JIISUSIP qilaliar­tin­nani ajoqersuk­kani ima oqarfigai: ‘Nalunaajaasigis­savas­si nunarsuup isua tikil­lugu al­laat’. (ApS 1:8) Nunarsuaq tamak­kerlugu qanoq nalunaajaasin­naagamik?

Mar­tin Goodman, Oxfordip universitetiani profes­soriusoq, oqar­poq ‘Romamiut naalagaaf­fis­suata pileq­qaar­nerani kristumiut ajoqersuiar­tor­nis­samin­nik ilisiman­nin­ner­tik pingaar­titsiner­til­lu up­perisarsioqatigiin­nit al­lanit, aam­ma juutinit, al­laanerus­sutigigaat’. Jiisusi sumiif­fim­miit sumiif­fim­mut oqaluus­siar­tor­tar­poq. Kristumiut ilumoor­tut Jiisusip maligas­siaa malil­lugu “Guutip naalagaaf­fianik iivangkiiliu” sumi tamani oqaluus­sis­sutigisus­saavaat. Sal­lusuis­sum­mik ilisiman­nik­kusut­tunik ujarler­tus­saap­put. (Luk 4:43) Taman­na pis­sutigalugu kristumiut siul­liit nalaan­ni ‘apustileqar­poq’, oqaaseq isumaqar­toq aal­lar­titaasut. (Mark 3:14) Jiisusip ajoqersuk­kani ima peq­quai: “Taamaat­tumik aal­larlusi inuiaqatigiit tamaasa uan­nut ajoqersugan­ngor­tis­sigit.” – Mat­t 28:18-20.

Jiisusip apustilii aq­qaneq-marluk nunamiik­kun­naareer­put, taak­kuali maligas­siaat Jehovamut kif­faasor­pas­suit kif­far­tor­nermin­ni ilaar­paat. Pisariaqar­titsif­fiunerusumi oqaluus­sinis­samut qaaq­quneqaraangamik ima oqar­tar­put: “Piareersimavunga, aal­lar­tin­nga!” (Es 6:8) Ilaat, soorlu tuusintilik­kuutaat Ilin­niarfim­mi Gileadimi naam­mas­sisimasut, nunanut ungasis­sunut nuus­simap­put. Al­lat nunagisamin­ni al­lamut nuus­simap­put. Oqaluus­sisar­tor­pas­suit ilagiit oqaluus­sisar­toqatigiil­luun­niit ikior­niarlugit oqaatsinik al­lanik ilin­niarsimap­put. Taamaalior­neq oqitsuujuaan­nan­ngilaq, qatan­ngutil­li taak­kua pil­liuteqarusus­suseqar­nermik­kut Jehovamik inoqatinil­lu asan­nin­ner­tik ersersit­tar­paat. Taamaat­tumik pilersaarusioq­qis­saar­tar­put pif­fis­sar­tik, nukitik aningaasaatitil­lu pisariaqar­titsif­fiunerusumi  oqaluus­sinermi ator­neqar­nias­sam­mata. (Luk 14:28-30) Qatan­ngutit angutit ar­nal­lu taak­kua iliuusii naleqangaar­put.

Ilaan­navut pisariaqar­titsif­fiunerusumut nuus­sin­naal­lutil­lu oqaatsinik al­lanik ilin­niarsin­naap­put. Tamat­tali ilagiin­ni at­tavigisatsin­ni ajoqersuiar­tor­titaasutul­lusooq kif­far­torsin­naavugut.

Kristumiut siul­liit nalaan­ni kristumiut amerlanerit il­loqarfim­mi inun­ngorfigisamin­niigin­naraluarlutik ajoqersuiar­tor­titaan­ngik­kaluarlutil­lu oqaluus­sinermi aal­lus­sil­luar­put. Paulusip Timotheusi ima al­laf­figaa: “Iivangkiiliulersaar­tutut suliat ingerlan­niaruk kif­far­tuutil­lu naam­mas­sil­lugu.” (2 Tim 4:5) Oqaatsit taak­ku kristumiunut siul­ler­nut atuup­put ul­lumik­kul­lu suli uagutsin­nut atuul­lutik. Kristumiut tamarmik Guutip naalagaaf­fia pil­lugu oqaluus­sinis­samik ajoqersugan­ngor­titsinis­samil­lu peq­qus­sut naalat­tus­saavaat. Aam­mami ilagiin­ni at­tavigisatsin­ni ajoqersuiar­tor­titat ilaarlugit iliuuserisin­naasavut amerlap­put.

As­sersuutigalugu ajoqersuiar­tor­titat nunanut al­lanut nuuk­kaangamik inooriaaseq al­la sungiun­niar­tariaqar­tar­paat. Oqaluus­sisar­tunik pisariaqar­titsif­fiunerusumut nuus­sin­naan­ngik­kaluarluta oqaluus­seriaatsit al­lat atorlugit inuit oqaluus­sif­figisin­naavavut? As­sersuutigalugu 1940-mi qatan­ngutivut sapaatip-akun­neranut ul­lormi ataatsimi aq­qusinermi nalunaajaaq­qul­lugit kajumis­saar­neqar­put. Aq­qusinermi oqaluus­sineq misilin­nikuuiuk? Biibililersaarutinut atuagaasiviit angal­lat­tak­kat atorlugit oqaluus­sinikuuit? Im­minut ima aperigit: Nutaarsias­samik nuan­nersumik oqaluus­seriaatsinik nutaanik misileerusus­suseqar­punga?

Isumal­luar­tuuneq kif­far­tor­nermi aal­lus­sil­luar­tuunis­samut qiimasuunis­samul­lu iluaqutigis­savat. Oqaluus­sisar­tunik pisariaqar­titsif­fiunerusunut nuut­tut oqaatsinil­luun­niit al­lanik ilin­niar­tut tas­saagajup­put oqaluus­sisar­tut piumasaqaatinik eq­qor­titsil­luar­tuusut, ilagiin­nul­lu iluaqutaal­luarsin­naap­put. As­sersuutigalugu oqaluus­sinermi siut­tuusar­put. Aam­ma ajoqersuiar­tor­titat ilagiin­ni siut­tuugajup­put qatan­ngutit angutit ilagiin­niit­tut nunaqavis­sut piuk­kun­narsitserlugit. Qatan­ngutaaguit angut kuisimasoq ilagiin­ni at­tavigisan­ni up­peqatin­nik kif­far­tuus­serusun­nik­kut ilagiin­ni kif­far­tor­tun­ngor­nis­saq utoq­qaaner­tan­ngor­nis­sarluun­niit kajungeralugu sulis­sutigaajuk? – 1 Tim 3:1.

Aam­ma al­latigut ilagiin­ni ikiuutaasin­naavugut. Tamat­ta, inuusut­tuugut­ta utoq­qaagut­taluun­niit, angutaagut­ta ar­naagut­taluun­niit up­peqatitsin­nut pisariaqar­titsisunut ‘tup­pal­liutaasin­naavugut’. – Kol 4:11.

Up­peqativut ikiorusuk­kutsigit ilisarisimal­luar­tariaqar­pavut. Biibilimi kajumis­saar­neqar­pugut ‘im­mitsin­nut isumageqatigiis­sasugut’, tas­sa ataatsimooraangat­ta up­peqatit­ta pisariaqar­titaat eq­qarsaatigisas­savavut. (Hebr 10:24) Uagut susas­sarin­ngisavut in­nimigiitigalugit up­peqativut taak­kualu pisariaqar­titaat paasiniar­tas­savavut. Im­maqa sulias­sat tungaatigut, misigis­sutsik­kut an­ner­toq­qusersor­neqar­nis­samik Biibilimeersumil­luun­niit qiim­mas­sar­neqar­nis­samik pisariaqar­titaqar­put. Ilumoor­poq ilaan­nik­kut utoq­qaaner­tat ilagiin­niluun­niit kif­far­tor­tut ikiuisuup­pata pitsaanerus­sasoq. (Gal 6:1) Tamat­tali qatan­ngutivut utoq­qaat inoqutigiil­luun­niit ajor­nar­torsiutil­lit ikiorsin­naavavut.

Salvatore taamatut ikior­neqar­poq. Aningaasatigut ajor­nar­torsiorujus­suar­nini pis­sutigalugu sulif­fiutini, il­lor­tik ilaqutariil­lu pigisaasa ilar­pas­sui tunisariaqar­pai. Ilaqut­tani isumakuluutigeqai. Ilaqutariit ilagiin­niit­tut al­lat Salvatorek­kut pisariaqar­titsinerat eq­qumaf­figaat. Salvatore nulialu aningaasatigut sulif­fis­sarsior­neran­nilu ikior­paat, un­nup­pas­suar­nilu ilaqutariit ajor­nar­torsior­tut taak­ku tusar­naarlugil­lu qiim­mas­sar­tar­paat. Ikin­ngutin­naariiler­put. Maan­na ilaqutariit taak­ku marluk pif­fis­sami ajor­nar­torsiorfiungaar­tumi peqatigiit­tar­ner­tik nuan­nersunik eq­qaamasaqarfigaat.

Kristumiut ilumoor­tut up­perisamik al­lanut oqalut­tuarinis­saa tunuarsimaarutigineq ajor­paat. Jiisusi ilaar­tus­saavar­put Guutil­lu neriorsuutai nuan­ningaar­tut kik­kun­nut tamanut tusarliul­lugit. Nuus­sin­naagut­ta nuus­sin­naan­ngik­kaluarut­taluun­niit tamat­ta ilagiin­ni at­tavigisatsin­niit­tunik ikiuiniarluta sapin­ngisatsin­nik iliuuseqarsin­naavugut. (Gal 6:10) Taamaalior­nik­kut tunisinerup pil­luar­nar­tuunera misigalugulu ‘ajun­ngitsulianik tamanik inerititaqas­saagut’. – Kol 1:10; ApS 20:35.