1. Sooq tamatta ilisimas­suseqar­tariaqar­pugut? (Ussatit 4:7)

 PINGAARUTILIM­MIK aalajangigas­saqaraangavit qular­nan­ngitsumik ilisimas­susermik tuneq­qul­lutit qinusar­putit, nalun­ngin­nakku pisariaqar­til­lugu. (Jaak 1:5) Kun­ngi Saalumuut ima allap­poq: ‘Ilisimas­suseq pingaar­ner­paavoq.’ (Ussatit 4:7 atuaruk). Saalumuup ilisimas­suseq inun­nit pisoq pin­nagu Jehovamit Guutimit pisoq eqqar­tor­paa. (Uss 2:6) Ilisimas­suserli Guutimeersoq ilumut nalitsinni ajor­nar­torsior­nitsinni iluaqutigisin­naavar­put? Aap, tamanna allaaserisami matumani sam­mis­savar­put.

2. Ilaatigut qanoq ilisimas­suseqalersin­naavugut?

² Ilaatigut Saalumuup Jiisusillu ilisimas­suseqangaar­tut ilin­niar­titsis­sutaasa misis­soq­qis­saar­nerisigut maleruar­nerisigullu ilisimas­suseqalersin­naavugut. Biibilimi allas­simavoq ‘Guutip Saalumuut ilisimas­susermik tunigaa’. (Kng 1. 5:9) Jiisusilu inun­nit tamanit ilisimas­suseqar­ner­paavoq. (Mat 12:42) Jiisusi pil­lugu ima siulit­tuuteqar­poq: “Najus­savaa Naalak­kap anersaavata, … anersaap ilisimasaqalersitsisup.” – Es 11:2.

3. Allaaserisami matumani suut sam­mis­savagut?

³ Saalumuut Jiisusilu pingaarutilin­nut tun­ngatil­lugu ilisimas­suser­tik Guutimeersoq atorlugu siun­nersuuteqar­tar­put. Allaaserisami matumani aningaasaqar­nermut, sulif­feqar­nermut  aamma imminut oqimaaqatigiis­sumik isigin­nit­taaseqar­nis­saq sam­mis­savar­put.

4. Saalumuup Jiisusillu aningaasaqar­nik­kut atugaat qanoq assigiin­ngis­suteqar­pat?

⁴ Saalumuut pisoorsuuvoq ilorrisimaar­nar­tumillu inooriaaseqarluni. (Kng 1. 10:7, 14, 15) Jiisusili pigisakip­poq nam­minerlu angerlarsimaf­feqarani. (Mat 8:20) Marluul­lutilli Jehovatut isigin­nit­taaseqaramik pigisalerituujun­ngil­lat.

5. Saalumuup aningaasat qanoq isigin­nit­taaseqarfigai?

⁵ Aningaasat iluaqutigalugit pisariaqar­titatsin­nik nuan­naarutigisin­naasatsin­nillu pisisin­naasar­pugut. Saalumuup tamanna ilisimal­luar­paa, allap­pormi ‘pisuus­sutit ser­nis­suutaasin­naasut’. (Oqal 7:12, Testamentitoqaq) Pisoorsuugaluarlunili nalun­ngilaa aningaasat pingaar­ner­paajun­ngitsut. Assersuutigalugu ima allap­poq: “Tusaamasaal­luar­neq pisuus­suter­pas­suar­nit pingaar­neruvoq.” (Uss 22:1) Maluginiarsimavaa inuit aningaasanik pingaar­titsival­laar­tut nalerisimaar­neq ajor­tut. (Oqal 5:9, 11) Aamma aningaasat nungoriaan­naasarmata aningaasanik pingaar­titsival­laaq­qusin­ngilaq. – Uss 23:4, 5.

6. Jiisusip aningaasat qanoq isigin­nit­taaseqarfigai? (Matiusi 6:31-33)

⁶ Jiisusi aamma aningaasaqar­nermut tun­ngatil­lugu oqimaaqatigiis­sumik isigin­nit­taaseqar­poq. Assersuutigalugu tupin­nar­tulioq­qaar­nermini pitsaal­luin­nar­tumik viin­nilior­poq. (Luk 19:2, 6, 7; Joh 2:10, 11) Aamma kusanangaar­tunik atisaqar­poq. (Joh 19:23, 24) Aningaasalli pingaar­ner­paatin­ngilai. Ilin­niar­titaminut ima oqar­poq: “Kialuun­niit naalak­kat marluk inus­siaataaf­figisin­naan­ngilai. … Guuti pisuus­sutillu ataatsik­kut inus­siaataaf­figisin­naan­ngilasi.” (Mat 6:24) Ilin­niar­titsivoq Kun­ngeqarfik sal­liut­tuarutsigu pisariaqar­titatsin­nik tunineqarumaar­tugut. – Matiusi 6:31-33 atuakkit.

7. Qatan­ngutip angutip Jehovamut kif­far­tor­nermik pingaar­ner­paatitsinini qanoq iluaqutigisimavaa?

 ⁷ Siun­nersuutit Jehovameersut aningaasaqar­nermut tun­ngasut maleruar­neri uppeqater­pas­suatta iluaqutigisimavaat. Qatan­ngut Danielimik atilik ima oqar­poq: “Inuusut­tuaraal­lunga aalajanger­punga Jehovamut kif­far­tor­neq inuuninni pingaar­ner­paatin­niarlugu.” Taamaat­tumik pif­fis­sani pigin­naasanilu Betelimi kif­far­tor­nermi aamma ajunaar­nersuaqar­til­lugu ikiueq­qaar­nermi atorsin­naasimavai. Ima nangip­poq: “Peq­qis­simis­sutis­saqan­ngilanga. Soorunami inuuninni aningaasat pingaar­ner­paatis­simasuuguk­kit aningaasaateqar­nerusimasin­naagaluar­punga. Maan­nali ikin­ngutigil­luak­kakka aningaasanit naleqar­nerungaar­put! Aamma Jehovamut kif­far­tor­neq sal­liutik­kakku nalerisimaangaar­punga. Jehovamit pil­luaq­quneqar­nera nalis­saqan­ngilaq.” Erseq­qip­poq aningaasat pin­nagit Jehovamulli kif­far­tor­neq pingaar­ner­paatik­kutsigu iluaqutigingaas­sagip­put.

8. Qanoq nalun­ngilar­put Saalumuut sulinermut oqimaaqatigiis­sumik isigin­nit­taaseqar­toq? (Oqaluus­sisar­tup oqaasii 5:17, 18)

⁸ Sulinitsin­nik nuan­naarutigin­nin­neq Saalumuup ‘Guutimit tunis­sutisiaanerar­paa’. (Oqaluussisartup oqaasii 5:17, 18 atuakkit). Ima allap­poq: “Suleruloor­nerit tamatigut pis­sarsisitsisar­put.” (Uss 14:23) Saalumuup nam­mineq sul­laris­suugami tamatuma ilumoor­nera nalun­ngilaa. Illulior­tar­poq, viin­nequtis­sanik ikkus­suisar­poq, naatsiivilior­tar­poq, tasilialior­tar­poq illoqarfilior­tarlunilu. (Kng 1. 9:19; Oqal 2:4-6) Taamatut suleruloor­tar­nini qular­nan­ngitsumik nalerisimaar­nar­tit­tar­paa. Saalumuulli suleruloor­nini pil­lualivis­sutiginagu Jehovamut kif­far­tor­nermi iliuuserisar­pas­suani pil­lualivis­sutigai. Assersuutigalugu Jehovamut kusanangaar­tumik guutisiorfilior­poq – taan­nalu ukiuni arfineq-marlunni sanavaa. (Kng 1. 6:38; 9:1) Assigiin­ngitsor­pas­suar­nik iliuuseqareerluni paasivaa Jehovamut kif­far­tor­neq pingaar­ner­paasoq. Ima allap­poq: “Tamaasa tusareeruk­kit ima ataatsimut katin­neqar­tis­savatit: Guuti mianeruuk inatsisaalu maleruarlugit.” – Oqal 12:13.

9. Jiisusip sanasuunini nuan­narigaluarlugu suna pingaar­ner­paatip­paa?

⁹ Jiisusi suleruloor­tar­poq. Inuusut­tuul­luni sanasutut sulisarsimavoq. (Mak 6:3) Ilaqut­taminik pilersueqataasimanera angajoq­qaavisa qujamasuutigingaarsimas­savaat. Aamma naam­mal­luin­nar­tuugami sanaavi pisiariumaneqar­tarsimas­saqaat! Jiisusip suleruloor­tar­nini nalerisimaar­nar­tis­simas­sagaluarlugu aamma anersaak­kut ittut pif­fis­saqarfigisar­pai. (Joh 7:15) Pif­fis­saq tamaat kif­far­tor­tun­ngoreerluni tusar­naar­tini ima siun­nersor­pai: “Nerisas­saq asiusar­toq pin­nagu nerisas­sarli naas­saan­ngitsumik inuuneqalersitsisar­toq … pil­lugu suligitsi.” (Joh 6:27) Qaq­qamilu oqalugiar­nermini ima oqar­poq: ‘Qilammi pisuus­sutinik katersigitsi.’ – Mat 6:20.

10. Sulif­fim­mut tun­ngatil­lugu suna ajor­nar­torsiutigilersin­naavar­put?

¹⁰ Siun­nersuutit Jehovameersut maleruaratsigit sulif­fip­put oqimaaqatigiis­sumik isigin­nit­taaseqarfigisin­naavar­put. Kristumiut ‘tamaviaarlutik suleq­quneqar­put’. (Ef 4:28) Sulisitsisut amerlasuut unneq­qaris­suuner­put sulil­luar­ner­pullu maluginiar­tar­paat taman­nalu qujamasuutigalugu oqarfigisarluta. Sulisitsisutta Jehovap Nalunaajaasui ajun­ngitsumik  isigin­nit­taaseqarfiginias­sam­magit immaqa sivisunerusumik sulisaler­pugut. Taamaaliorut­tali immaqa paasis­savar­put ilaqutariinni akisus­saaf­fip­put Jehovamullu kif­far­tor­nermi iliuuserisar­tak­kagut aal­lup­pal­laarun­naarsimal­lugit. Taamaap­pat pingaar­ner­paasut pif­fis­saqarfigiumal­lugit allan­nguisariaqar­pugut.

11. Qatan­ngutip sulisitsisuni utoq­qaaner­taasoq qanoq ilin­niarfigisimavaa?

¹¹ Qatan­ngut angut inuusut­toq Wil­liamimik atilik utoq­qaaner­tamik sulif­feqarfim­minik oqimaaqatigiis­sumik isigin­nit­taasilim­mik sulisitsisoqarsimavoq. Taanna pil­lugu Wil­liam ima oqalut­tuar­poq: “Suleruloor­tar­nini sul­laris­suuninilu pil­lugit sul­litaminit nuan­narineqar­tar­poq. Soraaraangamili ilaqut­tani guutisior­ninilu pif­fis­saqarfigil­luar­tar­pai. Aamma ilisarisimasan­nit pil­luar­ner­paavoq!” *

12. Saalumuut aal­laq­qaam­mut imminut qanoq isigin­nit­taaseqarfigiva, kingusin­nerusuk­kulli qanoq pisoqarpa?

¹² Saalumuut Jehovamut aalajaatsil­luni imminut oqimaaqatigiis­sumik isigin­nit­taaseqarfigivoq. Inuusut­tuul­luni anneruniajuil­luni pisin­naasami kil­leqar­nerat nas­suerutigaa Jehovamillu siulersor­tit­tarluni. (Kng 1. 3:7-9) Aamma makitanerup navianar­tuunera eqqumaf­figaa. Imami allap­poq: “Imminut pingaar­tin­neq ajunaar­nerup siulerisar­paa makitasaar­nerlu naak­kiun­nerup.” (Uss 16:18) Ajoraluar­tumilli utoq­qaligami Saalumuup siun­nersuut tamanna maleruarun­naar­paa. Jehovap piumasaqaatai sumigin­nar­taler­pai makitasuun­ngorlunilu. Assersuutigalugu inatsisit ilaanni allas­simavoq Israalik­kut kun­ngiat ‘amerlasuunik nuliaqalis­san­ngitsoq tamatumuuna tam­mar­tin­neqaq­qunani’. (Mos 5. 17:17) Saalumuut inatsit  tamanna sumigin­narlugu 700-nik nuliaqaler­poq 300-nillu panerfaqalerluni, taak­kualu ilar­pas­sui Jehovamut kif­far­tor­tuun­ngil­lat. (Kng 1. 11:1-3) Saalumuut immaqa navianar­torsiorsorin­ngilaq. Jehovamulli kif­far­torun­naarami pif­fis­sap ingerlanerani kingunerlutsitsivoq. – Kng 1. 11:9-13.

13. Jiisusip maniguut­tuunerata eqqarsaatigeq­qis­saar­nera qanoq iluaqutigisin­naavar­put?

¹³ Jiisusi imminut oqimaaqatigiis­sumik maniguut­tumillu isigin­nit­taaseqarfigiuar­poq. Nunarsuarmut pin­ngik­kal­larami Jehovamut kif­far­tor­nermi tupin­nangaar­tunik iliuuser­pas­suaqar­poq. Jiisusip ikiuineratigut ‘allat tamarmik – qilam­miit­tut nunarsuarmiit­tullu – pin­ngor­tin­neqar­put’. (Kol 1:16) Imermut morsutsitaareerami qilammi iliuuserisimasani eqqaaq­qik­kunar­pai. (Mat 3:16; Joh 17:5) Taman­nali pis­sutigalugu Jiisusi makitasuun­ngor­nanilu allanit pitsaanerusorilin­ngilaq. Ilin­niar­titani oqarfigai nunarsuarmut tikiul­luni “kif­far­torfigeq­qunani kif­far­torumal­lunili inuuninilu amerlasuut uter­tin­neqaatis­saat­tut akiliutigiumal­lugu”. (Mat 20:28) Aamma anneruniajuil­luni nas­suer­poq ataatsimil­luun­niit nam­mineq iliuuseqarsin­naanani. (Joh 5:19) Maniguul­luin­narami uagutsin­nut maligas­siuil­luar­poq!

14. Imminut isigin­nit­taatsitsin­nut tun­ngatil­lugu Jiisusip oqaasii qanoq ilin­niarfigaagut?

¹⁴ Jiisusip malin­nitsini imminut pingaar­tit­tariaqar­neran­nik ilin­niar­tip­pai. Oqarfigai ‘nujaat qas­siunersut Guutip nalun­ngik­kaa’. (Mat 10:30) Tassa Ataatatta qilam­miusup pingaar­tingaarlutalu soqutigingaar­paatigut. Tamanna nalunagu uagutsin­nut tup­pal­ler­nangaar­poq ingam­mik imminut nikagisarutta. Jehovamit pingaar­tin­neqaratta paratiisis­sami inuunis­samut ajuk­kun­naveersaar­tariaqar­pugut.

15. (a) Im­minut oqimaaqatigiis­sumik isigin­nit­taaseqarfiginis­samut Napasuliaq Alapernaarsuiffik-mi qanoq kajumis­saar­neqar­pugut? (b) Qup­per­neq 24-mi assini takutin­neqar­tutut imminut pingaar­tip­pal­laarutta suut misigin­ngitsuus­savagut?

¹⁵ Napasuliaq Alapernaarsuiffik-mi imminut oqimaaqatigiis­sumik isigin­nit­taaseqarfiginis­satsin­nut  ima kajumis­saar­neqar­pugut: “Soorunami kis­saatigin­ngilar­put imminut pingaar­tingaaratta pingaakujuler­nis­sar­put. Aam­mat­taarli kis­saatigin­ngilar­put akerlerluin­naanik naleqan­ngitsutut imminut isigiler­nis­sar­put. Imminulli oqimaaqatigiis­sumik isigin­nit­taaseqaler­nis­saq sulis­sutigisariaqar­par­put nukit­tuf­figisatta pisin­naasat­talu kil­leqar­nerat eqqarsaatigalugit. Kristumiup arnap [taman­na] ima oqaatigaa: ‘Misigivunga allanit ajor­nerunangalu pitsaanerunanga. Allatulli nukit­tuf­feqarlungalu san­ngiif­feqar­punga.’” * Imminut oqimaaqatigiis­sumik isigin­nit­taaseqarfigigutta iluaqutigingaas­savar­put!

16. Sooq Jehovap siun­nersor­tar­paatigut?

¹⁶ Biibilimi Jehovameersunik siun­nersuutitsialaqar­poq. Jehovap asavaatigut, pil­luar­nis­sar­pullu kis­saatigaa. (Es 48:17, 18) Jehovamut kif­far­tor­neq inuunitsinni pingaar­ner­paatik­kutsigu silatusaarlutalu pil­luar­ner­paas­saagut. Aamma aningaasanik, sulif­fim­mik imminul­luun­niit pingaar­tip­pal­laar­tut ajor­nar­torsiutigisar­tagaat ajor­nar­torsiutigis­san­ngilagut. Ilisimas­suseqarluta Jehova nuan­naar­tit­tuar­tigu! – Uss 23:15.