1. Oqariar­tuut Biibilimeersoq al­lanut oqalut­tuareq­qaarak­ku tupaal­laatigisan­nik qanoq pisoqar­pa?

EQ­QAAMAVIUK ilumoor­toq Biibilimeersoq nas­saaralugu paasigak­ku? Ilin­niar­titsis­sutit Biibilimeersut paasiuminarluin­nar­put! Isumaqar­putit up­perilik­katit kik­kut tamarmik aam­ma tusar­naarusus­sagaat. Up­peril­luin­nar­pat tusagas­saq Biibilimeersoq up­perilerunik­ku maan­nak­kut siuneqarluar­tumik inuuneqalerlutil­lu siunis­samut nuan­nersumik neriuuteqalis­sasut. (Tuss 119:105) Taamaat­tumik pik­kusungaarlutit ikin­ngutitit ilaqut­tatil­lu tamaasa oqaluus­sif­figaatit. Qanorli pisoqar­pa? Tupaal­laatigisan­nik ilar­pas­sui tusar­naarusun­ngil­lat.

2-3. Inuit amerlanersaasa Jiisusi qanoq qisuariarfigaat?

² Oqaluus­sis­sutigisar­put tusaajumaneqan­ngik­kaangat tupaal­laatigisas­san­ngilar­put. Jiisusi Guutimit najor­neqar­nerminut ersersitsisumik tupin­nar­tulior­taraluar­toq taamanik­kut inuit amerlanersaasa tusaajuman­ngilaat. As­sersuutigalugu Jiisusip Lazarusi toqusunit makitip­paa. Juutit siut­tuisa taman­na miserratigisin­naan­ngik­kaluarlugu Jiisusip Mis­siarsiunera up­periumanagu Jiisusi Lazarusilu toquk­kusup­paat. – Joh 11:47, 48, 53; 12:9-11.

³ Jiisusip nalun­ngilaa Mis­siarsiunini inuit amerlanersaasa up­periumas­san­ngik­kaat. (Joh 5:39-44) Johan­nesip Kuisisup ajoqersugaanut Jiisusi ima oqar­poq: ‘Pil­luar­poq uan­nik mamiatsaatigin­nin­ngitsoq.’ (Matt 11:2, 3, 6) Sooq taama amerlatigisut Jiisusi akueriuman­ngilaat?

4. Al­laaserisami matumani suut sam­mis­savagut?

⁴ Al­laaserisami matumani tul­lianilu sam­mis­savagut juutit Jiisusimik up­perin­nik­kuman­ngin­neran­nut pis­sutaasut arlal­lit.  Aam­ma sam­mis­savar­put inup­pas­suit ul­lumik­kut tusarusun­ngin­neran­nut pis­sutaasut. Pingaar­ner­paamil­lu paasis­savar­put up­per­nik­kut naak­kiuk­kumanata Jiisusimik up­perin­nil­luar­nis­samut suut iluaqutigis­sagigut.

5. Sooq inuit ilaat isumaqarsimap­pat Jiisusi tas­saan­ngitsoq Mis­siarsi siulit­tuutigineqar­toq?

⁵ Jiisusi tunuliaqutani pis­sutigalugu inup­pas­suar­nit ajat­tor­neqar­poq. Ilin­niar­titsil­laq­qis­suusoq tupin­nar­tulior­tar­tuusorlu nalun­ngik­kaluarlugu inuit ilaat isumaqar­put Jiisusi tas­saagin­nar­toq sanasup piitsup er­nera. Aam­ma il­loqarfik inun­nit pingaaruteqarsorineqan­ngitsoq Nazareti Jiisusip peroriar­torfigaa. Al­laat Nathanaeli, kingusin­nerusuk­kut Jiisusimut ajoqersugan­ngor­toq, Jiisusi pil­lugu tusagaqaq­qaarami ima oqar­poq: “Sumik ajun­ngitsumik Nazaretimit pisoqarsin­naagami?” (Joh 1:46) Nathanaeli im­maqa isumaqar­poq Jiisusip il­loqarfik peroriar­torfia pingaan­ngitsuusoq. Im­maqaluun­niit siulit­tuut Mika 5:1-imi al­las­simasoq eq­qarsaatigisimasin­naavaa – tas­sanimi Mis­siarsi Betlehemimi, Nazaretimiun­ngitsumi, inun­ngus­sasoq siulit­tuutigineqar­poq.

6. Inuit Jiisusip Mis­siarsiunera qanoq paasisimasin­naagaluar­paat?

⁶ Allakkani qanoq allas­simasoqarpa? Pruf­fiitip Esajap siulit­tuutigaa Jiisusip akeraasa Mis­siarsip eq­qarlii kik­kuunersut paasiniarusus­san­ngik­kaat. (Es 53:8) Sor­pas­suit Biibilimi siulit­tuutigineqar­put. Taamaat­tumik akerlilersuisut paasis­sutis­sanik misis­suisimasuugunik paasisimas­sagaluar­paat Jiisusi Betlehemimi inun­ngorsimasoq aam­ma kun­ngip Daavip kinguaarigaa. (Luk 2:4-7) Tas­sa Mika 5:1-imi siulit­tuutigineqar­tutut Jiisusi Betlehemimi inun­ngor­poq. Inuil­li paasis­sutis­sat tamaasa tun­ngaviginagit Jiisusi pil­lugu isum­miaar­pal­laarsimap­put. Taamaat­tumil­lu naak­kiup­put.

7. Sooq ul­lumik­kut Jehovap Nalunaajaasui inup­pas­suar­nit ajat­tor­neqar­pat?

⁷ Ullumikkut aamma taamaat­toqarpa? Aap. Jehovap in­nut­tai ataatsimut isigalugit pingaar­niar­tuun­ngim­mata inup­pas­suit isumaqar­put “taak­ku inuin­naasut im­mik­kut ilin­niagaqarsiman­ngitsut”. (ApS 4:13) Isumaqar­toqar­poq Jehovap in­nut­tai Biibili pil­lugu ilin­niar­titsisin­naan­ngitsut teologiimik ilin­niarfim­mi ilin­niar­nikuun­ngim­mata. Al­lat oqar­tar­put Jehovap Nalunaajaasuisa up­perisaat tas­saasoq “Amerikamiut up­perisaat”, uf­fa Jehovap Nalunaajaasuisa 14 procentiisa mis­saan­naat USA-mi najugaqar­tut. Aam­ma isumaqar­toqar­poq Jehovap Nalunaajaasui Jiisusimik up­perin­nin­ngitsuusut. Ukiut ingerlanerini kom­munistiunerar­neqar­tar­pugut, Amerikamiunut kilitsis­siaanerar­neqar­tar­pugut ingasaas­siniar­tuunerar­neqar­tarlutalu. Taamaat­tuunerar­neqar­nitsin­nik tusar­tar­tut paasis­sutis­sat tamaasa paasin­ngin­namik­kit mamiatsat­tar­put.

8. Apustilit Suliaat 17:11 naaper­torlugu ul­lumik­kut kik­kut Guutip kif­farinerai inuit paaserusuk­kunik­ku susariaqar­pat?

⁸ Upperneq qanoq annaanaveer­saarneqarsin­naava? Inuit suut eq­qor­tuunersut paasiniar­tariaqar­paat. Lukasi iivangkiiliu ateqaatigisani al­latsin­nagu taamaalior­poq. ‘Tamaasa aal­laq­qaataan­niit sukumiisumik misis­sor­niarlugit’ aalajanger­poq. Al­lak­kaminik atuar­tus­sanut ersersik­kusup­paa Jiisusi pil­lugu tusarsimasaat ‘tatiginar­tuusut’. (Luk 1:1-4) Juutit Berøamiit­tut Lukasitut ilior­put. Jiisusi pil­lugu nutaarsias­sat nuan­nersut tusaq­qaaramik­kit Hebræerisut Al­lak­kat Il­ler­nar­tut misis­soq­qis­saar­paat tusak­katik ilumoor­nersut paasiniarlugu. (Apustilit Suliaat 17:11 atuaruk). Aam­ma ul­lumik­kut inuit  misis­sueq­qis­saar­tariaqar­put. Guutip in­nut­taanit ilin­niar­titsis­sutigineqar­tut Biibilimi al­las­simasunut sanil­liut­tariaqar­paat. Aam­ma nalitsin­ni Jehovap in­nut­taasa oqalut­tuarisaanerat misis­sor­tariaqar­paat. Misis­sueq­qis­saar­tarunik isum­mius­sereer­nerit tusatsiak­kal­lu up­perun­naalis­sutigis­san­ngilaat.

9. Jiisusi qilam­meersumik nalunaaqutilioruman­ngim­mat susoqar­pa?

⁹ Inuit ilaat Jiisusip ilin­niar­titsil­laq­qin­nera naam­maginagu Mis­siarsiunini up­per­narsarlugu “qilam­mit nalunaaqum­mik” takutitsivigeq­qup­put. (Matt 16:1) Im­maqa Danieli 7:13, 14-imilu al­las­simasut paatsooramik­kit taamaalioq­qusip­put. Siulit­tuutil­li tamatuma eq­quun­nis­saanut Jehovap pif­fis­saa suli nal­liutin­ngilaq. Jiisusip ilin­niar­titsis­sutai taas­suma Mis­siarsiuneranut up­per­narsaatitut naam­mat­tariaqaraluar­put. Tupin­nar­tulioruman­ngim­mal­li mamiatsap­put. – Matt 16:4.

10. Mis­siarsi pil­lugu Esajap siulit­tuutaa Jiisusip qanoq eq­quutitip­paa?

¹⁰ Allakkani qanoq allas­simasoqarpa? Mis­siarsi pil­lugu pruf­fiiti Esaja ima al­lap­poq: “Nil­lias­sananilu suaar­tas­san­ngilaq, nipilius­san­ngilaq aq­qusiner­ni.” (Es 42:1, 2) Jiisusi kif­far­tor­nermini im­minut malugeq­qusaan­ngilaq. Kusanar­torsuar­nik naalaf­filior­titsin­ngilaq, atisai akimar­palaan­ngil­lat ataq­qeq­qusaar­tumil­luun­niit taaguusersor­nani. Aam­ma toqumut eq­qar­tuun­neqalerami kun­ngi Herodesi iluareq­qusaarfiginiarlugu tupin­nar­tulioruman­ngilaq. (Luk 23:8-11) Jiisusip tupin­nar­tulior­taraluarluni nutaarsias­sat nuan­nersut oqaluus­sis­sutiginis­saat pingaar­tin­neruaa. Ajoqersuk­kaminut ima oqar­poq: “Taman­na pil­lugu aal­lar­punga.” – Mark 1:38.

11. Sooq pal­lorfigin­neriaaser­put pik­kunaagineqar­tar­pa?

¹¹ Ullumikkut aamma taamaat­toqarpa? Aap. Oqaluf­fis­saarsuit eq­qumiitsulianik kusas­sagaasut, palasit ataq­qinar­palut­tumik taaguutil­lit aam­ma ileq­qulersuutit ilisiman­ngisamin­nik aal­laavil­lit isumal­lil­lu ul­lumik­kut  inup­pas­suar­nit pingaar­tin­neqar­put. Inuil­li naalagiar­tar­tut Guuti siuner­taalu pil­lugit paasisaqar­piar­neq ajor­put. Kristumiutul­li ataatsimiin­nitsin­nut najuut­tut Jehova qanoq piumasaqar­toq piumasaalu naaper­torlugu qanoq iliuuseqarsin­naanerlutik ilin­niar­tar­paat. Naalagaaf­filersaarfigut ipiitsuul­lutil­lu najoruminar­put, kusas­sagarsuun­ngil­lal­li. Ilagiin­ni siut­tuusut ataq­qinar­palut­tunik taaguuteqar­natil­lu im­mik­kut it­tunik atisalersor­neq ajor­put. Ilin­niar­titsis­sutigisagut up­perisagul­lu Guutip oqaasianik tun­ngaveqar­put. Inup­pas­suil­li pal­lorfigin­neriaaser­put pik­kunaagisaramik­ku aam­ma tusarusutaat ilin­niar­titsis­sutigineq ajoratsigit itigar­tit­tar­paatigut.

12. Hebræerit 11:1, 6-imilu nas­suiar­neqar­neratut up­per­ner­put sumik tun­ngaveqar­tariaqar­pa?

¹² Uppernerput qanoq annaanaveer­saarsin­naavarput? Apustilip Paulusip kristumiut Romamiit­tut ima al­laf­figai: “Up­per­neq tusak­kanit pilersin­neqar­tar­poq, tusak­kal­lu tutsiut­tar­put Kristusip oqaasiagut.” (Rom 10:17) Tas­sa Biibilimik atuaq­qis­saar­nik­kut up­per­nik­kut nakus­satsit­tar­pugut, ileq­qulersuutim­mi Biibilimik tun­ngaveqan­ngitsut qanorluun­niit iluarinar­pasitsigigaluar­tut nakus­satsis­sutaaneq ajor­put. Eq­qorluar­tumik ilisimasaqar­neq tun­ngavigalugu up­perluar­tuusariaqar­pugut, ‘up­persuseqar­nanimi Guutimit iluarisaaneq ajor­naqaaq’. (Hebræerit 11:1, 6 atuakkit). Taamaat­tumik up­perilik­kat­ta ilumoor­tuunera up­per­narsiumal­lugu nalunaaqum­mik qilam­meersumik pisariaqar­titsin­ngilagut. Ilin­niar­titsis­sutigineqar­tut up­per­nik­kut nakus­satsin­nar­tut Biibilimeersut misis­soq­qis­saar­neri qularun­naar­nis­samut naam­map­put.

13. Suut pis­sutigalugit Jiisusi inup­pas­suar­nit iluarineqan­ngila?

¹³ Jiisusip ajoqersugai iisin­ngin­niar­neq ajoramik Johan­nesip Kuisisup ajoqersugaanit tupaal­laatigineqar­put. Jiisusip nas­suiar­paa suli inuutil­luni taak­ku iisin­ngin­niar­nis­samin­nut pis­sutis­saqan­ngitsut. (Matt 9:14-17) Taamaak­kaluar­toq farisiiarit akerlilersuisul­lu  al­lat ileq­qulersuutitik ileq­qutoq­qatil­lu Jiisusip maleruan­ngim­magit as­suaraat. Nap­paatil­lit sabbatimi ajorun­naarsim­magit Jiisusi kamaap­paat. (Mark 3:1-6; Joh 9:16) Sabbati pil­lugu inatsisit pingaar­tin­neraraluarlugit naalaf­fim­mi niuer­toqar­tar­nera ajorin­ngilaat. Naalaf­fim­mi niuer­tar­ner­tik pil­lugu Jiisusimit as­suarineqaramik kamap­put. (Matt 21:12, 13, 15) Synagogimi Nazaretimiit­tumi Jiisusip oqaluus­sif­figisani nam­minis­sarsior­nerarlugit up­per­nikin­nerarlugil­lu oqamisaarluni Israelik­kut oqalut­tuarisaaneran­ni pisimasunut nuan­niitsunut naleq­qium­matik kamap­put. (Luk 4:16, 25-30) Tas­sa inup­pas­suit naak­kiut­tar­put Jiisusi ilimagin­ngisamin­nik iliuuseqar­tarmat. – Matt 11:16-19.

14. Sooq inuit ileq­qutoqaat Biibilimut naaper­tuutin­ngitsut Jiisusip as­suarai?

¹⁴ Allakkani qanoq allas­simasoqarpa? Jehova pruf­fiiti Esaja aq­qutigalugu ima oqar­poq: “Inuiaat uku qaniin­narmin­nik guutisiorfigaan­nga qarluin­narmin­nil­lu ataq­qil­lunga, uum­mataal­li uan­nit ungaseqaat, mianerin­nin­neral­lu tas­saavoq inuit inas­sutiliaat ileq­quliutiin­nak­kat.” (Es 29:13) Jiisusip inuit ileq­qutoqaat Biibilimut naaper­tuutin­ngitsut as­suarigamigit eq­qor­tumik ilior­poq. Naalak­kersuisunik ileq­qutoq­qanil­lu inuit pilersitaan­nik Al­lak­kanit Il­ler­nar­tunit pingaar­nerutitsisut Jehova taas­sumalu Mis­siarsitut aal­lar­titaa itigar­tip­paat.

15. Sooq inup­pas­suit ul­lumik­kut Jehovap Nalunaajaasuinik iluarin­nin­ngil­lat?

¹⁵ Ullumikkut aamma taamaat­toqarpa? Aap. Jehovap Nalunaajaasuisa ileq­qutoq­qat Biibilimut naaper­tuutin­ngitsut, soorlu inuuis­sior­neq juul­lisior­nerlu, peqataaf­figisan­ngim­matigit inup­pas­suit narrujuum­misar­put. Al­lat inuiat­tut ul­lorsior­nermin­ni ilisinermiluun­niit ileq­qumin­nut Biibilimut naaper­tuutin­ngitsunut Jehovap Nalunaajaasuisa peqatigerusun­ngik­kaangatsik kamaler­tar­put. Taamatut mamiatsat­tut im­maqa isumaqavip­put Guutip akuerisaatut guutisiorlutik. Guutimil­li iluarisaasin­naan­ngil­lat silarsuarmi ileq­qutoq­qat Biibilimi ilin­niar­titsis­sutigineqar­tunit pingaar­nerutik­kunik­kit. – Mark 7:7-9.

16. Susariaqar­pugut, sunaveersaar­tariaqar­pugul­lu? (Tus­siaat 119:97, 113, 163-165)

¹⁶ Uppernerput qanoq annaanaveer­saarsin­naavarput? Jehovap inatsisaanik najoq­qutas­siaanil­lu nuan­narin­ningaar­nermik ineriar­tor­titsisariaqar­pugut. (Tussiaat 119:97, 113, 163-165 atuakkit). Jehova asagutsigu ileq­qutoq­qat suul­luun­niit taas­suma iluarin­ngisai itigar­tis­savagut. Sunaluun­niit Jehovamik asan­nin­nitsin­nit pingaar­nerulis­san­ngilaq.

17. Jiisusip nalaani inup­pas­suit ilimagisaraluar­tik suna naak­kius­sutigaat?

¹⁷ Jiisusip nalaani kis­saatigineqaraluar­poq politik­kik­kut al­lan­nguisoqas­sasoq. Juutit naatsorsuutigaat Mis­siarsip Romamiut naalak­kersuisuinit aniguisis­sagaatsik. Jiisusili kun­ngin­ngor­tin­niar­neqaraluarami itigar­titsivoq. (Joh 6:14, 15) Palasit al­lal­lu an­nilaangap­put Jiisusi politik­kik­kut al­lan­nguisitsinias­sasoralugu. Taamaalius­sagaluar­pam­mi palasit Romamiunit pis­saaneqar­titaaner­tik an­naas­savaat. Taamatut politik­kimut tun­ngasunik isumakuluuteqar­neq pis­sutigalugu juuter­pas­suit Jiisusi itigar­tip­paat.

18. Mis­siarsi pil­lugu Biibilimi siulit­tuutit sorliit inup­pas­suar­nit suusupagineqar­tar­pat?

¹⁸ Allakkani qanoq allas­simasoqarpa? Siulit­tuuter­pas­suar­ni al­las­simavoq Mis­siarsi sorsut­tar­tutut ajugaajumaar­toq, siulit­tuutinili al­lani ersersin­neqar­poq ajor­tuliagut pil­lugit toqoq­qaar­tariaqar­toq. (Es 53:9, 12) Taavami  sooq juutit Mis­siarsi pil­lugu kuk­kusumik ilimagisaqar­pat? Taamani inup­pas­suit siulit­tuutit ajor­nar­torsiutimin­nik ingerlaan­naq aaq­qiis­sutis­sanik neriorsuutitaqan­ngitsut soqutigineq ajormas­suk. – Joh 6:26, 27.

19. Suut pis­sutigalugit inup­pas­suit mamiatsas­simap­pat?

¹⁹ Ullumikkut aamma taamaat­toqarpa? Aap. Ul­lumik­kut inup­pas­suit politik­kik­kut akuliun­naveersaar­tuuner­put mamiatsaatigisar­paat. Isumaqar­put qinerseqataasariaqar­tugut. Nalun­ngilar­pul­li inuk naalak­kersuisus­satsitut qinerutsigu Jehova naalak­katsitut itigar­tis­sagip­put. (1 Sam 8:4-7) Aam­ma isumaqar­toqar­poq atuarfilior­tarlutalu nap­parsim­mavilior­tariaqar­tugut in­nut­taaqatigiin­nul­lu iluaqutaasus­sanik al­lanik iliuuseqar­tariaqar­tugut. Uagul­li oqaluus­sineq pingaar­nerutik­katsigu silarsuarmilu ajor­nar­torsiutit ingerlaan­naq aaq­qiis­sutis­sarsior­tan­ngin­natsigit mamiatsat­tar­put.

20. Jiisusip oqaasii naaper­torlugit suna inuunitsin­ni pingaar­ner­paatis­savar­put? (Mat­thæusi 7:21-23)

²⁰ Uppernerput qanoq annaanaveer­saarsin­naavarput? (Matthæusi 7:21-23 atuakkit). Jiisusip peq­qus­sutaata suliarinis­saa inuunitsin­ni pingaar­ner­paatin­nerusariaqar­par­put. (Matt 28:19, 20) Silarsuarmi matumani ajor­nar­torsiutinik aaq­qiiniarsarineq al­lamut saasaatigin­ngisaan­nar­tigu. Inoqatigut asal­lugil­lu ajor­nar­torsiutaat soqutigaagut, nalun­ngilar­pul­li pitsaaner­paamik ikiorsin­naal­lugit Guutip naalagaaf­fia pil­lugu ilin­niar­tik­kutsigit Jehovamil­lu ikin­nguteqaler­nis­saan­nut ikiorutsigit.

21. Suna aalajangiusimasariaqar­par­put?

²¹ Al­laaserisami matumani sam­mivagut naak­kius­sutaasin­naasut sisamat. Taak­ku pis­sutigalugit inup­pas­suit taamanik­kut Jiisusimik ul­lumik­kul­lu taas­suma malin­nitaanik itigar­titsip­put. Naak­kius­sutaasin­naasul­li eq­qumaf­figisas­sagut taak­kuin­naap­pat? Naamik. Al­laaserisami tul­liut­tumi naak­kius­sutaasin­naasut sisamat al­lat sam­mis­savagut. Qanor­toq naak­kiun­naveersaar­nis­sar­put aalajangiusimatigu up­per­ner­pul­lu nakus­sas­sar­tuarlugu.