ILISIMANEQARLUAR­POQ itsaq Egyptenimi papyrusi al­laf­fis­siatut ator­neqar­ner­paajusoq. Aam­ma grækerit Romamiul­lu papyrusi al­laf­fis­siatut ator­tar­paat. * Umiatsialior­nermul­li papyrusit ator­neqar­tar­nerat ilisimaneqar­pal­laan­ngilaq.

Ukiut 2.500-t matuma sior­na pruf­fiitip Esajap al­laatigai inuit “Nubiap kuus­suisa ungataan­ni” najugal­lit “kuus­suarmi ivis­suar­nit umiatsialianik” angalasar­tut. Jobil­lu eq­qaavaa ‘ivigarsuar­nit umiatsialiat’ nat­toralit­tut suk­katigisut. – Es 18:1, 2; Job 9:26.

Biibili Guutimit isumas­sarsiarititaam­mat Biibilimik misis­sueq­qis­saar­tar­tut tupaal­laatigin­ngilaat itsar­nisarsiuunit nas­saarineqar­tunit ersermat ivis­suar­nit umiatsialior­toqar­tarsimasoq. (2 Tim 3:16) Suna paasigamik­ku? Itsar­nisarsiuut nas­saarisimavaat Egyptenimi ivis­suar­nit umiatsialior­toqar­tarsimaneranut up­per­narsaam­mik.

Egyptenimi iliver­ni as­silialiani ersersin­neqarsimavoq ivis­suit katersuk­kat qanoq umiatsialiarineqar­tar­tut. Ivis­suit kil­lor­neqarlutil­lu qilersor­neqar­tar­put, qilersuk­kal­lu arlalin­ngorlugit ataatsimoor­tin­neqar­tar­put. Ivis­suit kanaar­taat pingasunik teqeq­qoqar­put, taamaat­tumik kanaar­tat arlal­lit qiler­tan­ngoraangamik nin­ngusuulias­sanut atugas­saq­qis­sisar­put. Egyptenip oqalut­tuarisaanera pil­lugu atuagaq naaper­torlugu ivis­suar­nit umiatsialiat 17 meterit mis­siliorsin­naavaat 20-nil­lu imaluun­niit 24-nik ipuserfeqar­tarlutik. – A Companion to Ancient Egypt.

Ivis­suit kuus­suup Nilenip sinaani tigusariaan­naap­put. Aam­mami ivis­suar­nit umiatsialiat sananis­saat pisariual­laarsiman­ngilaq. Angisuunik umiatsialior­nermi or­piit ator­neqar­taleraluar­tut aalisar­tut piniar­tul­lu umiatsialioraangamik ivis­suit ator­nerusar­paat.

Itsaq ivis­suar­nit umiatsialiat ukior­pas­suar­ni nalingin­naasimap­put. Atuak­kior­toq Plutarch grækeriusoq 100-kkun­ni inuusimasoq al­lap­poq nalimini atuar­tar­tut ivis­suar­nit umiatsialiat takor­nar­tarin­ngik­kaat.