1-2. Nalunaajaasor­pas­suit qanoq unam­miniagaqar­tar­pat?

APUSTILIP PAULUSIP Timotheusi kajumis­saar­paa oqaluus­sinermi tamaviaaq­qul­lugu. (2 Tim 4:5) Uagut­taaq siun­nersuut taman­na sapin­ngisatsin­nik maleruarusup­par­put. Ilaan­nik­kul­li saper­narsin­naasar­poq. Qatan­nguter­pas­suagut oqaluus­siumal­lutik sapiis­suseqar­tariaqar­tar­put. (2 Tim 4:2) Nunani kil­lilersuif­fiusuniit­tut iner­teq­qutaaf­fiusuniit­tul­luun­niit eq­qarsaatigeriak­kit. Par­naarus­saasin­naal­lutik nalun­ngik­kaluarlugu suli oqaluus­siuar­put!

² Jehovap in­nut­tai as­sigiin­ngitsor­pas­suar­nik ajor­nar­torsiuteqar­tar­put nikal­lungalis­sutigisamin­nik. Ilaat ilaqut­tamik pisariaqar­titaan­nik pilersuiumal­lutik suleruloor­tariaqar­tar­put, taamaat­tumil­lu oqaluus­sinerorusuk­kaluarlutik nukis­saaleqisar­put. Al­lat katsorsar­neqarsin­naan­ngitsumik nap­paateqar­ner­tik utoq­qaliar­tor­ner­til­luun­niit pis­sutigalugu oqaluus­sival­laarsin­naan­ngil­lat im­maqalu al­laat angerlarsimaf­fitsik qimariaan­naanagu. Al­lal­lu naleqan­ngitsutut misigisar­put. Qatan­ngut Marymik atilik * ima oqar­poq: “Ilaan­nik­kut misigis­sutsinik nikal­lor­nar­tunik akiuiniar­tangaarama qasuuit­tar­punga, taman­nalu oqaluus­sinis­san­nut nukis­saarus­sutigisarak­ku ilerasuler­tar­punga.”

3. Al­laaserisami matumani suut sam­mis­savagut?

³ Qanorluun­niit ajor­nar­torsioraluaraangat­ta Jehovap sapin­ngisamik kif­far­tor­tuarsin­naaq­qul­luta nukis­satsin­nik tunisar­paatigut. Qanoq taamaalior­tar­toq al­laaserisami matumani sam­mis­savar­put. Siul­lermil­li Paulusi Timotheusilu unam­miniagaqaraluarlutik  kif­far­tor­tuar­nis­saan­nut qanoq nakus­satsis­simanerai misis­soriar­tigu.

4. Paulusi qanoq unam­miniagaqarsimava?

⁴ Paulusi unam­miniagas­sar­pas­suaqarami Jehovamit nakus­satsin­neqar­tariaqar­poq, ingam­mik akeq­qaminit unatar­neqaraangami, par­naarus­saagaangami toqun­niar­neqaraangamiluun­niit. (2 Kor 11:23-25) Aam­ma ilaan­nik­kut nikal­lungasar­poq. (Rom 7:18, 19, 24) Tamatuma saniatigut nap­paateqarsimavoq, peq­qis­siteq­qul­lunilu Jehova kimigiiserfigisarsimagaluar­paa. – 2 Kor 12:7, 8.

5. Paulusi unam­miniagaqar­taraluaqaluni qanoq angusaqarsimava?

⁵ Paulusi unam­miniagaqar­taraluaqaluni Jehovamit nakus­satsin­neqar­nermigut oqaluus­sinermini angusaqarluar­poq. As­sersuuteqariar­ta. Romami il­lumini par­naarus­saaq­qatil­luni juutit siut­tuinut, im­maqalu naalak­kersuisuni atorfilin­nut, oqaluus­sisar­poq. (ApS 28:17; Fil 4:21, 22) Aam­ma sak­kutuut kaasarip paarsisui oqaluus­sif­figisar­pai. (ApS 28:30, 31; Fil 1:13) Aam­ma tamatuma nalaani Paulusip isumas­sarsisitaal­luni up­peqatini al­laf­figai, al­lak­kal­lu taak­ku nalitsin­ni suli iluaqutigisar­pagut. Paulusip maligas­siaa Romami ilagiin­nut nukit­torsaataavoq, tamatumalu kingunerisaanik qatan­ngutit “an­nerusumik sapiil­lisin­neqarsimap­put ersior­natik Guutip oqaasia oqaluus­sis­sutigisin­naan­ngorlugu”. (Fil 1:14) Naak Paulusip iliuuserisin­naasani ilaan­nik­kut kil­leqar­taraluar­tut sapin­ngisaminik iliuuseqar­tuar­poq, taman­nalu ‘iivangkiiliumut siuarsaataagin­narsimavoq’. – Fil 1:12.

6. Korinthimiunut al­lak­kat aap­paat 12:9, 10-lu naaper­torlugit sooq Paulusi kif­far­tor­tuarsin­naasimava?

⁶ Paulusip paasivaa Jehovamit nakus­satsin­neqan­ngik­kuni kif­far­torsin­naanani. Oqar­poq Guutip ‘pis­saanera san­ngiis­sutsimi naam­matsit­tar­toq’. (2 Korinthimiut 12:9, 10 atuakkit). Paulusi malersugaasaraluarluni, par­naarus­saasaraluarluni al­lanil­lu unam­miniagaqar­taraluarluni Jehovap anersaavanit nakus­satsin­neqar­nermigut kif­far­tor­tuarsin­naasimavoq.

7. Timotheusip kif­far­tor­nermini unam­miniar­nar­tut suut akior­tariaqarsimavai?

⁷ Paulusip suleqataata, Timotheusip, aam­ma nalun­ngilaa kif­far­tor­tuas­saguni Guutimit nakus­satsin­neqar­tariaqarluni. Paulusi  oqaluus­siar­torluni sivisuumik angalagaangat angalaqatigisar­paa. Aam­ma ilagiin­nik qiim­mas­saajar­tor­tin­neqarluni Paulusimit aal­lar­tin­neqar­tar­poq. (1 Kor 4:17) Timotheusili im­minut ajuk­kut­tarsimagunarmat Paulusip ima oqarfigaa: “Inuusut­tuunerit pis­sutigalugu ilin­nik nikas­saasoqan­ngik­kili.” (1 Tim 4:12) Aam­ma Timotheusi ‘peq­qiil­lior­tarsimavoq’. (1 Tim 5:23) Nalun­ngilaali oqaluus­sinis­saminut qatan­ngutiminil­lu kif­far­tuus­sinis­saminut Jehovap anersaani il­ler­nar­toq aq­qutigalugu pisariaqar­tumik nakus­satsik­kumaaraani. – 2 Tim 1:7.

8. Jehovap in­nut­tani nalitsin­ni qanoq nakus­satsit­tar­pai?

⁸ Jehovap nalitsin­ni in­nut­tani aalajaal­lutik kif­far­tor­tuar­nias­sam­mata ‘pis­saanermik as­seqan­ngitsumik’ tunisar­pai. (2 Kor 4:7) Jehovap arlalitsigut nakus­satsit­tar­paatigut. Taak­kua ilaat uku sam­meriar­tigit: qinuneq, Biibili, up­peqatit oqaluus­sinerlu.

9. Qinuneq qanoq iluaqutigisin­naavar­put?

⁹ Qinuneq. Biibilimi kajumis­saar­neqar­pugut Guutimut qaquguk­kul­luun­niit qinusas­sasugut. (Ef 6:18) Qin­nutigut akil­lugit Jehovap nakus­satsis­savaatigut. Jon­niep Boliviami najugaqar­tup taman­na misigivaa. Ilaan­ni nulia angajoq­qaavilu ataatsik­kut nap­parsimarujus­sualer­put, ilungersorlunilu tamaasa isumaginiarsarigaluar­pai. Anaanaali toquvoq. Aam­ma nulia ataataalu sivisuumik nap­parsimareerlutik aatsaat peq­qis­sip­put. Taamanik­kut pisut eq­qarsaatigalugit Jon­nie ima oqar­poq: “Ar­torsangaaleraangama misigis­sutsik­ka Jehovamut qinunik­kut an­nis­sor­tar­pak­ka, taman­nalu iluaqutigisaqaara.” Jehovap Jon­nie piner­tusaarsin­naaq­qul­lugu nukis­saanik tunivaa. Aam­ma Ronald, utoq­qaaner­taq Boliviami najugalik, as­singusumik misigisaqar­poq. Taas­suma anaanaa kræfter­toq paasineqar­poq, qaam­mal­lu ataaseq qaangiutiin­nar­toq toquvoq. Ronaldip piner­tusaar­nis­saminut suna iluaqutigaa? Ima oqar­poq: “Jehovamut qinugaangama uum­mam­miuk­ka tamaasa aniatit­tar­pak­ka. Nalun­ngilara kik­kun­nit tamanit paasisin­naanerugaanga. Uangaluun­niit im­minut taama paasisin­naatigin­ngilanga.” Ilaan­nik­kut ajor­nar­torsiutit ima an­ner­tutigisin­naasar­put al­laat suut qin­nutigis­sanerlugit nalunarsisarluni. Qanorluun­niil­li misigis­sutsigut eq­qarsaatigul­lu nas­suiaruminaatsitsigigaluarutsigit Jehovap im­minut qinusaq­quaatigut. – Rom 8:26, 27.

10. Hebræerit 4:12 naaper­torlugu Biibilimik atuar­tar­neq eq­qarsaatigin­neq­qis­saar­tar­nerlu sooq taama pingaaruteqar­tigip­pat?

¹⁰ Biibili. Paulusip nakus­satsin­neqarumal­luni tup­pal­lersar­neqarumal­lunilu Al­lak­kat atuar­tar­pai. Uagut­taaq taamaalior­tariaqar­pugut. (Rom 15:4) Atuak­katsin­nik eq­qarsaatigin­neq­qis­saar­tarut­ta Jehovap ikiorluta paasitis­savaatigut atuak­kagut inuunitsin­ni qanoq iluaqutigisin­naagigut. (Hebræerit 4:12 atuaruk). Ronald, eq­qaaneqareersoq, ima oqar­poq: “Biibilimik un­nuit tamaasa atuar­neq ileq­qulius­simagak­ku qujamasoqaanga. Jehovap pis­susii nuan­nersut in­nut­taminil­lu isumas­suisar­nera eq­qarsaatigeq­qis­saar­tar­pak­ka. Taman­na nakus­satsis­sutigisar­para.”

11. Qatan­ngutip ar­nap aliasut­tup Biibili qanoq nukis­saqalis­sutigaa?

¹¹ Biibilimi atuak­katsin­nik eq­qarsaatigin­neq­qis­saar­neq ajor­nar­torsiutit­ta eq­qor­tumik isigin­nit­taaseqarfiginis­saanut iluaqutigisar­par­put. Uil­lar­nerup aliasut­tup taman­na misigaa. Utoq­qaaner­tamit siun­nersor­neqar­nini malil­lugu Jobimik al­lak­kat atuar­pai. Aal­laq­qaam­mut Jobip kuk­kusumik  eq­qarsar­nera isor­nar­torsior­paa. Eq­qarsaatimini ima oqarfigaa: “Jobi! Ajor­nar­torsiutitit eq­qarsaatigival­laaqinagit!” Paasiler­paali Jobip eq­qarsar­taasianut as­singusumik eq­qarsar­taaseqarluni. Taman­na al­lan­nguinis­saminut aam­ma uiminik an­naasaqar­nerminik aliasuutigin­nip­pal­laarun­naar­nis­saminut iluaqutigivaa.

12. Jehovap up­peqatigut atorlugit qanoq nakus­satsit­tar­paatigut?

¹² Uppeqatit. Jehovap up­peqatigut atorlugit aam­ma nakus­satsit­tar­paatigut. Paulusi kristumioqatiminik kajumis­saaqateqar­nis­sani qilanaaralugu al­lap­poq. (Rom 1:11, 12) Maryp eq­qaaneqareersup up­peqatiminik peqateqar­tar­nini pingaar­tip­paa. Ima oqar­poq: “Jehovap qatan­ngutit ajor­nar­torsiutin­nik ilisimasaqan­ngik­kaluar­tut ator­tar­pai. Taak­ku pisariaqar­teq­qis­saak­kan­nik qiim­maal­lan­nar­tunik oqaaseqar­tar­put al­lal­lutil­luun­niit. Aam­ma qatan­ngutinik ar­nanik as­singusumik unam­miniagaqarsimasunik oqaloqateqar­neq iluaqutigisar­para, misilit­tagaal­lu ilin­niarfigisaqaak­ka. Utoq­qaaner­tal­lu ilagiin­ni qatan­ngutinit asaneqar­nin­nit tamatigut misigitit­tar­paan­nga.”

13. Ataatsimiin­ner­ni im­mitsin­nut qanoq qiim­mas­saqatigiis­sin­naavugut?

¹³ Ataatsimiin­ner­ni qiim­mas­saqatigiin­nis­samut periarfis­saqarluar­pugut. Aam­ma il­lit qatan­ngutin­nik asan­nin­nerit pingaar­titsineril­lu ataatsimiin­ner­ni ersersit­tarsin­naaviuk? Utoq­qaaner­taq Peterimik atilik taamaalior­poq. Anaanaq Nalunaajaasuun­ngitsumik aap­palik ataatsimiin­neq sioq­qul­lugu ima oqarfigaa: “Ataatsimiigiar­tar­nerit uagutsin­nut qiim­maal­laataasaqaaq! Meeq­qatit arfinil­lit ataatsimiin­ner­ni peqataanis­saan­nut akis­suteqar­nis­saan­nul­lu piareersar­tuaan­nar­patit.” Oqaatsit taak­ku anaanaasup kil­litsis­sutigalugit isai im­map­put, imalu akivaa: “Taamatut oqarfigineqar­nis­sara ul­lumik­kor­piaq pisariaqar­terut­torlugu.”

14. Oqaluus­sineq qanoq iluaqutigisar­par­put?

¹⁴ Oqaluussineq. Oqaluus­sigaangat­ta nukis­saneq­qit­tutut misigisar­pugut, aam­ma inuit tusar­naaruman­ngik­kaluaraangataluun­niit. (Uss 11:25) Stacyp taman­na misigaa. Ilaqut­tami ilaat ilaajun­naarsitaam­mat aliasungaar­poq, eq­qarsaatigiin­navip­paalu taman­na pin­ngitsoor­tik­kumal­lugu arlaan­nik iliuuseqarsimasin­naagaluar­nerluni. Taamatut eq­qarsar­pal­laarun­naar­nis­saminut suna iluaqutigaa? Oqaluus­sisar­nini, oqaluus­sigaangamimi oqaluus­sif­figisami ikior­tariaqar­nerat eq­qumaf­figinerusar­paa. Stacy ima oqar­poq: “Taamanik­kut Biibilimik atuaq­qis­saaqatitaar­punga anersaak­kut siuariar­tupal­lat­tumik. Malun­nar­tumik Jehovap taamatut qiim­mas­sar­paanga. Oqaluus­sisar­nera nuan­naar­tuar­nis­san­nut iluaqutiginer­paavara.”

15. Maryp oqaasiinit suna paasiviuk?

¹⁵ Oqaluus­sisar­tut ilaat pis­sutsit atuk­katik pis­sutigalugit misigisar­put oqaluus­sinermin­ni iliuuseqar­pal­laarsin­naanatik. Taamatut misigisaruit eq­qaamas­savat sapin­ngisan­nik iliuuseqar­tar­nerit Jehovap nuan­naarutigingaar­taraa. Mary, eq­qaaneqareersoq, eq­qarsaatigiuk. Al­latut oqaaseqarfiusumut nuuk­kami ator­neqar­piarsin­naan­ngitsutut misigiler­poq. Ima nas­suiaavoq: “Iliuuserisin­naasak­ka aal­laq­qaam­mut kil­leqar­put. Ataatsimiin­ner­ni akis­suteqalaarsin­naasar­punga Biibilimiil­luun­niit atuaal­lunga oqaluus­sinermilu naqitaaq­qanik tun­nius­sisin­naasarlunga, al­lamik naamik.” Taman­na pil­lugu oqal­lorin­nerusunut sanil­liuk­kaangami ajuk­kut­tar­poq. Taamatul­li eq­qarsar­tar­nini al­lan­ngor­tik­kamiuk paasiler­paa pigin­naasani kil­leqaraluar­tut Jehovap suli atorsin­naagaani. Ima oqar­poq:  “Biibilimi al­las­simasut paasiuminar­tuul­lutil­lu inuit inuuneran­nik al­lan­nguisin­naap­put.”

16. Angerlarsimaf­fim­min­niit aneriaan­naan­ngitsut oqaluus­siuar­nis­samin­nut suna iluaqutigisin­naavaat?

¹⁶ Ilaqar­pugut angerlarsimaf­fim­min­niit aneriaan­naan­ngitsunik. Il­lit taamatut atugaqar­pit? Taamaap­pat eq­qaamajuk oqaluus­seqataarusun­nerit Jehovap ilisimagaa. Angerlarsimaf­fim­mi ikior­tinut peq­qis­saasunul­lu oqaluus­sinis­san­nik im­mik­kut periarfis­sip­paatit. Im­maqali sior­natigutul­li iliuuseqar­tigisin­naan­ngin­nerit nikal­lungas­sutigaat. Taamaap­pat Jehovap ikiuisar­nera eq­qarsaatigiuk, taava qanorluun­niit misilin­neqaraluaruit nuan­naarlutit piner­tusaarsin­naas­saatit.

17. Oqaluus­sisar­tup oqaasii 11:6 naaper­torlugu sooq oqaluus­siuar­tariaqar­pugut?

¹⁷ Sal­lusuis­sutip naatsiias­sar­tai siaruar­tik­kagut sorliit sorlanil­lutilu naajar­tus­sanersut naluar­put. (Oqaluussisartup oqaasii 11:6 atuaruk). Taman­na Barbarap, qatan­ngutip 80-it sin­nerlugit ukiul­lip, misigisaanit erser­poq. Taan­na telefonik­kut al­lak­katigul­lu oqaluus­sisar­poq. Al­lak­kami ilaan­nut Napasuliaq Alapernaarsuiffik ilan­ngup­paa, al­laaserisal­lu ilaat ima qulequtaqar­poq: “Guutip il­lit pil­lutit iliuusii.” Sunaaf­fa aap­pariit ilaajun­naarsitaasimasut al­laf­figisimal­lugit. Aap­pariit taak­kua atuagas­siaq atuaqat­taar­paat, uiusorlu misigivoq Jehovap toq­qarluni oqaluf­figigaani. Taava ataatsimiigiaq­qit­taler­put, ukiul­lu 27-t ilaajun­naarsitaaq­qareerlutik naggataatigut Nalunaajaasun­ngoq­qip­put. Barbarap al­lak­kami taama kinguneqarluar­tiginerat qiim­maal­laatigalugulu nakus­satsis­sutigaa.

18. Guutimit pis­satsin­neqarumal­luta qanoq iliorsin­naavugut?

¹⁸ Jehovap pis­satsik­kumal­luta periarfis­sar­pas­suar­nik tunisimavaatigut. Taak­kunun­nga ilaap­put qinuneq, Biibili, up­peqatit oqaluus­sinerlu. Taak­ku atorluarutsigit Jehovap ikiuisin­naanera ikiuerusun­neralu up­peralugu ersersis­savar­put. Taamaat­tumik Ataatar­put qilam­miusoq tunaar­tariuar­tigu, taas­sumami ‘uum­matimik­kut iluun­ngarlutik im­minik tunaarin­nit­tut pis­saanermigut ikiorsin­naavai’. – 2 Nal 16:9.