1-2. Saq­qum­mersitanik soqutigin­nit­tariaqar­nitsin­nut pis­sutaasut ilaat suua?

 NALUN­NGISAVIT assiutai isigin­naar­nikuuigit? Isigin­naarak­kit inuit amerlanerit ilisarin­ngilatit. Asserli ataaseq isigil­lualer­pat. Sooq? Assimi ilaagavit. Isigil­lualeriarakku eqqarsaatigiler­pat qanga sumilu assilitis­simanerlusi. Aamma allat ilisariniarsaraatit. Asseq taanna ilin­nut assut isumaqar­poq.

² Saq­qum­mersitat assitut ipput. Sooq? Min­ner­paamik marluk pis­sutigalugit. Siul­lermik, uagut pil­luta allan­neqar­poq. Versimi siul­ler­paami allas­simavoq: “Uku tas­saap­put Jiisusimit Kristusimit saq­qum­mersitat Guutip inus­siaatini qanit­tukkut pisus­sanik takutin­niarlugit Jiisusimut tun­nius­sai.” (Saqq 1:1) Tassa inuit tamaasa pil­lugit allan­neqar­natik uagut, Guutimut kif­far­tor­tuusugut, pil­luta allan­neqar­put. Guutip innut­tarim­matigut atuak­kami tas­sani soqutiginaqisumi siulit­tuutinik eqquutsitseqataaner­put tupaal­laatigis­san­ngilar­put. Allatut oqaatigalugu “assimi” imminut takuvugut.

3-4. Saq­qum­mersitani siulit­tuutit qaqugu eqquutis­sap­pat, taman­nalu uagutsin­nut qanoq sun­niuteqar­tariaqarpa?

³ Pis­sutaasut aap­paat siulit­tuutit taak­kua qaqugu eqquun­nis­saan­nut tun­ngas­suteqar­poq. Apustilip Johan­nesip ukioq­qor­tuup siulit­tuutit taak­kua eqquuf­fis­saat eqqaavaa ima allak­kami: “Anersaap iller­nar­tup sun­niineratigut Naalakkap ulluaniilerpunga.” (Saqq 1:10) Johan­nesip oqaatsit taak­kua 96-ip Kr.in.king. mis­saani allak­kamigit ‘Naalak­kap ullua’ nal­liuteq­qajan­ngilaq.  (Mat 25:14, 19; Luk 19:12) Biibilimili siulit­tuut naaper­torlugu ulloq taanna 1914-imi Jiisusi qilammi kun­ngisut iver­tin­neqarmat aal­lar­tip­poq. Ukioq taanna aal­lar­nerfigalugu Saq­qum­mersitani, soorlu Guutip innut­tai pil­lugit, siulit­tuutit eqquut­taler­put. Aap, maanna ‘Naalak­kap ulluani’ inuuvugut!

⁴ Pif­fis­sami taama pis­sanganar­tigisumi inuugatta Saq­qum­mersitat 1:3-mi siun­nersuut asan­nin­nermik tun­ngavilik maluginiaq­qis­saar­tariaqar­par­put: “Pil­luar­poq siulit­tuutit taak­kua oqaaser­taan­nik nipituumik atuaasoq, pil­luar­pullu taak­kunani allas­simasunik tusar­tut maleruaasullu, pif­fis­sarititaasormi nal­liutingajaler­poq.” Aap, ‘siulit­tuutit taak­kua oqaaser­taat’ tusaas­sagutsigit maleruas­sagutsigillu ‘nipituumik atuar­tariaqar­pagut’. Siulit­tuutit oqaaser­taat maleruar­tariaqak­katta ilaat suup­pat?

5. Guutisior­nitta akuerineqarsin­naaneranik qulak­keerin­nit­tariaqar­ner­put Saq­qum­mersitani qanoq erseq­qis­sar­neqarpa?

⁵ Saq­qum­mersitani kapitalimi siul­lermiit paasivar­put Jiisusip innut­tami ilagiivini pisut malin­naavigeq­qis­saarai. (Saqq 1:12-16, 20; 2:1) Asiaaq­qami ilagiin­nut arfineq-marlun­nut tusarlius­samini tamanna ersersip­paa. Kristumiut siul­liit ilitsersoq­qis­saar­pai guutisior­ner­tik Jehovamit akuerineqarsin­naanersoq qulak­keeq­qul­lugu. Tusarlius­sai aamma nalitsinni Guutip innut­taanut tamanut atuup­put. Tamanna qanoq ilin­niarfigisin­naavar­put? Siulersuisutta, Kristusip Jiisusip, anersaak­kut qanoq inner­put ilisimal­luin­nar­paa. Jiisusip illersorluta nak­kutigisaramitigut suut tamaasa takusar­pai. Jehovamit iluarisaajuarumal­luta qanoq ilior­tariaqar­tugut nalun­ngilaa. Ullumik­kut maleruar­tariaqak­katsin­nik qanoq ilitsersuiva?

6. (a) Saq­qum­mersitat 2:3, 4-milu ersersin­neqar­tutut Efesos­simi ilagiit sumik ajor­nar­torsiuteqar­pat? (b) Tamanna qanoq ilin­niarfigisin­naavar­put?

⁶ Saqqummersitat 2:3, 4 atuakkit. Jehovamik asan­nileq­qaar­nerput annaas­san­ngilarput. Jiisusip Efesos­simi ilagiin­nut tusarlius­saanit ersersin­neqar­poq piner­tusaarsimasut arlalin­nillu artor­nar­torsioraluarlutik Jehovamut kif­far­tor­tuarsimasut. Asan­nin­ner­tilli siul­leq annaasimavaat. Asan­nin­ner­tik ineriar­tor­teq­qin­ngip­pas­suk guutisior­nerat akuerinar­tuus­san­ngilaq. Ullumik­kut­taaq piner­tusaar­nitta saniatigut aamma eqqor­tunik pis­sutiginiagaqar­tariaqar­pugut. Guutitta sulerinersugut soqutigiin­nar­nagu aamma sooq iliuuseqar­nersugut soqutigaa. Asan­ningaar­ner­put imminullu qujamasungaar­ner­put tun­ngavigalugit guutisior­nis­sar­put kis­saatigigamiuk pis­sutiginiak­kagut pingaar­tip­pai. – Uss 16:2; Mak 12:29, 30.

7. (a) Saq­qum­mersitat 3:1-3 ersersin­neqar­tutut Sardes­simi ilagiit sumik ajor­nar­torsiuteqar­pat? (b) Susariaqar­pugut?

⁷ Saqqummersitat 3:1-3 atuakkit. Eqqumajuar­tariaqar­pugut. Sardes­simi ilagiit allaanerusumik ajor­nar­torsiuteqar­put. Anersaak­kut ingerlal­luarsimagaluarlutik Guutimut kif­far­torun­naarsimap­put. Tamanna pis­sutigalugu Jiisusip ‘iteq­quai’. Tamanna qanoq ilin­niutigisin­naavar­put? Jehovap soorunami iliuutsigut puior­navian­ngilai. (Hebr 6:10) Eqqarsas­san­ngilagulli Jehovamut kif­far­torsimagatta kif­far­tor­tariaarul­luta. Aatsaat taama kil­lilersor­neqar­tigigaluarluta naggatis­saq tikil­lugu eqqumajuar­nik­kut “Naalak­kamut kif­far­tor­nermi” ulap­puteqar­tuar­tariaqar­pugut. – Kor 1. 15:58; Mat 24:13; Mak 13:33.

8. Jiisusip qatan­ngutinut Laodikiiamiit­tunut oqaasii Saq­qum­mersitat 3:15-17 allas­simasut qanoq ilin­niarfigaagut?

 ⁸ Saqqummersitat 3:15-17 atuakkit. Aallus­silluarluta uum­materpullu tamak­kerlugu guutisiortariaqar­pugut. Jiisusip Laodikiiamiit­tunut tusarlius­saanit ajor­nar­torsiut alla erseq­qis­sar­neqar­poq. Guutisior­nerat ‘akun­nap­poq’. Soqutigisaqan­ngim­mata Jiisusip ‘atugarlior­nerarlugillu naak­kinar­nerar­pai’. Jehovamut kif­far­tor­nermi tamaviaarlutik aal­lus­sil­luar­tariaqar­put. (Saqq 3:19) Tamanna qanoq ilin­niarfigisin­naavar­put? Aal­lus­sil­luarun­naarsimagutta anersaak­kut pisuus­sutigut qujamasuutigiler­niar­tariaqar­pagut. (Saqq 3:18) Ilorrisimaarluni inooriaaseqar­neq allamut saasaatigis­san­ngilar­put, aap, anersaak­kut ittunik sam­misaqar­nis­sar­put tunul­liutin­ngisaan­nas­savar­put.

9. Jiisusip Pergamon­nimiit­tunut Tyatiiramiit­tunullu tusarlius­saanit ersersin­neqar­tutut ulorianar­tut suut sam­mis­san­ngilagut?

⁹ Tunus­sisut ilin­niartitsis­sutaat itigartit­tariaqar­pagut. Jiisusip Pergamon­nimiit­tut ilaat avis­saar­tuutsitsisut immik­koor­niar­tullu oqaaq­qis­saar­pai. (Saqq 2:14-16) Tyatiiramiit­tut “Saatanip itis­susiinik” sam­misaqarsiman­ngitsut nersualaarlugillu ilumoor­tumik ‘aalajangiusiman­neq­qul­lugit’ kajumis­saar­pai. (Saqq 2:24-26) Kristumiut san­ngiitsut tas­sani najugaqar­tut ilin­niar­titsis­sutinik eqqun­ngitsunik maleruaalersimasut peq­qis­simisariaqar­put. Uagum­mi? Ilin­niar­titsis­sutit Jehovap eqqarsar­taasianut akerliusut itigar­tit­tariaqar­pagut. Tunus­sisut “Guutimut tun­niusimasuusaar­tar­put uffa tun­niusimanerup pis­saaneranit sun­ner­tik­kumaneq ajorlutik”. (Tim 2. 3:5) Guutip oqaasianik atuaq­qis­saarluar­tarutta ilin­niar­titsis­sutit eqqun­ngitsut suus­susersinis­saat itigar­tin­nis­saallu ajor­nan­ngin­nerus­saaq. – Tim 2. 3:14-17; Juud 3, 4.

10. Jiisusip Pergamon­nimi Tyatiiramilu ilagiin­nut oqaasii qanoq aamma ilin­niarfigisin­naavagut?

¹⁰ Atoqatigiin­nik­kut eqqun­ngitsuliornerit suulluun­niit itigartit­tariaqar­pagut. Pergamon­nimiit­tut Tyatiiramiit­tullu aamma allamik ajor­nar­torsiuteqar­put. Jiisusip ilagiin­niit­tut ilaat atoqatigiin­nik­kut eqqun­ngitsulior­nermik itigar­titsineq ajormata assuarai. (Saqq 2:14, 20) Tamanna qanoq ilin­niarfigisin­naavar­put? Ukior­pas­suarni Jehovamut kif­far­torsimagaluarut­taluun­niit maan­nalu arlalin­nik immik­kut pisin­naatitaaf­feqaraluarutta naatsorsuutigis­san­ngilar­put atoqatigiin­nik­kut eqqun­ngitsulior­ner­put Jehovamit  akuersaar­neqas­sasoq. (Sam 1. 15:22; Pet 1. 2:16) Inuit allat najoq­qutas­siaasa qanoq ajorsiar­tor­tiginerat apeq­qutaatin­nagu Jehovap najoq­qutas­siai qutsis­sut maleruar­tuar­tariaqar­pagut. – Ef 6:11-13.

11. Maan­namut suut ilik­kar­pagut? (Aamma takuuk ungalusaq “ Ilin­niagas­sar­tai”).

¹¹ Ilik­kak­kagut qanoq eqik­karsin­naavagut? Guutisior­nitta Jehovamit akuerineqarsin­naanera qulak­keer­tariaqarlugu sam­mivar­put. Guutip iluarin­ngisaanik arlaan­nik iliuuseqar­tarutta akuerineqarsin­naasumik guutisior­talerumal­luta ingerlaan­naq allan­nguisariaqar­pugut. (Saqq 2:5, 16; 3:3, 16) Jiisusili ilagiin­nut tusarlius­samini allamik eqqaasaqar­poq. Sumik?

12. Sooq Jiisusip Smyr­nami Filadelfiamilu ilagiin­nut tusarlius­sai soqutigisariaqar­pagut? (Saq­qum­mersitat 2:10)

¹² Maanna Jiisusip Smyr­nami Filadelfiamilu ilagiin­nut tusarlius­sai sam­meriar­tigit. Kristumiut taak­kunani najugaqar­tut malersugaanermi aalajaak­kunik akis­sarsisin­neqas­sam­mata siooraq­qun­ngilai. (Saqqummersitat 2:10 atuaruk; 3:10) Tamanna qanoq ilin­niarfigisin­naavar­put? Malersugaanis­sar­put ilimagisariaqarlugulu piner­tusaarusus­suseqar­tariaqar­pugut. (Mat 24:9, 13; Kor 2. 12:10) Eqqaasitsis­sut tamanna sooq pingaaruteqar­pa?

13-14. Guutip innut­tai Saq­qum­mersitat kapitali 12-imi eqqaaneqar­tunit qanoq sun­ner­neqar­pat?

¹³ Saq­qum­mersitani paasitin­neqar­pugut nalitsinni – ‘Naalak­kap ulluani’ – Guutip innut­tai malersor­neqar­tas­sasut. Saq­qum­mersitat kapitali 12-imi Jiisusip kun­ngin­ngor­nerata kingunin­ngua qilammi sorsut­toqalersoq eqqaaneqar­poq. Mikaali – Jiisusi Kristusi qutsis­sisin­neqar­toq – sak­kutuuilu aamma Saatani anersaapiluilu sorsuup­put. (Saqq 12:7, 8) Guutip akerai ajorsar­titaagamik nunarsuarmut igin­neqar­put, tas­sanilu ajorluin­nar­tumik inun­nik naal­liutsitsip­put. (Saqq 12:9, 12) Taman­nali Guutip innut­taanut qanoq sun­niuteqar­pa?

¹⁴ Saatanip qanoq qisuariar­nera Saq­qum­mersitani oqalut­tuarineqar­poq. Qilam­miis­sin­naajun­naarami tanitat kingulerut­tut, Guutip kun­ngeqarfianut nunarsuarmi sin­niisuusut “Jiisusilu pil­lugu ilisiman­nit­tutut nas­suiaanis­samik sulias­saqar­tut”, kamaatingaaler­pai. (Saqq 12:17; Kor 2. 5:20; Ef 6:19, 20) Siulit­tuut tamanna qanoq eqquup­pa?

15. ‘Ilisiman­nit­tut marluk’ Saq­qum­mersitat kapitali 11-mi eqqaaneqar­tut kik­kun­nut assersuutaap­pat, qanorlu pineqar­pat?

¹⁵ Saatanip qatan­ngutit angutit tanitat Kun­ngeqarfik pil­lugu oqaluus­sinermi siulersor­taasut saas­sutsip­pai. Angutit taakku tas­saap­put ‘ilisiman­nit­tut marluk’ assersuutaasumik  toqun­neqar­tut. * (Saqq 11:3, 7-11) 1918-imi qatan­ngutit angutit arfineq-pingasut akisus­saasut eqqun­ngitsumik unnerluutigineqarlutik eqqar­tuus­saagamik sivisuumik par­naarus­sas­san­ngor­tin­neqar­put. Inuit isumaqar­put tanitat taak­kua suliaat “toqusoq”.

16. 1919-imi tupaal­lan­nar­tumik qanoq pisoqarpa, Saatanili taamanimiilli susarpa?

¹⁶ Saq­qum­mersitat kapitali 11-mi siulit­tuummi aamma eqqaaneqar­poq ‘ilisiman­nit­tut marluk’ sivikitsumik toqungareerlutik uum­maq­qis­sasut. Ukioq ataaseq par­naarus­saaq­qareermata siulit­tuut tupaal­lan­nar­tumik eqquup­poq. 1919-ip aal­lar­tin­nerani qatan­ngutit angutit tanitat par­naarus­sivim­miit iperagaap­put, kingusin­nerusuk­kullu unnerluus­sutit tunuar­tin­neqar­put. Qatan­ngutit angutit ingerlaan­naq oqaluus­sisalerlutillu ilin­niar­titsisaler­put. Taman­nali pil­lugu Guutip innut­taanik Saatanip saas­sus­sisar­nini unitsin­ngilaa. Taamanimiilli Guutip innut­tai Saatanip “kuus­suar­tut ittumik” malersor­taler­pai. (Saqq 12:15) Aap, tamatta ‘piner­tusaar­tariaqarlutalu upper­tariaqar­pugut’. – Saqq 13:10.

17. Guutip innut­tai Saatanimit saas­sun­neqar­taraluarlutik ilimagin­ngisamin­nik qanoq ikior­neqar­tar­pat?

¹⁷ Saq­qum­mersitat kapitali 12-imi ersersin­neqar­poq Guutip innut­tai ilimagin­ngisamin­nit ikior­neqar­tas­sasut. Malersuineq ‘kuus­suar­tut ittoq nunarsuup’ iis­savaa. (Saqq 12:16) Taamator­piarlu pisoqar­poq. Saatanip silarsuaani tatigisas­saanerusut, soorlu eqqar­tuus­siviit, ilaan­nik­kut Guutip innut­taanik annaas­sisar­put. Jehovap kif­fai piumasamit­tut iliuuseqar­nerunis­samut eqqar­tuus­sivinni arlaleriarlutik ajugaasar­put. Tamanna qanoq atorluarsimavaat? Silatusaarlutik Jehovap sulias­siis­sutaanik isumagin­nin­nik­kut. (Kor 1. 16:9) Ilaatigut sunik sulias­saqar­pat?

18. Ulluni kingul­lerni mak­kunani pingaar­ner­tut suna sulias­saraar­put?

¹⁸ Jiisusip siulit­tuutigaa naggatis­sap nal­liutin­ngin­nerani innut­tami ‘Kun­ngeqarfik pil­lugu nutaarsias­sat nuan­nersut nunarsuaq tamak­kerlugu oqaluus­sis­sutigis­sagaat’. (Mat 24:14) Oqaluus­sinerminni inngilimit, imaluun­niit inngilinit eqimat­tanit, “nunarsuarmi najugaqar­tunut, inuiaqatigiin­nut, naggueqatigiin­nut, qanorluun­niit oqaasilin­nut inuian­nullu  tamanut nutaarsias­sanik nuan­nersunik atajuar­tus­sanik” tusarlius­sas­saqar­tunit ikior­neqar­tar­put. – Saqq 14:6.

19. Jehovamik asan­nit­tut tusarlius­saq alla suna oqaluus­sis­sutigisariaqar­paat?

¹⁹ Guutip innut­taasa Kun­ngeqarfik pil­lugu nutaarsias­sat nuan­nersut kisiisa oqaluus­sis­sutigisus­saan­ngilaat. Aamma inngilit suliaat Saq­qum­mersitani kapitalini 8-miit 10-mut allaatigineqar­tut tapersersor­tariaqar­paat. Guutip kun­ngeqarfianik itigar­titsisut naal­liuutis­saat arlal­lit inngilinit taak­kunan­nga nalunaarutigineqar­put. Taamaat­tumik Jehovap Nalunaajaasuisa Saatanip silarsuaata ajor­tup immik­koor­tuisa assigiin­ngitsut Guutimit eqqar­tuun­neqar­nis­saan­nik tusarlius­saq ‘nataq­qor­natut inner­tul­lu’ allaatigineqar­toq nalunaarutigisimavaat. (Saqq 8:7, 13) Ullormi Jehovap kamaf­fis­saani inuit aniguis­sagunik inuuner­tik allan­ngor­terujus­suar­tariaqarlugulu naggatis­saq nal­liutingajalersoq paasisariaqar­paat. (Sef 2:2, 3) Tusarlius­sarli tamanna nuan­narineqan­ngim­mat nalunaarutigiumal­lugu sapiit­tariaqar­pugut. Annikil­lior­nar­tus­sarsuarmi eqqar­tuus­sum­mik tusarlius­saq inaarutaasoq inun­nit mamiatsaatigineqar­nerulis­saaq. – Saqq 16:21.

20. Allaaserisani marlunni tul­liut­tuni suut sam­mis­savagut?

²⁰ Saq­qum­mersitani siulit­tuutit eqquun­nis­saan­nut ilaagatta ‘siulit­tuutit taak­kua oqaaser­tai maleruar­tariaqar­pagut’. (Saqq 1:3) Qanorli ilil­luta aalajaal­luta piner­tusaarlutalu tusarlius­sat taak­kua sapiil­luta nalunaarutigiuarsin­naavagut? Marluk nakus­satsis­sutigis­savagut: Siul­ler­tut, Guutip akerai pil­lugit Saq­qum­mersitani paasinarsisin­neqar­tut, aap­paat­tut, aalajaat­tuarutta ajun­ngisaangaar­nerit misigisas­sagut. Sam­misat taakku allaaserisani marlunni tul­liut­tuni sam­mis­savagut.