigut. – 1 Kor 10:13.

8. Qinusin­naanermik tunis­sum­mik qujamasuutigin­nin­ner­put qanoq ersersis­sin­naavar­put?

⁸ Qinusin­naanermik tunis­sutip naleqangaar­tup qujamasuutiginera qanoq ersersis­sin­naavar­put? Ilaatigut Jehovap ‘qinut­tuin­naq­qusineranik’ maleruaanik­kut. (1 Th 5:17) Jehovap qinunis­satsin­nut pin­ngitsaalineq ajor­paatigut. Nam­minerli aalajangiisin­naatitaaner­put ataq­qil­lugu ‘qinunitsin­ni qasusueq­qul­luta’ kajumis­saar­paatigut. (Rom 12:12) Ul­lut tamaasa qinukulasar­nik­kut qujamasun­ner­put ersersis­sin­naavar­put. Soorunalimi qin­nutitsin­ni qujasas­saagut Jehovalu un­nersiutigalugu. – Tuss 145:2, 3.

9. Qinuneq pil­lugu qatan­ngut qanoq misigiva, il­lil­lu qanoq misigivit?

⁹ Jehova sivisuumik kif­far­torfigisimagutsigu qin­nutitsin­nil­lu akisisar­nera misigisarlugu qinusin­naaner­put qujamasuutiginerulersimas­sagunar­par­put. Chris ukiuni 47-ni pif­fis­saq tamaat kif­far­torsimasoq eq­qarsaatigiuk. Ima oqar­poq: “Ul­laak­kut makiaarluni Jehovamut qinunis­samut pif­fis­saqar­nis­saq nuan­nil­laaraaq! Jehova oqaloqatigalugu suna tamarmi alutor­narsil­luni seqineq nuigaangat inuuneris­sial­lan­nar­taqaaq. Taman­na kil­lin­neqaatigalugu Jehova tunis­suter­pas­suinut, ilaatigut qinusin­naanin­nut, qujaf­figisar­para. Ul­lup naanerani qinoreerlunga ilerasuuteqar­nanga in­nar­taraangama ilorrisimaar­nar­taqaaq!”

10. Sooq anersaaq il­ler­nar­toq pingaar­tit­tariaqar­par­put?

¹⁰ Anersaaq il­ler­nar­toq tunis­sutaavoq pingaar­titas­sar­put. Taman­na qin­nutigiuar­taq­qul­lugu Jiisusip kajumis­saar­paatigut. (Luk  11:9, 13) Jehovap anersaani il­ler­nar­toq atorlugu nukis­satsin­nik ‘as­seqan­ngitsumik’ tunisar­paatigut. (2 Kor 4:7; ApS 1:8) Qanorluun­niit misilin­neqaraluarut­ta anersaaq il­ler­nar­toq iluaqutigalugu piner­tusaarsin­naavugut.

11. Anersaaq il­ler­nar­toq sutigut iluaqutigisar­par­put?

¹¹ Guutimut kif­far­tor­nitsin­ni anersaaq il­ler­nar­toq iluaqutigalugu sulianik akisus­saaf­fin­nil­lu naam­mas­sin­nis­sin­naavugut. Aam­ma Jehovap anersaani il­ler­nar­toq atorlugu pigin­naasavut pitsaanerulersis­sin­naavai. Nalun­ngilar­put Guutip anersaavata iluaqutigineratiguin­naq kif­far­tor­nermi ajun­ngitsunik angusaqarsin­naal­luta.

12. Anersaaq il­ler­nar­toq qin­nutigigutsigu Tus­siaat 139:23, 24-lu naaper­torlugit sunis­samut iluaqutigisin­naavar­put?

¹² Guutip anersaavanik il­ler­nar­tumik pingaar­titsiner­put al­latut aam­ma ersersis­sin­naavar­put. Ajor­tunik eq­qarsaateqar­nerluta pileris­suseqar­nerlutaluun­niit paasiumal­lugu Jehovamut ikioq­qusin­naavugut. (Tussiaat 139:23, 24 atuakkit). Taamaat­toqar­pat Jehovap anersaani il­ler­nar­toq atorlugu paasitis­savaatigut qanoq eq­qarsaatit kis­saatil­lu ajor­tut akiorsin­naanerivut taamaalior­nis­samul­lu nukis­satsin­nik tunil­luta. Anersaap il­ler­nar­tup qin­nutigisar­neratigut ersersis­savar­put Jehovap taan­na aq­qutigalugu ikiuinera pingaar­til­lugu ajor­tunil­lu iliun­ngin­nis­sar­put aalajangiusimal­lugu. – Ef 4:30.

13. Anersaaq il­ler­nar­toq qanoq qujamasuutiginerulersin­naavar­put?

¹³ Anersaaq il­ler­nar­toq qujamasuutiginerulersin­naavar­put taan­na aq­qutigalugu nalitsin­ni angusimasat eq­qarsaatigisar­nerisigut. Jiisusip qilalian­ngin­nermini ajoqersuk­kani ima oqarfigai: ‘Anersaap il­ler­nar­tup tikip­pasi pis­satsitaajumaar­pusi, nalunaajaasigis­savas­silu nunarsuup isua tikil­lugu al­laat.’ (ApS 1:8) Ul­lumik­kut taamatorluin­naq pisoqar­poq! Anersaaq il­ler­nar­toq iluaqutigalugu nunarsuaq tamak­kerlugu inuit 8,5 mil­lionit mis­saan­niit­tut Jehovamik pal­lorfigin­nit­tun­ngorsimap­put. Aam­ma ataasioqatigiil­luta eq­qis­seqatigiip­pugut Guutip anersaava  iluaqutigalugu pis­suserisas­sat ajun­ngitsut ineriar­tor­tik­katsigit, soorlu asan­nin­neq, nuan­naar­neq, eq­qis­sineq, kamajasuun­ngin­neq, inus­siar­nisaar­neq, ajun­ngitsuuneq, up­per­neq, saamaneq aam­ma im­minut naalak­kersin­naaneq. Pis­suserisas­sat taak­ku ‘anersaap inerititaanik’ taaneqar­tar­put. (Gal 5:22, 23, NW) Aap, anersaaq il­ler­nar­toq tunis­sutaavoq naleqangaar­toq!

14. Oqaluus­sigaangat­ta qanoq takus­saan­ngitsunit tapersersor­neqar­tar­pugut?

¹⁴ Jehova taas­sumalu peqatigiis­sor­taasa ilaat qilam­miit­tut ‘suleqatiginerat’ tunis­sutaavoq erlin­nar­toq. (2 Kor 6:1) Oqaluus­sigaangat­ta suleqatigisar­pavut. Paulusi im­minut pil­luni oqaluus­seqataasar­tul­lu pil­lugit ima al­lap­poq: “[Uagut] tas­saavugut Guutip suleqatai.” (1 Kor 3:9) Kristumiutut kif­far­toraangat­ta Jiisusi suleqatigisar­par­put. Jiisusip ajoqersuk­kani peq­qugamigit ‘aal­larlutik inuit inuian­nit tamaneersut ajoqersugan­ngor­teq­qul­lugit’ nangil­luni oqar­poq ‘ul­lut tamaasa najorlugit’. (Matt 28:19, 20, NW) In­ngilim­mi? “Nunarsuarmi najugaqar­tunut ... tamanut” nutaarsias­sat nuan­nersut atajuar­tus­sat tusarliuk­kaangatsigit in­ngilinit siulersor­neqar­tar­ner­put qujamasuutigeqaar­put. – Saqq 14:6.

15. Oqaluus­sinermi Jehova qanoq suleqataasar­pa? Biibilimiit as­sersuuteqarit.

¹⁵ Qilam­miit tapersersor­neqarat­ta qanoq angusaqarsin­naavugut? Naalagaaf­fik pil­lugu tusarlius­saq siaruar­teraangatsigu ‘naatsiias­sat’ ilaat tusar­naarumasunut tut­tar­put naajar­torlutil­lu. (Matt 13:18, 23) Sal­lusuis­sutip naatsiias­sar­taa kia naajar­tor­til­lugu inerititaqalersit­tar­paa? Jiisusi ima oqar­poq: “Kinaluun­niit uan­nut or­nigus­sin­naan­ngilaq Ataatap ... kajungilersin­ngip­pani.” (Joh 6:44) Biibilimi oqalut­tuarineqar­tumi taman­na ersersin­neqar­poq. Paulusi Filip­pip silataani ar­nanut oqaluus­sivoq. Ar­nat taak­kua ilaat Lydiamik atilik pil­lugu Biibilimi ima al­las­simasoqar­poq: “[Jehovap] taas­suma uum­mataa am­mar­paa Paulusip oqaasiinik pigilius­sisil­lugu.” (ApS 16:13-15) Inup­pas­suit Lydiatut Jehovamit kajungilersin­neqarsimap­put.

16. Oqaluus­sinermi angusaqarluaraangat­ta ataq­qinaat tamaat kimut pigitit­tas­savar­put?

¹⁶ Kia oqaluus­sinermi angusaqarluar­tit­tar­paatigut? Taman­na Paulusip Korinthimi ilagiin­nut al­lak­kamini ima akivaa: “Uanga ik­kus­suivunga, Apol­losi imer­terivoq; naajar­tor­titsisorli tas­sa Guuti. Taamaat­tumik ik­kus­suisoq imer­terisorluun­niit pingaaruteqan­ngil­lat kisian­nili Guuti naajar­tor­titsisoq.” (1 Kor 3:6, 7) Paulusi ilaarlugu uagut oqaluus­sinitsin­ni angusaqarluaraangat­ta ataq­qinaat tamaat Jehovamut pigitit­tas­savar­put.

17. Guutimik, Kristusimik in­ngilinil­lu suleqateqar­ner­put qujamasuutigalugu qanoq ersersis­sin­naavar­put?

¹⁷ Guutimik, Kristusimik in­ngilinil­lu suleqateqar­ner­put qujamasuutigalugu qanoq ersersis­sin­naavar­put? Aal­lus­sil­luarluta sapin­ngisamik inun­nut tamanut nutaarsias­sap nuan­nersup oqaluus­sis­sutigisar­neratigut. Oqaluus­seriaatsit arlaqar­put, soorlu tamanut aam­ma il­lumiit il­lumut oqaluus­sineq. (ApS 20:20) Aam­ma ilaat torrutiin­narlugu oqaluus­sisar­put. Inum­mik naapitaqaraangamik oqaloqatigiiler­nis­sar­tik siuner­taralugu inus­siar­nersumik ilas­sisar­paat. Naapitar­tik oqaluk­kumap­pat pis­suseril­lutik Naalagaaf­fim­mik tusarlius­saq eq­qar­tor­niar­tar­paat.

18-19. (a) Sal­lusuis­sutip naatsiias­sar­taanik qanoq imer­terisin­naavugut? (b) Jehovap Biibilimik atuaq­qis­saar­tar­toq qanoq ikior­paa?

¹⁸ ‘Guutip suleqataasut’ sal­lusuis­sutip naatsiias­sar­taanik ik­kus­suiin­nar­nata aam­ma  imer­terisariaqar­pugut. Biibilimik atuaq­qis­saaqatigiin­nis­saq siuner­taralugu soqutigin­nit­toq pulaaq­qik­kusut­tar­par­put al­lamil­luun­niit saaf­figineqar­nis­saa isumagalugu. Atuaq­qis­saaqatigisar­put Jehovamit ikior­neqarluni eq­qarsar­taatsiminik misigis­sutsiminil­lu al­lan­nguisoq takul­lugu nuan­naarutigisaqaar­put.

¹⁹ Angut Sydafrikami healerisar­toq qanoq misigisaqar­nersoq eq­qarsaatigiuk. Biibilimik atuaq­qis­saar­tar­nermini ilik­kak­kani as­sut nuan­narai. Toqusimasunil­li at­taveqar­tan­ngin­nis­samik Biibilimi inas­sut akueriuminaatsip­paa. (5 Mos 18:10-12) Pif­fis­sal­li ingerlanerani eq­qarsar­taatsini Guutimit ilusilersor­tip­paa. Naggataatigut healerisar­tutut aningaasarsiorluni sulisar­nini unitsip­paa. Maan­na 60-inik ukioqar­poq, imalu oqar­poq: “Jehovap Nalunaajaasuinut qujamasut­taqaanga. Taak­kua amerlasuutigut ikiorsimavaan­nga, as­sersuutigalugu sulif­fis­sarsior­nin­ni. Pingaar­ner­tul­li Jehovamut qujamasoqaanga, inuunermami al­lan­ngor­tin­nis­saanut ikiormanga. Maan­na Nalunaajaasutut kuisimasutut oqaluus­seqataasin­naavunga.”

20. Sunis­sat aalajangiusimaviuk?

²⁰ Tunis­sutit takus­saan­ngitsut sisamat al­laaserisami matumani sam­mivavut. Taak­kunani Jehovamik qanimut ikin­nguteqarsin­naaner­put pingaar­ner­paavoq, taman­nami iluaqutigalugu tunis­sutit takus­saan­ngitsut al­lat nuan­naarutigisin­naavavut. Taak­kunun­nga ilaap­put qinuneq, anersaaq il­ler­nar­toq aq­qutigalugu ikior­neqar­ner­put aam­ma oqaluus­sinitsin­ni qilam­miit tapersersor­neqar­ner­put. Qanor­toq tunis­sutit takus­saan­ngitsut taak­kua qujamasuutigiuar­tigit, Jehovalu taama ikin­ngutaal­luar­tigim­mat qujaniarfigiuar­tigu.